رواية خيط الدم الفصل السابع والعشرون بقلم زينب طالب
كان يومًا سيءً
مليئًا بالبُكاء والصداع المُستمر
أتى كُلّ شيءً فوق بعض
ولا يوجد هُناك من يفهّم ذلك
ولكِنّ لا بأس
رسمت القليل مـن
السعادة في داخلي
على أمل أن ينتهي كُلّ هذا
مثل ما ينتهي المطر، سأتخطى
الأمر وأرجو أن تكون
نهايتي سعيدة...
.......
شفق...
حچاها وتقرب مني يضحك بأستفزاز رجف گلبي التليفون بالگااع تقرب مني لزگت نفسي بالكاونتر مديت ايدي اتلمس السچينة مخليتهاا هناا حچيت اشغلة مااريدة ينتبه علية عيني بسلاحة لموجود على خصرة
::دير بالكك تتقررب مني ابتعدد شترريدد مني شنوو هالزگةة ماالتك
الباشا :: متعود الشي الأريدة احصل عليه بسهولة وانتِ صعبتي علية شفق
:: تطلع مناا لاتخليني اصررخ والم العالم عليكك اطلع ووولك
الباشا :: ههههه اكوون غبي اذا مااستغليت هالفرصة هااي
حچاهة ولزمني من بطني دفعتةةة حيل وطلعت السچينةة خليتها بوجهة اهددة
::اكتلك والله اكلتك اذا لمستني
الباشا :: اناام وياچ وكتليني عاادي لمهم اجربچ
:: تخسسسة تلمسني والله الا اذبحك بيدي تعررف شنوو اذبحككك
الباشا :: مثل بيبيتچ يعني
بهتت من حچاهاا نزلت ايدي حچيت برجفةة ونزلت دمعتي
::شنوو شتحجي انتَ شنووو قصددك شنوو بيبي انت انت لذبحتهاا مووو اي اي انت ماكوو غيررك موو احجي انت
الباشا :: هههههه مفاجئة موو شعبالچ لعدد اخليچ اتلعبين عليةة واعووفچ كسرت گلبچ وهسةة اكسرچ انتِ والحاويچ عندةة
نزلت دموعي گلبي ووجعني منضرهاا صاار گدامي عباالك اليووم كتلووها حجيت برجفةة
::شنو ذنبهاا ليشش هيچ سويت ممأذية احد هيةة ليش كتلتها وحرمتني منهاا
الباشا :: تستاهلين انتِ لعبتني علية خليتي ذاك الكلب يطلگچ مني ورحتي اخذتي ووعدتچ الگى اختچ واددللچ شسويتِ انتِ جذبتي علية وخليتي يجبرني اطلگچ تستاهلين كلشي اسووي بيچ تستاهليين
:: بسس اني ماوعدك بششي ليش هي سوويت شنوو بس اني بنت؟
الباشا:: گتلچ عجبتيني وصعبتي عليةة ومستحيل اعووفچ اذا مااخذ الأريدة
حچاها وبهمةة لوة ايدي وگعت السچينةة قربني منةة حضني بقيت ارففس بيه وهوو يذشم برگبتي اضرربه بكل قووتي ولاچنةة
::وخررر كلبب الله ياااخذك حقيررر ولللك وخررر مني الله ينتقمم منك انتت خنزير موو بشششر لككك وخررر مني
اصررخ وهو يبوووس برگبتي بقووة وحاضني قووي مااگدر افلت منة للحظة تعبت من المقاوومة استلسمت هدئت بيدة عبالة وافقت خففف لزمتة شوية غمضت عيوني صار يمشي اصابعة على رگبتي
صاار منضر بيبي گدامي وهذا القاتل يمي احسس اجتني قوة عجيبة دفرتة بطنة بكل قووتي
وگع بالگااع بقى يتلووى بألم
دنگت بسرعة رفعت السچينة هوو محنب ركضت عليه مااشوف بسس منضرر بيبي گدامي غرستهاا بنص رگبتةة صفح ووگع بمكانة بنفس اللحظة والدم صاار يطافرر مثل النافورة رجعت ليورة خاايفة ابچي واضحك بنفس الووقت گعدت گدامةة صافنة واني اشووف روحة تطلع گدامي الى ان نگطع نفسة بقيت على گعدني متعجبة شسوويت اني كتلت اي صرت قاتلة شفق ولچ كتلتي انسان دموعي تنزل ممصدگة شنوو سويت اريد اتقرب اشووف النبض مااگدر اريد شي يخليني اتأمل بعدة عايش ماكوو
رجعت ورة خايفة حضنت رجلية لصدري دموعي تنزل شفايفي ترجف العرگ يصب من يمي ادية
كلهن دم بهاللحالة سمعت الباب اندفع بقووة وصوت صااررم يصيح دخل يرككض بقى واگف بمكانة مصدووم عيوني تباوعلة دخل اكرام وراه والشرطة طلعهم اكرام وبقى بس هو صارم وسد الباب
عبر الجثةة واجة يمي لززم ادية يفرك بيهن يريد يهديهن چانن يرجفن بقوةة باوعتلة ابچي احچي بهستيرياا
كتلتة صارم كتلة انتَ مو گتلي ااذا وصل يممچ گتللي هو هو راد يعتدي عليةة واني كتلتة ماخليتة بسس هوو باسنني برگبتييي صااارم بسسس كتلتة اني موو بسس هيچ هووو كااتل بيبي صاارم هوو ذابحهةة ولكك هوو حتى يحرررگ گلبييي يمةة كتلتة ولللج بيبي اخذذذت ثااارچ كتلتةة بيبي كتلتة
بقتي اصرخ بهستيريااا وادگ ع وجهي لزززم ادية بقووة وسحبني بحضنةة يهددي بيةةة
صارم :: اششش شفق سكتي لاتسووين هيچ طبةة مررضض چلب وفطسس سكتي حبيبتي
::صارم كتلنة اني ذبحتة مثل ماذبحهاا يستاهل موو گلي يستااهل؟
صارم :: اي اي يستاهلل والله يستاهل بس خووما اذچ حبيبي گليلي شفق شسووة بيچ
::ماالحگ يسووي شيي كتلتة كتلتةة صاارم ايدي كلها دمم صاارت اغسلهاا لعبت رووحي هاااك شووف الددم اييععع
صارم :: شفق حبيبتي شبيچ باوعلي لتتسووين هيج ولچ گلبي ينمردد عليچ گوومي وياي گوومي
سحبني گومني غسل ادية بالسنگ باوعت للگاع اكرام مغطي الجثة ووأكف يدخن حايرر اخذني للغرفة گعدني على الجرباية گعد يمي باسني براسي ويعدل شعري ويحچي بهدوء يصبر بيةة
صارم :: شفق حبيبتي لسويتة انتِ صح لا تلومين نفسچ ولا تتندمين هذا الشخص حاول يعتدي عليج وأنتِ دافعتي على نفسچ يستاهل الكتل
::خاف يسجنوني صاارم امووت
صارم :: الا اني جوو الگاع ويصير هيچ كل عقلچ
ابقي هناا هسة اجي
::وين رايح اخااف لاتعوفني
صارم :: لا تخاافين بس اطلع اشووف شسوة اكرام واجيج ثواني
باسني وطلع وسد الباب بقيت بمكاني گاعدة ادية بحضني ترجف اباوع الهاا اتخيل منضر الدم بيها غمضت مااريد اشووف شيي انت انت الأجيت برجلك للمووت انت ردت تعتدي علية انت كتلت بيبي انت تستاهل الكتل تستاهلل شسويتلك وهيچ عاقبتني شسوويتلك شنوو ابتليت اشتغلت عندك اخخخخ الله يحرگك بناار جهنم كلةة منكك خليتني اكتللك وااوسخخ ايدي كلةةو منك بقيت ابچي بصووت عالي فاات صارم خاايف علية اخذني لحضنةة
صارم :: شفق حبيبي باوعليي لاتبيچين شفق
::صاارم كتلتة ولك كتلتةة
صارم :: طبةة مرررض هسةة انتِ مقهوررة علية سكتي لاتسووين بروحچ هيچ سمعني اريد احجي ويياچ
::شنوو شنوو شتريدد
صارم :: لازم نروح للمركز شفق
::شتحچي انت راحح يحبسووني موو راحح انحبسس صاررم؟
صارم :: لچ لااا سكتي متنحبسسن والله نبقى بغرفة اكرام شفق بس سمعي اجراء روتيني ردت اني اشيل التهمةة عنچ ماقبل يگلي تثبت عليك وتنحبسس والجنود شاهدة بس انتِ دفااع على النفس متنحبسين شفق ابقى يمچ هنااا مستحيل اعووفچ شنوو تخبلت
::لالا مااروح عووفني اطلعع صاارم رووح مااروح عفية لا صاارم اخااف
صارم :: اهدي شفق اهدي حبيبتي وياچ مااعوفچ وداعة عيونچ بس گليلي انتِ تثقين بيه لو لا احچي تثقين بيةة؟
::اي
صارم:: خلاص لعد امشي وراي وانتِ مغمصة يلة حبيبتي امشي بس غيري ملابسچ
هزيت راسي خايفة غيرت ملابس وهو يباوعلي حاير كملت سحبني من ايدي وطلعنة باوعت الجثة ماكو طلعنة بالباب اكرام واگف باوعتلة نزلت دموعي تقدم مني يحچي بشهامة
اكرام :: مسحي دموعچ خوية ولاتخافين وياج مااعوفچ
::راح انسجن موو
اكرام :: اذب رتبتي واگعد بين النسوان اذا خليتچ تفوتين حبس مسحي دموعچ وبردي گلبچ
صارم :: اكرام نجي بتكسي وراكم
اكرام :: هاي السيارة بس اني بيها ومحمد امشي ويانة
حجاها وراح صعد سحبني صارم وصعدنة ورة انطلقت السيارة وعيني تباوع للجامعة احساسي ميت مااعرف شراح يصير مقهورة على نفسي وعلى الحالة لوصلت الها عتبت ع ابوية العافني وراح ولمت بيبي لمااتت ويتمتني مرة ثانية ذميت امي لماصارتلي ام ابد وخلتني اوصل لهاي المواصيل اي شفق وين بعدد تدوور بيچ الدنيا اكثر من هيچ وشنو تشووفين صاعدة بسيارة شرطة ورايحة للمركز وايدچ ملطخة بالدم صرتِ حالچ حالةة شلون گدرتِ تسووين هيچ شي شلووون
لزمت راسي احسة يريد ينفجرر من التفكير والأفكارر السودة الگاعد افكر بيهااا حسيت ايد صارم لزمتني باوعتلة عيوني مدمعة هز راسة يطمني بس وين اني كلام الدنيا كلة هسةة ميبرد گلبي درت وجهي اباوع للشوارع بضياع اتمنى الطريق يطول اكثر مااريد اوصل للمركز ولااشوفة بس ماصار لردتة بسرعة خلص الطريق ووگفت السيارة نزل اكرام والولد لوياه بقيت گاعدة بمكاني خايفة
نزل اكرام وندار فتحلي الباب مد ايدة الية باوعتلة خايفة حچى يطمني
صارم :: تعالي مااعوفچ
خليت ايدي بأيدة ونزلت رجلية ترجف بصعوبة امشي أشرلنة اكرام واحنة وراه كل ليفوت من عندة يضربلة تحية طمأنيت شوية بلكت يگدر يطلعني مناا وصلنة لوحدة من الغرف دخل اكرام واشرلنة دخلنة اني وصارم وراه گعد على كرسية وحچى
اكرام :: شفق راح تبقين هناا الى ان يطلع التقرير ونشوف شنسووي
صارم :: يا تقرير ترى واضحة الشغلة
اكرام :: لازم هالشي اجراء هذا بالمستشفى وراها يجوون اهل الضحية ويقدمون الشكوى حتى نفتح تحقيق
صارم :: هم تحقيق؟
اكرام :: لازم تحقيق حتى نثبت القتل دفاعاً عن النفس والمجنى عليه ناوي القتل خصوصاً كان حامل سلاح يعني لاتخااف تطلع
صارم :: بهاي الحالة تطول هناا
اكرام :: مو هواي بس لازم تتوقف الى ان تثبت المحكمة برائتهاا وسوت هالشي دفاعا عن نفسهاا
::يعني شنوو راح انحبسسس؟
اكرام :: كم يووم بس تبقين هناا شفق مااخليچ بالحبسس
صارم :: شلوون تبقى هناا راح تأثر عليك اكرام شغلك يتعطل
اكرام :: ادبرهاا لاتخااف
::بس مااريد ابقى هناا
اكرام :: اني يمچ وصارم هم يبقى هناا لاتخافين شفق
::نزلت دمعتي بخووف واني جسمي صاار يرجف اريد اسيطر على روحي مااگدر تقرب صارم لزم ايدي يهديني اكرام طلع من الغرفة دموعي تنزل مسحهن يحجي يطمني وهو خايف اكثرر مني
صارم :: شفق شفق حبيبتي اهدي اروحلچ فدوة ولچ لاتسووين هيچ قوي نفسچ والله مااعوفچ ولچ لو اعرف اتعلگ على حبل المشنقة ومااخلي شعراية منچ تنلمس
:: صارم جوري مااريدها تعرف فدووة جوري
صارم :: متعرف بس سكتي
::سند وينة ماشفتةة صارم سند ووين
صارم :: يم امي خلينة
::لاتاخذة وتسافرر صارم شلوون أمنت
صارم :: لاتخافين مخلي نااس تراقبهم متفوتني هيچ سالفةة يلةة سكتي ومسحي دموعچ وفكري بنفس عووفي العالم
ذبيت حسرة وسكتتت مارديت عليه طول اليوم بقيت بالغرفة ماطلعت منهاا صارم يروح ويجي واكرام هم يجي يسألني وارد عليه ثاني يووم اجاني اكرام لازم تحقيق بس گعد حقق وياي ويمة ولد يكتب حچيت كلشي وشنو سووة گتلة على مقتل بيبي واعترف هو قاتلهاا كمل المحضر وطلع وعافني بالغرفة كلما اسألة يگلي سهلة لاتشيلين هم
اكثرر من سبوعين مرت اني بهالمكان باليل صارم يبقى يمي ومرات ياخذوني لغير غرفةة حتى لاننكشف صارم يگول اذا عرفوا بأكرام مخليچ هناا حتى منصبة ياخذوه منةة معرض روحة للخطر علمودي كلما يجيني اشكرة يسكتني ويگلي انتِ اختي لاتحچين هيچ چنت أكد عليه لايبلغ جوري حتى يخليني اخابرها حتى لا تشك بشي اتصل من تليفون صارم واگلها تليفوني عاطلومن تريد تجي اگلها انتِ عروس ميصير تطلعين
اياام طويلة مرت يلة نعقدت المحكة بيومها لازم احضر اجى المحامي لخلاه صارم الية فهمني شنو احجي وشنو اگول دخلت للقاعة وشفت اهل الباشا
عيونهم تنفت شرار اكثر من محامي مخلين خفت من منضرهم خااف يسوون الحق علية وانحبس
رادو بكل صورة يبرؤنة حتى انحكم ماگدروا المحامي مالتي شااطر ماخلالهم مجال يتنفسوون بعدها القاضي طلب مني احچي حچيت شنو علمني المحامي كملت گالوا الحكم بعد مالمداولة بقيت ابچي وادعي ربي يفرجهاا علية ويخلصني من هاي البلووة الأجتني تعبت خيل ومااگدر ابقى اكثر من هيچ
ربع ساعة ونعقدت الجلسة مرة ثانية نطق القاضي الحكم برائة وگعت بالگااع ساجدة سجدة شكرر
طلعنوني بسرعة من القفص اخذني ىصارم لحضنة گدام الناس باسني براسي باوعتلة بعيوني اتشكرة بعدها رحت و تقربت من اكرام ودموعي تنزل حجيت بشهگةة
::مااعرف شلوون اشكرك اكرام والله الكلام مايطلع مني
اكرا م :: گتلچ واجبي هذا وانتِ اخيتي الله يستر عليچ خووية
صارم ؛: كفيت ووفيت ابو الاكارم
اكرام :: عديلي العزيز
حچاها وتسالموا اخذني صارم وطلع بعد ماتشكر من المحامي ايدي بأيدة احس نفسي تحررت صحيج ما جنت بحبس بس القلق العشت بيه ذيچ الأيام يكفي يقتلني واني عايشة اخذنة تكسي ووصلنة للبيت
دخلت للطرمة انتضرتة حاسب التكسي ورجع سد الباب وباوعلي مبتسم تقربت منة سحبت ايدة وبستها سحبها وباسني حيل حچى
صارم :: ليش هيچ تسووين شفق
::مااعرف شگوول صارم انتَ هدية الله الية سندي وحبيبي لسووة لمستحيل لخاطر يحافظ علية گلي شنو سويت بحياتي حتى احضى بواحد مثلك
صارم :: اني المحظوظ بيچ شفق انتِ رجعتيني للحياة بعد ماچنت ميت من دوونچ ولأسوي هذا واجبي لاتشكرين عليه ازعل منچ ترة
::احبك صارم
صارم :: اموت عليچ وحق ابو الحسن
ابتسمت بوجهة ودخلت للبيت لگيتة نضيف وريحة المعطر تشع من البيت الجدورة على النار تفوور باوعتلة متعجبة ضحك باوع للغرفة تقدمت طلعت جوري بأحرام الصلاة عيونها حمر تعجبت اجتني تركض فتحت ادية شمرت نفسهاا بحضني تبچي مسحت على ضهرها
سكتي لاتبچين
جوري :: ليش متگليلي ليش شفق مو اختچ اني شلون تضمين علية هيچ شي
::شسووين اذا گتلچ بس تعيششن بقلق بعدين انتِ منو گلچ مو وصيتهم ما يحچون منوو گلچ؟
جوري :: اكرام گلي...
شكرا لزيارتكم عالم روايات سكيرهوم
