رواية خواطر رجل الفصل التاسع بقلم جمانه السعيدي
ياسر...بهاي الفتره اكلني الندم
تندمت مو شلون مجان معقوله اني هيج سويت بنفسي
بعد اسبوعين جمعت كل قوتي ورحت البيتهم
حتى اعتذر منهم كلهم
استقبلوني بس الوجوه ثكيله وخاصه ابوها
لان هو أكثر واحد وصاني عليه
ياسر....اني اسف واعتذر اني خطئت بحقكم وحق مرام
ابو مرام....اي عذر مامقبول الرجال الي يمد ايده على بنتي ويطعنه بشرفه
بعد مايصير واحد من هذا البيت
ومرام تنساها وابسرع وقت اطلكه شنو اني جايز من بنتي جان راحت بايدك
اطلع قوتك عليه
جمانه السعيدي
ياسر....غلطه وبعد ماتتكرر
ابو مرام...طبعا ماتتكرر لان انت تحلم تشوف مرام بعد
ياسر...ارجوك عمي افهمني اني جنت بموقف صعب
ونهاريت ومااكدر اتحمل بعد
مرام مانعه نفسه مني ومو يوم ولا يومين احنا مزوجين صار عشرين يوم
ابو مرام...اي وهاي الطريقه تاخذ حقك البنيه منهاره فد مره ياريت هاي المشكله ماتعدت حدود البيت
انت اخذته للمستشفى والناس كله تفرجت عليه
ياسر.....مرام زوجتي ومستحيل اطلكه
ابو مرام....لا اطلكه هاي بدايته هيج بعدين شراح تسوي بيه
احمد....يابه من رخصتك انطي ياسر وقت الولد جاي يعتذر
ابو مرام...اس ولا كلمه انت الي دكيت صدرك وكلت بكفالتي
تاليه يضربه
ياسر.. ممكن احجي وياها
ابو مرام...اصلا هي ماتريد تشوف وجهك بعد
طلع ابوها وبقينا بس اني واحمد كاعدين
جمانه السعيدي
احمد....روح ياسر خل السالفه تاخذ وقت وخل الجروح اطيب وبعدين رب العالمين يحله
ياسر...اريد احجي وياها
احمد...ماتقبل وخاصه هسه بعدها موجوعه منك حيل
ياسر....تحجيلي وياها انت ولله ندمان رب العالمين يخلق العبد ويتعب علي وينطي روح وصحه والعبد يكعد يعصي
ولمن يتوب رب العالمين يسامحه
احمد...لان رب العالمين اسمه الغفور الرحيم واحنا بشر
وماعدنا هاي الطاقه ابد
روح وخليه تاخذ وقت بلكت تذكر شي حلو بينكم وترجع
ياسر...طلعت من بيتهم واني محبط وماعندي امل واحد بلميه اعرف مستحيل ترجع بعد الي صار
رجعت الشغلي والبيت ابد مادخلته بعد
اشتغل بدون واهس
شكد اتصل عليه وماترد عليه والف رسالة اعتذار دزيتله
بس ماترد عليه
مجاهلتني فد مره
رجعت دزيت احمد يحجي وياها
جمانه السعيدي
احمد ...تعاي مرام عندي كلام مهم وياج
مرام...اسمعك بس لا اجيب طاري ياسر ابد
احمد....ترا ياسر ندمان ومستعد يعتذر وكدام الناس كله
مرام...ماارجعله لو ابقى بلا زواج طول العمر
لو ياسر اخر رجل على وجه الكره الارضيه
احمد...لا تزعلين مني انت غلطانه شنو يعني زوجته وكاعده بيته ويصرف عليج
وسوا المستحيل حتى تزوجون وانتي تعرفين شكد يحبج
ومانعته يتقرب عليج
اني لو بمكانه جان سويت اكثر منه
شنو يعني زوجتي وبيتي ومااكدر أقرب عليه
انتي سبب هاي المشكله
مرام...خايفه من هاي التجربه
احمد...انتي مو زغيره جبيره وتفتهمين وجنتي عاقده قبل
يعني هاي فكرة الزواج مو جديده عليج
بعد شنو هلتصرفات
بنات بعمر ١٤ و١٥ يزوجون ويتحملن مسولية بيت
ويصير عدها اطفال
بس انتي جنتي تعرفين ياسر يحبج وكاعده تستغلين هذا الحب
وتدللين علي
مرام...ولو ماارجعله ابد بعد مااريده
احمد...زين اسئلج طول فترة الزواج والخطوبه هم شفتي منه شي موزين
مرام...لا ابد يعاملني بحترام وابد ماقل أدبه عليه
لو ضغط عليه
احمد...زين تصرفاته هاي ماتشفعله
مرام....احمد ضربني وتهمني بشرفي
جمانه السعيدي
احمد...اني لو بمكانه اتصرف مثله زوجتي جانت مخطوبه وعاقده على ابن عمها الي هو شبه ساكن بيتهم
والي بينهم قصة حب جبيره
ولمن عافه انهارت ودخلت مستشفى
وبقت شهر نايمه بلبيت ولمن ارتبطنا منعت نفسه عني
اكيد اكو شي مو تمام بلموضوع
تعرفين اكو شباب مجرد مايعرف ان هي جانت عاقده قبله
مايقبل يزوجه يحسه معيوبه
وهو يعرف كلشي وصبر وتحمل وقبل بهذا الوضع
بعدين فكري بنضرة الناس عنج
مزوجه ومنفصله مرتين يعني اكيد السبب منج
اني حجيتلج كلشي لان عزيزه عليه
ولان احس ياسر ندمان صدك وبعد مراح يعيد هاي الغلطه
ارجعي واني هلمره اخلي علي شروط تكسر الضهر
مرام....مااريده شلون يضربني
جمانه السعيدي
احمد....ترا عادي يصير هيج اشياء بين المزوجين
وتصير اشياء اتعس يمكن انتي متعجبه لان احنا ماعدنا هيج تصرفات بيتنا
ارجعي الخاطري
مرام .. ماارجع اريد ادور وضيفه وبعد فكرة الزواج راح اشيله من عقلي اريد اعيش حره
الاول غدر بيه وهج من العراق والثاني ضربني وتهمني بشرفي
اعيش بدون رجال احسن شنو النسوان الي مامزوجات
قابل شكو عليهن
ناجحات اكثر من النسوان الي مزوجات
كله خل ينساني ويطلعني من باله ويعيش حياته بعيد عني
وهذا آخر كلام عندي
احمد... فكري زين ولا تتهورين
مرام... اريد اتهور هلمره واعيش حياتي
احمد...ثاني يوم وصلت كلامه الياسر وكتله اصبر عليه بعد شويه
ياسر. اصبر بس كون اكو امل العمر جاي يمشي
احمد....ترا اني الوحيد الي واكف بصفك البيت كله رافضين ترجعلك
ياسر ...انتضر وأمري لله
مر شهر شهرين ودزيت عليه شكد ناس وماتقبل ترجع
صدك اتندمت على ذيج الساعه الي مديت ايدي عليه
اربع أشهر واني منتضره ترجع
ويوميه احمد يكول اهلي يردون يطلكونها منك
واني اكله مراح اطلكه لو تقوم السماء
لازم يوم كلبه يحن عليه وترجع
شكرا لزيارتكم عالم روايات سكيرهوم
