 |
رواية بنات نعمة الجزء الثاني (الدرويش) الفصل التاسع بقلم احمد حسن
تليفون هدي رن
هدي .. الو مين معايا
الدكتور .. انا ياهدي اسمعيني وركزي معايا
هدي .. الدكتور !!! في ايه !!؟
الدكتور .. تجيني بسرعة على المزرعة ال بره البلد
هدى .. المزرعة المهجور ! ليه !!!!!!!!
الدكتور .. عرفته ياهدى عرفته وشايفه قدامي بأمتار
هدى .. ايه ال عرفته ؟!!
الدكتور .. ( الكبير ياهدى )
هدى .. طب عينك متنزلش من عليه لحد ما أجيلك
فعلا هدى طلعت تجري شافها ابراهيم ال كان صاحي يصلي
الفجر وقالها
ابراهيم .. خير ياهدى بتجري ليه ؟!!!
هدى .. بعدين بعدين ياابراهيم
فعلا هدي ركبت العربية وشدت الأجزاء وطلعت تجري
بالعربية متوجهة على المزرعة
أما ابراهيم من كتر خوفه وقلقه مشي بالكرسي بتاعه خبط
علي ريهام وناصر وقالهم ان هدي كانت واخدة في ايديها
سلاح ونازلة تجري ومعرفش هي رايحة فين ، فعلا طلعوا
هما كمان يجروا يدورو عليها
بعد شوية هدي لاحظت في مراية العربية إن في موتوسيكل
وحد لابس خوزة قاطر وراها بيراقبها ، ضحكت وقالت اهلا
بالدرويش جيت لقضاك ، ركنت عربيتها ونزلت ووجهت
السلاح الشخص ال بيراقبها ، بسرعة الشخص غير مساره
ودخل بالموتوسيكل في الزرع
وهدى ركبت عربيتها وكملت طريقها لحد ما وصلت عند
المزرعة ، نزلت من عربيتها ورنت على الدكتور
قالها تعالي ورا البيت ال في المزرعة
فعلا هدي راحت لقيت الدكتور
الدكتور .. بصي جوة البيت كده ، شايفة الشخص ال قاعد
عالكرسي هناك ده ؟!
هدى .. ايه دا ؟!!!!! رياض !؟؟؟؟
الدكتور .. خليكي هنا وانا هدخله
هدي .. لا كتر خيرك يادكتور ، دورك انتها وجه دوري
الدكتور .. بس دا ...
هدي .. قلتلك توشكر يادكتور من فضلك امشي انا مش
داخلة اتخانق انا داخلة اتناقش
الدكتور .. طب انا هستنا هنا لو احتاجتيني
___________
نروح عند نعمة
نعمة سمعت صوت حد بيزوم في المكان قامت تتمشى علي
الصوت لحد ما وقفت قدام اوضة مقفولة بقفل وفي شباك
جنب الباب بصت منه شافت فؤاد مربوط
نعمة .. انت !!!
فؤاد .. نعمة !!؟
نعمة .. انت عايش ؟!!!
فؤاد .. انتي جاية تموتيني يانعمة !! لا لالالا يانعمة
نعمة .. أنت إزاي عايش ! دول قالولي إن هدى قتلتك !؟
فؤاد .. ايه ده !! يعني انتي مش خطفاني !! اومال بتعملي إيه هنا
نعمة .. انا ال بسألك انت إزاي مموتش وجيت هنا كيف؟!
فؤاد .. انا فعلا هدى ضربتني بالرصاص بس الكلب كان متابع
كويس وهو ال جابني علي هنا وعالجني وبعد كده بيعزبني .
مش عارف أنقذني ليه لما هو ناوي يموتني
نعمة .. أنت شفت شكله
فؤاد .. يعني ايه ؟!!
نعمة .. يعني عارف مين ال خطفك
فؤاد .. أيوه !
نعمة .. مين ؟
فؤاد .. ...
فجأة جه حد من رجالة الكبير ونعمة ملحقتش تعرف اسم
الكبير لأنها طلعت تجري على مكانها احسن تتكشف
__________
في القاهرة
سمية قاعدة جنب البلكونة وباصة من الشباك للسما
وتشوف شكلها لما كان ليها شنة ورنة وشخصيتها ال كانت
زي الجبل متهزوش ريح ، متشوفش شكلها وهي دبلانة
والهم واخد حقه من ملامحها تالت ومتلت بس في وسط
الزحمة دي كلها سمعت اغنية الست شغالة عند الجيران
وكانت بعض الكلمات ال بتدخل اذنها ( مقدرش على بعد
حبيبي ، انا ليا مين الا حبيبي ) وبدأت عيونها تدمع وكأن
الحب اخد منها ما طاب ولذ ، والطفلة ال جواها بدأت تخرج
وتطالب بحقها من الأمان والإحتواء والإهتمام ،واصبحت
سمية تارة تبكي على نفسها وتارة تبكي علي طفلها ال مش
عارفة مصيره ايه ! وبدأت تسأل طفلها ال في بطنها أسألة
مبكية وتقول
ياترى ياابني ابوك هيرضي بيك ولا لأ😥
ياتري لو مرضيش بيك لما تكبر وتسألني إنك جيت إزاي
هقولك ايه😥😥
ياتري هتحترمني ولا هتعمل زي ابوك وتتخلى عني 😥😥
أسألة كتير مش مترتبة بتطارد فكر سمية وكل الإجابات
متروكة ليوم لقاء ناصر
___________
في بيت مرسي
صفية .. امال فين ولدي
مرسي .. وانا ايش عرفني
صفية .. ليه هو مش سره معاك برضو
مرسي .. ولدك سره مع حاله وكل حاجة بيعملها بنكون اخر
من يعلم بيها
صفية .. عيني عليك ياولدي ، شايال الهموم من يومك
مرسي .. ههههه شوف الولية وال بتقوله ، قال يعني
ولدها غلبان ومكسور وشايل الطين على دماغه
صفية .. ماتقعد عوج واتكلم عدل امال ، ده بدل ما تقف جنبه
تسنده وتدعيله
مرسي .. اسند مين ياوليه ! هو ولدك محتاج حد يسنده هه
ولدك بيفكرني بالمسيخ الدجال ، جاي ناوي على خراب ومش
عارف أرجعه عن ال في دماغه
صفية .. قصدك ايه يامرسي !؟
مرسي .. سيبك من السيرة دي وفكي العوقد ال على جبينك
دي وقومي هزيلك هزتين وتمايعي شوية بدل ما انا حاسس
اني متجوز شيخ الغفر
صفية .. اخرس ، يهزوك على القبر يابعيد😡
مرسي .. غوووري قبر يلم العفش
______________
في المزرعة
فعلا هدى سابت الدكتور ودخلت وهي بتصقف وتقول
هدى ... يااااااه هو انت هههههه
رياض .. ايه ده ؟!! انتي ايه ال جابك هنا ؟!! وعرفتي منين
المكان ده !!!!؟
هدى .. انت شايف أن أسئلتك دي مهمة !!!هههههه
رياض .. عايزة تقولي ايه ؟!
هدي .. هو في قول بعد قولك ياكبير
رياض .. بتبصيلي كده ليه ؟!!!
هدي .. امي فين بدل ما يمين بالله افضي السلاح في دماغك
رياض .. انتي اتخبلتي ولا أيه يابت انتي ؟!!!
هدي .. ضربت طلقة من فوق دماغ رياض وقالتله
عشان اختي والعيش والملح بس الطلقة طلعتها فوق راسك
بس اوعدك الطلقة التانية هتكون في دماغك
رياض .. افهميني ياهدي انا مش الكبير وقلتهالك قبل كده انا
بعتبر الست نعمة امي وعمري ما .....
فجأة الدرويش دخل عليهم وقال
الدرويش .. اهلا اهلا اهلا متجمعين في جهنم ان شاء الله
