 |
اسكريبت يوميات الاصدقاء كامل
_هنقعد على البحر في الشتا أنتِ عايزانا نبرد.
_شتا أي دي إحنا لسه في آخر الصيف على فكره يعني الجو مش برد ولا السما بتنزل تلج، تعالي تعالي.
_اجي فين يا رنيم كده هدومنا هتتبل ونبرد.
_هو أنا قولت هننزل البحر أنا بقول هنقعد قدامه يعني لا هنتبل ولا هنبرد ويا ست عشان خوفك ده هنقعد بعيد شويه عن الموج والشط.
_ طالما هنقعد هجيب حاجه نشربها هوت شوكلت معايا.
_تمام بس ثانيه مش الجو برد من شويه هوت شوكلت أي ده خليه في الصيف أحسن.
_لا منا غيرت رأي الجو هنا يجنن عامل مكس جميل هو دا الخريف ولا بلاش واحلى مشروب الهوت شوكلت.
_هههههه والله مصيبه في كل الردود يا أسما روحي روحي وأنا مستنياكِ .
_اتفضلي مشروبك يا فندم أي خدمة تانيه.
_اقعدي يا هبله واستمتعي بالمنظر الجميل ده واشكريني إنك هتشوفي الغروب على البحر دي فرصه ميتعوضش في العمر.
_هي فعلًا فرصه متتعوضش بس بالنسبة لشكر فأعذريني مقدرش اشكرك عشان أنا كنت هعزمك على القعدة دي بس شهر كده أنتِ سبقتيني بقى.
_شهر يا مفتريه دا أنا عايزه اجي هنا كل أسبوع على الأقل ده البحر ده حياة تانيه .
_حياة أي دي يا رنيم وأنتِ قاعده على الشط لا نزلتي ولا حتى جربتي ولا هو أي فتي وسلام.
_مش بفتي يا أسما فعلآ البحر دي حياة لأنه بساطه فيه الهدوء إلي بنحتاجه وقت غضبنا وزعلنا وفيه الغموض والخوف إلي موجود في اعماقنا زيه وفيه قدره مميزة عن البشر أنه حافظ للأسرار بيحفظ سرك تقدري تتكلمي معاه في كل حاجه واي حاجه وهو لا بيمل ولا بزهق بل يستمع ليكِ.
_ياه البحر بيوصف كل ده بس على فكره البحر شبهك في حجات عارفه أي هي.
_أي هي يا أسما المنجمه.
_اتريقي اتريقي بس أنا هقولك كرم مني بس، عارفه بحسك شبهك في السطحة هادي ومريح وأما أعماقه فيها غموض وأسرار عالم مجهول لأي حد واقف على الشط بيحتفظ باسرار كتيره جواه فديمًا بيكون مصدر فضول لأي حد زيك فيكِ غموض أكتر الوقت بيكون عندي فضول أعرف بتفكري في أي، بس في الآخر بكتشف إن كل ده خاص بيكِ ومش ليا أدخل.
_لا لا دا أنتِ بتعرفي تنجمي صح وكمان بوصف خيالي، بس الحقيقة إني ممكن أكون شبه البحر بس أنا في الآخر إنسانه زي زي بقيت البشر أبان اه غامضه بس لأي حد خارج حياتي وابان هاديه للأشخاص القريبه مني بس.
_مين فين بقى إلي بتجم دلوقتي أنا ولا أنتِ بس عموما بيعجبني تواضعك إلي في كل مره يثبت ليا إني عندي صديقه مميزة مفيش منها آتنين.
_حبيبتي يا أسما بس حابه أوضح لك نقطه أن الإنسان لازم يكون مقدر نفسه ومش كل الأشخاص نتعامل معاهم على طبيعتنا ساعات بينحتاج إننا نغير بعض طباعنا معهم لأنهم ممكن يكونوا مش مرحب بيهم في حياتنا فنكون اهدرنا مشاعرنا معهم وهم غير مناسبين لينا فلازم يكون في حدود نرسمها لتعامل مع بعض البشر.
_فعلآ في اشخاص بتدخل حياتنا ونعتقد أنهم مناسبين لينا ولحياتنا ولكن نكتشف العكس ولكن لا ندم على ما قدره الله لنا لأنه بيكون درس من دروس الحياة وحكمة من الله فإننا نفرق بين الأشخاص ونعرف معدن كل شخص.
_ايوه هو دا إلي لازم الإنسان يعرفه من خروج أشخاص من حياته ودخول غيرهم إنه قدر وحكمه من الله سبحانه وتعالى.
_ طب بما إن القعدة قدام البحر بتخليكِ تتكلمي وتكوني فيلسوفه اجيبك هنا كل أسبوع واهو بالمره اجيب حاجه تتاكل بل منا بشرب بس ناقص تشربيني مية البحر.
_هههههه والله هموت منك يا أسما كل الفارق معكِ الاكل بعد كل ده، ماشي يا ستي لينا قعده كل أسبوع هنا اتفقنا.
_اتفقنا يا قلبي.
هناك جلسات تريح أرواحنا فتحدثنا عن الحياة وما بها وبصحبتها يحلو المكان ويكون كالجنة لا نريد الخروج منه أبدا فدائما أختر ما يريح قلبك وروحك ويعجل عقلك في سلام مع الأشخاص المحببين إلي قلبك.
"أنتِ والبحر حياة والبعد عن احدكما كفقد الروح أو القلب"
