رواية أحببت غريبا كامله جميع الفصول بقلم منة محمد
_بس أنت كذبت عليا!
&محدش قالك صدقي، هو لو حد قالك ارمي نفسك في البحر هترمي نفسك؟
_بصيت ليه بصدمة :قول أن ده مقلب يا عمر، قول أي حاجة
&مش مقلب، ههزر معاكِ لي! وبعد أذنك علشان متأخر
"كنت بسمع زمان عن فدية إنك تحطي قلبك في إيد راجل، بس كنت بقول لا مش معقول هتخم يعني هو أنا عيلة ضغيرة. . ، طلعت عيلة صغيرة فعلًا وبدفع ضريبة غلطتي دلوقتي لما سلمته قلبي. . . . أنا اللي فتحت الباب عليا وصدقت دخلته، كلهم بيمثلوا حلو كلهم بيعرفوا يقولوا كلام حلو وكدابين، سابني بحجة أنه هيخطب ومش عايز يخطب واحدة مشي معاها..بجد! هو ده حقيقي! ."
-مالك يا سديم إيه اللي حصلك
محستش بحاجة غير وأنا بترمي في حضنها وبعيط:موجوعة موجوعة أوي يا نور، طلع عندك حق طلع عندك حق وسابني كل وعوده كانت كذبة
-ملست على شعري:طب أهدي يا حبيبتي أهدي يا سديم
_هو لى عمل كده؟ طب لى دخل حياتي من الأول
-كان بيتسلى يا سديم، أنا قولتلك مفيش حد عنده نية إنه يخطب ويتجوز إلا لو هيدخل البيت من بابه صح؟
_كنت بعيط بشكل هستيري:صح، بس هو وعدني كان بيقعد يوعدني إنه غيرهم
-وعود كدابة شبهه علشان يسيطر على عقلك... احمدي ربك إنها جت لحد كده
_خايفة خايفة يا نور
-انوي نية جديدة يا سديم ربنا مش هيسيبك
_هقول لأهلي إيه
-اتوترت هي كمان:معرفش يا سديم بس بس ممكن ممكن. . . . لا لا معرفش بصي أنتِ أنوي التوبة وربك هيحلها
_ادعيلي يا نور ادعيلي
-هدعيلك والله يا حبيبي بس أنت اجمدي وحاولي تردمي عليه صفحة وأنتهت
_بس أنا كنت بحبه
-معتقدش يا سديم أنتِ كنتِ بتحبي اهتمامه المزيف وكلامه اللي بيزينه
_بصيت ليها وأنا تحت أثر صدمتي لسه: تفتكري!
-احتمال كبير، وبعدين أنت هتقدري تتخطي هو محاولش علشانك يبقر ميستاهلكيش يا حبيبتي
_شاورت على قلبي:طب وده
-هيتعافى يا عيوني بس أنتِ قاومي، وأهو درس اتعلمناه
_درس خسرني حياتي وقلبي يا نور
- قولنا هيتعافي يا عيوني وأنا معاكِ متخافيش
_________
"مر أسبوع وأنا بحاول أتعافي ومخبية على أهلى الموضوع وفي نفس الوقت خايفة منهم وحاسة بالذنب"
_ ردي ردي بقى
-الو
_الحقيني يا نور في مصيبة
-إيه اللي حصل
_عمر عمال يبعتلي
-أنتِ مش بلكتيه لى!
_معرفش معرفش قوليلي اعمل إيه دلوقتي
- أنتِ لسه هتفكري بلكيه بسرعة من كلو
بالفعل عملت بلوك، بس لسه قلبي بيوجعني، يمكن ندم؟!
_عملت بلوك يا نور، طب أفرض كان بيتكلم بجد؟
-اتكلمت بعصبية:تاني تااني يا سديم ، يا بنتي ده مخاادع مخااادع وكداب بيستغلك وبس
_لا لا يمكن كان ليه عذره يا نور ولوقتي عرف غلطه
-لا لا يا سديم، راجعي كلامي وراجعي مواقفه وحيله المخادعة وحكمي عقلك يا سديم. . .
قفلت معايا وأنا فضلت قاعدة مكاني باصة للا شيء مش مستوعبة إزاي ده حصل وأمتي وفين!!
__________
&اللوزة بتاعتي مكشرة لى
-أنت جيت يا تيم، لا مفيش يا حبيبي
&أومال مالك يا قلب أخوكي
-بدأت تدمع:سديم عندها مشكلة وخايفة عليها أوي يا تيم
&بخوف:طب أهدي طيب عندها إيه يمكن نقدر نساعدها
-الموضوع غريب شوية يا تيم مش مشكلة خليك أنت بس في مشاكلك، قول عملت إيه في الشغل
&الحمدلله قدمت في شركة النهاردة ومستني ردهم
-أصلًا هم المحظوظين إن أخويا هيشتغل معاهم
&يا سلام يا سلام على التثبيت، لا اتثبت أنا كده
-ضحكت:شوفت أي خدمة
___________
+سديم
_بتوتر :نعم يا ماما
+أنتِ مش مضبوطة بقالك كام يوم في حاجة؟
_ااااا.. لا. لا يا ماما
+متأكدة يا سديم
_ااااا..أيوة يا حبيبتي
+بعدم اقتناع:طيب طيب يا سديم
"حاسة أني مشتتة وخايفة ليعمل حاجة، طب أروح أقول ليهم! ولا اعمل إيه، أنا حاسة أن الدنيا بتلف بـ . . . .
+سديم سددديم
"مكنتش واعية لشيء سامعة دوشة حوليا وكلام كتير بس مش قادرة أستوعبه وفاجأة كل ده اختفى"
# حمدلله على سلامتها هي بس محتاجة تتغذى كويس وتخلي بالها من صحتها أكتر
+كده يا سديم تقلقيني عليكِ
_طبطبت على إيدها: معلش يا حبيبتي حقك عليا
+برضو مش هتقولي مخبية إيه عليا
_ابتسم ابتسامة خفيفة بخفي وراها الكارثة اللي حطيت نفسي فيها و معرفش نهايتها: متقلقيش يا حبيبتي ادعيلي بس
+طيب يا حبيبتي
-إيه يا سديم اللي حصل
_متقلقيش يا نور أنا بخير
-مقلقش إزاي ده أنت وقعتي قلبي وخليتيني أرعبهم في البيت خليت تيم يسيب الشغل ويجي يوصلني
_ابتسمت علشان اطمنها: متخافيش لسه مموتش هقرفك شوية كمان
-خبطت على راسي بخفة: بطلي كلام سخخيف
_هبقى كويسة متخافيش الحمدلله
حضنتني وكأنها عارفة أنب في احتياج للحضن ده وطبطبت على شعري بخفة، خفة مبلاقيهاش غير معاها ومدى راحة وكأنها أختي
مرت الأيام وخرجت من المستشفى الحمدلله ولازلت بحاول أتخطى، أتخطى شيء بيطاردني. . . شكله بيطاردني للأبد. . .
-أيوة أيوة ياللي على الباب. . سديم في إيه؟
_الحقيني الحقييني يا نوور
-حصل إيه ادخلي طيب
_اتكلمت وأنا باخد نفسي بالعافية:الحيوان الحيووان فبرك صور ليا وبيهددني هيبعتهم لأهلي
-ننننعم!
