اسكريبت الشيطان امرأة الفصل الثاني 2 والاخير بقلم رشا منصور

محسن…..

فجأة حسيت بالاوكرة بتتحرك وجدتى خبطت ع الباب قومت بسرعه وقلعت البجامه وفضلت بالفنله والبنطلون وفتحت الباب وأنا بتاوب😪

جدتى….

ايه يابني أول مرة تقفل الباب ع نفسك كدا 

محسن…. 

الجو حر أوى والمروحه بتوجعلي بطني روحت نايم من غير البجامه وقفلت الباب علشان مينفعشي تشوفيني كدا هى الساعه كام دلوقتي 

جدتى… كبرت وبقيت تتكسف مني إحنا بقينا العصر وجيت اسألك عاوز البيتزا ب إيه 

محسن… 

عاوز واحدة صغيرة بالتونه وواحدة وسط بالجبنه وأنا هاخد شاور علشان افوق وعملت نفسي بدعك فى عيني 😪

جدتى….

أوعى تنام تانى وتبقي حط هدومك فى سبت الغسيل ونزلت علشان أطلب البيتزا واعمل بطاطس محمرة ناكلها جنبها 

محسن …

خدت هدوم ودخلت اخد شاور وحسيت بصوت بيقولى مستنياك لبست هدومى بسرعه وببص لقيت هيدان واقفه ع القبر وبتشاور ليا 

نزلت تحت لقيت جدتى قالت لسه البيتزا مجتش أخدت التليفون وطلبت المقله يجيب لنا لب وسودانى ومقرمشات واخدت من جدتى الفلوس وقولت لها أنا هستناهم فى الجنينه 

وخرجت وروحت عند القبر. وقولت لها أنا عاوز أفهم حاجات كتير بس خايف جدتى تشوفك قالت ليا مش لما تبقي جدتك أصلا ع العموم هنتظرك بالليل بعد ما هى تنام 

ولقيت بتاع الدليفري جه وببص عليها لقيتها اختفت روحت دفعت الفلوس وجبت البيتزا والتسالي ودخلت وفضلت سرحان وجدتى لحظت وقالتلي 

جدتى… مالك يا محسن فيك حاجه متغيرة بتفكر فى ايه 

محسن…. 

بصراحه يا جدتى أنا نفسي أعمل حمام سباحه صغيرفى الجنينه الجو حر أوى والجنينه واسعه ومش هنحتاج غير سباك وبتاع سيراميك وأنا اللي هحفر.  الأرض علشان خاطري توافقي أنا من إمبارح بفكر فى الموضوع ده 

جدتى. …

لو هتعمله صغير فى شويه سيراميك فى البدروم  احفر. وخلص وابقي اتصل بالسباك يعمل بلاعه صرف بس أبعد عن قبر امك احفر الناحيه التانيه 

محسن…. 

حبيبتي يا جدتى أنا هبدء من الفجر فى الطراوة ياااا واعوم ونبلبط بقي وأعمل جنبه كراسي وترابيزة زى اللى بشوفه فى التليفزيون بالظبط 

وانتظرت لحد ما نامت وخرجت بره لقيت هيدان واقفه قولت لها احكي كل حاجه تعرفيها بس من البداية 

هيدان. … 

هحكيلك جدتك كان لها اخت تؤام كانت هاديه والكل بيحبها أكتر من سعاد اللى كانت بتاعه مشاكل وخصوصا أنها كانت ضعيفه ومريضه وكانوا اهلها بيحبوا يفرحوها دايما وبيميزوها عن سعاد بسبب مرضها وفى يوم اتقدم محسن جارهم ل سماح وكانت فرحانه اوى هنا سعاد كر'هت أختها اكتر لأنها هى اللى كانت بتحبه وفضلت تحاول توقع بينهم معرفتش وراحت اعترفت له أنها بتحبه لكنه رافضها وقالها أنا بحب سماح واشتري البيت ده بعيد عن اهلهم واتجوز فيه سماح 

وفضلت سعاد من غير جواز والنا'ر قايدة' جواها لجأت لحيل. كتير علشان تبعدهم عن بعض معرفتش

وفضل بردو أهلها يعملوا مقارنه بينها وبين أختها لو كنتى هاديه وكويسه مع الناس كان زمانك اتجوزتى واحد غني زي أختك أنتي اخرك تتجوزى المكوجي اللى متقدملك وتعيشي مع أهله 

وهنا بدأت سعاد تخطط. ازاى تخلص من أهلها كان فى دواء مامتها لما بتاخدوا بتنام بدأت تفرم شريط كامل وحطيته فى الاكل وبعد ما اكلوا وناموا فتحت الغاز. عليهم وخرجت قدام الناس وفضلت طول اليوم عند سماح ورجعت بالليل وصوتت' ان اهلها ماتوا' والكل اجمع انهم ماتوا نتيجه استنشاقهم للغازومن هنا بدأت تعيش سعاد مع أختها بحجه أنها خا'يفه تنام لوحدها فى الشقه وباعوا الشقه وقسموا الفلوس ومحسن طلب منها تفضل معاهم وخصوصا ان البيت كبيروتبقي جنب سماح لو تعبت وهو مش موجود وبعد فترة 

سماح كانت حامل وجابت تؤام ناديه ومها وبدأت سعاد تتخيل انهم ولادها لكن مجرد ما كبروا شويه وبقي يقولوها يا خالتي كرهتهم. وخصوصا ان مها كان لها أسلوب بيجذب الناس لها وبدأت تحس ان شريط حياتها بيعيد نفسه

وتخيلت ان مها كأنها هى سماح وان ناديه هى نفسها سعاد وبدأت تفرق فى المعامله بينهم وبدأت سماح ومحسن ينتقضو'ا تصروفات سعاد مع البنات وقالوا لها لو هى مش مرتاحه معاهم تعيش بعيد عنهم 

فقررت سعاد أنها تخلص منهم وحجزت لهم تذاكر سينما ع اساس انها بتصالحهم وكانت قبلها قطعت. لهم الفراميل. وماتوا. كأنها حادثه 

وبقت سعاد هى صاحبه البيت بما أنها الوصية ع البنات لحد ما يكبروا وحكمت عليهم يقولوا لها يا ماما ومرت سنين واتعرفت مها ع ممدوح كان بيشتغل قريب من البيت لكن أهله كانوا من محافظه تانيه ونشأت قصه حب بينهم وقرر ممدوح يروح يخطب مها 

وهنا حست سعاد ان ناديه هتعيش نفس معاناتها وان أختها هتتجوز الغني وهى هتفضل من غير جواز 

ووافقت ع الخطوبه غصب عنها لأن مها قالت لها كلها شهرين ونستلم ميراثنا اللى عماله تصرفي منه 

وده بيتي أنا وناديه وبس وهنتجوز ونعيش فيه وبما ان ممدوح كان عايش بعيد عن أهله وافق أنه يتجوز ويعيش معاهم فى نفس البيت وابتدت سعاد تخطط. ازاى تخلص من مها من غير ما حد يشك. فيها 

لجأت لحيله المخدر وابتدت مها تمشي وهى مشوشه ودايخه ومش شايفه خرجت ناديه افتكرت مها بتمثل عليها بتزوقها وقعت من ع السلم رأسها. اتفتحت😔

وهنا اتصلت سعاد ع ممدوح وقالت له مها وقعت تعالى ساعدنا وفهمت ناديه ان هى اللى قتلت' أختها وفهمت ممدوح أنهم لو راحوا المستشفي هيشر'حوها وهى مش هتتحمل ده  علشان كدا الأفضل تدفن هنا فى جنينه البيت 

محسن…. 

كنت بسمع كل ده وأنا مش مستوعب أنا عايش مع شيطا'نه طول السنين دى بس مكنتش قادر أصدق وفجأة سمعت صوت جدتى بينادى عليا روحت لها وشافت الدموع فى عيني ولما سألتني قولتلها وأنا بشوف الجزء اللى احفروا لحمام السباحه التراب دخل فى عيني قالتلي اطلع نام هو فى حد يحفر بالليل كدا 

وطلعت أوضتي وأنا من جوايا نفسي اخنقها' بس رجعت وقولت يمكن كل ده كد'ب 

بس قسيمه جواز سماح من محسن وصور التؤام وشهادات الميلاد تثبت ان الكلام ده صحيح ومقدرتش أنام وفضلت أفكر أعمل ايه وأول ما النهار طلع نزلت وعملت حفره صغيرة كدا وبعدين روحت عند القبر وناديت ع هيدان .

هيدان….

أنا موجودة دايما شكلك منمتش ومستعجل تعرف ايه اللى حصل مع أهلك هكملك 

من بعد ما دفنوا. مها جدتك صممت تجوز ناديه ل ممدوح واتصلت عليه وفضلت تقوله أنا شوفت فى المنام مها وطلبت منى أنها هتكون مرتاحه لما تشوفك متجوز أختها وعايش هنا وسعيد معاها ولأن ممدوح كان بيحب مها صدق ونفذ كلامها بس اشترط الجواز من غير فرح احتراما لموت. مها 

وكانت ناديه مش طايقه' افعال خالتها لكن ساكته غصب' عنها وبعد فترة ناديه بقت حامل فيك جدتك صممت يكون المولود إسمه محسن لأنها عاوزة تنتقم. تانى منه وبعد كام شهر من ولادتك سمعت جدتك ناديه وهى بتطلب من ممدوح يرفعوا قضيه. وتستعيد ميراثها بس ممدوح رفض وقالها مينفعش خالتك ملهاش مكان تاني تعيش فيه 

وهنا قررت سعاد تلجأ للسحر ورسمت طلسم ع الأرض تحت سرير ناديه وعزمت عليه ورجعت كل حاجه زى ما كانت ومن بعدها بدأت ناديه تتعب ومتقدرش تتحرك من السرير وكل الدكاترة مقدروش يوصله لحاجه 

وبدأت سعاد تقول قدام ممدوح كويس إنى عايشه معاكم ع الأقل واخده بالي من الطفل الصغير وبدأت تعمل زى هلاوس ل ممدوح بأنه بيقتل' ناديه 

وبقي مش قادر يفرق بين الحقيقه والخيال لحد ما فى يوم قررت سعاد تنفذ وقتلت' ناديه وطبعا ممدوح افتكر ان هو اللى عمل كدا ومثلت سعاد الحزن والزعل وبعدين قالت له مينفعشي تسجن. وابنك يعيش يتيم الاب والام طب اربيه ازاى ومنين وقررت تدفن ناديه مع مها فى نفس الحفره 

وفضل ممدوح عايش هنا وهو شايل جميل سعاد لحد ما قرر يتجوز واحدة تانيه وياخدك تعيش معاه وطلب من سعاد أنه عاوز ميراثك بما أنك الوريث الوحيد لمامتك وخالتك وهنا سعاد قالت له 

سيب الولد معايا بدل ما يعيش مع مرات اب وأنا كمان ليا فى الميراث واعتبرني المربيه بتاعته بس سيب لابنك فلوس بما انك هتسافر وتعيش فى بلدك مع عروستك 

وممدوح أقتنع بكلامها واخد سعاد البنك وعمل شهادة مشروطه بأن محدش يقدر يفكرها إلا لما تكمل انت التمنتاشر سنه وان سعاد تاخد الفوائد الشهريه تصرف عليك منها 

وفى نفس الليله اللي كان هيسافر فيها ضر'بته ع رأسه ودفنته حي ولولا الشهادة مشروطه كان زمانها قتلتك' انت كمان 

محسن …..

وانتي عرفتي كل ده منين لقيتها قالت أنا قرينه ناديه مامتك ولولا خط السحر المحاط بالبيت كان زمانى دخلت البيت وانقذتك منها لكن هى منعتك من الخروج 

قولت لها تمام وسيبتها وفضلت أكمل حفر. ولقيت جدتى صحيت من النوم وخرجت الجنينه وقالت ليا 

جدتى….

ايه يا محسن حفرت. كل ده امتى شكلك مستعجل ع حمام السباحه أنا هروح اجهزلك الفطار ولقيته قالي 

محسن …

استني يا جدتى أنارشامنصورلقيت زى خاتم دهب شيلته هناك عند قبر ماما هجبهولك وروحت هناك وقولت يا هيدان ظهرت ليا قولت لها تعالوا كلكم وفتحت دايره الخط الأبيض ولقيت ظهر راجل واتنين ستات عرفت أنهم بابا وماما وخالتي 

جدتي أول ما شافتهم حاولت تجري وقعت فى الحفره جريت عليها قالت ليا ساعدنى عاوزين يقتلو'نى يا محسن 

قولت لها هساعدك وجبت الجروف وفضلت اردم' التراب فوقها وهى تصو'ت بس كانت عينها عليهم وفجاة لقيت دخان طالع منها وكأن التراب ده جمر. بحطه فوقها وشوفتها وهي بتتحر'ق وماتت واتحولت ل رماد😑

وسويت الأرض زى ما كانت ولقيتهم قالولى كدا إحنا اطمنا عليك أنك بقيت في أمان منها

ودخلت البيت وأنا مش مستوعب ازاي الحقد' يخلي واحدة تقتل' خمس أشخاص ازاى قلبها طاوعها 

ازاى طول الوقت بتمثل عليا الحنيه وهى فى الحقيقه شيطا'نه 

وعاوزة تقتلني'

ومن وقتها فضلت عايش فى البيت واخدت الفيزا وبقيت اسحب الفوائد منها وأول ما كملت التمنتاشر سنه روحت البنك لكن مسحبتش الفلوس كلها أخدت جزء صغير منها والباقي عملت به شهادة سنويه علشان اعيش ع فوايدها 

ووضبت الجنينه وزرعتها وعملت حمام السباحه ودهنت البيت بألوان جديدة ومسحت كل الطلاسم وشيلت كل الدلايات من البيت وحر'قتهم وقررت أكمل دراستي وطول الوقت واهلي معايا وحاسس بهم جنبي 

ومش ندمان ع اللى عملته فى سعاد كان لازم يكون ده جزاءها 

من سلك طريق الشر. لابد ان نهايته تكون مفجعه. 

تمت بحمد الله