قصة ثوابت العلاقات قصة قصيرة بقلم سلسبيل احمد
- وانت فاكر علاقتنا هتكمل بالشكل ده!!
= لا يا مريم مش هتكمل ها ارتحتي!
- طب حلو يعني متفقين نطلق؟
= انتي عايزه كده يعني
- اها
= وبقالك اسبوع منكده عليا عشان نطلق
- ايوه
= وحيات ربنا ما هطلقك خليكي كده بقا
- خد هنا رايح فين !!
= في داهيه! رايح ف داهيه
" رزع الباب جامد! ده مشي وسابني؟ يابنالغداره! اها يابنالغداره! بيتخلي عني؟ عاوزنا نطلق!! هي كل الرجالة كده كلهم مصطفي ابو حجر "
- الو؟!
= تعالي البيت يا بنت الجزمة
- في اي يا ماما !
= لما تيجي هتعرفي
" قفلت في وشي السكه! لبست اي حاجه كده كده ماما فالشارع الي ورايا روحت واول دخلت لقتها فالصاله مستنياني"
- ريحة البرفان دي مش غريبة عليا سيف كان هنا؟
= اها ومشي يا بومة
- بومه ؟ يعني اشتكالك مني تاني
حدفتني بالشبشب فوشي: انتي مشوفتيش ريحه التربية ده قالي اقعد معاكي عشان مسافر بس انا مش هبله عملتي للواد اي! وطفشتيه
" كل الرجالة بتروح تشتكي عند امهم الا سيف بيروح يشتكي لامي انا "
= يعني محكاش الى حصل؟
- ولا قال ان في حاجه اصلا بس انا مربياكي يحببتي وعارفه انك بومة!
= الله يخليكي ياماما الله يعزك
- قوليلي اتجوزتيه ليه اديني سبب واحد
= غلطه..' فجأه حسيت اني عيله و عايزه ارجع فكلامي طلقوني منه دلوقتي
- انت بت قليلة الادب ومش هيحصل يا يا مريم لو هتموتي كده مش هنطلقك
= ليه!
- عشان انتي اصلا تستاهلي واحد شبهك
بدموع: انتي بجد بتكلميني كده يا ماما!!
سكتت وانا بصتلها وانا بضحك بصدمه: انا بنتك! مش هو
- لو بابا عايش كان زمانه فهمني و اتكلم معايا و خد صفي بس.. للأسف انا لوحدي
" مشيت وسبتها و رجعت البيت اتفاجئت بيه موجود كان ماسك شنطة سفر.! يعني اي؟! "
- انت رايح فين؟! واي الشنطة دي
= انتي مالك ؟!
- انت هتسبيني
= اها مش طلبتي كده؟!
- يعني بتتخلي عني بسهوله انت كمان !
"ساب الشنطة وقرب مني بغضب"
= انا امتي اتخليت عنك ها ؟!
زق الشنطه بقوة: وادي الشنطه اهي مش هغور فحتة بصيلي كده بصي في عيني و اوعديني انك تتغيري و ده ميحصلش تاني اوعديني تتكلمي معايا مبقاش متساب زي الاهبل كده معرفش مراتي مالها و زعلانه ليه
- انا مش بحب اتكلم ! مش عايزه انا بتخطي لوحدي
= انتي كدابة! مش بتتخطي بتكومي وخلاص بتكتمي جواكي و بعدين كل ده هيطلع مره واحده عشان ده سواد لو فضل هيخلي قلبك زيه
- مش حقيقي
= انا مش هفضل هنا و معاكي واكمل فالعلاقة دي الا لو بطلتي تسكتي و بقيتي تتكلمي معايا
" فضلت ساكته وبصاله فا برم شفايفه بقلة حيلة "
- تمام سلام يا مريم
" مشي بكل هدوء! واول ما خرج و قفل وراه الباب وبقيت حاسه انوه مش موجود ولا هيرجع خوفت كنت مرعوبة وفجاه اتسلب مني احساس الأمان فضلت اعيط كتير وافتكر الى حصل بينا..! "
فلاش باك #
- احم.. هو انت كنت منزل صورتك مع حد من صحابك؟
= انهي بالظبط
- بنتين و ولد كده
= اها زمايلي فالشغل
- انتي مدايقة؟ لو غيرانه مثلا عرفيني
ضحكت: لا ابداً خالص اي العبط ده
بصلي وهو مخنوق: تمام يا مريم
______________________________
صلي على محمد
- يلا ناكل سوا و نشوف فيلم ؟
= هوا اي القرف الى انا فيه ده !
- في اي يا سيف انت بتتكلم كده ليه؟
= عشان زهقت يا مريم ! زهقت
- من ايه !
= بطلي برود و اسلوبك المستفز ده انا مش هتحمله ده انا مبقتش عارف امتي انتي بجد مبسوطه و امتي بتمثلي
- عشان اي كل ده! بمثل ازاي
= تمام برضو مصره تلفي و تدوري امبارح بليل الساعه 4 كنتي فالحمام بتعيطي ليه ؟
بصتله بصدمه: ءءءء انا ! محصلش ده... معيطش!
بصلي و صبره كان بينفد منه و قال بنبره هاديه و يأسه: انا كنت هدخل واخدك فحضني! واشيل عنك الى مزعلك كنت هطبطب عليكي!!! واسندك عشان ميهونش عليا زعلك مكنتش قادر اسيبك تعيطي بس سبتك عارفه ليه؟؟؟ يمكن تبطلي عادة الكتمان بتاعتك و بكره الصبح تتكلمي معايا فالي معيطك لكن برضو جاية تتصرفي ولا كأن حاجه حصلت
وبتمثلي انك كويسة!
- هوا انت مش عاجبك اني بعدي كل حاجه؟ يعني انت عاوزني انكد عليك وابقي ست نكديه !!! ده الى انت عايزه يعني ؟ وبعدين انا مفيش حاجه مدايقه منها انت عملتها اصلا
= مهي دي المشكلة انتي بتعدي مشاكل لو حصلت بين اي اتنين متجوزين هيدبوا خناقة لرب السما !! وبعدين هو انتي لما تشاركيني حزنك تبقي نكديه!
- اها يا سيف وانا قولتلك مفيش حاجه مزعلاني
= ولما تكلميني بقرف و تقولي لي سبني دلوقتي وابعد عني! وتردي على قد الكلمه! ابقي بحكيلك حواااااار طويييييل عريض و تقوليلي بكل برود.. اها تمام
وتسكتي ده طبيعيي؟ انتي حتي مش بيهون عليكي تراضيني بعدها بكلمه واحده ياستي بلاش تراضيني قوليلي حتي كنت مضايقه عشان كده اتعصبت و هقولك خلاص حصل خير !
انما تيجي بكل برود يلا ناكل سوا ونشوف فيلم والله؟ والى حصل ده نعمله مونتاج يعني ولا اي؟ نمسحه من ذاكرتنا
- اها يا سيف امسحه زي ما بعمل.
باك #
" فضلت اعيط جامد كل الذكريات دي هاجمتني فجأه... وفي لحظه حسيت بضغط شديد في دماغي صداع مش قادره اتحمله!! و عيوني مش شايفه بيها كويس مسكت الموبايل بسرعه و رنيت على رقم مكنتش متأكده من اسمه! لكني قبل ما افقد الوعي ناديت بأسمه "
*************************************
" الانسان صعب يتخطي يا مريم "
"الواحد عشان يرتاح لازم يطلع الى جواه"
" في انواع من الزعل مينفعش نشليها لوحدنا "
" انا جمبك ف اي وقت و في اي حاله يا مريم "
- مريم انتي كويسة !
" فتحت عيني كنت حاسه اني بحلم لكن بدأت اركز ولقتني في اوضه بيضه مستشفي؟! "
اتكلمت بتعب: هو انا فين حصل اي
- اهدي متتحركيش جسمك تعبان!
رجعت راسي لورا بو..جع: انا بحاول افتكر الى حصل مش قادره
= انتي وقعتي؟
- لاء
= انتي رنيتي عليا و مقولتيش اي حاجه غير سيف
عيوني بدات تدمع وانا بسترجع الموقف: انت سبتني مشيت وسبتني وانا فضلت اعيط و
قرب بسرعه: شششش اهدي انا معاكي والله العظيم ممشتش ولا كنت همشي انا جمبك أهو
بعياط: لاء انت سبتني ! سبتني زي بابا كلكوا كده
" سيف نده على الدكتور بسرعه و ادلها حقنه مهدئة"
- كانت لازم تفضل هادية لفتره عشان بس جسمها يستوعب الصدمه هي هتبقي كويسة لما تقوم كل الموضوع انها محتاجه راحه و متحطش نفسها تحت ضغوط لدرجه انها تجلها صدمه عصبية
هزيت راسي: تمام يا دكتور
" كلمت طنط هدي مكنتش حابب اسبب لها قلق غير لما اطمن على مريم لكن كالعاده كانت جاية معيطه و منهاره و مهديتش أبدا وهي شيفاها في اوضه قدامها و نايمه مش قادره تكلمها.. "
- صدقيني هي كويسة الدكتور لسه مأكدلي ده هي بس خدت حقنه مهدئة
بصتلي: ليه عشان اي كل ده انت اتخانقت معاها؟ عملت لها حاجه!
سكت ومكنتش عارف ارد: انا قولتلك هعملك الى انتي عايزاه و كنت هسافر فترة يمكن لما تفكر مع نفسها تقدر تفهمني بس افتكرتني همشي واسبها للأبد.. بس والله مقدرش اسيبها
" فضلنا بره اوضتها لحد ماا بدأ النهار يطلع الصبح و هي بدأت تفوق سبت طنط تدخل لها افضل.. "
- مريم ! انتي كويسة يا مريم!!!
= اها يا ماما كويسة متخافيش
- حصل اي يا حببتي عملك حاجه زعلتك؟؟
"بصتلها و مردتش"
- خلاص يا مريم انا هعملك الى انتي عايزاه بس متزعليش لو عايزه تطلقي خلاص بس اهم حاجه عندي تبقي كويسه!!
ابتسمت بسخريه: دلوقتي حسيتي بيا!
- انا طول عمري حاسه بيكي! وعشان كده عنادتك في موضوع سيف! انتي مش هتلاقي زيه و بعد مو*ت ابوكي يا مريم مقدرش اسيبك لوحدك لما امو*ت انا كمان
بصتلها بدموع: لاء! متقوليش كده!
= حببتي دي حقيقة ، ومع ذالك فكري وقرري وانا هنفذلك اي قرار
= انا اطمنت عليكي دلوقتي هخرج عشان سيف يشوفك
" و فعلا سابتني و خرجت و هو دخل بعدها قرب ناحيتي بقلق! "
- بقيتي كويسة؟!
"هزيت راسي بالإيجاب "
قعد قصادي و مسك ايدي: انا حقيقي اسف يا مريم حقك عليا بس صدقيني انا مكنتش همشي انا كنت
قاطعته: انا الى اسفة ، انت كان معاك حق فكل حاجه قولتها يا سيف و اكبر دليل اني هنا
- انا مكنتش عايز يحصل كل ده
= ولا انا! انا بس خايفه كنت خايفه من انك تسبني !
- هسيبك ليه!
= لو فضلت اشتكي و خنقتك لو قولتلك اني بغير من الهوا! و بزعل من اقل حاجه! و دايما حاسه ان حبنا مهدد مكنتش مطمنه كفايه!
- عشان اي كل ده
بعياط: عشان بحبك..! واعتقد اني لما بحب بطريقة ما يعني بيبعد عني و بخسره كنت خايفة اخسرك بأي شكل مكنتش عارفه اعمل اي كنت تايهه و مش فاهمه حاجه زي العيل الى اتساب لوحده ومفروض يتصرف صح! بس.. هو عيل!
شدني لحضنه بقوة: طب اهدي اهدي دلوقتي انا هصلح كل ده صدقيني متخافيش ابدا انا هفضل جمبك وعمري ما هسيبك مهما حصل يا مريم ابدا
" فضلت فحضنه بدأت اهدي اتنفس براحه احساس الأمان رجعلي لكني مكنتش فالبيت كنت جمبه.. ادركت اني بحس بالأمان بس وهو موجود حتي لو احنا فينا المهم انوه يبقي جمبي "
" رجعنا البيت يومها و كان بيعاملني كويس و علاقتنا فضلت ماشيه بهدوء و تفاهم طول اليوم وماما مشيت من عندنا متأخر فا نزل يوصلها و وقتها انا فضلت افكر مع نفسي.."
- نمتي ولا اي؟!
= تؤ مستناك
قعد جمبي وابتسم: احكيلك حدوتة؟!
- وخدني فحضنك
" حضني و فضل يلعب في شعري "
- ينفع اقولك حاجه الأول
= قوليلي يا لولي
- انا اسفة على كل الى عملته انا فعلا كنت خايفه اخسرك يا سيف بس اكتشفت اني فالاخر بطريقتي دي كنت هخسرك برضو انا هتغير وبعد كده هحكيلك كل حاجه واقرفك حتي فالشغل هكلمك و البت التنحه الى كنت متصور معاها دي بقا انا مش عاوزاك تكلمها خالص! ها ولا حتي تقولها صباح الخير!
ضحك جامد: اديني كمان قولي ياحببتي وطلعي
- دي حاجه تاني حاجه بقا انت بتتأخر فالشغل وانا بقعد لوحدي كتير وده بيضايقني برضو
- هي دي حاجه مش بأيدي بس ماشي نحاول نحلها في حاجه تاني؟
= من شهر كده في بنت عملت لك كير على صورتنا؟
قصدها اي يعني ؟
- قصدها اي ؟ دي عامله كير مش اضحكني
= يمكن بتعمله تمويه!
- انتي دخلتي في نيتها!
= وانت تعرف نيتها منين؟؟ تعرفها!
ضحك: مريم انا معرفش بتتكلمي عن مين اصلا! تخدي اكونت الفيس ؟ وتريحيني
- ماهو اصلا معايا
= ايه؟
- ايه!
= لا يا روحي ولا حاجه كنا بنقول اي
- كنت بنقول ان
= مريم بقولك اي
- ها
= انا عيل و رجعت فكلامي ارجعي اسكتي تاني
فضلت تضحك: انت فاكر دخول الحمام زي خروجه
- فليكن كملي يا روح قلبي نكد
" بعد مرور تلت ساعات "
= بس كده.
- الساعه 3 الفجر كملي ساعه كمان و نقوم نصلي
= سيف!
ضحك: طيب حاسه ب اي بعد ما شاركتيني كل ده
- انوه كأني شلت من على قلبي هم وبقيت احسن و مرتاحه و بجد انا بحبك اوي انت معاك حق عشان علاقتنا تستمر او اي علاقة حتي! لازم الطرفين يكونوا بيتكلموا و يتناقشوا و بينهم صراحه وتحاور لو حد خبي حاجه صغيره قد النملة ممكن تكبر وبعدها تعمل بينهم مشكلة و فجوة ميقدروش يتخطوها و ينفصلوا و العلاقة تنتهي!
= انا مبسوط انك فهمتي كل ده بس الى مخليني مبسوط اكتر انك هتبقي مرتاحه ومش هتشيلي جواكي تاني او تعيطي لوحدك ، انا جمبك يا مريم
دخلت لحضنه: وانا عارفه
- يعني مفيش اسرار تاني!
= مفيش تاني
حضني جامد و طبطب على راسي: حتي لو في هفضل معاكي لحد ما اعرفهم و نتخطي سوا.. بحبك♥️
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
