رواية مغامرات عائلية الفصل السادس عشر بقلم همس
لارا بتوتر : ايه ده ؟! ده مش حقيقي .. اكيد ده Ai
حلا بابتسامة : لا حقيقي و باين اوي .. هنشوف ردة فعل العيلة كلها لما ابعته على قروب العيلة .. و يبقو يعرفو ان بنتهم بتكلم ولاد فيديو كول
لارا بتوتر اكبر : انتي كدابة .. عملتي الفيديو ده عشان تبتزيني
حلا بخبث : ايواااا شاطرة … ببتزك .. بس انا معملتوش .. انا عندي الفيديو ده من زمان .. اصل عماد الي بتكلميه ده اخو صاحبتي و هو سجله ليكي بالاتفاق مع اخته عشان يوروني لاي مدى بقيتي رخيصة … تخيلي انه حاول يهددني بيكي يا لارا .. كانو فاكرين اني لو شوفت الفيديو ده هخاف عليكي و ابعد عن فارس و اروح للغبي ده …. اصلهم ما لقوش حاجة غيرك ياخدوهالي ذلة
لارا برجفة : لا .. لا .. انتي كدابة .. بتخوفيني عشان ما ابعدكيش عن فارس
حلا : لا مش كدابة .. و مستعدة اجيب عماد و اخته يشهدو قدام العيلة كلها .. انتي مش فارقة عندي اصلا .. لولا انك قريبتي يعني انا اتصرفت معاهم بطريقتي و بعدته عنك .. انا مش من طبعي اهدد البنات بس انتي اجبرتيني و لو كنت عايزة اذيكي كنت بعته لاهلك من اول ما وصلني
بدأت لارا تبكي بخوف واضح على وجهها
حلا بهدوء : لارا انا مش عايزة اذيكي .. و لا هقول لحد على الكلام ده .. بس انتي ابعدي عني و عن اختي وقتها هسيبك بحالك … عيب عليكي التصرفات دي الي بسنك ما بتفكرش غير بمذاكرتها .. ليه مصممة تكبري قبل اوانك ؟ ليه كل ما تشوفي راجل بتجري وراه كدة ؟!
لارا ببكاء : عشان انا عايزة احب بجد .. عايزة اعيش شعور الارتباط مرة وحدة على الاقل .. ايوا انا كلمت ولاد كتير عشان عايزة احب .. كل صحابي البنات عندهم بويفريند و انا الوحيدة الي معنديش
حلا بصدمة : يخربيتك … ده انتي لسا ما طلعتيش من البيضة .. لسا قدامك عمر بحاله هتحبي و تتحبي .. و تتجوزي و تخلفي كمان .. ليه مستعجلة كل ده ؟!
لارا : حقك تقولي كدة .. منتي مش حاسة بيا .. طول ما غادة قاعدة بوشي انا عمري ما هتجوز مهي اختي الكبيرة بقا
ضحكت حلا بقوة و قالت : يخربيتك فصلتني .. منين جايبة الكلام ده يهبلة ؟! الجواز نصيب ملهوش علاقة بالكبيرة و لا الصغيرة … ما اهي حبيبة اصغر مني و اتخطبت قبلي شوفتيني اتكلمت ؟! انت يا بت ما بتفكريش ؟ دي مراهقة بحت … يا بنتي بكرا لما تكبري شوية هتقعدي تضحكي على الايام دي
لارا بخوف : حلا انتي مش هتقولي لحد على الفيديو ده مش كدة ؟!
حلا : اممم طالما مش هتأذيني انا و اختي اكيد مش هقول … بالعكس انا استجدعت معاكي اول مرة و بعدته عن طريقك و المرادي كمان مش هعمل حاجة يا لارا عشان انا مش من طبعي اذي البنات ابدا .. ده انا الي بقف جنبهم و بساعدهم ياخدو حقوقهم
لارا بدموع : خلاص و الله العظيم ما هعمل حاجة لا ليكي و لا لحبيبة
حلا : و اوس كمان تشيله من بالك … ده جوز اختي و هيا بتحبه اوي
لارا : انا اصلا مش عايزة افكر بيه و هنساه … بس اوعدني انك مش هتذليني بالفيديو ده
حلا : اوعدك يا لارا مش هدايقك طول ما انتي مش مدايقني انا و اختي
لارا بتوتر : طب امسحيه يلا
حلا بضحك : حاضر يختي .. بس بليز نضفي قلبك الاسود ده و ركزي بمذاكرتك
لارا بنفاذ صبر : طيب وريني انك مسحتيه من عندك
حلا : همسحه اهو
******************************
في اوضة حبيبة و دينا و حلا
حبيبة : مالك يا دينا ؟! النهاردة انتي مش طبيعية خالص .. بقيتي زي الامهات الي قرفانين الدنيا و عايزين يضربو عيالهم بالشبشب للدرجادي المطبخ اثر عليكي ؟!
دينا بحدة : طبيعي .. عشان كل ما اصلح حاجة تبوظ حاجة تانية .. انا مالي بعلاقتكم الهي تتحرقو .. كان يوم اسود يوما قررت ابقى الملاك الحارس
حبيبة بضحك : ليه بتقولي كدة ؟! ده انتي جدعة و تسندي بلد بحالها
دينا : و انا مالي بكل ده .. ما كنت اتلهي برواياتي احسنلي … اول حاجة كنت اجري وراكي عشان تصالحي اوس و طلع عيني معاكي .. و بعدها بقيت اهدي حلا عشان ترحم فارس شوية … و دلوقتي بحاول اصلح بين غادة و زياد و دول اكتر اتنين تعبوني … انا مالي و مال الجدعنة ما تولعو
حبيبة بابتسامة : واضح ان جيه الوقت الي احنا نتجدعن معاكي يا عروسة
هجمت دينا على حبيبة و امسكتها من فكها
دينا بغيظ : صحيح فكرتيني .. ايه التلميحات دي ها ؟! عايزين تلبسوني بطل مناخيره كبيرة ؟!
حبيبة بضحك : يخربيتك هموووت .. ايه الكلام ده حرام عليكي الراجل حلو و شخصيته حلوة
دنيا بغضب : و انا مالي ها ؟! ليه التلميحات السافلة دي ؟ انا قولتلكو عايزة واحد زي بتوع الروايات
حبيبة : و منين هنجيبلك مص..اص د..ماء ؟ خليكي واقعية شوية ده ضابط و عنده مكتبه يعني جزء من طموحك
دينا : ليه من قلة المكتبات ؟ و بعدين انا مش طموحي اتجوز ضابط .. انا مش عايزة اتجوز اصلا
حبيبة بخبث : بس يزن معجب بيكي .. هو اصلا النهاردة ما قعدش الا لما عرف انك انتي الي عاملة الاكل … و جيه لغاية هنا مخصوص عشان يجيبلك الكتب الي طلبتيها مع انه كان قادر يبعت اي حد بس بيتلكك عشان يشوفك
دينا : بلدي … شغل الاعجاب و التنطيط ده بلدي اوي .. و انا مش بحب الحاجات العادية .. لو ملقيتش البطل بتاعي مش هتجوز اصلا
دلفت حلا و هي تبتسم بانتصار
حبيبة : تعالي شوفي دينا يا حلا
حلا : مالها ؟!
حبيبة : قال يزن مش عاجبها
دينا : ما بلاش كدب انا مقولتش كدة
حلا بضحك : انتو عارفين انا النهاردة كنت بضحك على ايه ؟
حبيبة باستغراب : لا و كنت عايزة اسألك ده انتي ضحكتينا كلنا زي المجانين
حلا بضحك اكثر : كنت بضحك على لارا و كارما … تخيلو يزن عجبهم و بقو يتخانقو عليه زي ما اتخانقو على اوس
حبيبة بغيرة : اممم ….مراهقات
دينا بضحك : و الله يطلع منهم كدة دول بنات تافيهن اصلا
حلا بتقليد : لارا اتعصبت على كارما قال عجبني انا الاول و حجزته و كارما اتجننت و قالتلها ركزي باوس و سيبيلي ده
حبيبة بغيظ : على فكرة دي حاجة ما تضحكش .. دول بنات صغيرن و لازم حد يوعيهم
دينا : ما كفاية غيرة يا حبيبة ما تخافيش اوس بيحبك انتي و مستحيل يبص لغيرك
حبيبة : عارفة بس برضو حاجة مستفزة جدا دول بنات لازم حد يفهمهم ان الكلام ده عيب
حلا : طب حزرو فزرو انا كنت فين من شوية ؟
دينا باستغراب: فين ؟!
حلا : عند لارا .. اما لميتها بطريقتي و خليتها تترعب و رجليها تسيب من الخوف
حبيبة بصدمة : عملتي ايه بالبنت ؟
حلا بفحيح : خوفتها
دينا بحماس : ازاااي ؟!
حلا : لا حرام مش هقول .. انا وعدتها الموضوع يفضل بيني و بينها .. بس الاكيد انها مستحيل تدايقني تاني لا انا و لا حبيبة
دينا : يا بنت الايه طول عمرك اروبة
حلا : طبعا انا عند حقي بولع في الدنيا كلها
دينا : جدعة يا بت تربيتي
حبيبة : انا هقوم اساعد فريدة شوية .. احنا نسيناها اليومين الي فاتو و ما بقيناش مهتمين بفرحها
حلا بخبث : طب قومي يا دينا غطي عليهم يلا
حبيبة باستغراب : تغطي على مين ؟ انا رايحة لفريدة
حلا بضحك : مهو اكيد مش هتنامي قبل ما تشوفي الحب مش كدة ؟
حبيبة : بس يا قليلة الادب .. انا رايحة لفريدة مش ليه
و خرجت من الاوضة بسرعة
**************************
في حديقة البيت
كان الشباب مجتمعين سويا و عابسين الوجه
تميم : انا قرفان
فارس : و انا مخنوق
زياد : و انا متدايق
مصطفى : و انا هتجنن
اوس بابتسامة : و انا عشقان
تميم بغيظ : ما كلنا عشقانين يا سي اوس ما وقفتش عليك
اوس : طيب ليه مقموصين كدة زي العيال ؟ في ايه ؟!
تميم : انا مقهور من تصرفات فريدة الفترة دي .. بقت خانقاني بشكل .. و بتتدايق على اقل كلمة بقولها .. فاكراني عيل صغير و عايزة تربيه
اوس : عشان عروسة .. و محدش حاسس ان فرحها قرب و محتاجة تكون هادية و مرتاحة .. البنت فرحها اتأجل مرتين و انت خاطبها من زمان جدا ما تبوظش الدنيا قبل الفرح بكام يوم
زياد : عنده حق يا تميم انت مش مركز معاها خالص .. ما تنساش انها يتيمه و محتاجة لوقفتك جنبها .. لا ليها ام تساعدها و لا اب يقف جنبها … و انا مش عارف ازاي هساعدها اصلا
تميم بعبوس : بس برضو مش تخانقني زي العيال منا كمان عريس و محتاج ان اعصابي تبقى هادية
زياد : تميم اتلم اصلا انت السبب بكل الي حصلنا ده
تميم : و الله مش انا السبب … سي اوس صاحب الفكرة .. و دينا هي الي شجعتكو تروحو للمكان ده .. و فارس اول واحد وافق
فارس باندفاع : بس انت لو مزودتهاش مكانش جدو هيعاقبنا كدة
اوس لفارس : و انت ليه متعصب كدة ؟ مالك انت التاني ؟!
فارس بضيق : بابا و ماما هيجننوني … دلوقتي بقت حلا مش عاجباهم و عايزين يبوظو خطوبتنا … و كله بسبب لارا
اوس بهدوء : عادي الخلافات دي عادية و تتحل بالعقل .. مش بالعناد و الهبل بتاعك … اقعد كلم مامتك بهدوء و استعطفها شوية و هي هتهدا و تفكر بمصلحتك .. بس طول ما انت بتعاند هيا كمان هتعاند .. و ابقى خد بالك من تصرفات لارا دي زودتها اوي بصراحة
فارس بزفير : هحاول
اوس : و انت يا زياد ايه مشكلتك
نظر زياد الى اوس و اشار الى فارس بحواجبه بمعنى انه لايستطيع التحدث امامه
اوس : اتكلم عادي فارس عارف الي فيها
زياد بعبوس : غادة مش عايزة ترجعلي و دينا غلبت معاها
اوس باستغراب : طب و قولتلها عن الحكاية الي بالي بالك ؟
هز زياد رأسه و قال : طلعت عارفة كل حاجة من زمان
اوس : طيب خليك وراها و راضيها .. غادة طيبة
فارس : و الله غادة هتكون هبلة لو رجعت لواحد زيك .. ده انت غتت و دمك سم
زياد بسخرية : اممم احسن ما اكون اهبل زيك
مصطفى : طب ايه هو ما حدش هيسألني مالك ؟!
تميم : عارفين عشان عرفنا انك محوش
مصطفى بعبوس : ايوة عشان انتو كلكو واطين و هتقولو لماما
اوس بحدة : مصطفى اتلم
مصطفى : طب احلفو انكو مش هتقولو لحد
تميم بملل : و الله ما هنقول اتلم بقا
***********************
في اوضة فريدة
حبيبة : فريدة .. جهزتي حاجتك
فريدة : لا لسا .. ما فضيتش ارتب الدنيا عندي
حبيبة : انا هساعدك يلا بينا
دلفت غادة و قالت : و انا كمان هساعدكم .. هتعملو ايه ؟
فريدة : عايزة ارتب هدومي بشنط عشان انقلها للدور التالت
حبيبة : انا بقول كمان تجهزي شنطة شهر العسل من دلوقتي .. هتتزنقي بالوقت و مش هتلحقي تجهزيها قبل الفرح
فريدة بغيظ : قصدك اسبوع العسل
حبيبة باستغراب : لا شهر من امته بقى اسبوع ؟
فريدة : كل الناس بيقولو شهر بس بيقعدو اسبوع واحد .. بعدين جدو مش هيقبل نغيب اكتر عن اسبوع عشان فرحك انتي و اوس
حبيبة بابتسامة : معلش تبقي تعوضي بعد فرحي … خلينا نبتدي ترتيب قبل ما الوقت يتاخر
بدأت فريدة باخراج الملابس من دولابها و من الحقائب لاعادة ترتيبها
و غادة و حبيبة يرتبوهم من جديد
حبيبة بصدمة : ايه كل اللانجري دي يا فريدة ؟!
غادة بضحك : كمية كبيرة بجد
فريدة بخبث : اممم طبيعي لزوم الدلع .. منا عروسة .. و انتي يا حبيبة لازم تعملي زيي
حبيبة : ما بلاش قلة ادب .. هو انتي فاكرة هيجو على مقاسك بعد الجواز ؟ يمكن تحملي على طول و كل ده يكون ع الفاضي
غادة بخبث : ده تميم هيشوف ايام انما اييييه
حبيبة بصدمة : حتى انتي يا غادة ؟!
غادة : اه يختي كل البنات بتعمل كدة
حبيبة : اوك الواحدة بتشتري كام قطعة بس مش كل ده … ده انتي لو هتتدفني باوضة النوم مش هيكون كدة
فريدة : يا لهووووي انتي غلبانة اوي يا حبيبة … الرجالة بيموتو على الحاجات دي و الواحدة لازم تفضل تغير اصفر احمر اخضر زي اشارة المرور كدة لزوم الشقاوة يعني
انهت حديثها بغمزة
حبيبة : ده اسمه قرف .. الحياة مش كدة .. هو مش واخدك عشان يتسلى بيكي … انا لو منك هجيب فساتين للبيت مش كله لانجريه عريان .. ازاي هتمشي بالبيت باللبس ده ؟!
غادة بانفعال : ما هو جوزها يا غبية … ربنا يعينك يا اوس ده انت هتتجوز وحدة متخلفة
فريدة : دي هبلة ما تركزيش معاها
حبيبة : لا انا بتكلم بالمنطق … مهو العدد مش طبيعي بصراحة .. دول يفتحو محل كامل
غادة : طيب ابقي قللي منهم لما تتجوزي
حبيبة : انا اصلا جبت جهازي و مش ناقصني حاجة
فريدة : و ان شاء الله ما جبتيش هدوم زي دول ؟!
حبيبة بخجل : ماما الي اشترتهم مش انا
غادة بخبث : جبتي طقم التمريض ؟
حبيبة بشهقة : يخربيت قلة ادبك يا سافلة .. اقسم بالله ما هكلمكم تاني لو فتحتو الموضوع ده
فريدة بضحك : طب خلاص خلاص مش هنتكلم … انتي اصلا الي سألتي
حبيبة : انتو من امته بقيتو كدة .. عيب اوي الكلام ده .. و بعدين الست مش بس للسرير يا فريدة .. الجواز فيه حاجات تانية كتير اهم من قلة الادب دي
غادة بملل : زي ايه يا ستي ؟!
حبيبة : اهم حاجة في الجواز انك تلاقي راجل تتسندي عليه و يخاف عليكي و على مشاعرك .. يشاركك كل حاجة بحياتك بادق تفاصيلها .. تقدري تعبريله عن حبك من غير خوف .. و حضن دافي تستخبي بيه لما تكوني مدايقة و هو يطبطب عليكي و يطمنك … تحسي انه امانك الوحيد في الدنيا دي و ما تقدريش تبعدي عنه .. السرير مش كل حاجة
سرحت غادة في كلامها و ابتسمت بمرارة
فريدة بملل : و ايه تاني يا فيلسوفة عصرك ؟
حبيبة : عندك الخلفة مثلا .. برضو دي من اساسيات الجواز
فريدة بضحك : ايواااا .. و الخلفة دي هتحصل ازاي من غير قلة ادب
حبيبة بتحذير : كلمة تاني و هزعل منك يا فريدة
فريدة : طب خلاص خلاص انا اسفة … بقولك ايه .. شوفي كدة الفساتين دول و قوليلي ايه رأيك
امسكت حبيبة الفساتين و قالت باعجاب : ايوة كدة ده الي يتلبس مش زي المسخرة دول
فريدة بضحك : و الله عارفاكي … المهم انهي احلى واحد فيهم ؟
حبيبة : الاخضر ده حلو
غادة : ليه مش جايبة فساتين باللون الاحمر ؟!
فريدة : تميم مش بيطيق اللون ده
حبيبة باستغراب : غريبة مع ان اغلب الرجالة بيعشقو اللون ده .. بالنسبالهم مغري جدا
فريدة بابتسامة : الا الدكاترة .. من كتر ما بيشوفو الدم بيكرهوه
حبيبة : امممم
*************************
بعد اكثر من ساعتين
كانت غادة تجلس في الحديقة الخلفية و تبكي بهدوء
حبيبة من وراءها : على فكرة ده مكاني
غادة بابتسامة من بين دموعها : و دلوقتي بقا مكاني
جلست حبيبة بجانبها و قالت بهدوء : غادة انتي مش طبيعية … في ايه ؟ ايه الي مزعلك ؟
غادة بدموع : و مين هيكون غيره ؟
حبيبة بابتسامة : بس انتي لسا بتحبيه
غادة : يتحرق الحب الي هيكسرلي قلبي
وضعت حبيبة يدها على يد غادة
حبيبة : غادة … انا لما كنت بحالتك دي انتي جيتي و نصحتيني … و كلامك اثر بيا اوي … انا كنت هسيب حب عمري بلحظة ضعف و افركش خطوبتي … بس انتي وقفتي جنبي و منعتيني اعمل كدة
غادة : اسهل حاجة بالدنيا ندي نصايح … بس مش سهل نطبقها
حبيبة : بس زياد بيحبك اوي .. ليه ما ترجعيله ؟
غادة : عشان كسر قلبي يا حبيبة .. فاكرة لما قولتي النهاردة اهم حاجة في الجواز انك تلاقي راجل يخاف على مشاعرك ؟
حبيبة : ايوة
غادة : ده الي انا ملقيتهوش عند زياد .. زياد مش بيفكر بمشاعري و لا يفرق عنده زعلي
حبيبة : مش يمكن مش عارف يعبرلك
غادة : في مليون طريقة يعبر بيها غير انه يقف ضدي و يدافع عن حد جرحني
سكتت حبيبة قليلا و حاولت تغير الموضوع
حبيبة بهدوء : على فكرة انا مستغرباكي جدا
غادة باستغراب : ليه ان شاء الله ؟!
حبيبة : يعني انتي طول عمرك مش بطيقيني …. حتى اخر مرة جيت ده للبيت يوما جدو عبد الرحمن اتوفى وقتها مكلمتينيش ابدا .. بس الفترة دي اتغيرتي اوي معايا و بقا اسلوبك احسن .. ممكن تقوليلي ايه السبب ؟
غادة بابتسامة : هقولك بس اوعديني انك مش هتزعلي
حبيبة باستغراب : و ازعل ليه ؟ قولي و الله ما هزعل …………
