رواية إبن عمي دمر حياتي كاملة جميع الفصول بقلم جمانه السعيدي
........🌟💖
اني زينب مواليد ٩٠ من محافضة بغداد
طولي ١٦٠ بشرتي حنطاويه عيوني حلوات وجهي بيضوي
شعري اسود واصل جوه الكتف بشويه
اني مشكلتي ابن عمي دمر حياتي تدمير
عائلة بيت جدي تتكون
من ولد ثنيين ابوي وعمي عمو كريم هو الجبير
وبعدين عماتي ثنيينهن ساجده وسعاد
وبعدي ابوي اخر العنقود
اسمه رحيم
عمي مزوج وعندا ولد ثنيين وبنيه
احمد الجبير وبعدين مهند وساره ازغر وحده
عماتي ثنيينهن مزوجات ولد عمهن
وبابا مزوج ماما عن حب كانت طالبه وياه بالجامعه وحبه وخطبه
عدهم اني زينب الجبيره
وبعدين علي
وازغر واحد ايهم
بيت جدي جبير وساكن بي عمو وزوجته واطفاله
وعائلتنا
العلاقات بين امي وزوجت عمي حيل متوتره
امي موضفه وزوجة عمي رب بيت
زوجت عمي اضوج لان امي تطلع للدوام وترجع وتشوف ابوي شلون مداريه ويحبه
جمانه السعيدي
لذالك كانت الخلافات مستمره زوجت عمي تكول اني اشتغل اكثر
وامي تكول اني اشتغل نفس شغلها امي كانت تخلص كل الشغل الي عليه بليل
لان بالنهار دوام وماتلحك ابد
بس عمو كريم كان غير طبع بابا كلش
عصبي وبخيل وشكاك وكل الموصفات الموحلوه بي
اما بابا كان هادئ ومسالم ويحل كل المشاكل بعقل
وكريم ونفسيته طيبه
جمانه السعيدي
كانت الحرب قائمه بين العائلتين
الحد ما بابا قرر يعزل عن بيت عمي
اخذ الطابق الثاني وحول الدرج خارجي
لان بوقته بابا وماما مايكدرون يشترون بيت ويطلعون
ورواتبهم مو كلش قويه
يعني الايجار هواي عليهم
من اني زغيره وابن عمي أحمد كان دائما يتحرش بيه
ويكول احبج
وانتي زوجتي
رغم هو أكبر مني بسبع سنوات
اني كنت طفله ومراهقه وبكل شي اصدك
كان دائما يستغل الفرصه اذا اهلي ماموجودين ويصعد يمنا
ويضل يسولف ويضحك ويتشاقه ويه اخواني
ومايترك اي فرصه يقرب مني
كانت بلبدايه تجاوزات خفيفه تصير بينا
اني هنا كان عمري ١٣سنه
كنت متعلقه بي حيل
احبه بشكل مو معقول
كنت ابقه انتضر يمته يجي بيتنا
طول النهار وهو شاغل تفكيري
مرات يوصلني للمدرسه طبعا اي احد يشوفنا مايشك بينا
لان ابن عمي وساكنين بنفس البيت
كان مايفوت فرصه الي يكول احبج
وانتي نصيبي وعمري مراح ازوج غيرج
واني كنت عقل طفله وفرحانه بكلامه
كان يحسسني اني كبرت وصرت احب وانحب
متعلقه بي بشكل مو طبيعي وابقه انتضر جيته
ومرات اذا ما اجاني اني اتحجج باي شي حتى انزل اشوفه
جمانه السعيدي
اي حجه بس اروح بيتهم اشوفه
اخترعلي شغله وانزل
انريد ثلج لو نريد بصل لو نريد شويه طحين
رغم امه ماكانت تحبني ابد
وتكرهني بدون سبب
لان تكره امي تكرهني
من اكله امك تكرهني يكول معليج بيه
الحد ما وصلت صف ثالث متوسط يعني عمري ١٥ سنه
وهو كان عمره ٢٢ سنه
طبعا هو انقبل معهد فني لان درجاته كلش ضعيفه وما مهتم بدراستي ابد
كل يفتر هو وجماعته النهار كله
وكان دائم الخلاف هو وابو
ويتعاركون بستمرار
دائما نسمع صوت الصياح والعرك
واشوفه يطلع من البيت زعلان
اذا زعل وطلع اني ابقه مراقبه الشباك اريد اشوفه يمته يرجع
كنت أخاف لأمره يزعل وبعد مايرجع
متعلقه بي بشكل جنوني
طفله وفتحت عيني علي
كان يعرف شلون يحرك مشاعري
جمانه السعيدي
مره من المرات بلعطله مال اخير السنه بعد ما خلصت ثالث متوسط
هو هنا كان مخلص معهد وما يقبل يشتغل
وعمي كان يحسب الفلس الف مره
تعارك وياااا شنو ما تشتغل
صرت شكبرك وبعدك ما متحمل مسوليه
إلى متى ابقه اصرف عليك
لو تشتغل لو تعوف البيت اني ما اريد واحد خريج
وكاعد واني اصرف علي
لو تشتغل لو تعوف البيت وتطلع
كانت عركه جبيره وعلى اثره احمد عاف البيت وطلع
ولليل مارجع
واني حتى نوم مانمت
خفت صدك بعد مايرجع للبيت
وبعد ما اشوفه
الساعه وحده بليل رجع
واجا على بيتنا كبل
لان زعلان ويه ابو مايكدر يرجع البيتهم
دك الباب اني شفته من اجا لان مكابله الشباك واراقب
يمته يرجع
رحت ركض فتحت الباب
احمد هلو ليش كاعده الهسه
زينب منتضرتك
...ههه منتضرتني
...اي خفت بعد ماترجع
هنا بابا سمع كلام وطلع كال منو دك الباب
زينب احمد هذا احمد بابا
ابو زينب هلو عمو
احمد اهلا وسهلا بيك
ابو زينب ادخل ليش واكف بلباب
احمد اريد ابات عدكم اليله لان تعاركت ويه ابوي
منا لمن الكا مكان مناسب
ابو زينب لاتكول هيج هذا بيتك اكعد شكد ماتريد
احمد تسلم عمي
زينب دخل احمد يغسل واني فرشتله فراش بغرفة اخواني
احمد شكرا زنوبه
زينب همزين اجيتنا ومارحت بغير مكان
احمد لا باقي على كلبج
زينب اهلا وسهلا بيك اخليك بعيوني مو بس بكلبي
