رواية مهجت روحي الفصل الثامن بقلم جمانه السعيدي
سيدجمال....ذني الفلوس لكيتهن
راسا مهجه التفتت عليه وخافت
غفران...فدوه العينك وين لكيتهن
سيد حسين...ووين لكيتهن احجي
اخذهن سيد حسين وفتح العلاكه اي هنا ذني ووين لكيتهن
راسا مهجه انخطف لونه ودارت وجه وكالت
مهجه...اني اريد اروح البيتنا
سيد جمال...لزمته من ايدها... ترحين وحدج اني اوصلح
وخزرته
راسا دنكت وماحجت اي شي
سيد حسين....احجي وين لكيتهن
غفران....اي فدوه سيد وين لكيتهن
سيد جمال....لكيتهن بلهول الضاهر نسيتي اضميهن وعفتيهن برا
غفران....لا اني متأكده ضميته بلكنتور
سيدجمال....يمعوده انتي هليام تعبانه ومتدرين بنفسج
سيد حسين...اسف حبيبتي اني انخبصت لان اول مره يضيع شي بيتنا
غفران....تعرف بعد شويه وانجلط عقلي طار مني يعني وين صارن
بعد لا تنطني فلوس فدوه سيد اني كلش اخاف من الامانه
جمانه السعيدي
سيد حسين....لكيناهن بعد انتي ليش خايفه
غفران....بعد مستحيل ابقي يمي فلوس الاي احد
ااخ راسي يوجعني حيل
مهجه....اريد اروح البيتنا
سيد جمال...اني اوصلج يله انتضرج بلسياره
طلعت شغلت السياره وكعدت شويه وطلعت
لابسه رداء وشال طالع نص شعرها
صعدت ليكدام وسدت الباب
شغلت السياره بس مشت السياره
سيد جمال.... ليش
مهجه...ليش شنو
سيدجمال...ليش اخذتي الفلوس
مهجه....اي فلوس
سيدجمال...الراتب الي امج ضمته وانتي رحتي بكتي
مهجه...مااسمحلك اني مو بواكه
سيدجمال...مو شفتج بعيني
مهجه....كذاب
سيدجمال....هااا كذاب زين عندي اللج تصوير وانتي اضمين الفلوس جوا القنفه
( طبعا اني اكذب عليه ماعندي اي تصوير بس ردت اعرف ليش سوت هيج لان مامبين عليه من نوع الي تبوك فلوس)
مهجه....ولو ماتخوفني اني مو بواكه انتم البواكين
اخذتو مني امي
تعرف شنو بنيه بعمري تعوفه امه وتزوج
وتكون اسره ولو انت شمعرفك امك موجوده وكل يوم تصابحه وتماسيه
سيدجمال.. بس هذا مو سبب حتى تمدين ايدج
مهجه... فتحت جنطتي طلعت فلوس منه
هاك شوف شكد عندي فلوس ابد مامحتاجه اي فلس
ردت اخوك يعوف امي
ردت اخرب حياتهم اريد امي ترجع اني محتاجته اكثر من اخوك
جمانه السعيدي
اخوك متمكن يكدر يزوج غيره وحده وجيبله اطفال
بس اني مااكدر احصل ام ثانيه غيره
اني اريد اموت على امي الحزن والقهر عايش بكلبي
سيدجمال....امج اليوم جان خسرت حياته ضغطها صعد
وهي حامل
انتي ابدال ماترجعيه اليوم جان فقدتيه للابد
اذا ماتت امج شراح تسوين
مهجه....اهي اهي...لا ماتموت ماتعوفني مرتين
الله عليك قنع اخوك ياخذ الطفل ويعوف امي اليه
حتى اذا تريد فلوس انطيك
ابوس ايدك ساعدني حتى امي ترجع
اني مااكدر اعيش بدونه
من ازوجت امي لليوم واني حياتي تخربطت
هي ماكانت بس امي امي واختي وصديقتي
سيدجمال...على فكره انتي مكبره الموضوع حيل
امج بعدها زغيره ومن حقه تزوج وتكون اسره
مثل مانتي راح ترتبطين بيوم من الايام وتعوفينه وحدها
مهجه...اذا رجعت امي ماازوج
سيدجمال...هذا حجي كل بنيه تريد تزوج وتكون اسره
شمعنا انتي
ليش ماتباوعين للموضوع من غير جهه
راح يصير عندج خوان وامج ترتاح وتعيش سعيده
وانتي انتبهي الدراستج وحبي ورتبطي وعيشي حالج حال البنات
راسا كامت تبجي بصوت عالي وتضرب وجه
مديت ايدي ولزمت اديه
سيدجمال...ليش هيج اتسوين بنفسج
امج هسه محتاجتج مريضه وتعبانه وحامل لازم توكفين وياها وتساعديه
مثل ماهي تعبت عليج ودارتج وكبرتج هسه اجا دورج
تساعدينه حتى تطلع من هاي الازمه
لاتصيرين انانيه وتحبين نفسج وبس
جمانه السعيدي
مهجه...اني مو انانيه اهي اهي
سيدجمال..انتي اكبر انانيه شفته بحياتي
تفضلين راحتج وسعادتج على سعادة امج
يمكن سيد حسين عادي يزوج وحدها غيره ويمكن ازغر منه
بس امج مستحيل تلكه واحد كلبه طيب مثل سيد حسين
وبعدين امج فرصة الحمل هاي اجت من رب العالمين
انتي بهذا العمر وراح يصير عندج اخ هاي معجزه
انتي ماتردين خوان
مهجه....اهي اهي...اريد امي اريد انام بحظنه انتم اخذتوها مني
سيدجمال...رجعنا الهاي السالفه مره لاخ بابا فكري باامج
لا تفكرين بنفسج وبس انتي شنو زغيره
امج اليوم جان فقدت عمرها ضغطها صاعد والنوب
الفلوس ماكوووو
مهجه....راح تكللهم مهجه اخذت الفلوس
ولله العظيم مااخذتهن لان طمعانه بيهن بس ردت تصير مشكله بين امي واخوك ويعوفه
سيدجمال....لا راح يبقى سر بيناتنه اني وياج بس بشرط
تبطلين هاي السوالف التعبانه وتصيرين حبابه
وتساعدين امج
شلون تقبلين امج تطلع حراميه وانتي تعرفين هي ماله دخل بهذا الموضوع
مهجه..... فكره واجت ابالي لا تتوقع هاي الشغله هينه عليه
بس هذا حد عقلي وتفكيري
سيدجمال...يله وصلنا انزلي وبعد لا تعيدين هاي السالفه ابد فهمتي لو لا
نزلت واني بقيت واكف لمن دخلت للبيت
رغم اني كنت ضايج من تصرفه بس ولله كسرت خاطري
حسيته طفله
شكد متعلقه باامه وماتعرف شلون ترجعه
حتلو اتاذيه بتصرفاته بس اهم شي ترجع
الله يصبره لازم تتعود على هذا الوضع الجديد
ثاني يوم غفران ماتكدر تكعد من الهبطه تعبانه حيل
اتصلت على مهجه بس ماقبلت تجي
بعدين ام غفران اجت حتى تبقى يمه
واني كتله لا تسوين اي شي لا تنضيف ولا طبخ
اني اجيب اكل وياي من اجي
مهجه بعد مااجت ام غفران تجي تبقى يم غفران
منا لمن نرجع من الشغل
نجيب اكل جاهز ونغسل ملابسنا بلغساله
واني احاول ارتب البيت كد مااكدر
الحد مااتصلت مريم وكالت باجر نرجع للعراق
يافرج رب العالمين واخيرا مريم راح ترجع ولله تايهين بلياها
