رواية كبرياء شيخ الفصل الواحد والعشرون 21 بقلم زينب

تعلقت حتى بأدق تفاصيلك

كمره: رفع ايده راد يضربني وما اشوف الا واحد صار كبالي ولازم جف سجاد بأيده ويعصر بيها بكل قوته ولواها ورادت تنكسر بيده وكال

احمد:شلون تمد ايدك على مرتي

سجاد: شتحجي انت مرتك شنو

احمد: اسمعني زين كلامي احجي مره وحده اذا شفتك مره ثانيه ولو سمعت بس لامحها لمح روحك اطلعها بأيدي هسه شفعتلك الجامعه بس وحق من قسم الحق لو جان بغير مكان شايف هذا وجهك اسوي الك خريطه وهاي ايدك الي هسه انكسرت بأيدي انوب اكصها الك من العرج ولا عبالك اسكتلك على الي سويته هسه لا حباب حسابك بعده ما بده وأخذها نصيحه مني ايامك صارت قليله هنا بالكليه انت جنيت على نفسك 

كمره: تفاجأت شفت احمد شلون راد يكسر ايده وهو ظل متصنم وما كدر يتحرك من الألم انه فرحت من كله مرتي اول مره ينطق هل كلمه هنا وبالكليه وكدام الطلاب بنفس الوقت خايفه شفت شلون صار اعصاب وثار بوجه سجاد ويحجي وياه والشرار تتطاير من عيونه انه ظليت ارجف هسه شيسوي بيه يطلع حركت سجاد كله بيه تقدمت علي وكضيت ايده وكتله 

احمد فدوه عوفه خل يولي 

احمد: انتي سكتي حسابج بعدين يصير خير 

كمره: سكتت شحجي بس اجادله يسويني فرجه كدام العالم هذا لا يخجل ولا يستحي 

آجاله الدكتور سيف والدكتور شهاب سحبوا ايد سجاد من عده بالكوه لو ظال دقيقه جان كسرها وهدوا هو دار عليه بس شنو وجه ما يتفسر كضني من عكس ايدي وسحبني وكال امشي كدامي بس انه كلش استحيت موقف لا احسد علي كدام الدكاتره والطلاب والخوف الي مسيطر علي وصلنا للسياره كال صعدي فتح السياره صعدنا وساق بكل سرعته راد يكلب بينا السياره اباوعله مو مال واحد يحجي وياه كلمه مني تخلي يدخلنه بشبه لو بطن شاحنه ظليت ساكته وهو يمشي بينا وصلنا تقريبا لمكان شبه خالي وكف السياره وكال نزلي انه هنا رجلي ما اعرف شصار بيهن احسهن نشلن من الخوف وما اعرف مصيري ميت حسبه اجت أبالي نزلت بالشافعات وهو نزل نزع الجاكيت الجان لابسه وشمرها بالسياره صرت اكباله وانه مدنكه كالي رفعي راسج ظليت مدنكه اخاف منه عاط بصوت عالي هنا المنطقه مكطوعه محد يسمع يمكن لو يذبحني ويشمرني محد يحس عليه 

احمد: لج رفعي راااااااسج بت الك.......

كمره: انه هنا فقدت كلشي ولا اهلي يغلط عليهم اهلي خط احمر بالنسبه الي رفعت راسي وكتله ما عرفت منين اجتني الجرئه

ما اسمحلك تغلط على ابوي ولا تجيب طاريه على لسانك افتهمت بس شنو بصياح 

ما حسيت الا ضربني راجدي من كد قوته احس وجهي صخن ويمكن اصابيعه طبعهن على خدي وهو يحجي

احمد: فوك شينج كواة عينج لج جان استحيتي على نفسج واكفه بنص القسم ٲℓانــتيہ وياه بس حتى تخليني اشوف مو حتى تكليلي مو بس انت وساره انه هم اكدر اسوي مثلك مو لج احجي لا والله اليوم روحج اطلعها بأيدي 

كمره: انه هنا ما تحملت كلشي ولا احد يتهمني بشي انه ما مسويته

احس الدم والحقد والغضب صعد لعيوني ظليت اصرخ وابجي واضرب على صدره وانه احجي 

شتريد تعرف هاااا شتعرف كافي عاد مليت منك وانه ابررلك ايدك والضرب انه شعليه هو واكفلي على الرايحه والجايه انت صوجك كله منك معتبرني غريبه عنك محد يعرف انه مرتك كلي ليش هاااا كول مستعر مني ما يشرفلك اصير مرتك اتركني اعتقني خليني اروح بحال سبيلي انه ما جبرتك ما ضربتك على ايدك وكتلك تعال اخذني 

كتلي راح اطلكج ٣ اشهر وانه اتاني واكول هسه يطلكني ليش ما طلكتني وخلصت هاااا كول شو سكتت احجي 

احمد: شفتها انهارت بالبجي والصريخ وهي تضرب على صدري وتحجي بحركه قهرتني بالزايد كضيت ايديها وكلت

احمد:مو كل مشكله تصير وكلتي طلكني 

كمره: انه هسه ما راح اكلك طلكني كتلك اذا ما اشرفك انت طلكني 

احمد: منو كال ٲℓانــتيہ ما تشرفيني ولج شتردين اسويلج تعرفين لو ضاربج جان مات بأيدي شلون يمد ايده عليج بس كولي شلون وبعدين اذا يضايقج ليش هسه ياله كلتي شنو جنتي اتانين 

كمره: هههه هذا ردك الي مو تعرف هو مو صوجك صوجي انه الغبيه والحماره اعرف شنو يدور براسك بس ما راح ارد ﻋﻠﻴﻚ شتريد اسوي سوي هاي انه كدامك اضرب عادي مو جديده ﻋﻠﻴﻚ واخذ حزامك اخاف الراجدي ما طفى نارك سوي الي تريده 

احمد: لج شايفتني كدامج وحش امشي وانهش بيج ليش ما تعرفين تصرفين

لو كايلتلي من البدايه جان ما صار كل هذا 

كمره: صح انه هم غلطانه اعترف بس انت غلطتك اكبر لو جان يعرف انه مرتك ما اتجرأ وكالي الدكتور احمد عنده علاقه وياج ومن يشبع بيج يشمرج 

بس انت حضرتك ما تتعترف بغلطك كبريائك طاغي عليك اتفسر الأمور بطريقتك يجوز انت والدكتوره عادي علاقتكم محد يكدر يحجي عليكم زملاء عمل بس انه اعرف شلون اتصرف بكل مره اصده وحرمت روحي من الكافتريا بس حتى ما اشوف شكله ظل يلحكني وين ما اروح 

وانه بكل مره احاول ما ابقى لوحدي حتى لا اخلي يتجرأ ويحجي وياي انه مو من البنات الي تخلي سمعتها على المحك بس حتى اخليك تغار لا انه مستحيل انزل راس اهلي الي وثقوا بيه وخلوني اكمل دراستي وانه بت ريف وعرب وانت تعرف كلش زين البنيه بالريف حدها تعرف تقرأ وتكتب وبس 

احمد: خلص كافي لا تحجين 

كمره: ليش خليني اكمل حجي صح مو ما تحملت 

شوف انه ما راح اكلك هل مره طلكني بس بعد ما عندي طاقه اتحملك انت شكيت بيه للمره الثانيه واتهمتني وانه ما الي اي ذنب بس راح اكلك شغله وحده مستحيل أسامحك وخصوصا غلطك على ابوي واذا خلصت هسه عصبيتك وضربك الي وصلني لأهلي واذا ما تكدر انه اروح • ﯠﯟحدي 

درت عنه وردت امشي كضني من ايدي ودارني علي رفع راسي من حنجي وكال

احمد: كافي لا تبجين انه اسف اسف والله مو بيدي من شفته راد يضربج اسودت الدنيا بعيني ما كمت اشوف شي انه من اتعصب افقد ما اعرف شـٓسـٰﯛي انه ما راح اطلب منج تسامحيني اعترف غلطت بحقج وانه مستحيل اشك بيج اعرف شنو انتي واعرف معدنج انه لو عندي شك ولو ١ بالميه ما اخليج يوم واحد على ذمتي بس غيرتي قويه ما اكدر اسيطر عليها 

عذريني كمرتي والله مو بيدي 

بعد ما كدرت اسيطر على روحي حضنتها حيل وهي تشهك وتبجي على صدري ظليت العن بروحي شسويت انه بلحظة غضب وتالي رفعت وجها وبستها على كصتها وعلى عيونها وكتلها

كافي لخاطر محمد والله كطعتي كلبي 

كمره: ليش هو انت عندك كلب

كلتها وضربته على صدره

احمد: ليش يابه شايفتني هل كد قاسي وبعدين مو كافي ترى ضربتج راجدي واحد وانتي ضربتي قاطات 

كمره: تستاهل مو بس ضرب مال اخنكك هسه واخلص منك 

احمد: ههههه مو بكيفج 

تعرفين شوكت تخلصين مني

كمره: شوكت

احمد: من اموت بس 

كمره: اششش لا تكول موت 

احمد: ليش 

كمره: .....

احمد: سكتي شو بس لا نمتي 

راح تبقين على صدري 

كمره: هاااا لا بس احس روحي تعبانه راح نبقى هنا 

احمد: لا شلون نبقى راح اخذج على مطعم حتى نتغدا وبعدين نحجي بالموضوع

كمره: يا موضوع

احمد: شو نسيتي الصبح شكلت

كمره: موضوع مهم

احمد: طبعا يله امشي

كمره: صعدنا للسياره وصلنا لمطعم نزلنا كتله اريد اروح للحمامات كال روحي وانه اتانيج هنا رحت دخلت شفت وجهي بالمرايه مطعون طعن احمر من البجي وأثار اصابيعه على خدي رجعن دموعي يصبن وحدهن 

اقل مشكله يضربني شلون اتحمل عقلي يرفضه بس كلبي يريده هذا لجنت خايفه منه مسحت دموعي وخلين فونديشن اخفي الآثار واخفف الحمار بس حمار عيوني شلون يروح خلصت وطلعت وشافني وكال

احمد: هم بجيتي 

كمره: سكتت عنه مالي خلك اجادله واحنا بمطعم دخلنا للمطعم وكعدنا كال شنو تردين غدا كتله بكيفك

احمد: بكيفي انه مو راح اطلب باجه 

كمره: باجه شنو صدك تحجي

احمد: اي كلش داخله بعقلي بس لا ما تاكليها 

كمره: حتى لو شلون أكلها بمطعم 

احمد:ههههه لايابه صدكتي اول مره نطلع مطعم اوكلج باجه 

كمره: كلشي يطلع منك 

طلب الاكل كص لحم ودجاج وببسي وأحلى شي المقبلات اموت عليهااكلنا وخلصنا وكتله احجي شنو الموضوع

احمد: مستعجله تردين تخلصين مني 

كمره:كافي احمد الله يخليك اذا عندك شي مهم كوله واذا لا خلينا نروح لأن بعد ما عندي حيل حتى للبجي 

احمد: اعرف انت ضايجه مني وكارهتني بس لازم تسمعيني انه وأهلي حددنا يوم العرس ولازم تعرفين حتى تتحضرين 

كمره: سمعته بس ما فرحت ظليت ساكته وافرك بأيدي وهو يحجي 

احمد: شو سكتي ما عجبج الخبر مو 

كمره: حتى لو كتلك اي راح تأجله 

احمد: مستحيل اجله صارلنا اكثر من ست اشهر المده طالت وشما طول تكثر المشاكل انه هم تعبت واريد استقر وارتاح انه ما كتلج حتى اخذ رايج انه كتلج حتى تتحضرين ونجي انه وابوي لأبوج اليوم حتى نبلغه بالخبر

كمره: اي شلون تاخذ رأيي انه شنو بالنسبه الك 

انه وياك مثل الزيت والماي كلما ننجمع نكب شلون راح يجمعنا بيت واحد 

احمد: ٲℓانــتيہ الحجي وياج ضايع كومي خل اوصلج بعد أسبوعين العرس ابدي جهزي وهذا اخر حجي عندي 

كمره: وصلني لبيت اهلي وراح دخلت بلغتهم بالخبر ورحت لغرفتي بدلت ملابسي ونمت كعدت بالليل راسي يوجعني من كد ما بجيت طلعت اشرب مسكن لكيت امي بالمطبخ سألته اجو بيت الشيخ 

ام كمره: اي يمه اجو وحددوا العرس بعد أسبوعين وكال رجلج لا تروح بعـٌـــٌِد للكليه اخذلج اجازه حتى تجهزين روحج باجر حضري روحج ناخذج انه وخالتج ويمكن تجي الشيخه هم تروح ويانا حتى نجهز كلشي منا لأسبوعين هم ياله ما نلحك 

كمره: ظليت ساكته ما حجيت شي 

ام كمره: ليش ما فرحتي الي يشوفج من عافج قبل مده تنوحين وتبجين علي هسه شتغير 

كمره: يمه انه هسه كلت شي بس انه راسي يوجعني ومن يرتاح راسي عود افرح

ام كمره: • ﺂنٰ شۨـِﺂءۙ ﺂللـِه۫ہ ٰ هو انه شريد الج بس العافيه والخير والراحه وترفعين راس ابوج واخوتج ٲℓانــتيہ راح ترحين لبيت الشيخ مو اي بيت 

لازم تتحمليهم واعتبريهم اهلج والشيخ ترى يحبج وصابر عليج لو غير واحد عافج من زمان 

كمره: • ﺂنٰ شۨـِﺂءۙ ﺂللـِه۫ہ ٰيمه يصير خير 

بدينا نجهز انه وخالتي وامي طول الأسبوعين ما خلو شي ما اشترو

ورحنا حجزنا عند الصالون وأجرنا البدله رادت امي تسوي حنه ما قبلت كتله بكيفي انه ما اريد اذكرت ايام العقد جنت خايفه نفس الخوف صح انه حبيته بس من ورى أسلوبه وعصبيته جنت كلش خايفه لا تنكلب حياتي حجيم هو طول • ﮪل مده بس يتصل يسأل شنو محتاجين لا يزيد ولا ينكص ولايسأل علي ولا يكلي شلونج انه هم عفته على راحته شكو مدوخه روحي شيريد يسوي خل يسوي هو هذا الزواج من البدايه غلط بغلط وعندي احساس ما يستمر اتمنى هو بنفسه يفركش كل شي حتى لا يصير اللوم علي 

واجى يوم العرس كعدت الصبح الساعه بالسته بس ابجي راح افارك اهلي الاحبهم ابوي واخواني ودخلت علي امي شافتني ابجي اجت شبكتني وظلت تبجي وياي وكالت

ام كمره: يمه انتي ما رايحه بعيد هذا بيت الشيخ شمرة عصا بس اتضوجين خابري وتلكينه يمج وابوج واخوانج دومهم بالمضيف يم الشيخ كلما يرحون هناك يمرون عليج وانتي هم مرينا مو تكطعين بينا 

كمره: يمه شلون راح أتعود والله كلبي يمكم يمه ما ردت اتزوج 

ام كمره: جم دوب تظلين بدون زواج يمه هاي سنة الحياة كلنا جنا هيج مثلج انه تزوجت اصغر منج وخلفت ٣ وبعدني ما داخله العشرين ٲℓانــتيہ زين هسه واعيه وتعرفين كلشي وما وصيج بعد ديري بالج على زلمتج لا تخسرينه بعنادج ٲℓانــتيہ مو زغيره وهو هم شيخ واله حجايته وهم الله يحبج خلاه وياج بنفس الجامعه هم عينه عليج وعمتج الشيخه حسبيها مثلي واكثر خدميهم بعيونج ولا تقصرين بشي حتى يكولون هاي ترباية ابو صلاح وأم صلاح عرفوا يربون واخوانه يمه اخوانج وعمج الشيخ اعتبري ابوج 

كمره: كلش ارتاحيت من حجت وياي امي كمت تريكت ودخلت اسبح واتاني خالتي تجي تاخذني للصالون رحت تمددت شويه واسمع صوته اجت

فهيمه: صباح الخير يالعروسه ياله كومينا هم ياله نمشي 

كمره:صباح النور خاله منو يأخذنا 

فهيمه: اخوج صلاح يوصلنا والشيخ يجي يأخذنا من نكمل

كمره: وليش ما يرجع علينا صلاح

فهيمه: ياااا تسودنتي شنهي جا غير ترحون تاخذون صور 

تردين تأخذين صور ويه صلاح اخوج

كمره: ههههه لا وياج احسن امشينا خاله 

أخذنا صلاح للصالون دخلنا جان كدامنا عروسه هم اشتغلت بيها انه بس كاعده واصفن فطنت علي ام الصالون وكالت

شبيها الحلوه بس لا مجبوره 

فهيمه: لا خيه شنهي مجبوره اخذت واحد تحلم بي كل بت 

ام الصالون: اشوفها تصفن وما فرحانه وهي حلوه كلت يجوز جبر او ابن عمها

فهيمه: لا خيه ما عدها ولد عم كلهم زغار ما يصيرولها بس هي تعاير خايفه من العرس

ام الصالون: لا تخافين حبيبه ما تخوف كلها ساعه زمن وداعتج وكلشي يكضي وتصير سوالف

فهيمه: جا غير طاحت وصله من لساني وانه اكللها ما يفيد بيها الحجي يطبها  

حريشي

ام الصالون: ههههه والله عليج سوالف تخبل

كمره:ظليت فاكه حلكي على حجيهم لا يستحن ولا يخجلن بالله شحجي وياهن درت على خالتي وكلت

بروح ابوج خاله اليوم تعالي بمكاني وخلصيني وخليها تصير سوالف

فهيمه: ياا يااا خايبه من طركاعه لفتج ولفت خالتج ترديها تصير بالتواثي

ام الصالون: ههههههه خوش حل 

كمره: تستاهلين خاله اسكتي شويه فضحتيني منا البنات شيكولن عليه

فهيمه: شيكولن كلشي يعرفن مفتحاة باللبن ٲℓانــتيہ الغمه كلشي ما تعرفين

كمره: نعم الله عليج خاله اسكت عنج احسن الي 

كملت العروسه وبدت بيه كالت شنو تردين كتلها على ذوقج كالتلي ٲℓانــتيہ معليج هسه اطلعج تخبلين ولو ٲℓانــتيہ ما عايزه بس لازم تصيرلج نشعه 

بدت بيه من الحفافه للحواجب وتالي الشعر وانوب البدله جانت كلش حلوه 

اختارتها الشيخه انه احب ذوقها كلش حلو وتالي خلتلي مكياج وكملت طلعت احلى وحده بالصالون بيومها الكل تعجب علي حتى العروسات الجانن وياي كلها كلتلها سوينا مثلها رادت تاخذلي صوره كالت انزلها على الانستا تصير مثل الدعايه طبعا انه مستحيل اقبل نشغت خالتي قبل لا احجي

فهيه: يااا خيه على بختج يا انستا يا بطيخ جا غير الشيخ يعدمها 

ام الصالون: يااا وانه اكول ليش ضايجه ثأري رجلج شيخ خيه حقها تضوج 

ماكو زلم تاخذ شيخ بكد ابوها

فهيمه: شتحجين يااا بكد ابوها اصغر من اخوها الجبير شيخ الشباب وجماله دكتور هسه يجي يأخذنا وتشوفينه بعينج وتغمينها تلث مرات عبن متعافيه 

كمره: خاله ما كافيج خلصنا خلينا نروح خابري بسرعه 

خابرت خالتي من تلفوني وكلتله خلصنا تعال علينا كلها نص ساعه وانه يمكم

احمد:مرت الأسبوعين وانه اجهز لزواجي بس هل مره مو ضايج بالعكس فرحان كلت واخيرا راح اخذها واطفي نار كلبي بيها موتتني اول مره تصير وياي هيج عنيده شبهتها بمهرتي العنود كد ما جانت عنيده وانه روضتها وفعلا كمره تشبه العنود بعنادها بس عليمن مو علي انه الشيخ احمد اذا ما روضتج واخليج تموتين على شي اسمه احمد بس هين ما بقى شي اخواني ساعدوني بكلشي جبنا أخشاب جديده يـ؏ـنـي بدلت غرفتي وحاولت اقنع اهلي اسوي العرس بالقاعة ابوي ما قبل كال ناسنا هواي القاعه ما تاخذ 

سويت الحنه وعزمت كل جماعتي وتونسنا احلى ونسه بس ضجت من سمعت هي ما قبلت تسوي حنه جان بودي اروح واحنيها بيدي على الاقل اشوفها أسبوعين وانه ما شايفها جنت متلهف على شوفتها ما ردت اخابرها واستفسر كلت هسه تظل تحجي حجي يسمم الروح اعرفها لسانها متبري منها وهي اكيد هسه ما طايقتني من صارت اخر مشكله واجى يوم العرس 

البيت خبصه والخابصته امي ما مصدكه هي وسام بس يدكون ويغنون 

والناس التمت علينا المضيف ما فرغ ابد ابوي خطيه تعب كد ما اجتله ناس وهو تحسه فرحان صار وكت الغدا والعالم تغدت واتحضرنا للزفه صعدت حتى اسبح وأبدل لأن ما ظل وكت كملت وبدلت لبست دشداشه بيضه وغتره بيضه وعبايه وساعه ومن كلشي يـ؏ـنـي فعلا صرت عريس جاي انزل وصعدتلي امي دخلت وسدت الباب وكالت

الشيخه: يمه اريد اسألك سؤال ظال باللي قبل لا تتحرك منا

احمد: احجي يالغاليه خيرج ليش متكدره

الشيخه: يمه انت راضي من كل كلبك على كمره 

احمد: يمه راح تصير الزفه وانتي سؤالج ابد مو وكته لا يظل بالج كمره بعيوني 

الشيخه: وكلبك يمه بعده يحن لهند الله يرحمها

احمد: يمه ٲℓانــتيہ كلتي الله يرحمها وأظن كلتي راح تجيك وحده تطيب جروحك وهاي هي اجت وتربعت بكلبي لا تخافين يالغاليه 

الشيخه: روح يمه الله يجزيك كل خير ويسر امرك ويفتحها بوجهك واهم شي اشوف جهالك والف مبروك وليدي 

احمد: الله يبارك بيج يمه 

حضنتها حيل وكتلها يمه لو ما ٲℓانــتيہ ما خليتي كمره بطريقي جا لهسه انه كلبي يوجعني بست راسها وطلعنا وانه امشي دك التلفون كمره فرحت كلت شعجب حنت عليه بس ردت خالتها وكالت كملنا هم ياله تجي علينا 

كتلهم رايح اجيب مرتي ومناك ناخذ صور وارجع الكم طلعت رحتلهم وصلت للصالون خابرت الهم شويه وطلعوا جانت مغطايه كلش طبعا انه نبهت على خالتها كضيتها من ايدها جانت ترجف ضحكت على حركتها عبالك راح اعدمها صعدتها للسياره ورحنا لمحل تصوير جانت بنيه تصور 

كلت لخالتها ٲℓانــتيہ تكتري انه اشيل الغطا عنها ردت بس اشوفها رفعته ويا ريت ما رفعته ولكم هاي مو بشر سبحان الخالق كلشي بيها حلو ظليت صافن بوجها لو جسمها لو طولها لو عيونها وكعتني الما تخاف من اإآلله 

هي شافتني ودنكت تقربت يم أذنها وكتلها مبروك كمرتي وعروستي وأم بيتي وروحي وبعد شتردين حتى لا ترجفين شويه احسها ارتاحت وظلينا ناخذ صور كم لقطه اكو لقطات هي تبتعد عني وانه اتعمد أتقرب منها وأحاول اطخها بجسمي اريد اكسر خوفها مني كملنا وغطيتها وطلعنا وصلتها لبيتهم وكتلها ما اطول نص ساعه ودعي بيتكم هاي اخر لحظات الج هنا 

كمره:وصلنا لبيتنا وانه الرجفه ابد ما بطلت مني امي تهدي بيه وخالتي ملت مني واجوا ابوي واخواني شفتهم ودموعهم ما سيطروا عليها ظليت ابجي بحركة كلب وكتلهم ما ردت اعوفكم وحضنت ابوي وانه ابجي بحضنه

فهيمه : ولج خاله عليمن البجي كلبتوها فاتحه موش عرس قابل ٲℓانــتيہ معرسه بالشيشان شو هذا بيتهم ولج يالمعزايه المكياج خرب بسج 

ابوصلاح: بنيتي كافي بعد ابوج وروحه مردتي كلبي بنيتي لازم تفرحين بويه احنا وين عنج مو بعيدين يمج شوكت ما ردتينا نجيج بس اريدج ترفعين راسي كدامهم أريدهم يكولون ابو صلاح انطانا جوهره خوش بريه وهذا راسج احبنه 

كمره: بويه راسك دوم مرفوع لا تخاف علي 

سمعنا الزفه اجت خابر على خالتي كللها غطيها راح يدخلون خواني وياي وابوي اجت خالتي غطتني وخنكتني خنك سمعتهم اجو ودخل احمد عرفته من عطره ودخلوا وياه ابوه واخوانه ولد عمه وظلوا يهوسون ويركصون وما فكوا لحد ما عاط بيهم الشيخ ابوهم اجى ابوي كضني من ايدي وسلمني لأحمد وكال

ابو صلاح: شيخ هاي أمانة الله ورسوله هاي بنيتي وأم بيتي اخذت قطعه من كلبي من تأذيها تأذي كلبي اريدك تحافظ عليها مثل ما تحافظ على عيونك 

احمد: تدلل عمي من هل عين لهل عين 

كمره: اجى ابوه كومنا قبل لا نطلع نزع عباته وشمرها على ضهري خاف انه عايزه خنك وصعدنا بالسياره جان اخوه عادل يسوق وابوه كعد يمه وانه وياه ورى وصاح على امه تجي تكعد يمنا ما قبلت كلتله تضايقون مني كلها ما اتحرك لحد ما تجين وفعلا اجت كعدت يمنا هو تعمد يسوي هيج حتى يتقرب مني اكثر تقريبا حاضني وحاوط ضهري بأيده وانه كلشي ما اشوف مختنكه كتله احمد كلش احتنكت اريد أتنفس حباب 

احمد: وصلنا ما ظل شي 

الشيخ: بويه حقها ارفع الغطا عنها شويه البت اختنكت خلها تتنفس شوي محد غريب هذا اخوك وانه ابوك لو تغار عليها من عدنا 

احمد: لا يابه منا طريق وسيارت وصايره مخاطف ما اريد احد يلمحها

الشيخه : هاك يمه هاي عباتي ارفع هذا الجادر عنها وغطيها بالعباية هاي شويه اترف خليها تتنفس شوي 

احمد: صار يمه انطينياها 

اخذت العبايه وكلت لعادل شويه اطلع ليكدام اسبق السيارات رفعت الجادر عنها جان وجها احمر وكوه تاخذ النفس ما غطيتها بالعبايه خفت عليها كلتلها ظلي هيج لحد ما نوصل اتنفسي 

كمره: رفع الجادر عني وانه اخذت نفس متت شاهدت ما اتحمل خنكه عندي فوبيا من هيج شغلات عبالي يغطيني بالعبايه بس من شافني مختنكه وكوه اجر النفس ما خلاها مشينا شوي سيارتنا لي كدام والزفه جانت كلش حلوه 

بس الفرح ابد ما يدوم اجت سياره مظلله عاليه وجبيره اعترضت طريقنا وكفوا كدامنا طلعوا من الجامه اثنين ملثمين بيدهم سلاح رموا على سيارتنا 

ما نسمع بس الخرط وصريخ الشيخه واحمد احتار شيسوي انه منا وامه منا وابوه وأخوه بالصدر شويه وكفت السياره الي بيها احنا بس الله ستر رموا بس جوا التايرات يـ؏ـنـي ما تأذى احد بس هذا المخبل اليمي شيسكته نزلوا ابوه وأخوه وسيارات الزفه ظلت تجي وحده ورى الثانيه وهو نزل مثل الثور الهايج اجتلي بسرعه الشيخه غطت وجهي احمد بالكوه هدوا ورجعوا صعدوا بالسيارات ورجع احمد صعد مثل ما كعد اجتله رساله مكتوب بيها 

شعبالك اخليك تتهنى بعرسك هاي اعتبرها جرت اذن مرت الثانيه الجيلات بصدرك

الفصل الثاني والعشرون من هنا