رواية الشك يلاحقني الفصل الثاني عشر بقلم جمانه السعيدي
مشت الايام عاديه وقرب زواج رشا ونخبصنا خبص بلتحضيرات
اتفاجئت بهمام مشتريلي بدله حلو مخصره بيضه ورحنا ويا رشا للاستوديو واخذنا صور اني ويا تعويض صور العرس
همام طيب بس مابطل طبعه يشك بكل شي فد يوم الخياطه دزت ملابسي بيد اخوها
عمره تقريبا ١٧ سنه وهو تخبل وزعل
ملابسج عد الخياطه كللي واني اروح اجيبهن
هذا التصرف ممنوع شنو شاب شكبرا واكف بلباب ويكول اريد زينب
جمانه السعيدي
اني حيل ضجت وماحجيت اي شي
خالتي كامت تحجي علي
شكو بيه يايمه ليش كلشي تسوي مشكله
وبيومها ماصعدت فوك للغرفه لان تصرفاته كامت اضوجني حيل
بقيت يم خالتي
زينب خاله احلفج بكل عزيز على كلبج همام من زمان شكاك
لو هاي هسه
ام همام شوفي يازينب انتي بنتي الله شاهد على كلامي
وحبيتج مثل رشا
ومن عاشرتج حبيتج اكثر
همام ماجان هيج ابد همام ماكو مثله بلدنيا كله بس مر بازمه غيرت حياته واي احد يمر بلشي الي مر بي همام
يسوي مثله واكثر راح احجيللج الي صار
علمود نتعاون اني وياج ونطلعه من هاي الازمه اني اريده يرجع مثل قبل
وبدت ام همام تحجي كل الي صار الزينب
زينب...خاله بس النسوان موكلهن سوا مثل ما اكو زينه اكو مزينه كلمن وتربيته واخلاقه
صحيح الشي الي مر بي موهين بس اني ماليه ذنب يحاسبني بذنب غيري
ام همام ...انتي الاصيله بت الاصول الي راح تساعده يطلع من هاي الازمه
صحيح هذا الشي صعب عليج بس اريدج تساعديني
وتصبرين وتحافضين على رجلج
زينب...ولله اني احبه واموت علي وهو اول انسان بحياتي
بس خاف صبري يخلص ويا
ام همام...لاتكولين هيج حبيبتي
جمانه السعيدي
لليل ماصعدت فوك بقيت كاعده يم خالتي وهو يحوس كلساع ينزل يشوفني ويصعد
حسيته مثل الطفل الزغير
حسيته متندم
خالتي كلساع تكول روحي الرجلج
زينب....هسه خل اشلع كلبه شويه حتى يبطل شك
بعدين نزل وصاح زينب وين مكينة الحلاقه
زينب...بلمجر الاول بميز المرايه
همام....ماكو دورت ومالكيتها تعاي انطيني اياها
صعدت فتحت المجر وطلعته هاي موجوده موكتلك بلمجر الاول
همام قفل الباب وكام يضحك علساس خاتله يم امي وما اعرف اجيبج مو
زينب...وخر اني اروح انام يم خالتي اليله
همام...اذا لكيتي المفتاح عود روحي تعاي نامي بحضني احسلج صار ساعه احوس ما اعرف انام وحدي
زينب ماانام يمك اله تبطل اسلوبك هذا ولله تعبت
همام اتحمليني حبيبتي لحظة عصبيه
اني كم زنوبه عندي
ورا هاي الحادثه باسبوع حسن راد حلاوه وسويتله حلاوه جكليتيه وفرح حيل بيها
قرب عليه وباسني من جتفي عود يشكرني
دخل همام وشافه وتخبل ضل يصيح علي
زينب على كيفك هو عقله عقل طفل
همام...وانتي ماصدكتي اضحكين اله
زينب....خطيه ليش ويا
هم كوه يله خلصت هاي الطلابه ويه همام
وحسن خطيه كام يخاف مايقربلي
الا ان اجا اليوم الي زعلني منه صدك صعدت فتحت شباك الغرفه علمود تتهوا شباك الغرفه على الشارع
اني فتحته ماكو احد بلشارع وهو اجا ليش فاتحه الشباك
اجا يسد الشباك جان يفوت رجال بلشارع
وهو تخبل عليه كام يضربني ويصيح كلجن حقيرات كلجن نفس الطينه
مابيجن وحده زينه ابد ضربني مرتين ودفعني واني وكعت على ضهري
هو عافني ونزل
واني ضهري موتني وحسيت شي وكع عليه
اريد اكوم ما اكدر كمت ازحف شويه شويه الحد ما
نزلت من الدرج
نزلت
اكعد على البايه وبعدين انزل رجليه واكعد على الثانيه
نزلت وصحت خالتي الحكيني دم يوكع عليه
خالتي خطيه انخبصت لاتكدر تصعدلي ولا تكدر تساعدني
خابرنا همام جهازه مغلق
خابرت اخوي الزغير اجا يركض واخذني للمستشفى من سئلني ماكلت همام كلت امسح وزحلكت ووكعت
طلعت حامل ومن الضرب والوكعه نزل الطفل لان بداية حمل ما تحملت وصار عندي اسقاط
ام همام ضلت تتصل على همام ورا ساعتين يله جاوب واجا يركض للمستشفى
ومن عرف صار عندي اسقاط تخبل وحيل ضاج اخوي بس وصل همام راح للبيت وكال ادزلج امي
همام....شلون صرتي
زينب...سكتت ودرت وجهي وكمت ابجي
همام...لاتبجين مو قصدي صار سنه عايشه وياي وتعرفين اطباعي بس تتعمدين اضوجيني
زينب...اني صبري خلص وياك افهم مو كل النسوان سوا
تعبتني وبعد ما ارجع وياك
همام...علساس بكيفج ماترجعين وياي
زينب..طبعا بكيفي انت انسان شكاك ما اعيش ويا ك خابر امي خل تجي تاخذني
همام...اش بلا كلام زايد الاهلج ماترحين
زينب...حرام عليك خسرت ابني من وراك
همام...اسف ما كنت بوعيي اني من اعصب مااشوف كدامي ابد انتي ابتعدي عن الاشياء الي ضوجني بعدين ما ادري بيج حامل
زينب...هذا الحجي يفيدك بعد ماارجع وياك ابد صبري خلص وياك
جمانه السعيدي
شويه واجت امي هايمه شبيج شصار
زينب...يمه امسح وزحلكت وما ادري حامل
ام اركان...هسه شنو
زينب...صار عندي اسقاط منتضره الدكتوره شتكول حتى اطلع
همام ...تعجبت ماكالت الامها ضربني رغم هي تاذت من وراي
ام همام..كلساع تخابر تطمن عليه
شويه الدكتوره كتبتلي علاج وطلعت وهمام راح وياي الاهلي وبقا مكابلني وكاعد لليل
بعدين كال ترحين وياي لو انام يمج هنا بيت اهلج
زينب...ما ارجع وياك اله تبطل هذا الطبع البيك
ماكو كل واحد بطريق
همام خوش اني اعلمج خاله اريد فراش هنا يم زينب
ام اركان...تدلل هسه اجيبلك احلى فراش
زينب...يمعود روح خالتي وحسن وحدهم
همام....خليهم وحدهم اذا ماترحين وياي ابات هنا
زينب...روح وتعال باجر بليل اروح وياك
جمانه السعيدي
همام....اذا بدلتي عليه اخطفج من اهلج خطف
زينب...لا ما ابدل عليك
روح الله عليك خالتي ضلت بقلق
همام...رجعت للبيت واني ماكلني الندم اكل ضيعت ابني
وراح اضيع زوجتي
من دخلت الحياتي الهاي اللحضه
مابدر منها شي مزين بلعكس مداريتني ومداريه امي ومحافضه عليه وعلى سمعتي زينب مالها ذنب تتحاسب بدل مروه
ثاني يوم رحت ورجعتها للبيت ما اكللكم اتحسنت ١٠٠/١٠٠
بس احاول احافظ على النعمه الي الله نزلها عليه
زينب هسه ورا سنتين زواج هي الكل بلكل وابشركم عدها بداية حمل والحمد لله
لا تلومون همام الي عاشه مو قليل حب عشرين سنه انصدم بي عشرين سنه يحبها اكثر من نفسه وشافها تخونا وذبحه بايده ابد موقليل الي مر بي
بس رب العالمين عوضه بزينب الي كدرت تغير حياته وتشيل الشك من نفسه
موكل الرجال تستاهل التضحيه
ولاكل النساء صبورات
والي يعيش يشوف اشكال والوان
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
