رواية بيت جدي الفصل الثامن بقلم جمانه السعيدي
علي....اني سمعت عمي يكول اجو خطابه على نرجس واني عبالك واحد ضربني على راسي
صلاح...عمو علي بعد ما أوصيك اريد عمامك يعرفون
قبل لا تجينا الناس
واذا يحظرون المشيه هله بيهم
يمكن المشيه سبوع الجاي اني هم اتأكد وارجع اتصل عليكم
علي...اوكف عمي اريد احجي وياك
صلاح....اي
علي...عمي اني اريد نرجس
صلاح...تحجي صدك لو تشاقا
علي...لا احجي صدك اني اريدها بس اريدك تنطيني مجال
افتح الموضوع وياا امي
صلاح...اي ماكو مشكله اخذ راحتك
علي...اني ارجع اتصل عليك بس مثل ما كتلك اني اريد نرجس
صلاح...اذا اللك تعال هسه اخذها اتمنى تصير من نصيبك
حتى خواتها اكيف خواني ياخذونهن
على الاقل اموت واني كلبي مطمن عليهن
البنات مسؤليه
علي...هذا كلام اخذه مني اني اريد نرجس وراح اجيب عمامي واجي اخطبها
بس اريد منك وقت اريد افتح هذا الموضوع ويا امي
صلاح...بكيفك يمتى ماتجي هله بيك
نرجس الك ومحد ياخذها غيرك
علي...تسلم عمي ما تقصر
صلاح...انت خوش ولد تستاهل
جمانه السعيدي
علي...رجعت للبيت ومقررافاتح امي بهذا الموضوع
اعرف هي تكره عمي صلاح
بس اني ونرجس مالنا ذنب
اني اريدها حتلو ادخل حرب علمودها
اريدها ومراح ازوج وحده غيرها
تعشينا وخلصنا سحر جابت الجاي
اني كاعد قلق مااعرف شلون راح افتح هذا الموضوع وياامي
امي...يمه علي شبيك شو اليوم مو على بعضك
علي...مادام انتي فتحتي الموضوع راح احجيلج كلشي
امي...اي كول انت مااضم عليه شي
علي...اني اريد ازوج
امي...يااا صدك صلاوات للللوووششش يوم السعد يوم الهنا وهذا الخبر الزين ليش ضامه عليه
علي....بس اريد وحده معينه يعني وحده عاجبتني لو هي لو ماازوج
امي...اااشر على بت السلطان واروح اخطبها
اني شعندي غيرك اصلا اني انتظر هذا اليوم بفارغ الصبر
اتمنى ازوجك واشوف جهالك قبل لا اموت
علي...لهنا زين بس لازم تعرفين من العروسه
امي...اي كول منو واني هسه اروح اخطبها
علي...اريد نرجس بت عمي صلاح جمانه السعيدي
سكتت امي مثل الي جاي تركز بلكلام
امي...نرجس منو
علي...نرجس بت عمي صلاح
امي....يااا عمك صلاح صلاح السكير لو غيره
علي...اي موكلنا بطل شرب
امي...يااا عود تحجي صدك
علي...اي احجي صدك لو هي لو ماازوج يمه ولله خوش بنيه ومؤدبه وحلوه وامها كلش خوش انسانه
امي....انت تريد تجلطني عايف البنات كلهن وراجع تريد بت صلاح لا انت تخبلت بشرفي تخبلت
لو تبقى اخر وحده.ه بلدنيا
لو تبقى كل عمرك اعزب وماتزوج مااخطبلك بت صلاح
شنسى من صلاح انسى الغلط لو المسبه لو كسر رجلك
لو انسى من كتلني وشك راسي لو انسى شلون يعيرني بخلفة البنات لو شلون يحرض ابوك حتى يزوج عليه
لا وحده ولا ثنيين حتى انساهن
شوف علي اذا تريدني أرضا عليك تعرف هاي السالفه
ولا تجيب طاريها
شوف انت شكد عزيز عندي بس اهون تموت ولا تاخذ بت صلاح
تريدني أرضه عليك تعوف هاي السالفه
بت صلاح لا والف لا
يعني اني كل هذا عمري منتظرتك تزوج وافرح بيك
تالي عفت كل البنات ورايح تخطب بت صلاح
اني عرفت روحت بغداد وراها شي اني كتلك لاتروح البيت صلاح
هااا عرف انت تاجر وعندك املاك ويريد يعيش براسك
ولله كلبي عبالك يعرف
اني هاي السفره جنت قلقه منها
يريد يزوجك بته مووو بس لو يموت مااخلي
يفرح ويتهنى بهاي السالفه
بت صلاح ماتزوجها فهمت لو لا
علي...يمه انسي ذاك ماضي وانتهى ترا حتى رب العالمين يغفر ويسامح
عمي تغير عمي مكسور وبركبته بنات
واذا مو احنا نوكف وياا منو يوكف ويااا
اني هاي البنيه عاجبتني واريدها
اذا تحبيني وافقي عليها اذا ترديني اعيش سعيد
وافقي عليها
بعدين عمي مايعرف اي شي عني ولايعرف عندي املاك
جمانه السعيدي
امي...اذا خطبتها انسى عندك ام انسى اخليك تشوفني واشوفك اروح اعيش بلنجف يم كبر ابوك
واشكيله منك
اكله تعال شوف علي شسوه بيه من بعدك
علي...خلاص اعتبري موضوع زواجي ملغي
اني مراح ازوج اله نرجس يوم الي ترديني ازوج وتفرحين بيه وافقي على نرجس
ماكو راح ابقى بدون زواج طول عمري
امي...ابقى بدون زواج ولا اجيب بت صلاح بيتي هنا
كامت امي زعلانه ومقهوره مني
بس اني مصمم لو نرجس لو ماازوج
بقينا اني وامي أسبوع مانحجي
اني زعلان عليها حتى اخليها توافق
وهي زعلانه عليه حتى اعوف بت عمي
بعد هذا الأسبوع امي اجتني تريد تموتني مااعرف منو
موصللها خبر اني دافع عشرين مليون حتى اكمل فلوس عمي واشتريله قطعه
امي....انت شنو بكيفك شنو تدفع هيج مبلغ العمك
علي...اي مبلغ
امي...دافع عشرين مليون مكمل بيهن فلوس صليح
صليح الي طلعلي بلبخت
عبالي مات وخلصت منه تالي طلعلي وشاد حيله عليه
يريد ياخذ كلشي
الفلوس والولد ياخذ كلشي على الحاهز
علي...منو كالج
امي...انت هذا الي هامك مرت عماد كالتلي
شمت الناس بيه
علي...علي كيفج عمي انطاني فلوس الفصل حتى اشتريله كاع
امي...اي والفلوس ماكفن وانت كملتهن ٢٠ مليون
علي...وين المشكله عمي محتاج وساعدته
لو ابوي موجود جان اتصرف نفس هذا التصرف
امي...ابوك مات وهاي الفلوس مو بس فلوسك
خواتك شريكات وياك بكلشي
حتى اني اليه حصه وياك انت سئلتنا اخذت رائينا
شلون تنطي هيج مبلغ الصلاح
يعني انت تعبان وتطلع بلسياره وواكف على رأس العمال
وتالي صلاح يجي ياخذ كلشي على الجاهز
علي...اعتبري اني انطيته من حصتي مو من حصتجن
اني موجاي اشتغل وتعبان
اني اريد انطي عمي من تعبي
امي.. اني عرفت روحتك البغداد راح اجيبلنا المشاكل
ماردتك تروح
لو سامع كلامي مجان شفت صليح من انشاء الله الله لايشوفه
شردت منه كل هذا العمر وبعده لاحكني
هو موجان يحجي عليه اني موجنت موزينه
هسه لاحكني على شنو
ياربي بس هذا الولد طلعت بي من الدنيا وصلاح لاحكني علي
ليش انت تساعده إخوانه موجودين وهما يساعدونه
علي...انت هسه ليش عصبيه
امي...مااريد صلاح يدخل حياتنا صلاح موخوش ادمي
دمر حياتي قبل وهسه هم لاحكني
علي...لا تصيرين عصبيه صار اي شي تردي يصير
امي... من هاي اللحظه تحلف بروح ابوك بعد ما تتواصل ويا عمك ولا تنطي الف دينار
وهاي بنته تعوفها ليش اروح اتعارك وياا عمامك
علي..عمامي شعليهم
امي...همه ساس البلا هما الي اخذوك الصلاح
ياربي عبالي مات وخلصت منه منيين طلعلي
جمانه السعيدي
علي....اني مراح احلف وعمي مااعوفه مو علمود نرجس
لا علمود هو عمي ومحتاجني
اني عندي خير من الله وهو فقير ومحتاج ووضعه يصعب على الكافر
معقوله اعوفه بهذا وضعه وادير وجهي عنه
حتلو ماكان عمي وكان انسان غريب وشفته بهذا الوضع لازم اساعده
رب العالمين يكووول ارحمو من في الأرض يرحمكم من في السماء
الرحمه حلوه بين البشر
حاولي تنسين الماضي وتبدين من جديد
البشر خطائين الكمال بس لله
محد معصوم من الغلط وعمي تغير ونكسر
واني مراح اعوفه ابد
يمه انتي حنينه وطيبه كافي انسي لا تبقين شايله بكلبج
موزين عليج
امي.. خلصت..مراح أرضه عليك اذا بقيت ادافع عن عمك
لو قربت علي لو ازوجت بنته
ولا تنسى رضا الله من رضا الوالدين
اني مراح اكون راضيه عليك
انت بعد بكيفك
علي...زعلت امي عليه وقاطعتني
واني هم سكتت عنها بلكت تفكر وتغير رائيها
اجتنا كروه البغداد للشعب واحد مشتري ديوان ويريد واحد يجيبه
الولد مايروح وياي اني اجيبه وحدي واجي
رحت البغداد قررت امر علي عمي اجيب مستمسكات
حتى اسجل الكاع باسم عمي
بس دكيت الباب طلعت نرجس
علي.. صباح الخير
نرجس...صباح الخير كلبي كالي اليوم اشوفك
علي...فديت كلبج اني واني كلبي كال مشتاق
نرجس ...احنا الاشوق
علي..عمي موجود
نرجس اي موجود وين يروح مسكين
ضاج من كعدت البيت
علي...هلو عمي شلونك
صلاح....اكثر واحد من اشوفه كلبي يفرح
علي...الكلوب سواجي
صلاح...هله بيك منتضرك
علي...حضرت اوراقك
صلاح...اي حضرتهن من يخلص بيتنا ابيع هذا البيت
يجيب ١٥ مليون وفلوسه الك
انت جاي تبني والبناء يكلف
علي....مااريد منك شي اني بخدمتك
صلاح....جنك ضايج اكو شي
علي...امي
صلاح.. امك ما موافقه على هاي الخطبه
علي.. امي ما تقبل تنسى الماضي وتبدي من جديد
صلاح...تريد اروح اعتذر منها
علي...لا على بختك عمي شنو تعتذر منها ذاك وكت وراح
كلنا نخطئ بس المهم البشر يعرف غلطه
صلاح.. امك بعدها تكرهني كل هاي السنيين وبعدها تكرهني
علي... اكيد راح تغير رأيها بس اني اريد نرجس
اريدها ومراح ازوج غيرها
واذا على امي اكيد راح تمل واتوافق بس محتاجه وقت
اكثر ممكن تصبر عليه
صلاح.. اصبر العمر كله اني عمك
نرجس الك ومراح تصير الغيرك
علي...هذا الي اريده منك تصبر فتره واني راح ارجع احاول لمن تقتنع امي
صلاح...اذا تريد هسه تكطعون مهر حتى تتطمن نرجس الك ماعندي مانع
علي...لا اني ماشي بركة دعاء امي لمن توافق
اجي اكطع مهر
راح توافق هي ماعدها شي أغلى مني امي كلبها طيب
وحنيينه
شكرا لزيارتكم عالم روايات سكيرهوم
