رواية المتشردة والغيور الفصل الثامن بقلم مرج البحر
ﺧﻞ ﻧﺘﻌﺮﻑ ﻋﻠﻰ ﺑﻄﻠﻨﺎ ﺣﻤﺰﺍﻭﻱ
ﺣﻤﺰﺓ ....... ﺍﻟﺴﻼﻡ ﻋﻠﻴﻜﻢ ﺍﻧﻲ ﺣﻤﺰﺓ ﻣﻦ ﺍﻟﺒﺼﺮﺓ ﻋﻤﺮﻱ 27 ﺳﻨﺔ ﻃﺎﻟﺐ ﺟﺎﻣﻌﺔ ﻣﺮﺣﻠﺔ ﺭﺍﺑﻌﺔ ﺍﻧﻲ ﺻﺢ ﻋﻤﺮﻱ ﺍﻛﺒﺮ ﻣﻦ ﺍﻥ ﺍﻛﻮﻥ ﻃﺎﻟﺐ ﺑﺲ ﺍﻧﻲ ﻣﺎﺍﺣﺐ ﺍﻟﺪﺭﺍﺳﺔ ﻭﺍﻋﻴﺪ ﺍﻟﺼﻒ ﻋﺪﺕ ﺍﻟﺜﺎﻟﺚ ﻣﺮﺗﻴﻦ ﻭﺍﻟﺴﺎﺩﺱ ﻣﺮﺓ
ﺟﻨﺖ ﺍﻋﻴﺪ ﺣﺘﻰ ﻻ ﺍﻛﻤﻞ ﺩﺭﺍﺳﺔ ﺑﺲ ﺟﺎﻧﺖ ﺍﻣﻲ ﺗﺰﻋﻞ ﻭﺗﺮﻭﺡ ﻻﺧﻮﺍﻟﻲ ﻭﺍﺑﻮﻱ ﻳﻄﺮﺩﻧﻲ ﻣﻦ ﺍﻟﺒﻴﺖ ﺣﺘﻰ ﺍﺑﻘﻰ ﺑﺎﻟﻤﺪﺭﺳﺔ ﻭﺍﺭﺟﻊ ﺍﺩﺍﻭﻡ ﺷﻠﻌﺖ ﻛﻠﺐ ﺍﻫﻠﻲ ﻟﻤﻦ ﺩﺧﻠﺖ ﺍﻟﺠﺎﻣﻌﺔ ﻃﻠﻌﻠﻲ ﺑﺄﺭﺑﻴﻞ ﻗﺴﻢ ﺩﺍﺧﻠﻲ ﻭﺍﻟﻠﻪ ﻋﺎﻗﺒﻨﻲ ﻳﻤﻜﻦ ﻻﻥ ﺷﻠﻌﺖ ﻛﻠﺐ ﺍﻣﻲ ﻭﺍﺑﻮﻱ ﺭﺍﺩ ﻳﺸﻠﻊ ﻛﻠﺒﻲ ﺑﺲ ﻣﻦ ﺩﺧﻠﺖ ﺍﻟﺠﺎﻣﻌﺔ ﻭﺷﻔﺖ ﺍﻟﻨﺎﺱ ﻭﻃﺒﻘﺔ ﺍﻟﺮﻗﻲ ﻭﺍﻟﺜﻘﺎﻓﺔ ﻳﻌﻨﻲ ﺟﻮ ﻳﺨﺘﻠﻒ ﻋﻦ ﺟﻮ ﺍﻟﻤﺪﺭﺳﺔ
ﻳﻌﻨﻲ ﻧﺎﺱ ﻭﺻﺪﺍﻗﺔ ﺑﺼﺮﺍﺣﺔ ﺗﻨﺪﻣﺖ ﻻﻥ ﺟﻨﺖ ﺍﺭﻳﺪ ﺍﺗﺮﻙ ﺍﻟﻤﻬﻢ ﺍﺳﻮﻟﻔﻠﻜﻢ ﻋﻦ ﻋﺎﺋﻠﺘﻲ ﺍﻣﻲ ﻭﺍﺑﻮﻱ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ﻋﻨﺪﻱ 2 ﺍﺧﻮﺍﻥ ﻭﻭﺍﻧﻲ ﺍﻟﺜﺎﻟﺚ ﻭﻋﻨﺪﻱ 2 ﺍﺧﻮﺍﺕ
ﺍﺧﻮﻱ ﺍﻟﭽﺒﻴﺮ ﺍﺳﻤﻪ ﻣﺤﻤﺪ ﻣﺘﺰﻭﺝ ﻭﻋﻨﺪﻩ 3 ﺍﻃﻔﺎﻝ ﻭﻣﺎﺧﺬ ﺑﻨﺖ ﺟﻮﺍﺭﻳﻨﻨﺎ
ﻭﺍﻧﻲ ﺍﻟﺜﺎﻧﻲ
ﻭﺍﻻﺻﻐﺮ ﻣﻨﻲ ﺍﺳﻤﻪ ﺍﺣﻤﺪ ﻋﻤﺮﻩ 25 ﺧﺮﻳﺞ ﻋﻠﻮﻡ ﺣﺎﺳﺒﺎﺕ
ﻫﻬﻬﻬﻬﻪ ﺍﺩﺭﻱ ﺑﻲ ﺍﺻﻐﺮ ﻣﻨﻲ ﻭﺗﺨﺮﺝ ﻭﺍﻧﻲ ﺍﻟﭽﺒﻴﺮ ﺑﻌﺪﻧﻲ
ﺍﻟﻤﻬﻢ ﺍﺧﻮﺍﺗﻲ ﻧﻮﺭ ﻋﻤﺮﻫﺎ 20 ﺳﻨﺔ ﻣﺘﺰﻭﺟﺔ ﺻﺎﺣﺒﻲ ﻭﺧﻮﻳﻲ ﺍﺳﻤﻪ ﺳﺠﺎﺩ ﻭﺍﻟﺼﻐﻴﺮﺓ ﺍﺧﺮ ﺍﻟﻌﻨﻜﻮﺩ ﺯﻫﺮﺍﺀ ﻋﻤﺮﻫﺎ 18 ﺳﻨﺔ ﺍﺣﻨﺔ ﻧﺴﻤﻴﻬﺎ ﺍﻟﻤﺨﺒﻠﺔ ﻟﻮ ﺍﻟﻤﺸﻌﻮﺫﺓ ﻣﺎﻝ ﺍﻟﺒﻴﺖ ﻣﺎﻟﺘﻨﺎ
ﺍﻧﻲ ﺻﺎﺭﻟﻲ 3 ﺳﻨﻮﺍﺕ ﺍﺩﺭﺱ ﺑﺄﺭﺑﻴﻞ ﻣﺎﻛﺎﻋﺪ ﺑﺎﻟﺴﻜﻦ ﺍﻟﺠﺎﻣﻌﻲ ﻛﺎﻋﺪ ﺑﺒﻴﺖ ﻗﺮﻳﺐ ﻋﻠﻰ ﺟﺎﻣﻌﺘﻲ ﺑﺎﻻﻳﺠﺎﺭ ﺍﻧﻲ ﻣﺎﺭﺩﺕ ﺍﻧﻨﻘﻞ ﻟﻠﺒﺼﺮﺓ ﺣﻠﺘﻠﻲ ﺍﻟﺪﺭﺍﺳﺔ ﺑﺄﺭﺑﻴﻞ ﻭﺑﻴﺘﻲ ﺻﻐﻴﺮ ﻛﻠﺶ ﻣﺴﺎﺣﺘﻪ 100 ﻣﺘﺮ ﺑﻲ ﻗﺎﻁ ﺛﺎﻧﻲ ﺑﺲ ﻣﺄﺟﺮﻩ ﺍﻟﺮﺟﺎﻝ ﻳﻌﻨﻲ ﺍﻧﻲ ﻣﺄﺟﺮ ﺍﻟﺠﻮﺓ ﻭﺍﻛﻮ ﻭﻟﺪ ﻣﺄﺟﺮ ﺍﻟﻔﻮﻙ ﺑﺲ ﺍﻟﻮﻟﺪ ﺍﻟﻔﻮﻙ ﻣﻮ ﻃﺎﻟﺐ ﻻ ﻫﻮ ﺷﻐﻠﻪ ﺑﺄﺭﺑﻴﻞ ﺍﺳﻤﻪ ﻣﺮﺍﺩ ﻣﺘﺰﻭﺝ ﻭﻋﻨﺪﻩ ﻭﻟﺪ ﻳﺨﺒﻞ ﻳﺴﻤﻴﻨﻲ ﻋﻤﻮ ﻛﻠﺶ ﺧﻮﺵ ﻋﺎﺋﻠﻪ
ﺍﻧﻲ ﻣﺄﺟﺮ ﺍﻟﺒﻴﺖ ﻣﻦ ﺭﺟﺎﻝ ﺑﺲ ﺷﻠﻊ ﮔﻠﺒﻲ ﻻﻥ ﺍﻧﻲ ﺷﺎﺏ ﻭﻋﺰﺍﺑﻲ ﺍﺑﻮ ﺍﻟﺒﻴﺖ ﻛﺮﺩﻱ ﻫﻮ ﺭﺟﺎﻝ ﺿﻌﻴﻒ ﻭﻗﺼﻴﺮ ﻭﻇﻬﺮﻩ ﻣﺤﻨﻲ ﻭﺍﺑﻴﺾ ﻣﺎﻋﻨﺪﻩ ﺷﻌﺮ ﻳﻤﻮﺗﻨﻲ ﺑﺤﺮﻛﺘﻪ ﻣﻦ ﻳﺴﻮﻟﻒ ﻳﻈﻞ ﻳﻨﺰﻉ ﺍﻟﻨﻈﺎﺭﺓ ﻳﻤﺴﺤﻬﺎ ﻭﻳﻠﺒﺴﻬﺎ ﻣﻦ ﺍﺳﻮﻟﻒ ﻭﻳﺎ ﻳﺴﻮﻱ ﻫﺎﻱ ﺍﻟﺤﺮﻛﺔ ﻳﻤﻜﻦ 50 ﻣﺮﺓ ﺍﻧﻲ ﺍﺩﻭﺥ ﻭﺍﻣﻞ ﻭﻫﻮ ﻭﻻ ﻳﻤﻪ
ﺷﻠﻊ ﻛﻠﺒﻲ ﻣﻦ ﺃﺟﺮﺕ ﺍﻟﺒﻴﺖ ﻳﻮﻣﻴﺔ ﺟﺎﻳﺒﻨﻲ ﻣﺎﺍﺭﻳﺪ ﺑﻨﺎﺕ ﻣﺎﺍﺭﻳﺪ ﺳﻮﺍﻟﻒ ﺍﻟﺸﺒﺎﺏ ﺍﻧﻲ ﻟﻮ ﻣﺎ ﻣﺮﺗﺎﺡ ﺑﺎﻟﺒﻴﺖ ﻭﻗﺮﻳﺐ ﻋﻠﻰ ﺟﺎﻣﻌﺘﻲ ﻣﺎﺍﺟﺮﻩ ﺣﺘﻰ ﺍﺻﺪﻗﺎﺋﻲ ﻣﺎﻳﺠﻮﻥ ﻟﻠﺒﻴﺖ ﻣﻦ ﻭﺭﺍﺀﻩ ﺣﺴﺮﺓ ﻳﻨﺪﻙ ﺍﻟﺒﺎﺏ ﻟﻮ ﻳﺠﻴﻨﻲ ﺍﺣﺪ ﺍﻟﻜﺎﻩ ﻓﻮﻙ ﺭﺍﺳﻲ ﻭﻳﻜﻌﺪ ﻣﻨﻮ ﻫﺬﺍ ﻭﻣﻨﻴﻦ ﻭﻳﻈﻞ ﻛﺎﻋﺪ ﻟﻤﻦ ﻳﻄﻠﻊ ﺍﻟﻀﻴﻒ ﺍﻟﻰ ﺍﻥ ﻛﻄﻌﻮ ﺟﻤﺎﻋﺘﻲ ﻛﻤﻨﺎ ﻧﻠﺘﻘﻲ ﺑﺮﺓ
ﻋﺒﺎﻟﻪ ﻧﺴﻜﺮ ﻟﻮ ﻧﺠﻴﺐ ﺑﻨﺎﺕ ﻟﻠﺒﻴﺖ ﻫﻮ ﻳﺘﺨﺒﻞ ﻣﻦ ﻫﺎﻱ ﺍﻟﺴﻮﺍﻟﻒ ﺣﻘﻪ ﺍﻟﻤﻬﻢ ﻣﺮﺓ ﺟﻨﻨﺎ ﻃﺎﻟﻌﻴﻦ ﺍﻧﻲ ﻭﺍﻟﺸﺒﺎﺏ ﻭﻭﻧﺴﺔ ﻭﻛﺬﺍ ﻭﺭﺣﻨﺎ ﻋﻠﻰ ﺑﻴﺖ ﻭﺍﺣﺪ ﻣﻦ ﺍﻟﻮﻟﺪ ﻣﻦ ﺍﻫﻞ ﺍﺭﺑﻴﻞ ﻫﻢ ﺳﻮﺍﻟﻒ ﺍﻧﻲ ﻋﺎﻻﺳﺎﺱ ﺍﺭﻭﺡ ﻟﻠﺒﺼﺮﺓ ﺑﻬﺎﻱ ﺍﻟﻌﻄﻠﺔ ﺑﺲ ﺗﻌﻄﻠﺖ ﻋﻠﻤﻮﺩ ﺻﺪﻳﻘﻲ ﻋﻨﺪﻩ ﻋﻤﻠﻴﺔ ﺳﻮﺍﻫﺎ ﺍﻭﻝ ﻳﻮﻡ ﺍﻟﻌﻄﻠﺔ ﻇﻠﻴﻨﺎ ﻭﻳﺎ ﻭﺑﻴﻮﻡ ﺭﺣﻨﺎ ﻧﺴﻠﻢ ﻋﻠﻴﻪ ﺧﻄﻴﺔ ﻇﺎﻳﺞ ﻇﻠﻴﻨﺎ ﻳﻤﻪ ﻭﺍﺧﺬﻧﺎ ﺍﻟﻮﻗﺖ ﺑﺎﻟﺴﻮﺍﻟﻒ ﻭﺍﻟﻀﺤﻚ ﺷﻔﺖ ﺍﻟﺴﺎﻋﺔ ﺏ 2 ﻭﻧﺺ ﻛﻠﺘﻠﻬﻢ
ﻳﺎﻟﻠﻪ ﺷﺒﺎﺏ ﺍﻧﻲ ﺍﺗﺮﺧﺺ ﺍﺭﻳﺪ ﺍﺭﺟﻊ ﻟﻠﺒﻴﺖ ﺣﺒﻴﺒﻲ ﺳﺎﻣﺮ ﻳﻤﻚ ﺍﻟﻌﺎﻓﻴﺔ ﺍﻥ ﺷﺎﺀ ﺍﻟﻠﻪ
ﺳﺎﻣﺮ ....... ﺣﻤﺰﺓ ﺷﻮﻛﺖ ﺗﻄﻠﻊ ﻟﻠﺒﺼﺮﺓ
ﺣﻤﺰﺓ ...... ﺑﺎﺟﺮ ﺍﺫﺍ ﺍﻟﻠﻪ ﺷﺎﺀ ﻭﺳﻬﻞ ﻛﻮﻝ ﺧﻮﻳﺔ ﻣﺤﺘﺎﺝ ﺷﻲ
ﺳﺎﻣﺮ ....... ﺍﺭﻳﺪ ﻣﻦ ﻫﺬﻳﺞ ﺍﻟﺤﻼﻭﺓ ﺍﻟﺠﺒﺘﻬﺎ ﻭﻳﺎﻙ ﻫﺬﻳﺞ ﺍﻟﻤﺮﺓ
ﺣﻤﺰﺓ ........ ﺗﺪﻟﻞ ﻳﺎﻟﻠﻪ ﺗﺼﺒﺤﻮﻥ ﻋﻠﻰ ﺧﻴﺮ
ﻃﻠﻌﺖ ﺍﻣﺸﻲ ﺑﺴﻴﺎﺭﺗﻲ ﺍﻟﺪﻧﻴﺎ ﻟﻠﻴﻞ ﺍﻟﺠﻮ ﺑﺎﺭﺩ ﻭﺍﻧﻲ ﺍﻣﺸﻲ ﺷﻔﺖ ﺑﻨﻴﺔ ﻛﻮﺓ ﺗﺮﻛﺾ ﻭﻭﺭﺍﻫﺎ ﻭﻟﺪ ﻳﺮﻛﻀﻮﻥ ﺩﻛﻴﺘﻠﻬﻢ ﻫﻮﺭﻥ ﻭﺿﺮﺑﺖ ﺍﻻﻳﺖ ﻣﺎﻝ ﺍﻟﺴﻴﺎﺭﺓ ﻫﻢ ﺷﺮﺩﻭ ﻭﺩﺧﻠﻮ ﺑﺎﻟﻔﺮﻉ ﺑﺲ ﺍﻟﺒﻨﻴﺔ ﺟﺎﻧﺖ ﻛﻮﺓ ﺗﺮﻛﺾ ﻇﻠﻴﺖ ﺍﻣﺸﻲ ﻭﺭﺍﻫﺎ ﺑﺎﻟﺴﻴﺎﺭﺓ ﺍﺭﻳﺪ ﺍﺷﻮﻑ ﺷﺒﻴﻬﺎ ﻫﺎﻱ ﺗﺮﻛﺾ ﺍﺩﻛﻠﻬﺎ ﻫﻮﺭﻥ ﺗﺮﻛﺾ ﺍﺩﺭﻱ ﺑﻴﻬﺎ ﺧﺎﻳﻔﺔ
ﺑﺲ ﺍﻟﺴﺎﻟﻔﺔ ﺑﻴﻬﺎ ﺷﻲ ﺑﻨﻴﺔ ﺑﻨﺺ ﺍﻟﻠﻴﻞ ﺗﺮﻛﺾ ﺑﺎﻟﺸﺎﺭﻉ ﻭﻭﺣﺪﻫﺎ ﻭﺟﺎﻧﺖ ﻛﻮﺓ ﺗﻤﺸﻲ ﻭﺑﻴﺪﻫﺎ ﺟﻨﻄﺔ ﺷﻔﺘﻬﺎ ﻭﻛﻔﺖ ﺑﺲ ﻣﺪﺭﻱ ﻭﻳﻦ ﺭﺍﺣﺖ ﻧﺰﻟﺖ ﺍﺻﻴﺢ ﺍﺣﺎﺟﻴﻬﺎ ﻛﻮﺗﻠﻬﺎ ﻣﺎﺍﺳﻮﻳﻠﺞ ﺷﻲ ﺑﺲ ﺍﻋﺮﻑ ﻟﻴﺶ ﻫﻲ ﺑﺎﻟﺸﺎﺭﻉ ﺑﻬﻴﺞ ﻭﻗﺖ ﻭﺍﻟﺠﻮ ﺑﺎﺭﺩ ﻛﻠﺶ ﻣﻮﺕ
ﻣﺎﺣﺠﺖ ﺭﺩﺕ ﺍﺭﺟﻊ ﺍﺻﻌﺪ ﺑﺎﻟﺴﻴﺎﺭﺓ ﻃﺒﻌﺎ ﺍﻧﻲ ﺑﺎﻟﻤﺮﺣﻠﺔ ﺍﻟﺜﺎﻧﻴﺔ ﺍﺷﺘﺮﻳﺖ ﺳﻴﺎﺭﺓ ﺣﺘﻰ ﺗﺴﻬﻠﻠﻲ ﺭﻭﺣﺎﺗﻲ ﻭﺟﻴﺎﺗﻲ ﺍﻟﻤﻬﻢ ﻣﻦ ﺭﺩﺕ ﺍﺭﺟﻊ ﺳﻤﻌﺖ ﺷﻲ ﻃﺎﺡ ﻣﻦ ﻭﺭﺍﺀ ﺍﻟﺘﺎﻧﻜﻴﺎﺕ ﺭﺣﺖ ﺷﻔﺖ ﺍﻟﺒﻨﻴﺔ ﻭﺧﻠﻴﺔ ﺍﻟﺠﻨﻄﺔ ﻛﺪﺍﻣﻬﺎ ﺣﺘﻰ ﻣﺎﺗﻨﺸﺎﻑ ﺳﺤﺒﺖ ﺍﻟﺠﻨﻄﺔ ﻛﻮﻟﺘﻠﻬﺎ ﺍﻧﺘﻲ ﻫﻨﺎ
ﺭﻳﺎ ........ ﻭﻛﻌﺖ ﺍﻟﺠﻨﻄﺔ ﻏﻤﻀﺖ ﻋﻴﻮﻧﻲ ﻗﻮﻱ ﻭﺍﺩﻋﻲ ﻛﻮﻥ ﻣﺎﺳﻤﻌﻨﻲ ﺑﺲ ﺍﻧﺴﺤﺒﺖ ﺍﻟﺠﻨﻄﺔ ﻭﺣﺎﺟﺎﻧﻲ ﺭﺟﺎﻝ ﻛﻮﺗﻠﻪ ﺍﻧﻲ ﺑﺄﻣﺎﻧﺔ ﺍﻟﻠﻪ ﻭﺍﻣﺎﻧﺘﻚ ﻻﺗﺴﻮﻳﻠﻲ ﺷﻲ ﺍﻟﻘﺮﺃﻥ ﻋﻠﻴﻚ ﺍﻟﻠﻪ ﻋﻠﻴﻚ ﻻﺗﺴﻮﻳﻠﻲ ﺷﻲ ﻣﻮ ﻣﻦ ﻫﺬﻥ ﺍﻟﺒﺎﻟﻚ ﺍﻧﻲ ﻋﻔﻴﺔ ﻻﺗﺴﻮﻳﻠﻲ ﺷﻲ
ﺣﻤﺰﺓ ...... ﻟﺤﻈﺔ ﻟﺤﻈﺔ ﺷﺒﻴﺞ ﻭﺍﻟﻠﻪ ﻣﺎﺍﺳﻮﻳﻠﺞ ﺷﻲ ﺑﺲ ﺍﻧﺘﻲ ﺷﻤﻄﻠﻌﺞ ﺑﺎﻟﻬﻠﻠﻴﻞ ﻭﻳﻦ ﺭﺍﻳﺤﺔ ﻭﻳﻦ ﺍﻫﻠﺞ
ﺭﻳﺎ ...... ﺭﺩﺕ ﺍﺭﺟﻊ ﺑﺲ ﻛﻮﻟﺖ ﻭﺍﻟﻠﻪ ﻣﺎﺍﺭﺟﻊ ﻛﻮﺗﻠﻪ ﺍﺧﻮﺍﻧﻲ ﻃﺮﺩﻭﻧﻲ ﻣﻦ ﺍﻟﺒﻴﺖ
ﺣﻤﺰﺓ ...... ﻭﺍﻫﻠﺞ ﻭﻳﻦ ﺍﻣﺞ ﺍﺑﻮﺝ ﺍﻫﻠﺞ ﻋﻤﺎﻣﺞ
ﺭﻳﺎ ....... ﻭﺍﻧﻲ ﺍﺑﺠﻲ ﻛﻮﺗﻠﻪ ﺍﻣﻲ ﻭﺍﺑﻮﻱ ﻣﺎﺗﻮ ﻭﻣﺎﻋﻨﺪﻱ ﻋﻤﺎﻡ ﻭﺍﺧﻮﺍﻧﻲ ﻃﺮﺩﻭﻧﻲ
ﺣﻤﺰﺓ ....... ﻛﻮﻣﻲ ﻛﻮﻣﻲ ﻭﻳﺎﻱ ﻛﻮﻣﻲ ﻻﺗﻈﻠﻴﻦ ﺑﺎﻟﺸﺎﺭﻉ
ﺭﻳﺎ ....... ﻭﻳﻦ ﻣﺎﺧﺬﻧﻲ ﺍﻟﻠﻪ ﻋﻠﻴﻚ ﺭﻭﺡ ﻭﻻﺗﺄﺫﻳﻨﻲ ﻭﺍﻟﻠﻪ ﺍﻧﻲ ﻳﺘﻴﻤﺔ ﻋﻔﻴﺔ ﻻﺗﺄﺫﻳﻨﻲ
ﺣﻤﺰﺓ ....... ﺧﻮﻳﺔ ﺩﻛﻮﻣﻲ ﺟﺎ ﺗﻈﻠﻴﻦ ﺑﺎﻟﺸﺎﺭﻉ ﺻﺪﻙ ﺟﺬﺏ ﺩﻛﻮﻣﻲ ﻭﻳﺎﻱ ﻟﻠﺒﻴﺖ ﻛﻮﻣﻲ
ﺭﻳﺎ ....... ﻋﺒﺎﻟﻲ ﺑﻴﺘﻪ ﺑﻲ ﺍﻣﻪ ﻭﺍﺧﻮﺍﺕ ﺷﻤﺪﺭﻳﻨﻲ ﻛﺎﻋﺪ ﻭﺣﺪﻩ ﻛﻤﺖ ﻭﻫﻮ ﺷﺎﻝ ﺍﻟﺠﻨﻄﺔ ﻭﺭﺣﺖ ﺻﻌﺪﺕ ﺑﺎﻟﺴﻴﺎﺭﺓ ﻟﻴﻮﺭﺓ ﺭﺟﻠﻲ ﻣﻮﺗﺘﻨﻲ ﻣﻦ ﺍﻻﻟﻢ ﻭﻭﺟﻬﻲ ﻳﻀﺮﺑﻪ ﺍﻟﻬﻮﺍﺀ ﻭﻳﻮﺟﻌﻨﻨﻲ ﻛﻞ ﺟﺮﻭﺣﻲ ﺻﻌﺪ ﺍﻟﻮﻟﺪ ﻭﻣﺸﻰ ﺑﺎﻟﺴﻴﺎﺭﺓ ﺷﻮﻳﺔ ﻭﺻﻠﻨﺎ ﻟﺒﻴﺘﻪ ﻧﺰﻟﺖ ﻭﻫﻮ ﻧﺰﻝ ﺟﻨﻄﺘﻲ ﺍﺧﺬﺗﻬﺎ ﻣﻨﻪ ﻭﻫﻮ ﻓﺘﺢ ﺍﻟﺒﺎﺏ ﻛﺎﻝ
ﺣﻤﺰﺓ ....... ﻓﻮﺗﻲ ﺧﻮﻳﺔ ﻓﻮﺗﻲ
ﺭﻳﺎ ........ ﻣﻨﻮ ﺟﻮﺓ
ﺣﻤﺰﺓ ........ ﺧﻮﻳﺔ ﺻﺪﻙ ﺍﻧﻲ ﻛﺎﻋﺪ ﻭﺣﺪﻱ ﺑﺲ ﻭﺍﻟﻠﻪ ﺍﻧﺘﻲ ﻣﺜﻞ ﺍﺧﺘﻲ
ﺭﻳﺎ ...... ﻋﻔﻴﺔ ﺭﺟﻌﻨﻲ ﻣﻨﻴﻦ ﻣﺎﺟﺒﺘﻨﻲ ﻋﻔﻴﺔ ﺍﻟﻠﻪ ﻋﻠﻴﻚ
ﺳﺤﺒﺖ ﺟﻨﻄﺘﻲ ﻛﻮﻟﺖ ﻭﺍﻟﻠﻪ ﺍﺭﺟﻊ ﻟﻠﺒﻴﺖ ﻭﻛﻮﻟﻠﻬﻢ ﺭﺩﺕ ﺍﻧﻬﺰﻡ ﻭﺭﺟﻌﺖ ﻭﻻ ﺍﺑﻘﻰ ﻭﻱ ﺭﺟﺎﻝ ﻏﺮﻳﺐ ﺑﺒﻴﺖ ﻭﺣﺪﻧﺎ ﺍﻣﺸﻲ ﻭﻫﻮ ﻳﺼﻴﺢ ﻭﺭﺍﻱ ﺍﺟﺔ ﻭﻛﻒ ﻛﺪﺍﻣﻲ ﻛﺎﻝ
ﺣﻤﺰﺓ ....... ﺧﻮﻳﺔ ﻭﻳﻦ ﺭﺍﻳﺤﺔ ﻣﺎﺷﻔﺘﻲ ﺍﻟﺴﻜﺎﺭﺓ ﺗﺎﺭﺳﺔ ﺍﻟﺸﻮﺍﺭﻉ ﻣﺎﺗﺨﺎﻓﻴﻦ ﻋﻠﻰ ﺭﻭﺣﺞ
ﺭﻳﺎ ........ ﺗﺮﻳﺪﻧﻲ ﺍﺧﺎﻑ ﻣﻦ ﺍﻟﺴﻜﺎﺭﺓ ﻭﻣﺎﺍﺧﺎﻑ ﻣﻨﻚ ﺻﻮﺟﻲ ﺍﺟﻴﺖ ﻭﻳﺎﻙ ﻋﺒﺎﻟﻲ ﺍﻫﻠﻚ ﻭﻳﺎﻙ ﻣﺎﺍﺩﺭﻱ ﺑﻴﻚ ﻟﻮﺣﺪﻙ
ﺣﻤﺰﺓ ....... ﻭﻟﺞ ﺍﻛﻮ ﺑﻨﻴﺔ ﺍﻛﻮ ﺑﺲ ﺍﻣﺸﻲ ﻓﻮﻙ ﺑﻨﻴﺔ ﺭﺍﺡ ﺗﺒﻘﻴﻦ ﻳﻤﻬﺎ ﺑﺲ ﻻﺗﻈﻠﻴﻦ ﻭﺣﺪﺝ ﺑﺎﻟﺸﺎﺭﻉ ﻋﻤﻲ ﺍﻟﺪﻧﻴﺎ ﺗﺨﻮﻑ ﻣﺎﺗﺨﺎﻓﻴﻦ ﺍﻧﺘﻲ
ﺭﻳﺎ ........ ﻭﻳﻨﻬﺎ ﺍﻟﺒﻨﻴﺔ ﺍﻧﺖ ﻛﻮﻟﺖ ﻭﺣﺪﻙ
ﺣﻤﺰﺓ ........ ﻭﺍﻟﻠﻪ ﻫﺴﺔ ﺍﺻﻴﺤﻠﺠﻴﺎﻫﺎ ﺑﺲ ﺗﻌﺎﻱ ﺍﻣﺸﻲ ﺍﻭﻛﻔﻲ ﺑﺎﻟﺒﺎﺏ ﻻﺗﻄﺒﻴﻦ ﻭﺍﻧﻲ ﺍﺻﻴﺤﻬﺎ ﺍﻟﺞ
ﺭﻳﺎ ........ ﻣﺸﻴﺖ ﻭﻳﺎ ﻭﻭﻛﻔﺖ ﺑﺎﻟﺒﺎﺏ ﻭﻫﻮ ﺩﺧﻞ
ﺣﻤﺰﺓ ........ ﻭﻛﻔﺖ ﺑﺎﻟﺒﺎﺏ ﻭﺻﻌﺪﺕ ﻟﺒﻴﺖ ﻣﺮﺍﺩ ﺍﺣﺠﻲ ﺑﻴﻨﻲ ﻭﺑﻴﻦ ﻧﻔﺴﻲ ﺍﻛﻮﻝ ﺷﻮ ﺍﻧﻲ ﺍﺗﻮﺳﻞ ﺑﻴﻬﺎ ﺍﺫﺍ ﻫﻲ ﻣﺎﺧﺎﻳﻔﺔ ﻋﻠﻰ ﺭﻭﺣﻬﺎ ﺍﻧﻲ ﻳﺎﻫﻮ ﻣﺎﻟﺘﻲ ﺑﺲ ﻟﻮ ﻣﺎ ﻛﻠﺒﻲ ﻣﺎﻳﻨﻄﻴﻨﻲ ﺍﻋﻮﻓﻬﺎ ﺑﺎﻟﺸﺎﺭﻉ
ﺩﻛﻴﺖ ﺍﻟﺒﺎﺏ ﻭﺧﺎﺑﺮﺕ ﻋﻠﻰ ﻣﺮﺍﺩ ﻫﻮ ﺍﻟﺪﺭﺝ ﻣﺎﻝ ﺑﻴﺘﻪ ﻳﻨﺰﻝ ﻋﻠﻰ ﺍﻟﺤﺪﻳﻘﺔ ﻭﺑﺎﺏ ﺍﻟﺒﻴﺖ ﻭﺍﺣﺪ ﺍﻟﻤﻬﻢ ﻃﻠﻌﻠﻲ ﻣﺮﺍﺩ ﻛﺎﻝ
ﻣﺮﺍﺩ ....... ﻫﻼ ﺣﻤﺰﺓ
ﺣﻤﺰﺓ ....... ﺍﻋﺬﺭﻧﻲ ﻣﺮﺍﺩ ﺧﻮﻳﺔ ﺑﺲ ﺑﺎﻟﻜﻲ ﺗﺼﻴﺤﻠﻲ ﺍﺧﺘﻲ ﺍﻡ ﺍﻳﭭﺎﻥ ﺭﺍﻳﺪﻫﺎ ﺑﺨﺪﻣﺔ ﺍﺫﺍ ﻣﺎﺑﻴﻬﺎ ﺯﺣﻤﺔ
ﻃﺒﻌﺎ ﺗﻜﻮﻟﻮﻥ ﺍﻧﺖ ﻣﺎﺗﺴﺘﺤﻲ ﺻﺎﻋﺪ ﻟﻠﺮﺟﺎﻝ ﺗﻜﻮﻟﻪ ﺍﺭﻳﺪ ﻣﺮﺗﻚ ﻫﻢ ﻣﺘﻌﻮﺩﻳﻦ ﻋﻠﻴﺔ ﻣﺮﺍﺕ ﺍﺭﻭﺣﻠﻬﻢ ﻧﺺ ﺍﻟﻠﻴﻞ ﺍﺭﻳﺪﻫﺎ ﺗﻜﻮﻳﻠﻲ ﻣﻼﺑﺲ ﻟﻮ ﺷﻲ ﻧﺎﺳﻲ ﺍﺧﺬﻫﻦ ﻟﻠﻤﻜﻮﺓ ﻣﺜﻼ ﻟﻮ ﻣﺤﺘﺎﺝ ﺷﻲ ﺍﺻﻌﺪﻟﻬﻢ ﻓﻤﺘﻌﻮﺩﻳﻦ ﻋﻠﻴﺔ ﻫﻢ ﺳﺎﻛﻨﻴﻦ ﻗﺒﻠﻲ ﺍﻟﻤﻬﻢ ﺍﺟﺖ ﺯﻭﺟﺔ ﻣﺮﺍﺩ ﻛﻮﻟﺘﻠﻬﺎ
ﺧﻮﻳﺔ ﺑﻼ ﺯﺣﻤﺔ ﻋﻠﻴﺞ ﺑﺲ ﺍﻛﻮ ﺑﻨﻴﺔ ﺟﻮﺓ ﺗﻌﺎﻟﻲ ﻭﻳﺎﻱ ﺩﺧﻠﻴﻬﺎ ﺷﺎﺑﺔ ﻭﻟﻜﻴﺘﻬﺎ ﺑﺎﻟﺸﺎﺭﻉ ﺍﺧﻮﺍﻧﻬﺎ ﻃﺎﺭﺩﻳﻬﺎ ﻭﻟﻜﻴﺖ ﻫﺬﻭﻝ ﺍﻟﺴﻜﺎﺭﺓ ﻳﺮﻛﻀﻮﻥ ﻭﺭﺍﻫﺎ ﻭﺧﺎﻳﻔﺔ ﻭﺟﺒﺘﻬﺎ ﻫﻨﺎ ﻭﻣﻦ ﺩﺭﺕ ﺍﻧﻲ ﻭﺣﺪﻱ ﺗﺮﻳﺪ ﺗﺮﺟﻊ ﻟﻠﺸﺎﺭﻉ ﺗﻌﺎﻱ ﺩﺧﻠﻴﻬﺎ
ﺍﻡ ﺍﻳﭭﺎﻥ ....... ﻳﺎﺍﺍ ﻋﻴﻨﻲ ﻭﻳﻨﻬﺎ
ﺣﻤﺰﺓ ...... ﺑﺮﺓ ﻭﺍﻛﻔﺔ ﺑﺎﻟﺒﺎﺏ
ﻧﺰﻟﺖ ﺍﻡ ﺍﻳﭭﺎﻥ ﻭﻟﺰﻣﻨﻲ ﻣﺮﺍﺩ ﻛﺎﻝ
ﻣﺮﺍﺩ ....... ﺣﻤﺰﺓ ﺷﻨﻮ ﻗﺼﺘﻚ ﺍﻧﺖ ﺗﻌﺮﻑ ﺍﻟﺒﻨﻴﺔ ﻣﻨﻴﻦ ﺷﻤﺴﻮﻳﺔ ﻟﻴﺶ ﺍﻫﻠﻬﺎ ﻃﺮﺩﻭﻫﺎ
ﺣﻤﺰﺓ ....... ﻣﺮﺍﺩ ﺻﺪﻙ ﺗﺤﺠﻲ ﺍﻟﺒﻨﻴﺔ ﺣﺎﻟﺘﻬﺎ ﺣﺎﻟﺔ ﻫﺴﺔ ﺣﺘﻰ ﻟﻮ ﻏﻠﻄﺎﻧﺔ ﺑﻌﺪﻳﻦ ﻧﻔﺘﻬﻢ ﻣﻨﻬﺎ ﺑﺲ ﺧﻮ ﻣﺎﻧﺨﻠﻴﻬﺎ ﺑﺎﻟﺸﺎﺭﻉ
ﻣﺮﺍﺩ ....... ﻭﺍﻟﻠﻪ ﻣﺎﺍﺩﺭﻱ ﻳﺎﺣﻤﺰﺓ ﺑﺲ ﺧﺎﻳﻒ ﻻﺗﺠﻴﺒﻠﻚ ﻣﺼﻴﺒﺔ ﺗﺮﺓ ﺍﻟﺪﻧﻴﺎ ﻣﺎﻳﺘﺄﻣﻨﻠﻬﺎ
ﺣﻤﺰﺓ ...... ﺧﺎﺏ ﺍﻧﻲ ﺣﻤﻴﺰﺓ ﻳﺎﻫﻮ ﺍﻟﻴﻨﺪﻙ ﺑﻴﺔ ﺷﺒﻴﻚ ﭼﺎ ﺗﺮﻳﺪﻧﻲ ﺍﺧﻠﻲ ﺍﻟﺒﻨﺖ ﺑﺎﻟﺸﺎﺭﻉ ﻭﺍﻟﻜﻮ ..... ﻳﺮﻛﻀﻮﻥ ﻭﺭﺍﻫﺎ
ﻣﺮﺍﺩ ....... ﺩﻣﺸﻲ ﺧﻞ ﻧﻨﺰﻝ ﻧﺸﻮﻑ ﺷﻨﻮ ﺳﺎﻟﻔﺘﻬﺎ ﺍﻣﺸﻲ
ﺣﻤﺰﺓ ........ ﻧﺰﻟﻨﺎ ﻟﻜﻴﺖ ﺍﻡ ﺍﻳﭭﺎﻥ ﺗﻘﻨﻊ ﺑﻴﻬﺎ
ﺭﻳﺎ ....... ﻭﺍﻛﻔﺔ ﺑﺮﺓ ﻭﺍﺟﺘﻨﻲ ﺑﻨﻴﺔ ﺷﺎﺑﺔ ﺍﺟﺖ ﻭﺭﺍﺩﺗﻨﻲ ﺍﻓﻮﺕ ﻛﻤﺖ ﺍﺑﭽﻲ ﻛﻮﺗﻠﻬﺎ ﻋﻔﻴﺔ ﺧﻞ ﻳﺠﻲ ﻫﺬﺍﻙ ﺍﻟﻮﻟﺪ ﻳﺮﺟﻌﻨﻲ ﻟﻠﺒﻴﺖ ﻣﻴﺨﺎﻟﻒ ﻳﻀﺮﺑﻮﻧﻲ ﺑﺲ ﻣﺎﺍﺭﻳﺪ ﺍﻓﻮﺕ ﻋﻔﻴﺔ ﺻﻴﺤﻴﻠﻪ
ﺍﻡ ﺍﻳﭭﺎﻥ ....... ﺗﻌﺎﻟﻲ ﺣﺒﻴﺒﺘﻲ ﻻﺗﺨﺎﻓﻴﻦ ﻭﺍﻟﻠﻪ ﻣﺤﺪ ﻳﻜﺪﺭ ﻳﺄﺫﻳﺞ ﺑﺲ ﻓﻮﺗﻲ ﺧﻞ ﻧﻔﺘﻬﻢ ﻣﻨﺞ ﺷﻨﻮ ﺳﺎﻟﻔﺘﺞ
ﺭﻳﺎ ...... ﺍﺟﺔ ﻫﺬﺍ ﺍﻟﻮﻟﺪ ﺍﻟﺠﺎﺑﻨﻲ ﻭﻭﻳﺎ ﺭﺟﺎﻝ ﺛﺎﻧﻲ ﻫﻢ ﻃﻤﻨﻮﻧﻲ ﻭﻛﺎﻟﻮﻟﻲ ﺍﻧﺘﻲ ﻣﺜﻞ ﺍﺧﺘﻨﺎ ﻓﻮﺗﻲ ﺩﺧﻠﺖ ﺍﻟﻮﻟﺪ ﺍﻟﺠﺎﺑﻨﻲ ﺷﺎﻝ ﺟﻨﻄﺘﻲ ﻭﺍﻟﺒﻨﻴﺔ ﺳﺎﻧﺪﺗﻨﻲ ﻻﻥ ﺭﺟﻠﻲ ﻓﺪ ﻣﺮﺓ ﻣﻮﺗﺘﻨﻲ ﻣﺎﺍﻛﺪﺭ ﺍﺣﺮﻛﻬﺎ
ﺩﺧﻠﺖ ﻟﻼﺳﺘﻘﺒﺎﻝ ﻭﺷﻐﻞ ﺍﻻﺿﻮﻳﺔ ﻭﻛﻌﺪﻭ ﻛﻠﻬﻢ ﻭﻛﻌﺪﺕ ﻳﻤﻬﻢ ﺳﺎﻟﻨﻲ ﺍﻟﻮﻟﺪ ﻣﻮ ﺍﻟﺠﺎﺑﻨﻲ ﺍﻟﺜﺎﻧﻲ ﻛﺎﻝ
ﻣﺮﺍﺩ ......... ﻛﻮﻟﻲ ﺍﺧﺘﻲ ﻭﻻ ﺗﺨﺎﻓﻴﻦ ﺍﺣﻨﺔ ﻣﺜﻞ ﺍﺧﻮﺍﻧﺞ ﻟﻴﺶ ﺑﺎﻟﺸﺎﺭﻉ ﺷﻤﻄﻠﻌﺞ ﻣﻦ ﺍﻟﺒﻴﺖ ﻟﻴﺶ ﻫﻴﺞ ﺣﺎﻟﺘﺞ
ﺭﻳﺎ ....... ﻇﻠﺖ ﺍﻟﺒﻨﻴﺔ ﺗﻄﻤﻨﻨﻲ ﻭﺍﻟﻮﻟﺪ ﻳﻜﻮﻟﻮﻥ ﺍﻧﺘﻲ ﻣﺜﻞ ﺍﺧﺘﻨﺎ ﺗﻄﻤﻨﺖ ﺍﻟﻬﻢ ﻭﺳﻮﻟﻔﺘﻠﻬﻢ ﺳﺎﻟﻔﺘﻲ ﻛﻠﻬﺎ ﻣﻦ ﻣﺎﺕ ﺍﺑﻮﻱ ﻟﺤﺪ ﻣﺎ ﻫﺴﺔ ﺍﺟﻴﺘﻬﻢ ﺩﻣﻮﻋﻲ ﻣﺎﻧﺸﻔﻦ ﺑﺲ ﺍﺑﭽﻲ ﺍﺍﺑﻨﻴﺔ ﻇﻠﺖ ﻓﺎﺗﺤﺔ ﺣﻠﻜﻬﺎ ﻭﺩﻣﻮﻋﻬﺎ ﺗﺼﺐ ﻭﻳﺎﻱ
ﻛﻤﻠﺖ ﺳﺄﻟﻨﻲ ﺍﻟﻮﻟﺪ ﻣﺘﻔﺎﺟﺄ ﻛﺎﻝ
ﻣﺮﺍﺩ ....... ﺍﻧﺘﻲ ﺻﺪﻙ ﺗﺤﺠﻴﻦ ﻟﻮ ﺗﺠﺬﺑﻴﻦ ﺍﻧﺘﻲ ﺷﻜﺪ ﻋﻤﺮﺝ
ﺭﻳﺎ 17........ ﺳﻨﺔ
ﺣﻤﺰﺓ ........ ﻳﻌﻨﻲ ﻣﺮﺕ ﺍﺧﻮﺝ ﺟﺬﺑﺖ ﻭﻫﻢ ﺻﺪﻛﻮﻫﺎ ﻭﺳﻮﻭ ﺑﻴﺞ ﻫﻴﺞ
ﺭﻳﺎ ........ ﻫﺰﻳﺖ ﺭﺍﺳﻲ ﻭﺍﻧﻲ ﻣﺪﻧﻜﺔ ﻭﺩﻣﻮﻋﻲ ﻧﺰﻟﻦ ﺍﻟﻮﻟﺪ ﺍﻟﺠﺎﺑﻨﻲ ﺑﺎﻭﻉ ﻟﻠﺜﺎﻧﻲ ﻭﻛﺎﻝ
ﺣﻤﺰﺓ ....... ﻣﺮﺍﺩ ﺷﻨﻮ ﺍﻟﺴﺎﻟﻔﺔ ﺗﺮﺓ ﻭﻛﻒ ﻋﻘﻠﻲ
ﻣﺮﺍﺩ ........ ﺍﺧﺘﻲ ﺍﻧﺘﻲ ﺗﺤﺠﻴﻦ ﺻﺪﻙ ﻟﻮ ﻻﻥ ﺧﺎﻳﻔﺔ ﻣﻦ ﻋﻨﺪﻧﺎ
ﺭﻳﺎ ........ ﻭﺩﺍﻋﺔ ﺍﻣﻲ ﻭﺍﺑﻮﻱ ﺻﺪﻙ ﺍﺫﺍ ﺗﺮﻳﺪ ﺍﻧﻄﻴﻜﻢ ﻋﻨﻮﺍﻥ ﺑﻴﺖ ﺍﻫﻠﻲ ﻭﺍﻧﺘﻮ ﺍﺳﺄﻟﻮ ﺍﺫﺍ ﺍﻧﻲ ﻛﺬﺍﺑﺔ
ﺣﻤﺰﺓ ..... ﺍﻳﻲ ﺍﻧﻄﻴﻨﻴﺎ
ﺭﻳﺎ ........ ﺳﺠﻠﺘﻠﻪ ﺍﻟﻌﻨﻮﺍﻥ ﺑﻮﺭﻗﺔ ﻫﻮ ﺻﻔﻄﻬﺎ ﻭﻛﺎﻡ ﻭﻛﺎﻝ
ﺣﻤﺰﺓ ......... ﺧﻮﻳﺔ ﺗﺮﺩﻳﻦ ﻫﺬﺍ ﺑﻴﺘﺞ ﺍﻟﺜﺎﻧﻲ ﻛﻮﻟﻲ ﻭﺍﻃﻠﺒﻲ ﻭﻣﺮﺍﺩ ﻫﻬﻬﻬﻪ ﺍﻟﻴﻮﻡ ﺍﻧﻲ ﺿﻴﻔﻚ
ﻣﺮﺍﺩ ....... ﻫﻼ ﺑﻴﻚ
ﺣﻤﺰﺓ ........ ﺧﻮﻳﺔ ﺍﺧﺬﻱ ﺭﺍﺣﺘﺞ ﺧﻮﻳﺔ ﺍﻡ ﺍﻳﭭﺎﻥ ﺑﻼ ﺯﺣﻤﺔ ﺍﺑﻘﻲ ﻫﻨﺎ ﻳﻤﻬﺎ ﻟﻠﺼﺒﺢ ﻋﻠﻰ ﻣﺎﺍﺷﻮﻑ ﺷﻠﻮﻥ ﻧﺘﺼﺮﻑ
ﺍﻡ ﺍﻳﭭﺎﻥ ....... ﻣﺎﺷﻲ ﺍﻧﺘﻮ ﺭﻭﺣﻮ ﻧﺎﻣﻮ
ﺭﻳﺎ ....... ﻣﺪﻧﻜﺔ ﻭﺧﺠﻼﻧﺔ ﻣﻦ ﻛﺮﻣﻬﻢ ﻭﻳﺎﻱ ﺟﻨﻄﺘﻲ ﺑﻌﺪﻫﺎ ﺑﻈﻬﺮﻱ ﻣﺎﻧﺰﻋﺘﻬﺎ ﻭﺍﻟﺜﺎﻧﻴﺔ ﺑﺼﻔﻲ ﻻﺯﻣﺘﻬﻦ ﻭﻣﺪﻧﻜﺔ ﻭﺑﺲ ﺍﺑﺠﻲ ﻃﻠﻌﻮ ﺍﻟﻮﻟﺪ ﺍﻟﺜﻨﻴﻦ ﻭﺍﺟﺘﻨﻲ ﺍﻟﺒﻨﻴﺔ ﻛﺎﻟﺖ
ﺍﻡ ﺍﻳﭭﺎﻥ ....... ﺗﻌﺎﻟﻲ ﺣﺒﻴﺒﺘﻲ ﺗﻌﺎﻟﻲ ﻭﻳﺎﻱ ﺍﺳﺒﺤﻲ ﻭﻏﺴﻠﻲ ﺣﺘﻰ ﺗﺮﺗﺎﺣﻴﻦ ﻭﺍﻏﺴﻠﻲ ﺭﺟﻠﺞ ﺑﻤﺎﻱ ﺣﺎﺭ ﺣﺘﻰ ﺍﺧﻠﻴﻠﺞ ﻋﻼﺝ
ﺭﻳﺎ ....... ﻣﺎﺍﻋﺮﻑ ﺷﻠﻮﻥ ﺍﺷﻜﺮﻛﻢ ﺍﻟﻠﻪ ﻳﺨﻠﻴﻜﻢ ﻭﻳﺤﻔﻈﻜﻢ ﻭﺍﻟﻠﻪ ﺧﺠﻼﻧﺔ ﻣﻨﻜﻢ
ﺍﻡ ﺍﻳﭭﺎﻥ ...... ﻻ ﺣﺒﻴﺒﺘﻲ ﻟﻴﺶ ﺍﻟﺨﺠﻞ ﺻﺪﻙ ﺟﺬﺏ ﻫﻢ ﺍﺧﺘﻨﺎ ﺍﻧﺘﻲ ﻛﻮﻣﻲ ﻭﻳﺎﻱ ﻛﻮﻣﻲ ﺭﺍﺡ ﺍﻗﻔﻞ ﺍﻟﺒﺎﺏ ﻭﺍﺟﻲ
ﺭﻳﺎ ....... ﺍﺳﺘﻨﺪﺕ ﻋﻠﻰ ﺟﻨﻄﺘﻲ ﻭﻛﻤﺖ ﻭﻛﻔﺘﻮﺍﻟﺒﻨﻴﺔ ﻗﻔﻠﺖ ﺑﺎﺏ ﺍﻻﺳﺘﻘﺒﺎﻝ ﻭﺍﺟﺖ ﺍﺧﺬﺗﻨﻲ ﻟﻠﻐﺮﻓﺔ ﻧﺰﻋﺖ ﻗﺒﻮﻃﻲ ﻭﻫﻲ ﻓﺘﺤﺘﻠﻲ ﺍﻟﺠﻨﻄﺔ ﻭﻃﻠﻌﺘﻠﻲ ﻣﻼﺑﺲ ﻭﺍﻟﻠﻪ ﺧﺠﻼﻧﺔ ﻣﻨﻬﻢ ﺳﺎﻋﺪﺗﻨﻲ ﻓﺘﺤﺖ ﺷﻌﺮﻱ ﻭﻧﺰﻋﺘﻨﻲ ﺣﺠﺎﺑﻲ ﺟﺴﻤﻲ ﻛﻠﻪ ﻳﻮﺟﻌﻨﻲ ﻣﻦ ﺍﻟﻀﺮﺏ ﻭﻣﻦ ﺍﻟﺒﺮﺩ ﻣﺎﺍﻛﺪﺭ ﺍﺭﻓﻊ ﺍﻳﺪﻱ ﺭﺟﻠﻲ ﻣﻮﺗﺘﻨﻲ ﺍﻻﻟﻢ ﻳﺰﻳﺪ ﻣﺎﻳﻘﻞ
ﺳﻨﺪﺗﻨﻲ ﻭﺍﺧﺬﺗﻨﻲ ﻟﻠﺤﻤﺎﻡ ﻋﻠﻜﺖ ﺍﻟﻤﻼﺑﺲ ﻭﻃﻠﻌﺖ ﻭﻛﺎﻟﺖ
ﺍﻡ ﺍﻳﭭﺎﻥ ...... ﺑﺎﻋﻲ ﻣﻦ ﺗﻜﻤﻠﻴﻦ ﻻﺗﻠﺒﺴﻴﻦ ﺍﻟﺒﺠﺎﻣﺔ ﺍﻟﺒﺴﻲ ﺑﺲ ﺍﻟﺒﺪﻱ ﺣﺘﻰ ﺍﺩﺧﻞ ﺍﺩﻟﻜﻠﺞ ﺭﺟﻠﺞ ﺑﺎﻟﻤﺎﻱ ﺍﻟﺤﺎﺭ
ﺭﻳﺎ ..... ﻫﺰﻳﺖ ﺭﺍﺳﻲ ﻫﻲ ﻃﻠﻌﺖ ﻭﺍﻧﻲ ﺳﺒﺤﺖ ﺍﻭﻭﻭﻑ ﺍﻟﻤﺎﻱ ﺣﺎﺭ ﻭﺍﻧﻲ ﺑﺮﺩﺍﻧﺔ ﺍﻭﻝ ﻣﺎﻧﺰﻝ ﺍﻟﻤﺎﻱ ﻋﻠﻰ ﺭﺍﺳﻲ ﺍﺭﺗﺎﺣﻴﺖ ﻟﻜﻴﺖ ﺷﺎﻣﺒﻮﺍﺕ ﺳﺒﺤﺖ ﺑﻴﻬﻦ ﺍﺣﺲ ﺟﺴﻤﻲ ﻛﻠﻪ ﺍﺭﺗﺨﺔ ﻛﻤﻠﺖ ﻟﺒﺴﺖ ﻣﻼﺑﺴﻲ ﺑﺲ ﻣﺎﻟﺒﺴﺖ ﺍﻟﺒﺠﺎﻣﺔ ﻭﺍﻟﺒﺪﻱ ﻳﻮﺻﻞ ﻟﻠﺮﻛﺒﺔ ﺭﺩﺕ ﺍﻓﺘﺢ ﺍﻟﺒﺎﺏ ﻭﺍﺻﻴﺢ ﻟﻠﺒﻨﻴﺔ ﺑﺲ ﻣﺎﺍﻋﺮﻑ ﺷﻨﻮ ﺍﺳﻤﻬﺎ ﻓﺘﺤﺖ ﺍﻟﺒﺎﺏ ﻭﺩﻛﻴﺘﻪ ﻫﻲ ﺍﺟﺖ ﻛﺎﻟﺖ
ﺍﻡ ﺍﻳﭭﺎﻥ ...... ﺍﻋﺬﺭﻳﻨﻲ ﺭﺣﺖ ﺟﺒﺖ ﺍﺑﻨﻲ ﻋﻔﺘﻪ ﺑﺒﻴﺘﻲ ﻛﻤﻠﺘﻲ ﻣﻮ
ﺭﻳﺎ ..... ﺍﻣﻤﻢ
ﺍﺟﺖ ﺍﻟﺒﻨﻴﺔ ﻛﻌﺪﺗﻨﻲ ﻋﻠﻰ ﻃﺒﻠﻮ ﺑﺎﻟﺤﻤﺎﻡ ﻭﻓﺘﺤﺖ ﺍﻟﻤﺎﻱ ﺍﻟﺤﺎﺭ ﻭﻇﻠﺖ ﺗﺪﻟﻚ ﺑﺮﻛﺒﺘﻲ ﻣﺘﺖ ﺑﺲ ﺍﻋﺾ ﻋﻠﻰ ﺷﺎﻟﻲ ﺑﻌﺪﻳﻦ ﻛﻮﺗﻠﻬﺎ ﻋﻔﻴﺔ ﻛﺎﻓﻲ ﺷﻴﻠﻲ ﺍﻳﺪﺝ ﻋﻔﻴﺔ ﻛﺎﻓﻲ
ﻟﻢ ﺍﻳﭭﺎﻥ ....... ﻫﺎﻱ ﻫﻴﺔ ﺣﺒﻴﺒﺘﻲ ﻳﺎﻟﻠﻪ ﻛﻮﻣﻲ ﺣﺘﻰ ﺍﺧﻠﻴﻠﺞ ﻋﻼﺝ
ﺭﻳﺎ ....... ﺭﺣﺖ ﻭﻳﺎﻫﺎ ﻣﺪﻳﺖ ﺭﺟﻠﻲ ﻭﺧﻠﺘﻠﻲ ﻋﻼﺝ ﻭﺭﺣﺖ ﺗﻮﺿﻴﺖ ﻣﺎﺑﻘﻰ ﺷﻲ ﻟﻠﺼﻼﺓ ﻇﻠﻴﺖ ﻛﺎﻋﺪﺓ ﺻﻠﻴﺖ ﻭﺍﻟﺒﻨﻴﺔ ﺻﻠﺖ ﻭﺭﺍﻱ ﻭﺿﺤﻜﺖ ﻛﺎﻟﺖ
ﺍﻡ ﺍﻳﭭﺎﻥ ...... ﻫﻬﻬﻬﻬﻬﻬﻪ ﺣﻤﺰﺍﻭﻱ ﻭﺍﻟﻠﻪ ﻓﻜﺮ ﻋﻨﺪﻩ ﺗﺮﺑﺔ ﻭﺣﺪﺓ ﺍﺩﺭﻱ ﺧﻠﻴﻬﻦ ﺛﻨﻴﻦ
ﺭﻳﺎ ...... ﺍﺑﺘﺴﻤﺘﻠﻬﺎ ﻛﺎﻟﺖ
ﺍﻡ ﺍﻳﭭﺎﻥ ....... ﺍﻧﺘﻲ ﺷﻨﻮ ﺍﺳﻤﺞ
ﺭﻳﺎ ....... ﺍﺳﻤﻲ ﺭﻳﺎ
ﺍﻡ ﺍﻳﭭﺎﻥ ....... ﺣﺒﻴﺒﺘﻲ ﻋﺎﺷﺖ ﺍﻻﺳﺎﻣﻲ ﺍﻧﻲ ﺍﺳﻤﻲ ﻣﻬﺎ ﻭﺍﻟﻮﻟﺪ ﺍﻟﺠﺎﺑﺞ ﺍﺳﻤﻪ ﺣﻤﺰﺓ ﻭﺍﻟﺜﺎﻧﻲ ﺍﻻﻗﺮﻉ ﻫﻬﻬﻬﻬﻬﻬﻪ ﻫﺬﺍ ﺯﻭﺟﻲ ﺍﺳﻤﻪ ﻣﺮﺍﺩ ﻭﻫﺬﺍ ﺍﻟﻨﺎﻳﻢ ﺣﺒﻴﺒﻲ ﺍﺑﻨﻲ ﺍﺳﻤﻪ ﺍﻳﭭﺎﻥ ﻋﻤﺮﻩ 3 ﺳﻨﻮﺍﺕ
ﺭﻳﺎ ....... ﺍﻟﻠﻪ ﻳﺤﻔﻈﻜﻢ
ﺍﻡ ﺍﻳﭭﺎﻥ ....... ﻭﻳﺤﻔﻈﺞ ﺣﺒﻴﺒﺘﻲ ﻳﺎﻟﻠﻪ ﻓﺮﺷﺘﻠﺞ ﺗﻌﺎﻟﻲ ﻧﺎﻣﻲ
ﺭﻳﺎ ....... ﻛﻤﺖ ﺗﻤﺪﺩﺕ ﻗﺒﻞ ﻻ ﺍﻧﺎﻡ ﻛﺎﻟﺖ ﻣﻬﺎ
ﻣﻬﺎ ....... ﺣﺒﻴﺒﺘﻲ ﺭﻳﺎ ﺍﻧﺘﻈﺮﻱ ﺭﺍﺡ ﺍﺟﻴﺐ ﺍﻟﻌﺼﺎﺭﺓ ﻣﺎﻟﺖ ﺍﻳﭭﺎﻥ ﺍﺧﻠﻲ ﻟﻮﺟﻬﺞ ﻣﻨﻬﺎ ﺍﻧﺘﻈﺮﻳﻨﻲ ﻫﺴﺔ ﺟﺎﻳﺔ
ﺭﻳﺎ ....... ﺭﺍﺣﺖ ﻣﻬﺎ ﻭﺟﺎﺑﺖ ﻋﺼﺎﺭﺓ ﺧﻄﻴﺔ ﻫﻲ ﺩﻫﻨﺘﻠﻲ ﻭﺟﻬﻲ ﻭﺟﺮﻭﺣﻲ ﻭﻧﻤﺖ ﺑﺲ ﺧﻠﻴﺖ ﺭﺍﺳﻲ ﺑﺴﺮﻋﺔ ﻏﻔﻴﺖ ﺍﻻﻟﻢ ﻛﻠﻪ ﺳﻜﻦ ﻭﺻﺎﺭﻟﻲ ﻳﻮﻣﻴﻦ ﻣﺎﻧﺎﻳﻤﺔ ﻭﺗﻌﺒﺖ ﻛﻠﺶ ﻧﻤﺖ ﻭﻻ ﻓﻜﺮﺕ ﺑﺄﺣﺪ ﻭﻻ ﻓﻜﺮﺕ ﺷﻨﻮ ﺭﺍﺡ ﻳﺼﻴﺮﻟﻲ
ﻛﻌﺪﺕ ﺍﻟﺼﺒﺢ ﻋﻠﻰ ﺍﻳﺪ ﻃﻔﻞ ﻭﺻﻮﺕ ﻣﻬﺎ ﺗﻜﻮﻝ
ﻣﻬﺎ ...... ﺍﺷﺶ ﻣﺎﻣﺎ ﻭﺧﺮ ﺧﻄﻴﺔ
ﺭﻳﺎ ....... ﺍﻟﻄﻔﻞ ﺍﻳﺪﻩ ﻋﻠﻰ ﺷﻔﺘﻲ ﻭﻛﺎﻝ ﻣﺎﻣﺎ ﺍﻭﻭﻭﺍﺍﺍ ﻛﺎﻟﺘﻠﻪ
ﻣﻬﺎ ..... ﺍﻱ ﺍﺍﺍﻭﻭﻭﻭﺍﺍﺍ ﻭﺧﺮ ﺣﺒﻴﺒﻲ
ﺭﻳﺎ ..... ﻛﻌﺪﺕ ﻭﻟﺒﺴﺖ ﺣﺠﺎﺑﻲ ﺷﺎﻓﺘﻨﻲ ﻣﻬﺎ ﻛﺎﻟﺖ
ﻣﻬﺎ ...... ﺻﺒﺎﺡ ﺍﻟﺨﻴﺮ ﺣﺒﻴﺒﺘﻲ
ﺭﻳﺎ ...... ﺻﺒﺎﺡ ﺍﻟﻨﻮﺭ ﺍﺳﻔﺔ ﺗﺄﺧﺮﺕ ﺑﺎﻟﻨﻮﻣﺔ
ﻣﻬﺎ ...... ﻻ ﺣﺒﻴﺒﺘﻲ ﺍﺧﺬﻱ ﺭﺍﺣﺘﺞ ﺑﺲ ﺍﺟﺔ ﺣﻤﺰﺍﻭﻱ ﻗﺒﻞ ﺳﺎﻋﺔ ﻭﺳﺄﻝ ﻋﻠﻴﺞ ﻛﺎﻝ ﺍﺫﺍ ﻛﻌﺪﺕ ﻳﺮﻳﺪ ﻳﺤﺠﻲ ﻭﻳﺎﺝ
ﺭﻳﺎ ....... ﻣﺎﺷﻲ
ﻃﻠﻌﺖ ﻟﻼﺳﺘﻘﺒﺎﻝ ﻭﻱ ﻣﻬﺎ ﺷﻔﺖ ﺍﻟﻮﻟﺪ ﺣﻤﺰﺓ ﻭﻣﺮﺍﺩ ﺯﻭﺝ ﻣﻬﺎ ﻛﻌﺪﺕ ﻭﺍﻧﻲ ﻣﺪﻧﻜﺔ ﺣﻤﺰﺓ ﻛﺎﻝ
ﺣﻤﺰﺓ ...... ﺧﻮﻳﺔ ﺍﺣﻨﺔ ﺭﺍﺡ ﻧﺮﻭﺡ ﻻﻫﻠﺞ
ﺭﻳﺎ ..... ﺭﻓﻌﺖ ﺭﺍﺳﻲ ﻛﻮﺗﻠﻪ ﻻ ﻋﻔﻴﺔ ﻳﺮﺩﻭﻥ ﻳﻘﺘﻠﻮﻧﻲ ﻋﻔﻴﺔ ﻻﺗﻜﻮﻟﻮﻟﻬﻢ ﺍﻧﻲ ﻫﻨﺎ ﺍﻟﻠﻪ ﻋﻠﻴﻜﻢ ﻋﻔﻴﺔ
ﻣﺮﺍﺩ ....... ﺍﺧﺘﻲ ﺍﻋﺬﺭﻳﻨﺎ ﺑﺲ ﺍﺣﻨﺔ ﺷﺎﻛﻴﻦ ﺑﻴﺞ ﻳﻌﻨﻲ ﺍﻋﺬﺭﻳﻨﺎ ﺑﺲ ﺍﻟﺪﻧﻴﺎ ﻛﻠﺸﻲ ﺑﻴﻬﺎ
ﺭﻳﺎ ....... ﺣﻘﻜﻢ ﻭﺍﻟﻠﻪ ﻭﻋﺎﺫﺭﺗﻜﻢ
ﺣﻤﺰﺓ ....... ﺍﺣﻨﺔ ﺑﺲ ﻧﺮﻳﺪ ﻧﺘﺄﻛﺪ ﻣﻦ ﺍﻟﻜﻮﺗﻠﻲ ﺍﻟﻨﺎ ﺍﻛﻮﻝ ﺧﻮﻳﺔ ﺍﻧﻲ ﺍﻗﺘﺮﺡ ﺗﺎﺧﺬ ﺍﻡ ﺍﻳﭭﺎﻥ ﻭﺗﺪﺧﻠﻮﻥ ﻟﻠﺒﻴﺖ ﻣﺎﻟﺘﻬﻢ ﻭﺗﺘﺄﻛﺪﻭﻥ
ﺭﻳﺎ ...... ﻣﻔﺘﺸﻠﺔ ﻭﻛﺎﻋﺪﺓ ﻳﻤﻬﻢ ﻭﻣﺪﻧﻜﺔ ﻣﺮﺍﺩ ﻛﺎﻝ
ﻣﺮﺍﺩ ...... ﺻﺎﺭﻟﺞ ﺷﻜﺪ ﻃﺎﻟﻌﺔ ﻣﻦ ﺍﻟﺒﻴﺖ
ﺭﻳﺎ ........ ﺍﻟﺒﺎﺭﺣﺔ ﺑﺎﻟﻠﻴﻞ ﻃﻠﻌﺖ
ﻣﺮﺍﺩ ....... ﺣﻤﺰﺓ ﺭﻭﺡ ﺍﻧﺖ ﺍﺳﺄﻝ ﺑﺎﻟﻤﻨﻄﻘﺔ ﻣﺎﻟﺘﻬﻢ ﻭﺷﻮﻑ ﺷﻨﻮ ﻭﺿﻊ ﺑﻴﺘﻬﻢ
ﺭﻳﺎ ....... ﺭﺍﺡ ﺣﻤﺰﺓ ﻭﺍﻧﻲ ﺩﺧﻠﺖ ﻟﻠﻐﺮﻓﺔ ﺑﺲ ﺍﺳﻤﻊ ﻣﻬﺎ ﺗﺴﻮﻟﻒ ﻭﻱ ﻣﺮﺍﺩ ﻛﺎﻟﺘﻠﻪ
ﻣﻬﺎ ...... ﺧﻄﻴﺔ ﻭﺍﻟﻠﻪ ﻫﺎﻱ ﺍﻟﺒﻨﻴﺔ ﻟﻮ ﺗﺸﻮﻓﻬﺎ ﻭﺟﻪ ﺍﻟﺼﺒﺢ ﻧﺎﻣﺖ ﻭﺗﻮﻥ ﻣﻦ ﺍﻟﻮﺟﻊ ﻭﺗﻬﺬﻱ ﺑﺄﺳﻢ ﺍﻣﻬﺎ ﻭﺍﺑﻮﻫﺎ ﺣﺘﻰ ﻛﺎﻣﺖ ﺗﺒﭽﻲ ﻭﻫﻲ ﻧﺎﻳﻤﺔ ﺍﻟﻠﻪ ﻳﺴﺎﻋﺪﻫﺎ
ﻣﺮﺍﺩ ....... ﻭﻟﺞ ﻣﻬﺎ ﺳﺎﻟﻔﺔ ﻣﺠﺎﻱ ﺗﺪﺧﻞ ﻟﺮﺍﺳﻲ ﺍﺧﻮﺍﻥ ﻫﻴﺞ ﻳﺴﻮﻭﻥ ﺑﺄﻣﻬﻢ ﻭﺍﺧﺘﻬﻢ ﻟﺞ ﺍﻧﻲ ﻟﻮ ﺍﻣﻲ ﺗﺮﺟﻊ ﻳﻮﻡ ﻭﺍﻟﻠﻪ ﺑﺲ ﻳﻮﻡ ﺷﺘﺮﻳﺪ ﺍﺳﻮﻱ ﺍﻟﻬﺎ ﻫﺴﺔ ﻣﺠﺎﻱ ﺍﻗﺘﻨﻊ ﺑﻜﻼﻡ ﺍﻟﺒﻨﻴﺔ
ﺭﻳﺎ ....... ﺍﻧﻲ ﺍﻣﺸﻲ ﻋﻠﻰ ﻛﻴﻔﻲ ﻭﺳﻤﻌﺖ ﻛﻞ ﻛﻼﻣﻬﻢ ﺻﺪﻙ ﺍﻧﻲ ﺍﺫﺍ ﺍﺗﻌﺐ ﻭﺍﻧﺎﻡ ﺍﻛﻮﻡ ﺍﻫﺬﻱ ﻣﺪﺭﻱ ﺷﺨﺮﻃﺖ ﻋﻠﻰ ﻣﻬﺎ ﺣﺘﻰ ﻫﻲ ﻫﻴﺞ ﺗﺒﭽﻲ ﻋﻠﻰ ﺣﺎﻟﻲ ﻛﻌﺪﺕ ﺑﺎﻟﻐﺮﻓﺔ ﺍﺑﺎﻭﻉ ﺍﻟﺴﺎﻋﺔ ﺏ 11 ﺣﻴﻴﻴﻞ ﺭﺍﺡ ﻳﺄﺫﻥ ﺍﻟﻈﻬﺮ ﻭﺍﻧﻲ ﻧﺎﻳﻤﺔ
ﺳﺎﻋﺔ ﻣﺮﺕ ﻭﺍﻧﻲ ﻛﺎﻋﺪﺓ ﻃﺒﻌﺎ ﺍﺗﻔﻘﺪﺕ ﺻﻨﺪﻭﻙ ﺍﻟﺬﻫﺐ ﻣﻮﺟﻮﺩ ﺭﺟﻌﺘﻪ ﻟﻠﺠﻨﻄﺔ ﻭﺧﻠﻴﺖ ﻋﻠﻴﻪ ﻣﻼﺑﺲ ﻭﺭﺟﻌﺖ ﺍﻟﺠﻨﻄﺔ ﺗﻠﻔﻮﻥ ﻣﺎﻣﺎ ﻋﻨﺪﻱ ﻭﺗﻠﻔﻮﻧﻲ ﺛﻨﻴﻨﻬﻦ ﺟﺒﺘﻬﻦ ﺑﺲ ﻗﺎﻓﻠﺘﻬﻦ ﻣﻦ ﻃﻠﻌﺖ ﻣﻦ ﺍﻟﺒﻴﺖ ﻣﺎﻓﺘﺤﺘﻬﻦ
ﺳﻤﻌﺖ ﺍﻻﺫﺍﻥ ﺍﺫﻥ ﻛﻤﺖ ﻏﺴﻠﺖ ﻭﺟﻬﻲ ﻣﻦ ﺍﻟﻌﺼﺎﺭﺓ ﻭﺗﻮﺿﻴﺖ ﻭﺻﻠﻴﺖ ﻛﻠﺒﻲ ﻳﺪﻙ ﺑﺴﺮﻋﺔ ﻭﺧﺎﻳﻔﺔ ﺣﻤﺰﺓ ﺭﺍﺡ ﻳﺸﻮﻑ ﻭﺿﻊ ﺍﺧﻮﺍﻧﻲ ﻭﺑﻴﺘﻨﺎ ﺍﺧﺎﻑ ﻳﻌﺮﻓﻮﻥ ﺍﻧﻲ ﻫﻨﺎ ﻭﻳﺠﻮﻥ ﻭﺑﺴﺎﻋﺘﻬﺎ ﺭﺍﺡ ﺗﺼﻴﺮ ﻛﺘﻠﺘﻠﻲ ﺣﻼﻝ ﻇﻠﻴﺖ ﻛﺎﻋﺪﺓ ﻭﺍﺩﻋﻲ ﺍﻟﻠﻪ ﻛﻮﻥ ﻳﺨﻠﺼﻨﻲ ﻭﻳﺮﻳﺤﻨﻲ ﻫﺴﺔ ﺍﻧﻲ ﻧﻔﺴﻲ ﻣﺎﺍﻋﺮﻑ ﻭﻳﻦ ﺍﺭﻭﺡ ﺷﺄﺳﻮﻱ ﻫﻨﺎ ﻫﻢ ﻣﺎﺍﻛﺪﺭ ﺍﺑﻘﻰ ﺑﺒﻴﺖ ﺍﻟﻮﻟﺪ
ﺳﻤﻌﺖ ﺻﻮﺕ ﻫﺬﺍ ﺍﻟﻮﻟﺪ ﺣﻤﺰﺓ ﺍﺟﺔ ﻃﻠﻌﺖ ﻛﻮﺓ ﺍﻣﺸﻲ ﻋﻴﻮﻧﻲ ﺗﺠﻤﻊ ﺑﻴﻬﻦ ﺍﻟﺪﻣﻊ ﻭﺍﻟﺨﻮﻑ ﻳﻘﺮﺃ ﺍﻟﻒ ﻋﻨﺪﻱ ﻣﻌﺪﺗﻲ ﺧﺒﻄﺖ ﻭﻛﻠﺒﻲ ﻳﺪﻙ ﺑﺴﺮﻋﺔ ﺣﺘﻰ ﺩﺧﺖ ﻣﻦ ﺍﻟﺨﻮﻑ ﻃﻠﻌﺖ ﻛﻮﺓ ﺍﻣﺸﻲ ﻭﺻﻠﺖ ﻟﻼﺳﺘﻘﺒﺎﻝ ﻫﻢ ﻛﺎﻋﺪﻳﻦ ﺑﺲ ﺩﺧﻠﺖ ﻛﻮﺗﻠﻪ ﻫﺎﺍﺍﺍﺍ ﻋﺮﻓﻮ ﺍﻧﻲ ﻫﻨﺎ ﻫﻮ ﻛﺎﻝ
ﺣﻤﺰﺓ ...................
