رواية انتي لي كامله جميع الفصول بقلم سلسبيل احمد
- هنعمل اي يا ست الفالحه دلوقتي؟ العربية بح
= مش عارفه
- كلمي يحيى !
= نعم؟؟ ده لو عرف انا فين ولا بنعمل اي هيقصْي عليا وبعدين انا قولتلك عايزه استقل بذاتي و اعتمد على نفسي ! ومش عايزه اكلمه تاني
- ليلي!
= مستحيل بقولك ! مستحيل اكلمه يا سارة!
* تن تن تن *
- الو ؟
= ايوه يا يحيى ايه عامل ايه ؟
- كويس في ايه؟
= لا ابداً كنا على حدود ليبيا ومحتاجين حد يلحقنا العربية عطلت وكده
قام من مكانه: بتقولي فين يا ليلي ؟؟؟؟
- في طريق إسكندرية يا يحيى في ربعه كده ملحقناش والله والعربية اغم عليها مننا
= وانتي اي الى وداكي هناك ؟؟ ده انا هطين عيشتك !
- طب نتكلم لما تيجي بقا هبعتلك لوكيشن موبايلي قرب يفصل سلام يا حبيبي مع السلامة.
"قفلت معاه و بصيت لسارة بتوعد"
- تعرفي حاجه يا ساره؟ بعد ما نرجع هقطعي علاقتك بيا
= انا بقول كده أحسن برضو
>>>>>>>>>>>>>>>>>>>>>>>>>>>>>>>>>>
" بعد حوالي ساعه ونص كان قدامنا "
- انتوا كويسين؟
" هزينا راسنا بالإيجاب "
- طب الحمدلله.. تعالي هنا بقا
مسكني من قفايا جامد وهو متعصب: مين اذن لك تطلعي اسكندريه ها ؟؟؟ ودلوقتي ؟؟
= سيب قفايا يعم!!
- ردي بقولك
= الاهههه بقا !! ده كان يوم صد رد وهنرجع علطول حتي اسأل سارة
- ايوه والله كنا هناكل ايس كريم ونقعد علي البحر ونرجع فريره
بعصبيه: بس اخرسي انتي وهي اخرسوا !
سابني بنرفزه و بص لسارة: عربيتك مالها يا استاذة !! ها؟؟ لما هي حْربانه كده بتسافري ليه
- هي عطلت فجأه مكنتش كده ومش عارفه مالها
= اممممم طبعا مش عارفه طبعا
" راح فتح كابوت العربية و بعدين فضل يعمل حاجات وانا و سارة متنحين.. لحد ما دارت واشتغلت "
رجع بصلنا بقرف: ورايا انتوا الإتنين هنرجع دلوقتي وانتي حسابك معايا في البيت
>>>>>>>>>>>>>>>>>>>>>>>>>>>>>>>>>
( صلي على محمد )
" وصلنا لحد بيت سارة ونزلت من العربية بتاعتها و ركبت معاه و فضل ساكت طول الطريق لحد ما بقينا قدام بيتي "
- يحيى هو انا ممكن اقولك حاجه قبل ما انزل ؟
= ...
- انا قولت لعمي على لفكره اني رايحه! مرضتش اقولك عشان كنت هتقولي لاء و انا عايزه اعتمد على نفسي انا خلاص يا يحيى سنه و هتخرج ! وهشتغل ومش هينفع كل ما احب اعمل حاجه اقولك ؟ ولا تيجي توديني
بصلي: بجد والله طب و بعدين حصل اي ؟ احتاجتي ليا فالاخر و كلمتيني !
- تقصد اي يعني! بتذلني عشان جيت! ولا تقصد مكنتش كلمتك!
= ولا ده ولا ده !!! اقصد انك مش مؤهله تقابلي العالم كله مره واحده وانتي فاتحه صدرك وعامله سبع
- يعني اي !
= ليلي! متبقيش غبيه!
اتنفس بهدوء وبصلي: بصي من وقت موت والدتك وانا و بابا مخلين بالنا عليكي و انا جمبك و عمري ابداً ما زهقت ولا مليت من اني اخلي بالي عليكي وانتي كنتي ف صدمه بسبب فقدان طنط فا طول الوقت الى فات انتي خبرتك صفر في العالم! كان اخرك الجامعه وكام خروجه خفيفه مع صحابك؟؟ تقومي فجأه تنطي لمرحله سفر لوحدك؟ و عايزه تعملي كل حاجه لوحدك فجأه!
كنتي هتعملي اي لو مردتش عليكي مثلا و لا حصل اي ظرف و اتأخرت عليكي؟ كانت الشمس هتغيب عليكم لوحدكم على طريق زي ده ؟
" فضلت افكر فكلامه.. عيوني فضلت تدمع وبصتله وانا بعيط لأنه للأسف كان صح"
- انا تعبت مبقتش عارفه أعمل اي ! يحيى أنا.. انا فعلا مش قادره اعمل حاجه لوحدي و انت كل كلامك صح بس انا مينفعش أفضل كده صح؟؟
سحب منديل من قدامه و مسح وشي: بطلي عياط الأول ، واحده واحده يا ليلي و هتتعودي على كل حاجه محدش اتولد بيعرف يعمل كل حاجه
= يحيى
- نعم
= انا في حاجه تانيه عايزه اقولك عليها و خايفه
- عملتي اي تاني يا ليلي؟
ضحكت: دي حاجه حلوة.. حاجه جميلة.
ابتسم: طيب قولي
= انا بحبك اوي
بصلي بتركيز: طب مانا كمان بحبك؟
- بس انا مقصدش بحبك عشان ابن عمي او عشان اي حاجه انا اقصد حاجه تانيه
ضحك بسخريه: يبقي أكيد دي هلوسه من الطريق اطلعي ريحي يا ليلي
- لاء يحيى أنا
قاطعني بهدوء: انتي تعبانه فا الاحسن تطلعي ماشي؟
" بصتله بدهشه و ابتسامتي اختفت ومكنتش مستوعبه الى حصل و لكن نزلت بعد ثواني دخلت البيت وفضلت افكر ليه قولت كده! ولكن مقدرتش اتحكم ف مشاعري و هو.. ! طلع مش بيحبني زي ما كنت فاكره هو بس بيعمل كده عشان انا بنت عمه لكن مش بيحبني !!!
" فضلت نايمه على السرير وبفكر فيه مش قادره ابطل تفكير فيه! وفضلت صاحيه طول اليل! "
>>>>>>>>>>>>>>>>>>>>>>>>>>>>>>>>>>
بقلم : سلسبيل أحمد
" فات أسبوع و التاني .. يحيى جمبي و بيتجاهل خالص انا اعترفت له بأيه كان بيوصلني كالعادة و لكن واحده واحده فعلا كنت ببعد و بقوله اني عايزه اعتمد على نفسي! و بقيت أتعامل بشكل مختلف معاه ولا كأن حصل حاجه! نسيت اني قولتله بحبك اصلا .. غريبه صح؟ لكن انا يومها عيطت كتير عشان حبي لي! وعيطت بعدها برضو و لكن مع خروج عياطي كنت بحاول اخرجه هو
! و بجاهد عشان ابقي كويسة و اديني اهو بقي عندي الخبره الكافيه و فاتت سنه !
اتخرجت اخيرا!!! مبقتش اخاف اخرج! ولا اتخصْ لو حصلي موقف جديد عليا بس الجديد الى بجد والى مقدرتش اتعامل معاه كان طريقة يحيى معايا بعد لما مبقتش محتاجه له !!!"
- هوا اي الزعيق ده انت اجننت يا يحيى !!؟
= انا برضو الى اجنتت؟؟ هو طبيعيي تظهري فجأه بواحد عايز يتجوزك !!!
