رواية خواطر رجل الفصل الثامن بقلم جمانه السعيدي
ياسر...اخذه احمد شايله بحضنه وطلع
واني بقيت عيني وراهم منا لمن طلعو كعدت بلكاع ولزمت راسي بثنيبن اديه
مااعرف شسوي ووين اروح معقوله اني هيج سويت بنفسي
البنيه الي بقيت منتضرها خمس سنوات وجنت احلم ارتبط بيه وسويت المستحيل حتى توافق تزوجني
ضيعته من ايدي بلحظه عصبيه
اني منيين اجتني هاي الأفكار الشيطانبه
وشلون سيطرت عليه
ليش اذيته شلون ضربته البنيه ماطلبت غير وقت
حتى تتعود عليه
اني جنت مستعجل بكلشي بلخطوبه وبلعرس وبكلشي
وما انطيته مجال تتعود عليه
مستحيل راح تقبل ترجعلي بعد الي سويته بيه
جمانه السعيدي
طلعت الدكتوره من غرفته
الدكتوره...هاي بعدك هنا شمنتضر تهورك ضيع منك زوجتك استعجالك دمر كلشي
روح شوفلك حل بسرعه بلكت اكو بكلبه محبه الك وتغفرلك الي سويته وياها
كمت من مكاني امشي واتخربط منا لمن وصلت للسياره
صعدت وشغلته
ووين اروح ماادري وشلون راح احل هاي المشكله الي وكعت نفسي بيه
وصلت للبيت بس دخلت اتخيلت شلون تتوسل بيه اعوفه
واني مستمر اضربه
تحلفلي محد لا مسه ولا مقرب عليه
واني ماصدكته ابد
كمت اشيل بلغراض الي بلبيت واكسر بيه
ماعفت شي ماكسرته اريد هاي الحركه تطلع من كلبي
غبي وماافتهم ضيعت حبيبتي مني
وتهمته بااغلى شي تملكه
كسرت غرفة النوم والمطبخ والمرايات والتحفيات
ايدي انجرحت ورجلي دخلت بيه كزازه
استاهل يصير بيه اكثر واكثر لان غبي وماافتهم
جمانه السعيدي
تمددت بلكاع الدنيا صارت سوده بعيني
ووين اروح وشلون راح تسامحني وتغفرلي مرام
حبست نفسي بلبيت مااطلع ابد وماارد على اي تليفون
ثاني يوم اهلي استفقدوني
اجو امي وابوي عليه
لكو البيت مكسر
امي ...اسم الله هاي بيتك شبي
ابوي...ووين زوجتك ليش هيج صاير بللبيت
ياسر...زوجتي شردت مني لان طلعت مو رجال وماكدرت احافظ عليه
امي...شلون يعني مافتهمت فهمني
ياسر.. كنت مستعجل اريد بس ازوجه وارتبط
طلبت وقت حتى تتعود عليه بس مافهمت حالته
واتهمته بشرفه وضربته الحد ما كسرته تكسير
واخذته للمستشفى وطلبت من الدكتوره تفحصه لان كنت شاك مو بنيه
امي....الله يستر منو لعب بعقلك شلون مو بنيه وانت تعرف اهله صار خمس سنوات ناس محترمبن والكل يحلف باخلاقهم
ابوي.. زين بيتك شبي ليش هيج الاثاث مكسر اهله هجمو عليك وكسرو بيتك لان اتهمت بتهم بشرفه
ياسر.. لا اني كسرت كلشي بعد شسوي بلبيت والاثاث اذا مرام ماكووو
ابوي...لا انت تخبلت رسمي فوك ماضارب بت الناس
وتاهمه بشرفه النوب مكسر البيت شبيك بابا تخبلت
ياسر.. اكيد تخبلت لان تهمت مرام بشرفه واني جنت اشوفه طول الوقت كدامي واعرف اخلافه
جمانه السعيدي
امي.. كوم تعال وياي البيتنا مااعوفك هنا وحدك بعد
ارتاح كم يوم ونروح اني وابوك ونصالحه
ياسر.. مااعتقد راح ترجع اليه مره ثانيه
امي.. ليش ماترجع الزلم تسوي اكثر من هاي المصيبه
والنسوان ماتعوفهم
ابوي يله كوم تعال ويانه ارتاح وغير مكانك منا لمن رب العالمين يفرجه
رحت ويااا اهلي للبيت وعزلت نفسي فد مره لا اطلع والا ادخل بس كاعد بغرفتي واكل وجبه وحده بليوم
وكلشي مااعرف عن اخبار مرام واهله
بعد اسبوع من هاي المشكله
قررت امي تروح وتشوف شنو الاخبار
جمانه السعيدي
بعد ساعه رجعت
ياسر...هااا يمه شفتي مرام زينه
امي...لا ماشفت مرام بس امه طلعتلي واكلتني وشربتي
هاي الامانه احنا ماطلبنا منكم لا غالي ولا رخيص
بس امنه مرام يمكم هي هاي الامانه
مكسر عضامه تكسير ومفرج عليه أمة محمد
ويطعنه بشرفه مايستحي قابل مايعرفنا لو مصار
خمس سنوات يعرفنا وداخل بيتنا وماكل وشارب عدنا
هاي اخرته
ابدال ما يخليه تتعود علي ويحتويه هيج يسوي بيه
ماخاف من رب العالمين
شافه وحيده وستقوه عليه
بعد ينسى مرام مراح ترجعله طول العمر
بنتي مريضه لا تأكل ولا تشرب ولا تقبل تطلع
كله بسببه الله لا يسامحه على هاي العمله
ياسر...من سمعت هذا الكلام من امي ايست بلزايد
مستحيل مرام ترجعلي
قررت اروح اعتذر من احمد بلكت يكدر يساعدني
ارجع مرام
جمانه السعيدي
ابوي اخذ مفاتيح بيتي
وجاب واحد اشترا الغراض المكسره وطلع عمال نضفو البيت وقفله وجاب ذهب مرام وملابسه
دزهن بيد اخوي البيت مرام
وصلت للمكتب لكيت احمد كاعد يمشي بلشغل
ياسر....السلام عليكم ممكن احجي وياك
احمد....مابقه شي نحجي بي وحتى هذا المكتب لازم
نفلشه وكلمن ياخذ نصيبه
ياسر...بس اسمعني كلشي تكوله صحيح واني اعترف اني غلطان
احمد...واني شسوي باسفك هاي مرام ياسر تعرف شنو مرام
مرام الي بقيت تتوسل حتى توافق عليك
تذكر من دخلت بيتنا وكلنالك هاي امانه حافظ عليه
وانت شسويت بعد مامكملين اتلث اسابيع زواج
طعنته بشرفه وضربته وفرجت عليه أمة لا اله الا لله
اعتذارك مامقبول
ياسر لازم تسمعني للاخير
كلشي كلته صدك بس مرام حرمتني من حقي الشرعي
صار اتلث اسابيع وهي تتهرب مني
حرت شسويت شكد توسلت بيه وماتقبل
مااجه ابالي غير أن سبب رفضه وبتعاده عني غير هذا السبب
وخصوصا هي ومهند يحبون بعض من زمان
وبقو عاقدين فتره ومهند كان شبه كاعد عدكم
يعني حتلو مقرب عليه
فهذا الشي مو حرام لان همه عاقدين شيخ ومحكمه
احمد...ولو هاي مو اخلاق اختي ومرام مستحيل تفرط بشرفه
جمانه السعيدي
ياسر. خلي نفسك بمكاني واي احد راح يمر بلي مريت بي
راح تجي هاي الفكره على باله
ماكو وحده تتمنع عن زوجه كل هذا الوقت
خصوصا بنات هذا الوقت كلشي يعرفن
وهي جبيره ودارسه وفاهمه
احمد ...زين انت ليش بقيت ساكت كل هذا الوقت
ياسر. الموضوع محرج ومااكدر احجي بي ابد
ارجوك اتوسل بيك احجي وياها
اني ندمان ومستعد اعتذرله كدام كل الناس بس خل ترجع وياي انت ماتعرف شصار بيه بيومه
كسرت اثاث البيت كله
هذا الاثاث كلفني عشر ملايين كله كسرته
من كد مامقهور من الموقف الي سويته
احمد....مااكدر اساعدك اعذرني المشكله صارت عائليه
واهلي كلهم زعلانيين وكاعد يلوموني بيه
لان اني كتله وافقي على ياسر وبكفالتي
ياسر....واني كنت كد كلمتي وياها وصبرت عليه
بس هي ماانطتني مجال
اني مستحيل اتخيل وحده غيره تكون زوجتي
ومستحيل راح اتخلى عنه
راح ابقى منتضره العمر كله
وصلله هذا
شكرا لزيارتكم عالم روايات سكيرهوم
