رواية جارتي الفصل التاسع بقلم جمانه السعيدي
حنيين....اني كنت عايشه بيت اهلي اني مدلله نفسي
اني جنت قبل التعيين انطي دروس خصوصيه
وهسه تعينت الحمد لله مكفيه نفسي وانطي الامي من الراتب
نرجع السالفة احمد
ماكدرت اتخطى بقت صورته ابالي
كل شويه اطلع الرقم واريد اتصل علي كلبي يكلي هو انطاج الرقم لان عجبتي ويريد يتواصل وياج
اول ليله حيل اترددت بس ما اتصلت الصبح من طلعت للدوام
كلت بس ارجع اتواصل ويااا
من رجعت من الدوام لكيتها ابابنا
بس شفته ابتسمت وحسيت كلبي راح يطير من مكانه
قربت...هلوووو
احمد...هلوااات شلونج
حنيين...زينه ( ماغيرت اسم حنيين حتة لا تتخربطون بلقصه،)
احمد...عرفتيني
حنيين...اي عرفتك
احمد...ليش مرتضى مااتصل عليه
حنيين...اني انطيته الرقم بس يمكن مشغول لو نسى
احمد...وانتي
حنيين...اني شنو
احمد..ليش مااتصلتي
حنيين...وليش اتصل
احمد...نتعارف مابيها شي
حنيين....سكتت
احمد....اذا محرجه انطيني رقمج اني اتصل
اني اليوم رجعت علمودج مو علمود مرتضى
حنيين....حسيت روحي طرت للسما من ذني الكلمتين
احمد...ليش سكتي اريد رقمج اني جاي عليج
ترا هذا اعتراف صريح
حنيين...انطيني تليفونك
اخذت التليفون وسجلت رقمي
احمد...والاسم
حنيين...مريم اسمي مريم
احمد...عاشت الاسامي خوما عندج مانع نتعرف اني وياج
حنيين...لا ماكو مانع
راسا اجا مرتضى اني دخلت للبيت
وبقى هو وأحمد يحجون برا
بيومها حاضنه التليفون وافتر منتضره اي اشاره منه
حتلو كلمة هلووو اقبل
لليل دزلي هلو مريومه
....هلوووو
احمد...تعرفين ابد ما توقعت مرتضى عنده هيج اخت حلوه
حنين....شكرا
احمد...اني الي اكول شكرا للصدفه الحلوه الي خلتني التقي بيج
جمانه السعيدي
حنيين.....من هاي اللحظه بدا عمري الحقيقي من هاي اللحظه
بديت اعد ايامي الحلوه
يوم احلى من يوم لحظه احلى من لحظه
من سئلتج اخذتي لحمد عن حب
رنده...اي
حنيين...تذكرين شكلتي كلتي خطوبة ست اشهر وزواج سبع اشهر بس عبالك احبه من زمان
هذا وصفج الحب احمد اني تعديته اني عبرت مرحلة الغرام
لو احمد يكول موتي اموت واني سعيده
امشي ورا مثل العميه احبه اكثر من نفسي
وهو كان يبادلني نفس هاي المشاعر كمت مااشوف اي احد غيره بهاي الدنيا احمد وبس
سنه كامله واني امشي ورا مغمضه وهو يوعدي بلزواج
كنت واثقه اني زوجة احمد
ومحد راح تكون زوجته غيري
الحد مايوم اهلي كلهم طلعو للزياره اني ردت اطلع وياهم
بس احمد ماقبل
احمد.....ممنوع اطلعين للزياره
مااعرف اني ليش كنت اسمع كلامه عقلي وين جان ماادري
حنيين...راح ابقى وحدي بلبيت
احمد....لا ما تبقين وحدج اني وياج
حنيين...شلون يعني
احمد.... نبقي نحجي بلتليفون لمن يرجعون اهلج
حنيين...شكد جنت سعيده بكلامه
ماطلعت وياهم اتحججت مريضه
اتصل عليه حتى يطمن اهلي طلعو لو لا
جمانه السعيدي
احمد...هلو حبيبتي
حنيين...هلو بيك بقيت بلبيت وحدي بسببك
لو عايفني طالعه وياا اهلي
احمد...ممنوع زوجتي ماتطلع ويا غيري بس نزوج
اني وياج نفتر العراق كله
حنيين...انت يمكن مسويلي سحر امشي وراك مثل العميه
احمد...غير تحبيني
حنيين...اموت على ربك الي خلقك لو تكول اشمري نفسج بلشط اشمر نفسي
كنت ابالغ بحبه بشكل مو معقول وهذا الشي حسسه
هو مسيطر
احمد...وحدج بلبيت
حنيين...اي وحدي
احمد...راح اجيب اكل ناكل اني وياج
حنيين....صدك لو تتشاقا
احمد...احسبي ربع ساعه تلكيني بلباب
حنيين...منتضرتك
الساعه جانت وحده الضهر
حنيين...كمت بسرعه سبحت وتعطرت ورتبت سعري ولبست ثوب مخصر وقصير
بس وصل اتصل كال افتحي الباب بسرعه مااريد اي احد من الجوارين يشوفني ادك الباب
فتحت الباب بس نزل من السياره دخل البيتنا كبل
احمد...الله الله شنو هلجمال شنو هلحلا
تعاي اشمج عطرج رهيب
حنيبن...اخذني بحظنه وبقه يبوس بيه هو اصلا
جان مرتب شي ثاني جاي ويريد يستغلني
اعرف اني شريكه بهاي الجريمه بس ولله جنت احبه
ومتاكده راح نزوج سلمته نفسي
بكل سهوله واني متاكده مليون بالميه هو يحبني ومراح يعوفني ابد
رنده....يااا عزه شلون سلمتي نفسج
حنيين...حيوانه ماشايفه حيوانه حيوانه وعميه هم
من هاي اللحظه احمد تغير عليه
اتغير ١٨٠ درجه اتصل مايرد ادز رسايل ما يجاوب
تخبلت عقلي طار مني
بعد هاي المصيبه لازم نزوج اريده يوفي بوعده وياي
المشكله مااعرف عنوان بيتهم
قررت استدرج مرتضى واعرف عنوانه وين
لازم يجي يصلح هذا الغلط
حنيبن.. مرتضى هذا صديقك محمد مدري احمد الي اجا ذيج المره للباب
مرتضى...اي احمد شبي
حنيين...هم عنده اخت معلمه
مرتضى...مااعرف شمعرفني بخواته اعرف خوانه
حنيين...مو اكو بنيه معلمه تشبه كلش اجت اداوم ويانا
كلش شبهتها علي
هو مو ساكن بفلان مكان بيتهم
مرتضى...لا وين رحتي بعيد
هنا بيتهم وين المصفى مال الماي الي بلفلكه
حنيبن.. اي اندله
همه بنفس الشارع الي بي المصفى البيوت كدامهن مصفى
ماكو بيوت مقابيل بيوت
هما بابهم ابيض عريض وبي نقش ذهبي
يمكن لو ثالث بيت لو الرابع
حنيين... يعني هاي البنيه مو اخته لان هاي البنيه ساكنه
بغير مكان
رحت يوم الاربعاء البيتهم بس ماشفت السياره واقفه بلباب
بقيت انتضر ورجعت للبيت
رحت يوم الخميس شفت سيارته واكفه بلباب
دكيت الباب طلع اخوووو
...نعم تفضلي منو رايده
حنيين...رايده احمد عندي شغله ويااا
...احمد نايم
حنيين...بس كوله اخت مرتضى اجت عليك فدوه شغله مهمه
دخل الولد اتأخر حيل تقريبا ربع ساعه اني واكفه برا
خاله ضهري على السياره وانتظره يطلع
طلع يفرك بعيونه لا بس تراك شعره مخربط
احمد...هااا خير شكووو
حنيين...اني جاي اسئل شكووو صار اكثر من اسبوعين ماترد عليه
احمد...عندي مشاكل بلشغل شلون عرفتي بيتنا
حنيبن....سئلة مرتضى عنك
راسا فتح عيونه حيل شكلتي المرتضى
حنيين...لا تخاف اخترعت قصه وأخذت منه العنوان
احمد...هسه شتردين
حنيين...سلامتك اريدك تجي تتقدملي انت تعرف شصار بينا
احمد...شصار يعني انتي لا اول ولا اخر وحده
حنيين...شنو يعني مافهمت
احمد...اقصد اريد وقت ارتب اموري امي مريضه
وحايرين بيها
ابد مو وكته افتح هذا الموضوع وياا اهلي اصبري
شويه قابل اني طاير
حنيبن...ليش ماترد على التليفون ليش خليتني خايفه
اريد اطمن
احمد...من شنو خايفه فهميني اني انطبتج كلمه
ومراح اعوفج
حنيين...هسه ارجع للبيت
احمد...اي ارجعي واذا ماارد عليج عادي امي مريضه
وناس تجينا عليها ودوام مااكدر ارد عليج
اني من افرغ اتصل عليج
حنيبن...رجعت للبيت واني بين مصدكه وبين ما مصدكه بكلام احمد مااعرف ليش كنت احس راح يغدر بيه
كل يوم انتضر يتصل لو حتى يدز مسج
بس ابد نساني وحتى مايفكر بيه
شكد دزيت مسجات وشكد اتوسلت اريد بس اسمع صوته
عبالك احجي وياا الحايط جمانه السعيدي
الحد مااكتشفت المصيبه الي لا على البال ولا على الخاطر
بدت تبين عليه اعراض حمل
رحت حللت طلعت حامل يامصيبة السوده الي وكعت على راسي
شلون بيه شلون راح احل هاي المصيبه
اتصلت أكثر من ٤٠ اتصال على احمد ومايرد عليه
طلعت للدوام ومناك رحت البيتهم
دكيت الباب طلعت بنيه زغيره
حنيين....هلو حبيبتي شلونج
.....زينه
حنيبن...اريد احمد كوليله اخت مرتضى
دخلت البنيه بلبيت نص ساعه ماطلع احمد عليه
احترك كلبي ليش مايطلع يعني شنو محتقرني
خليت ايدي على الجرس وحركته حرك
من داخل بيتهم اجا يصيح هوووي هوووي اجيتج
ارفعي ايدج عن الجرص
طلع عليه شكله عصبي
احمد...هااا خير شكوووو شعندج جايه اني مو كتلج لا تجين
حنيين...ليش ماترد عليه
احمد...مشغول كتلج امي مريضه
راسا طلعت الحجيه للباب تشوف منو حرك الجرص
عبالها عركه طلعت تطمن على احمد
كلشي مابيها اصحى مني
مدت راسها من الباب هااا خاله
احمد...ادخلي يمه ماكو شي
ام احمد...هي هاي الي حركت الجرص هااا خاله
عدج عركه ويانا
حنيين....عندي شغله وياا احمد
احمد...ادخلي يمه
حنيين.. امك اصحى مني مابيها شي شلون مريضه
احمد...اختصري شتردين
حنيين...اني حامل طلعت حامل
احمد....هههه جايه اضحكين عليه واني شكوووو
حنيين...شنو انت شكووو هذا ابنك
احمد... مااصدك بيج بكد الشعره هذا الابني ولا اعرفه
روحي شوفي ويامن نمتي
حنيبن....عود صدك تحجي احمد فدوه كول غيرها
هذا ابنك وانت تعرف كلش زين هذا ابنك
جمانه السعيدي
سحبني من ايدي ودفعني
احمد...امشي ولي منا روحي شوفي منو الكواد الي دزج عليه ماضحكين عليه بهاي السالفه
انتي اصلا من البداية رخيصه
بس شفتيني ركضتي سجلتي رقمي
وبس طلعو اهلج فتحتيلي الباب
الله اعلم شكم واحد فتحتيله الباب بعدي
من هاي اللحظه لا اعرفج ولا تعرفيني واذا شفتج واكفه هنا
اقتلج خلاص
واذا فتحتي حلكج لو حاولتي تشوهين سمعتي ادمر حياتج
حنيبن....فدوه احمد استر عليه الله يخليك
اعتبرني اختك
احمد...ماعندي اخت طالعه من الطريق
حنيبن...فدوه احمد ابوس رجلك حتلو نعقد يومين وطلكني لا تعوفني بهاي المصيبه وحدي
احمد....يا مصيبه انتي متعوده على هاي الشغله
حنيين.... انت تعرف اني ماحبيت واحد غيرك
وما سلمت نفسي الغيرك
خلي عندك شوية رجوله وساعدني
اهلي اذا عرفو يذبحوني
احمد...متعجب ليش اهلج لسه عايفينج عايشه
الي مثلج عار لازم تنكتل
ممنوع توصلين يم بابنا ولا تحاولين تتصلين عليه
فهمتي لو لا
دخل وطبك الباب وعافني واكفه برا ودموعي على خدي
وابد ماحس بلرحمه ولا بلمسؤليه
بعد الشي الي سووا وياي
كعدت بابهم ابجي بعدني ما مصدكه هذا احمد الي حبيته لو شخص ثاني
كلبي يكول لا هذا مو احمد واحد ثاني
بقيت كاعده بابهم ساعه كامله
منتضرته يفتح الباب ويكول تعاي حبيبتي
اني اسف جنت عصبي
ملابسي كلهن تراب وعيوني ورمن من البجي
وهو دخل وطبك الباب ولا عبالك اكو وحده دمر حياتها
رجعت للبيت ابجي على حظي
اهلي من شافو حالي سئلوني شكووو
كتلهم وكعت بلمدرسه
أسبوع واني بلبيت ماداومت بلمدرسه افكر شلون راح اتخلص من هاي المصيبه
كلشي صار وياي وبعدني لازمه التليفون ومنتظرة كلمه من احمد كلمه وحده اطيب خاطري
كلمه تنقذني من الموت
عيوني راحن من البجي ومن التركيز على التليفون
بس بدون فايده
شكرا لزيارتكم عالم روايات سكيرهوم
