رواية إبن عمي دمر حياتي الفصل التاسع بقلم جمانه السعيدي
بديت اجهز نفسي للدوام لان مابقه شي
والطلايب بيت عمي مستمره
بين المحاكم ولعشائر
وبابا واكع بيه اكله مالك شغله بيهم
يكول شلون غير ببت اخوي
رحت للدوام والمعارك مخلصانه بينهم
سمعت من اهلي ان توصلون الحل ينفصلون
وتاخذ المقدم واتتنازل عن الموخر وكلشي يرجع المكانه
واهله دازين على كل غراضه وماخذيهن
جمانه السعيدي
اما بلنسبه المثنى ابد بعد ماقربلي واني اتجاهله كليا
همزين كشفته
من اول مطب وازمه واجهتنا اتخلى عني
همزين عرفت حقيقته
يمكن باجر اي احد يطلع عليه حجي وإشاعة راح يصدك
مع ان متأكد مني
لان حفه وراي سنه كامله يله قبلت ارتبط بي
على العموم
انشاء الله رب العالمين يقدم الأشياء الحلوه بطريقي ويبعد عني كل الأشياء السيئه الي تاذيني
بعطلة نص السنه رجعت الاهلي كلش مشتاقه الهم
لان بهاي الفتره مانزلت بس مره وحده
بليل كاعده بغرفتي واكلب للموبايل واجاني اتصال
رقم ما اعرفه
بلبدايه مارديت بس بقه يلح
فتحت خط وما حجيت ابد
احمد الووووو زينب اني رقم أحمد ما مسجلته
زينب عرفته هذا صوت احمد كلت نعم بصوت منزعج منه
احمد عندي موضوع مهم اريد احجي وياج بي
كلش مهم
زينب اي مواضيع ماكو بينا افتهمت
وبعد لا تتصل
احمد بس اسمعيني ولو مره وحده
زينب ابد ما اسمعك لان انت ماتعني اي شي بلنسبه اليه
احمد اترجاج اسمعيني ولو مره وحده اني اسف واعتذر عن كلشي صار بينا
زينب ههههه ههههه ههههه ولله ضحكتني
أقوى نكته نزلت بهذا الموسم
جمانه السعيدي
احمد حقج كلشي تكولين حقج اريدج تقبلين اعتذاري
زينب وليش اقبل اعتذارك بله من كد الأشياء الحلوه الي شفته منك
احمد حقج ولله العظيم حقج اني مستعد اعتذر بدل المره الف مره بس اريدج تسامحيني
زينب انت من كل عقلك اسامحك
ليش اسامحك انت دمرت حياتي وما اكتفيت بلي سويته
لا رجعت تشوه سمعتي
بس ربك بلمرصاد
يقول الله تعالى
يمكرون ويمكر الله والله خير الماكرين
ردت تفضحني وتشوه سمعتي ورب العالمين
وكعك بلحفره الي حفرته اليه
وخلاك على كل السان
جنت تحس نفسك قوي على وحده ضعيفه مثلي
ورب العالمين شوفك الاقوى منك
ولله هاي زوجتك ثوب ومفصل وياك
مو يكولون الطيور على أشكاله تقع
هاي زوجتك من ثوبك ياسبحان الله ولله جمعكم
جمانه السعيدي
احمد وهسه شلون ماراح تسامحيني
زينب هسه كول انت شتريد مني اني هاي شغلة تسامحيني ما داخله عقلي ابد
انت وراك شغله
وجاي تضحك عليه بس خلي يكون بعلمك بعد ما اسمحلك تضحك عليه ابد
تفضل احجي اسمعك
احمد اني الصراحه بعدني احبج وماكدرت انساج ابد
زينب ههههه ههههه ههههه ههههه ههههه ولله مو وكت ضحك لان اهلي نايمين خاف يكعدون
كمل كمل اسمعك
احمد انتي ليش تستهزئين بيه
زينب لا كاعده اسمعك تفضل هههه
احمد اني احبج وماكدرت انساج واريدج تسامحيني
وترجعين اليه
اني الصراحه جايج بخوش عرض
اني اربد اتقدملج واصحح غلطي الي غلطته وياج قبل
ومستعد الكل طلباتج
تردين تكملين كليه
تتعيينين تردين نأجر بيت وحدنا
بس ارجعليلي
زينب ههههههاي خوش عرض
ليش فكرت هسه تصلح غلطك بعد خمس سنوات
ليش ما صلحت غلطك قبل
احمد موكتلج احبج وماكدرت انساج لايكون كلبج اسود
زينب اني راح اكلك ليش لان انت مايصير عندك اطفال
واذا تاخذ وحده غريبه مراح تقبل مايصير عدها اطفال
واذا تاخذ وحده ارمله او مطلقه وعدها جهال
راح تضطر تصرف عليه وعلى جهاله
وهاي مسوليه انت مو كده
فكرت ليش ما ارجع الزينب واقشمرها بكلمتين
وازوجها وهي راح تقبل بسرعه لان تريد تتخلص من العار الي راكبه
وهم خريجه ويجوز تتوضف اعيش براسه
ومتاكد مني ومن اخلاقي مستحيل اخونك
وهنا تكون ضمنت حياة سعيده
لا عيوني شكرآ عرضك مرفوض
اني اريد ازوج واحد محترم يقدرني ويحافظ عليه
واريد يصير عندي اطفال
ليش اقبل بواحد عقيم مثلك
احمد بعصبيه وبصوت عالي انت مراح تتزوجين واحد غيري فهمتي
ولله افضحج فضبحه وادمر مستقبلج فهمتي
زينب شفت من اول مناقشه بينا طلعت على حقيقتك
ولو تبقى اخر رجال بلدنيا
ولو اعرف ما ازوج طول عمري
ماارجعلك بعد الي سويته بيه
ولا تتوقع انت لازمني من ايدي الي توجعني
ترا هاي شغلة العذريه صار اله حل
وحل سهل وبسيط
كل المراكز تشتغل ترقيع ورخيص وسهل واكثر البنات
جاي تسوي
وهسه احب اكلك اطلع من حياتي وانت متخوفني ابد
احمد شوفي فكري زين ولا تستهزئين بيه
ولله ادمر حياتج
احسلك وافقي
جمانه السعيدي
زينب روح بابا روح شمألني مرتبطه بواحد غبي وبلاغيره
ولا ضمير مثلك
شنو الزلم بلعراق خلصت
اصلا اني احمد ربي ليل نهار نجاني منك
انت انسان مسموم
واي واحد يقربلك تشمر سمك علي
شتريد تسوي سوي
ما تخوفني
الناس الي تسمعك وتصدك ما اشتريهم بفلس
لان اكيد مثل عينتك
احمد هذا اخر كلام
زينب اي ولا تتصل بعد
سديت التليفون ياربي هذا شنو من بشر
لعب بيه طوبه ومرمطني
وعرضني الأكبر صدمه بحياتي واني زغيره
وهسه جاي بكل برود ارجعيلي
شنو ارجعلك انت طحت من عيني وما ارجعلك ابد
رغم كلشي مر عليه كنت احس بلانتصار
واحس نفسي قويه
ولا احمد ولا غيره يكدر يخوفني
احمد بعد هذا الحديث حسيت زينب قويه ومراح اكدر اسيطر عليه ابد
حرامات ضيعته من ايدي
بعد ما انتهتك عرضه كرهته حيل كرهت حبه وتعلقه بيه وعفته وهي تعاني من جرحها
حسيت نفسي قوي واكدر اي شي اسوي
ورحت ادور وحده شريفه غيرها
رب العالمين راد يشوفني قوته عليه
ووكعني بشر اعمالي
الشريفه الي اخذته طلعت تخوني من اول سنه زواج
واني مكيف عفت بت عمي
ومامن على بيتي وما ادري الماي يجري من جواي
رب العالمين ضربني بنفس الايد الي ضربت بيه زينب
بس ما اعوفه مستحيل الكه وحده مثله شريفه وتحافظ على بيتي
وتقبل بعيبي
مراح اعوفه لازم تقبل بيه وتتزوجني
زينب فات اسبوع ورجع احمد اتصل عليه
قررت ماارد علي ابد
لازم ينساني وايبتعد عن حياتي للابد
واني مراح اخاف من غلطه غلطته بدون وعي
وادمر حياتي كله
الانسان الي مثل احمد
مستحيل يتغير للاحسن
حتلو ابقى طول عمري بدون زواج ما ارجع الاحمد ابد
انتم اذا بمكان زينب شراح تسوون
تقبلون ترجع زينب اله حتى تتخلص من المصيبه الي اتعرضتله قبل
لو تبدي من جديد لان احمد مستحيل راح يتغير ابد
واذا ارتبطت بي راح ادمر حياته بلزايد
بهمني اسمع رائيكم
شكرا لزيارتكم عالم روايات سكيرهوم
