رواية كبرياء شيخ الفصل الخامس والعشرون بقلم زينب
احمد: كمره .. كمره ....
اخخخخ هاي شبيج
كمره: اسفه اسفه والله نسيت
احمد: خلص ما صار شي
كمره: هااا بس لا لجمتك خل اروح اصيح لعمار
درت ردت اروح وجرني من ايدي
احمد: تعاي ًوين رايحه كتلج ما صار شي
كمره: الله عليك كول اخاف اذيتك
احمد: شبيج بويه راح تبجين ما بيه شي تعاي ساعديني خل اتمدد
كمره: ماشي
ساعدته تمدد على كيف ونام على الجربايه وغطيته رحت للكنتور حتى اطلع فراش الي حتى انام على القنفه ما ردت ازعجه انه مزعجه كلش بالنوم واخاف الجمه شافني واستغرب
احمد: هذا الفراش المن
كمره: الي
احمد: ليش
كمره: اريد انام على القنفه
احمد: رجعي وتعالي يمي
كمره: احمد حباب حتى لو بس اليوم اخاف الجمك وجرحك بعده ما طايب
احمد: انعلي الشيطان وتعالي يمي لا تخافين
كمره: ماشي رجعت الفراش وطفيت الأضويه واجيت انام شفته فتح ايده الي خليت راسي على صدره وهو حضني بأيده السليمه وباس راسي وانه بسرعه حضنته حيل مثل الما مصدكه هو يمي
احمد: تدرين جنت محضرلج رزاله تمام بس حضنتج الي نستني حتى شلون ارزل
كمره: هااا
عادي رزل براحتك
بس ليش شسويت انه
احمد: تغشمين روحج مو
كمره: فتحت عيوني مستغربه
احمد: بويه لا تفتحين عيونج تدوخني
كمره: حتى وانت مريض هم ترزلني كلي شسويت انه
احمد: الف مره كايلج من تشوفين ولد عمي ما تظلين يمهم
بس اخ من عنادج
كمره: والله ردت اكوم من سمعتهم راح يجون بس الحجيه ما قبلت اكوم
احمد: يـ؏ـنـي تسمعين كلامها وانه لا مو
كمره: لا والله بس هي حرجتني وانت تعرفها اذا كالت شي لازم يتنفذ
وانه جنت كاعده حتى ما حجيت
احمد: وهذا وجهج ينكلب طماطه وانه اشوفه وانمرد من يمي
كمره: شسويله اذا هي كل ساع مطلعتلي لقب وآخر شي تكلي جماره
احمد: تدرين حبيت هذا اللقب
كمره: صدك
احمد: والله شبيج خجلتي
كمره:تعرف اول مره نحجي بدون عرك
احمد: ..........
صفنت بوجها اكثر شي اشتاق لعيونها احسهن بحر اغرك بيهن جكد ما كبار
بستها بين عيونها حسيتها ذبلت وغمضت اعيونها لو ما جرحي جا ختمت الليله وياها
كمره: احمد
احمد:لا تحجين شي
كمره: ليش
احمد: الهدوء يلوكلج اكثر
كمره: بس ردت اكلك انه ما مصدكه انت يمي
شديت حضنته اكثر ورفعت راسي بسته بخده
احمد: تدرين لو اعرف بهاي تطوراتج جان من زمان اخلي فد شي يصيرلي على مود تحنين عليه
كمره:ليش تحجي هيج انه ما مصدكه انت رجعتلي بخير
احس روحي هسه رجعتلي
احمد: هل درجه تعزيني
كمره: واكثر من ما تصور
هل مره رجعت بسته من شفته بوسه خفيفه
احمد: ستري علي بهل الليل وين انطي وجهي وانه مجروح
كمره: هههه ليش شسويتلك
احمد: نعله على ابيج فدوه اروح لهل البراءه
كمره:ما عرفت منو سوى بيكم هيج
احمد:لا عقلي راح يطير من راسي بس لو اعرف منو وشيريد مني
كمره: زين وتالي شلون تبقى حياتك مهدده
احمد: الله كريم لا تشيلين هم
كمره: شلون ما اشيل هم يـ؏ـنـي كلما تطلع لازم ندخل إنذار
احمد: بس خل اشد حيلي والله الا انبشهم نبش
كمره: الاحد دوامي
احمد: ما ترحين
كمره: ليش فاتتني محاضرات هواي
احمد: ما أأمن عليج وحدج شوكت ما اداوم انه تداومين
كمره: وامتحاناتي شلون بيها
احمد: نسيتي انه دكتورج ومن يمي ادبرها لا تخافين حتى لو تمتحنين نهاية الكورس بس
كمره: براحتك
احمد: اليوم ٲℓانــتيہ مطيعه
كمره: محظور
احمد: اهاااا يـ؏ـنـي الشغله بيها حظر يـ؏ـنـي لو صاحي يشتغل لسانج رشاش
كمره: لا شدعوه
احمد: يــله نامي وراي كعده العالم بعد اسبوع ما تفكني
كمره: غفيت على صدره بس كل ساع أفز اخاف علي ومره فزيت لكيته يون ويخربط بالحجي وعركان جست كصته لكيته جهنم حاولت اكعده ما كدرت خفت علي والدنيا ليل كمت لبست روب طويل وشال وركضت على اخوه عمار هو طالب تحليلات مرضيه يـ؏ـنـي يعرف بشغلة الطب دكيت الباب علي كعد كوه فاتح عيونه ويفرك بيهن شافني استغرب
عمار: خيرج كمره
كمره: عفيه الحكلي احمد ما ادري شبي
عمار: رجعيله انه البس واجي
كمره: تمام
ورى دقيقه اجى
عمار: دخلت شفته صاير نار كبره عرفت جرحه ملتهب ومصخن وناكع عرك
خويه جيبيلي ماي وخلي بي ثلج وخاولي صغير وانه راح اشوف جرحه وكعديلي واحد من الولد يجي يساعدني
كمره: صار
ركضت على اخوه عادل كعدته راح ركض للغرفه وركضت للمطبخ جبت الماي وانطيته اله
عمار: حضريلي ملابس اله بسرعه
عادل: اكلك خل نسبحه بماي بارد مو احسن
عمار: وجرحه شلون يلتهب بالزايد
كمره:طلعت ملابس وانطيته اله وانه ارجف من الخوف
عادل: خويه شبيج ترجفين صلي على مـٰ̲ـہحـٰ̲ـہمـٰ̲ـہد هسه يصير زين
عمار: خويه ٲℓانــتيہ طلعي
كمره: ما اطلع واعوفه
عادل: خويه احنه يمه وكفتج ما منها فايده ولا يصير بيج مثل ذاك اليوم انوب نحتار بيج لو بي
كمره: عفتهم وطلعت كعدت على التخم بالصاله الفوك وانه كلي ارعش خايف علي وألوم بروحي يجوز انه السبب جي نمت يمه يجوز لجمت جرحه
ظليت تقريبا ساعه وانفتحت الباب وطلعوا الولد ركضت عليهم
شلون صار
عمار: لا تخافين نزلت حرارته ونظفت جرحه وهسه رجع نام ٲℓانــتيہ روحي نامي هسه بس ظلي راقبي بين مده ومده
كمره: • ﺂنٰ شۨـِﺂءۙ ﺂللـِه۫ہ ٰ
دخلت شفته نايم تقربت يمه بسته بخده راخذت مخده ونمت على القنفه كل شويه فازه اتحسس حرارته اخر شي استسلمت للنوم
كعدت الصبح مخروعه عبالي بي شي وانه نايمه شفت الساعه ١١ حيل كل هذا الوقت وانه نايمه وهو ما هو بدلت ملابسي على السريع وغسلت وجهي ونزلت اركض ردت اوكع من الدرج تلكتني الشيخه
الشيخه: الله الله اسم الله الرحمن شبيج يمه
كمره: عمه احمد وين
الشيخه: لا تخافين بالمضيف ما بي شي بالعكس كعد اليوم وجه مورد
وصانه عليج كال لحد يكعدها الولد كلوله سهرت وياهم بالليل من اتخربط
كمره: الحمد للـه والله عبالي صايرله شي
الشيخه: تعالي تريكي وعوفي الخوف وجهج صاير اصفر لا تطيحين علينا
كمره: دخلت للمطبخ شفت الحجيه كاضه عوجيتها واكفه على النسوان ياهي الما تشتغل تلوبكها بيها ومن ضمنهن سلمى العكربه دخلت وكلت
صٌٍُِـَۧـِبِٰ̲ـِٰ̲ﺂح ﺄﻟٌٍََُِِِٰ̲خــۧيٌٍُِـَۧـِࢪ
سلمى: كولي صباح الظهر بعد وكت خاتون
ليلى:وانتي شنهي عمتها ام رجلها وتحاسبينه
ما عليج منها بيبي تعاي حذاي تريكي وجيهج اصفر هاي مثل امها مسمومه
كمره: كعدت يم الحجيه جان الريوك بعده على السفره اكلت شوي وردت اكوم
ليلى: كعدي كملي اكلج عبالج ما اشوف كاعده تنكنكين(تلكطين) جنج عصفور هذا كله تاكلينه
كمره: حجيه والله شبعت ما اكدر بعد خل اكوم أساعدهم
ليلى: تساعديمن شو اكعدي ما عليج بيهن هنه اهواي تعاي سولفيلي
كمره: شسولف
ليلى: شنهي ما كو شي بالطريق
كمره: مثل شنو
ليلى: خايبه آثاري ٲℓانــتيہ خوثه
كمره: شقصدج حجيه
ليلى : قصدي فريخ بطنج
كمره: فهيت بوجها بكلبي منين يجي وانه مسويتها علي حصار
ليلى: شوف الفاهيه صفنت بوشي
كمره: هااا حجيه لا ماكو شي
ليلى: تندري وجيبي لا ياخذنه منج الما يخافن الله
كمره: حجيه هذا امر بيد الله
ليلى: الله كريم يمه
احمد: كعدت الصبح شويه احسن كدرت احرك ايدي ولو قليل شفت كمره نايمه على القنفه استغربت ليش هناك نايمه وهي امس جانت يمي انتبهت على ملابسي مبدله ردت اسأله ما هان علي اكعدها تمشيت على كيف اخذت ملابس دخلت بدلت واطلعت صاروا الولد بوجهي سولفولي على الصار بالليل نزلت لكيت الكل كاعد على السفره حتى بيت عمي والحجيه هم صبحت عليهم
صباح الخير
ليلى: هلا بهل الصباح الحلو اليوم الوش مورد
احمد: مو مثل نور وجهج بيبي
وسام:حجى بهمس اي اصبغ بيها حتى لا تكضك من زردومك
ليلى: شولاكم تبسبسون
احمد: هيج بيبي على كولتج هذا واحد مسربت
ليلى: مسربت وبس
وسام: وبس شني بعد لولو
ليلى: هاي شنهي انوب شو كمت تعوج بلسينك
وسام: ههههه بيبي سوالفج كارثه
عادل: خويه شلونك اليوم
احمد:احسن بهواي
عمار: لا تتحرك هواي خويه اتحمل هل كم يوم
احمد: الله كريم والعالم التجي نطردها يا خوي ما يصير
الشيخ: مي خالف بويه انت تكتر عليك بس تسلم لا تكوم ولا تتحرك
ليلى: جا جمارتك وين
سلمى: اكيد نايمه الخانم
احمد: وانتي شبيج منو دايس على ذيلج (بخزره)
ليلى : بيبي عوفها هاي اليوم طابكات وايراتها ما عليك بيها انه اعلمها
الشيخه: حجيه امس ظاله للصبح خطيه ويه رجلها من صخن وما نامت الا وجه الصبح
احمد: عوفوها على راحتها شوكت ما تكعد اعتبروا امر مني وما اريد اسمع حجايه زايده
ليلى: يااا سوده عليه خطي هل بت ما تهنت بعرسها عبن عيون العالم تكتل كتل ( تباوع لسلمى)
سلمى: هسه انه شحجيت اكلتوني وشربتوني
ليلى: انلصمي وسدي حلكج
سلمى: اهوووو اكوم احسن الي
ليلى: ابو مرتضى شوكت تعرس لهاي الفاهيه وتفتك منها
ابو سلمى: حجيه ما تقبل تعرس شسويلها
ليلى: تاكل تبن اذا كبرت ياهو الي يكلبها بعد
ام سلمى: يا زينة البنات شمالها محد يكلبها
ليلى: ٲℓانــتيہ شمالج اخذتي الجلمه من كفاها من اكول مسمومه تلوميني
ام سلمى: يا عمه شجاج علي انه وبتي
ليلى: عمه العماج ربي بزرتج عدل وزوجيها لا تبور عليج
الشيخه: الله كريم حجيه بعدها صغيره جاي خيرها
ليلى: حجت المسعده
الشيخه: انوب ردت علي
الشيخ:حجيه تركيهن براحتهن شجاج عليهن
احمد: سوالف بيبي تضحك كل ساع تستلم واحد خلصنا ريوك ورحنا للمضيف بدت الوادم تجي وتتحمد السلامه وانوب العصر اجتمعت الشيوخ والناس الخيره على مود هاي الطلابه وادخلت الشرطه وما لكو اي شي بس انه ما يهدالي بال الا اعرف منو وشنو غايتهم وليش انه بالذات اتفقت انه وشداد ندور من مكان المزرعة وكلفنا زلم تحرس هناك من بعيد وتحقق صح المكان مهجور وما بي لا كاميرات مراقبه ولا ناس تشهد بس لازم يغلطون
فاتت يومين بديت اتحسن والناس خفت حتى الاقارب كلمن رجع لأهله
جنت كاعد يم الاهل بالأستقبال اجتلي رساله من شداد كالي • تـٰ؏ـﺂل للمكان (البحيره) رحت اله بلا ما يحس علي احد اتفقت ويه بيبي كتلها اذا سأل علي واحد لفي من يمج السالفه انه ساعة زمن واجي
ليلى: شوف ولك حميد ساعه بس اذا عبرت الساعه وما لفيت اكومن بنص البيت وافتح زيكي واصيح ها يا الأولاد هاا اخوكم راح يروح من ايديكم اتلاحكوله
احمد: بيبي على بختج كتلج طمطميلي مو تشهريني
ليلى: هذا الموجود يله توكل
احمد: رحت للبحيره وصلت لكيت شداد واكف ولاف ايدي ورى ظهرى وجها بي حيره
شداد: هاا شيخ اجيت
احمد: شبيك وجهك ما يتفسر عرفت شي
شداد: لا تستعجل على رزقك
احمد: كول شداد شعرفت
شداد: تعرف المزرعة الرحنالها المن طلعت
احمد: المن
شداد: لحجي سلمان
احمد: حجي سلمان منو
شداد: شيخ اعرفنك ذكي وتلكفها وهي طايره
احمد : شداد والي يسلمك انطق تراك ذبحتني
شداد: حجي سلمان ابو هند الله يرحمها
احمد: شنووووووو
شداد: اي شيخ الزلم الكلفناهم يراقبون المزرعة ما لكو شي بس شافو من بعيد ناس جايه يمكن فلح لو ناس صياده وسألوهم عليها وهما كلولهم ما كتلك بساعتها ردت اتأكد عدل وبنفسي تأكدت وهسه اجيت كتلك
احمد: انت شتحجي هما مو باعوا كلشي وتركو البصره من عشر سنين
شداد: لحد هسه ما الهم اي ضجر بس انه اكول هما الهم ايد بالسالفه
احمد: لا ما معقوله انت اكيد متوهم
شداد: والله شكلك تعال احسبها الرساله منين اجت مو من المزرعه
والجيلات منين لفتنا مو منها والمزرعة المن طلعت الهم تراها مو صدفه
احمد: عقلي كام يفتر زين ليش هسه شنو غايتهم بعد ما دمروا هند ودمروني وأخذوا كلشي وراحوا حتى كبرها خفوه عني
شداد: السالفه بيها انه وتبين شيخ لا تخاف ما دام لزمنا راس الخيط
الايام الجايه تنحل السالفه بس هسه انت لا تحجي شي
احمد: شحجي والمن غير يتخبلون
شداد: خلص شيخ هسه نرجع لا يظل بالهم ﻋﻠﻴﻚ
احمد: رجعت وانه براسي صارت الف حيره وفكره سالفه لا تخطر على البال ولا على الخاطر شلون اذا طلع الهم ايد بالسالفه وترجع تنفتح جروحي من جديد وانه ما عولت أطيبها اخ يادنيا شوكت راح ترحميني دخلت للصاله شفت بيبي واكفه ومتخصره وتنحش بالرايح والجاي تسئل علي
ليلى: ولك متت الف موته من وراك
احمد: بيبي لا تخافين علي شو تعاي كعدي خل انام بحضنج
كعدتها على القنفه ونمت بحضنها وهي تمسح بشعري
ليلى: شبيك جده متكدر
احمد: تعبان بيبي ومحد يحس بيه
ليلى: يااا شجاك طلعت شحلاتك ورجعت مهموم
احمد: اي والله بيبي حيل مهموم
ليلى: احجيلي بلجن اساعدك أخفف همومك
احمد: ما اكدر بيبي خل كلشي بمكانه بس احركه ارجع انزف وهل مره اذا نزفت محد يكدر يطيبني
ليلى: شذكرك بيبي بيها هل السنين ما كدرت تنسيك
احمد:كلما اكول نسيت وراح أعيش مثل البشر يصير شي ويخليني ارجع لي ورى
ليلى: بيبي تعوذ من الشيطان هذا الشايله بكلبك مو عشك هذا مرض
انت مجلب بي العنده مثل مريتك ينسى ابو العشك وضيم السنين والقهر العشته بيبي بهاي سوالفك راح تخسر جمارتك اكعد بينك وبين نفسك وتخيل مريتك مو الك شوف نفسك تكدر تعيش بلياها وهي بت حلال وشاريتك
احمد: بيبي لا تزيدن علي همومي رحمه لهلج
ليلى: كوم روح لمريتك شوفها خطي من الصبح تطلع لهل المضيف وما ترجعلها الا تالي الليل ليش هي شذنبها وليدي ارحمها
احمد: ما اريد اصعد هسه بس اصعد ااذيها وينمرد كلبي عليها
خليني هنا
ليلى: براحتك بيبي لا تضغط على روحك
كمره: جنت واكفه بالمطبخ اساعد البنات شفت احمد دخل للصاله فرحت وطرت ردت بس اوصل للصاله حتى اشوفه فاتت هل يومين ما شفته عدل لو بالمضيف لو يصعد متأخر يلكاني نايمه ومن اكعد الصبح الكاه نازل بس من وصلت للباب انصدمت صدمت عمري سمعت حجيه كله هو والحجيه حسيت كلبي انتفض وانقبض وصدري قبط الهوا انكطع عني خفت لا ترجعلي حالة النزيف صعدت اركض للغرفه وانه اشهك وابجي دخلت للحمام ابجي حتى محد يسمع صوتي
جنت متأمله يحبني بس انه انانيه حسيت بنفسي فرضت روحي علي بس مو بيدي حبيته وكلبي جاي يتكطع على موده ليش مايحبني مثل ما يحبها انه شنو ناقصني هو مو يحبها يعشكها حتى وهي ميته الله وأكبر شلون راح اتحمل إنسان ما يحبني شلون راح اتعامل وياه شلون راح اكمل حياتي وياه واشوف بعيونه عشك غيري يا ربي ساعدني ظليت ساعه ابجي سمعت دكت الباب غسلت وجهي وطلعت فتحته طلعت هديه
هديه: وين رحتي كمره الشيخه تسأل عليج هي والحجيه تكول نزلي
تعشي
كمره: ما اشتهي تعبانه وراح انام
هديه: شبيهن عيونج مورمات باجيه
كمره: لا تسأليني هديه فدوه
هديه: براحتج
كمره: طلعت هديه ورجعت للبجي دموعي وحدهن ينزلن
هديه: نزلت لكيت الكل يتعشى حتى الولد والشيخ كتلهم
كمره ما تريد عشا تكول ما اشتهي
الشيخ: ليش بويه روحي كليلها الشيخ يكول نزلي
احمد: يابه خلوها براحتها لحد يضغط عليها هي اذا كالت لا يـ؏ـنـي لا
الشيخ: براحتكم بويه
كمره: مسحت دموعي واخذت تلفوني ردت اخابر اخوي يجي ياخذني بهل ليل وما ارجع لهنا بس تراجعت اخاف تصير مشكله وهما طلابتهم لسه ما فاضه ما اريد ازيد حملهم حاولت انام ما كدرت حجيه يرن بذاني كلمه كلمه صعبه على اي بنيه تسمع رجلها يعشك غيرها بس شسوي احس روحي مربطه فاتت ساعه على وضعي حسيت صدري ضاك عرفت خشمي راح ينزف تمددت ورفعت راسي وانه اجر النفس كوه سمعت فتحت الباب غمضت عيني ما ردت اشوفه بس اشوفه يضيك صدري بالزايد بس ما اكدر ادور راسي للجهه الثانيه بس ادور يطك خشمي دم ظليت متشنجه وانه ادعي بكلبي كون يدخل للحمام لو ينام
احمد: دخلت للغرفه جانت الاضويه مطفيه باقي بس ضوه خفيف
عرفتها نايمه ما حبيت أزعجها تمددت يمها وعيني عليها واذكرت حجي بيبي من تكلي تخيل نفسك هي ما موجوده يمك ما تقبلت الفكره
اصلا مو انوب هي مو يمي شفت دمعه نزلت من عينها قربت ايدي مسحتها هي راسا نترت ايدي من وجها
احمد: كمره شبيج
كمره: ......
احمد: جاي احاجيج جاوبيني
كمره: ما تحملت حجايه منه كمت من الجربايه ردت اروح للحمام ما حسيت الا كض ايدي ودارني علي ضاكت نفسي بالزايد اختنكت حسيت الحاله رجعتلي كلت ماكو مفر انكلب وجهي أزرك وكو اجر النفس ركض فتح الاضويه وشاف وجهي كله دم تخبل ما عرف شيسوي هاي اول مره يشوفني بهل الحاله صاح صوت رج البيت رج ظل كاض وجهي نزل للكاع ونيمني بحضنه ما يعرف شيسوي صعدوا كلهم على صوته شافوني وهما تخبلوا جنت بلا شال حتى هو ما اكترث راد بس يرجعني لوضعي اجاله عمار يركض جاب صفطة كطن وجبسها بخشمي وصاح عليهم يجيبون ثلج شويه الدم انكطع بس احس نفسي ثكيل بعدني مختنكه كله عمار لازم اوكسجين ياله ينتظم تنفسها صاح على امه تلبسني شال وعبايه لفلفوني بيها شالني ونزل بيه وصعدنا بالسياره اجى ويانا اخوانه كلهم يخافون علي ما يريدون يتركوه وحده وصلت للمستشفى عمار شرحلهم الحاله وخلولي جهاز التنفس ظليت ساعه انتظم التنفس صار طبيعي رفعت عيني شفته خال ايديه على عيونه بتعب وأمه من الجهه الثانيه يم رجلي انه احس بيهم بس ما اكدر احجي دخلت الممرضه شافت الوضع طبيعي رفعت الجهاز وطلعت ودخل وراها الدكتور
الدكتور: السلام عليكم
احمد: عليكم السلام دكتور بشر شلون صارت
الدكتور : الحمدلله عدت سلامات دار علي وسألني
باباتي هاي اول مره تصير عندج هاي الحاله
كمره: حجيت كوه لا دكتور دائما تصير عندي بس مو على طول
اباوعله تفاجأ ما جان يعرف
الدكتور: هااا من زمان عندج لو من مده
كمره: من سويت عمليه لخشمي جان مكسور وشكلت عندي هاي الحاله بس مو دائما بس اذا امر بحاله نفسيه وهستيريا وحزن وقلق
الدكتوره كالت شي طبيعي ما يخوف
الدكتور: ولو بابا ما يصير تسكتين راجعي دكتور اختصاص خلي يشرف على حالتج
عندج العافيه تكدرون تطلعوها من رخصتكم
احمد: تفضل دكتور
يله كمره تحضري خل نطلع
الشيخه:بنيتي تكدرين تمشين
كمره: اي عمه اكدر
احمد: كضيتها من ايدها حسيتها رجفت
طلعنا من المستشفى رجعنا للبيت وصلنا للدرج ما كدرت تصعد شلتها وهي خلت راسها على صدري وصلنا للغرفه نزلتها رادت تكوم ما قبلت
كمره: اريد ابدل ملابسي كلها دم
احمد: تمام بس لا تتحركين انه اجيبلج ملابس
فتحت الكنتور طلعتلها دشداشه قصيره اشوفها دائما تلبسها شويه مريحه للنوم وصلت يمها كتلها يله
كمره: اروح للحمام ابدل
احمد: لا انه ابدلج نزعتها الشال والعبايه وصلت للدشداشه كضت ايدي وأشرت براسها بمعنى لا
احمد: شوفي كمره لا تخجلين مني انه رجلج يـ؏ـنـي ٲℓانــتيہ حلالي ومو عيب اذا شفتج كسري حاجز الخوف والخجل الى متى نظل هيج بستها من راسها وننزعتها الدشداشه اول مره اشوف جسمها حجيت بكلبي ولج انه بشر ارحميني عاد استغفرت ربي ولبستها ونيمتها على الجربايه اخذت ملابسي ودخلت اسبح وطلعت لكيتها نايمه تمددت يمها سحبتها علي ونومتها على ايدي ونمت وكعدت الصبح لكيتها صافنه بوجهي وعيونها كلها دموع كعدت كضيت وجها ومسحت دموعها وكتلها
ليش هاي الدموع كليلي شبيج اكو احد غاثج
كمره: لا
احمد: فهميني من امس لليوم ٲℓانــتيہ مو طبيعيه فتحيلي كلبج كولي لا تسكتين
كمره: ما كدرت احجي شي ظليت بس اباوع لوجها ومقهورة ودموعي تصب
احمد: احجي لا تخبليني
كمره: هم يجي يوم وتعوفني
احمد: شلج بهل الحجي ٲℓانــتيہ اكيد واحد مسمعج شي كولي منو
هاي سلمى مو جاوبي
كمره: لا محد والله بس انه خايفه.....
احمد: لا تخافين وانه موجود
كمره: ابتسمت وحطيت راسي على صدره وسمعت دكات كلبه سريعة
خليت ايدي على كلبه وكتله ليش هيج
احمد: من خوفي عليج من امس لليوم ما خليتي عقل براسي
كمره: هم يجي يوم وتحبني
احمد: ..........
احمد:شلج بهل حجي ومنو كال ما احبج ليش تفسرين كلشي حسب تفكيرج
كمره: كلبي يكلي انت ما تحبني ولا راح يجي يوم وتحبني
احمد: هسه عرفت سبب حالتج بسبب تفكيرج الوهمي
سمعيني انه لو ما احبج جان ما بستج
ولو ما احبج جان ما حضنتج ولو ما احبج جان ما كل يوم اخليج تنامين واظل صافن بوجهج حتى اشبع منه
سمعيني مااريد اسمع بعد هل كلمه من عندج وشيلي هل التفكير من راسج جاي تأذين روحج وتأذيني وياج ومن هسه اكلج ما اعوفج ابد لا هسه ولا بعدين ولو شما يصير راح تبقين هنا غصبن عنج وعني رضيتي او ما رضيتي مفهوم
كضيت راسها بين ايدي وكلت
وداعت عيونج الحلوه امس من شفت حالتج رادت روحي تطلع عبالي خسرتج والخساره توجع انه مجربها واعرف ضيمها
واليوم حضري روحج حجزت عد دكتور زين حتى اجيك حالتج وما اريدها ترجعلج بعد
كمره: اشرتله براسي ب أي وعيوني كلها دمع
احمد: جكد تبجين دخيل ربج ارحمي عيونج عاد شادتلج خزان ما يفرغ
والله حرام عليج
كمره:حضنته حيل حسيت شوي كلامه ريحني ولو بعدني ما مطمنه بس شسوي احبه ولازم اتحمل عفته وردت اكوم
احمد: وين رايحه
كمره: اسبح احس ريحتي كلها دم ومستشفى
احمد: تحبين اساعدج
كمره: لا لا صرت زينه
احمد: هههه على كيفج يابه براحتج
كمره:خجلت منه طلعتلي ملابس وطلعتله وياي خليتهن على الجربايه هو ظل يكلب بتلفونه ويخابر وتجيله رسائل واشوفه يتخربط من يقراهن
عفته ودخلت للحمام وبراسي ميت حسبه اعرفه ما يعوف السالفه اذا ما ياخذ حكه بس خايفه علي كملت وطلعت وهو دخل جاي امشط شعري وسمعت دفره بالباب خلتني انز وانه بمكاي ركضت فتحت الباب وشفت
ليلى:يمه موتني الدرج شطوله راحت رويحتي
كمره: شفتها حالتها تضحك وتلهث فحطانه خطيه من صعدت الدرج وهي مره جبيره الله يساعدها
حجيه شصعدج
ليلى: ولج بيبي روحي مفرفحه عليج من امس كليلي هسه شلون صرتي
كمره: حجيه الحمدلله زينه لا يظل بالج عليه
ليلى: شلون يمه وانه شفته نازل بيج وانتي مثل الطويره المذبوحه لا حس ولا نفس شجرالج يبيبي
كمره: جنت حاسه بكلشي بس ما اكدر احجي
ليلى: شكدرج يبيبي احجي سولفيلي لا تضمين بكلبج ترى يكتلج
كمره: ماكو شي حجيه
ليلى: شو باعيلي
كمره: رفعت راسي وشافت عيوني كلهن دموع
ليلى: جا هذا الدمع شنهي
سمعيني يبيبي انه اعرف شجرالج وحاسه بيج ماكو مره ما تحس برجلها
ولزومن انصحج ٲℓانــتيہ وحدج تكدرين تطيبينه وتخلين كلبه بس الج
كمره: ما اريد افرض نفسي علي
ليلى:خايبه شبيج ٲℓانــتيہ غمه
شايفته امس شلون تفرفح عليج وما اندل طريجه
ولج لا تخسرينه ولا تبينيله ٲℓانــتيہ حاسه بشي
خليج قويه وانتي صيري مرته وأمه وأخته وكلشي اله حسبيها صح
كمره:سنين ما كدر ينسى تردين انه اخلي ينسى
ليلى: ولج هو ناسي بس يحس هو سبب موتتها وهذا الخانكة ٲℓانــتيہ هسه بكلبه بس عقله يرفض هل شي صيري سباعيه وجيبيلج فرخ وهو مو بس ينساها وينسى ابوها هم
كمره:حجيه كتلج هذا امربيد الله موبيدي
احمد: لا بيبي بيدها راسها يابس شسويلها
كمره: عزااا راح يفضحني
باوعتله واشرله بعيوني
ليلى : شنهي فهموني شسالفتكم
احمد: حجيه مسويتها علي حصار وجفاف حتى بوستها كوه بطلاع الروح ياله احصلها
ليلى: وي وي شنهي
كمره: حجيه يشاقه وياج شبيج لا تصدكينه
اشرله وما يفيد يحجي ويه الحجيه وكوه لازم ضحكته
ليلى: ولك حميد صدك تحجي لو تشاقه
احمد: وروح جدي عواد بييبي شلون اجذب عليج
ليلى: كومي لا بارك الله بيج وانه صارلي ساعه اخرط عليج عبالي ادميه انه اعلمج شو وخري من طريجي
احمد: هههههههه بيبي تعاي شبيج
ليلى: امشوا ولو مني
جاي ارد لبيتي بس من سمعت هذا الحجي باقيه على كلوبكم الكم مده شهر اذا ما سمعت بيج حبلتي وحك علي بهاي عوجيتي اكسر جعوبج واخلي ياخذ عليج مره وكولي ليلى ما كالت
كمره: صخام الصخمني عافتنا وطلعت ودرت على احمد كلي غضب ابدي افترسه
شكتلها بالله شيفكني منها بعد
احمد: هههههه تستاهلين ما تجيہٰن الا هيج
كمره: لا وتضحك بعد شهامك هسه تروح للمضيف وبعد ما اشوفك الا نص الليل وهي هسه تظل تنك على راسي
احمد: ٲℓانــتيہ بس اشريلي وظلي يمي وانه بعد ما اطلع من الغرفه
كمره: عزااا انت شجاك اليوم
احمد: خجلتي مو
شفتها خجلت تقدمت عليها وانه بعدني ما مبدل كضيتها وحصرتها على الكنتور وطبكتها على صدري وخليت وجهي بوجها وكتلها
مو زين مني ما كتلها انه لسه ما ماخذج
كمره: وشمدريك ما فهمت هاي بيبيتك ما يفوتها شي
احمد: لا تخافين لو حاسه بشي جا حطت كرسي وكعدت ورى الباب تاني نيشانج
كمره: صدك تحجي لو تضحك علي
احمد:قربت راسي يم ركبتها وأشم بريحتها وبستها حسيت جسمها رجف
وحجيت بخدر
يا يوم ضحكت عليج انه
كمره: هااااااا
احمد: حسيتها خدرت ظليت أبوس بيها على كيف وهي ذابت كلش وكلت
رجعنا للفهاوه مالتج
كمره: احمد ش ش جا ي ت ت سوي.
احمد:كمره بعـٌـــِد ما اكدر اصبر لا تمنعيني
كلشي بيج يجذبني احساسج وعطرج وطولج وعيونج وشعرج وجسمج وملامحج من الاخير كمره كلج على بعضج تجذبيني
كمره: سحبت نفس قوي وحجيت بكلبي هذا حقه ما لازم امنعه كافي هو صابر علي هلكد ليش امنعه واخسره بالزايد لازم اكسر خوفي واخلي ينهي • ﮪل السالفه لأن هي وراي وراي لو جكد ما اماطل بس شسوي لخوفي
: ردت ادفعه ما كدرت هو قوي وأضخم مني وانه هم ذبلت من لمساته
بدى يبوس بركبتي بالبدايه بهدوء بعدين بدى يقوي البوسه مالته ويعض بركبتي وبصدري ويصعد على شفتي وعيوني وخدودي ورجع على شفتي وصارت بوسته اعنف حسيته كطعهن ابتعد عني وجه كله عركان وكال
احمد: فتحي عيونج وجاوبيني
كمره: فتحت عيوني وكتله على شنو
احمد: تحبين اكمل
كمره: خليت عيوني بعيونه وحاوطت ركبته بأدي وبسته من شفته بمعنى كمل ما راح امنعك هذا حقك
هو ما صدك رجع يكمل البداه ما خلى مكان ما باسه وشالني وهو مستمر بالبوس وانه بديت أبادله وما خجلت بالعكس جان شعور حلو وخلاني على الجربايه وبدى ينزعني ملابسي وانه فاقده بغير عالم وما حسيت على شي بعـٌـــٌِد مده حسيت بوجع كلش قوي صرخت هو حس علي وخلى ايده على حلكي وانه عضيته بكل قوتي ابتعد عني وانه ابجي من الوجع باس راسي ولفني بجرجف وكال مبروك يا روحي هسه صرتي مرتي وراح تصيرين ام جهالي سحب وصله بيضه جانت محطوطه بالمجر عرفتها وصلة النيشان
سوى الازم بيها وكترها على صفحه وكال
احمد: كمره ظلي نايمه ادري بيج موجوعه راح ادخل اسبح وانتي ارتاحي على ما اطلع
كمره: اشرتله براسي اي
ظل فتره وطلع لكاني على وضعي ردت اكوم ما كدرت الوجع اخذني شافني واجى
احمد: كمره ادري بيج ترفه وما تحملتي عذريني هسه بس تسبحين ترتاحين راح اشيلج اخليج بالحمام ظلي فترى بالماي الحار وانه راح اودي نيشانج لأمي لأن هي تدري بوضعنا تمام
شلتها وخليتها بالحمام وفتحت الماي وطلعت
اخذت البياض ورحت على غرفة امي دكيت الباب وكالت تفضل
الشيخه: ها وليدي مرتك بيها شي
احمد: راويتها بياضها شافته ونشغت وشبكتني
الشيخه: الف مبروك وليدي شايف كل خير ما مصدكه جكد فرحانه الحمدلله والشكر الك ربي واخيرا حققت امنيتي
احمد: يمه شجرالج محسستني انه جنت عاجز
ترى انه جنت كادر اخذها بليله العرس بس جانت خايفه مني وجنا على خلاف ما ردت ازيد التوتر بينا
الشيخه: ولك يمه مو قصة عاجز ما اريد اذكرك بس جنت فاقده الأمل بيك تحب وتزوج جانت امنيتي وهسه تحققت
احمد: بست ايدها ورأسها يمه بمساعدتج كدرت أتخطى اكبر عثره بحياتي احمد ربي الف مره ٲℓانــتيہ آٱآمي
الشيخه: من كل كلبك وليدي هذا الحجي ما اريد ترجع ذيج الايام
احمد: يمه انه يا يوم املتج بشي وما دام ٲℓانــتيہ موجوده وابوي واخوتي وكمرتي يمي انه بخير
الشيخه: يااا صدك نسيتني مريتك شلونه كون أذيتها
احمد: والله يمه اذا اكلج لا اجذب عليج بس هي ما تتحمل شسويلها
الشيخه: تصير زينه وهسه اجي اشوفها واطمن عليها ولا تتقربلها اليوم بعد جرحها طري واخاف تنزف
احمد:• ﺂنٰ شۨـِﺂءۙ ﺂللـِه۫ہ ٰ
كمره: شالني وخلاني بالحمام وفتح علي الماي وراح صدك ظليت فتره حسيت الوجع خف سبحت وكملت ولفيت علي الخاولي طلعت جاي ابدل ملابسي بس انه كوه امشي حسيت على حاوطني من ظهري وكال
احمد: اسف ادري بروحي اذيتج بس مو بيدي ما تحملت ٲℓانــتيہ تنكرطين كرط
كمره: اسمع حجيه وانه فرحانه بداخلي كلت يجوز كلام الحجيه صح هو يحبني بس يكابر يكولها الي رآآح اصبر علي اول وتالي ما اكدر اعوفه تعلقت بي درت علي وحضنته وكتله ليش تتأسف هذا حقك مو زين منك صابر علي لو واحد غيرك جان ما تحمل
احمد: ممنوع تكولين واحد غيرك ٲℓانــتيہ الي وبس وكادر اصبر الج عمر وهسه لبسي مالابسج راح تجي امي تشوفج واليوم لا تطلعين اشوفج كوه تمشين وكلها تدري بيج مريضه خل يعدي اليوم على خير ومن باجر نزلي
كمره: زين والدكتور مو اليوم نروح
احمد: راح اأجل الحجز على باجر ما ادري اليوم تصير هاي التطورات
كمره:اباوع على ايده بيها جروح بسيطه شفتها وضحكت
احمد: شبيج تضحكين
كمره: على ايدك
احمد: شمدريني مرتي تحولت جلب
كمره:اي حقك الوجعه ما توجع الاراعيها
احمد: هههه وهسه بعدج متوجعه
كمره:وجع خفيف
احمد: وهسه بدلي ظاله بالمنشفه تكفي الشر لا تخليني ارجع عليج مره ثانيه
كمره: هههه اطلع وانه ابدل
احمد: ولو ما يحتاج بس امري لله طالع
كمره:بدلت ملابسي ومشطت شعري وخليت مكياج خفيف وجريت عيوني بالكحل لأن ما راح انزل اليوم يـ؏ـنـي محد راح يشوفني وتمددت على الجربايه كضيت التلفون جاي اخابر على هبه واندك الباب عرفتها الشيخه
كلتلها تفضلي فتحت الباب واجتلي جاي اكوم وكالت
الشيخه: خليج يمه مرتاحه ادري بوضعج زين
الف مبروك بنيتي رفعتي راس ابوج واخوتج وصرتي مرت الشيخ وهسه لازم تعرفين ٲℓانــتيہ صرتي كل شي بالنسبه اله حافظي علي وهمو ايديكم جيبولنا طفل
كمره: الله يبارك بيج عمه
الله كريم كلشي بيد الله
الشيخه: وهسه ارتاحي ولا تخلينه اليوم بعد يتقربلج انه هم كتله بس اخاف يشوف • ﮪل الضيم الكدامه ويفقد
كمره: • ﺂنٰ شۨـِﺂءۙ ﺂللـِه۫ہ ٰعمه
طلعت الشيخه ظليت كله فوك ما نزلت صعدولي الغدا والعشا واحمد بعدما شفته جنت متمدده اجت رساله من هبه
هبه: شلونج يا بذات لا تسألين لا تكولين هيج الزواج ينسي
كمره:الحمدلله اسأل عليج
هبه: شتسألين اشوفج حاركه التلفون على صخمه
كمره: هههههههه
هبه: اي ضحكي شعليج نايمه بالعسل
كمره: ولج يا عسل كولي بصل
هبه: الله عليج
كمره: والله شكلج ومنين ابدي
هبه: ولج احجي شعدي اليوم كاعدتلج للصبح
كمره: مستعده تسمعين الآكشن الصار من العرس لهسه
هبه: كلي اذان صاغيه
كمره: سمعي
كلتلها كلشي من بداية العرس لليوم
هبه: تحجين صدك لو تتفلسفين علي لو ما خذتني على كد عقلج
كمره: ادري بعقلج مطربك بس هذا الصدك
هبه: حجزيلي مكان يمج
كمره: شتخربطين صخمه
هبه: اموت على الاكشن ماكو شيخ زايد عدكم
كمره: اكو خير من الله طبي وتخيري
