رواية كبرياء شيخ الفصل الثامن عشر بقلم زينب
ام صلاح: خايبه ما تشوفينها من تجيبن طاريه عيونه تغورك
احنا ما نعولنا تنسى
ٲℓانــتيہ جايه تصخمين هنا
فهيمه: يااا جا ادري بعد ما احجي
كمره: امي كومتني حتى لا اسمع شي اصلا الموضوع صار عادي عندي
ما كمت انقهر دخلت سبحت وحضرت ملابسي لباجر وفتحت تلفوني شفت رقم غريب جايتلي منه رسائل عرفتها هاي هبه جانت دازه الجدول وتالي طلعت تعشيت وغسلت الاماعين بدال امي خطيه تعبت هواي وانه تعبتهم كلهم لازم اعوضهم وخلصت ونمت
ثاني يوم كعدت غسلت وفرجت أسناني وبدلت لبست قميص ابيض شيفون بس جواه بطانه طبعا وتنوره رصاصي بيها من الجوانب خطين ابيض وشال رصاصي وحذاء ابيض وخليت ماسكره وخطيت عيوني بجيث كبرتهن اكثر عاد هنه عايزات وخليت بس مرطب شفه وطلعت صبحت عليهم وتريكت واخذت ملازمي وصعدت بالسياره قبل صلاح
صلاح: اليوم الحماس فول
كمره: هههه
اريد اوصل من وكت ما اريد اترزل من اول محاضره
صلاح: يابه تدللين اذا تردين من الخمسه اوصلج ما عندي مانع
كمره: لا عاد مو لهل درجه
مشينا وصلت للكليه نزلت وأدور على هبه بس هي اعرفها ما لكيتها رحت للقاعه
اول محاضره عدنا دخلنا دكتور شهاب
جان حباب وأسلوبه كلش ‹ حلـِۈۋۏۿ وكال اعتبروني اخوكم لو أبوكم
تعرف علينا وانطانا رؤوس اقلام وطلع كال نكمل على المحاضره الجايه
جاي اطلع واجت هبه تركض
وين جنتي
هبه: ولج ابو الخط تأخر علي
فاتتني المحاضره هااا
كمره: لا تخافين محاضره عاديه بس تعرف علينا حتى ما ظل هواي
هبه: الحمدلله شلون جان بشريني ‹ حلـِووو
كمره: هااا
هبه: وسما ما تشوفين بهاي عيونج شكبرهن المن منطيج إياهن غير تفحصين بمكاني
كمره: والله عليج تفكير باجر يجي وفحصي ٲℓانــتيہ انه ما نتبهت علي
هبه: الغسل اي والله
امشي يله ناكل موتني الجوع اجيت الهث بدون ريوك
كمره: انه متريكه ما اريد
هبه: لا تردين
امشي وياي ولا دعمين بأحد اليوم
كمره: ههه لا شلقصـﮪـﮧَ 🙁🤞₎
مشينا ودخلنا للكافتريا شفت نفس الشاب اول ما دخلت خزرني ويباوعلي بنظرات غريبه ما اهتميت حكرته ورحت كعدت هبه راحت تجيب لفه
ظليت وحدي
شفته تقدم وكف كبالي وكال
سجاد: ٲℓانــتيہ مرتبطه
كمره: هاااا
سجاد: سمعتي ما حاجه اعيد
كمره: شهل صلافه العندك
شافتنا هبه واجت ركض
هبه: خير شكو شبيكم
كمره:هبه انه طالعه ٲℓانــتيہ بكيفج تردين تبقين لو اطلعين
جاي اطلع ولزمني من ايدي وكال
سجاد: انه سألتج سؤال ما كصيت راسج
كمره: عاد انه هنا صدك فرت نترت ايده حيل وكلت
هاي اول مره وآخر مره تلزم ايدي مره الثانيه اكسرها الك
عصب مني وكال
سجاد: انتي كد هاي الحركه
كمره: ما اهتميت عفته وطلعت وهبه اجت وراي كتلها هاي اخر مره ادخل لهاي للكافتريا
هبه: لا تضوجين حبي
وبعدين زين سويتي بي يستاهل
كمره: جاي امشي وشميت عطر بس هذا العطر اعرفه مو غريب علي
وكلبي ظل يدك قوي وسمعت صوت
جذبت ذاني بس هذا صوته اي اعرفه درت وشفته واكف يحجي ويه واحد من الطلاب انه تفاجأت هو شيسوي هنا دار علي وانه باوعتله بتركيز هو نفس الشي خلى عيونه بعيوني
تفاجأ بيه وبقى مركز علي مثلي تماما حسيت الكليه فرغت بس انه وياه واكفين
اجت هبه هزتني من متني ولوحت بأيده على عيوني وانه بس اباوع علي وبعدين اجتله بنيه حلوه شوي جبيره بالعمر يعني نهاية العشرينات يمكن دكتوره وياه صاحتله
ساره: دكتور احمد يله استعجل شبيك متصنم المحاضره راح تبدي
احمد:هااا لا ماكو شي جاي
كمره: راح وياها حتى ما كلف نفسه يسألني
اجتلي هبه
هبه: شبيج وين صفنتي صارلي ساعه اإشرلج امشي المحاضره الثانيه راح تبدي
كمره: هاااا
يله امشي رحنا للقاعه وكعدنا على الستيج شويه ودخل
.........
شكرا لزيارتكم عالم روايات سكيرهوم
