رواية دار الايتام الجزء الثالث (اللقاء المنتظر) الفصل السابع والعشرون
الشده صعبه لكن ميزتها الوحيده أنها بتظهر الناس علي حقيقتها وبتبين معادنهم ❣️❣️
............
خرج عامر وجاسر مع بعض واول ما خرجوا ركب الجارد عربياتهم بسرعه.
عامر....ايه ده في ايه هما جوز الخيل دول جايين معانا.
جاسر....مضايقينك جوز الخيل😒
عامر....اه خليهم هما هنا احنا رايحين مشوار بسيط يعني مسافه السكه وبصراحه انا مبحبهمش.
جاسر..إيش حال إن ما كنتش ماشيين بيهم زيننا😏
عامر...عمري ما حبيتهم ولا مشيتهم ورايا بدر هو اللي بيتعامل معاهم وخد بالك بدر كمان مش بيحبهم بس عشان شغله مش اكتر والشركه بتاعته لكن يمشوا وراه وكده لأ انتوا ياعم جامدين الله يسهلكم🤨
جاسر....بأبتسامه ياعم لا جامدين ولا حاجه هي فترات الواحد بيعدي بيها بس بيني وبينك انا كمان مليش فيهم بس ليل بقي الله يسامحه هو اللي حابب يكونوا معانا في كل مكان.
عامر....طب قولهم ميجوش ورانا ومتخافش ياعم العضلات لو حد طلع علينا معاك راجل🤨
جاسر...ايه وانت معاك سوسن😡
لا بقولك ايه انا كنت خارج من غيرك فا ادام هتيجي معايا يبقي تحترمني.
عامر...اجي معاك ؟؟ وكمل بأبتسامه يا جدع انت عايز نضاره ولا ايه انت واقف قدام عربيتي😒
جاسر...انا نفسي بس أسألك سؤال من يوم ما شوفتك انت بتجيب الاستفزاز ده كله منين😡
عامر....من عند بتاع الأستفزاز 🙂 يلا اركب انجز😡
جاسر...اعوذ بالله😒 راح جاسر علي الجارد قالهم يستنوا في مكانهم وراح ركب جمب عامر ومشيوا بالعربيه.
فضلوا ساكتين شويه طلع جاسر علبه السجاير وطلع واحده أداها لعامر.
خدها عامر منه وهو سايق حطها في بوئه وفضل مستني.
ولع جاسر سيجارته وطنش عامر.
عامر....اييييه امي اللي هتولعها🤨
جاسر....ولاعتك خلصت ولا ايه😏 شغال عندك انا
عامر....ولع السيجاره يا جاسر بدل ما انزلك هنا✋
جاسر....🤨تصدق يا جدع انت قلاب.المفروض كنت سبتك والله تروح لوحدك.
عامر...ومسبتنيش ليه يا حيلتها؟ ولع😡
جاسر...قرب منه الولاعه🙄بصراحه ؟ صعبت عليا.
عامر...لا يا حنين ايه بعرج قدامك
جاسر.....الله يخربيت لسانك 😡
حسيت انك مضايق فا قولت اجي معاك مش اكتر.
عامر....عموما ماشي ياعم شكرا
جاسر....انت عارف انا نفسي اعرف انا ليه لحد الوقت ساكتلك
بصله عامر بطرف عينه😒
جاسر...اه والله أسمع مني اصل محسوبك لسانه طول دراعه و مبحبش حد يحكلي علي طرف مناخيري بس انت معرفش ليه ساكتلك.
عامر.....يمكن بتحبني🤨
ضحك جاسر وبصله هو انت كنت فاكرني بكرهك ولا ايه.
عامر...بابتسامه لا بس من يوم القميص اللي غيرتلك لونه وانا عارف انك شايلي محبه كده من نوع خاص جوه قلبك🙄
جاسر...بأبتسامه هو صحيح البوم ده مكنتش طايقك بس بجد انا بعزك والله بحبك يعني في حاجه حلوه في الموضوع😉
بصله عامر بأبتسامه طب احلف كده😂
جاسر...بضحك والله العظيم.
عامر....مصدقك وعلي فكره بقي انا كمان بحبك و بستجدعك بس تسألني برخم عليك ليه معرفش بحب اشوفك متنرفز.
جاسر....ونعم الحب😎 طب والله انهارده لما جينا نشوفكم قبل ما نعرف مكانكم من نوني كنا قلقانين عليكم جدا وبجد كنت خايف تكون انت ولا الشباب في حاجه.
عامر....بابتسامه حبيبي يا جاسر ربنا يديم المعروف يس صحيح انتوا ايه اللي خلاكوا قلبتوا الدنيا علينا بالشكل ده .
جاسر....عشق..عشق اللي كلمت ليل وكانت قلقانه وقالتله ان البنات مختفين ومحدش بيرد ولا حتي نوني فا جربنا نتصل عليكم كلكم بلا أستثناء موبايلاتكم مقفوله فا بدأ القلق بقي وروحنا لنوني وزي ما حكينا بقي هي اللي قالت علي مكانكم.
عامر...الحمد لله انها جات علي قد كده .
جاسر....بس حماك يعني شكله محبوب اوي.
عامر...بحزن فوق ما تتخيل كان راجل جميل اوي و مش بقول كده عشان هو ابو مراتي بس بجد الراجل ده انا في حياتي ما شوفتش زيه طيبه وحنيه جدعنه مش ممكن تتخيلها رجل اعمال ناجح وابن بلد تلاقي في كل سوق تقدر تتكلم معاه في اي وقت وعلي اي حاجه وهو هيسمعك يمكن انا اول مره اقول الكلام ده بس كنت ديما بكلمه وفي بينا اسرار كتير حتي روكا متعرفش ان كان في بينا كلام خاص. كنت تحس كده انك في اي وقت هتحتاجه هتلاقيه والاهم بقي من كل ده انه بجد اعظم اب شوفته في حياتي انا عمري ما شوفت علاقه اب بولاده بالشكل ده هو وروكا كانت بتربطهم علاقه
بجد جميله تحب تشوفها تحب تقعد قدامهم عينه كلها حب وعشق ليها تحسه حبيبها مش ابوها.
جاسر....عشان كده روكا تعبانه.
عامر...للاسف روكا لسه كمان مش حاسه اوي بالفراغ اللي هيسيبه الكل لسه حواليها و لسه مصدومه من الموت والفراق مدخلتش في صدمه انه فعلا مش موجود ولا هيبقي موجود.
جاسر....البركه فيك يا عامر تعوض الجزء ده فيها وانا عارف انك هتعمل ده.
عامر...اكيد مش هسيبها الفتره الجايه هتكون اصعب بس صدقني حتي لو عملت ايه ميتهيأليش هقدر اعوض الجزء بتاع هاشم النجار في قلب روكا لان زي ما قولتلك الراجل ده مكانش يتعوض.
جاسر....ربنا يرحمه ويصبرها ويقويك علي اللي جاي يا صاحبي.
عامر....ودي اهم دعوه يقويني علي الجاى.. تعالي نطلب الاكل الاول وبعدين نجيب العلاج من الصيدليه.
جاسر...يلا بينا.
ركن عامر ونزلوا مع بعض وراح عارم طلب ساندوتشات كتير مختلفه عشان اللي حابب حاجه يا كلها صمم جاسر هو اللي يدفع الحساب و مخلاهوش يدفع اي حاجه.
راحوا بعد كده الصيدليه طلع جاسر الورقه من جيبه اداها للصيدلي طلع عامر الڤيزا بسرعه عشان يديها للدكتور عشان جاسر ميدفعش.
جهز الصيدلي الحاجه واداها لجاسر مد عامر ايده بالڤيزا بسرعه.
الصيدلي...للاسف المكنه مش شغاله.
جاسر...بصله بشماته عشان تبقي تطلعها اوي بسرعه😎
عامر...عيل رخم😒
دفع جاسر وخرج وراه
جاسر...ده بدل ما تشكرني اني جيت معاك كان زمانك بتدور علي مكنه الوقت😒
عامر....شكرا ياعم يلا نجيب الاكل وحاول تبص كده علي مكنه واحنا ماشيين.
جاسر....انت هتجيب حاجه تاني.
عامر...لا كده خلاص.
جاسر...طيب نمشي علي طول مش لازم مكنه الوقت.
عامر....مش لازم مكنه ابه انا عايز فلوس عشان الحاجه دي.😡
جاسر...يا جدع بقي هديك بضهر ايدي والله مش بقولك فاكر نفسك ماشي مع سوسن😒😒
ضحك عامر سوسن مين دي اللي ماسك فيها.😂
جاسر ..انا عارف يلا انجز عشان زمان ليل هيبيض عايز العلاج
عامر....علاج ايه هو مش العلاج ده لسيلا وروكا.🤨
جاسر...ايوه بس عشق اللي هتخيط لسيلا ايدها فا عايز العلاج عشان عشق تخلص و نمشي نشوف فندق.
عامر...فندق فندق ايه هو انت فاكر ان روكا او صفيه هيسيبكم تمشوا😂😂😎 انت بتحلم
جاسر....لا انا هوافق ولا ليل هيوافق.
عامر.....لو عليك فا انت هتوافق غصب عنك اما بقي لو علي ليل فا سيب روكا عليه هي اصلا مش شايفه قدامها ادعي يخرج من تحت ايدها سليم😎
جاسر.....اما نشوف
ركبوا العربيه مع بعض ومشي عامر .
عامر...صحيح مين اللي كنت واقف معاها دي ايه معرفه قديمه ولا جاي العزا تشقط😎
بصله جاسر شويه وبعد كده بدأ يضحك في ايه ياعم انت كنت في ايه ولا ايه قاعد تراقب اللي رايح واللي جاي.
هامر...بضحك والله يا ابني لا راقبت ولا أتنيلت انت اللي ربنا بيحبك ووقعك قدام عيني😎
جاسر....ماشي ياعم عموما دي معرفه قديمه واصلا اتفاجأت انها في العزا.
عامر...ايه حب قديم
جاسر...يا عم لا حب ولا بتاع كانت زميلتي في الجامعه كانت اصغر مني بسنتين وكانت من الشله وبعد كده اختفت مره واحده وهي اصلا من القاهره معرفش جات ازاي ولا تعرف مين انا قولت دي صاحبه روكا.
عامر...مانت كنت واقف معاها مسألتهاش ليه.
جاسر...ماهو انا ملحقتش بقي.
عامر...بأبتسامه وهو باصص قدامه اهو عموما ابقي أسألها مش سجلت رقم تليفونها😎
بصله جاسر 🙄🙄وضحك وهو بيهز راسه وضربه في كتفه😂
ضحك عامر و كملوا الطريق مع بعض
لحد ما وصلوا الڤيلا.
...........
سيلا كانت قاعده علي الكنبه في النص جمبها روكا والجنب التاني بدر كانت رايحه في النوم خالص وسانده راسها علي كتف روكا
وروكا ماسكه ايدها وراسها علي الكنبه وساكته.
اما صفيه كانت قاعده جمبهم وبتحكي عن هاشم لنوني والبنات وهي حزن الدنيا في عينها.
وحازم مع ليل والشباب بيتكلموا
بدر عينه كانت علي سيلا وعلي شكلها بحزن يوم واحد بطوله غيروها 💔
دخل جاسر وعامر في الوقت ده.
عامر...سلام عليكم
الجميع....عليكم السلام.
بدر...أتأخرتوا كده ليه عامر.
عامر....ولا اتأخرنا ولا حاجه بس كنت بجيب أكل و أستنينا شويه
لحد ما خلصوا.
وقرب من روكا لمح دمعه بتنزل براحه من عينها باسها من راسها وهو بيلعب في شعرها ومسح دموعها عامله يا حبيبي.
روكا...الحمد لله.
جاسر....طيب حد ياخد مني الاكل ده ودي شنطه العلاج.
ساره...هات انا الاكل ده عشان نجهزه لحد ما عشق تخلص.
عامر...انا جايب ساندوتشات يعني كله جاهز متقلقيش يا ساره
حازم....خلاص خليه لحظه بس كده لحد ما يخلصوا عشان ياكلوا معانا.
ليل....طيب يلا يا جاسر ادي العلاج لعشق عشان تخلص و نلحق نمشي.
بص جاسر لعامر ورفعت روكا راسها وهي باصه لليل
روكا ..تمشوا فين انتوا راجعين القاهره؟
ليل...لا احنا لسه معاكي وبعدين مش هنمشي الوقت متأخر احنا يادوب نروح علي الفندق لان مكناش فاكرين اننا هنبات وللاسف محجزناش بس الفندق اللي عامر بينزل فيه ديما لما بيكون عنده شغل هيعرفوا يظبطولنا غرف
روكا...غرف ايه انت اكيد بتهرج محدش فيكم ماشي من هنا.
عامر...بص لجاسر قولت حاجه انا.
ليل....لا لا استني بس مش هينفع خالص احنا هنروح علي الفندق والصبح اول ما تصحوا هنجيلكم
حازم.....عيب علي فكره اللي بتقولوا ده
مهاب....ليل عنده حق كلنا هنكون هنا الصبح لو بس البنات حابين يفضلوا مع روكا يفضلوا واحنا الصبح هنكون هنا.
روكا....بحزن ودموع بقولك ايه انت وهو محدش فيكم ماشي من هنا انتوا مش جايين من القاهره لحد هنا عشان تباتوا في مكان تاني
صفيه...سيبيهم يقولوا اللي علي كيفهم محدش فيكم هيمشي انتوا مش ضيوف انتوا صحاب بيت
ليل....ربنا يخليكي والله انا عارف وروكا دي اختنا بس صدقيني مش هينفع خالص.
جاسر.....ليل معاه حق وبعدين حضرتك شايفه احنا قد ايه
نوني...فعلا احنا مش جايين نشغلكم بنومنا اي فندق وخلاص والصبح هنكون عندكم
صفيه....بحزن اللي بتقولوا ده مستحيل اوافق عليه عيب ولو عالمكان انتوا شايفين الڤيلا قد ايه فيه عشر اوض بيت هاشم النجار طول عمره مفتوح للكل
وانتوا مش هتشغلونا ولا حاجه ده ان مشالتكمش الارض نشيلكم جوه عيوننا احنا نعرف الاصول
ليل....والله عارف كل ده بس.
حازم...ولا بس ولا حاجه خلاص محدش فيكم هيمشي الاوض هنا كتير يعني انتوا لا هتاخدوا مكانا ولا هتشاركونا في حاجه اعتبروا نفسكم قاعدين في فندق.
روكا....محدش فيكم هيمشي من هنا 🥺 متسيبونيش لوحدي طول عمر البيت ده مفتوح لأي حد. قريب وغريب يوم ما تيجوا تدوروا علي مكان بره.
ريم....يا روكا احنا عارفين يا حبيبتي بس فعلا هما بيتكلموا صح انتوا محتاجين ترتاحوا وانا معايا البيبي سيتر فوق مع كريم وتيم يعني صعب.
روكا...لا مش صعب ولا حاجه ملكيش دعوه انتي كل واحد ليه اوضه حتي البيبي سيتر محدش فيكم هيمشي متتعبونيش بقي انا مش قادره اتكلم هنا في عشر اوض .
ليل والشباب محتاجين اربعه مامي في اوضتها انتي وريم ويوسف ومهاب كده سبع اوض ساره في اوضتها هيتبقي اوضتين
انا وسيلا ونوني هنبات في اوضتي وعامر وبدر مع بعض خلص خلاص
عامر...اهي رتبتهالكم مش قولتلك يا جاسر هسيب روكا عليه.
ليل....اقول ايه طيب.
روكا...ولا حاجه تسكت عشان انا مش قادره اتكلم🥺🥺
ليل...بابتسامه حاضر يا ستي وبص لجاسر.
جاسر اخرج كلم الفندق احجز غرفتين للجارد و اديهم البينات ورقم الكرديت عشان الحساب وبلغ الجارد بمكان الفندق خليهم يروحوا يرتاحوا. وشوف اللازم معاهم
جاسر....تمام .
ابتسمت نوني لليل.... ابن اصول ياليل.
ليل...بابتسامه الرجاله دي بتتعب معايا يفدونى بروحهم ودي اقل حاجه اعملهالهم اني افكر فيهم قبل ما افكر في نفسي.
نوني....عندك حق ربنا يحميك يا حبيبي❣️
ليل....ربنا يخليكي يانوني.
صفيه....كان نفسي يا ولاد اتعرف عليكم في ظروف احسن من كده.
عشق...بابتسامه كل حاجه بتيجي بوقتها الحمد لله
صفيه...بشرود عندك حق يا بنتي الحمد لله.
عشق...طب ايه يلا أبدأ بمين فيكم.
عامر...أبدأي بروكا هي المحلول بس عشان بياخد وقت
ليل...طيب هتعلقي المحلول ازاي
عشق...بتفكير وهي بتبص حواليها امممممم هقولك بصت لساره
معلش يا ساره انا عارفه اني تعبتك اوي
ساره....متقوليش كده قوليلي عايزه ايه.
عشق....في هنا سلوتيب او اي لزق.
صفيه...اه فيه يا ساره في الدرج جوه في مكتب هاشم.
ساره....اه لحظه.
راحت ساره ورجع ادتها السلوتب.
عشق...طيب انا الوقت عايزه روكا تيجي معلش هنا عند العمود ده.
سما....طيب لحظه انا هرفع راس سيلا براحه.
ريم...طيب ما تصحوها هي كده كده هتصحي عشان ايدها.
عشق....لا سيبوها بس نايمه الوقت عشان متبقاش متوتره لسه هجهز كام حاجه.
بدر...طيب انا هرفعها براحه
عشق ..ماشي
قرب بدر منها وكأنه ما صدق شدها براحه فتحت سيلا عينها خدها بدر في حضنها غمضت تاني
عامر...تعالي ياروكا يلا قامت معاه روكا وقعدت علي كرسي جمب العمود وبدأت عشق ترفع المحلول علي العمود بمساعده عامر وليل وفضلت تحط عليه سلوتيب كتير
ولزقت خرطوم المحلول و ثبتته كويس وبصت لروكا ها جاهزه
روكا....جاهزه لايه
عشق...بصي انا هوصل بالكانولا بس لو اتسدت هنسلكها بالحقنه علي طول.
روكا....ماشي ياعشق.
ركبت عشق المحلول وزي ما اتوقعت الكانولا مسدوده
بصتلها عشق...بصي اتحملي شويه معلش.
دخلت عشق الحقنه في الكانولا وبدأت تضغط المحلول
روكا...اااااه
عامر....شششش خلاص بسيطه
عشق...سامحيني معلش قربت منها المحلول ولاقته مشي .الحمد لله خلصت خلاص كده فاضل علاج الضغط وحد من فضلكم يجبلها هي تاكل و عايزه عصير.
روكا....لا لا مش عايزه اكل مليش نفس.
عشق...مينفعش لازم تاكلي
عامر...متسأليش فيها ساره ممكن تجيبلها العصير انتي
ساره....حاضر يا عامر🥺
ريم....افتحي شنط الاكل دي يلا انتي وسما عشان الكل ياكل الاكل هيبرد
صفيه...ايوه يا ولاد يلا بالله عليكم طلعوا الاكل محدش فيهم كل خالص.
نوني....خليكي بس نطمن عليهم الاول.
صفيه....هيبقوا كويسين المهم يلا عشان خاطري يلا يابنات
سما...طيب ممكن نجيب اطباق
صفيه...انتي بتستأذني ياسما ادخلي لساره يلا يلا يابنات ساعدوها.
رواحوا البنات مع بعض وكانت صفيه حابه انهم يتعاملوا عادي عشان تشيل منهم الاحراج وفعلا قاموا البنات حطوا كل الاكل في الاطباق وحطوا علي التربيزه اللي قدامهم.
حازم...معلش يا شباب حد يجي يشيل قدامي التربيزه التانيه دي
ادم...لحظه انا هساعدك.
عشق ادت لروكا كل العلاج واداها عامر تاكل بالعافيه من وسط دموعها.
روكا....بصوت واطي مش قادره والله يا عامر.
عامر...يلا يا روكا متتعبنيش عشان خاطري كلي حاجه بسيطه
روكا....معنديش نفس مش هقدر.
عامر...روكا الزعل ملهوش علاقه بالاكل انتي شايفه الزعل بس عمل فيكي ايه طب لما تبطلي اكل هتموتي.
روكا...بدموع ياريت ياريت اموت واروحله.
بصلها عامر بحزن وانا يا روكا؟🥺
نزلت دموعها اكتر وخدت من ايده الاكل
ضم راسها لصدره وباسها بحب يلا كلي ياعمري.
روكا....حاضر.🥺💔
حازم...امسك يلا ياعامر كل انت كمان.
عامر....ادوا بس صفيه تاكل الاول
وانتوا ياشباب ما يلا كلوا بقي جاسر ادي ليل والبنات يلا ادم.
ليل...انا هستني عشق بس تخلص
وناكل سوا.
عشق...كل انت ياليل انا لسه هخيط ايد سيلا.
بدر...طيب كلي انتي كمان الاول وبعدين ابقي خيطيلها
ليل...بقول ايه خلصي يلا يا عشق ولما تخلصي ناكل مع بعض انا وانتي وبدر وسيلا.
عشق...طيب تمام ساره عرفيني بس مكان التويلت وانا هتعامل
ساره ..قوليلي عايزه ايه طيب
عشق...خليكي حبيبتي كلي انتي
ساره....قوليلي بس انا معاكي.
عشق...انا بس عايزه مايه دافيه عشان انضف ايدها بالقطن.
ساره...طيب حاضر لحظه واحده.
بدر...عشق انتي هتخيطلها ايديها هنا؟
عشق...مش فاهمه انت عندك مشكله.
بدر...لا خالص بس عشان تكون براحتها انا عارف انها هتفضح الدنيا.
عشق...خليها هنا افضل هي راحه في النوم اصلا كده كده هتصحي فا سيبها عشان متبقاش متوتره.
بدر...طيب ماشي.
قام عامر من جمب روكا وقعد علي رجل الكرسي جمب صفيه باس راسها.
عامر...يلا ياصفيه ملي الاكل في ايدك وانتي مش بتاكلي.
صفيه....بدموع مش قادره امل ياعامر.🥺
عامر...الاكل ملهوش دع ه بالزعل يا صفيه اديكي شايفه قله الامل عملت ازاي فيهم يلا ياحبيتي
نوني....لو الاكل بيرجع اللي غاب كنا بطلنا اكل كلي ياحبييتي عشان متتعبيش ادعيله كتير
صفيه...دعياله من كل قلبي بس صعبان عليا كان كل دنيتي.
عامر...بص علي روكا لقاها سابت الاكل ودموعها نزلت صفيه اهدي بقي احنا مصدقنا سكتنا روكا وساره اجمدي كده عشانهم
صفيه....حاضر انا كويسه يلا ياروكا يلا ياماما كلي.
قامت ريم وسما قعدوا جمب روكا يأكلوها
وتمارا كانت في دنيا تانيه هي كمان ملهاش نفس تاكل من وقت ما شافت جاسر🥺
جاسر...بصوت واطي تمارا مبتكليش ليه.
تمارا....لا باكل يا جاسر.
جاسر...فين ده بس يلا يا حبيبي كلي.
بصتله تمارا وأبتسمت بحزن حاضر.
رجعت ساره بالمايه الدافيه في علبه صغيره
ساره...اتفضلي ياعشق قوليلي محتاجه اي حاجه تاني
عشق...تسلميلي يارب انا تعباكي معايا اوي حقك عليا
ساره...ايه اللي بتقولي ده بس انتي اللي تعبتي والله
عشق...مفيش تعب دول اخواتي.
بدأت عشق تحضر الحاجه كلها وتجهزها علي تربيزه قدامها
الشباب خلصوا اكل وجزء منهم خرج يشرب سجاير وطلبت نوني انها تصلي خدتها صفيه وطلعت معاها فوق في اوضه روكا
البنات جزء منهم كان مركز مع عشق وجزء مع روكا قاعدين جمبها.
وليل فضل مع عشق وبدر.
انا خلصت وجهزت كل حاجه عايزه بس حد يرفع رجلها علي الكنبه
بدر...طيب اقوم اظبطها انا
عشق...لا تقوم ايه خليك انت كده زي ما انت في ضهرها
تعالي ياسما براحه معلش ارفعي رجلها افرديها عالكنبه عشان ضهرها يكون ساند علي بدر
سما...انا خايفه تصحي🥺
عشق...هي كده كده هتصحي من حقنه البنج.
نور....استني انا هرفعها معاكي براحه قربت نور هي وسما رفعوا رجلها براحه
عشق...بدر تعرف ترفعها عليك شويه
سحبها بدر بهدوء ليه وحضنها من وسطها ولف ايده علي وشها بهدوء وفضل يمشي ايدها بحنيه علي خدها وهي نايمه.
عشق...طيب حد فيكم بقي يابنات يعرف يمسك ايدها كويس.
ريم...انا هخاف مش هعرف
سما...وانا🥺🥺
ساره...انا ممكن اساعدك بس خايفه تشد ايدها
عشق...لا انا عايزه حد يثبتها كويس الجرح كبير وهديها حقنتين مش حقنه.
بدر...الجرح ده ياخد كام غرزه يا عشق.
عشق...مش عارفه بس هو كبير اوي ده بطول دراعها يابدر انت شايف من اول المعصم بتاع ايدها لقبل كوعها يعني ممكن عشرين ولا حاجه
بدر...بص لسما وريم بحزن انتوا ازاي مشفتوش منظر ايدها ده
سما....مخدناش بالنا والله الدم كان كتير ومش عارفين هي متعوره ازاي و مكناش مركزين
زهره....معلش خير الحمد لله انها مجتش في عرق🥺
عشق...ليل ممكن تيجي انت تمسك ايدها كويس.
ليل... ماشي قرب ليل منهم وقعد علي ركبه جمب المرسي بتاع عشق
ساره...لحظه قوم انا هجيبلك كرسي
ليل....لا لا ملهوش لزوم تمام كده
عشق...اقعد ياليل افضل علي الكرسي كده هتتعب.
ليل بنظره حب حاضر
ابتسمت عشق بهدوء وبعدت عينها عنه بسرعه.
قعد ليل علي الكرسي وبدأت عشق تمسك القطن وتنضف ايد سيلا واول ما القطن والمايه لمسوا ايد سيلا جسمها اتنفض ولسه هتشد ايدها مسكها ليل جامد
بدر...ششش اهدي
سيلا....بدر والنبي لا سيب ايدي🥺🥺🥺
بدر...بعد وشها عشان ما تبصش مفيش حاجه عشق بتنضف الدم بس من عليها متقلقيش
سما...متخافيش ياسيلا.🥺
بدر ...بصوت هامس متبصيش ماشي انا معاكي
سيلا....بدموع بلاش عشان خاطري يابدر 🥺
بدر...مش هتحسي بحاجه
سيلا....طيب سيبني انت مكتفني كده ليه
بدر...عشان متتحركيش ومتأذيش نفسك
سيلا....طيب سيب ايدي.
بدر.... انا مالي هو انا اللي ماسكها ده ليل
سيلا....ليل بالله عليك وحيات عشق سيب ايدي.
ليل...شششش🤨
بدر...شوفتي اهو هيتحول
روكا....بتعب انتوا عاملين روباطيه علي البت مستغلين تعبي
سيلا...روكا والنبي خليهم يسيبوني.
عشق...بابتسامه وهي بتنضف ايدها روكا المحلول فوقها وشكلها هتيجي تقتلك انت وليل يابدر.
ليل...بابتسامه ايه هتفوقي علينا
روكا....ولا افوق ولا حاجه انا مش حاسه بجسمي وراسي اصلا بس خفوا علي البت شويه وانتي ياسي بدر مالك قافش في البت كده ليه
بدر...بضحكه بسيطه يابت اتلمي حتي وانتي تعبانه لسانك طويل.
ليل...بضحك ماهي عندها انت مصدقت ياراجل.
بدر...بابتسامه مش هرد عليكم
بصت عشق لليل وقربت منه بصوت واطي.
عشق...ليل يلا امسك ايدها اوي اوعي تخليها تشدها ماشي الحقنه دي رخمه.
ليل...متقلقيش فرد ليل ايدها اوي حط كف تحت كوعها والتاني مسك كفها اوي
هزت عشق راسها لبدر
فهم بدر انها هتديها الحقنه حضنها اكتر وفي اللحظه دي قربت عشق منها الحقنه
واول ما دخلت في الجرح صرخت عشق بكل قوتها والبنات بعدوا عينهم عن سيلا وفضل ليل ماسكها بقوه
بدر....ششش اهدي خلاص
سيلا...ااااه بلاش والنبي يابدر وحياه نوني.
بدر...خلاص والله اهدي بقي الحقنه هتتكسر في ايدك غمضي عينك ومتفكريش في حاجه
فضل سيلا تعيط زي الاطفال وفي اللحظه دي دخل الشباب علي صوتها اتفزعوا
عامر...في ايه خضتوني والله
جاسر....طيب مش كنا جبنالها حاجه تترش قبل الحقنه.
عشق....مفيش حاجه بتبنج بالشكل ده زي ما انت فاكر اكيد هتحس بيها الجرح اصلا في مكان رخم سيلا حبيتي انا خلاص خلصت الحقنه والله مش هتحسي بحاجه متشديش نفسك بقي كده ماشي.
سيلا...بدموع والنبي يا عشق سبيني لفيها كده خلاص وهي هتبقي كويسه.
عشق...حاضر هلفها خلاص🙄
ليل...بابتسامه لعشق وصوت واطي بتاخديها علي قد عقلها.
عشق..بصوت واطي بس بقي بلاش رخامه الجرح بجد كبير ورخم.
وبدأت عشق تخيط ايدها الشباب كانوا واقفين يتفرجوا وهي ملامحهم متغيره من شكل الخيط وهو بيمر في الجرح.
نوح....هااار اسود ده انتي طلعتي جبروت ياعشق.
يوسف...مايبنش عليها شكلها ميديش كده خالص🙈
ليل...اتكلوا علي الله من ورانا يلا سيبوها تركز😡
يوسف...تعالي بدل ما يتحول🙄
عامر....المحلول خلص ياعشق بتاع روكا.
عشق...تعرف تشيله ولا اجي انا.
عامر....لا مش هعرف
عشق...طيب لحظه
تمارا...خليكي يا عشق انا هشيلهولها
قربت تمارا شالت المحلول وقفلت الكانولا.
عامر....ايه ياحبيبي عامله ايه الوقت.
روكا...احسن ياعامر
عامر...بابتسامه مسك ايدها باسها.
نزلت نوني وصفيه مع بعض راحت صفيه علي روكا.
صفيه...عامله ايه ياروكا.
روكا....بحزن الحمد لله يا مامي بخير انتي كويسه.
صفيه....طول ما انتي كويسه هبقي كويسه.
مسكت روكا ايدها باستها حضنتها صفيه بحنيه وراحت قعدت في الكرسي جمبها.
بدر...بصوت واطي حاسه بحاجه
سيلا...بدموع ملكش دعوه بيا🥺
بدر ..يعني اسيب ايدك تبوظ بقيتي مشوهه مره تتخيطي بسبب نوني والوقت بتتخيطي تاني.🤨
سيلا....ملكش دعوه انا حره جسمي ولا جسمك🥺
بدر...ماهو جسمك بتاعي
سيلا....احترم نفسك وبعدين كان مبقاش؟
بدر...🤨وحيات امك
سيلا...العد عني يا بدر يا اما تفضل قاعد وساكت خليني اخلص.
بدر...لا ياشيخه ده انتي هتموتي من الفرحه😉
سيلا...انت قليل الادب🥺
ابتسم بدر وباسها من خدها بهدوء من غير ما حد ياخد باله.
خلصت عشق الخياطه اخيراً
عشق...باااس الحمد لله كده كله تمام
بدر...تسلم ايدك يا عشق
عشق...الله يسلمك
ليل...ايه اسيب خلاص.
عشق...استني بس نلفها الاول.
روكا....مش كانت غيرت هدومها دي الاول يا عشق.
عشق...معرفش والله نسيت هي تقرييا مش معاها غيار هي كمان.
روكا....ما الغيار فوق قد كده انا اللي نسيت معلش
عشق...عموما مش مهم عادي هتعرف تغير او انا هغيرلها مفيش مشكله.
روكا...ماشي انا هطلهلكم كلكم غيار عشان تعرفوا تنامو.
عشق...لا غيار ايه طلعي بس لسيلا عشان الدم ده احنا كده تمام.
روكا...تمام ايه في هدوم فوق كتير بالتيكت بتاعها ملبستهاش واحنا كلنا نفس الجسم تقريبا.
عشق...مش حكايه تيكت والله يا قلبي بس ملهوش لزوم احنا هنتعامل متقلقيش
صفيه....ازاي بس يا حبيبتي عشان تناموا براحتكم والشباب ليهم غيار من هاشم
ادم...لا احنا كده تمام متقلقيش
صفيه...بابتسامه هاشم كان روش وشاب في نفسه يعني لبسه يناسبكم وبعدين كان طويل زيكم وجسمه رياضي يعني متقلوش.
روكا...بابتسامه ايوه متقلقوش لبس بابي يناسبكم
حازم...وانا كمان ليا لبس كتير فوق لاننا كنا اوقات كتير بنبات هنا يعني محلوله.
ليل... يلا حمدالله علي السلامه
عشق.... هتاكلي بقي ياسيلا وبعدين تاخدي العلاج والمسكن
سيلا...بدموع مش عايزه اكل انا عايزه انام🥺
قام ليل وعشق والبنات ساعدوا ساره في تنضيف المكان من القطن والمايه وراحت عشق تغسل ايدها عشان يرجعوا ياكلوا.
قامت روكا بتعب
عامر ..راحه فين.
روكا...هطمن عليها راحت روكا قعدت جمب سيلا
وخدتها في حضنها فضلت سيلا تعيط في حضنها وهي ماسكه فيها زي الاطفال.
روكا...بحب باست راسها وحشتيني ياكلبه🥺
سيلا...بدموع وصوت واطي مش زعلانه مني🥺
روكا....بدموع مش وقته يا سيلا الكلام ده لينا كلام مع بعض واكيد زعلانه
سيلا....حقك عليا بقي عشان خاطري🥺🥺
روكا....طيب بطلي عياط ونبقي نتكلم بعدين انا اصلا مش قادره
سيلا....طيب خلاص اسكتي انتي كمان بطلي عياط وحياتي عندك
روكا....قلبي واجعني ياسيلا حاسه انه بيتقطع🥺💔
حضنتها سيلا اوي بأيد واحده سلامت قلبك حاسه بيكي والله انا كنت سايقه زي المجنونه لما عرفت مكانش في اي حاجه في دماغي غير اني اجي واخدك في حضني💔🥺
روكا....كنت محتاجلك اوي🥺
سيلا...وانا معاكي ومش هسيبك🥺💔
عامر...يلا ياسيلا ياعشان تاكلي
سيلا...مش عايزه والله ياعامر
روكا...وهي بتمسح دموعها قومي يلا كلي بدل ما اقلب عليكي🥺
سيلا...حاضر🥺
عشق...ممكن تبطلوا عياط بقي مش صح كده بجد كفايه عياط
روكا....انا كويسه يلا اقعدوا كلوا بقي عشان نطلع نرتاح وتاخدوا الغيار وتنامو.
قعد بدر وليل قدام التربيزه قرب بدر الاكل من سيلا
بدر...يلا كلي.
خدت منه سيلا الاكل
وبدأوا كلهم ياكلوا
وبعد وقت بسيط خلصوا وكان الوقت اتأخر بقت الساعه 3 ونص المل باين عليه الارهاق
صفيه...يلا ياولاد تعالوا اطلعوا شكلكم تعبان
نوني...كانت بتنام علي نفسها وشكلها تعبان
بدر...عشق من فضلك معلش هتعبك
عشق....قول يابدر مفيش تعي
بدر....انا حاسس ان نوني تعبانه ممكن تقيسيلها الضغط.
عشق...عيني حاضر قربت عشق من نوني
نوني....انا كويسه متقلقوش
عشق...معلش نطمن عليكي احسن يا حبيبتي❣️
طبطبت نوني علب كف عشق وقاستلها الضغط.
عشق...نوني ضغطها واطي زي روكا.
بدر...طب ايه محتاجه دكتور ولا كفايه العلاج.
نوني...دكتور ايه انا كويسه بس محتاجه ارتاح.
عشق...هديها نقط من علاج روكا وهي فعلا محتاجه تنام وترتاح
بدر...ماشي ياعشق.
ثواني والكل كان طلع وبدأت صفيه توريهم اوضهم
وراحت روكا وساره يطلعولهم لبس من دولابها واللي كان اغلبه جديد
روكا...روحي يلا اديهم ياساره عشان يناموا مرتاحين
ساره...طيب سما ممكن تيجي معايا انتي او ريم انا هتحرج اخبط عليهم
ريم...تعالي انا هاجي معاكي
خرجت صفيه وعامر وهما معاهم لبس للشباب وجاب حازم لبس من عنده و ادوهم كلهم رغم اعتراضهم لكن صمموا انهم يلبسوا عشان يرتاحوا.
عامر وبدر كانوا معاهم في الاوضه لسه.
بدر...ايه يانوني متقلقنيش عليكي
نوني ..والله العظيم كويسه بس الضغط تاعبني اكيد محتاجه انام وارتاح انا من امبارح بليل وانا مش قادره.
بدر...طيب يا حبيبتي خدي شاور طيب عشان تفوقي كده.
روكا....بتعب متقلقش عليها يا بدر احنا معاها.
بدر...معاها ده ايه انتوا التلاته تعبانين اصلا هتقعدوا ازاي لوحدكم.
عامر....ايوه انا قلقان عليكم وليكم اصلا علاج بعد شويه.
دخلت عشق من وراهم وهي بتخبط علي الباب
عشق...متقلقوش عليهم انا معاهم وكل شويه هقوم اشوفهم و انا عارفه مواعيد علاج روكا اللي كاتبها الدكتور وسيلا كنان انا شويه وهاجي ابص عليها عشان ممكن تسخن.
بدر....طيب متأكده انك هتقدري لوحدك
عشق....عيب بقي انا دكتوره كبيره علي فكره🤨
ابتسم...بدر طبعا مش قصدي والله انا عليكي انتي
عشق...متقلقش والله انا معاهم
عامر...طيب احنا عموما في الاوضه اللي جمبهم لو في حاجه خلي ليل يخبط علينا ويصحينا.
عشق...هعمل كده اكيد يلا بقي من فضلكم علي بره من غير مطرود عشان اساعدهم يغيروا وياخدوا شاور .
عامر...🤨🤨ماشي قرب من روكا باسها من راسها لو قلقتي اي وقت اديني رنه عالتيلفون وانا هخرجلك
روكا....ماشي ياعامر حد فيهم كان بيسأل علي شاحن خلي ساره تديله.
عامر...حد كلنا عايزين شواحن انا شحنته شويه واحنا تحت وهما بيشحنوا الوقت المهم كلميني ماشي
روكا...حاضر يا حبيبي.
عامر...بحبك يا روكا.
روكا...بابتسامه حزن وانا بحبك
عامر....وغلاوه هاشم بلاش تعيطي تاني عينك باظت ياروكا
روكا....حاضر.
بدر....سيلا انا جمبك في الاوضه لو عايزه اي حاجه عرفيني.
سيلا...بصتله بدموع في عينها وتعب حاضر🥺
ابتسملها بدر وباسها من راسها وخرج هو وعامر.
قفلت عشق وراهم الباب وقبل ما تروحلهم سمعت خبط تاني
عشق لو حد فيهم هو حر🤨
فتحت لقتها صفيه..
صفيه....قولت اشوفكم محتاجين حاجه قبل ما تنامو.
عشق...تعالي ياطنط انا هساعدهم بس ياخدوا شاور ويغيروا هدومهم.
صفيه...تعبناكي يا عشق
عشق...تعب ايه بس متقوليش كده. يا طنط
صفيه...طيب قوليلي اساعدك ازاي.
عشق ..ارتاحي حضرتك انا هساعدهم بس محتاجه هدوم لروكا وسيلا.
روكا...بتعب انا نسيت اطلع لبس لينا.
صفيه...انا هطلعكم.
عشق...طيب تعالي يانوني انا اساعدك لحد ما هما يجهزو.
نوني...لا ياحبيبتي انا هدخل بسرعه انا كويسه.
عشق...طيب متقفليش الباب عليكي من فضلك.
نوني...حاضر
دخلت نوني وبعد وقت بسيط خرجت
عشق....تعالي انتي بقي نامي هنا وارتاحي.
نوني..لا انا هنام علي الكنبه خليهم يرتاحوا هما.
روكا....تعالي يا نوني السرير كبير متتعبنيش يلا تعالي من فضلك
صفيه....تعالي يلا يا نوني هنا ارتاحي.
طلعت نوني علي السرير حطت راسها بتعب فظيع
غطتها عشق وراحت تساعد روكا يلا روكا.
روكا....خليكي انا هدخل لوحدي
عشق...مش هبص عليكي والله بس مش هينفع تدخلي لوحدك.
صفيه...تعالي ياروكا هدخل انا معاكي يا حبيبتي.
عشق...بأبتسامه حزن ووجع جواها طيب يلا ادخلي مع طنط وانا هجهزلك لبسك واديهولها.
روكا...حاضر
دخلت عشق مع صفيه وبعد ما خد حمامها و لبست خرجت معاها
عشق...نعيماً تعالي يلا ارتاحي
روكا....ينفع تشيلي الكانولا دي ايدي بتوجعني اوي.
عشق...طيب انتي قدامك ساعه وتحطي محلول تاني خليه لما احطلك المرادي و هشيله ماشي.
روكا...ماشي ياعشق
عشق..يلا يا حبيبتي تعالي اقعدي هنا عالسرير مسكت عشق مشط وبدات تسرحلها شعرها وروكا باصه عالارض بحزن.🥺
عشق...يلا يا حبيبتي اطلعي نامي
روكا...روحي يلا يا مامي انتي كمان شكلك تعبان
صفيه...طيب مش عايزين حاجه.
عشق...لا يا حبييتي روحي غيري احسن تاخدي برد و ارتاحي
صفيه....حاضر تصبحوا علي خير
وحضرتك من اهل الخير
خرجت صفيه وغطت عشق روكا
اللي كانت بتعيط وهي شارده
عشق...نامي يا حبيتي وارتاحي شويه و بطلي عياط عشان خاطري.
روكا...هستني بس سيلا اللي نامت علي نفسها
عشق ..هخلصها واجيبها جمبك علي طول.
راحت عشق صحت سيلا براحه وخدتها جوه علي الحمام مانت سيلا تعبانه جدا وايدها بدأت توجعها وتأثير البنج بيخلص.
سيلا...معلش يا عشق ممكن انا اخد شاور لوحدي
عشق ..مش هتعرفي حبيبتي ايدك اللي فيها الجرح اليمين مش هتعرفي تغيري بصي اوعدك اني مش هبص عليكي خالص وهبقي معاكي وهديكي ضهري كنان اساعدك بس تقلعي التيشرت وهقف معاكي احسن تدوخي بسبب الدم اللي نزل منك ده وكمان انتي اغم عليكي ممكن تتعبي تاني.
أستسلمت سيلا وهي دموعها نازله لانها فعلا مش قادره ولا هتعرف وعلي قد ما قدرت عشق حاولت متحرجهاش خالص وفعلا سابتها براحتها وهي مش شيفاها.
خلصت سيلا بصعوبه لبسها الداخلي وساعدتها عشق في باقي لبسها وخرجت سرحتها وخلتها طلعت جمب روكا
روكا...تعالي ياحبيتي نامت سيلا من بره عشان أيدها وخدتها روكا في حضنها .
ابتسمت عشق ليهم ومشت أيدها علي شعرهم بحنان
يلا نامو شويه وانا ساعه وهجيلكم ماشي يلا ياحبايبي
روكا....عشق.
بصتلها عشق نعم.
روكا...شكراً🥺
وطت عشق علي راس روكا باستها انتوا اخواتي ياعبيطه مفيش بينا شكر يلا نامو غطتهم كويس وقفلت النور وخرجت.
راحت علي الاوضه بسرعه كان ليل خلص شاور وقاعد مستنيها علي الكرسي وهو بينام.
ليل...اتأخرتي ليه يا حبيبي.
عشق...معلش كنت بساعدهم يلا يا حبيبي قوم نام انا هاخد شاور واجي جمبك.
ليل....طيب بسرعه عشان خلاص مش شايف ومحتاج حضنك اوي.
عشق ..بحب حاضر جيالك❣️
دخلت عشق وبعد عشر دقايق خرجت لقت ليل رايح في سابع نومه راحت بتعب جمبه بعد ما ظبطت الموبايل واول ما طلعت فتح ليل عينه وسحبها عليه وشد دراعها دخل في حضنها وغمض عينه.
باسته عشق من راسه وفضلت تمشي ايدها علي ضهره لحد ما أستسلم تماما❣️😴
..........
نام مهاب هو كمان ونيمت سما كريم وخرجت براحه تطمن عليهم خبطت براحه وفتحت لقت النور مقفول وهما نايمين التلاته
خرجت تاني وراحت علي الاوضه
عشان تنام..
.........
بعد حوالي ساعه سمعا عشق الموبايل قفلته بسرعه عشان ليل ميصحاش وقامت بهدوء من جمبه راحت علي روكا وسيلا ونوني جهزت عشق المحلول في هدوء ورفعته جمب السرير وهما مش حاسيين بيها لكن روكا قلقت
عشق...حقك عليا لو صحيتك
روكا...لا يا حبيبتي انا مش نايمه اوي يعني
عشق...طيب انا هعلقلك المحلول واديكم العلاج وهسيبكم ترتاحوا
روكا...تسلمي ياعشق
عشق..علي ايه يا عبيطه ركبتلها المحلول في ايدها بهدوء
روكا....انا حاسه ان سيلا سخنه جسمها مخليني حرانه.
عشق...حطت ايدها عليها فعلا هي سخنه وده بسبب الجرح
قلقت نوني بصتلهم وعدلت نفسها.
نوني ..ايه ياولاد في حاجه انتو كويسين.
عشق...نامي ياحبيتبي انا بس بديهم العلاج.
نوني...طيب يا ماما عايزه اساعدك في حاجه.
عشق...تسلميلي نامي انتي
نوني..انتي كويسه يا روكا
روكا....بخير يا نوني
خدتها نوني في حضنها وفضلت روكا ماده دراعها عشان المحلول
صحت عشق سيلا ادتها العلاج ونيمتها تاني وفضلت قاعده عالكرسي بتنام علي نفسها مستنيه المحلول يخلص.
خبط الباب في الوقت ده ودخلت ريم.
ريم...انتوا صاحين لسه
عشق...لا انا لسه جايه مركبه المحلول انتي ايه اللي صحاكي
ريم...مش عارفه انام اصلا وكنت بطمن علي كريم قولت اطمن عليهم.
عشق....هما بخير متقلقيش.
روكا....روحي نامي يلا
ريم ..وانتي يا عشق.
عشق...مستنيه بس المحلول يخلص عشان انام
ريم...طيب قومي انتي نامي وانا هقفله لما يخلص انا عرفت بيتعمل ازاي
عشق...احسن متعرفيش
ريم...هعرف والله متخافيش.
روكا...روحي يا عشق ارتاحي.
عشق...ماشي يا حبايبي لو معرفتيش خبطي علي الباب
ريم...حاضر.
رجعت عشق نامت وبعد شويه خلص المحلول قفلته ريم وغطتهم وخرجت
اما عند جاسر وتمارا راحت تمارا في النوم من كتر الصداع والتفكير
فضل جاسر يتقلب شويه وهو مش عارف ينام مسك الموبايل
يلعب فيه شويه واتفاجئ ان فيه رساله مبعوته من حوالي اربع ساعات وهو مخادش باله منها. فتح جاسر الرساله..
وفجااااااااااااأه
