رواية خيانة لا تغتفر كامله جميع الفصول بقلم جمانه السعيدي
اني نازك يدلعوني نونه مواليد ٩٠
اني حنطاوبه ملامحي حلوه شعري كيرلي النص ضهري
طولي ١٦٧
عندي اخت اكبر مني بسنتين نجلاء
ووحده ازغر مني بسنتين علياء
وأخ وحيد احمد الزغير
احنا عائله متمكنه ورب العالمين مفضل علينا
املاكنا متوارثينها عن أهل امي واهل ابوي
اول سنه سجلوني بلمدرسه تعرفت على بنيه اسمه مريم
اول ماشفته حبيته
مااعرف ليش حسيته دخلت كلبي
كعدنا بنفس الرحله
البنيه حالتهم الماديه تعبانه والنوب الحصار كانت ملابسه
اقل من عاديه ومااجيب وياها اكل من البيت
ولا مصرف لان حالتهم ماتساعد
البنيه جميله جدا بيضه وعيونه كبار وشعرها عبالك حرير
من تشوفني اطلع اكل لو اشتري تبقى تباوع عليه
اني اضوج عليه بلبداية كنت اقسم اللفه بينا نص اله ونص اليه بعدين كمت احسب حسابه بلاكل
يعني اجيب لفتين وحده اليه ووحده اله
واذا اشتري النفسي اشتريله مثلي
حتى ملابسي كنت اقسمه بلنص بيني وبينه
واذا انطيه قطعة ملابس ماارجع اخذه منه ابد
وبعمري ماحسسته بلنقص لو هي اقل مني بشي
او منيت عليه حتى اذا نتزاعل اروح اصالحه
بعمري ماعيرته بشي جبته اله
مرتين عزمته تجي البيتنا ومن تجي اهلي كلهم يرحبون بيه هلكد مااني احبه ومتعلقه بيه
اهلي هم يحبونه
بس هي ابد ماعزمتني اروح البيتهم ولا كانت تحجي عن اهله ولا اجيب طاريهم
كانت تستحي من وضعهم المادي
هم بلبيت سبع بنات وثنين ولد هي ثالث وحده بلعائله
عائلتهم جبيره وظروفهم صعبه
إلى أن مره تمرضت ومااجت للمدرسه اني سئلت على عنوانهم وصممت اروح ازورها
امي اخذتني العصر ر حنا عليهم واخذنا ويانه علبه نستله
هديه اله
دكينا الباب امه بس شافتنا رحبت بينا بدون ماتعرفنا
ودخلتنا للبيت يعني كان ترحيبه بينا عبالك تعرفنا من زمان
البيت بسيط بشكل مو معقول وتعبان كلش
وماكو شي اسمه اثاث
مجرد الفراشات جاردات كلش وتعبانات
تعرفون الناس بلحصار باعت كلشي حتى تعيش
المهم كعدنا
ام مريم...ولا زغر بيكم بس ماعرفتكم
نازك...اني نونه صديقة مريم
ام مريم اهلا وسهلا هله بيكم ومرحبا اعذروني ماعرفتكم
مريم بس تحجي بيكم شكرا على كلشي جاي تقدمينه اله
احنا عائله جبيره وابونا شغله على كده
ومايلحك على العيشه اعذرونا احنا مو كد مقامكم
امي....ليش تكولين هيج شنو مقامنا شنو مقامكم
احنا اهل ومعزتكم عدنا اكبر من كل المضاهر
نازك...خاله اريد اشوف مريم
ام مريم....اي هسه وفاء وفاء وين مريم خل تجي ذوله اعز الحبايب
شويه واجت مريم بس شافتنا حيل ضاجت ماكانت تريدنا نشوف وضعهم وبيتهم
بس اني كان عندي الوضع كلش عادي المهم هي صديقتي اني شعليه بيتهم وشنو دخلي بوضعهم المادي
من فرحتي كمت حضنته وبسته
كانت لأبسه تراك حيل تعبان ومزرف من كل جه
كعدت وبقت مدنكه ومحرجه منا
امي نطته علبة النستله ماقبلت تاخذه اخذته امه وتشكرت منا
طلعنا اني وامي والتفت عليه كتله باجر تعاي للمدرسه
مااعرف اداوم اذا انتي ماموجوده
راسا طبكت الباب وماردت عليه
اني جنت حاسه بيه بس ماضجت منه لان احبه
رجعت داومت بلمدرسه بس كانت تتحسس من كلشي
وتزعل بسرعه
اذا المدرسه جمعت تبرعات مريم اضوج حيل اني كنت ادفع بمكانه
ويوميه اخذله اكل وياي
وانطيه من مصرفي ومن ملابسي ومن قراصاتي
ومن احذيتي
مرات اشتريله جديد واذا اشتري محفظه او جواريب
اشتريله وياي
نجحت وطلعت اني الأولى بس هي طلعت ناجحه وبس
اخر يوم بلمدرسه كتله تجين ازوريني واني هم ازوركم
راسا كمزت لا لا لاتجينا وين تجينا
اني اجيكم كل يوم جمعه
نازك...وعد
مريم..اي وعد
فعلا من اول جمعه من العطله اجتنا اني شفته راسا حضنته مامصدكه هي بيتنا
اجاني شعور هي تحبني وماتكدر تفاركني واجت تشوفني
طرت من الفرحه
اجتنا بلملابس مال المدرسه الي انطيتهن اله
اني راسا طلعت ثنيين ثياب من ثيابي وخليتهن بعلاكه
وامي كانت مشتريتلي شحاطه ورديه وبيه ورده جبيره من كدام
كتله شو قيسيه تكفي عليج
قاسته طلعت تخبل على رجليه لان هي بيضه وحلوه
اخذتهن وراحت البيتهم فرحانه
اما باقي المرات امي كانت تخلي كبه بجيس وتنطيه
مرات من اكول مريم اليوم تجينا لان جمعه امي تحضر كيكه جبيره ومن تجي تنطيه اله
كثرت العطاء تعلم الاكتساب
هلكد ماكنت كريمه اني واهلي وياها بلعطاء كانت تحس
هي شريكتي بكل الاشياء الي املكه
يعني وصلت المرحله تفتح كنتوري وتختار اي شي يعجبه من ملابس او احذيه او جنط
واني ابد ماكنت امنعه لان مقدره وضعها
واني اهلي معلمين على الخير
والأهم اني كنت احبه ومتعلقه بيه
وهي كانت صديقه مقربه اليه حيل ومتعلقه بيه
بحيث ماتقبل اصداق وحده غيره تزعل عليه
واني مايهون عليه زعله
هلكد ماكنت انطيه شغلات وملابس وهدايه واكل
اعتبرت هذا الشي حق مكتسب
يعني هي اله حصه وياي بكلشي
واني ماجنت اعترض ابد لان هي صديقتي واني احبه ومتعلقه ببه حيل
مشينا اني وياها على هاي الحاله منا لمن وصلنا للسادس اعدادي واني وياها نتقاسم كلشي
مرات البنات عبالهم احنا أقارب هلكد ما لا زكين وحده بلثانيه
من نطلع من المدرسه هلكد ولد يتحرشون بيه
قصدي يسمعونه كلام حلو
اكثر شي يتحرشون بمريم لان هي من كبرت صارت احلى بهواي من قبل
بس هي كانت تردد عباره وحده وبس
انا ماازوج بلعراق اني ازوج بلخارج اريد واحد غني يطلعني ويسفرني
ويفرررني العالم كله
شكد اجت عليه ناس خلال مرحلة الاعداديه كل الي يشوفه يتعجب بيه ويدز يخطبه
بس هي ماكانت تنطي مجال ابد
الشهاده لله البنيه كلش ثكيله
اني كنت دائما امنعه من الزواج المبكر لان مااتخيل نفسي اعيش من دونه
ابد مااتخيل راح تزوج وتعوفني اداوم وحدي بعد كل هاي العشره طول هاي السنبين
المهم طول فترت الامتحانات كانت تجي تقرأ بيتنا تكول بيتكم هادئ احنا هوسه وكلشي ماافتهم
واكيد كل يوم تجي ماتطلع واديها فارغه ابد
لمن هي تعلمت تطلب مني
تكول اليوم كلشي ماانطيتيني
كنت افرح بكلامه احسه ماتخجل مني وماكو بينا اي حواجز
بس بعمري ماكلت كدام البنات اي شي عني اوعنها
او انه تاخذ مني
بهاي الفتره اخواته الكبار ثنيينهن ازوجن مع ان مريم جانت يجونها خطابه اكثر منهن ثنيينهن
بس هي ماعدها غير كلمه وحده اني ماازوج بلعراق اله ازوج بلخارج
اني اضحك عليه وعلى افكارها الغريبه
استهزاء من فكرت زواجه بلخارج
نازك....بله شلون تزوجين بلخارخ ووين يشوفه الي بلخارج ويزوجج جمانه السعيدي
مريم...لو ابقه كاعده كل عمري بدون زواج ماازوج واحد بلعراق فكر
نازك...عود اذا لكيتي واحد اخذيني وياج حتى مانفترك ابد
مريم....اي ميخالف افكر بلموصوع
اني نجحت دور اول وطلعت معدل عالي وهي طلعت إكمال بدرسين
كامت اذب اللوم عليه
مريم...كله بسبج
نازك...واني شنو دخلي بلموضوع
مريم.. انتي تقرين من وراي تخليني اطلع ودرسين من وراي
نازك...طبعا ادرس بابا هذا سادس مو لعبه واني اريد معدل
مريم...شوفي انتي غداره
نازك...وانتي ليش ما تدرسين من ترجعين البيتكم
مريم...ووين ادرس اذا بيتنا عبالك ملعب رياضي مو بيت
نازك...شدي حيلج وانتي تنجحين
مريم...زين اجي يمكم ادرس انتي تساعديني
نازك...اي تعاي مو تدللبن
مريم...تمام
طبعا احنا كاعدين بمنطقه راقيه وناسه كله موضفين وناس شبعانه
مو مثل المنطقه الي عايشه بيه مريم منطقه شعبيه وناسه
بسيطه وعلى كد حالهم
