رواية قلب مغتصب الفصل الحادي عشر 11 بقلم ورود الخالدي

#قلب__مغتصب 

البارت١١ والاخيررررررر

سماء:::

وره يومين سمعت الحجي ورائد يسولفون قبل متنزل خاله ومن خلال كلامهم عرفت انه باسم انفصل من الكليه لان الادارة متصله ع رائد ..وحاجين وياه بصفته زوجي حتى اداوم هو كايللهم حالتي النفسيه تعبانه ومراح اداوم الى ان تجي الامتحانات ..وطبعا ..القضية والدعوه شغاله لان رائد مشتكي هو وابو شكوتين شكوة تحرش وشكوى ..لمكافحة الابتزاز الالكتروني ...ورائد بقه يروح ويرجع يحرك الدعوة وموكل محامي يشتغل بيها ..ومن جتي الامتحانات ياخذني بايدة امتحن ويرجعني ..وما اكولكم على خاله حنان ميته مني تريد تاكلني منتظرة تخلص الدعوة حتى رائد يطلك ...وبثالث امتحان رجعنه اني ورائد من الكليه من وكت ..هو مهتم بيه اصلا..عينه متفارك عيوني وحسيت نفسي حيل متعبته كلت خلي اشكره شكر بسيط ..هو فات لغرفته رحت دكيت الباب كلي:

فوتي سماء 

دخلت مرتبكة كتله :

رائد ممكن لحظة احجي وياك:

ههه وليس لحظة يعني تعالي واحجي ع راحتج اصلا اليوم اني منطلق المحامي خابرني والاخبار من يمه توب

رحت كعدت على طرف الجربايه كلي

هااا..شو بس تتصفنين كولي ..بعيونج كومه حجي:

رائد كومة حجي عندي وكومة كلمات شكر ..اريد اكولها الك بس ميكفن حتى ..يوصلن الك شكر كافي

هههه لج شنو شكر!!

اي ..مهما شكرتك ماراح اكفي ..انت وكفت بظهري وحاليا بفضلك دا امتحن وراح اخلص امتحانات واتخرج..موافقك وياي ...شلون اردها الك ..والله..لو عندي اخ من دمي ولحمي مجان يوكف وياي وكفتك هاي..

اقترب مني لزم ايدي وكلي:

اخ شنو..ولج...هاي منين جبتيها مال اخ ..انتي ناسية..انه انتي حاليا مرتي..حلالي بلالي كدام الله والناس..

مرتك؟؟

اي مرتي ♥️

ادنه يمي شال ايدي باسها استحيت ودنكت يمه كلبي راح مني من هاللمسه 

مرتبكة مو ..!!

جريت ايدي ادنه يمي جرني من خصري كتله لا رائد عفيه لتلزمني هيج!!

لا الزمج ..والزمج والزمج ..مرتي وممسوي شي غلط 

بس..

بس شنو!!

استحي منك والله!

دتعالي يمعودة همزين حسيتي واجيتي لغرفتي كلبي طك..

لا..لا..لا..

مسمعني ..ادنه اكثر يبوس بيه بلهفة اني مدري شبيه هالكد ممتفاجئه .ممصدكة يكولي مرتي..وحلالي حتى مقاومته..بقه يبوس بيه ..اني لابسه بنطرون وقميص ..كريمي ..مد ايده فتح دكمه القميص جفلت دفعت ايده:

رائد لا..لا انتبه شدتسوي!!

ايدج لج انجبي وسكتي!

فتح الدكم وبقه يبوس بجسمي بركبتي وبمتوني وبصدري هيج بوسات مدري شنو اسمهن استحي اوصفهن ..خفت منه شفته حيل ..مندمج عززززا بس لا يسويلي شي اكبر دفعته وكمت ..

غطيت جسمي بقميصي قبل ما اطلع لزمني 

وج شبيج انتي غير مرتي ممسوين غلط..شبيك سنونج اطككطك وماخذج الرجيف!!

لا..لا ميصير انت حيل تجاوزت حدودك وياي..غلط هالشكل اعرف هذا غلط كلبي يكولي غلط..

عفته وطلعت..ميته بدمي يربي ..ليش سكتتله خليته هالشكل يفتح قميصي ليش خليته هيح يبوسني عزااا بعيني ..عزززا بعيني والله..

اجه للمطبخ كتله:

رائد بروح امك..كولشي لتسوي بعد ..

ماشي ..العافيه درجات..

كعد ..يم الطاوله كتله:

روح لغرفتك خلي اطبخ فدوة لتكابلني مراح اكدر اطبخ شي اذا كابلتني ..وتباوع عليه هالشكل..

هههه ماشي

بقت ٣, ايام وتخلص امتحاناتي وخلال هالايام كلمانريد نطلع الصبح ياخذله عشر دقايق يحضن ويبوس بيه ومن نرجع هم ميفك عني ياخة حتى من اطبخ واكف ورايه يبوسني غفل ..بركبتي لو يحضني ..حيل تعلقت بيه احس بيه يموت عليه واني هم حيل احبه ..اصلا من يبوسني حتى ما اكدر اقاومة اروح ويا لغير دنيا ..ولو من يتمادى ادفعة واوكفه عد حده بس اني بداخلي احبه واحس كلبي صار ملكه وحده..

من خلصت امتحاناتي وره ٥ ايام...سمعتهم يسولفون يردون يرحون لاربيل لان..سماح عرسها بعد ٦ ايام ولان العريس ابن عمها وهي حاليا ابيت عمها ابو سامي فراح يزفوها من عمه الجبير لبيت عمها ابو اسعد ..والكل راح يرحون خاله والحجي ورائد واكيد رائد ياخذني وياه هيج فكرت من سمعتهم يسولفون.. 

رائد الظهر راح للبصره لان كلي عنده كومه شغل لازم يخلصة ويرجع عكب باجر..من طلع رائد خاله نزلتلي للمطبخ واول منزلت كالت:

خالج اتصل من المانيا....ويجوز هالسبوعين يدز عليج..تسافرين اي خلي اخلص من مسؤوليتج؟؟

يدز عليه....شوكت خابر ..ورائد يعرف بهالشي؟؟

ها ولج.....شو تسألين عن رائد شعندج وياه بس لا عندج امل يضل رابطج وياه وتضلين على ذمته..امس الحجي حاجاني كال ..بس يروح ويرجع من البصرة يطلك...ومن يروح ويانا للشمال يخطبلة بت عمه ابوسامي..

حسيته ضربتني طلقة بكلبي ..ارتبكت 

شبيج انخطف لونج شنو ..اول وتالي نتقلعين يم خالج لو مفكرة تضلين على كلبي ..لو رائد ..ياخذج مرة اله من صدوك

هااا لا..لا مبيه شي..بس تفاجئت اصلا..كيفت لان راح اسافر..!

اي ..هيج انعدلي وياي لا اعدلج بطريقتي..

عافتني وصعدت بس احس كلبي تملخ..من كالت بس يرجع يطلك..يعني راح يطلكني 💔واذا يريد يطلك شنو معنى مشاعرة ذيح..بوساته وحضناته والعالم الي جان ياخذني اله بذيج اللحظات ..اخذ كلبي مني ..وهسه يريد يطلك ويتزوج بت عمه ويعوفني ..كلت اتصل بيه واحجي وياه..بس لا هذا الحجي ميصير باتصال هذا الحجي لازم وجه بوجه..خلصتلي يومين شابعه بجي..ومن اشوف الحجي لو خاله غصبا عليه اتصرف طبيعي وخلص اليوم وباجر واجه عكب باجر منتظرته كلت الظهر يوصل ..ما اجه العصر انتظرته هم مأ اجه ..باليل ..ما اجه بقيت بالمطبخ لازمه الموبايل كلما اطلع رقمه اتردد صارت الساعة ١١ حسيته فتح باب البيت ودخل سيارته وبس فات لغرفته ركضت دكيت الباب سمعته كال:

ادخل

 دخلت ..

جان ينزع بقميصه بس شافني ..فتت اجاني ركض..حضني وكال:

همزين كاعده يروحي..راد يبوسني دفعته وكتلة:

انت شنو من بشر!!

شبيج ولج 

شبيه ..متعرف شبيه....ليش ..ليش شمسويتلك اني حتى هيج تسوي بيه؟؟

خرررب شمسويلج؟؟

اذا ..نيتك اطلك ليش ..دمرتني ليش .💔💔💔،؟؟؟!!

دمرتج شنو..اليسمعج يكول مغتصبج ..واريد اطلك واعوفج؟؟

اي تمام مثل مكلت انت مغتصبني؟؟ واسوء بعد

ضحك 😁😁😁

ههههه شوكت اغتصبتج يابه ..هو انتي انطيتيني مجال حتى اغتصبج صدك!!

صح مغتصبت جسمي..صح مخليتني افقد عذريتي صح الجسم سالم..بس گلبي اغتصبته ..وخليته يفقد براءته وعذريته..ليش..ليش متخاف من الله ليش خليتني احبك واتعلق بيك اذا نيتك اطلكني وتخطب بت عمك هذا الاسبوع

وكف يباوع عليه من بعيد من فوك ليجوه بعدين كلي:

يعني هسه اني مغتصب گلبج مو!!🥰

اي..

ههههه

ليش تضحك ..لان تحس كلامي مو منطقي وميصرفلك..لان متريد ..تقتنع انه الشاب الي يخلي بنيه تحبه وتتعلق بيه وياخذ منه گلبها وكل مشاعرها وتالي يعوفها حتى اذا ملمسمها ..يعني اغتصب گلبها وخلاه ينزف وميطيب للابد..

ههههه.

.اجاني ركض..حضني وشمرني ع الجرباية ..

رائد هدني..هدني

هو ميت من الضحك ويوخر باديه وخلاهن وره ظهري وكلي:

وج على هذا الحجي الحلو مال احبك ومغتصب گلبي ..وروح امي اله اغتصبج من صدك واني هم شلون جاي مشتاگ..وحامي..هاي هيه مادام تحجين بالاغتصاب اله اغتصبج وارتاح...بعد اني مغتصب..مغتصب ليش بس الگلب اغتصبه خلي اغتصبهن كلهن الگلب والروح والجسم الترف

رائد..هدني..هدني بس مهدني يبوس بيه ..ويعصر بجسمي بجيت كلي:

خررب لتبجين خليني بواهسي..انت الجبتيها الروحج مصبر نفسي بالكوة ومنتظر تخلصين امتحانات حتى ..نسويلنا عرس رنان ..وضام ضيم كلبي كله للزفة..بس على هذا حجيج ما اتحمل ..بعد..

رائد هدني بس خلي احاجيك بروح امك..هدني بس لحظات..هدني خلي اخذ نفس..

مهدني بجيت ..وكتله:

بروح امك مريم هدني..

من ذكرت اسم امه هدني وكلي:

احجي بسرعة

انت..انت تريد تزوجني من صدوك!!

ولج انتي مرتي من صدك شنو اتزوجج من صدك!!

لا ..يعني صدوك تريدني عروسه الك!!

مدلي ايده وكعدني وكعد كبالي وكلي:

من اول يوم دست على رجلج..وشفت عيونج بالضوة مال المطبخ واني حاس انه انتي الي . واني حاس قصتي وياج طويلة...وحبيتج حب بس الله يدري بيه ..ومن جيت من البصرة بالمطر تتذكرين💋💋💋..مجنت لا ماخذ حبوب ولا بطيخ جيت عاشگ گلبه طاگ من الشوگ والبعد ..احبج وروح امي وحلفت واقسمت اله اتزوجج بس تخلصين امتحانات واجت هاي سالفه الكليه وطلابة الكليه من حسن حظي..اني اعوفج واطلك شبيه مخبل. اطلك..وانتي تعرفيني كلش زين ..ولو ما تعرفيني احبج متخليني احضن وابوس ..براحتي...

اي جنت حاسه انت تحبني بس خاله اول البارحة تكولي تريد اطلك وتخطب بت عمك!!

انعل ابو بت عمي..لو ابو خالتج..

ضربته ع صدره

لتغلط على جدو..جدو ميت!

الف رحمه على روح جدو الي اخذ بيبتج وخلفت امج والف رحمه على روح امج وابوج ع هالخلفه

يله اني اروح انام نعست:

تنامين شنو ..نامي بحضني!!

لا عيني..انت مغتصب ما انام يمك منا لما تتزوجني صدوك!!

ردت اكوم لزمني حيل كتله:

والله ما ابقى يمك ..شبيك انت ..تحجي من كل عقلك تنيمني بحضنك !!!

زين بس شويه ضلي..منا لما انام وروحي:

لا ..اروح احسن ..انت متتأمن !!

ههههه

فلتني وضحك ردت اكوم كتله:

بس انت ليش حبيتني يعني شو اني ثوله!!!

ههههه...عادي حتى لو ثوله..اريد اشبع حنان وحب ودفو وجمال ..واريد تخلفيلي خلفة حلوة مثلج

قصدك ثولان مثلي!!

اموت على ثواليتج..♥️♥️♥️ حضري نفسج بعد اربع ايام عرسنه حتى اغتصبج براحتي!!!

بس بعد اربع ايام عرس سماح!!

اي عادي عمي يزف ابنه وابويه يزفني!!

عمو يعرف انت كايله !

اي كايله ومتفق ويا ميحجي لمرته لان يعرف مرته تكرهج وتنغص عليج فرحتج..ابويه حيل يحبج ...سماء ..ومعتبرج مثل بنته رغم مرته تكرهج وتحاول تكرهه بيج بس ابويه گلبه ذهب

واني هم حيل احبه عمو الحجي بس اخاف خاله متقبل اروح وياكم

ههههه لج بعد ماكو شي بكيف خاله ..انتي مرتي واني مضام هالشي عنها خوفا منها لا والله ..ضام هالشي حتى من الموضوع يصير كدام عمامي وانزف كبالهم اوجهلها ضربه قاضية ..

ابتسمت كلي:

نامي بحضيني الليله بروح اهلج والله كلشي ما اسوي!!

لا..لا..اروح بفراشي حباب..

هه‍ههه يله روحي واحلمي بيه ..

ماشي .. 

ردا اخطي الباب كلي 

هيج ماشي حاف

ادنيت بسته ع شفته بوسه سريعة وقبل ميلزمني انهزمت منه ورحت للمطبخ..

ثاني يوم خاله والحجي راحو وع اساس يروح وياهم بس كلهم مواعدلي شخص ع شغله ابغداد اخلصها والحگم...بس هو يجذب خلاهم راحو واخذني للسوك دخلني ع محلات البدلات كلي اختاري احلى بدله واختاريت بدله حلوة ..واشترالي ملابس وذهب.. الملابس خلاهن بجنط .بعدين رجعنا للبيت ..كلي صفطي ملابسج بغرفتنا كتله:

غرفتنا ؛

اي غرفتنا يروحي ..واذا ماعاجبتج ابدل الاثاث بس هذه الغرفة العام اشتريتها خشب ايطالي واصلا ماكو منها بالسوك وسعرها١٠ ملايين كلت حرامات ابدلها بغرفه من هاي الغرف العادية  

لا..لا ابد متبدلها تخبل حبيبي تخبل غرفتك

هاي هيه ..اذا عندج نقص كوليلي صح ع السريع اشترينا الملابس بس من نرجع من اربيل هم نطلع يوميه نطلع اشتريلج اشكال والوان..

ما اريد شي اشتريتلي كومه ..اغراض والذهب كولش غالي اخذته

ميغلى عليج شي وره عرسنا كولشي راح يتغيير هذا بيتج ..انتي مو بيت احد وتشتغلين بيه والحچي راح يصير غير حچي من نرجع..

بكيفك حبيبي. 

حضني..حيل وكلي ..شيخلصهن هاليومين واطلع ضيمي والكبت الي بداخلي كوله بيج..

هااا اشتغلت الوگاحة ..مالتك مو شفتني وحدي بالبيت تره احركك مثل ذيج المرة🔥

ياريت حتى ادلل وانتي توكليني وتشربيني بيدج..

بدون متحترك والله حبيبي انت حبيبي واخويه وابويه وابني واوكلك بيدي واسبحك بيدي شعندي غيرك

اويلي ع الحنان والدلال واني شلون معوز حنان ودلال ..بس الله يدري

 يله طلعي جنطة خلي بيها ملابس الي والج مال اسبوع زمان وجنطة خلي بيها بدلتج الحلوة رتبي امورنا حتى نوصل بالليل باجر حنتنا.

ماشي ..

ورحنا لاربيل وهناك ..هو فاجأ الكل عدا الحجي لان جان يعرف كولشي ..اول يوم حنتنا..وثاني يوم صار عرسنا ما احجيلكم عن خاله ..شلون ماتت قهر سوت نفسها متسممه بالاكل ومراحت ويانا للقاعة متتحمل تشوفه عريس واني العروسه وجانت ليلة عرسنا احلى ليله بحياتي..جان حباب وحنين ويايه ويموت عليه ..ويمكن الله عوضني بيه عن امي وابويه وظروفي الصعبه الي عشتها...وبقينا ٧ ايام بالفندق ايام كلها حب وعسل ورجعنا البغداد ..وطبعا اول يوم رجعنا بيه ..هو كعد ويه ابو ومرته وكلهم ...سماء..صارت ام البيت حالها حال زوجتك يابه ...ومتخدم احد واذ ع الطبخ عادي هيه تطبخ ومرتك تقسم وقتها من ترجع تنظف وتغسل ملابس هذا العندي واذا ميعجبها ...نطلع ابيت وحدنا لو اخذها..وياي نسكن بالبصرة يم شغلي..وبعد ما ارجع لبغداد واي تجاوز بحرف على زوجتي يعني تجاوز عليه وانتو تعرفوني شلون ما اتحمل..وردي شلون يكون

ومن يومها واني بس اطبخ يعني بس المطبخ عليه وهي غصبا عليها تجي الظهر تنظف وتغسل ملابس ..بس بودها تسمني وتخلص مني..وره خمس شهور من زواجي ..هي تخربطت ..كامت تتقيأ ..ومتاكل ..اخذها الحجي للطبيب واجه طاير من الفرح ..طلعت حامل ..وفكرت هسه ..رائد يضوج اذا اجاه اخ منها ...فكلت شعليه ما ادخل اني بس الظاهر الحجي مخابرة ع اساس يفرحة اجاك اخ جديد....بنفس اليوم اجه العصر بس شايط..للسمه ..كتله

شبيك حبيبي اهده...ادري ضايج وتكرهه ومتريد يجيك اخ منها ..بس لتقهر بنفسك هالشكل:

وج شنو ضايج شنو اكرهها ولج ..انتي كلشي متعرفين

شعرف غير ضايج لان مرت ابوك حامل..

خررب منين حامل وابويه ميخلف صار٣ سنوات من يوم العمليه الي..سواها مال فصل البروستات...الدكتور انطاني التقارير والاشعة وكلي للاسف ابوك ..بعد ميخلف ..صح قدرته الجنسيه موجودة بس..الحيامن راح تكون مفقودة بسبب..العمليه والالتصاقات الداخليه واني ضميت عليه الموضوع والتقارير حتى ميضوج..منين حبلت خالتج اذا هو ميخلف!!

عزززااا تحجي صدوك ...مدا استوعب والله

ماكو غيرها..المدام تلعب من وراه وحبلت ..وهسه تريد تلزك نغلها ..بيه وتصير ام فلان ..ونغلها ..يورث حاله من حالنه

يااا....خاف انت غلطان وابوك طاب وكام يخلف 

وج الدكتور كلي..ميخلف ابد انعدم عنده انتاج الحيامن تكلي طاب وخلف ..بعد ما اسكت اليوم افضحها واليصير يصير عمت عيني..اذا اخلي ابويه المسكين يربي نغلها..لو يورث تعب ابويه تالي شيباته..

شفته فتح القاصة ..طلع اوراق وتحاليل واشعه ركضت وراه كتله

رائد خاف ابوك يصير بيه شي خطيه!

شيصير بعد ..اكثر

 وطلع..وره ٣,ساعات رجعو للبيت وهي وياهم ..ومبين بعدهم محاجين وياها ..حتى متتفرج عليهم الناس برة. 

اول مفاتو للصاله الحجي كلها:

لميتج من الشارع ودللتج دلال..وكعدتح بقصروصرت خرخاشه بيدج ..توديني يسره ويمنه وماحجيت حتى هيبتي..فقدتها ابيتي لخاطر ..عيونج تاليها تخونيني حناان!!

هي صار وجهها اصفر ...وكالت:

اخونك شنو حجي منين جبت هالحجي..

احجي بت الگ....د..منين حبلتي واني ما اخلف

متخلف شنو!!

هاي التقارير بيد ابني ..وهسه اخذناهن عرضناهن ع الدكاترة وكالو مستحيل اخلف ..جان ضامهن عليه ..رائد ..وهسه طلعن حتى تنكشفين..وج تحبلين من غيري وتكليلي افرح حجي اجاك ...بزر الشيب..

ادنه لزمها من شعرها وكام يركع براسها بالحايط اليم الباب  

احجي..منين حبله ومنو النمتي وياه وحبلج خلي اذبحة واذبحج واخلص..

وبقه يركع براسها بالاخير صرخت كالتله 

حبله من ابنك ..من ابنك..حجي

الحجي سمعها..بسرعة انكلبن عيونه ووكع ....

رائد حار بيه ...شاله وركض بيه للسيارة وطار بيه هيه ركضت صعدت فوك..مدري شتسوي ..ونزلت بيدها جنطه متوسطه وطلعت تركض بقيت وحدي بالبيت ..

عززززا....عززززااا تكوله حبله من ابنك الحجي ميتحرك يمكن مات..بقيت انتظر....بلكي يوصل للمستشفى ويخابرني..صارت الساعة بالعشرة بالليل واني وحدي .وكلبي نار ع الحجي خطيه متحملت اصبر خابرت كتله:

هااا..رائد ابوك شصار بيه طمني لاتكولي حالته خطرة

لا..اطمني ..الحمد لله مو جلطة انهيار عصبي...كعد وشربته عصير وسولفت وياه زين وضعه مستقر ..لتخافين 

زين انت بأي مستشفى حتى اجيك!!

لج وين تجين الساعة بالعشره ونص..

اريد اجي..كلبي مثل النار والله..

ماشي. راح اجي اجيبح يمي بسرعة بدلي ..

بدلت وانتظرته..اجه اخذني..وطمني..كلي ابويه قوي ومابيه شي ومن كعد سولفت وياه وكتله كلشي وكتله حتى مرتي تدري بكلشي من زمان ..ولو عندي شي وياها جان سكتت وما اجيت وكشفتها الك..والله متسوى تقهر نفسك عليها خطيه دموعه تجري وكلي وسفه..وسفه ..خسرت امك بسبب وحدة ماغزر بيها تعبي..ومحبتي..انتي من توصلين هم هوني عليه وكوليلة كلشي جنتي..تعرفين وهي..متستاهل ينقهر عليها ومن هالحجي الحنين مالتج..

وفعلا رحت للمستشفى وكعدت ويه الحجي سولفت وياه طبعا هو الحمد لله قوي ..اقوى مما توقعت وراد يطلع للبيت بنفس الليله بس رائد كله استريح بردهه خاصه واحنا يمك خلي الطبيب يجيكك الصبح وبقينا يمه الطبيب الصبح شافه كال الحجي صحته تمام ويكدر يطلع...رجعنا للبيت ..طلعت ماخذه الذهب كوله ..وطالعة ..اول مره عبالهم البيت مبيوك كتلهم لا اني..قفلت البوب والبيت ممفتوح هي صعدت فوك ونزلت بيدها جنطة متوسطه مومال ملابس مدري شمخليه بيها يمكن ذهب وفلوس

وبالرغم من انه رائد لح ع الحجي حتى يرفع عليها قضية زنا وسرقه ...بس مقبل كال اخذىحقي منها وجه لوجه بس هي انهزمت واختفت ... اني وره شهرين صرت حامل..وبعدين جبت ولد يخبل ..الحجي فرحان بيه ومدلله ..وسماه.. مصطفى والحمد لله عشنا بخير وسلامة...ونعمه من رب العالمين ...وهي محد يعرف وين صارت ..انهزمت ومحد يعرف طريقها لهللحظة

♥️♥️♥️♥️ وللحكاية بقية😥😥😥

احبتي بالرغم من اني انهيت الرواية عند الجزء 11 الان ان الرواية في الحقيقة مازال لهابقية لكني ارتأيت ان انهيها عند هذا الجزء لاني اعتدت ان اجعل نهايات رواياتي سعيدة لادخل الفرح والسرور الى قلوبكم...وبما ان بقية الاجزاء فيها احداث حزينه ومريعة ..وظلم مابعده ظلم للبطلين ..ومواقف فظيعة لا يتوقعها احد يظهر فيها..طمع الاقارب..ووفاء الاصدقاء..ولوعة الفراق...وطول الصبر..ورحمة الله التي ..وسعت كل شيء..لكني ساتوقف عند هذا الجزء من اجلكم..ولن اكتب بقية الاحداث احبكم..♥️♥️♥️

#ورود الخالدي

احبتي جميعكم..كنتم مترقبين طوال احداث الروايه..لجزئية الاغتصاب لان عنوان الروية هي..قلب مغتصب..واعتقد انكم فهمتم في الجزء الاخير الفكرة والهدف الذي اردت ايصاله لكم ..وهو ماذكرته البطله..عن نوع اخر من الاغتصاب.والذي ليس بالمعنى المتعارف عليه ..وهذا النوع هو اغتصاب القلوب..فالشاب حين ..يجعل فتاة بريئة طاهرة القلب والسريرة تتعلق به....وتحبه وبعد ذلك يتركها ببساطة ليجعلها تتعذب قلبها ينزف الما وروحها جريحة يكون بذلك اغتصب قلبها وروحها حتى دون ان يمسها جسديا....وهذه الرساله ..موجهه الى الشباب ..رفقا..باعراض الناس رفقا بالفتيات اياك ان توهم فتاة انك تحبها ..ثم تتركها دون ان تلتفت لتذهب الى اخرى وتفعل معها مافعلت بسابقتها ...فالقلوب لها حرمة وعذرية وقدسية اياك ....اياك ...اياك المساس بها..فالله يمهل ولايهمل وماتفعله ....بغيرك سيعود عليك يوما ما!!

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم

شكرا لزيارتكم عالم روايات سكيرهوم