رواية غرفة العمليات الفصل السابع عشر بقلم جمانه السعيدي
اسيل... بعد سنه من عملنا سوا
بهاي السنه ماخلصت من تلميحات ثامر
اعرف هو يحبني ويمكن هو اكثر شخص مناسب اليه
لان ثامر مثقف وحنين ونفسيته حلوه
لا بخيل لا طماع لا شكاك
بس اني متردده ماعرف ليش
يوم اجانا تصوير عرس طلعنا انا ويااا بلسياره
ثامر.. اريد احجي وياج بعد هذا الموضوع مااكدر ااجله اكثر
اسيل...تفضل
ثامر...يمكن اني اكبر منج بهواي بس الحب مايعرف عمر
اني صار سنه اشتغل وياج
اعرفج زين وأعتقد انتي هم تعرفيني
اني الصراحه احبج اي احبج وكانما بعمري ماحبيت قبل
مجاي اذكر اي شي عن حياتي قبل
ذاكرتي مزدحمه بصورج ياريت لو ملتقي بيج من زمان
ياريت لو ضروفنا احسن
ياريت لو تقبلين اعبرلج عن مشاعري
احس نفسي رجعت مراهق
اني اريد اتقدملج ياريت تقبلين بعمري مراح اخليج تتندمين يوم على هذا الارتباط
اني جمعت مبلغ زين بهاي الفتره
بس توافقين راح انطيج هذا المبلغ اللج
اعتبري مهر هديه بكيفج اي شي ماعندي مانع
بس وافقي ولا اضيعين يوم من عمرنا زياده واحنا كل واحد بمكان
جمانه السعيدي
اسيل...خايفه اعيد تجربة الزواج مره ثانيه
ثامر...مو كل اصابيعج سوا اكتبي اي ضمان انتي تردي واني مستعد أوقع علي
تردين تكتبين عليه كمبيالات ماعندي مانع
اسيل.. بعمري مافكرت بهاي الطريقه ابد الفلوس
مو مهمه اهم شي الانسان الي راح اعيش ويااا
المهمه المعامله الطيبه
الفلوس تجي وتروح يمكن رب العالمين يلتفت علينا ونصير اغنياء بين بين يوم وليله
ويمكن امورنا تتخربط ونكعد على الحديده
الفلوس شي متغير ولو هو عصب الحياة
بس الحب والاهتمام والتضحية هاي اشياء اساسيه بلحياة وثابته
ثامر... انت ماتعرفين اني شكد احبج لا مو بس احبج
اني مااكدر اتخيل حياتي يوم واحد من دونج
هذا مو مجرد كلام لا هذا احساس عايش بداخلي
يمكن اني بهذا العمر عندي احساس الحب يختلف
اني واعي وفاهم للشي الي جاي احس بي واكوله
وافقي وبعمري مراح اخليج تتندمين
جمانه السعيدي
اسيل.. افكر وارجعلك خبر
وصلنا المكان العرس منطقه شعبيه بس وكفت السياره
الجهال اجمعو علينا
نزلنا عدة التصوير وقفلنا السياره
اجا رجال استقبلنا اني اخذوني البيت العروس بلشارع الثاني وثامر دخل البيت العريس
بقينا اني وياا على تواصل
عائله بسيطه كلش بس شكد اخذو صور ياربي يعني كل أفراد العائله جبير وزغير يريد صوره وحدا وياا العروس
حتى الجوارين هم يردون كل واحدصوره وحده وياا العروس
طبعا ثامر مسويلهم تخفيض على الصور
المهم طلعنا وياا الزفه وصلنا البيت العريس
بس دخلت العروس جوا واني جاي اصورها هي والعريس
راسا سمعنا اطلاق نار
جمانه السعيدي
العريس طلع يركض النسوان كامن يعيطن
بعدين إطلاق النار اشتد اهل العريس مسلحين
والجهه الثانيه هم مسلحه
طلعت العروس عدها ابن عم يريدها بس واحد ساقط
بلا اخلاق
وناهي عليها بس ابوها رافضه من متقدم الها
اني من سمعت إطلاق النار أشتد
حرت وين أضم نفسي
ياربي هاي شنو من ورطه دخيلك ربي
اتصل عليه ثامر
ثامر...حبيتي وين انتي لا تخافين
اسبل..اني خاتله بلغرفه جوا هذا شنو
ثامر...لا تخافين عركه بسيطه لا تطلعين اخاف عليج
لمن اني اكول اطلعي يله اطلعين
اسيل. خايفه
ثامر...لا تخافين ابقي جوا لا اطلعين
نص ساعه والرمي رشق من الجهتين واني جوا وارجف
ياربي هاي شني من ورطه
العروس تبجي وخايفه
بس مادام دخلت بيت العريس بعد ابن عمها ماله حق عليه
وكف صوت إطلاق النار
اتصل عليه ثامر
ثامر.. شويه اتصل عليج اطلعين بس الشرطه بلشارع
حاصرت البيت
ومجموعه راحو ورا الولد الي اطلق نار
اسيل...الحمد لله ختمت القرآن من الخوف
ثامر...اني وياج وتخافين
اني اخليج بروحي مستحيل احد يقرب عليج
نص ساعه تقريبا حتى الاذان خلص والناس بعدهم مخبوصين
حتى المعازيم كله طلعت من بيتهم
والا كل بقى بلجدوره دخيلك ربي هاي شنو من زواجه
اتصل عليه ثامر كال اطلعي اني منتضرج
طلعت وهو اجا عليه هاا انتي زينه
اسيل.. خل نرجع للبيت نشف دمي خاف يرجعون يتعاركون مره ثانيه
ثامر...بعد مااخذج هيج أعراس ابد جان ضعتي مني
انعل ابو الشغل انتي عندي اهم من كل الشغل
صرتي احسن
اسيل ...الحمد لله
رجعنا للبيت هذا كان اسوء عرس صورته
جمانه السعيدي
بعدها بشهر تقريبا اجانا بليل ثامر احنا متعودين علي يجينا
كل ليله علمود حمودي لو يجيبله ملابس لو ينطي مصرف
ثامر...اني اليوم جايك بطلب
بابا...خير احجي
ثامر..اني جاي اطلب ايد اسيل
بابا وامي واحد يباوع على الثاني مستغربين من طلبه
بابا .... اسيل تزوج اسيل
ثامر...اي اسيل اني احبها وما استحي اكول احبها
ومستعد الكل طلباتكم
اني مجمع ٥٠ مليون ذني اعتبروهن مهر اسيل
ولو عندي اكثر ماابخل عليه ابد
واذا تردون بعد اكتب كمبيالات باي رقم تحددونه ماعندي مانع
بابا...الله يستر شنو كمبيالات شنو هو زواج لو بيع وشرا
امي...فاجئتنا بس اني موافقه لان انت تستاهل اسيل
بابا...واني اكون سعيد إذا وافقت عليك
امي...هاا اسيل لاتكولين مااعرف وتفاجئتي مثلنا
اسيل...اريد وقت افكر
ثامر...اني اريدج واحبج واهلج موافقين بعد شنو هلتفكير
العمر جاي يمشي بينا
بابا...وافقي حبيبتي الخاطري اني اضمن ثامر اني اتكفله
اسيل...مااعرف
امي...يعني موافقه لووووش لووووش
اسيل..ماما
امي...اريد افرح بيج واذا ثامر راح يكون زوجج راح اكون مطمنه عليج
اسيل...ذني الفلوس نشتري قطعه ارض واذا رب العالمين مكنا نبينها بلمستقبل ونكعد بيها
ثامر...بس ذني حقج اني اشتري بيت
اسيل...هسه نشتري بيهن ارض ونجمع عليهن ونبني بيتنا
جمانه السعيدي
اثثنا المشتمل الي كاعد بي ثامر اثاث بسيط
كلش بسيط وزوجنا بي
شكد جنت حاسه بحب ثامر بس بلحقيقه طلع يحبني اكثر
كل يوم يمر عليه احس نفسي سعيده ومرتاحه ويااا
يخاف عليه بشكل مو معقول
اما حمودي رفض يجي ويانا يريد يم امي
امي طايره بي شكد مهتمه بي
السنه الي بعدها حملت صار عندي بنيه سميتها ماسه
السنه ٢٤ اني عندي ولد وبنيه وقطعت الارض بعناها وكملنا عليه فلوس واشترينا بيت زغير بس مرتب حيل
وحمودي لسه عايش وياا امي مايقبل يجي يمنا
امي ماتقبل تعوفه
خصوصا خواتي ازوجن ثنينهن والبيت فرغ على اهلي
حمودي مالي عليهم البيت
ام حمودي كلما تجي زياره البيت اهلها يعني كل ست اشهر هيج لان ازوجت بغير محافظه
تجي اتشوف حمودي وجيبله ملابس وهدايا
اتكول اني مطمنه على حمودي عدكم
بلنسبه للشغل ثامر وبابا يشتغلون
واذا اكو حفله او مناسبه نطلع اني وثامر والجهال اعوفهم
يم امي تنتبه عليهم
الحمد لله اني سعيده بكلشي اجا من رب العالمين
لان كلشي يجي من رب العالمين حلو
الحمد لله كما ينبغي أن يحمد
دمتم سالمين
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
