رواية حلم الفصل الرابع عشر بقلم مجهول
رحت ركض للمستشفئ.. اريد اوصل للردهه ماكوو... وصلت ماقبل يدخلي ابو الاستعلامات
الله يخليك كنت مسافر اريد اشوف زوجتي
بس اطمئن علئ حالتها واطلع ثواني
ميصير هاي ردهه نسائيه..
اباووع من يم الاستعلامات.. نسوان هووسه وتفتر بس اعبي سود
ذيج زوجتي بالباب مال الردهه الله يخليك بس خل احجي وياها....
اريدها تباوعلي ماكوو..... كانت كاعده علئ حيلها وامي يمها وتحجي وياها
ومتكابلات عليها يردون يمشوها.... اجت دكتوره
دكتوره بلا زحمه زوجتي مريم شنو حالتها...
مابيه شئ.... استقرت حالتها.... نزفت هواي وعوضناها.....انت زوجها عمر موو
اي ليش
كانت تبجي وتصرخ عليك وتصيح اسمك
بس عرفت انك مسافر...
دكتوره اريد اشوفها
مايصير متشوف ردهه كولها نساء... ونصها مكشوفه
ضليت واكف نص ساعه.... اباوع الها بلكي تنتبه عليه هي او امي او امها
دارت وجها لجهتي......اشرت الها مريم
باوعتلي.....احسها حاجت امي
ودارت عليه....اجتني امي
وين جنت يمه....شصاير وياك....ليش هجي تسوي بينه ... مرتك طرحت بسببك شجرالكم وهجي صار بيكم.... هاي عين حركتنه حرك
يمه اوكفي لخاطر الله
اههههمممم سكتت....احجي
مريم شلونها
يمه خسرت ولد بسببك....
يمه شمدريج ولد هو عمره شهر وربع
اي ااعرف اذا بس جبد ابيض يعني ولد هاي كله صوجك خسرنه ولد بسببك
يمه ....يمه كافي......مريم شلون صارت
لا زينه..... زينه .....هسه تجي دكتورتها وتطلعها
اي خوش الحمدلله.....
وره ساعه اجت دكتورتها... وكتبت الها خروج....كملت الاجراءات وطلعنه
صعدتها بالسياره كانت سكته..... اثنينه غلطانين هي خايفه مني بسبب الي سوته وحركها للمحل
وانا خايف لان تشوف البنت بالبيت وتعرف بيه تزوجت وشتسوي بيه وتزعل
اووف ....وصلنه للبيت.... دخلنه للصاله
لكيت منئ.. ودرر كاعدين بالصاله... ويمهم حسن دخلوو مريم للغرفه
دخلت وراها......عمر ... سامحني والله اموت بدونك لا تعوفني
كعدت يمها..وبستها من راسها وخدودها ومنا ومنا
...إسكتي حبيبتي....بس اهدي.... وارتاحي...وانسي الماضي
متعجبه من تغيري....بس اكيد كانت تتصور لان مريضه
خلت راسها بحضني وضلت تبجي.... عمر نفس الليله ذيج ردت اكولك انا حامل بس مالحكت اكلك وصارت المشكله
الحمدلله حبيبتي الله ماقاسمه النه
اي الحمدلله علئ كلشي... منو هاي الي بالصاله....ماعرفتها
مريم راح افهمج كلشي بس فهميني ولا تتعصبين
كعدت علئ حيلها......شكو عمر منو هاي
اني رحت منا لكركوك لجماعتي..... ولكيتهم اعياذ بالله
شنو يعني جبت هاي منهم... ضلت تصرخ يمه عمه ....هاي منين جبتها اليه
جايب عاهره فوكاي.... بيمن قصرت وياك احجي
اوكفي اوكفي
الكل اجه.... يركض علئ غرفتنه... شكو شكوو
خل افهمكم كلشي.....
حجيت الهم القصه
مريم ضلت تبجي....وتصرخ والكل يهدي بيها
تزوجت عليه... عمر
ماتزوجت مريم شبيج بس ورق....ومستعد هسه اطلكها....بس انا خفت عليها
والمن تزوجتها ماعفتها تنكتل
كالت منئ.....ليش تنكتل خطيه عليج ليش انتي ماحبيتي بشبابج وحركتي محلنه وحلالنه.... وحته ردتي تشردين بس اخوج لزمج
منئ اشششش شنو هالحجي السخيف ... صرخت عليها
مريم باوعت الها سكته
مريم حبيبتي انتي حبيبتي ودنيتي وهواي وماابدلج باجمل وحده ولا ابدل اضفر رجلج بس خليها فتره علما نشوفلها حل
اي زوجها لحسن مو يريد جهال
حسن كال.....شنو شبيه انا حته تدورين اليه وحده من الشارع.....
حسن لاتكول هجي ...هاي هم بنت عالم بس طفله وماتفهم ونضحك عليها
مرت اسبوع وتحسنت مريم
ودرر بس بالغرفه مالت امي...مريم مانعه عليها الطلعه من الغرفه من غيرتها وسوالفها
بس من اطلع لاتطلع وتساعدهم
وعرفت هي ومريم علاقتهم قويه..... بس من اجي يصير حجز عليها بسجن اقصد غرفة امي
مرت 4 اشهر ايام عاديهتكمله 14
مرت 4 اشهر ايام عاديه علينه
بليل.....اجتني مريم ...عمر اكولك فد شئ
كولي ياستار شكو
مرات احس حسن ودرر بينهم نضرات وهجي شئ
فزيت علئ حيلي شجاي تحجين
شبيك خفت لو تغار عليها لو ترديها الك
لا اخاف يضحك عليه الشيطان ويخدع لبنيه خطيه هاي امانه عندي
مريم شبيج تحرم عليه مره غيرك لو بعد الف سنه
مريم انا بس. الج وملكج انتي وحدج
كلشي بيه الج .. وبإسم مريم بس
اي خاف تفكر ترئ والله احرك نفسي انا والجهال
تعوذي من لشيطان.... واريدج تنتبهين عليها خطيه ونصحيها وعلميها وانتبهي لحسن خاف كلشي يصير بينهم
اي اعرف وانا خايفه عليها حيل
مرت سنه كامله.....وانا مريم حبنه احلئ من قبل
كل يوم يمر عليه وياها احلئ من الي قبله
حبنه مانقص ولا كدرت يوم بدونها... اجاني حسن هو وابوي للغرفه
كانت مريم بالمطبخ
عمر اريدك بموضوع خويه
كولي حسون شكوو
درر.....
شبيها.....
انت رايدها لو بس مخليها امانه عندك....
لا بس امانه ..... وتحرم عليه مثل اختي
هذا الي متاكده منه.. بس اريدك تطلقها واخذها انا.....
شنوو حسن شتكول
اي عمر انا رايدها وهي رايدتني... واتفقنه بس تقبل ...وتطلقها اعقد عليها انا
بس ماكدر انا انطيت حجي للوادم.... والمركز اخذو تعهد عليه ما اأذيها ويردوها مني كل سنه
وانا ادللها عمر... والله احبها وتاكدت منها بعدهي طاهره بس مجرد انخدعت وانضحك عليها
اخابر اهلها واشووف....
قنعوني هو وابوي....ومرتضئ هم اجه....وضلو يقنعوو بيه
وافقت..... وردت اتصل باهلها
حاجاني نفس الحجي... وكتله راح نجيكم مشيه نخطب درر منكم لاخوي
كال بتنه درر الكل يعرف ماتت ومانريد اي،شئ منها ...لو تكتلونها عادي
وسد الخط....
انصدمت بجوابه...... ماكنت متوقع هذا منه
بس مع ذالك...طلقت درر محكمه....وره كم شهر عقدنالهم شيخ ومحكمه....وبالكوه رجعنه بتول لحسن...ووسوينه الها مشتمل فوك السطح. كانت درر طفله بس عاقله وشايله اخلاق ماشاءالله عليها
كلشي بيها حلوو ونازك.... وعاشوو قصة حب هي وحسن.... وبس نكمل بناء نزوجهم
وكامت تطلع كدامي وتشاقئ عادي .. مريم اخذت الاوكي بعد والامان
مرت 3اشهر عدنه بناء.... ومخبوصين..... وانا مريم.... ندخل لغرفتنه مانطلع الا ساعات
مااكدر يوم ولا ارتاح اذا مااغفه بحضنها الضهر وبليل
احسها نفس العلاج اليه..... ااحبها .. مااكدر علئ فراكها لحضه ولا اقل من لحضه
حبيبي خل اروح اغسل الحوش وره العمال حسن كالي راح اجيب الغرفه الاخشاب مالتي
بس شوويه حبيبتي خل اشمج
حبي خاص بصفحتنا قصص عراقيه واقعيه خلي اروووح..... فدووووه....
لا كلبي اريد اغفه بحضنج...صارلي يوم ونص مانمت بحضنج.....
آيبااااه والله هوووواي يوم ونص
ولج الساعه بفاركج عندي سنه ولج احبج..... مريم ميت بيج
والله ياحبي وانا اكثر منك.... من تفاركني وتروح للمحل....اضل بس افتر مااعرف اسوي شئ
امك تكولي ..كامت تفتر الذبانه هههههه
ههههه ولج نحله انتي وكولج عسل والله ...شووو خلي اذوق العسل..... تقربت منها حيل.... وضليت ابوسها بووسات خفيفه... اخر شئ فقدت.... واكلتها اكل
كلشي بيها اكلته....حته شفتها كطعتها.... اشم بيها مامرتوي احس نفسي اريد بعد مااعرف ليش
ابتعد عنها
ارجع الها اكثر واكثر... عشت وياها 3ساعات بس اول مره هجي افقد عليها بدون مااحس جاي أأذيها
مااعرف شبيه... ليش هجي اعاملها ليش مااشبع منها ولا ارتوي....
مريم
كول حبيبي
مريم احبج.. اخاف بيوم اموت وانا ماشابع منج
اسم الله عليك حبيبي.... يومي كبل يومك اانشاءالله.... لان مااتحمل بعدك عليه
تقربت مني عمر احبك.... عمر انت كلشي بحياتي
تعرف من اموت راح تضل روحي يمك.... يوميه اجي اشمك من صدرك ومن ركبتك
واخلي خشمي يم خشمك ...واتنفس انفاسك .... اجي يوميه بليل اغفه علئ صدرك
بس تعال زورني من تخليني وحدي بالمكبره ترئ اخاف....
ولج شنو هالحجي .... سدي حلكج
لا...
لا شنوووو ..... تريد تشكه اليه.... تعال شكه يلا تعال
لا اعضك حيلل حيل واخلي دم يوكع منها
هههههه لا اني اطيح دم منها
تقربت مني .....وفعلا طلعت دم من شفتي....
اخ ولج .....شسويتي
((( يلا تحمل هاي اخر مره اسويها)))
كامت عني... ورجعت شمتني حيل منا ومنا
وكالت احبك يااحلئ هديه من ربي .. انت احلئ شئ بحياتي
احبك مو بس بدنيتي حته بأخرتي احبك حته بموتي...
كمت علئ حيلي بستها منا ومنا وحبيتها بكصتها
مريم تعالي يمه
اي جايه جايه يوووم
وين رايحه بعد وكت..... يلا حبيبي رايحه
اي انا هم راح اطلع للمحل..... اشوف شكو ماكوو
طلعت لبره ......كامن يغسلن بالحوش هي ودرر..... كتلهن يلا نشفن الحوش قبل لايجون العمال ويشدون غرفه حسن
اي هسه.....اهو فلتت الصوندا خل اشدها اوكفي درر.... اروح اشدها واجي....
كنت اباوع الهن من بعيد.... لان مااكدر اطلع لبره من الماي.... خاف تتلف ملابسي
راحت تركب الصوندا اجاني علئ بابا بابا سويلي النفاخه
درت عليه...... اي بابا جيبها..... وسويتها اله
درر تصرخ
عمر ....عمر..... التفتت عليها... لكيت مريم متمدده وعبالك عصا..... رحت يمها اركض... زلكت بنص الحوش ...كمت علئ حيلي رجلي ترجف والحوش صار شطوله وصلت يمها خليتها علئ رجلي حركتها. ماكوو
صرخت مريم ...مريم.... ماكوو اي حركه منها
اضربها كل قوتي ماكوو
البيت كله فزع علئ صراخي...
مررررررريم
شكرا لزيارتكم عالم روايات سكيرهوم
