 |
اسكريبت ملحق الحب كامل
"حطي الشاي لإبن عمك عبال ما اغير واجي "
- وحيات ابوك يا احمد تلحقنى
= في اية الله يخربيتك هتسـ ـلحْ بكوبايه الشاي!!
- شايف عمك الى لسه داخل يغير ده ؟ هيغير ملامح وشي بعد امتحان بكره
= فهميني في اية!!!
- انا كار التعليم ده مش كاري!!! بكره امتحان انجلش وانا هسقط اوفكورس هسقط معرفش فيه كلمه وبروح الدروس اكل كريب وشاورما من اول السنة!!!
= طب اهدي هتصرف
- اهدي اي هيطردوني ويتبروا مني ياحمد
= اهدي بس
- هيجطعوني حتت ويرموني للعرس
= اسكتي انا هذاكـ..
قاطعته: انا عايزه اتجوز شوفلي عريس عايزه حد من صحابك اي حد يجي يلحقني
- وانا روحت فين ؟ ليه تدوري برا ؟
= انت اية يعني هتتجوزني وتلحقني ؟
- انا عارف انك بتعتبرينا اخوات و..
قاطعته بسرعه: اخوات مين انا موافقه يلا روح اطلبني يا قرة عيني
= موافقه على مين عليا!!!؟
- اها
= امال قرفاني بكلمه اخويا ليه! دانتي طلعتي عين اهلي
- اخويا اية صلي عالنبي " عليه الصلاة والسلام "
= يعني بجد موافقه؟!
- بقولك مفيش وقت الامتحان بكره اللحقني يا بني
_________________________
" بعد سنين طويلة "
- يعني يا مامي انتي اتجوزتي بابي بس عشان خوفتي تسقطي وجدو يمشيكي من البيت؟
= اها يروحي
البنت بصدمه: هااا يعني مش بتحبي بابي زي الافلام
و بيظهر صوته من وراها: بتقولي اية للبت!!!!
= بقولها الحقيقة انت استغلتني يا أحمد انتهزت فرصة اني كنت مخنوقة من المذاكره واتجوزتني
- شوف شوف ! دا انتى بتاعت مصلحتك ومصدقتي قفشتي فيا!!! ولا نسيتي بعد ما النتيجه طلعت؟؟
= خلاص اسكت عيب البنت قاعده
مسك ايد ليلي: تعالي يا روح بابي احكيلك مامي يومها قعدت تعيط وتقولي اتجوزني لأنها شالت انجلش اصلا وانا بقي بعد سنوات من الألحاح الرهيب الطويل وافقت أتجوز روبانزل قصدي كارما
- احمدددددد !!!!
= ماشي انا الي ألحيت.
- بقولك اية انت اصلا اخويا!
غمزلها وضحك: اخوكي اية و ليلي جت ازاي
كارما ابتسمت: بكرهك
= بتحبيني
- لا بكرهك
= تؤ بتحبيني يا ام ملحق.
- انا بملحق؟؟؟
باس ايدها: احلي ملحق خلاني اتجوزك
النهايه.♥️🤏
لمتابعه روايات سكيرهوم زورو موقعنا علي التلجرام من هنا
