رواية وجه محروق الفصل الثالث عشر بقلم جمانه السعيدي
اصيل...رجعت للورشه وهي بقت تنضف بلمطبخ
اجت وراي للورشه
منار...اريد الشبكه حتى اطمن على امي
اصيل...اي اكتبي يمج هذا الرمز
منار...شكرا
اصيل...تدللين
منار اتصلت على امي اطمن عليهم كلشي تمام بس ابوي عصبي من البارحه لليوم بسببي ومانع امي تجي عليه
لو تتواصل وياااي
استغفر الله ربي اكو اهل مايجون على بتهم اول يوم عرسها
ياربي اني هسه من ادعي على ابوي هم تحاسبني
هذا مواب هذا عدووو
منار...نمت شويه لان تعبانه حيل من البارحه
وبعدني مهبوطه من ابوي
ماحسيت اله اصيل يحاول يكعدني
اصيل..منار منار تكعدين نتعشى
منار...بيش الساعه هسه
اصيل.الساعه تسعه
منار...حيل اني نمت كل هذا الوقت
اصيل...نوم العوافي اني اجيت مرتين لكيتج نايمه
منار...هسه احضر العشى
اصيل...لا اني جبت عشى حاهز بيتزا وفطائر وببسي
منار...اسفه اخذتني النومه
اصيل...نامي براحتج ماقصرتي اليوم طبختي ونظفتي
منار.. هسه احضر الاكل
اصيل...بس اسبح وابدل ملابسي بين ما تحضرين الاكل
جمانه السعيدي
منار...حضرت الاكل طلع اصيل من الحمام لابس تراك بخبل علي مشط شعره وخله عطر واجا كعد على الاكل
منار...نعيما
اصيل...الله ينعم عليج
منار...اريد اسئلك على زوجة ابوك
اصيل...شبيها
منار...هيج مقاطعتك لا اجت لا هي ولا خواتك
اصيل....اني الي قاطعتهم حتى يبرد راسي وارتاح من المشاكل
على فكره هذا الحايط بينا كان مفتوح بس هلكد مااذوني
بنيت الحايط
منار.. الهلدرجه
اصيل...واكثر لو احجيلج تتعجبين
مشاكل طول الوكت وصلت بيهم ياخذون تعبي
منار...شلون يعني
اصيل...زوجت ابوي عدها ولد من زواج قديم هذا كل الصفات الموزينه بي
باك من عندي فلوس مرتين ثالث مره كتلته كتله معدله
بعد مامر بيه
منار...زين منيين عايشين ابوك عافلهم راتب
اصيل...لا ابوي عافني حتى اشيل مسؤليتهم على راسي
منار.. انت تصرف عليهم
اصيل...من عمر ١٥ سنه واني شايل هاي المسؤليه
اذا اكلج اني اصرف عليها وطردتني من بيتها
ورادت تبيع هذا البيت وجهولني بلشوارع
بس من حسن حظي ابوي طلع كاتب البيت والورشه بااسمي
منار...الله يرحمه ويغفر له جمانه السعيدي
اصيل...يرحم والديج
منار بعد كل هذا العمر بعدك تصرف عليهم
اصيل....اي بعد كل هاي الاذيه اصرف عليهم
علمود خواتي
منار...شكد اعمارهن خواتك
اصيل....فاطمه ٢٠ سنه وزينب ١٨ فاطمه السنه اخيره
معهد طبي اني ادفعلها القسط
وزنوبه سادس اعدادي هم داخله دورات على حسابي
منار....انت شكد كلبك طيب ايجوز لو واحد غيرك جان كال اني شعليه امهن محاربتني واني اصرف عليهن
اصيل...خواتي مااكدر اعوفهن بيهن ريحة ابوي
منار.. بس هنه ماحافظات الجميل حتى مااجن باركن بعرسك
اصيل...اني مااعتب عليهن امهن ما تحبني
اكيد هنا كلبهن على امهن
منار...بس انت شايل مسؤليتهن
اصيل...اني ما منتظر منهن اي شي الله يسعدهن
اني رب العالمين رازقني من خيره
جمانه السعيدي
منار...اطيب كلب بلدنيا كلبك
اصيل...وانتي
منار...اني شنو
اصيل...شنو جان طموحج لو مكمله دراسه
منار...اني احب الهندسه كنت اتمنى اصير مهندسه
اصيل....اي عيوني زها حديد
منار...وليش احسن مني زها حديد
اصيل....لا عيوني شنو احسن منج اصلا انتي منار حديد
واني اصيل خشب
منار...هههه حلوه هاي اصيل خشب
اصيل...اي اضحكي الدنيا ما تسوه
ممكن اسئلك سؤال
اصيل...اي تفضلي اسئلي بلكت تكتشفين مواهبي
ترا اني عشت وحيد حتلو عندي مواهب محد مكتشفها
منار...لا اريد اسئلك على وجهك
اصيل...وجهي اي شبي وجهي
منار...شلون احتركت
اصيل...شلون احتركت مااذكر لان جان عمري زغير
بس الاتعس من هذا الحرك امي ماتت بسببي
منار...يااا عيوني
اصيل...امي حاولت اطلعني من النار بس احتركت
صار عدها تسمم وماتت
منار...يا مسكين انت يتيم من زغير
اصيل....اي حيل زغير موت امي مااثر عليه لان ابوي
احتضني وتعب عليه
موت ابوي هو الي اثر عليه وكشفلي الناس على حقيقتها
موت ابوي كسر ضهري
بس اني اعجبج قوي وكدرت اقاوم واعيش
منار.. انت مبين قوي وعندك ثقه بنفسك
اصيل...يالله الشغله صار بيها مدح خل اعدل ياختي
منار...لا ولله مو مدح هاي حقيقه
بس ليش ما تسوي تجميل هسه الطب حيل اطور
اصيل...بشرفج واحد مثلي عايش حياته كلها بين الخشب
ليش يسوي تجميل
مثلا اني طالب جامعه وخاف البنات تشوفني
لو موضف واحتاج شكلي الجميل حتى الناس مااضوج مني لو ممثل
ترا اني انسان بسيط واشوف نفسي حلو
حتلو الناس تشوفني غير شي
لا تتعلمين تحكمين على الناس من شكلهم
عوفي التجربه تبينلج الناس الطيبه عاشري الناس وبعدين احكمي عليهم
ياما وياما اني اعرف شباب يخبلون
بس لو مدمن لو يشرب خمر لو يدور سوالف مكسره
لو يستغل بنات العالم ويضحك عليهن
مودائما الشكل يعبر عن المضمون
جمانه السعيدي
منار.. اي ولله صح هسه اني ابوي حلو بس ما ينجرع
اصيل.. امج حاملته لان تحبه
منار... امي اصيله تفكر بيتها قبل نفسها حافظت علينا
لو وحده غيرها جان هجت من زمان
اصيل...شلون مااشوف انتي تحرضيها على ابوج
كولي جذب
منار...اووووو كل يوم اكوولها عوفي ماينجرع
بس هي ما تقبل تعوفه
دائما يضربها ويغلط عليها بس هي ماتزعل علي
لان بس يبرد شويه يراضيها
اصيل...امج تحبه وحتلو يغلط بحقها تذكرله الأشياء الحلوه
وتبقى ويااا
جمانه السعيدي
منار...بس هيج مو حلو
اصيل..هما متفاهمين انتي ليش تدخلين نفسج
منار...اضوج على امي
اصيل...لا تضوجين هي قابله
منار..اني كرهت كل الرجال بسبب ابوي
اصيل....زين الرجال شعليهم هاي اني كدامج
نموذج للولد الشاب الحباب الطيب
لا عصبي ولا احب المشاكل مسالم الابعد حد
هااا شكلتي
منار.. على شنو
اصيل...عليه
منار...ليش انت شبيك
اصيل... مابيه شي يعني اني وياج لو متعرفين على بعض قبل الزواج
جان حبيتيني
منار...خل اروح اخدر جاي
اصيل كامت واني لزمت ايدها
منار...هااا خير
اصيل ...جاوبي ليش تتهربين
منار....بعدني ماعرفتك شلون احبك
اصيل...ليش اني من اول مره شفتج وياا امج رغم انتي جنتي دايره وجهج عني
بس شفتج حبيتج وكلت اي هي هاي الي ادور عليها
منار...بكيفك ذوقك اني ذوقي يختلف
اصيل....اي وشلون ذوقج يختلف بله
منار...عوف ايدي
اصيل ...عفت ايدها ولزمتها من البجامه
منار...يااا عوفني
اصيل...اذا ما جاوبين راح اسحب البجامه
منار...راسا نزلت الصينيه ولزمت بجامتي
يااا اصيل اتخبلت
اصيل...وليش تخبلت زوجتي انتي لو مو زوجتي
منار...لزمت بجامتي باديه ثنيينهن
ولله اعيط واجمع عليك الناس
اصيل...سحبت البجامه وهي لزمتها كل قوتها
منار.....عوفني لا اصيل الله يخليك
اصيل...لا عيطي اني اريد الناس تتجمع وتشوف مشكلتنا على شنو
منار...كعدت وبقيت لازمه البجامه اخاف يسحبها هذا مخبل
جمانه السعيدي
اصيل... يله بوسيني هنا بخدي واني اعوفج
هذا خدي المامحترك خاف تلعب نفسج
منار...مااكدر
اصيل...وليش ماتكدرين بله ماتعرفين تبوسين
منار...الله يخليك عوفني ولله استحي
اصيل...اكول خطيه خاف تبجين يله عفتج
بس عفتها راحت ركض دخلت للغرفه وطبكت الباب عليها
اصيل...والجاي يمعوده
منار...ابدل واجي
اصيل...البسي شي مال طلعه حتى نطلع نتونس
من ورا الباب
منار...تحجي صدك
اصيل...اي نطلع نغير جو شويه ونرجع
منار...والجاي
اصيل...عوفي الجاي نشرب عصير برا
اصيل...ياربي شني هاي النعمه شكد مرتاح ونفسيتي متغيره
البيت صاير حلوووو
قبل احسه يخنكني اريد بس اطلع برا
الف رحمه على روحك ابو منار همزين طردتنا البارحه
بشرفي اله ادزله هديه
رجال معدل يفتهم
طلعت منار من الغرفه لابسه نفنوف رمادي يخبل عليها
منار...سمعتك تترحم المن ترحمت
اصيل...الصدك اترحم الابوج
منار...الابوي ليش
اصيل...لان طردنا البارحه
منار...ياا تحجي صدك
اصيل....هلمره اني اقتلج اذا طلعتي من هذا الببت
نسوان ماتجي اله بلعين الحمره
منار...كوم بدل علما البس حجابي
اصيل...لا تخلين مكياج انتي حلوه بدون مكياج
منار...ياا هيج اطلع
اصيل....بشرفي احلى من مارلين مونرو بشبابها
منار...بس شويه
اصيل...يله ميخالف شويه
دخلت ابدل واكول بكلبي هي هاي نفسها البارحه تبجي
وتكول مااريد ازوج
اي اصبري وشوفي العبد لله
ايجوز يعجبج النسوان دوم مستعجلات
يحكمن بسرعه
جمانه السعيدي
طلعت لا بسه حجاب وخاله مكياج يخبل عليها
لابسه حذاء كعب وسط اسود
طالعه مثل الاميرات
طلعنا من البيت طبكت الباب وقفلته
اصيل...نصعد سياره لو نمشي
منار...نمشي ولمن اتعب نصعد سياره
اصيل...تمام
مشينا شويه التفتت عليها اتعمدت الزم ايدها
منار...ماكو داعي اني امشي بصفك
اصيل براحتج
مشينا طلعنا من الشارع لا كانا جلب تكرمون
بس من هذا الجلب المسالم
الي لايهش ولا ينش يمشي من الجهه الي تمشي منها منار
بس شافته راسا دارت من الجهه الثانيه والزمت ايدي
اصيل...لا ماكو داعي تلزمين ايدي
منار...مو هذا جلب شوفه شكبره
اصيل...مو انتي قبل شويه من لزمت ايدج كلتي ماكو داعي
منار.. مجان اكو جلب
اصيل...جلب تعال تعال
منار...وين يجي عوفه همزين عبر
اصيل...لا اني اريد اتعرف علي
منار...رجعني وتعرف علي براحتك
اصيل.... لا ماارجعج يله امشي انتي تردين تلزمين ايدي
تتحرشين بيه ومخليه حجتج الجلب
كولي اني معجبه وفضيها
بعد عليمن هاي اللواته جمانه السعيدي
منار....ولله ماغيرك لوتي ونتهازي
اصيل...شلون انتهازي
منار.. تنتهز الفرص قبل اشويه انتهزت فرصه اني اخاف من ااجلب
اصيل...اذا الواحد مايصير انتهازي مايخاذ حقه منجن
منار...يعني تعترف انت انتهازي
اصيل...وياج اكبر انتهازي بلدنيا
منار.. لان اني فقيره
اصيل....انتي مو فقيره انتي ساحره
منار...النوب ساحره
اصيل...اي سحرتيني كولي جذب
منار...جذب انت مسحور من يومك
اصيل....بشرفي انتي ساحره قبلج شكد شفت بنات
بس الموضوع عادي
شمعنا انتي
منار...اسئل نفسك شمعنا
اصيل.... مااعرف مو اكلج انتي ساحره
منار...تعبت اصيل الحذاء عالي
اصيل.. تعاي اشيلج
منار...وين تشيليني هاي العالم شتكول
اصيل...اكلهم زوجتي تعبت شلتها قابل الناس
شعليهم بينا
منار...لا ماكو سياره نصعد بيها
اصيل...تعاي نكعد هنا تشرب عصير وبعدين نصعد سياره
هم انتي ترتاحين من المشي
منار...اي فدوه ا يد اكعد
اصيل....يله تعاي ندخل جوه
