رواية مابيني وبينه قدر الفصل الثاني بقلم رقية الأنصاري
_أدهم!!
= احلام انتي هتمشي معايا دلوقتي
_امشي معاك فين إن شاء الله ؟؟
_مش انتي مكنتيش عايزه تيجي هنا؟ .. انا هاخدك و ...
"قاطعته وقالت
_انا اتجوزت .. سلامة النظر حضرتك مش شايف أن في كتب كتاب ؟
"رد بصدمه
=اتجوزتي!! هو ... هو ده كتب كتابك انتي!!
"جه يوسف من وراها وقال
-ده لو مش هيضايق حضرتك في حاجه يعني
"ادهم قال بعصبية
=احلام مش لحد غيري انت فاهم!! وبعدين اصلا هي بتحبني وتلاقيها اتجوزتك غصب عشان ..
"احلام قاطعته وقالت ببرود
_انا بحب يوسف جوزي ومش بحب حد غيره .. ولو سمحت اتفضل من هنا ملكش حاجه عندي
"ادهم بصلها بصدمه واستغراب وقال
= احلام ازاي؟ أحلام انا ادهم خطيبك! أنا بحبك وانتي بتحبيني والي قلتهولك ده انا ندمت عليه صدقيني وسبت البنت واكتشفت اني بحبك انتي و ..
"مكملش كلامه ولقى بوكس في وشه من يوسف الي قال
-مش عيب عليك لما تبقى راجل كده وتقف تقولها الكلام ده قدام جوزها ؟ اظن انت سمعت هي قالت ايه ، لو قربتلها انا الي هقفلك مش هي .. اتفضل يا حلو من هنا
=والله ما هسيبك لا انت ولا هي ، وانتي مش لحد غيري يا أحلام وهتشوفي!
"ردت احلام
_اعلى ما في خيلك اركبه
"ادهم بصلها بتوعد ومشي من غير ما يرد ويوسف بصلها وقال بعصبية
-على فوق!
_انت بتزعق ليه؟!
"يوسف بعصبية اكتر
-انا قولت اطلعي فوووق!!
"احلام طلعت ويوسف مشي خرج من البيت .."
««««««««««««««««٭»»»»»»»»»»»»»»»
احلام كانت قاعده في الأوضه ، فجأة الباب خبط .."
_اتفضل
"دخلت ماسه اخت يوسف وقالت
-ممكن اقعد معاكي؟ لو مش هضايقك يعني وبالمره اتعرف عليكي
"احلام بابتسامة
_اكيد تعالي
"ماسه قعدت جمبها وأحلام قالت
_انا اسفه والله اني مقعدتش معاكي خالص من ساعت ما جيت بس زي منتي شايفه الدنيا كانت عامله ازاي
= لا عادي ولا يهمك انا عارفه انك كنتي متضايقه ، المهم بقا عرفيني على نفسك كده "وكملت بضحك" انا كل الي اعرفه انك اسمك أحلام معرفش حاجه تاني
_بصي يا ستي انا عندي 22 سنه وكنت في كلية هندسه وبحب الرسم اوي انا اصلا كان نفسي ادخل فنون جميله بس بابا مكنش موافق
= اممم وانا كمان على فكره بس انا دخلتها بقا
_بتهزري يعني انا بنت عمي فنانه بقا
= يستي ده انا لسه سنه اولى يعني فنانه على قدي
_انتي كنتي قاعده في القاهره مع يوسف صح ؟
= اه ، اصلا يبنتي كلنا كنا قاعدين في القاهرة ولسه جايين من شهرين عشان جدو طلب من يوسف انو ييجي يشتغل في الشركه هنا ، ما عدا بقا عمي عبدالله ومراته هما الي كانو قاعدين مع جدو هنا
_اهاا .. هو انتي ويوسف لوحدكو صح؟ يعني ملكوش اخوات تاني
= اه بس في بقا آسر ابن عمي عبدالله بس هو مش موجود دلوقتي هو سافر القاهرة من يومين
_ اممم ، " وكملت بضحك " والله الموضوع مضحك يعني ولاد عم ولسه بنتعرف
"ماسه ضحكت وقالت
= اه شوفتي ، وبعدين محنا الي مكناش بنشوفك خالص انا مكنتش اعرف عنك غير اسمك ، حتى لما كنا في القاهره كان في مشكله بين بابا وعمي عماد ف مكناش بنعرف نجيلكم
_بقولك ايه
= قولي
_ هو يوسف عندو كام سنه؟
"ماسه ضحكت جامد وأحلام قالت
_ انتي بتضحكي على ايه يا هب-له انتي هو انا بقول نكته!
"أصل الصراحه هي نكته فعلا ، بتسأليني على سن جوزك
_يختي هو انتي محسساني اننا متجوزين من عشر سنين ده انا لسه عرفاه من كام يوم
= عندو 25 سنه هو اكبر مني ب 6 سنين ... وعلى فكره يا أحلام يوسف ده احن شخص في الدنيا وهو طيب اوي والله وفرفوش هو بس عشان ميعرفكيش وموضوع الجواز ده جيه فجأه ف هتلاقيه بس متضايق شويه لكن كام يوم وهتلاقيه فك معاكي
_ خير إن شاء الله يا ماسه ، المهم صحيح هو انتي تعرفي البنت الي هو مرتبط بيها دي؟
= يا ساتر يارب اسكتي يا أحلام
_ في ايه ؟
= أصل البت دي اساسا محدش بيطيقها غيرو انا مش عارفة بيحبها على ايه ده
_ ليه مالها
= مفيهاش اي حاجه عدله واحده كلها فيك في فيك اصلا لا لبس عدل ولا اخلاق عدله ولا اي حاجه في الدنيا انسانه اخر قرف
_ بس بس خلاص اهي شفطت حسناتك وانتي قاعده
= ليه؟
_ هو انتي متعرفيش إن الغيبه دي حرام
= غيبه؟
_ ايوا .. الغيبه دي حرام كبير ، انك تغتابي حد أو تجيبي في سيرته بالوحش وهو مش موجود ده حرام جدا وكل ما تجيبي سيرته ياخد من حسناتك
= انا والله ما كنت اعرف
_ خلاص لو مكنتيش تعرفي عادي معليكيش وزر بس من اول دلوقتي تاخدي بالك عشان اديكي عرفتي اهو
= حاضر ، وبعدين اصلا منتي الي سألتيني الله
"احلام حدفتها بالمخده وقالت
_ يبت انتي هتلبسيها فيا انا كنا بسألك تعرفيها ولا لا مقلتلكيش طلعيلي في عيوبها ولا اشتميها
= طيب خلاااص متبقيش قفوشه كده
"يوسف دخل عليهم وقال
-خير قاعده في اوضتي ليه يا استاذه ماسه؟
= انت مالك انت انا قاعده مع لولتي مش معاك
-بلا لولتك بلا بتاع يلا اتفضلي عشان انا على اخري ومش طايق حد
"ماسه همست لأحلام
_ الله معكي والله
-يلا يا ماسه قولت براا
_يعم خلاص طالعه متزوقش طهه
"يوسف طلعها وقفل الباب وأحلام قالت
_انا عايزه انام
= والمطلوب؟
_ هنام فين
= نعم ؟
_ هو ايه الي نعم ؟ بقولك هنام فين
= هتنامي على السرير شوفتي سبحان الله
"احلام بصتلو بقرف وقالت
_ حد قالك قبل كده انك انسان مستفز؟
"يوسف بابتسامة سمجه
_ عارف والله من يومي
_ ده انت سئيل ، انا مش هنام جمبك على فكره عشان بس العشم مياخدكش
"يوسف ضحك وقال
=عشم؟! ليه إن شاء الله مين انتي ياهانم ؟ وبعدين محدش طلب منك تنامي جمبي عندك الكنبه اهي فاضيه نامي عليها
_ والله ؟ لا طبعا انت الي هتنام عليها
" يوسف مردش عليها وراح نام على السرير ببرود
_ ما تبطل البرود الي فيك ده! قلتلك مش هنام على الكنبه
= اطفي النور
_ انا مش بهزر يا يوسف بطل برود!!
" يوسف ببرود اكتر وهو مستمتع بعصبيتها
= اطفي النور
" احلام راحت عندو وقالت وهي بتشدو من كتفو
_ قوم كده بقاا عشان أنا اصلا مش طيقاك خلقه ، ف قوم كده وبلاش شغل عيال
= أنا برضو الي عيل
_ اومال انا الي عيله؟!
" وفجأه يوسف شدها نيمها على السرير وهي قالت
_ اوعى كده! والله ما هنام جمبك!
" يوسف شدها اكتر لحد ما بقت في حضنه وقال
= نامي يا أحلام
"احلام اتكسفت وقلبها ضرباته تسارعت ، قالت وهي بتزقو
_ انا قولت مش هنام جمبك اوعى
= اتخمدي يا أحلام
"احلام فضلت تزق فيه لكن هو كان ماسكها جامد ، لحد ما نامت باستسلام .."
««««««««««««««««٭»»»»»»»»»»»»»»»
"تاني يوم ، على قهوة في القاهره .. كان آسر قاعد مع مروان صاحبه .."
_ بقولك يا آسر هي ماسه مش بتيجي الكليه ليه
= امم بتسأل ليه؟
_ يعم عادي يعني اصل هي كانت بتيجي على طول يعني ووقفت مره واحده
= هحاول اصدق
_ هي فين طب متقول
= سافرت البلد ، وبعدين خليك في حالك كده وملكش دعوه بيها
_ وده ليه إن شاء الله
= من غير ليه
_ بتحبها
"آسر ضحك وبصله
= بحب مين يبني انت اه بل
_ مش هتعرف يا آسر
= مش هعرف ايه؟
_ يعني قبلك حاولوا كتير ومعرفوش
= بس مش آسر الهواري ، وبعدين انت ناسي انها بنت عمي ولا ايه ؟ يعني هتبقى قدامي 24 ساعه
_هو انت هتسافر؟
= ما طبعا انا راجع انهارده بابا كلمني
_ برضو مش هتعرف انا نفسي حاولت معاها كتير وهي مقفله وعلى فكره كونك ابن عمها ده المصيبه الأكبر
= ليه؟
_ عشان هي مش بتطيقك يحبيبي
= بقولك ايه
_ قول
= نتراهن ؟
_ نتراهن
"آسر بصله وقال بثقه
= بكره ماسه دي .. هتبقى خاتم في صباعي ، وهتشوف
««««««««««««««««٭»»»»»»»»»»»»»»»
"صحيت على نور الصبح ، داخل خفيف على وشي .. بصيت جمبي ملقتهوش ، اكيد نزل شغله ، ابتسمت تلقائيا لما افتكرت خناقتنا الهب-له امبارح ، قمت اتوضيت وصليت فرضي ونزلت كانت ماسه قاعده مع مرات عمي .. قالت بفرحه
_ صباح الخير يا عروسة
"ابتسمت بخجل ورديت
= صباح النور يا ماسه
"اتكلمت مرات عمي
-صباح الخير يا أحلام ، قايمه بدري يعني
= قلقت معرفتش انام تاني والله ، قولت اصلي الفجر وانزل أفطر معاكم
_ طب يلا الفطار جاهز
"ماسه شدتني وقالت بحماس
_ يلا يا عروسه ، عيزاكي تجربي فطير ماما بقا وتقولي رأيك
"ضحكت وانا برد عليها
= أنا حاسه نفسي داخله على تجربه عالميه مش فطار
««««««««««««««««٭»»»»»»»»»»»»»»»
بعد كام ساعه ، كنا قاعدين في الجنينه ، كسرت الصمت وانا بقول
_ الجو هنا بيبقى حلو اوي
" ماسه ردت بضحك
= اه بس استني بس لما الصيف يدخل هتتمني ترجعي القاهره تاني
_ اسكتي متفقريش بقا
"سكت شويه وقولت
_صحيح ، مرات عمي قالت إن آسر راجع انهارده
= اه .. الكارثه ده
_ ليه مالو ده كمان
= يبنتي آسر ده اكتر انسان مغرور في الدنيا ، شايف نفسه زياده عن اللزوم ومبيحبش حد يعارضه في كلمه
"ضحكت بخفه وانا بقول
_طب ما ممكن تبقي فاهمه غلط
= لا والله ده من واحنا صغيرين واحنا بنتخانق
_ عدو الطفولة يعني
= هو اه يعني .. بس الغريبه بقا أن كلهم بيحبوه مش فاهمه ليه
_ طب مش يمكن اتغير دلوقتي ؟
"ردت وهي بتزفر وبتبص بعيد
= يارب يكون اتغير
"بصلتها وقولت بمكر
_ اممم يمكن الجوازه الجايه تبقى في العيله برضو
= اسكتي يا أحلام ، ده انا لو اتجوزته اكيد هبقى مخبوطه على دماغي قبلها
_ متستعجليش يا ماسه ، ممكن الي نكرهه انهارده يبقى هو الي يغير حياتنا بعدين
= انتي قلبتي على كلام افلام كده ليه؟
_ لا انا والله بتكلم جد الزمن غريب اوي ، بيبدل كل حاجه في لحظه
= سامعه ؟ شكل آسر جه
"ودخل علينا فعلا وهو بيقول
-احنا عندنا ضيوف بقا ولا ايه؟
"ردت ماسه
_ أحلام بنت عمك ومرات يوسف
-مرات يوسف؟ انتو لحقتو
"رديت وانا بضحك
_ اصل جدو كان مستعجل شويه
-اهاا عشان كده مهو جدو محدش يعرف يرفضلو كلمه
"بص لماسه وقال
- ازيك يا ماسه
"ماسه ردت ببرود
= الحمدلله
" وقامت طلعت فوق
-طيب انا هطلع انا
"مشي طلع على أوضته وانا طلعت على الأوضه"
««««««««««««««««٭»»»»»»»»»»»»»»»
"الليل دخل بهدوء ، المكان ساكت الا من صوت التلفزيون الي شغلته بسلي بيه نفسي ، الساعه عدت 12 ، ولسه يوسف مرجعش ، مش هكدب واقول اني مقلقتش بس كنت بحاول اقنع نفسي انو عادي ، لحد ما الباب اتفتح ، دخل يوسف وشه شاحب وعرقه مغرقه ، وعينيه حمرا من التعب .. قولت بقلق من غير ما افكر
_ يوسف! مالك وشك مصفر كده ليه؟!
= مفيش دوخه بسيطه بس
_ دوخه ايه بس! ده انت هتقع من طولك
"رميت الريموت وجريت عليه وانا شيفاه بيترنح ، حاولت اسنده بس سحب أيده وقال بسرعه
_ اوعي يا أحلام انا كويس
= كويس فين يا يوسف؟! طب استنى هجيبلك تشرب
"روحت جيبتله كوبايه ميه بسرعه ، خرجت لقيته قاعد على الكنبه وأيده على راسه"
_ امسك اشرب
"شرب منها بالعافيه وقال بصوت متقطع
= أنا شكلي سخنت مش قادر اركز
_سخنت كمان!! طب قوم نام على السرير بدل ما انت قاعد كده
= أنا قلتلك تمام يا أحلام بلاش وجع دماغ
_وجع دماغ؟ ده انت لو اتكلمت كلمه كمان هيغمى عليك ، قوم يا يوسف بدل ما انده لحد يشيلك
"فضل ساكت ثواني وبعدها قام على مضض ، رمى نفسه على السرير من غير ما يغير حتى هدومه ، قربت منه لمست جبينه وقولت بخوف
_ ده انت سخن نار!
"جبت فوطه ساقعه ومسحتله بيها على وشه ورقبته ، فتح عينه بصعوبه وهو بيقول
-انتي بتعملي ايه؟ سيبيني يا أحلام
= اسيبك ايه ده انت حرارتك مولعه ، عايزهم يقولو موتته بقا ولا ايه
_انا قولت مش عايز مساعده منك ، مش محتاج منك شفقه
" وقفت مكاني ثواني ، اتضايقت من طريقته ، بس بصتله وهو بيعرق ووشه متعب ف بلعت الكلام وقولت بهدوء
_ مش شفقه يا يوسف ، دي انسانيه ، ولو انت مش عاجبك ف دي مشكلتك
"رجعت امسحله على وشه من غير ما استناه يرد ، وهو فضل ساكت ، بعد ما خلصت قومت من جمبه وهو قال
_ انتي غريبه اوي يا أحلام ، انتي دايما كده؟
= كده ازاي ؟
_ عنيده بس قلبك طيب
"اتلبخت وقولت بسرعه وانا بحاول اخفي توتري الي معرفش سببه
= نام يا يوسف انت شكلك بتخرف من السخونيه
"ضحك بخفه وانا قولت
_تصبح على خير
= غريبه يعني مش هتعملي خناقه زي امبارح على السرير
"قبل ما ارد عليه سمعنا صوت صريخ جاي من برا ، خرجت من الاوضه بسرعه وقولت بصدمه وخضه
-........
شكرا لزيارتكم عالم روايات سكيرهوم
