رواية خائنه الفصل الثامن بقلم جمانه السعيدي
نيران....استمرت علاقتي بشمران
وياس ابد ما حس بشي
إلى أن يوم كعدت الصبح من النوم نفسي تلعب
كبل للحمام تقيئت
احس الدنيا كلها تفتر بيه
بقيت كاعده بلحمام اكثرمن ربع ساعه طلعت احس
بلاعيمي اجرحن
هلكد ما تقيئت
اريد اذكر اني شكلت ليش هيج روحي تكلب
بقيت للضهر واني احس نفسي تلعب وراسي يوجعني
لازم اروح اشوف شكوووو ليش هيج حالتي اليوم
ايجوز تسمم لو استبراد من السبح كل يوم
اتصلت على ياس
نيران....صباح الخير
ياس...صباح الخير شبي صوتج
نيران...مااعرف شبيه نفسي تلعب بلاعيمي انشحطن هلكد ما اتقيئت
ياس....روحي للمستشفى لا تكعدين خاف تسمم
نيران...اي هسه اتصل على حنان نروح اني وياها
ياس...تمام ديري بالج على نفسج
اتصلت بااختي اجتني ورحنا للمستشفى
الدكتوره بلطوارء كالت لازم تحليل حتى نحدد شنو عندج
اجت السستر اخذت مني دم
نيران....خل ننتضر برا هاي الريحه بلطوارء لعبت نفسي بلزايد
شويه وطلع التحليل جان تكول الدكتوره وينها المريضه
اجتني حنان اني كاعده بلحديقه انتضر
حنان...الدكتوره تريدج
دخلنا عليها
الدكتوره....ماما انتي حامل شكم طفل عندج
نيران....شلون واحد ضربني على راسي حتى عيوني مارمشن
حنان....يااا دكتوره فدوه العينج تحجين صدك
الدكتوره....ليش هي ماعدها اطفال
حنان...اي ماعدها اطفال
الدكتوره...مبروك
نيران....حنان والدكتوره يحجن واني عقلي راح بغير مكان
هذا الطفل مو ابن ياس
هذا ابن شمران اني شسويت بنفسي
ماحجيت ولا كلمه
الدكتوره....شبيج ماما
حنان...دكتوره انصدمت ما مصدكه اذا زوجها عرف اليوم شيسوي من الفرحه محروم كل هاي السنين
شكرا دكتوره
طلعتني حنان برا تحجي وياي ماارد عليها
الساني انعكد مااعرف شحجي وشكول
أجرنا تكسي ورجعنا للبيت
حنان ماقبلت تعوفني لان حست اكو شي غلط
اني كل حواسي اجمدت ما فرحانه بحملي لان اعرف
هذا الي بطني مو ابن ياس هذا نتيجة علاقه محرمه
حنان...شبيج حبيبي ليش هيج ساكته
اكيد من الصدمه الله يساعدج
نيران. كمت ابجي انهاريت مااعرف اني شنو جاي يصير وياي معقوله الطفل الي جنت منتضرته
يجي من علاقه محرمه
جمانه السعيدي
اخذتني حنان الغرفتي تمددت وتغطيت مااعرف شلون اتصرف شسوي
عافتني حنان وراحت البيتها لان جهالها كلهم بلدوام
بقيت بلفراش ابد ماكمت
راسا اجتني رساله من شمران
.....وينج حبيبتي اليوم ماكوووو يمج احد بلبيت
قريت الرساله وكمت على حيلي رحت الغرفته
بس فتحت الباب وشافني وجهي شحاله وابجي
شمران...ياستار شبيج
نيران....اني حامل منك
شمران....شنو عيدي ما فهمت
نيران...اني حامل منك
شمران...شنو مني تحجين صدك تشاقين
نيران...احجي صدك
شمران.. ترا انتي مزوجه
نيران...ياس ما يخلف عنده مرض يمنع يصير عنده اطفال
شمران...واني شنو علاقتي بلموضوع
نيران...ابنك بطني
شمران... لا مو ابني ومالي شغل بي ومن هاي اللحظه انسي انتي عرفتيني
نيران...اني لازم اطلك ونزوج اني وياك
شمران...تحجين صدك تخبلتي اني بعد ماابقى هنا دقيقه وحده شنو تطلكين وازوجج شمالني مزوج وحده بكد امي لاتكونيبن صدكتي اني احبج
بابا اني جنت اضحك عليج عايش براسج
نيران...يحجي وياي وهو يجمع بملابسه ويخليهن بلجنطه
شمران...اني ماازوج وحده خاينه انتي زوجج الي خادمج وما منقص عليج شي خنتي
اله اني اني رايح منا وبعد ماوتشوفين وجهي ابد
اخذ جنطته وطلع وطبك الباب واني واكفه ودموعي تجري مامصدكه الموقف والكلام الي كاله
صحيح اني خاينه مااستاهل هاي العيشه
طلعت وطبكت الباب وراي
رجعت الغرفتي وكمت ابجي اضرب على بطني اني شكد حقيره
صعدت على الجربايه وكمت اكمز اضرب بطني كل قوتي بدون فايده تعبت وكعدت كمت ابجي
نفسي كامت تلعب بلزايد وراسي راح ينفجر من الالم
بسبب البجي
اتصل عليه ياس ماكدرت ارد علي بااي عين ارد علي
رجع اتصل اكثر من خمس مرات
نيران....الو
ياس.. هااا حبيبي ليش ماتردين شبي صوتج
نيران...اهييي اهييي اهيي
ياس...يابويه تبجين تبجين واني موجود هسه جايج
طاير بس ليش تبجين شكال الدكتور
نيران...مابيه شي بس ضايجه
ياس..اجيتج حبيبتي انتي
جمانه السعيدي
ساعه تقريبا ووصل بس نزل من السياره اجت حنان
جايبه اكل وجايه التقو بلباب هو وياها
حنان....شلونك شلون صحتك الف مبروك اليوم الفرحه مالها مثيل يارب يتمم الكم على خير ويصيرون عشر ولد مو واحد
ياس....شنو مافهمت
حنان...ياا اني خربت المفاجئه نيران حامل
ياس....حامل تحجين صدك لو تشاقين
حنان.. اي احجي صدك اني رحت وياها للمستشفى سوت تحليل ورجعت البيتي غديت الجهال واجيت جبتلها اكل
ياس دفع الباب بسرعه عاف حنان تحجي ودخل كبل الغرفة النوم لكاني مدده
ياس...حنان تحجي صدك انتي حامل
نيران.. كمت ابجي حيل ولله مايستاهل مني اكون خاينه
راسا سجد الرب العالمين رجع عليه يبوس بايدي
ياس.. ليش تبجين عيوني انتي ليش تبجين اليوم اني اسعد واحد بهاي الدنيا واخيرا اتحقق حلمي وراح اصير اب
الحمد لله والشكر الف الحمد الله والشكر
نيران...كانت فرحت ياس ما تنوصف المسكين فرحان بطفل مو ابنه
اسبوع كامل ياس ابد ما طلع من البيت يوكلني ويشربني
وينومني على ايده
ياس...انتي ليش مو فرحانه مثلي اني مامصدك
نيران... تعبانه من الحمل
ياس... يابعد روحي انتي كون التعب بيه ولا بيج
أاصعب ايام مرت عليه هاي الايام عايشه صراع وياا نفسي
بلنسبه الشمران اختفى بعد ماعرفت عنه شي
وياس كان احن عليه من اهلي طول فترة حملي الي خلصته بس ابجي احساس الندم فضيع ما ينحمل ابد
منا لمن جبت ولد هلكد مافرحان بي ياس ابد ماركز
على ملامحه الولد نسخه من شمران
كلما يكبر شويه ياس يتعلق بي اكثر واكثر وهو متخيل على ياس اذا يطلع يبقى يبجي ورا
من عمر سنه ياخذه وياا بلسياره يفرفر بي ابد ماكو اب يحب ابنه مثل ما ياس يحب جعفر متخبل علي
اذا يطلع اجره كل نص ساعه يتصل يطمن علي
اذا يتمرض يكابله ويكوم يبجي علي
جاب حصاله جبيره يخلي بيها فلوس يكول اريد اجمع اشتري سياره الجعفر كون سياره حديثه
مرات يحضنه حيل يكول خاف مااشوفه عريس اني جبير خاف مااشوف جهاله
جمانه السعيدي
عمر جعفر خمس سنوات حاليا واني الحد هاي اللحظه عايشه بندم مرات اكول لازم اعترف الياس بلحقيقه
وارجع افكر بي شكد متعلق بجعفر واكول يموت اذا عرف الحقيقه ياس مو زغير مراح يتحمل هيج صدمه ابد
المشتمل فتحنا على بيتنا اني كلت الياس بعد مااريد مؤجرين عوف البيت هيج
اني تبت توبه نصوحه لله تعالي كل وقتي استغفر واصلي
وادعي واتوسل بلله تعالى يغفرلي ذنبي
كل ليله ابجي لمن راسي يطك من البجي واتوسل بلله تعالى يغفرلي جهلي وخطيئتي
كنت بلاوعي نسيت نفسي ومشيت بطريق الحرام
اتمنى رب العالمين يغفرلي ويتمم ستره عليه
دائما اكول يمكن بيوم من الايام ياس يكتشف الحقيقه
مثل ما نسمع بلقصص اتمنى مايجي هذا اليوم ابد
ورب العالمين يتمم ستره عليه للابد لان اني تبت توبه نصحوه لله تعالى
انتهت القصه تعالو نشوف منو الغلطان
اول واحد غلطان عائلة نيران المفروض يرجعوها للمدرسه
ويخلوها تلتهي بلمدرسه وماتحصر تفكيرها بس بلزواج
وغلطتهم الثانيه وافقو على ياس ياس جبير وعنده مشكله بلانجاب المفروض يرفضون هذا الزواج
ثاني واحد غلطان ياس يعرف نفسه مايصير عنده اطفال
وعنده زوجه دره انسانه ما تتعوض بس عافها ومشى ورا حجي الناس وحب يجرب غلط هاي الخطوه منه
جاب بنيه شابه وحبسها بلبيت ولتهى عنها بلشغل
لو منطيها شويه من وقته جان ماسويت الغلط كلشي وفر الها الفلوس والسكن والاكل والحريه بس نسى اهم شي وجوده يمها كلش مهم حتى يسد الفراغ العاطفي بحياتها
اما المذنبه الاكبر بهاي القصه نيران جان المفروض
ماتغلط هيج غلطه من البدايه اذا ماعجبج الوضع انفصلي ولا تبقين ادورين حجج وهميه
انتي تعرفين هذا الي سويتي غلط بس قبلتي تمشين بطريق الغلط والحرام
لو انفصل عنه وارجع الاهلي الدراستي وانتضر قسمتي
لو اشتغل واملي هذا الوقت بس طريق الحرام لا
الخيانه لا اي مبرر منج مامقبول لو كلشي يصير وياج
بس ماتمشين بطريق الحرام وتتحججين فراغ عاطفي
أملي وقتج بلعباده نصيحه ابد لا تعوفين الاستغفار
والدعاء بلستر يمكن رب العالمين يتمم ستره عليج
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
