رواية حلم الفصل السادس عشر بقلم مجهول
صار يوم الخامس....اجاني حسن للمقبره وجابلي مبلغ جبير
خابرت علئ الدفان ....ورحنه نشتري اغراض للبناء القبر
اشتريت قفص جبير ....واشتريت الكاع الي يم قبر مريم
فوك 5 الامتار..وكان سعرها غالي كلش
لان اخذت مكان 7 اقبور او امثر...وجبنت عمال للبناء.. وبنينه القفص علئ القبر
وسقفته سقف ثانوي......وسويته سراميك لون ابيض
كانت تحب هذا اللون
وخليت مسافه كاع ما سرمكتها.....زرعت بيها شتلات ورد الي كانت تحبهم
اشتريت تانكي ماي جبير وخليته داخل
واشتريت بطانيه وافراش... وامخاد وزوليه
وصار ابوها من الضمن الي داخل القفص لان قريب عليها
يومين كملنه البناء.... اشتريت احلئ ورد صناعي وخليتها داخل قبرها دائر مادائر
واشتريت صور قرانيه.. لوحات وخليتهن
وصور اهل البيت..... وسويت قبرها اسلامي ناصي وسيراميك
جبت مولد كهربائي.... وخلينه داخل القفص
سويته بيت الثاني اليه
مارحت لاهلي ولا شفتهم..... ماعرفت شصار بالفاتحه......ولا عندي موبايل
اجاني مرتضئ هو وسلطان..... وحاولو وياي اروح
بس ماكدرت اعوفها وحدها
واروح عنها
سلطان ماكدر اعوف مريم وحدها... سلطان روحي هنا يمها
كلبي هنا .....نبضي هنا.... عوفوني وروحو عني
جهالك مافكرت بيهم... بس يتباجون لا ام ولا ابوو
جيبوهم اليه...
وين نجيبهم عمر..... لاتخبلنه تعال ويانه لا نسحلك سحل
ضليت اصرخ عليهم
اطلعوو مناااا اطلعوو من بيتي
اطلعووو انا هنا يم مريم ... انا يم حلمي
انا يم الي عافتني وراحت
بس انا مااكدز اعوفها انا احبه حيل
وين ألگاك يل ذبگ زماني بعيد؟؟
وعگب عينك وين ما أگعد غريب!
راحوو بعد ما أيسوو مني
وبعد يومين ....جابولي جهالي... ام مريم وسلطان جابوهم
لان تعبوو من البجي
اول ماشافوني سكتو .....ويسالوني عن امهم خاص بصفحتنا قصص عراقيه واقعيه امكم هنا نايمه.....ضل علووش
يدك عالكبر .... ماما كعدي كعدي انا هايف اليدج....
بابا شتكعد .. بويه ماتكعد النه
مريم اكعدي ... بس حاجينه وروحي .. مشتاق لصوتج
مشتاق لضحكتج مريم رحمي بحالي
ليش قاسيه ويايه بس حلم تعاليلي مريم
ياريت اموت وارتاح.... انا متعذب مريم
شسوي حته ارتاح.... رحتي وماتجين بعد
ليش يااكاع اخذتي مني الحبيبه.. مريم شصاو بشعرج بعده حلو وطويل
مريم عينج العسليه شلونها
مريم شفتج.... طولج .. وجهج ... مريم شسوه بيه التراب
ضليت ادك علئ راسي كل قوتي
وجهالي يتصارخون
ربي اخذني عندك.....ربي ماتحمل....
خليت الجهال يمي
افرش الهم فراش وانومهم بحضني وانام بصف مريم
مريم جوعانه لو عطشانه
مريم مااكدر اشبع وانتي جوعانه....ماكدر اتنفس وانتي ضايع عليج الهوئ
مريم الكاع اكلت رسومج لو بعدج بحلاتج. ياكاع مريومتي امانه عندج لا تخربين رسومها امنتج عليها امانة الله ورسوله....
ماكدر اوكف دموعي.... مريم ماحنيتي اليه
مريم ما حنيني لهذاك بيتنه....... ماحنيتي لكلبي ولحبي الج... شخليتي لكلبي ولعيوني بعد
اخذيني وياج مريم
مريم كلبي يسالني عليج وعيوني شكول الهم
اكول الهم ماتت
ماكدر مريم..... رحمي بحالي الله يرحم حالج
غفيت وانا شابك كبرها
كلبي يوجعني ... كلبي مفطور.. الحزن ياكل بيه
ااااه يااااروحي
ماشبعت منج
بس كعدي وياي بس حاجيني لو بطيف
غفيت ....واصنع لنفسي حلم حته اكمله واشوفها
مريم
عمر
رحت الها ركض...... اااه يارويحتي رجعي اليه راح اموت بدونج
مريم .....مريم .....تعذبت بفراكج
لا تخاف عليه عمر... انا مامعذبني بس ونك عليه
جاي تاذيني عمر ....حرام عليك... ونينك يكعدني من النومتي ويفززني
مو بيدي ياحلمي الي كعدت منه ولكيتج مو يمي .....مو بيدي فراكج سل روحي
جوعانه مريم
لا شبعانه يوميه هذا الرجال الي وراي يجيبلي صينيه اكل كلشي بيها وماي بارد حييل وينطيني وياه....
مريم لا ترحين
عمر دير بالك علئ جهالنه لاتخليهم هنا.... ونينهم اذاني .... احبك عمر
وراحت
مريم تعالي مريم
راحت وعافتي
فزيت من نومي اصررخ مريم تعالي
جهالي فزووو يبجون....... ماما مااما
لكيتها فجر.... توضيت وصليت ...اليه والمريم
رحت اريد اشوف منو هذا الرجال الي يوميه يدز المريم صينيه اكل
لكيت صورة شاب... مخلي صورة بيها يخدم مواكب
ومكتوب عليه خادم الحسين.....(........)
قريت عليه الفاتحه.... ورشيته ماي ورد
كان توه طالع الفجر... وجهال يلعبون يم قبر امهم
ويسولفون وياها
حوري.... ماما ماما وين
علوش... هنا ماما...عدها بيت حلووو بيه حلاوووو هواي
حجيهم مكسر كان... بالكوه افهم منه كلمه
قررت بيومها.... اخذهم واروح للبيت... غسلت الغرفه ونضفتها.....
وقريت قران عليها.... لبست الجهال
مشطت شعر حوري.... ارتب بيهم واسولف وياها
شلعوو كلبي بالكوه اكولب بيهم
شلون كنتي متحملتهم مريم.... اتخيل مريم
مرات تصرخ عليهم
تعال لعلوش علي ابسطه صاير وكح .....موتني
عوفيهم حبي عوفيهم
اي انت شعليك بيهم ذابهم بس عليه غير كون تصرخ عليهم تخوفهم حته يخافون منك ويحترمون وجودك ويكعدون ....لو يتعاركون لو يزعبلون ويكسرون
شلعووو كلبي
خليهم براحتهم....لعبوو بابا لعبوو ومن تكسرون شئ انت اجيبه الج واخسرنه بس لا يزعا الحلوو
وابووس بيها من ركبتها وخدودها
مو بابا علوووش
علووش مد السانه الها .... 😛😛
علووش مد السانه الها .... 😛😛
محد مخرب الجهال غيرك .... انت تروح وتخليني ماكلتها وحدي.... بس بعد انا اتصرف واضربهم
حوري كاننت كلش حلووه....ماخذه كلشي من امه ....الجمال ...الشعر ....النضره
حته اذا زعلت حركات امها
طلعت من الغرفه مالت القبر.... ردت اسد الباب وراي مااكدر
احسها تصيحني وتصيح للجهال
بابا خلي ماما تجي ويانه....تخاف وحدها هنا يجي عوووه
فتحت الباب رجعت.... نمت علئ كبرها ضليت ابجي بالربع ساعه
اصرخ ....اون ....اعاتب
اتالم
انكسر كلبي ... شسوي حتئ ارتاح
مريم انا يمج ومامرتاح ...شلون لمن افاركج هناك بالبيت
بابا بابا....
ها بويه جاي.... وين اختك جيبها
راحت هناك ..... وره بذووونه
فزيت علئ حيلي..... طلعت.... حوري بابا وينج
رحت وره المقابر الي يمها
ماكوو
اصرخ عليها ماكوو.....شايل علي وادور
تفرفح كلبي... وين راحت بنيتي.... رحت لهناك وارجع اصرخ
لكيت دفان يشرب جكاير بغرفه زغيره.... سالته كال لا ماشفتها
ضل يدور وياي..... ساعتين وانا ادور.... امشي وادور وابجي
بنتي نخطفت موو
لا خوويه.....انا هنا من الصبح ماشفت احد دخل هنا..... انتم من شوكت هنا
صار اسبووع
شنو تستهزء انت....
عمي مااستهزء بس صار اسبوع هنا من الدفن لهسه
ها عرفتك سمعت بيك كالو ماتفارك زوجتك والكل يسمع ونينك بليل
الله يصبر كلبك
اششش اسمع صوت
اركض منا ومنا....مااعرف منين جاي..... اتقرب
يقرب اكثر....الصوت مني
حوري بابا وينج
باباااابااااا
وراي...حفره كلها بطاله ماي.... وجكاير وزبل
حوري واكعه بيها
شلتها منها..... بس نص روحي راحت مني
وذاك النص راح وي مريم
حضنتهم وضليت ابجي باقوه صوتي
بويه انت رجال وعاقل هجي حالتك شخليت لنسوان ...الله يصبرك وينسيك .... ويعوضك
عمي انت ماتعرف انا شنوو مفارك
طلعت من المقبره.... ورحت للبيت
اول ماطبيت صادف خميس....ومسوين خميسيات... والكل تلكاني... والنسوان ضلت تتصارخ
لاكتني امها ... شبكتني وضلت تنحب وماصبرت علئ نفسي وانحب وياها...هنا كانت تلاكيني مريم وتضحكلي
اي اليوم متاخر لازم حلوات يجنك للمحل موو يلا احجي كم وحده اجت
يمكن 2
اي خووش حلوات موو وشحجيت وياهن
خل ابدل واكولج شحجيت وياهن
لا هسه احجي والا مااخليك تدخل للبيت
ولج وخري منا تعبان ....واريد ارتاح واريد 😉 ..
عمر احجي شكالك النسوان...
وحده طويله زركه كالتلي بشكد هاي الفرشه كتلها 90 كالت ماتصير 50 وحاضر كتلها لا وضلت تدردم وطلعت
والثانيه اجت تضحك وفرحانه
اي خووش والله عليمن فرحانها كون مافرحت بدنياها
كالتلي ياطويله العمر.....
اي شكالت
كالت عرس ابن ابني واريدله نزله من الزينات وغاليات حيل
كتلها حجيه الزينه كلش ومثل الطرحه ب250. كالت اي خوش 25 اخذها كالولي غاليات 35
حجيه تردين غاليه وزينه مو
اي هي هاي الزينه .....
اي والله يوليدي كنت حاسبه احسابي 35 خووش راح اضم ال10. تفيدني العازتي يمه خاص بصفحتنا قصص عراقيه واقعيه حجيه شتحجين اكلج 250
يعععع يمه صبار عزززززه شنو 250. هي شنو فرشه فوك الجربايه
ماكتلك اريد النزلن وقريوله وياها
اي حجيه.. هاي موديل ونفش وكلوووشه.. ضلت تدردم وراحت وكالت خو اشتري بيهن محبس ذهب الها واتشيم كدام النسوان
ضحكنه عليها ندخلنه جوووه..بدلتلي هي ومشطت شعري
ودلكتني وغدتني بأيديها الحلوووه
وغفيت بأحضانها.....
مريم ..... اه هنا كان ضحكنا...هنا نغسل الطارمه... واذب عليج من ماي الصوندا
وانتي تصرخين....هنا لاكيتج....وكتيلي حامل بحوري
هنا من رحت اجيب التسوق مالت محلي ولاكيتيني وشبكتيني حيل
هنا.....وهنا وهنا
بيومها نمت ابيت مرتضئ.... حنيت الها... احس نفسي مختنك....مااتنفسك .....مخنوك عبره وحزن
اول ماطلع الفجر ... رحت للنجف
ورحت الها....
يـ #آبن_گلبي ❤
ٵلخذاڪ م̷ـــِْني غفل اسمه #الموت
كسر ضهري وللابد ما اسامحه
جنت اقرالڪ #شعر لم̷ـــِْن اجيڪ
هسه اجيتك حتى اقرالڪ #الفاتحه 💔
بّنات للعلم هاي القصه حقيقيه وكل كلمه مكتوبه صارت ويا عمر الله يصبره
محد مخرب الجهال غيرك ....
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
