رواية الكلبش والايدي الناعمة الفصل العاشر
اكرم فرحي انا ... انتي اتجننتي ولا ايه
انجي لسه هتكلم... دخل أبوه
وجيه ايوه فرحك
اكرم هههههههه ده بجد ولا بتهزرو
وجيه اتعدل ف كلامك يا اكرم انا ابوك مش واحد صاحبك
اكرم يابابا انا مش عايز اتجوز
وجيه انا مش باخد رأيك انا قولت اعرفك
وبعدين انت مش هتلاقي زي بنت عمك
اكرم: يعني ايه
وجيه يعني لو ماتجوزتش بنت عمك اعتبر انك مالكش اب من النهاردة
اكرم وقع من ايده فنجان القهوه في الأرض
... هي وصلت لكده يابابا
وجيه ايوه و ده آخر كلام عندي ... وسابه وخرج
انجي اقعد يا اكرم نتكلم
اكرم بعصبيه ... هنتكلم في ايه قوليلي
انجي اهدى يا اكرم
عماد في ايه صوتكم عالي كده ليه
انجي بابا كان هنا و
عماد خلاص يا اكرم متزعلش ابوك خاصة انك عارف انه تعبان بالقلب وممكن يحصله حاجه وبعدين بنت عمك كويسه وبنت جميله وحلم اي شاب ف سنك
اكرم سكت وسابهم وراح الأوضة بتاعته
انجي: أكرم
اكرم ادخلي يا انجي
انجي خلاص بقى أقبل بالأمر الواقع
اكرم انا مش حاسس ب اي مشاعر إتجاه البنت دي
انجي بكره تحس لم تبقوا ف بيت واحد وبعدين محدش عارف الخير فين
جدة ساره: كلي يا ساره
ساره كفايه ياستي مش قادره من لم جيت وانتي بتاكلي فيا
عصام يا ساره انا رحت شوفت الجامعه بتاعتك يابنتي وتقدري ترجعي ليها ف اي وقت
ساره: الحمد لله ياعمي
عصام طيب انا رايح دلوقت اشوف ولادي
جدة ساره: طيب اقعد طيب لم نشرب الشاي
عصام معلش يا امي مره تانيه
جدة ساره طيب هقوم انا يا ساره انام شويه
ساره ماشي ياستي اتفضلي
ساره قعدت وبقت تفكر ف اكرم ...... ليه بس كده يا اكرم انا قولت انك هتكلمني تطمن عليا ده انت حتى مارنتش عليا نفسي اسمع صوتك بجد انا لو اعرف ليك رقم كنت رنيت عليك
انجي طيب انا هقوم انام دلوقتي عايز حاجه
اكرم: سلامتك
اكرم جات ف باله ساره ورن عليها
اكرم الووووووو
ساره وعرفت صوته ... اكرم عامل ايه
اكرم الحمد لله بخير ..... انتي كويسه
ساره: آآآه الحمد لله انت لسه فاكر تطمن عليا
اكرم : معلش كان ورايا كذا حاجه
ساره صوتك متغير ليه كده ف حاجه حصلت معاك
اكرم: لا لا ابدا مفيش حاجه انا بس كنت هنام وحبيت اطمن عليكي
ساره: أكرم هو انا حابه اشكرك بجد ع الا عمله معايه
اكرم وحس بنبرة صوت ساره وطريقتها طريقة واحده بتحبه فعلا حب ما يحسش الشعور د معاها خصوصا بعد ضغط والده عليه ف الجواز
اكرم العفو ده واجبي بعد الا حصل مني ربنا يوفقك وكمان انا آسف اني ازعجتك بعد اذنك .... سلام وقفل التليفون
ساره : فنفسه ليه يا اكرم انا عملتلك ايه علشان تكلمني كده والدموع نزلت من عينيها
اكرم ف نفسه مش لازم يكون في حاجه بينا يا ساره مش لازم كل حاجه نصيب
وجيه جهز الفرح ف الفيلا
انجي: انت لسه مالبستش يا اكرم
اكرم اهو بلبس خلاص عشر دقايق وهنزل وراكي
انجي: أكرم مالك في ايه
أكرم: مفيش حاجه يا انجي
انجي: يابني خلاص بقى الا حصل وبعدين والله عروستك تحت زي القمر
اكرم وكانت دماغه كلها ف ساره ... تليفونه رن .. وكانت ساره
اكرم: طيب يا انجي انزلي وانا جي وراكي
انجي: اوكي
اكرم: الووووووو
ساره عامل ايه حبيت اطمن عليك
اكرم الحمد لله كويس
ساره: أكرم معلش ممكن تقولي فيك ايه وصوتك ليه دايما كده متغير
اكرم معلش انا اسف مش هقدر اكلمك دلوقت علشان فرحي النهارده
ساره وحست بضربه فقلبها جامد . سكت
اکرم ساره
ساره قفلت التليفون
اكرم فهم ... كمل لبس ونزل
وجيه مبروك يا اكرم ربنا يتمم ليكم بخير يابني
عم اكرم وماسك ايد بنته أمل .... عروستك يا اكرم
... مبروك يابني
اكرم الله يبارك في حضرتك ياعمي
اكرم قعد جنب أمل وكلمهاش
امل: طيب قولي حتى مبروك
اكرم: ابتسم بدون نفس مبروك يا امل
أكرم طلع الأوضة بتاعته هو وعروسته
أكرم باله وتفكيره كله كان ف ساره
امل: أكرم مالك فيه حاجه
اكرم: لا ابدا بس بقاليه يومين مانمتش وتعبان شويه
امل وحست ان اكرم في حاجه وبيهرب منها
اكرم بعد اذنك ... دخل الحمام واخد شاور وغير البدله ونام ع السرير
امل بقت واقفه بالفستان واضايقت من طريقة اكرم .... وجات تقلع الفستان معرفتش صحت اكرم ... اكرم اكرم
اكرم شال البطانيه من عليه ... نعم
امل معلش ينفع تفلي السوسته بتاع الفستان
أكرم بدون ما يبصلها فتحلها السوسته ونام تاني
امل فنفسها ... صحيح غبي ... غيرت الفستان ولبست بيجامة ونامت
جدة ساره كويس ياعصام انك جيت تعالي شوف ساره مالها مش راضيه تفطر ولا راضيه تشرب حاجه
عصام مالك ساره ساره بحزن ابدا ياعمي ماليش نفس انا بس وحشتني الجامعه هلبس وقوم اروح
عصام ماشي يابنتي خلي بالك من نفسك
ساره : اخدت شاور ولبست جيبه جلد سوده وبلوزة ستان زهري وطرحه وكانت زي القمر وراحت الجامعة
اكرم قام من النوم وأمل نايمه اخد شاور ولبس قميص بني وبنطلون اسود وجزمه سوده وشر كم القميص ... وكان شاب جنتل اوي ف نفسه
ونزل ع السلم
انجي صباح الفل يا عريس رايح فين الفطار بتاعكم اهو
اكرم ماليش نفس انا رايح الشغل
انجي يانهار ابيض شغل ايه ده النهاردة ... ولسة هتكمل .... أكرم كان خرج
انجي: هو ف ايه
طلعت انجي الاوضة عند امل .. خبطت ع الباب
امل ادخل
انجي صباح الخير ... الف مبروك يا حببتي ده فطارك اهو
امل: هو فين اكرم
انجي في مشاكل ف الشغل واتصلوا ع أكرم ونزل مضايق ماكنش عايز ينزل بس معرفش
امل سكتت بخنقه
اكرم بقى يتصل كتير ب ساره وساره مش بترد.... بعتلها رساله ... ساره ردي بعد اذنك انا محتاج ليكي
ساره : ردت عليه .. تحت امر حضرتك يا حضرة الظابط
اكرم مش عايزه تردي عليا ليه يا ساره
ساره معلش اصلي في الجامعه
اكرم بتكلمي جد
ساره ايوه
اكرم: طيب انا جيلك
ساره: تيجي فين ولسه بتكلم قفل السكه وركب العربيه وراح الجامعه
واتنين بنات واقفين مع ساره مين الشاب القمر ده شكله ابن ناس اوي
ساره بصت شافته اكرم ... حست بفرحه لم شافته ورجعت حزنت لم افتكرت انه اتجوز
اکرم ساره
ساره راحت عنده
اكرم اركبي
ساره ع فين ؟
اكرم هنروح كافيه قريب ... سارة ركبت العربيه وراحت معاه الكافيه
اكرم قعد هو وساره وطلبوا قهوه
اكرم: قوليلي بقى مالك وليه مش عايزه تردي عليا وليه قفلتي ف وشي امبارح
ساره انا اسفه ماكنتش اعرف انه فرح حضرتك وازعجتك علشان كده قفلت ودموعها خانتها وما قدرتش تداريها
اكرم: قرب منها ومسحلها دموعها .... والله دموعك دي غاليه عندي اوي ولولا انك غاليه يا ساره ماكنتش جيت ليكي وقعدت معاكي
ساره : بعصبيه هو انت عايز ايه ممكن تفهمني انت مش اتجوزت
اكرم: اسمعيني وبعدين قولي الا عايزه تقوليه
ساره سكتت
اكرم حكالها الا حصل
وكمان يا ساره انا قلبي وعقلي وتفكيري كله فيكي من امبارح انا ما صدقت الفرح خلص امبارح علشان انام وقوم الصبح ارحلك حتى البلد الا انتي فيها
ساره: ليه يعني
اكرم علشان بحبك .......
