رواية عشك الضابط سرمد الفصل الثاني بقلم مجهول
لارين»رجعت اباوع كرتون
(هسه اكيد تكولون تصرفاتها مو مال عمر 16 اني اكلكم ماعدها احد يكلها انتي كبرتي ميصير سوين هيج خالتها مجانت تكعد وياها اما المدرسه فهي من النوع منعزله ماعدها ولا صديقه)
سرمد» امده حضي هاي تاليتك تزوج زعطوطه بس مو زعطوطه ضيم 😁😂
لارين لارين
لارين بنتر» ها
سرمد» احجي عدل لاافركه الحلكج
لارين: اوكي
سرمد: كولي صارر مو اوكي مفهوم 😠😠
لارين: والله اني هاذا حجي مااغيره
سرمد: كمشتها من شعرها غصبن عنج تغيري شمرتها بلكاع «الارض»
لارين: اني مو من طبعي اعاند بس ماعرف ليش عاندت كمشني من شعري حسيت شعري اتكطع بيده ونوب شمرني بلكاع «الارض»
سرمد: طلعت وقفلت البيبان طلعت ورحت النهر دجله احب اكعد وحدي واضل افكر اجنت اي راح انفذها بيت امي ضحكت بستهزاء اي ام هاي عافت ابنها بس لعمود تزوج لا ونوب تطرد بنت اختها بعدن اذكرت امي جان كلش تحب خالتي معقوله لارين امي دازتها عليه لن مو معقوله تعذب وتطرد بنت اختها بس شمدريها اني رجعت العراق
هيست راسي صار طبل 🥁 من التفكير شويه نعست كلت خل ارجع البيت
لارين: بعد السواه كرهته كره لن نفس خالتي حتا نفس الخزره من جانت تخزرني اني لازم انهزم اي اذا اضل هنا راح يعذبني ويسويني خدامه بس وين اروح مو مهم وين اروح المهم انهزم طبعن اني جنت بصاله فا كمت الباب المطبخ لكيته مقفول رجعت فوك اكو جان يم الغرفه اتبهتله مثل المخزن دورت لكيت حديده نزلت ركض كسرت الجام الجان بلباب جان المفتاح عايفه بلباب حجيت ويه نفسي لعد شكد غبي (بعدين كلت لو ما غباهه جان اكدر افتح الباب) فتحت الباب صح انجرحت ويدي كامت تنزف بس مهتميت طلعت الباب الخارجي هم مقفول لا هنا صدك رحت بيها اذا اجه ولكه كاسره الباب اكيد راح يضربني يعني بكل الحوال مكتوله معندي حل غير احاول اطفر الباب الكيت اكو درج باحديقه اخذه حطيته علئ الباب صعدت صرت فوك الباب شمرت روحي صح اتئذيت بس اذا ابقه راح اتعذب اكثر اني اعرف هاي المنطقه جانت خالتي توديني لهنا لن جانت اكو مره هنا تخيط عدها خالتي
سرمد:رجعت البيت فتحت الباب رئسن وكع الدرج اباوع باب المطبخ مفتوح ومكسور الجام البيه حسيت الشياطين كامت تطافر كبالي دورت البيت كله مالكيته عرفتها انهزمت بس وين تروح معقوله شافها واحد واخذها كامت تخطر بالي افكار سودائيه معقوله تقربولها لا مستحيل طلعت ادور بلمطقه ملكيتها نوب هاذا شارع مابيه كامرات تعبت من كثر مادورت رجعت البيت ذبيت روحي علئ جربايه بعد غفيت محسيت بشي
لارين:رجعت البيت خالتي تشلبيت علئ الباب لن الباب جان بيه مثل الدرجات طفرت بس هاي المره حسيت ايدي شلون النخلعت مهتميت اول شي رحت الغرفه جانت بيها خزنه جانت اعرف الرمز لن مره رجل خالتي سئل كالتله 2007مرتين اكيد اذا التاريخ اله سبب فتحتها لكيت كومه فلوس وذهب وجنسيتي جنت متردده اخذ بس بعدين كلت هاذا حقي وعود بعدين اتوب (تفكير طفله)
رحت الغرفتي اخذت ملابس مو هواي كم قطعه وشالات جان عندي عبايه من اروح ازور البسها (طبعن مو السواد عيوني ياخذوني ازور لا حتا اشيل الغراض اليشتروها)
اخذت فواك من الثلاجه وبطل مي اكو جانت الساعه بلمطبخ شفتها 2:30 اي هاي ليش الوقت ميمشي نوب نعسانه عفت البيبان مفتحه حتا يكولون حرامي لفيت روحي بلعبايه وضليت امشي وصلت المنطه كلش راقيه مبينه كلها بيوت فخمه انتبهت الساعه مال تلفوني (طبعن عندي تليفون اكيد هم مجابوه السواد عيوني جانو من يطلعون يدكون عليه علمود النواقص مال بيت كلشي مصلحه) جانت 7:45
الكيت مثل العماره بيها شلون الشقق جان اكو رجال يطلع عمره بـ50 جان حاط مثل الحديقه زغيره ويزرع احم احم ممكن سوأل عمو
العم:تفضلي بنتي
لارين:عمو عندك رقم صاحب هاي العماره
العم بستغراب: نعم بنتي اني صاحب هاي العماره امري
لارين:ميئمر عليك ضالم اريد ائجر شقه كون صغيره واجارها زين
العم: موجوده بنتي بس ممكن اعرف ليش انتي وحدج وين اهلج
لارين: توفو عمو واني معندي اقارب هنا لهيج اريد اعتمد علئ روحي واذا علئ الئاجار لاتاكل هم اني ادفعه
العم: بارك الله بيج بنتي تعالي عندي هاي الشقه محد مئجرها لن صغيره اعتقد علئ كد حالج
لارين:عجبتني جانت صاله ومطبخ وغرفه وصحيات بس صغار تمام عمو شكد الأجار
العم: هيه 150 الج 125 شرايج
لارين:تمام عمو شكرا بس ممكن ارتاح شويه وانزلك الأجار
العم:براحتج بنتي
الارين:شمرت روحي بلكاع طلعت الفلوس الجايلتهن طبعن ضليت صافنه لن اني جبت كل الفلوس يعني كلش هواي جايبه تقريبن
فوكـ25 مليون وغير الذهب يعني اكدر اجيب اثاث حضرت فلوس اجار مال سنتين ضميت الفلوس نزلت الرجال انطيته الفلوس مال سنتين حسيته استغرب كلت بس يبلغ الشرطه كتله ذني الفلوس مال الورث مال بابا حسيته صدك كتله اكو محل مال اثاث قريب
العم: اي بنت محل مال ابني اني اكله حتا يسويلج تخفيضات
لارين:شكرا عمو متقصر
صعدت الشقه شويه وندك باب الشقه طلع الرجال انطاني منضفات اتشكرت منه نضفت البيت من التراب وحطيت الملابس والفلوس بصفحه وحطيت عليه غراض حتا اخفيهن كلشي يصير رحت انو والرجال اختاريت غرفه بناتيه اليه وكاونتر وقنفات صغار الصاله وفراشات واكو هم مول قريب كلت بعدين اروحله المهم جابو الثاث الختاريه ونصبولي الغرفه انطيتهم فلوس 🤑 صار البيت يخبل بعد ناقصني بس ملابس صار العصر طلعت اشتريت ملابس ومكياج مخليت شي بنفسي اخر شي عجبني دب احمر يمكن بطولي جان سعره 75 بس مهتميت ماريد اخلي شي بنفسي وشتريت ارقه تليفون وكلت ادور شغل علئ ما تبدي المدارس صدك بعد اسبوع يصير عمري 17 اباوع البيت جان نفس البيت الجنت احلم بعدين اذكرت ماجايله مسواك 🤦♀️🤦♀️🤦♀️ جبت كلشي نسيت المسوك نزلت الجوه ضليت افتر لكيت كافيتريه جبت شاورما وقوطه ببسي احس روحي حره فرحانه بعدين كلت شنو ردت فعله من عرف انهزمت
سرمد:....
