رواية مازلت عذراء الفصل العاشر بقلم جمانه السعيدي
هبه.....سمعت اجتني رساله توقعت من ميثم
رحت ركض فتح التليفون لكيت مكتوب.....
....هبه عندي كلام مهم اربد احجي وياج
هبه...منو
أديان.....اني أديان زوجت عقيل
هبه...اي عقيل عقيل ابن عمي
أديان....اي سمعت اليله النيشان
هبه...عقيل مزوج اطمني اني رافضه هذا الزواج
أديان....اريد احذرج من عقيل ديري بالج تزوجي
هبه...انتي منيبن جاي تحجين وياي
أديان....اني بكندا اني عراقيه مغتربه هناك تعرفت على عقيل بلصدفه وضل يركض وراي منا لمن قنعني نزوج
٣ اشهر وهو سوا المستحيل حتى يزوجني
اخير شي قبلت بي وازوجنا يوم اسود الي قبلت بي
دمر حياتي تدمير لا يشتغل ويسحب مني فلوس
دينا ومعبوده الشرب والنسوان
صار عندي منه اطفال ثنيين ثنيينهم ولد ماحبيت اخرب حياتي ويااا الحد ماكام يغيب عن البيت بلاشهر
واني ابقى اسئل وادور علي
قبل اسبوع اجا وكال اني راح اطلك وارجع للعراق بعد ماابقه هنا كتله اخذنا وياك ماقبل شكد توسلت بي وماقبل
قبل يومين طلع
امس ادور بلكنتور لكيت تقرير طبي
عقيل مصاب بمرض الايدز بسبب كثرة علاقاته
هذا المرض معدي هنا النساء متاحه الكل الرجال
وهيج هذا المرض ينتشر بسرعه
اني اتصلت على اخو وجبت رقمج منه اخو الي كال
انتم على وجه زواج حبيت احذرج منه
عقيل خبيث وحقير بمكان مايتعالج هنا اكو مراكز خاصه
العلاج هيج امراض بس اهم شي يحجرون علي
لان هذا المرض معدي حبيت احذرج منه ديري بالج
جمانه السعيدي
هسه راح ادزلج قسيمة زواجنا وادزلج التقرير الطبي الي يثبت عقيل مريض
هبه....ياااعزا هذا من كل عقله جايب هيج مرض خطير وجاي الله لا يوفقه يريد يموتني واني اكول ليش رجع
الاخر لحظه جاي يثبت حقارته وبجداره
دزتلي التقرير وعقد الزواج واني راسا فتحت الباب ونزلت ركض لكيت عمي بلباب يريد يطلع
واني صحت بااعلى صوتي اوكف عمي اوكف لا تطلع
ابوي...كال هااا خير شكووو هذا الزواج راح يكمل غصبا ماعليج فهمتي لو لا
هبه...زوجت عقيل اتصلت تكول عقيل مصاب بلابدز
عمي...زوجت عقيل عقيل مزوج
ابوي...مالك علاقه بيه اجذب
هبه...تعالو اقرو هاي الرساله وتاكدو الرقم من كندا وهذا عقد الزواج والتقرير الي يثبت عقيل مصاب بلايدز
هذا المرض معدي شفتو مجايب عقيل
يريد يخلص عليه الله لا يوفقه
كعدت وكمت اقرا بلرساله بصوت عالي وبعدين شوفتهم عقد زواجه والتقرير الطبي
وهو عمي طلع طاير من البيت
ومانسمع غير العيطه كبت بيت عمي
عمي يصيح لا يانذل جايب هذا المرض وجاي ماخفت عليا ماخفت على امك ماخفت على اخوانك بت عمك شنو ذنبه
عقيل...شنو اي زواج اي مرض ختولي هاي جذابه اني ماببه شي
عمي...طول عمرك ناقص وراح تبقى ناقص شفت عقد زواجك بعيني والتقرير جايبلنا مرض وجاي
اطلع برا برا الله لايبارك بيك برا مااريد اشوف وجهك اني متبري منك
طلع عقيل بلشارع وهو يصيح علي
بعدين حركو شكو شي نام علي لو لمسه حتى المواعين كلهن شمروهن بلزباله
اني اكثر وحده سعيده وممنونه من رب العالمين الي نجاني من هذا الشيطان بااخر لحظه
جمانه السعيدي
ابوي وجدي بقو ساكتين وماعدهم اي ردت فعل
واني صعدت الميثم بشرته بلاخبار الحلوه
ثاني يوم م كعدت الصبح وكتلهم اريد اروح للمستشفى
ولازم يجون وياي امي وابوي وجدي
جدي...شكوووو
هبه...اكو فحص مهم لازم اسوي جان لازم اسوي من زمان
وهسه قررت اليوم لازم اني ااكدلكم اني بنيه
ولله اذا ماتجون وياي اطلع اعيط بلشارع وافضحكم فضيحه
ابوي ماقبل بس اني بقيت مصممه على رائي اخذتهم ورحت للمستشفى طبعا بعلم ميثم هاي الخطوه
دخلت على الدكتوره وشرحتله حالتي وطلبت يكون الفحص بحضور اهلي
الدكتور قدرت حالتي وكانت كلش متعاطفه وياي
صعدت على السديه وكلهم موجودين بلغرفه سحبت البرده على النص وبدت تفحص
الدكتوره.. هاي البنيه نضيفه وباكر ومحد قرب عليه
اني مامستغربه من حالتكم لان هواي مثل هاي الحاله تمر علينا كل يوم اطمنو هبه سليمه ومابيه اي شي
هبه....دكتوره من رخصتج اكتبي تقرير يثبت حالتي
الدكتوره...تمام
جبنا التقرير واجينا كلهم يمشون وياي وهمه ساكتين
هبه...ليش ساكتين الف مره كلت اني بنيه ومحد قرب عليه
البارحه كنتو ناويين تقدموني الواحد مجرم مصاب بلايدز
لا وجايب المرض وجاي حتى يقضي عليه
وانتم كلكم واكفين تتفرجون بس رحمة رب العالمين اكبر منكم نقذني من هذا الشيطان
رجعت وحجيت كلشي الميثم
هبه...ادزلك نسخه من تقرير اادكتوره
ميثم...مايحتاج اني واثق منج انتي انسانه نضيفه
اريد موعد من ابوج اريد اجي اتقدملج
هبه...خل احجي وياا وارجعلك خبر
نزلت لكيتهم كاعدبن كلهم للاستقبال
هبه....ميثم يريد يجي بتقدملي ويريد موعد
جدي...خل يجي هله بي
هبه...وانت بابا شتكول
ابوي...خل يجي باجر
ثاني بوم اجا ميثم خطبني من ابوي هذا اليوم كان اسعد
يوم مر عليه من يوم انولدت لليوم
اني اكدت علي نعقد بنفس يوم الخطبه حتلو بدون حفله
وجوده بحياتي احلى حفله
فعلا عقدنا اني ويااا لبست فستان نيلي ضيك وطويل
وصدره دلع وسرحت شعري ومكياج
ابد ابد مااكدر انسى نضرته اليه نضره حب واعجاب
بس اكتفى همس بااذني طالعه تخبلين يستحي لان اهلي كلهم حاضربن
بعدها بدينا نجهز العرسنا كلشي جهزنا انا وياا سوا
اختلطت احلامنا سوا واخيرا جاي نجهز لليوم الي راح ننجمع بي
كل تفصيله من تفاصيل زواجنا كنا نختاره سوا
وكل النهار لو نطلع نشتري شغلات لو نحجي بلتليفون
اذا كلت اني اسعد وحده بهاي الدنيا ابد مااابالغ
مجرد وجوده بحياتي يغنيني عن كل العالم جمانه السعيدي
نسيت العالم ونسيت الدنيا مااشوف واحد غيره ابد
قبل زواجنا بيومين
اتصل علبه الصبح اول كلمه كاله
ميثم.. تعرفين اني شكد احبج
هبه...مو بكدي
ميثم...لا اني اكثر احبج الحد الموت
هبه...لا تجيب طاري الموت اني احبك وراح ابقى وياك الاخر العمر
بقينا نسولف ونضحك بعدين آخر شي كال
ميثم...مااعرف اني ليش ضايج اليوم بلذات رغم احلى
بنيه راح تصير عروستي
هبه...ليش ضايج ياروحي انت احد غثك سمعت حجايه
ميثم...لا ابد بس احس كلبي مقبوض اليوم ومااعرف ليش
هبه..اقرا سورة الكرسي تحفظك من كل سوء
ميثم...تمام
هبه....وين راح تروح
ميثم...اجيب البرده مال غرفتنا من الخياط واروح للحلاق
هبه..اتصل عليه كل شويه طمني عليك
ميثم...تمام احبج
هبه...احبك
كلمة احبج كانت آخر كلمه سمعته منه أي هاي كانت آخر كلمه وهو جاي يعبر الشارع ضربته سياره
الضربه كانت قويه بحيث شمرته بعيد وراسه انضرب بلرصيف مالحكو علي مات بنفس اللحظه
الانسان الي حبيته وتعلقت بي مات اكثر انسان حس بيه
ودافع عني وعن شرفي مات الانسان الي وكف بضهري
وساعدني وعرض نفسه للغلط والاهانه علمودي مات
اتصلت بي مايرد رجعت اتصلت كلبي انقبض حسيت اكو شي رد عليه وولد وكان اكو أصوات عاليه
هبه...هااا حبيبي انت وين شنو هذا الصوت
....صاحب هذا التليفون تعرض الحادث ومات
هبه...ميثم لا تتشقى هيج شقى الله يخليك
...اختي اني مو ميثم ميثم صاحب التليفون مات ضربته سياره منتضربن الإسعاف تشيله
هبه.. سديت التليفون ونزلت لا كأني حمودي بس كلبي نار مشتعله ماكدرت الزم دموعي
حمودي...شكو شببج
هبه...هاك اتصل على ميثم جاي اتصل ومايرد مااعرف شبي احجي ودموعي تجري منا ومنا
اخذ التليفون محمد وتصل اتصل اتصل محد يرد
كلت بكلبي اي اني جنت متوهمه ميثم مشغول مايرد
راسا اجا صوت الو الووو
محمد..ميثم..
...اني صديقه ميثم تعرض الحادث ومات البقيه بحياتكم
هذا الاتصال من هبه الاتصال كان باسم حبيبت عمري
هذا تليفون هبه كلله البقيه بحياتج
هبه..كنت اسمع الكلام بس مااريد اصدك انتم بشرفكم تصدكون ميثم بعد كلشي الي سوا علمودي يموت ويعوفني
وين العداله ميثم قبل زواجنا بيومين يموت
ومنوكال اني اكدر اعيش بدونه
ليش ماسئلني اذا اعوفج تتحملين
ليش مااخذني ويااااا
جمانه السعيدي
اني سمعت بي مات واني فقدت الوعي
اسبوع واني بلمستشفى فاقده مااعرف اني وين ميته لو عايشه
فتحت عيوني امي واكفه يمي
هبه....يمه وين ميثم
امي...اسم الله الرحمن
هبه....وين ميثم مو جاي احجي وياج
امي....الله يرحمه
هبه....اني سمعت هاي الكلمه واني كمت اعيط بكل صوتي واملخ بشعري ثنيبن ممرضات وواحد مساعد والدكتور ومحد يكدر يسيطر عليه
ضربوني ابره واني مستمره اعيط بشكل هستيري
ثاني بوم كعدت مااحجي ولا عندي اي ردت فعل بس الدموع تنزل منا ومنا
خلولي مغذي لان لا اكل ولا اشرب
خلص الاسبوع الثاني واني بلمستشفى لو نايمه لو ابجي
مجاي اكدر اصدك ميثم راح وعافني
مالحكت اعيش ويااا ولا يوم واحد
ولا ساعه مادخلت غرفة عرسنا
كلمة احبج آخر كلمه كاله اسمعه ترن بعقلي
كل شويه اكول يمكن حلم مزعج وهسه يخلص يمكن كابوس ليش ميثم بلذات
ست اشهر واني حابسه نفسي بغرفتي ومااطلع ومااحجي وياا اي احد ولا اكل الي شي قليل وبلغصب
كمت مااكدر اوكف صار عندي فقر دم حاد من قلت الاكل
شعر راسي كام يوكع من القهر والحزن
بعد شيفيد الحزن ميثم مايرجع ابد
بعد ميثم رفضت الزواج نهائيا شكد اجت عليه ناس بس اني رافضه الزواج صار عشر سنوات لابسه علي اسود
شكد حاولو اهلي يطلعوني من هذا الحزن بس اني مااكدر انسى ابد بعدني احبه
اخواني كلهم ازوجو وطلعو واني توضفت وعايشه وياا امي وابوي جدي انتقل الرحمة الله
بعد ميثم مستحيل واحد يشاركني حياتي
عمري ٣٦ سنه وبعدني لابسه اسود على ميثم ورافضه الزواج نهائيا
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
