رواية حياة ال عاصم الفصل الحادي عشر
: أما ف القاهره فكان سامر ف لوكيشن التصوير ينتظر تصوير مشاهده في فيلمه الاول.
سامر (بغرور): اسمع يا
العامل: خدامك محفوظ
سامر:، انته هتصاحبني؟ روح هاتلي فنجان جهوه مظبوط، واوعا الوش يكب منيك.
محفوظ: حاضر.
(ليتركه محفوظ ويذهب الي نجم العمل)
محفوظ: حضرتك تحب تشرب حاجه؟
النجم: من فضلك يا عم محفوظ عاوز فنجان قهوه مظبوط.
محفوظ: حاضر.
النجم: مالك؟ مين مزعلك؟
محفوظ: سلامتك، بس أصل الجده الصعيدي ده بيكلمني بطريقه وحشه اوي.
النجم: معلش، ربنا يهدي.
محفوظ: يارب.
(وهنا تحضر نجمه الفيلم الفنانه عاليه سليم لتذهب الي سامر)
عاليه: هو انته الوجه الجديد؟
سامر: ايوه انا.
عاليه: شكلك هتبقا نجم كبير.
سامر: مش حضرتك الفنانه عاليه سليم؟
عاليه: ايوه انا، وعلي فكره لينا مشاهد كتير مع بعض.
سامر: طاب ممكن أعزمك علي فنجان جهوه؟
(لتضحك عاليه)
عاليه: جهوه! الله، انته صعيدي؟
سامر: اه صعيدي، ليه؟ في حاجه؟
عاليه: بالعكس، أنا بحب الصعايده اوي.
سامر: يبجا تشربي جهوه معايا، وبعدين نتغدو سوا.
عاليه: تمام، بس بعد التصوير.
سامر: موافج.
شوق: أما شوق فكانت ترتب الشقه.
كريمه: شوج، ابجي بعد متخلصي وضبي الغدا.
شوق: اعمل غدا ايه؟
كريمه: اعملي اللي عوزاه.
شوق: هعمل فروجه محمره وملوخيه.
كريمه: ماشي يا بتي، تسلم يدك.
شوق: طاب، هاتي تلافونك أكلم سامر عشان لويحب ياكل حاجه تانيه، أحسن تلافوني خرب خالص.
كريمه: خديه كلميه، وفكريه يجيبلك تلافون جديد زي ما جالك.
شوق: حاضر.
كريمه: هخش أنا أريح شويه.
شوق: خشي ارتاحي انتي.
(لتتصل شوق بسامر)
سامر: ايوه ياجده، خير؟ في حاجه؟
شوق: أنا شوج، عاليه ديه جدتك، هاتها أسلم عليها.
(ليبعد سامر الهاتف عنه)
سامر: له، ديه الشغاله، ثواني أشوفها عاوزه ايه.
سامر: خير ياشوج، جدتي زينه؟
شوق: اه، ده أنا بس بساءلك تحب تتغدي ايه.
سامر: لاء، أنا عندي تصوير وهتغدي برا.
شوق: شوف طاب، متنساش التلافون بتاعي.
سامر: طيب طيب، سلام.
شوق: مع السلامه ربنا يكرمك يارب.
(لتغلق شوق الهاتف مع سامر)
شوق: خلاص سامر هيتغدا برا اعمل اي وكل وخلاص ربنا يكرمه ويسعده يارب.
أما ف الصعيد كان عاصم قد وصل إلى منزل محسن.
عاصم: انا جيبت الحاجه اخش اعملك كوبايه عصير؟
منيره: مفتخره، خلي حد من الشغالين يعملها وريح انته.
عاصم: له، انا اللي هعملك كل حاجه من دلوك وجاي وربنا يجعله بالشفا إنشاء الله.
منيره: ربنا يراضيك ويفرحك زي مفرحتني.
عاصم: تسلمي يا غاليه.
(وبالفعل يذهب عاصم إلى المطبخ وبعد دقائق يخرج)
عاصم: العصير اهو يا ست البنات، تعالي بجا اجعدي علي رجلي وانا هشربهولك.
منيره: اجعد علي رجلك؟
عاصم: هو مش انتي بتي الصغيره؟ اشربي بالشفا.
(لترتشف منيره كوب العصير)
عاصم: طعمه زين؟
منيره: اه سلم يدك.
عاصم: معلش بجا خدي معلجه من الفيتامين ده وخلاص.
منيره: حاضر.
عاصم: لو معدتك جلبت ولا حاجه ابجي جوليلي.
(وهنا تدخل عليهم قمر)
قمر: عاملين ايه؟ وحشتوني.
عاصم: الحمدلله.
منيره: عاصم.
عاصم: مالك فيكي حاجه؟
منيره: له بس جعانه.
عاصم: خلاص نتغدى كلنا مع بعض.
قمر: انا هروح اجولهم يوضبو الغدا.
منيره: ربنا يخليكم ليا.
(وهنا يدخل عليهم محسن)
عاصم: سامحني بجا مجدرتش ارو اشوف الزرع.
محسن: ولا يهمك، انا روحت وخلصت وجهزتلك كل حاجه ف الاجفاص.
منيره: اتغديت يا أبا؟
محسن: مليش نفس يا بتي.
منيره: طاب ولو جولتلك اني جعانه نفسك تتفتح؟
محسن: ديه تتفتح جوي.
منيره: خلاص غير ملابسك عشان نتغدى مع بعض، انا جعانه جوي وممكن اكل خروف.
محسن: ربنا يشفيكي ويفتح نفسك علي الدنيا كلها.
أما ف القاهره كانت حياة تجلس بجانب والدتها.
حياه: بفرحه، ماما انا اتكتب كتابي علي عز.
(لتنظر إليها نهال نظره حزن، لتدخل عليهم نهله)
نهله: حياه انطي، ماما شكلها زعلانه اوي لما قولتلها علي كتب الكتاب بتاعي انا وعز.
حياه: اكيد يا حبيبتي كان نفسها تحضر معانا.
نهله: لتقترب من نهال، مش كده برده يا اختي؟ تعالي بقا يا توتي عشان جوزك مستنيكي عشان هتخرجو تسهرو.
حياه: اوك باي يا مامي.
(ثم تقبل وجه والدتها وتذهب)
نهله: خلاص انا كده اقدر ارميكي ف أي مستشفى، كل حاجه بقت بتاعتي بعد ما كنت بشحت منك هدومك القديمه وترميلي ملمين وانا عايشه ف الفقر وانتي عندك كل حاجه، كنتي احسن مني ف ايه؟ لكن خلاص انتي بقيتي مجرد جثه مرميه وانا خدت كل حاجه، باي يا جثه.
(لتتركها نهله وتخرج من الجناح ذاهبه إلى عامر)
نهله: بقولك يا عامر.
عامر: عاوزه ايه؟
نهله: كنت عاوزه اسافر انا وحياه وعز نغير جو.
عامر: مش مشكله سافرو بس ترجعو بعد اسبوع.
نهله: عاوزين نسافر باريس علشان نشتري حاجات لتوتي.
عامر: طيب طيب رتبي معاها وانا هحولك مبلغ محترم ومتخليش حياه تدفع حاجه كأن ديه فلوس عز.
نهله: بحبك، وليا طلب تاني.
عامر: خير؟
نهله: عاوزاك تشغل عز معاك ف الشركه، وبكده حياه برده تشتغل معاكم، عز هيقنعها، مش انت كنت عاوز كده؟
عامر: ده انا نفسي حياه تعرف كل كبيرة وصغيرة عن شغلنا، ما كل حاجه ف النهايه ليها.
نهله: ربنا يخليك لينا، وبالمناسبه انا مجهزالك سهره تجنن.
عامر: خلاص الساعه اتناشر بعد نص الليل نتقابل ف المكان بتاعنا.
نهله: اوك يا روحي، وكمان حياه وعز خارجين يسهرو.
عامر: تمام خليها تغير جو.
نهله: عن اذنك يا روحي.
عاصم: ها منيره، حاسه بحاجه؟
منيره: له، انا زي الفل.
عاصم: يعني نخرجو نتفسحو ونتعشو برا؟
منيره: بس ناخدو جمر معانا.
عاصم: له، معاوزش عزول أنا.
قمر: ماشي يا عاصم، بس خليك فاكر.
عاصم: يومين كده ونخرجو كلنا مع بعض، لكن النهارده هخرج انا وعروستي، ياله تعالي نغيرو ملابسنا.
محسن: بفرحه، خد مفتاح العربية وخلي بالك من منيره.
عاصم: هتوصيني علي بتي؟
محسن: بتك منيره.
منيره: اه يا أبا، جمر بته الكبيره وانا بته الصغيره.
محسن: ربنا يسعدكم.
قمر: اما عاوز مني حاجه يا عمي؟ هطلع اريح عشان عندي مذاكره.
محسن: له يا بتي كتر خيرك.
قمر: عن اذنك يا عمي.
(ينزل عاصم ومنيره)
قمر: الله يسهلكم.
عاصم: يا ابوي عليكي.
محسن: ابجا طمني علي منيره كل شويه.
عاصم: حاضر.
(يخرجو من المنزل)
(يفتح عاصم باب السياره لزوجته)
عاصم: اتفضلي يا برنسيسه.
منيره: بضحك، تسلملي يا أمير.
(يقود عاصم السياره ويقف قدام صايغ)
منيره: وجفت ليه؟
عاصم: انزلي بس، تعالي.
منيره: حاضر.
(يدخلو الي الصايغ)
عاصم: لو سمحت، عاوز دبلتين، واحده دهب واكتب عليها عاصم، وواحده فضه واكتب عليها منيره، وهكتبلك التاريخ، ووريني الخواتم والسلاسل.
منيره: كفايه الدبل بس.
عاصم: وبعدين ديه شبكتك يا حبيبتي.
منيره: طاب بعد اذنك، هات سلسله لجمر عشان تفرحها.
عاصم: حاضر.
(يختار عاصم سلسلتين)
عاصم: حلوه ديه يا منيره؟
منيره: اه جميله.
عاصم: خلاص، واحده ليكي وواحده لمنيره، وكمان البسي الخاتم ده وشوفيه كده، هياجي علي مجاسك؟
منيره: الله، ده حلو جوي جوي، اه جاي علي مجاسي.
عاصم: وكمان عاوز غوشتين يكونو حلوين، واكتب الفاتوره باسم منيره محسن.
---
منيره: كلفت نفسك ليه بس؟
عاصم: الدنيا كلها تحت رجليكي يا بتي.
السرد: اما ف القاهره كان سامر قد انتهي من تصوير مشاهده مع عاليه.
عاليه: انته بتمثل حلو اوي، تعالي نتغدا ونسهر واعرفك علي منتج المسلسل بتاعي، واخليه يديك دور كبير كمان.
سامر: اوك، ياله بينا.
السرد: ليذهب سامر مع عاليه لتناول الغداء، وبعدها يذهبو الي النايت كلاب.
عاليه: تعالي اهو المنتج، تعالي اعرفك عليه.
السرد: ليذهبو الي ترابيزه المنتج.
عاليه: مستر جوزيف، المنتج، وده الوجه الجديد سامر عاصم.
المنتج: اهلين بيك.
السرد: وهنا يستمعون الي صوت ياءتي من ناحيه المسرح.
المذيع: نحب نهنئ مستر عز وعروسته الانسه حياه.
سامر: ديه حياه بنت عمي.
عاليه: بجد؟ حياه ملكه جمال البلد ولاعبه التنس المشهوره بنت عمك؟
سامر: تعالي اعرفك عليها.
السرد: ليذهب سامر ومعه عاليه الي ترابيزه حياه.
سامر: حياه، اخبارك ايه؟
حياه: سامر! انته ف مصر من امته؟
سامر: بجاللي يومين.
حياه: اعرفك، عز خطيبي.
حياه: عز، ده سامر ابن عمي.
عز: اهلا وسهلا، احنا كاتبين كتابنا.
سامر: بغل، الف مبروك. اعرفك انا بجا علي النجمه حياه عاليه سليم، وهل يخفي القمر؟
عاليه: بس ايه اللي جمعكم مع بعض؟
سامر: بكل غرور، اصلنا بنعمل فيلم سوا.
حياه: بجد؟ الف مبروك، اكيد تيته جات معاك.
سامر: اه طبعا.
حياه: طاب انتو نازلين فين عشان اجيب عز ونروح نسلم علي تيته ونتبارك بيها.
سامر: هبعتلك اللوكيشن.
حياه: واخبار قمر وشوق ايه؟
سامر: تمام، شوج بس اللي جات معايا هيا وجدتك.
حياه: خلاص، بكره بعد المغرب هنيجي نزوركم.
سامر: تنوري ف اي وجت.
السرد: لتضحك حياه.
حياه: شكلي بعد كده هدور علي واسطه عشان اعرف اتكلم معاك.
عاليه: تعرفي أن انتي ممكن يكون ليكي دور معانا ف الفيلم؟
حياه: انا؟ ازاي يعني؟
عاليه: يعني ممكن تعملي نفس دورك ف الحياه، بطله تنس وبتحب اخو البطل اللي سامر بيقوم بدوره، وبما انكم ولاد عم فالموضوع هيكون سهل اوي.
حياه: لاء معلش، خليني انا بعدين.
عز: عن اذنكم، الرقصه اللي طلبتها جات، ياله يا توتي.
