رواية كبرياء شيخ الفصل السابع عشر 17 بقلم زينب

كمره:سمعتها وانه صارت غصه بكلبي وحسيت بخنكه بعد ما كدرت ارد عليها ظليت اشهك وابجي بصوت سمعتني امي دخلت علي مخروعه من شافت وجهي وانه حتى ما كدرت اطلع كلمه كلش اختنكت شفتها وشمرت روحي بحضنها اشهك وابجي 

ام صلاح:يمه اسم الله الرحمن شبيج يا بعد روحي ليش هيج حالتج

كمره:ما كدرت ارد عليه احس شي كاض الساني بس شهكتي زادت وهي من شافتني لمتني لحضنها وأحس شي قابض روحي 

ام كمره: ولج يمه احجي لا تكطعين كلبي اصيحلج ابوج واحد من اخوانج نرجعج للمستشفى يوجعج شي

كمره:هزيت براسي لا بس خليت راسي بصدرها واتذكرته قبل ساعتين جان نفس المنظر وانه راسي بصدره حسيت بحنيته شويه وهدأت وانه بحضن امي شافتني بديت اغفي خلت راسي على رجلها وهي ظلت تلعب بشعري وما حسيت بعد على شي 

احمد:بعد الصار والضغط الي شفته اخذت قراري اسوي الي اريده بدون ما اكل لأحد صعدت سيارتي ومشيت لمكان هادئ قريب على الشط نزلت حتى ارتاح وافكر شسوي تلفوني قفلته ما ردت اسمع واشوف احد بس بعدين تذكرت اخاف يوصلي خبر من بغداد رجعت فتحته وشفت آلامه مكلوبه على بالمكالمات والرسائل كلهن اجاهلتهن شويه واتصلت على نقيب كرار كال ل وصلنا خبر منهم انه شلون العيد واجاني كتله انه جايك اعتبرني باجر الصبح يمك

نقيب كرار: وين يا معود جاي هنا كتلك لزمنا راس الخيط ما لزمناهم

احمد: وانه مو غبي حتى اخليك تلزمهم كبلي

كرار: احمد بداعتي عندك عوف الشغله علينا احنا نحلها وحقكم يوصللكم مربع

احمد: وداعتك كرار انه اسلمهم الك بس اول مره انه اخذ حقي بأيدي

كرار: لا تخليني اندم لأن كتلك 

احمد: لاوالله ما اخليك تتندم لا يظل بالك انه اعرف شلون اتصرف

كرار: والله اني ما مطمن من ناحيتك راح اسايرك وانطيك الاخبار اول بأول بس توعدني تخليني بالصوره اي غلط معناها اخسر شغلي 

احمد: لا تخاف مو انه الاذبك بالنار 

كرار: ماشي لعد دير بالك من الطريق دنيا ليل وانت عنودي شورطني وصرت صديقي شجابني عليك

احمد: ههههه حظك الأغبر لا يظل بالك الله وياك

رجعت قفلت التلفون وصعدت السياره • بـٰٚـِْسـ᷈͟ــرﻋه وانه طاير كبل لبغداد ظليت الليل كله اسوق صار عندي حماس من بعد خمس ساعات وصلت لبغداد جانت الساعه ثنتين بالليل رحت لفندق ما ردت ازعج كرار بهل وقت 

وهم ارتاح وانام كعدت الصبح على الساعه ٧ سبحت وبدلت وفتحت تلفوني اتصلت بكرار رد علي بتعب الظاهر جان خفاره 

كرار: الوووو ولك شتريد توني نايم منعول الصفحه 

احمد: وين انت انه جايك

كرار: وين تجي ولك انه بالبيت جانت خفارتي امس 

احمد: جايك للبيت

كرار: تعال حتى انيمك بصف بيبيتي

احمد: ههههه حتى لو يم جدك انه جاي 

كرار: خرب هذا بالله شكله نعله على ابليسك

احمد: لا دردم جايك 

كرار: عمي تعال امري لله شوف بس تخلص شغلتك لا اعرفك ولا تعرفني كلمن بطريق

احمد: هههه ليش هو بكيفك يله ارجع نام لحد ما اجيك

كرار: شنام بعد طيرت ابو النومه 

احمد: وصلت لبيت كرار تلكاني بالباب طبعا كرار صديقي جنا بغداد مأجرين نفس السكن هو من أطراف بغداد لهذا جنا احنا مجموعة شباب مأجرين شقه وصارت صداقه بيناتنا بس كرار احسه كلش قريب علي ويفهمني وبينا ميانه واسراري كلها يعرفها حتى قصتي القديمه جان محضر الريوك كيمر عرب وكاهي واجبان يكلي اعرفك تحبهم تريكنا وطلعنا اتصلت بالزلم الي مخليهم ابوي يراقبون وحذرتهم يوصلون خبر لحد ما انه اكللهم جنا نتاني من طرف كرار عنده واحد تقريبا يعرف كلشي عنهم وين هما وشلون نكدر نوكعهم بدون ما يتأذى احد انطانا عنوان بيت تحركنا على العنوان وصلنا بس ما لكينا احد بس باقي اثر الهم يـ؏ـنـي جانو فعلا موجودين بوكتها كلش تهسترت كسرت كلشي موجود بالبيت وكرار يهدي بيه ويكلي وداعتك تلكاهم وين يرحون قابل يطيرون وظلينا على هل حال اسبوع ندورحتى كرار تعب خطيه جان عنده دوام عافني وراح وانه خلال هذا الاسبوع ابد ما اتصلت بأهلي ولا اعرف اخبارهم 

وهم ظال بالي يم كمره جنت بهل فتره كلش اشتاق الها عندي صوره الها بالتلفون طبعا اخذتها الها بدون ما تدري صوره عفويه كلما اضوج واشتاق الها اطلع التلفون وأظل اباعلها واشتاقيت حتى لسانها وانه مندمج وصافن على صورتها دك تلفوني واحد من الزلم اسمه جهاد شلته وكتله الووو 

جهاد: شيخ الك البشارة كضيناهم 

احمد: الله يبشرك بالخير انتم هسه وين 

جهاد:شيخ احنا هسه بخرابه 

احمد: اسحب كل الزلم ودزلي العنوان برساله وانه جايكم مسافة الطريق 

جهاد: صار شيخ بس شلون ابوك يتاني مني نشد 

احمد: معليك بيهم انه انطيهم خبر 

جهاد: هذا هو نتانيك

احمد: طرت على السريع بس تعرفون شوارع بغداد كلش ازدحام بألف ياعلي وصلت الهم جانو بمنطقه شبه مهجوره وبيها خرايب شافني جهاد من بعيد لوحلي بأيده وصلت يمه ونزلت وكتله وينهم

جهاد: شيخ بداعتي عندك وغلاة ابوك لا تتسرع فكر بعقل موش بغضب 

احمد: لا تخاف 

عفته ومشيت بس ردت اشوف ذوله الجلاب دخلت وشفتهم حشاكم ما يسون نعال مكطع بس شفتهم تفلت عليهم وطلعت لأن لو باقي يمهم دقيقة جا خلصت عليهم شافني جهاد

جهاد: ها شيخ شراح نسوي هسه

احمد:انه مخطط لكلشي اول شي راح اتصل بأخواني وخصوصا عمار لازم يجي هو بنفسه 

اتصلت بعادل هاي اول مره من بعد اسبوع رد

عادل: الووو وينك عدل ميت بالله هاي سوايه تسويها ما كلت ابوي مريض وامك راح تموت احمد انت مو صغير 

احمد: ولك خل احجي اكلتني حاصل فاصل حتى سلام ماكو 

عادل: خويه اعذرني بس دكتك ما تسولف 

احمد: هسه اسمعني اول شي طمن امي وابوي علي واريدكم تجوني لبغداد 

عادل: يعني سويت لبراسك ورحت لبغداد

احمد: جا يخليني اكل تبن واكمل

عادل: حشاك خويه من التبن كمل 

احمد: تجون انتم الولد ابوي لا تنطوه خبر ضروري باجر انتو يمي 

عادل: وشكل لبوك بالله 

احمد: ما اعرف اخلق اي شي بس لازم تجون ومن هسه طلعوا وخصوصا عمار ضروري يجي وياك

عادل: ماشي 

سديته وانه ادور حجه شكل لأبوي والله ما ادري خل احجي ويه الولد اول مره ونتفق على شي 

خابرت الهم بسكته حتى امي لا تشم خبر واتفقنا بغرفتي نجتمع شويه واجو 

وسام: خيرك عادل شصاير 

عادل: احمد خابرني يريدنا نروح ابغداد احنا الولد بدون ابوي ما يريده يعرف

عمار: ليش وهو جان ابغداد هل فتره كلها

عادل: الظاهر جان هناك هــ͒ــسهہ ما علينا شراح نكللهم 

وسام: خلوها علي انه الوصها الكم لوص اخليهم دايخين وروح حبوبتي 

عمار: يله يا حلو ورينا شطارتك

وسام: هسه تشوف امشونا

نزلنا امي وابوي جانو بالصاله ويمهم بيت عمي كلهم دخلنا كلنا فد سلمنا وكعدنا 

يابه احنا باجر قررنا نسافر لبغداد نجيب احمد ونجي 

الشيخ: انتم تسودنتوا بويه مثل اخوكم

وسام: بويه وداعتك باجر اذا ما اجيبه يمك ما اطلع انه وسام ابن الشيخ

الشيخه: شلون بالله يالمطركع تجيبه 

وسام: يمه ٲℓانــتيہ مو صارلج اسبوع تبجين وكاسره خاطري خابرت لصاحبه نقيب كرار واتفقت وياه على كلشي 

الشيخ: وشتفقت بالله وياه ليش هو يسمع احد حتى يسمعك

وسام: بويه وداعتك نجيبه باجر حتى لو اضطرينا نجتفه جتوف واحنا رايحين ويانا ولد عمي ما يكدر النا ادري كلي هو جم دوب هناك

الشيخ: محد يروح وانتم تنجبون وتكعدون

وسام: بويه هم راح نكله ابوك نايم مستشفى وامك غضبت عليك وأبوك رايد يشوفك يجوز هاي أيامه الاخيره 

الشيخ: الله يطيح حضك موتتني ولك 

عادل: هههههه لا يابه بس هاي خطه لازم يقتنع تعرف احمد مو غبي 

الشيخ: جا خطتكم تموتوني

وسام: بويه هسه انت متت ماشاء اللهُ عليك تلاوي عشر زلم

الشيخ: راح اكوملك اكسر ضلوعك وحك علي 

ابو سلمى: خويه لا تعصب منهم الجاي يسوه عين العكل لازم يرجعوه جم دوب ظال هناك وانتم هنا متزوهرين لا ليلكم ليل ولا نهاركم نهار 

الشيخه: خويه وداعتك تاليها اموت من وراهم 

ابو سلمى: اخيتي ام احمد انه ولدي هم راح يرحون وياهم وهم كلبي يظل يلوج عليهم بس شنسوي هو هناك وحده ما يصير 

الشيخ:روحوا والكلب داعيلكم بس اذا ما رد وياكم لا تجون 

الشيخه: ياااا على بختك شيخ 

الشيخ: هذا شرطي وهما اعرف بعد

عمار: • ﺂنٰ شۨـِﺂءۙ ﺂللـِه۫ہ ٰبويه وداعتك نجيبه من هل ركبه

الشيخ: انت ما تروح جرحك لساته اخضر 

عمار: هاااا

باوعت لوسام واشرتله يلف السالفه ويقنعه

وسام: لا بويه لازم يروح عمار اكثر واحد يكدر يقنعه اذا ما اقتنع نخلي عمار يسوي روحه دايخ ويريد يطيح وهو احمد كلبه رهيف وداعتك يجيبه الك بطياره

الشيخ: بويه انت صدك ملعب 

عادل: هااا بويه اقتنعت 

الشيخ: توكلوا بويه ومن توصلون انطونا خبر 

كمره: بعد ما مخابره هاي الحيه سلمى ومرت فترة اسبوع وانه حاولت اتصل بي واعرف منه شخصيا بس ماكو جهازه كله مغلق حتى خابرت على امه اسأله هم نفس الشي ما يعرفون عنه خبر اقتنعت كليا بكلام سلمى وقنعت روحي لازم اتركه بعـٌـــٌِد. هو هج لبغداد وانه السبب بس كلبي ما يطاوعني اكو شي يمنعني ويظل متمسك بي بس جم دوب اظل متعلكه بأمل ضعيف لازم احطله حد حتى لو فعلا بديت احبه لازم أدوس على كلبي ما دام بعدني بالبدايه ما اريد أتعلق بي ‹ ـِﭑخـِۧﭑﺂڣ من التالي اخذت قراري لازم انفصل عنه يجوز انه صدك عثره بطريقه وهو عنده حبيبه ما يكدر ينساها انه شكو بعد بيناتهم بس اول شي لازم اقنع اهلي واولهم ابوي جمعت كل قوتي ورحت لبوي جان كاعد بالديوان ويمه صلاح وحسن وحسين وعباس والباقين طالعين وامي شافتني استغربت واجت وراي عرفت انه وراي مصيبه

دخلت كتله يابه اريدك بسالفه

ابو صلاح: خير بويه احجي 

كمره:سكتت وردت أتراجع ....

صلاح: احجي خويه صاير شي يوجعج شي

كمره: هااا 

لا بَس انه قررت انفصل عن الشيخ ما اريده بعد

ابوصلاح: تحجين صدك بويه 

كمره: اي يابه اذا صدك تحبني وما تريدلي الاذيه خلصني منه

صلاح: لج شنو بكيفج ٲℓانــتيہ تلعبين علينا 

ابوصلاح: بويه صاير شي بيناتكم سولفيلي ورجيني حتى من يجي واحجي وياه عندي حجه عدله 

صلاح: يابه انته من كل عقلك تسايرها 

ابو صلاح: انت اسكت احجي بويه

كمره: ما اريده وخلص وهذا قراري واذا جبرتوني والله العظيم انتحر بليله ظلمه واخلص منه

صلاح: سمعته وانه فرت كمت الها وضربتها راجدي وردت اكتلها كتله غسل ولبس بس اجو الولد وابوي وكفوا بوجهي

سمعي الظاهر دللناج زايد وحك هو العباس ابو فاضل اذا ما عقلتي اشرب من دمج وانه بإيدي اذبح

ام صلاح:صلاح هاي تالي عمرك تمد أيدك على اختك تضربها بوجها وهي لسه ما طايبه 

صلاح: واكسر راسها بعد بتج هاي ما حامده الله وشاكرته وهذا كله دلالج ودلال ابوي

ابو صلاح: استجن واكعد كمت جنك ثور هاي بوجودي ضربتها جا شلون من اموت 

صلاح: بويه عمرك طويل بس سمعت شكالت تريد تنتحر على شنو غير تفهمنا الولد شسوالها 

الولد: خويه لا تعصب خل نعرف شعدها ترى الضرب ما يحل المشاكل بس يزيدها

صلاح:ٲٳٲسـ๛ۖــۖـتغفـر اللهہ

يله هدأت غردي كولي ليش ما تردي

كمره: اباعلهم وانه مصدومه اول مره صلاح يمد ايده علي شلون صارت عندي ردة فعل ظليت كاضه خدي وابجي كلش انهضمت من عنده سألني وكلي احجي 

شحجي شتريد تعرف بجي هااا

هنا انهاريت وكمت اصيح

واذا اكلك ما يريدني واذا اكلك يكرهني واذا اكلك تزوجني بس حتى يرضي امه واذا اكلك عنده حبيبه واذا اكلك هج من بيت اهله جي ابوه طلب منه يسرع بالزواج بعد شتريد تعرف

والله وامان الله اذا ما خلصتنوني منه يجي يوم وتلكوني ميته بفراشي

عفتهم ورحت ركض لغرفتي دخلت وقفلت الباب وظليت ابجي بصوت عالي وبحركه وامي لحكتني ورادت مني بس افتح الباب ما فتحته ملت مني وراحت وسمعته رزلت صلاح 

احمد: ثاني يوم اجو اخواني لبغداد اتصلت بيهم وانطيتهم العنوان واجوا استغربوا من المكان والمنطقه تلكيتهم وحضنتهم كلش مشتاقلهم

وسام: احمد شنو هذا المكان بس لا صاير عصابجي 

احمد: اكل نعل عصابجي شنو ولك ما تعقل انت

عادل: خويه عوفك منه كلي انت ليش هنا 

احمد: محضر الكم مفاجأة تعالوا وراي

فعلا دخلوا وشافو الولد الكضيناهم ما عرفوهم بس عمار عرفهم شافهم وانصدم 

عمار: احمد شلون كضيتهم ذوله العار

احمد: لخاطرك كلشي اسوي هسه هذوله يمك اخذ حقك منهم بأيدك 

عمار: لا يخوي ما اريد انكس ايدي ذوله ما يستاهلون

وسام: خويه عوفهم علي وانه انطيهم المقسوم 

احمد: عمار هاي فرصه وهذا حقك اذا تنازلت عنه يتمادون وياك انه كوه كاض روحي من امس لليوم ردتك انت تاخذه بأيدك 

عمار: خويه انه لو تصرفت مثلهم اصير انكس منهم 

احمد: معناها انت تكتر على صفحه بس قبلها لازم اسوي شغله

رحتلهم وكلت منو منكم اخو البنيه

سعد: اني شتريد منها مو كافي احنا

احمد: انلصم رآح انطيك تلفونك تحجي وياها اريدها تجي لهنا واذا رفضت اكص راسك واخلي بكارتون وادزه هديه لأختك 

عمار: احمد بغلاتي عندك عوفها ما اريد منها شي

احمد: انت مو تكول عوفهم اذا ما تجي اخته هنا وتعتذر منك وتبوس رجلك ما اعوفهم واحفرلهم كبور هنا وكدام عينك 

عمار: شلون سالفه هاي خويه ما راح يتغير شي 

احمد: شوف انه قافل عليهم كلش اذا رفضت شوف هذا السلاح هسه افرغه بروسهم

سعد: خلص انطيني التلفون

احمد: اعرفك نذل تسويها حتى تخلص روحك انطيته التلفون ودك عليها

هديل : الووو ها حبيبي سعودي وينك ظال بالي عليك

سعد: لا يطل بالج اريدج تجيني بمكان 

هديل: وين دزلي دزلي العنوان برساله

احمد: اخذت التلفون ودزيت عنوان بغير منطقه وديت جهاد يروح يجيبه وكتله لا يجيسها ويسويلها اي شي مهما يكون احنا ما نمد أيدينا على حرمه ورى نص ساعه تقريبا اجى وهي وياه بس شنو خالسها خلس وصلت وشافت اخوها وابن عمها وهي تخبلت ظلت تبجي وتصيح وتغلط كتلها كلمه زايده افرغ السلاح برأس اخواج الصمي احسن الج 

هديل: شتريد من عدنا 

احمد: اشرتلها على عمار هي اندارت وشافته 

هديل: هذا انت يا حقير كول شتريد مني الله ياخذكم كلكم انتو مو بشر انتو عصابه

احمد: جا الي سووا اخوج وعصابته شتسمينه 

هديل : يستاهل وازيد بعد

احمد: خوش انتي الردتيها شلت السلاح وسحبت أقسام وضربت طلقه بصف اخوها هي انصدمت وظلت تصرخ وكالت خلاص كول شتريد مني اسوي بس لا تأذيهم 

اعتذري من عمار كدام الكل واذا اظطر الوضع حتى تبوسين رجلي ماشي

هديل : وتعوفهم 

احمد: هههه مو بهل سهوله 

هديل: ما اعتذر اذا ما تعوفهم 

احمد: لج بابا حياتهم بين ايدي شروطج ما تمشي عدنا الطلقه الجايه براسه اعتذري وفضيها 

هديل: خلص رآآح اعتذر 

عمار: صح انه فرحت من شفتهم بهل وضع بس ما ردت اسويلهم شي هسه تكولون جبان بس لَا هذا طبعي ما احب المشاكل اريد هل شي يخلص بسرعه حتى اخلص ومن شفتها اجت ومن انهارت صح رف كلبي عليها الي يحب صعب ينسى وخصوصا احنا نحب من كل كلبنا 

بس بنفس الوقت احتقرتها وما ردت اشوفها بهل منظر هي اعتذرت ورادت تنزل تبوس رجلي بس ان ما قبلت عفتهم وطلعت بره يم الزلم 

احمد: هسه خلص شغلنا وياج راح ترحين ويه جهاد نفس الرجال الجابج يرجعج لنفس المكان 

هديل: وهما شسوي بيهم

احمد: ٲℓانــتيہ معليج باجر يوصلج خبر منهم

هديل: ما راح تموتهم مو انت كلت وعدت 

احمد: لج لو اريد اكتلهم ما اظل لهسه روحي هسه 

طلعت واتصلت على نقيب كرار 

كرار:الووو هسه من اسبك احد يلومني

احمد: سب براحتك تعال لهذا المكان راح اوديلك العنوان برساله وجيب وياك دوريه 

كرار: كضيتهم هااا وانه اكول ليش مختفي احمد لا تسوي شي وياهم بداعة كل غالي عندك

احمد: تعال بسرعه

بقينا انه وسام وعادل 

اشرتلهم كضيناهم موتناهم خلصنهاهم شوهناهم حطيت ضيم كلبي كله بيهم اخر شي كتلهم اذا سمعت منكم اي واحد بس لامح عمار بعينه لمح مرت الثانيه تطلع جنايزكم منا 

واجى كرار شافهم وحجى 

كرار: ولك شمسوي بيهم هسه حتى اهلهم ما يعرفونهم

احمد: حتى مرت الثانيه ما يسوون دكتهم الناقصه

كرار: ولك من وراك حتى رتبتي راح يسحبوها 

احمد: انت نقيب كرار اعرفك لوتي محد يكدرلك كلهم لكيناهم بخرابه واسكت 

كرار: الله يلعن الساعه الشفتك بيها

احمد: انه رايح هسه خلص شغلي بغــ🏢ـــداد وانت توكل شوف شغلك وأي تنازل من عدنا ماكو بيقون يخيسون بالسجن حتى يصيرون عبره لغيرهم 

هااا اتانيك تجي تزورنا بالبصره 

تسالمت ويااه ودعناه طلعت للولد بره شفت عمار رحتله باوعلي اجى شبكني حيل وهو يحجي 

عمار: الله يخليك الي اخوي وسندي وتاج راسي 

احمد: ويخليكم اليه ما دام انه عايش محد يكدر يمسكم 

بعد معاناة اشهر وأخيرا خلصت احس روحي ارتاحيت رجعنا للبصره بنفس اليوم وصلنا للسلف الجماعه عدهم علم كلنالهم على كل شي تلوكونا بالتفك والرمي صارت جبه عدنا غير العالم الي اجت تبارك وتتحمد السلامه لولد الشيخ نزلنا وشافنا ابوي اجى علي حضني وباس راسي وكلي

الشيخ: رفعت راسي وراس العشيرة 

وسام: هاااا شيخ شغيرك امس جنت تصلخ بأحمد 

الشيخ: انت انجب ولا تفك حلكك

احمد: يابه انت الخير والبركه وهذا كله تعلمته منك 

دخلنا للمضيف جنا تعبانين بس ما نكدر نعوف العالم عيب لحد الليل شويه خفت الوادم كتلهم بعد ما اتحمل اريد اصعد ارتاح كلش تعبنا 

ترخصت ودخلت ادور على امي ماكو طاك كلبي عليها هاي الغاليه اذا زعلت زعلها غالي صعدت ورحت لغرفتها دكيت الباب كالت تفضل

دخلت وشافتني وهي ركضت شبكتني وظلت تبجي 

يمه لا تبجين دموعج غاليه ترى ارجع 

الشيخه: ما اكدر يمه انت هل مره قسيت وياي كلش اشتاكيتلك وخفت عليك 

احمد: هذا هو يمه • خـٰــُِلصہ كلشي وداعتج بعد ما اعتب بره السلف اصلا راح اقدم على تعيين هنا بالجامعه واتقيد بعد ما اكدر أتحرك 

الشيخه: صدك يمه اي هاي الاخبار الزينه هسه روح ارتاح انت تعبان كوه فاتح عيونك

احمد: اي والله يمه كلش تعبان 

رحت لغرفتي سبحت وبدلت وردت انام ما كدرت ظل بالي على كمره كلت خل اخابرها اطمأن عليها صارلي اكثر من اسبوع ما اعرف شنو أخبارها 

دكيت عليها ماكو جهازها مغلق دكيت اكثر من مره وهي ماكو وانه منبها اكثر من مره ما تغلق الجهاز وديت رسائل الها كلت من تفتح الجهاز تستلمهن وبعدها غفيت

كمره: ظليت يومين ما احجي ويه اهلي ولا اطلع من الغرفه لحد ما اشوف البيت يفضى اطلع اكل لو اسبح وارجع للغرفه هل مره كلش قفلت وعاندت لو انه لو هو حتى امي خطيه مااحجي وياها لأن اهلي كلهم ما راضين على قراري حقهم يخافون يخسرون مصدر رزقهم بس انه شنو ذنبي اتعذب الصراحه صرت كلش انانيه وافكر بنفسي وبس وحتى خالتي اجت كم مره وصديتها ولا حجيت وياها ادري بيها ما تنطي بي وهسه تلومني وتلفوني قفلته ما اعرف اي شي وشنو يصير بره سمعت صوت رمي كلش قوي وسمعت صوت خالتي اجت ركضت قفلت الباب اجت دكتها وانه ولا جني اسمعها اسمعها تحجي ويه امي سألتها على الرمي كلتلها ولد الشيخ اجو من بغداد وماخذين ثأرهم وهما فرحانين انه هنا كلبي نغزني يـ؏ـنـي احمد اجى يـ؏ـنـي راح يصير كلشي صدك راح اعوفه شويه وسمعت صوت ابوي هم اجى وكال بويه فتحي الباب اريد احجي وياج 

ما رديت علي 

ابوصلاح: بويه ادري بيج ما تردين تشوفينا اريد اسمع منج هذا اخر قرار عندج انه هسه رايح لبيت الشيخ وراح افتح وياه الموضوع اريد اعرف قرارج 

كمره: فتحت الباب وكتله قراري انفصل عنه

ابو صلاح: هذا هو يجرالج انه رايح هسه 

كمره: راح بس انه كلبي راح وياه اكتشفت انه احبه وكلبي يوجعني علي بس كرامتي ما تسمحلي ابقى وياه ظليت ابجي اجتني خالتي 

فهيمه:مو هذا التردي عليش البجي بعد

كمره......

فهيمه: طاح حظج اي والله ما اكول غيرها نكيتي لحد ما طيرتي 

كمره: عافتني وراحت 

احمد: كعدت الصبح شابع نوم وأحس جسمي كلش ارتاح شلت التلفون عبالي هل بلوه كمره متصله بس هي ابد لا حس ولا خبررجعت دكيت نفس الشي كله مغلق كلت شسالفه اكيد صاير شي نزلت كالعاده تريكت وطلعت للمضيف 

جنت كاعد بالمضيف يم العالم الي تجينا تبارك واجى من ضمنهم عمي ابو صلاح بس ما يباوع بوجهي كلت يمكن بعده شايل علي من اهد ذاك اليوم سلم علي وكعد يمي وكلي شيخ اريدك بسالفه لوحدنا 

كتله حاضر امشينا نطلع بره طلعنا بره بس هو تحسه متوتر وما يعرف شلون يبدي 

كتله عمي شخيرك اشو مو على بعضك اذا بعدك زعلان مني أحسبني واحد من ولدك وحاسبني وانه شتامر اسوي

ابو صلاح: والله شكلك شيخ حاير شلون ابدي والله لساني عاجز يكولها 

احمد: عمي خوفتني شصاير 

ابوصلاح: شيخ راح اكول بس هذا قرارها موش قرارنا كلنا ما راضين علي 

احمد: عمي احجي لخاطر محمد 

ابو صلاح: كمره تريد تنفصل عنك 

احمد: سمعته كال وانه احس عيوني غوشن بعد ما اكدر اشوف بيهن شافني وسام واجى ركض علي سندني كتله عوفني ما بيه شي انت روح

ابو صلاح: شيخ بويه انه اتعذر منك 

احمد: عفته واكف ركضت بسرعه اخذت السويج وركبت السياره وكبل بدون مقدمات رحت دكيت الباب كسرته طلعت امها شافتني وظلت ترجف ما كلت شي بس كتلها وينها جاي تحجي ما خليتها تكمل دخلت كبل لغرفتها فتحت الباب هي شافتني وكفت متفاجئه يمكن ما جانت متوقعه اجي واخرب مخططها

دخلت وسديت الباب بالقفل حتى لحد يجي من اهلها لازم اعرف كلشي ومنها شخصيا

تقدمت عليه وهي ترجع لحد ما حصرتها على الحايط ولزمت فجها بأيدي وكتلها ليش

كمره: شنو ليش 

احمد: احجي لا تغشمين روحج ليييييييش بصوت عالي

كمره: عوفني ما اريدك يا اخي هي كوه

احمد: مو بكيفج غصبن عليج ترديني

كمره: ماكو شي بالغصب ما اريدك طلكني 

احمد: حاولت تدفعني بأيده لزمت ايديها ثنينهن وخليتهن فوك راسه وكتلها اذا ما تحجين وتكولين كلشي اليوم اذبحج بأيدي سمعتيني 

كمره: شتريد تعرف

احمد: ليش ما ترديني 

كمره: أكرهك اموت منك ما اطيقك تهسترت كلش وظليت اصيح علي طلكني طلكني ما اريدك 

احمد: لهل درجه واصله عندج تردين تطلكين مو 

كمره: اي خلصني متك 

احمد: تذكرين شكلت بالمستشفى لو لا 

كلت اذا بعد عدتي كلمة الطلاك مره ثانيه اخليج معلكه واكسرج بمره 

كمره: اي ليش فهمني شتستفاد يا اخي انت ليش طاغي 

احمد:انه مو اخوج جاوبيني شسمعتي خلاج تغيرين رايج ما اعوفج اليوم احجي 

كمره: تريد تعرف مو راح اكلك بس توعدني تطلكني 

احمد: احجي ولج زهكتيني 

كمره: انت عندك حبيبه وتحبها وهاي الك سنين تحبها وظامها بكلبك وانت انجبرت تزوجني بس حتى ترضي اهلك بس كلي انه شنو ذنبي اتحملك وانت كلبك ويه وحده ثانيه ليش ما خطبتها هي اولى بيك هو هذا حب حياتك عوفني وروح الها

احمد: سمعتها وانه انصدمت عفت ايديها وظليت افرك براسي وجهي بعصبيه وكتلها منين سمعتي 

كمره: معناه صح الحجي وانه الوم بروحي وعندي امل يطلع كذب بس طلع صح

احمد: كااااااافي عاد وكولي منين سمعتي 

كمره: ههههههه والله راح اتخبل شيخ بغلاتها عندك اذا تحبها صدك طلكني ما اتحمل والله 

احمد: سكتي لا تحجين لا تجيبين طاريها على لسانج 

كمره: ليش هاااا كول ليش طبعا ما تقبل احد يمسها بس انه حماره تأملت بشي مستحيل يصير

احمد: ولج سكتي كاااااافي كتلج كاااااافي 

فقدت كلش ما حسيت على روحي وانه اضربها على وجها ما اتحمل واحد يجيب طاريها 

كمره: تضربني على مودها مو هسه اذا ما طلكتمي والله العضيم اكتل روحي وابليك 

احمد: سمعت حجيها وانه تخبلت ما اكدر اتحمل تموت وحده ثانيه بسببي 

بس هي حجيها يجرح 

ما اطلكج سمعتيني ما اطلكج لو تموتين ما تمشين كلامج علي

كمره: هذا الي يهمك بس مو ما تتحمل امشي كلامي عليك اخلص مني وروح الها انت مو تحبها روح الها ليش تعذب روحك وروحها وروحي وياك 

احمد: خلص كااااافي عاد كاااافي ولج البنيه مااااااتت ماااااتت مااااتت فهمتي فهمتي 

كمره: هااااا 

انصدمت من كال ماتت وهو كلش انهار وفقد يمكن انه فتحت جروحه بأيدي 

الله لا ينطيج سلمى القذره التافه على هاي الدكه الناقصه مثل وجهج 

احمد: تعبت حيل بوكتها نهد حيلي رجعت تجيت على الحايط بتعب وهي من سمعت ظلت صافنه وجها ينطي الوان يمكن خافت ويجوز انقهرت على حالتي ويجوز شفقه ردت اكوم اجت تسندني رفعت ايدي وكتلها اصحج 

بس كليلي منو وصلج خبر وانه اطلكج

كمره:بلعت ريك وانه خايفه صدك يطلكني ما عبالي الأمور توصل هيج انه جرحته وقسيت علي بااحجي ويمكن هل مره صدك وصلت حدها هاي النهايه كمره هاي الردتيها 

كتلها سلمى بت عمك حجت الي كلشي 

احمد: هذا هو كمره لهنا وينتهي كلشي

انتي ......

كمره: سمعته كال انتي وتالي سكت انه خنكتني العبره ودنكت وحسيت دمعتي رادت تنزل وغمضت عيوني

وتالي لزم زندي قوي وصاح بيه

احمد: شعبالج اطلكج مو 

كمره: فتحت عيوني متفاجأة على وسعهن وكتله انه عبالي راح تطلكني 

احمد: تحلمين يا حلوه هسه اطلكج تعرفين ليش

كمره: ليش

احمد:ما انخلقت الي تمشي كلامها علي 

كمره:وبعدين

احمد: بس ما دام كلتي أكرهك وما اطيقك راح تبقين معلكه بمزاجي 

الوكت الي يعجبني انه اطلكج بي راح يوصلج خبر وبعد ما الي اي سلطه عليج اعتبري روحج حره من هل لحظه عيشي حياتج مثل ما يعجبج راح اعتبرج حالج حال الغريب ولا تخافين على اهلج ما راح اذيهم بأي شي 

اهلج ناس طيبين وفقره وعايشين على الله وغلطتهم الوحيده ٲℓانــتيہ بتهم مو الشيخ احمد الي يكطع أرزاق الناس ومن هل لحظه ٲℓانــتيہ بحالج وانه بحالي لو تصيرين بعد الهوا الاتنفسه هم اكطعه وامشي وبس الزم عليج لزمه حسبي نهايتج على ايدي 

كمره: انه اسمع كلامه وانه كلبي يوجعني حسيت خسرته نهائيا بسبب غبائي 

وعنادي كمل كلامه عافني وطلع وكالعاداة دموعي غدرني رجعت لفراشي وحضنت مخدتي احسها هي انيسي الوحيد واشكيلها همي لأن هسه اهلي بس يشوفوني بهل حاله يكلولي حل بيج تستاهلين يصير بيج هيج 

ربحت شغله وحده من هاي المواجهة هيه ما طلكني بس احسها شلون القنبله الموقوته يا ساعه يفجرها 

دخلت امي واخواني شافوني وانه منهاره بجي واجالي صلاح اخوي عبالي راح يحاسبني بس جنت غلطانه اجى سحبني لحظنه وشبكني وكلي ابجي يا روحي طلعي كل البكلبج لا تظلين كاتمه وانه اسف اعذريني انتي اخيتي وبنيتي ما اعرف شلون مديت ايدي عليج وانه صارلي يومين اكل بروحي اكل ولا يظل بالج اذا ما تردين احمد بكيفج هاي حياتج محد يدخل بيها هو يحجي ويبجي وياي وامي واكفه يمه وتبجي واخواني صاروا داير مدايرني حاوطوني جكد احنان عليه 

ربي لا يحرمني منكم ويحفظكم اليه 

حسن: خويه لا تشيلن هم شتردين فصلي واحنا نلبس ما نكدر نشوف دمعتج 

حسين: ادري جم كمره عدنا هي بس هل وحيده كافي بعد اخوج فطرتي كليبي 

ام صلاح: عوفوهه يمه خلوها ترتاح الله كريم ماكو مشكله ما الها حل 

احمد:طلعت منها فاقد ومنهار وما اعرف شسوي ظليت ادرعم اروح منا واجي لهنا تالي صفه بيه الدهر يم البحيره رفعت راسي للسما وصرخت بعلو صوتي ليييييييش يا ربي ما مكتوبلي انسعد بحياتي ليش انه شسويت بس حتى اتعاقب هيج يا ربي ساعدني ما عندي غيرك اترجاك ربي سمعت صوت وراي مادرت اعرفه شداد بس انه وياه نعرف هذا المكان

شداد: اصرخ بعد كمل طلع كل القهر هنا 

احمد: شتسوي هنا

شداد: مثلك يا ابن عمتي كل ما اختنك اجي هنا اطلع ضيم البكلبي واظل اصرخ لحد ما ارتاح 

احمد: شداد انه تعبان والتعبني هذا (يأشر على كلبه)

شداد:اااخ شيخ لا تحجي هو اكو غيره 

احمد: ممشتاكلك يا ابن خالي انت الوحيد الي تفهمني

شداد: احمد انه ما عفتك ابد بس ما كدرت اتكربلك خفت تكسرني 

احمد: درت علي وحضنته وكلت

شلون اكسرك وانت اخوي سامحني اخاف قسيت عليك لأن غدرك الي مو هين علي بس شسوي

شداد: ما يوم زعلت عليك حتى أسامحك 

بوكت الطلابه جنت اشوفك من بعيد واتحسر انه مو كريب عليك تدري جكد احتقرت نفسي ومتندم بكد شعر راسي انه بيوم خنتك انت سامحني يا ابن عمتي واخوي وسندي وعضيدي وروحي من الدنيا انت 

وهسه سولفلي منو لجم جرحك 

احمد: شكلك انفتحت كل خيوطي انسلت الخيط وظل ينزف وما اصدك بعد يرجع يطيب

شداد: هونها شيخ السالفه صارت قديمه بس انت ساجن روحك بيها وقافل كلبك افتحه وعيش حياتك ترى العمر يمشي ما يوكف وبعدين الندم ما يفيد 

احمد: الله كريم 

دك تلفوني شفته عمار اخوي شلته

الو ها عمار

عمار: الووو خويه وين انت الناس تسأل عليك وانت طلعت حتى محد يدري بيك

احمد: شوي واجي 

عمار: شبيك شكلك تعبان

احمد: ماكو شي من اجي اكلك لا يظل بالك 

عمار : ماشي انتظرك

احمد: انه رايح تريد تكمل هنا اخذ راحتك

شداد: لا شيخ انتضرني جاي وياك 

احمد: ركبنا السياره وصلنا للبيت نزلنا كلت لشداد انت اسبقني للمضيف وانه عندي شغله بالبيت 

دخلت للبيت وكفت بنص الصاله وصحت بصوت سلمىىىىىىى 

سمعت امي صوتي طلعت ركض خيرك يمه ليش تصرخ 

يمه ٲℓانــتيہ لا تدخلين 

الشيخه: احمد شجاك يمه بس كلي عيب منا النسوان 

احمد: تصيحيها الي لا ادخل هسه بنص النسوان اسحلها من شعرها 

الشيخه: هسه اصيحها بس لا تصرخ فدوه اروحلك انه 

احمد: راحت امي صاحتها طلعت تمشي ورى امي بخطوات بطيئه تأكدت هي كيلتلها على كل شي 

رحت وسحبتها من ايده وخليتها كبالي رادت تحجي بعده ما نطقت ظربتها راجدي ما شفى غليلي ورجعت ضربتها علىخدها الثاني وتالي كضيتها من شعرها 

اجت امها علىيها رادت تفكها مني ما كدرت وامي هم وانه مجلب بشعرها وصحت بصوت لحد يدخل اذا ادخلتو هسه اذبحها هنا

ام سلمى: فدوة رحتلك عمه عوفها وفهمني شمسويه وانه احاسبها عليك بداعة امك

احمد: محد يحاسبها غيري اتمادت هواي ولازم احطلها حد

بهل اثناء دخل عادل شافني واتخبل عليها اجى ركض راد يفلتها مني ما كدر 

عادل: احمد شبيك تخبلت عوفها لخاطر الله 

احمد: ما اعوفها اليوم اريد اربيها هل طايحة الحظ

عادل: احمد صح انت اخوي ما اسمحلك تمد ايدك عليها وتجاوز 

تقبل انه امد ايدي على مرتك

احمد: حاول بس جرب وشوف شسوي 

عفتها وكعت بالكاع وتبجي 

وحجيت سمعيني زين يا بت عمي 

اذا مرت الثانيه ادخلتي بيني وبين كمره بكلمه وحده بس والله والخلقج اذبحج بأيدي كفي الشر عني وعنها 

عادل: فهمني شسوت 

احمد:صرخت بوجها شتريد تعرف هاااا 

كل همها تفرقنا انه وكمره ما خلت شي ما سوته 

عادل: وهي شعليها بيكم

احمد: هاي هي يمك اسألها يا خوي 

الشيخه: صخام الصخمج سلمى لـٰيش هيج سويتي 

سلمى: بجي والله جذابه 

انه شعليه بيها هي من الله تكرهني 

احمد: تكرهج مو 

سلمى: اي اي تكرهني 

احمد: ليش تكرهج انتو شكو بيناتكم 

سلمى: .....

احمد: شوفي حتى ماكو رد

عفتهم وصعدت حتى اسبح وأبدل ملابسي

عادل : سلمى اسألج جاوبيني بصراحه ليش دخلتي بينهم

سلمى: حتى انت عادل ما جاي تصدكني كاعد أكلكم جذابه 

عادل: وليش تجذب عليج ٲℓانــتيہ شلج دخل بيها 

سلمى: ما ادري تغار مني 

الشيخه: لهنا حدج وكافي ترى هواي خربطتي لو ما احمد ما متأكد زين ما اتصرف هيج وياج 

سلمى: انه مستعده كلشي اسوي حتى تصدكوني خل تجيب دليل واحد بس انه مخربه بينهم 

الشيخه: لا تخافين ما راح اعوف هاي المشكله تعدي على خير رآآح اعرف كل شي وأحاسب الغلطان 

عادل يمه انت اطلع للعالم لا تشيل هم 

ام سلمى: على بختج شيخه لا تكبرين السالفه هاي سلمى رعنه ما تعرف تصرف كله طيش عدها

الشيخه: انه اعرف كلش زين ليش هيج تصرف بس صايره مثل بلاع الموس لا اكدر ابلعه ولا اكدر اطلعه كله لخاطر ابني وما اريد الاخوان يتخاربون بسبب النسوان 

عقلي بتج وفهميها وخليها تشيل احمد من بالها ترى والله اكل لعمها على كل سوالفها وحتى سالفة خطبتها من عادل الغيها وهي الخسرانه ابني زلمى معدل تتمناه الف وحده بس شسويله هو 

ولا عبالج ما فهم هسه 

بس عادل من النوع السكوتي ما يكدر يطلع البكلبه بس يجي يوم وينفجر 

من هسه اكلج ولدي خط احمر 

ام سلمى:شيخه وداعتج انه الها ٲℓانــتيہ خليها علي ويجيج الصافي 

الشيخه: انشوف ولو مأيسه منج ومنها 

احمد:سبحت وبدلت ما ردت انزل 

ردت انام ما كدرت اذكر كلام كمره كلمه كلمه شلون الشريط تسجل بدماغي

خليت العالم تفض ونزلت لكيت اهلي بالصاله كاعدين وبيت عمي رايحين 

فتحت موضوع انفصالي من كمره قبل لا ابوي يحدد وكت العرس ادري بي متحلف

وكفت باب الصاله كلهم كاعدين باوعت لعادل دار وجها عني 

كتلهم

راح ادخل بالموضوع مباشره 

الشيخ: انه من شفت وكفتك عرفتك احجي بويه 

احمد:انه وكمره قررنا ننفصل

الشيخه: لطمت على وجهي وكلت

عزززززا العزاج زمرد(اسم الشيخه)

الشيخ: بويه انت تخبلت شنهي تنفصل هي لعبه عندك

احمد: شفتهم انصدموا وعادل تفاجأ وراد يحجي وانه سبقته

هذا مو قراري قرارها 

وانه وافقت ما اريد اجبرها 

الشيخ: يـ؏ـنـي هيج منها لله كالت ما اريدك لازم اكو سبب

احمد: يابه اسإل بت اخوك شمسويه 

الشيخ: ياهي 

عادل: احمد لا تجفص بالحجي انت من البدايه ما هاويها وهاي كلها حجج حتى محد يلومك 

الشيخ: ولكم فهموني شصاير انه مثل الاطرش بالزفه

عادل: يابه ماكو شي 

هاي مرتك قبل لا تدخل بيتنا خربتنا 

احمد: شوف عادل والله العظيم انه ساكت من زمان كله لخاطرك 

عادل: ماشي انطيني دليل واحد يثبت سلمى خربت بينكم

احمد: الدليل موجود 

كمره شمعرفها بهند (حبيبة احمد المتوفيه)

الكل انصدم

الشيخه: شنهي 

احمد: محد يعرف بسالفة هند بس احنا 

احد منكم وصللها خبر 

انتي يمه حاجيه شي الها

انت عادل وانت وسام وانت عمار موصلين خبر الها 

الولد: بصدمه لا

الشيخه: شكايله الها

احمد: يمه كيلتلها احمد عنده حبيبه ويحبها وما فد يوم حبج واتزوجج بضغط من اهله لا والمصيبه ما كايلتلها متوفيه 

وانتي عثره بطريقه انسحبي بكرامتج 

الشيخه: عزززا العزاج سلمى الله لا ينطيج العافيه

عادل:يمههههي

الشيخه: وغمه حتى غمى انت لا تفتح حلكك

احمد يمه هسه مرتك ساعة عصبيه انه اروح الها واهديها وأقنعها 

احمد: لا يمه انه اخذت قراري لهنا وكافي 

انه صح ما طلكتها بس ما مطول اريدها تحس بغلطها من تحس هي غلطانه 

اطلكها

الشيخ: بويه لا تسرع بحكمك عليها هي هم معذوره 

انطيها وكت تتقبل الصار ترى مو سهله عليها حياتها تخرب بليله ويوم 

احمد: الي اريده منكم واعتبروه رجاء محد يدخل بيناتنا ابد ومحد يحاول يصلح بيناتنا انه تركتها حررتها مني هي هسه اعتبرتها غريبه علي

الشيخ: بويه انت هسه الشيخ واعتبر هاي طلابه واجت مره شكت بيها شلون تحلها 

ابني انطي لروحك وكت وخلي الزمان هو يحلها انه اعرفك عاقل واعي وتصرف بحكمه ولا تظلم بت الناس وياك عين العقل ما طلكتها بساعة غضب 

الشيخه : كلام ابوك عدل يمه انه أوعدك محد يدخل بينكم بس اريدك توعدني 

احمد: بشنو يمه

الشيخه: انطي لروحك فرصه ثانيه وحاول تحلها وهسه يمكن الفراك الراح يصير بينكم هو اليجمعكم 

احمد: • ﺂنٰ شۨـِﺂءۙ ﺂللـِه۫ہ ٰيمه 

وسام: احمد هونها وتهون لا تتسرع 

احمد: الله كريم 

طلعت شوي للحديقة واشتاكيت للعنود رحت يمها اخذتها نتمشى وانه افكر بكلام امي وابوي بس احس كلبي ما عنده بعد استعداد يحن ومن اذكر كلامها الي ورفضها الي احترك اكثر 

رجعنا صعدت للغرفه فتحت الضوه وتفاجأت لكيت عادل نايم على فراشي ويلعب بالتلفون شافني وكعد

عادل: صارلي ساعه اتانيك 

احمد: عادل بداعتي عندك مالي خلك بعد احجي 

عادل: وانه هم الحجي ما يفيد بعد اريد اسألك سؤال واحد بس وأريدك تجاوبني لا تعتبرني اخوك اعتبرني واحد غريب 

احمد: اسأل

عادل: سلمى هاويتك يا خوي

احمد: الصراحه صدمني ادري بعادل ذكي ما يفوته شي بس شكله ما اريد اكسر كلبه بس هم لازم يعرف هسه احسن من بعدين سكتتت ما جاوبت

عادل: هههه سكتت يا خوي يا ابن امي وابوي ليش كل هل مده ساكت 

هااا جاوبني 

احمد: تدري احنا نهوى الما يهوانا انه كدامك نرفضت 

عمار نفس الشي 

وهسه انت 

عادي يا خوي اطبك على الخط ويانا 

بقى بس وسام مرات احسده وأتمنى شيطنته عندي مو عنده

لا تزعل يجوز كلامي جدي بس هاي الحقيقه لازم تقبلها

عادل: صعبه يجوز انت وعمار غريبات بس انه بت عمي وتهوى اخوي 

تدري عقلي وكف 

احمد: شتريد اسويلك ما ردتك تكرهني ما يهون علي 

عادل: لا احمد لا تحجيها انت خوي ادوس على كلبي ولا أكرهك بيوم بعدين انت مالك ذنب 

اعذرني اليوم هواي عليت صوتي عليك وخجلان منك 

احمد: فتحت ايدي وكتله تعال اجى وحضنته حيل حسيت بدموعه طاحت على متوني 

افااا شيخ عادل يبجي 

خويه ما عدنا حظ ويه النسوان وداعتك هنا الخسرانات والا اكو واحد يعوف هيج اقمار مثلنا 

عادل: هههههه 

احمد: اي اضحك وداعتك انه معلم على الصدعات كلبي 

بس انت فريش بعدك حقك

عادل:الحمدلله انت اخوي 

راح اتركك ترتاح 

احمد: عافني وطلع قررت انسى كلشي وأبدي صفحه جديده صح ما طلكتها ما اعرف ليش بس كلما اقرر أتراجع اكو شي يمنعني عفته للزمن هو يحلها 

قررت اداوم بالجامعه انه عندي دكتوراه قدمت على الجامعه ونقبلت دكتور بكلية التربيه قسم لغه انكليزيه مرت تقريبا شهرين وانه ما اسمع اي خبر عنه ابد حتى اهلي سدو السيره محد فتحها كدامي بس مرات اشتاق الها الصوره العندي ما مسحتها هي الي تسد اشتياقي واجى الدوام واتحضرت 

يمكن الأجواء جديده علي راح ﺂﭑ͜ࢪﭼـِٰ̲ـ؏، لبسي القديم 

لبست قاط اسود وقميص اسوده ورباط وساعه وتعطرت ونزلت 

شافوني امي بأيدها مبخره نزلت ظلت تفتر علي وتبخر وتصلي على محمد

الشيخه:اليوم ابني طالع عريس مو استاذ 

الله يحرسك من العين يمه

وسام: شدعوه قابل هو الأمير هنري 

الشيخه: انت انجب لا تغار

احمد: وشحارك حمامك

وسام: اخ ولكم احمد رايح للصاكات وانه هنا امداني

عمار وعادل: ههههه انت حمار كمل دراستك وشوف الصاكات على راحتك

الشيخ: حمار وبس اكو واحد ينجح من السادس ويعوف الدراسه

وسام:ما احب ادرس اريد اسخت على راحتي انه وين والدراسه وين

احمد: غصبن عليك تكمل بس انطيني مجال أتعود واجرك جرور 

وسام : لا خويه انه والدراسه مثل الحيه والبطنج ما نتراهم الا اذا انت 

سهلتها علي 

الشيخه: شلون يسهلها

وسام: يـ؏ـنـي دكتور انت افتهم عاد 

احمد: يمه خل اطلع اذا ابقى بعد دقيقه يمه اجرم بي 

الشيخ: هاااا يـ؏ـنـي تطلع دفرات قصدك مو 

وسام: بويه انت اذكى واحد بينا

الشيخ: ناوشوني عصاتي خل انعنع ضلوعه هل سافل هذا 

احمد: ضحكنا على سوالف وسام الله يهدي 

رحت للجامعه وداومت اول يوم عادي اتعرفت على الاساتذه والدكاتره واخذت تدريس المرحلتين الثالثه والرابعه ردت الأولى لأن اسهل الي بس بعدهم ما مداومين فات شهر على الدوام مر عادي كلشي طبيعي تعودت علي وعلى الطلاب وصار دوام المرحلة الاولى انه طلبت منهم أدرسهم ماده 

بهل فتره ابتعدت عن النسوان ما ردت احتك بيهم صارت عندي مناعه على الرغم اكو دكتوره اسمها ساره لازكتلي لزكة جونسون بس بكل مره اصدها

طبعا محد يدري بيه متزوج 

كمره: بعد الصار بيني وبين احمد دخلت بصدمه واكتأب وحاله نفسيه زفت 

كمت لا اطلع ولا احجي ولا اسوي اي شي الي سألني بس أهز راسي بإي لو لا وأربعه وعشرين ساعه نايمه لو متمدده حاولت امي تطلعني من حالتي ما كدرت جم مره اجت خالتي رادت بس تقنعني اروح وياها لعيالها أغير جو بس ما قبلت رادوا اهلي يأخذوني للزياره هم نفس الشي قفلت كلما اتذكر الصار وانه السبب بدماري اكره روحي اكثر كطعت الاكل اكثر من مره وصار عندي فقر دم حاد واكثر من مره نمت مستشفى 

الحب يدمر وانه اول مره احب ما مجربته ما عندي خبره وضيعته بأدي 

الي مصبرني بس هو لهسه ما طلكني بس علمني درس عمري ما أنساه 

وكلما تطول مدة فراكي اكثر اشتاكله اكثر اي حبيته وما عندي حتى صوره اله حتى صورته بالواتس اب هو انطاني حظر وراحت الصوره 

قطع عني كل شي يخليني اوصله على الاقل بس اعتذر اهلي رادوا بأي طريقه اطلع من ضيمي واذكرت كلام خالتي راح تعضين اصابعج ندم بعدين وصدك هسه صدكت 

لحد ما اجى اليوم الي اجاني بي ابوي واخواني دخلولي للغرفه واقترحوا علي

ابو صلاح : بنيتي حبيبتي انتي من تأذين روحج تأذيني انه كليلي شنو تردين وانه حاضر 

صلاح: خويه مرت اشهر وانتي على هل حال بس كولي امري اي شي 

انه بالخدمه 

كمره:......

ام كمره: يمه ليش هيج تسوين بروحج بعدج صغيره وحلوه والف واحد يتمناج 

انتي صح غلطتي سبحان الما يغلط 

يمه احنا مو انبياء ولا معصومين 

صلاح: خويه احنا قررنا ترجعين للدراسه تكملين جامعه 

بس مو بغداد هنا بالبصره صح راح تغيرين الكليه 

بس تبقين هنا كدام عيونا انه اخذج واجيبج 

كمره: فتحت عيوني متفاجأة هذا الموضوع جان منتهي 

ابو صلاح: هسه شكلتي وترحين ويه اخوج تسجلين بالكليه وتاخذج امج وخالتج للسوك شتردين اشتري كل الي بنفسج 

كمره: هااااا

حسن: وجعاااا 

واخيرا نطقتي انه كلت هسه تفكها 

اعرف نقطة ضعفج

كمره:هههههه

الولد: واخيرا طلع هلال العيد 

ابو صلاح: هسه شنهي نتوكل بالله 

كمره: ليش مو بغداد

صلاح: لا خويه هنا أأمن 

بغداد هل ايام خطره 

كمره: ماشي موافقه بس عندي شرط

الأهل : امري

كمره: خلوني على راحتي وخصوصا بلبسي 

والعبايه ما البسها

ابو صلاح: براحتج بس كون لبسج مستور

كمره: صح فرحت من رجعت للدراسه 

جنت أتمنى ادرس بغداد بس بعد ما مقسوملي رضيت بالأمر الواقع على الاقل اخذ الشهاده الاحلم بيها بس لازم أغير الكليه هاي قوانين الجامعه وفعلا غيرت الكليه نقبلت تربيه بصره وأخذني صلاح سجلت وهم لازم اتاني انقبل بأي قسم جنت أتمنى يطلعلي رياضيات جان عشقي هل الماده ولأن قسمي جان علمي جنت متأمله اكثر 

طلعت ويه امي وخالتي للسوك اشتريت كلشي احتاجه بس ما ثقلت على اهلي ادري هما بعازة الفلس 

بدى دوام الجامعه وداومت اول يوم طلعت قبول الأقسام رحت حتى اشوف يا قسم طلعلي بس انصدمت شفت لغه انكليزيه 

انه وين والإنكليزي وين 

ما فرحت اصلا بدوامي كله ردت بس اطلع روحي من الدوامه العايشه بيها 

ضجت 

وهاي كلها جان صلاح خطيه يفتر وياي كلش تعبته وصلني لقسمي وكال

صلاح: لهنا بعد كافي هذا حدي وياج ادخلي لقسمج ومن تخلصين دوام خابريني قبل ساعه تعرفين الطريق طويل

كمره: صار خويه 

• ﺂنٰ شۨـِﺂءۙ ﺂللـِه۫ہ ٰ أخدمك بيوم عرسك

صلاح: هي بس خل تصير وانه اخدمج

كمره: • ﺂنٰ شۨـِﺂءۙ ﺂللـِه۫ہ ٰ ليش مأيس منها هو ابوها يلكى احسن منك

صلاح: اندعيلي كمره يله انه رايح

كمره: مودع بالله

دخلت للقسم احس روحي • غٰـريّبـٰٓهہ ما اعرف شي جان كاتبين اعلان طلاب المرحله الاولى يجتمعون بقاعه واحد لأن جبيره حتى يقسمونه شعب

امشي واسأل لحد ما وصلت لكيت الطلاب داخلين بس مو كلهم دخلت امشي. على كيف خايفه بس خوفي طبيعي انه تقريبا جنت اكبر منهم لأن فاتتني سنتين بس ما مبين علي لأن انه ناعمه جنت لابسه فستان اسود مخصر بي حزام لونه جوزي وشال جوزي وحذاء هم جوزي انه احب اتأنق 

بلبسي 

لكيت ستيج فارغ بي بس بنيه مبينه فقيره من شكلها كعدت يمها 

مرحبا

هبه: مرحبا

كمره: ما يمج احد مو

هبه: لا حبيبتي اخذي راحتج

شنو اسمج

كمره: كتلها كمره بس بعدين اتذكرت اسمي زينب لازم أتعود علي هنا

كتلها هااا لا انه غلطت اسمي زينب

هبه: هههه شلون اكو وحده تغلط بأسمها 

كمره: اي هاي انه لأن عندي اسمين

هبه: بس تدرين اسم كمره حلووو 

كمره: هو اسمي متعوده علي بس شسوي هنا 

انتي شسمج

هبه: انه هبه 

بس تدرين ما شاء الله عليج تخبلين

كمره:من ذوقج تسلمين وعاشت الأسامي 

هبه: مشكوره انتي منين 

كمره: انه من الريف

هبه: اموت على الريف بس طريقكم طويل شلون تجين

كمره: اخوي مبتلي بيه خطيه ياخذني ويجيبني 

هبه: شعجب خلوج تكملين انه الاعرفه اهل الريف ما يخلون البنيه تكمل بعدين شكلج ولبسج وجمالج ما مبين عليج بت ريف

كمره:تدرين طلعتلي جامعة بغداد وأهلي ما قبلوا 

وظليت سنتين بعدين صارت ضروف وقبلوا اكمل بس هنا

هبه: اممم احسن حتى انه اشوفج 

كمره: ضحكت بوجها وبعدين دخل وئيس القسم بدى يتعرف علينا وكال تتعرفون على أساتذتكم من باجر يبلش دوامكم وكل محاضره تتعرفون على استاذه ظل يلغي علينا شوي وظل يشدد على الزي والأخلاق والتصرفات الما مقبوله واحترام الدكاتره ومن هذا الحجي خلص وطلعنا سألتني 

هبه: عندج شي هسه

كمره: لا بس راح اخابر اخوي يجي علي بس يتأخر ليش

هبه: انه جعت ترحين للكافتريا وياي استحي ادخل وحدي 

كمره: عادي يله امشي 

رحنا انه وياها دخلنا للكافتريا دخلت هي وانه وراها ما احس الا اندعمت بواحد جان شايل كهوى وكعت على ملابسه وحجى

سجاد: وعمه ما تشوفين 

كمره: اعذرني انه اسفه ما شفتك 

بعدين ليش هل تجاوز

جان يدنك يمسح بقميصه الي تلثك بكلينسه 

رفع راسه وشافني

سجاد: كل هل العيون العندج وما شفتي 

هاي سوالفجن ما تمشي علي 

كمره: يا سوالف اعتذرت وخلص شتريد اسوي بعد

سجاد: اخذيلج راجدي بعد

كمره: ﺎﺳـتغ͜ـغـ۟فر ﺎﻟلهۃ 

شافتنا هبه الظاهر تعرف هاي النماذج اجت يمي سحبتني من ايدي وكالت

هي شوي نجره

هبه: اخي البنيه دعمتك واعتذرت لا تكبر المشكله واذا على القميص نزعه وانه اغسله الك 

سجاد: تنكتين حضرتج

هبه: لا وداعتك بس انت ....

سجاد: خلص لا تحجين شي 

كمره:جاي نمشي وصاح ويأشر هلي

سجاد:وانتي يا حلوه اضمها الج 

كمره: كعدت على الطاوله وكتلها عزااا هذا شراح يسويلي

هبه: عوفج منه هذا ترى بس هوبزه كلشي ما يسوي بس دخانه يعمي 

وبعدين هنا صيري قويه وخليلج شخصيه اذا شافوج فقيره وعلى نياتج ياكلوج 

كمره:كملنا اكلنا بالكافتريا وصل صلاح خابر علي 

راح اروح اشوفج باجر 

هبه : • ﺂنٰ شۨـِﺂءۙ ﺂللـِه۫ہ ٰ

اخذتي الجدول

كمره: لا شفته ازدحام وما رجعت بعد

هبه: انطيني رقمج وانه ادزلج اياه

كمره: نطيتها الرقم وهي ظلت تنتظر خطها رحت لكيت صلاح يتاني باب الكليه 

سلمت علي وركبت ورجعنا للبيت الطريق كلش طويل احنا بأطراف البصره 

نعست ونمت بالسياره وصلنا للبيت كعدني ونزلت وقبل نمت حتى ما اكلت جنت شبعانه ماكله بالدوام 

كعدت المغرب سمعت الأذان كمت صليت وطلعت لكيت خالتي عدنا 

فهيمه: يا هلا بهل الطول الحلو اي هسه نور البيت 

كمره: هلا بخالتي شلونج مشتاقتلج ولسوالفج جنها سوالف حبوبتي الله يرحمها 

فهيمه: ياااا هذا كله الي 

صخنت وحك علي 

كمره: هههه 

خاله شعندي غيرج ٲℓانــتيہ امي الثانيه واختي وصديقتي 

فهيمه: وانه اعزنج اكثر من جهالي وجنت اتحرمس عليج تحرمس من عافج.....

ام صلاح: اسكتي سدي حلكج لا اسده بكفخة الج

فهيمه: ياااا خيه نسيت شولاج علي وحك هو علي انه احبنها

ام صلاح: ادري بيج تحبيها

بس مرات تصيرين خوثه وتخبطين الأخضر واليابس 

فهيمه: ياااا خيه هم صدك 

حقج علي خاله لا تزعلين مني

كمره: لا خاله عادي تعودت 

فهيمه: شلونج بالجامعه 

صاحبتيلج بنيات

كمره: زينه ههـٰٖۧـٰٰٰٖٖٖۧـههٰٰٰٖٖۧهههههـ๋๋͜͜͡‏ـۂ صاحبتلي بس وحده

فهيمه:فقيره مثلج

كمره: يـ؏ـنـي بس حبابه 

فهيمه: ديري بالج من الزلم هناك ترى ملعبين شوفيلج واحد فقير

ام صلاح: خايبه ٲℓانــتيہ ليش ما تسكتين 

من اغمج هسه احد يلومني 

ناسيه هيه لساتها بذمة رجال 

فهيمه: وهو وينه هسه شرد مثل ابو الريش 

ام صلاح: يمه كمره كومي خالتج اليوم ناويه تجلطني 

لو هسه اكوم اخنكها 

كمره: • ﺂنٰ شۨـِﺂءۙ ﺂللـِه۫ہ ٰ كايمه رايحه اسبح 

ام صلاح: كومي ردي لعيالج لا بارك الله بيج 

فهيمه: شكلت هسه انه