 |
اسكريبت موج وايوب كامل
-صباح الخير يا ماما
-صباح النور يا روح ماما يعني صاحيه بدري النهارده
-امم ايوا يا حبيبتي علشان عندي محاضره مهمه النهارده
-طيب يا حبيبي هقوم اعملك فطار دلوقت علي ما تلبسي
-لا لا يا حبيبتي مالوش لزوم اتعبك وانا مش هينفع استني علشان مستعجله انا يدوب الحق اجهز بسرعه
-طيب يا حبيبتي ربنا معاكي
-ومعاكي يا ماما قولتها وانا مبتسمه ودخلت جهزت بسرعه علشان الحق لاني اتاخرت
-انا نازله يا ماما عايزه حاجه
-لا ياعيوني باي
-باي يا حبيبتي
-نزلت وأنا شايله هم اليوم كله لاني مش بحب اروح الكليه مع انها كليه احلامي واجتهدت جامد علشان ادخلها ومش مجبوره عليها أو علشان مجموعي أجبرني اني ادخلها بالعكس أنا كان حلم عمري اني ادخل صيدله وفعلاً اهو دخلتها بس الاسف مش بحب اني اروحها هتسالني هتقولي ليه هقولك علشان انا ماليش حد حتي معرفش حد هناك ولا حد يعرفني كلهم كانوا بيقولولي انك لما تدخلي الكليه كل حاجه هتتغير واديني اهو منتظره لمده سنتين أن حاجه واحده تتغير بس الواضح كده ان مافيش حاجه هتتغير واني هفضل وحيده زي ما انا
-فوقت من افكاري علي دخله الدكتور علينا وبدأ أنه يشرح المحاضره وبعد ما خلصنا لقيت أن كل حد راح قعد جنب صاحبه وكلهم بيتكلموا مع بعض قمت أنا لميت حاجتي ومشيت ما انا كل ما اقعد اتفرج عليهم بعيط جامد وانا مش عايزه اعيط تاني النهارده علي الاقل بسبب الموضوع ده وفعلاً لميت حاجتي وخرجت وانا باصه في الارض ومتضايقه شويه ومره واحده وانا مش واخده بالي خبطت في حد برفع وشي بشوف مين لقيته شاب كده اول مره اشوفه بس شكله مختلف عن كل اللي شوفتهم قبل كده
-معلش صدقني مختدش بالي انا اكيد مقصدش
-بصلي وابتسم لا عادي ولا يهمك ولا اي حاجه
ابتسمتله ومشيت وانا بسرع في خطوتي شويه علشان الحق العربيه او بمعني الاصح علشان الاقي مكان جنب الشباك
وفعلاً لقيت عربيه بتحمل ولحقت مكان جنب الشباك وحطيت الاير بودز وشغلت اغنيه مين كان السبب بتاعت مسلم أصلها معلقه معايا جامد الفتره دي وأنا بحبها اوي
-وصلت البيت وأنا تعبانه جامد ونعسانه لاني منمتش كويس اصلا
-ماما انا جيت
- ماشي يا حبيبي حمدالله على السلامه
- الله يسلمك يا حبيبتي امال بابا فين كده
-بابا يدوب ليه نازل اهو
-امم طيب ربنا معاه
-يارب يا حبيبتي وانتي كمان يلا شدي حيلك كدا علشان تساعديه في الشغل والكل يعرف أن موج بنت الدكتور حاتم دكتوره شاطره زي باباها بالظبط ويمكن اكتر كمان
-حاضر يا ماما صليلي يا حبيبتي
-بصليلك علطول يا حبيبي
-ماشي يا حبيبتي هدخل انا بقي اخد دش بسرعه و انام علشان مش قادره فعلاً
-طيب يا موج يا حبيبتي اعملك حاجه تكليها الاول
-لا يا ماما انا فعلاً مش قادره انا هاخد دش و هدخل انام لاني فعلاً نعسانه جامد
-خلاص يا حبيبتي اللي يريحك
-خدت دش ودخلت اوضتي اترميت علي السرير وسرحت في السقف ومره واحده جه علي بالي الشاب اللي خبطت فيه قد ايه هوا شكله حلو وشكله مميز فعلاً عن كل اللي شوفتهم وغمازاته اللي بأنه اول ما ابتسم ولا طوله وعيونه الزيتوني اللي كانوا نفس لون عيوني اللي زادت جمالها لما الشمس جت عليها
-يااااااه ده جميل ومختلف بجد
-ايه دا ايه دا ايه دا ايه اللي انا بعمله دا انا اكيد اتجننت انا ازاي بفكر فيه بالطريقه دي اصلا وانا معرفهوش ولا حتي اتكلمت معاه غير هما كلمتين بالعدد ده اكيد اللي بيحصل معايا ده من قله النوم والارهاق وغمضت عيني وانا مستغربه نفسي لاني اول مره يحصل معايا كده
-قومت علي صوت رسائل من جروب الدفعه وعرفت أنهم عاملين رحله ل اسكندريه بعد بكره
-الله اسكندريه انا بحبها اوي ده كفايه بحرها وهواها التحفه وخصوصاً في ليالي الشتاء اللي احنا فيها دي
-قومت خرجت من اوضتي لقيت ماما في المطبخ بتجهز الغدا
-ماما
-ايه يا موج انتي صحيتي
-امم لسه صاحيه دلوقت اهو
-ماشي يا حبيبتي
-فصلت باصلها ومش بتكلم
-فيه حاجه يا موج ولا ايه
-لا بصراحه اه فيه
-ضحكت يعني فيه ولا مافيش
-لا فيه فيه
-اشجيني يا ست موج أما نشوف اخرتها معاكي ايه
-بصراحه بقي يا ماما الدفعه بتاعتي مطلعه رحله اسكندريه بعد بكره وانتي عارفه انا بحب اسكندريه قد ايه ونفسي من فتره كبيره اني اروحها
-امممم وبعدين
-ولا قبلين كل ما في الموضوع اني عايزه اروح اطلع معاهم الرحله دي مش اكتر
-يا حبيبتي انا مش ممانعه خالص انك تروحي بس انتي نسيتي يا موج كل ما تروحي رحله مع الدفعه علي مدار السنتين اللي فاتوا ترجعي وتقعدي تعيطي وانا مش حابه اني اشوفك كدا كل ما ترجعي من رحله أو أي مشوار تبع كليتك
-لا بامانه مش هعيط المره دي والله عارفه ليه
-بصتلي وهي مش مقتنعه بكلامي لاني كل مره بقولها كده
-ليه بقي!
-علشان انا مش رايحه اي حتي انا رايحه اسكندريه وهواها التحفه واقعد قدام بحرها اللي يرد الروح وجمال منظر الموج اللي انا بعشقه يا ام موج
-بصتلي وضحكت وقالتلي متاكده
-قولتها وانا بضحك بأمل صدقيني متاكده
-انا عن نفسي معنديش مانع لما يجي بابا ابقي قوليله
-امممم طيب ما تقوليله انتي
-لا يا حبيبتي انا ماليش دعوه دي اموركوا وانتوا تحلوها مع نفسكم انا ماليش فيه
-ضحكت و قولتلها فنانه في قلب الترابيظه انتي
-ضحكت معايا وقالتلي يلا قبل ما الاكل يبرد
-طيب مش هنستني بابا
-ما بابا علي وصول اصلا اهو علي ما نحط الاكل هيكون هوا جه
- فعلا وانا بحط الاكل بابا جه وجريت علي الباب فتحتله واترميت في حضنه اول ما شفته
-دكتور حاتم بنفسه يا ولاد مشرفنا لا لا جدعان انا مش مصدقه نفسي والله
-ضحك وقالي وحشتيني يا لمضه
-وانت كمان والله يا حبيبي عامل ايه
-اهو الشغل كتر جامد الفتره دي
-معلش يا حبيبي ربنا معاك وبعدين يا سيدي كلها كام سنه وهاجي اشتغل معاك وهريحك من كل ده
-ربنا يخليكي ليا يا حبيبتي
-ويخليك لينا كلنا يا حبيبي
-يلا يا حبايبي علشان الاكل ميبردش
-وفعلا كلنا وانا وماما لمينا الاكل وبابا كان قاعد في البلكونه شويه زي عادته
-دخلت عليه وانا ماسكه كوبايتين شاي وطبق كوكيز شوكولاتة اللي انا وهوا بنحبه
-قولت وانا بحطهم علي الترابيظه الصغيره اللي قدامه
وادي اخلي كوبايه شاي وطبق كوكيز شوكولاتة لاحلي دكتور حاتم
-بصلي وضحك لا لا انا مش قد الكرم ده كله انا كده ابدأ اقلق
-قولتله بزعل مصتنع وانا بقعد علي الكرسي اللي قدامه
-اخس عليك يا دكتور حاتم بقي انت تعرف عن موج بنتك حبيبتك كدا
-لا لا ابدا استغفر الله مين قال كدا
-بصتله وضحكنا احنا الاتنين جامد علي الطريقه الي قالها بيها
-وبعد شويه واحنا قاعدين لاقاني بصاله
-حاسس من جوايا انك عايز تقولي حاجه مش عارف ليه
-احم هوا انا باين عليا اوي كده
-جدا لدرجه مقولكيش يعني
-طيب بصراحه بقي إذا كان كدا انا كان عندي طلب صغير وعشمانه فيك انك توافق
-قولي يا حبيبتي اللي انتي عايزاه
-بص يا بابا بصراحه انا الدفعه بتاعتي مطلعه رحله اسكندريه بعد بكره وأنا نفسي اني اروح لاني انت عارف اني بحب اسكندريه جدا
-ماشي يا حبيبتي انا معنديش اي مشكله انك تروحي بس انا ببقي خايف عليكي لانك بعد ما بترجعي بتبقي زعلانه وانا مش بحب اشوفك كده
-لا يا حبيبي صدقني ما تخاف ومافيش اي حاجه هتحصل خالص
-متاكده يا حبيبي
-متاكده يا حبيبي متقلقيش خالص
-خلاص يا حبيبي ماشي خدي بالك من نفسك وان حصلك اي حاجه تكلميني ومتقلقيش من اي حاجه انا معاكي انا وماما وهنفصل جنبك
-قولت وانا الدموع باينه في عيني حاضر يا حبيبي ربنا يخليكوا ليا انت وماما وميحرمنيش منكوا أبدا
-ويخليكي لينا يا حبيبتي قمت حضنته جامد اوي وماما جات وخضنتي من دهري حسيت في حضنهم بدفا مش طبيعي دعيت في سري أن ربنا يدميهم ليا علطول وبقعد شويه من الضحك والهزار دخلنا علشان ننام لان بكره يوم طويل اوي بالنسبه لكل واحد فينا
-امم صح طبعاً حد هقولي ليه كل الخوف والقلق ده هقوله
-بابا وماما خايفين عليا علشان انا كل ما اروح رحله ارجع اقعد اعيط لاني مش عارفه حد وحاسه اني تايهه ومش لاقيه حد شبهي خالص ولا حتي ليا صحاب من بعيد كدا ف علشان كدا بيزعلوا عليا اني بعيط بسبب النقطه دي وبيبذلوا اقصي جهدهم أنهم يعوضوني عن النقطه دي
-صحيت تاني يوم بدري لاني عندي يوم طويل شويه في الكليه
-نزلت بعد ما سلمت علي ماما وبابا ومشيت وانا مستعجله شويه علشان الدكتور بتاع الماده دي بيدا بدري حبه
-وانا ماشيه شبه بجري ومش شايفه قدامي وهوب خبطت لسه بشوف مين لقيته هوا يالهوي ده هوا انت طلعتلي منين بس ياعم انت مش كفايا اللي حصلي بسببك ولا ايه
-بصلي وضحك
واضح كدا أنه مكتوبلي انك تخبطيني انا بس صح ولا ايه
-فضلت بصاله وأنا بحاول اجمع اي كلمتين علي بعض اقولهم ليه من كتر التوتر كل الكلام طار
-احم صدقني انا معرفش أنه انت انا كنت ماشيه مستعجله علشان عندي محاضره مهمه وكنت عايزه الحقها صدقني ما كان قصدي خالص
- بصلي بعيونه الزيتوني اللي كل مره بتزيد حلاوه و ابتسم وفي ساعتها بانت غمازاته علطول
-لا يا ستي عادي ولا يهمك خالص عن اذنك
-ابتسمت وقولتله اذنك معاك
وكل واحد مشي في طريقه مشيت وانا هموت واعرف اشمعني هوا اللي بيظهرلي كل مره كدا مره واحده من غير حسبان دونا عن الكل
-دخلت المدرج وانا عقلي هيشت من كتر التفكير
خلصت محاضراتي ودفعت فلوس الرحله ومشيت بسرعه علشان الحق اجهز حاجتي اللي هاخدها معايا
-ماما انا جيت
-طيب يا حبيبتي حمدالله على السلامه
-الله يسلمك يا حبيبتي
-اعملك اكل
-لا يا حبيبتي مش عايزه اتعبك انا يدوبك انام شويه قبل ما الليل يليل علشان الحق اصحي يكون معايا وقت اجهز حاجتي
-قالتلي ماشي يا حبيبتي ادخلي نامي
-دخلت اوضتي ونمت علي سريري وانا قاعده بفكر فيه ومستغربه اني اول مره افكر في حد بالطريقه دي وفي الوقت القصير ده
-نمت علي نفسي من كتر التفكير وصحيت بعد ساعتين علي صوت ماما
-موج موج يلا يا حبيبتي قومي انا خلصت الغدا وبابا علي وصول يلا بسرعه قبل ما الاكل يبرد
-حاضر يا ماما صحيت اهو
-طيب يلا يا حبيبتي
- فعلاً قمت علشان احط الغدا معاها وبابا جه وقعدنا كلنا كلنا سوا
-ها بقي يا موج الرحله امتي
-بكره يا بابا الساعه سبعه الاتوبيس هيتحرك
-ماشي يا حبيبتي مش عايزه اي حاجه او نقصاكي اي حاجه
-لا يا حبيبي تسلم مش ناقصني حاجه
-خدي بالك من نفسك يا حبيبتي
-حاضر يا حبيبي تصبح علي خير
- وانتي من اهل الخير يا روحي
-دخلت رتبت شنطي وانا بسال نفسي هيجي معانا بكره ولا لا هل هشوفه بكره تاني ولا لا
-وبعد ما خلصت ومن كم الاسئله اللي كانت جوايا اخيرا نمت علشان بكره
-وبعد كام ساعه صحيت وجهزت لقيت ماما صاحيه هي وبابا سلمت عليهم وحضنتهم ونزلت وانا متحمسه للرحله دي بالذات غي كل رحله معرفش ليه
-وفعلا من كتر حماسي وصلت بسرعه لمكان الاتوبيس وطلعت ولقيت كرسي واحد بس فاضي جنب الشباك قولت في سري دا انت جتلي من السما وفعلاً قعدت وحطيت شنطتي علي رجلي وباصه من الشباك لحد ما الاتوبيس يتحرك وبقول في سري هوا مش هيجي ولا ايه باين عليه مش هيجي طيب ليه بس ايه ده يا موج مالك كده وبعدين انتي مالك اصلا يجي ولا ميجيش هوا حر الله
-وفي عز ما انا غرقانه وسط أفكاري ومره واحده لقيت اللي بيقولي دا مكاني علفكره اللي انتي قاعده فيه ده
-بصيت ناحيته الصوت ولقيته هوا لابقي دا كده كتير انت لو بتقرا أفكاري مش هتبقي كده طيب ازاي بس
-احم صدقني ما اعرف انه مكانك معلش بس انا ملقيتش غير المكان ده جنب الشباك فاضي
-ضحك لا يا ستي للمره الثالثه عادي ولا يهمك اقعدي في المكان اللي يعجبك
-لا خلاص طلاما دا مكانك اتفضل انت اقعد فيه وانا هشوف اي مكان تاني عادي مش مشكله
-لقيته ضحك وقالي صدقيني انا مش زعلان ولا مشكله بالنسبالي خلاص اقعدي براحتك عادي يعني مافيهاش حاجه
-ابتسمت وقولتله شكراً ليك بجد
-ضحك ضحكته اللي مبتخلاش طبعاً من غمزاته ؛ لا شكر علي واحب
-قولت جوا نفسي بعد ما مشي يخربيت غمازاتك يا جدع جايبهم منين دول ايه ده برضو لا موج انتي باين عليكي فيكي حاجه غلط لا فعلاً فيكي حاجه غلط مالك كده مش علي بعضك ليه انتي اول مره تكوني كده اهدي مافيش حاجه حصلت هوا ما إلا سمحلك انك تقعدي مكانه مش اكتر ومتبقيش اوڤر اوي كده
-وبعد فتره من الوقت معالم بوابه اسكندريه بدأت تظهر قدامي ومعرفش ليه اول ما شفتها اتطمنت مع اني مش اول مره اجي بس المره دي دخلني شعور مختلف واجمل غير كل مره
-وبعد شويه الاتوبيس وقف وبدانا ننزل وطبعا كالعاده انا معرفش اي حد خالص ف خدت شنطتي ولقيت رجلي بتاخدني علي احلي واجمل مكان ممكن اي حد يرتاح فيه بحر اسكندريه وجماله وموجه اللي يخطف قلبك كأنه بيرد عليك علي كل اسئلتلك اللي انت تايهه ومش لاقي ليها اجابه وكأنها بتقولك اجابتك عندي فعلاً صدق اللي قال ده بير أسرار لانك ببساطه ترميله همومك وتستريح وتسيبه وتمشي وأنت مطمن لانك عارف بل متاكد أنه هوا هيدفن سرك في أعماقه وعمره ما هيخذلك وهيطلعه لحد برا ابدا
-وفعلا اول ماشفت البحر مقدرتش امسك نفسي وجريت قعدت قدامه وانا بكلمه كالعاده بصوت مسموع بيني وبينه وبين الهو والموج وبس بدأت أكلمه
-هاي عامل ايه انت وحشتني عارفه اني قديلي كتير اوي متكلمتش معاك بس معلش ملحوقه انا جايه المره دي وانا جوايا حاجات كتير اوي عايزه تتحكي ومش عارفه ابدائها منين ولا منين بس انا فعلاً اتخنقت من الوحده اللي انا فيها دي اتخنقت من كوني لوحدي ومحدش يشاركني وجعي ولا حزني ولا دموعي ويقولي متخافيش يا عيوني انا معاكي ومش هسيبك ويمسح دمعتي بايده نفسي في حد يشاركني الرحله ويكون جنبي ومعايا يبقي اقرب ليا من نفسي يبقي فاهمني ابقي وانا معاه مش عامله حساب لحاجه واكون متطره في كل مره اني ابررله كلامي وافعالي لاني انا عارفه أنه عمره ما هيفهني غلط انا مش وحشه بامانه بس لسه ملقتش اللي يستحق اني اكون معاه الطفل الصغير اللي بيحب الحياه ويمتلك القلب اللي لسه برئ رغم كل اللي شافه من قساوه وغباء وطمع وحقد وكل حاجه وحشه لحد امتي هبقي كده لحد امتي كلهم يكونوا معاهم نصهم التاني وانا اللي قاعده بتفرج عليهم ليه كلهم بيعيشوا نفس الحاجات اللي انا عايزه اعيشها مع بعض وانا ما إلا واقفه من بعيد بشوفهم بيعملوا ايه ايه انا الي اتكتب عليا اني اشوف أفكاري واحلامي بتتحقق مع بني ادمين غيري الفرق بس بيني وبينهم أنهم لقوا اللي يشاركهم الاحلام والأفكار والتفاصيل الدقيقة بتاعت يومهم دي وأنا لسه ليه بس اشمعني انا بين كل دول اللي وحيده لوحدي وبطولي في الحياه الواسعه دي؟!!
-يااااااه كل ده في قلبك وساكته ومش مبينه اي حاجه!!؛
-بصيت لمصدر الصوت وانا في قمه الذهوول معقول يكون سمع كل اللي انا قولتله معقول هيبصلي نظره شفقه لمجرد أنه عرف اني مش معايا حد طيب يا ربي يعني يوم ما حد يسمعني غصب عني يبقي ده طيب ليه كدا بس؟!!
-انت هنا من امتي
-ياااااه من بدري من اول هاي عامل ايه تقريباً
-بحلقت يالهوي انت سمعتني
-ضحك وقالي اممم انا اسف لو تعديت حدودي بس بصراحه انا كنت بدور عليكي ولقيتك هنا ف قولت اجيلك اشوفك بعدتي ليه عننا وسمعتك
-طيب وأنت تدور عليا ليه في حاجه حصلت ؟!!
-لا ابدا بس حاسس اني عايز اعرفك واتكلم معاكي اكتر ف ممكن اقعد لو تسمحي طبعاً ومش هضايقك في حاجه
-ابتسمت وقولتله لا وهضايقني ليه اتفضل انا كده كده مش بعمل حاجه
-ابتسم وقعد وانا فصلت باصه للبحر وانا متوتره وساكته ومش مستعده خالص لاي فتح كلام وخصوصاً بعد ما هوا سمع كل الكلام اللي قولتله
-وانا شارده في افكاري فوقت علي صوته اللي هيفضل محفور في ذاكرتي علطول وعمري ما هنساه
-يااااااه بجد بحر اسكندريه الوحيد اللي بيزيد حلاوه
-ابتسمت وانا بقوله فعلاً اكتر مكان هتلاقيه مختلف في حياتك كلها
-بصلي وقالي عندك حق يا
-صحيح انا لحد دلوقت معرفش اسمك انتي اسمك ايه
-لقيته مدلي أيده وبيضحك بالمناسبه انا اسمي ايوب وانتي؟!!
-لقيت نفسي مره واحده بسلم عليه وبضحك وانا معجبه باسمه وبقوله
-موج اسمي موج
-ضحك وقالي الله اسمك جميل بجد ومختلف
-شكرا صدقني دا من زوقك
-لا متشكرنيش انا فعلاً بقول الحقيقه وده اللي خلاني اعرف اجابه سؤالي
-وايه هوا سؤالك بقي يا عم ايوب
-كنت بصراحه مستغرب ايه السر اللي مبينك ومابين البحر يخليكي تتشدي ليه جامد اوي وكده ومن مجرد قاعده بس قولتلي كل اللي جواكي
-طيب ده السوائل وايه بقي الاجابه يا ايوب
-الاجابه هي اسمك اسمك مميز فعلاً موج والموج عمره ما مكانه غير في البحر هما الاتنين ما بينهم علاقه مختلفه فعلاً البحر عمره ما سمح لحد أنه يغير من طبيعته غير الموج يا يخليه هائج أو هادي عمره ما خلي حد يمشي علي سطحه كدا من غير ما يكون مش معارض هوا الموج وبس
-يااااااه انت كلامك مختلف يا ايوب
-غمزلي وقالي انا كلي علي بعضي مختلف
-يا جدع بجد والله
-امم والله ولو مش مصدقاني اديني فرصه واحده ومعاها رقم بابا بسرعه
-قلت باستغراب رقم بابا وهوا هيفيدك باايه رقم بابا
-اني أقوله ايوب لقي نتيجه صبره عندك ومستعد يعمل اي حاجه في الدنيا علشان ياخدها وتبقي ملكه
-بس يا ايوب الكلام اللي بتقوله مش طالع من قلبك ده اكيد نتيجه شفقه منك وانا مش عايزه اللي ارتبط بيه يكون واخدني علشان بيشفق عليا من الوحده مش اكتر ومع مرور الوقت هيحس أنه ندم وهيرجع في قراره
-وحيات العيون الزيتوني اللي نفس لون عيوني اللي مدوخني من اول لحظه شوفتهم فيهم دول ما شفقه ولا عمرها هتكون شفقه انا فعلاً هكون متخلف لو ضيعتك من ايدي انتي جوهره متستحقش أن أي حد ياخدها كده وخلاص وتنعم عليه بالشرف ده وهوا مش جاهل بقيمتها صدقيني يا موج انا فعلاً حبيبتك معرفش ده حصل امتي بس كل اللي اعرفه اني عايزك في حياتي تاخدي بايدي واخد بايدك ونكون ملجا لبعض الوقت مانكون تائهين
-بصتله وضحكت وانا دموعي نازله
-لقيته مسح دموعي وقالي طول ما انا معاكي خلاص دي مش هيكون ليها وجود
-خضنته جامد اوي شكرا يا ايوب علي كل حاجه من ساعه ما قابلتك
-حضني وهمس في ودني متشكرنيش يا نتيجه صبر ايوب 🤎🪐
---------------
(بعد ٣سنين)
-يااااااه فاكر يا ايوب المكان ده
-اكيد طبعاً فاكره يا قلب ايوب
-ساعتها كنت خايفه انك تكون جاي تكلم بابا نتيجه شفقه عليا مش اكتر وكنت خايفه لتندم بس انت اثبتلي عكس كده خالص
-شكرا انك مسبتنيش لدماغي وانك بجد فضلت معايا وكنت البني ادم اللي يتمناه وطلع احلي من الحلم كمان شكرا انك ديما كنت جنبي من اول يوم عرفتك فيه شكرا انك خليت احلامي واقع ملموس وحقيقه انا عايشه فيها ومش هتنتهي لمجرد بس اني افتح عيني شكرا يا قلب موج يا الحب الاول والاخير لموج
-دا انا اللي ربنا بيحبني يا نتيجه صبر ايوب انا فعلاً ربنا عوضني بيكي انتي يا كل حاجه حلوه في حياتي يا ركني البرئ ومليان نقاوه وحنيه حتي أن زاد عليه الضغوط والحمل شكراً انتي أن حضنك كان علطول مفتوح ليا وانك فضلتي معايا وشجعتيتي وكنتي معايا علي الوحشه قبل الحلوه ف اكيد يعني يبقي مافيش حد دمج لدرجه انه يلاقي حد بالمواصفات دي كلها ومايمسكش فيه بايده واسنانه
-حضنته وانا بعيط شكراً يا ايوب يا روح موج علي كل حاجه من ساعه ما قابلتك
-حضني جامد اوي وهمس في ودني
-متشكرنيش علي وجبي يا موجي يا نتيجه صبر ايوب 🤎 🪐
لقد كنت انت ملجائي الذي يجعلني التقي بنفسي التي عجزت عن إيجادها بين صخب العالم الذي يحاوطني 🤎🪐🥺🫂
