رواية طالبتي فصلتي الفصل الثاني بقلم مجهول
رحت دااسوي العشا بالمطبخ واجت تمارة
تمارة: ليان اني وماما انريد نحاجيج
ليان: اوك بس دااسوي عشا لسيف اخلص واجيكم
تمارة: اوك
خلصت الطبخ رحت صعدت دكيت الباب مافتح دخلت
لكيته ضايج ومقهور وديبجي
لاول مرة رف كلبي عليه وكلت بكلبي ليش ديبجي معقول كارهني لهل الدرجة 😔😔
سيف جنت مقهور لان تمنيت هسة اكون متزوج من رغد بس الحقيرة تركتني ودموعي بلشن ينزلن عليها ومقهور من وراها فجاة رفعت راسي لكيت ليان واكفة يم الباب وضايجة مسحت دموعي رئسن
ليان شكله شافني لهذا مسح دموعه
سيف: ليش واكفة يم الباب دخلي
ليان: ااا جبت العشا الك 😯
سيف: اه شكرا
ليان: ممكن اسئل سؤال؟
سيف: اسئلي!
ليان: ليش دتبجي ومقهور
سيف جنت دااكل وبعدين باول لكمة وهية سئلتني ليش مقهور
سيف: مالج دخل وايالج وبالج تكولين لاحد فاهمة مااحب اعيد 😡😡
ليان: ماشي بعد مااسئل 😑
سيف: ليش مدتاكلين وياي ؟ 😕
ليان: 😶😶😶 ااا لا ماجوعانة
سيف: براحتج
ليان : شكد ماعنده ذوق دصر علية وكلي لااكلي 😒😒
ليان: يلا اني رايحة يم تمارة شوي وارجع
سيف : روحي
ليان رحت يم تمارة وخالة جانن كاعدات بالحديقة
ليان: ها خالة طلبتيني ؟
ام سيف: ايي يمة
ام سيف: اولا اريدج تكوليلي يمة مو خالة لان انتي بغلاوة تمارة من زمان وجنت اريدج تصيرين منا
ليان: ماشي خال..اقصد ماما 😶😶
ام سيف: ☺☺
ام سيف : يمة اريد منج شغلة
ليان: أامري
ام سيف: اريد ابني سيف
ليان: ها؟
ام سيف : يمة ابني مات من زمان من 4سنوات
ليان: مافهمت 😕
ام سيف: اني افهمج جان يحب وحدة اسمها رغد بس قبل عقدهم بأسبوع درة بيها تخونه لهذا من يومها وهو ضحكته ماشفناها ابد ودائما ضايج ومقهور ويكره كل البنات
ليان: عززززة ليش هيج سوت
تمارة: مانعرف بس انريد منج شغلة
ليان: وهية..
ام سيف: اريد ترجعيلي سيف القديم الي يضحك للهوة الطاير الي يكعد ويانا ومايحبس روحه بالغرفة
ليان: اني؟
تمارة: ايي انتي
ليان: بس شلون مااكدر
ام سيف: ليش يايمة
ليان: ماما شلون اكدر مااعرف
ام سيف: خليه يحبج ويتعلق بيج وصدكيني راح يرجع مثل ماجان
ليان: بس...
تمارة : بلا بسبسة انتي كدها وكدود
ليان: احاول بس مااوعدكم بشي لان منو يكول يصير هيج
ام سيف: انتي بس حاولي
ليان: ماشي.. يلا اني اترخص راح داانعس اكدر اروح انام؟
ام سيف: اي يمة
ليان: تصبحون على خير
تمارة وام سيف: اجمعين
ليان صعدت للغرفة لكيت سيف مدد عالجرباية وديباوع عالتي في
سيف جنت داباوع عالتي في ولكيتها صافنة علية
سيف: انتيي ليش واكفة هناك فوتي
ليان: وين انام اني
سيف: هنا
ليان: وانت
سيف: شنو هالسؤال السخيف اكيد هم عالجرباية لعد بالكنتور 😑😑
ليان: مستحيييييل
سيف: صوووتج 😡😡
ليان : اووووف
يلا امري لله
رحت مددت ونمت صار الصبح
كعدت ب6 لكيته نايم وطالع شكله حلوو
كلت شبيه يعني عنده حياة حلو ويضل ضايج علمود هاي الي اسمها رغد
ليان سبحت وبدلت ورحت للمطبخ لكيت تمارة كاعدة ودسوي بالريوك
ليان: صباح الخير
تمارة: صباح النور حبيبتي
ليان: اساعدج؟
تمارة : ايي ياريت
كعدنا دنسوي بالريوك وفجاة شفت ...
ليان: اه اه اه اه
تمارة: هاهاها شبيج ليش دتصرخين
ليان: اكو اكو ابو بريص على شعرج تمارة
تمارة : ااه ااه ااه وخريه عني ييييع
ليان: يبيي مقرف مقرف
تمارة : وج وخريه اهئ اهئ اهئ
ليان: اوكفي خل اضربه بالخاشوكة الخشب يجوز يروح
داضربه وطفر على راسي
ليان: اااااااااااااااااا
سيف جنت نايم واسمع صريخ من المطبخ رحت ركض
تمارة : يمة يمة الحكينا
ليان: اااااااااا وج وخريه
سيف: ها ها شصلير ليش دصيحن خير
ليان: اهئ اهئ اكو اكو ابو بريص على راسي وخره الله يخليك 😢😢
تمارة : ايي حباب وخره بسرعة راح نتقيء
سيف: على هاي مكعداتني من الصبح ووخرته طفر بالكاع وركض صعد عالحايط
ليان: الحمد لله اه اه قلبي اجت تصير بيه سكتة قلبية
سيف: 😑😑 شكد جبانة
ليان: مو خطية انت الشجاع سودة عليه
سيف: 😒😒😒
يلا سوو الريوك جوعان
ليان: بس حاير ببطنه
سيف: 😡😡شكلتي
ليان : عزززة هذا سمعني(بكلبي) لاسلامتك ما كلت شي
سيف: يلا راح اسبح والكي الريوك جاهز
البنات: ايي
خلصنا تجهيز الريوك ليان ادري بيه مخلص سبح بس متقصدة حتى ينزل يمنا يتريك
سيف خلصت سبح ومشطت شعري ومحد جاب الريوك ومااريد انزل لان اني متعود دائما اكل هنا بالغرفة نزلت واني معصب
سيف: ليااان وين الريوك 😡😡
ليان: ليش ماتاكل ويانا هنا احسن
سيف: مالج دخل اني اكل بغرفتي
ليان: واني كلت راح تاكل هنا احسن 😏
ام سيف: يمة سيف لخاطري اكل ويانا اليوم ماشي ؟
سيف: ماشي لخاطرج يمة بس
الكل: 😲😲😲
وخلصنا ريوك وغسلنا الاماعين والتنظيف وصعدت للغرفة لكيته كاعد عالفون
ليان: سيف
لاجواب
ليان : سيييف
سيف: خييير
ليان: ممكن اتخليني اداوم بالكلية
سيف : لا
ليان: لييش 😢
سيف: مالج دخل بكيفي
ليان : اهئ اهئ اهئ حرام عليك 😭
ليان ضجت كولش من كلامه وعفته وطلعت للحديقة واجتني تمارة وجنت ابجي
تمارة: ها لولو ليش تبجين 😯
ليان: اخوج مايخليني اكمل كلية 😢
تمارة: وج يريد يضوجج اخويه واعرفه ولهذا نكلج حاولي تخلينه يحبج حتى يكوم ينفذلج دائما يلا اني رايحة للسوك
ليان: الله وياج
ليان فكرت بكلام تمارة وكلت وياها حق يجوز اذا انسي صاحبته القديمة يكوم يعاملني عدل 😏 بس المشكلة اني مااحبه شلون اخلي يحبني 😔
ليان رحت صعدت للغرفة طبعا الحمام داخلي رحت سبحت ومشطت شعري وسويته ذيل حصان وحطيت ميكب خفيف ولبست تراكسود ازرق برمودة والقميص ربع ردن طلع يخبل عليه ورحت حطيت عطر وعطرت الغرفة وعزلتها
سيف: جنت داانضف بالسيارة برة البيت ورجعت ميت من التعب واريد اغسل دخلت للغرفة لكيتها مرتبة وتلمع والفرشة مغيرة واباوع على ليان طالعة تخبل خرب بعرضها كلت خلي اسويلي فد حركة
سيف: ليان شنو هاللبس هذا عاساس ماتدرين اخويه علي راح يجي من سوريا اليوم وابويه هم موجود شنو هاللبس 😡
طبعا بكلبي اكول شنو هالجمال ام لسان
ليان: اولا مااعرف اخوك جاي وثانيا اني البس صاية من انزل وثالثا على شنو صرت عصبي وليش هالغيرة زواجنا عالورق وبس فعلى شنو هالدراما
سيف: لياااان لاتلعبين بعداد عمرج اسكتي احسنلج
ليان: ماشي يامعقد
سيف: 😡😡😡😡
ليان: هههه ضوجته (بكلبي)
سيف: ليان جهزيلي الحمام بسرعة
ليان: شكالولك خدامة عندك ؟😒
سيف: السانج يامامرباية وغصبا عليج خدامة يالفصلية نسيتي روحج شنو هنا
وجريتها من شعرها وكامت تبجي
ليان من كتله هيج جرني من شعري وكلي مامرباية واني خدامة هنا وفصليه اني مااتحملت كمت ابجي واكله وخر عني
سيف رف كلبي عليها من شفتها تبجي عفتها ورحت
ليان حضرتله الحمام واني عاوزني شوية احطه واشرب من دمه وشلون اخلي يحبني اذا هو عاوزه شوية يدزني للكبر رئسن
سيف دخلت سبحت وطلعت مالكيتها بالغرفة
ليان من دخل يسبح طلعت للحديقة طبعا اني بية عادة من اضوج اكوم احجي وية نفسي بصوت عالي
كعدت بالحديقة
ليان (مع نفسها بصوت عالي) : شكد شايف روحه هذا المغرور واني مااشتريه بكشر بصل عبالك هو فدشي وهو مايدري عاوزني شويه اجيب السجينة وادخله بكلبه وارتاح منه بس ليان للصراحة هو حلو وهيبة ويخبل بس شخصيته تلعب النفس عكس شكله ماكو هذا سيف لو يتغير يصير فد شي راقي
كمت لان حاطة الجاي عالنار فاول ماكمت لكيت سيف واكف وراي وخربان ضحك
سيف دورت عليها مالكيتها شفتها من الشباك كاعدة بالحديقة فطلعت لكيتها تحجي وية نفسها وتأشر وتحجي عليه وخربت ضحك على كلامها واول ماكامت وجهها كام ينطي الوان
ليان(بكلبها):عززززة بس لا سمعني
سيف جنت خربان ضحك كولش
ليان اول مرة انتبه عنده غمازات واول مرة اشوفه يضحك وضحكته تخبل وشكله كولش حلو من يضحك
ليان: اااا على شنو تضحك انت
سيف وهو مبتسم : هههههههه عليج لهل الدرجة اني اخوف هههههه 😂😂😂
ليان: اكيد انت متوهم ماجنت احجي عليك جنت ااا جنت احجي على اخويه
سيف: ههههه اخوج منينلج هالاخ اصلا ماعدج اخوة
ليان: عززة اني شكلت 😶😶
سيف خربان ضحك على شكلها يمووت ضحك
اجن ام سيف وتمارة من السوك وتفاجان من لكن سيف يضحك لان حسب ماعرفت هو من زمان ماضاحك
ام سيف: يمة فدوة لهل الضحكة يابعد كلبي اخيرا شفت ضحكتك ورصعاتك قبل ما امووت 😢
تمارة: 😃😃😃
سيف انتبهت على نفسي اني شبيه كمت اضحك عفتهم وصعدت
ام سيف: حبيبتي ليونة اشكرج لان خليتيني اخيرا اشوف ضحكة ابني الغالية 😢😢
ليان : اه خالة ماكو داعي للشكر 🙂🙂
صار موعد الغدة كلت خاف يكوم يصيح عزلتله غده واني دااصعد بالدرج هو نزل
سيف: ها ليش صاعدة اني انزل اكل وياكم غير
ليان والكل 😲😲😲😲😲
تمارة : انت منو مستحيل تكون سيف اخويه 😲
سيف: ها يعني ماتردوني عادي اروح اتغدة وحدي
ليان: ها لا خليك بالعكس هلا بيك تعال 😃😃
اتغدينا وخبصنا انوب اجة علي من السفر ورحبنا بيه وكولش حباب
ومر شهرين على زواجي وماكو شي جديد
سيف: ليان
ليان: نعم
سيف: تردين ترجعين اتداومين ؟
ليان : ها؟
سيف : ووجعا تردين لو لا
ليان : ايي اكيد شكرا شكرا شكرا وحضنته واني مامنتبهة من الفرحة
سيف كتلها ترظين اتداومين وهية ضلت تتشكر واخر شي حضنتني اني تفاجات
ليان: عززة اني شداسوي خل اوخر اكيد راح يطيرني براشدي (بكلبي)
ردت اوخر وخسيته هو هم حضني انصدمت وخرت عنه ورحت لان استحيت
سيف :انت شدتسوي شنو هالتصرفات (بداخله)
بعد اسبوع
ليان رجعت للبيت ولكيت سيف راجع كاعد بالغرفة ومنتجي عالكنتور ومقهور والدمعة بطرف عينه
ليان: ها سيف شبيك ليش دتبجي صاير شي 😯
سيف: مالج دخل كم مرة كتلج من اضوج لااسئلين 😡😡
ليان: كافي سيف بلا هالكلام اني مرتك ومن حقي اعرف
سيف: مرتي؟ انتي مو مرتي انتي مجرد فصليه هنا شحاسبة نفسج (بنتره)
ليان: 😢😢😢
سيف :بلا تبجبج بس فالحة بالبجي كله من وراج كلما اباوعلج اتذكر رغد كلجن البنات نفس الطينة خاينات وتلعبن بمشاعرنا
ليان: انت واحد معقد نفسيا يعني اذا وحدة خانتك معناها كل البنات خاينات شكد متخلف ومعقد (بصوت عالي)
سيف من ردت هيج ضربتها راشدي قوي حتى اصابعي طبعن على وجها وعفته وطلعت
ليان كام ضربني راشدي وطلع اني فحطت من البجي من كلامه وضربه اني انسانة مو حيوان حتى كل ساع يضربني اهئ اهئ اهئ 😭😭
لليل ومااجة صارت الساعة 3الصبح وهو طلع من7 بليل ولحد الان مارجع ياترى شصاير 😯😯........
ليان ظل بالي وقلقت عليه كلت معقول مسوي حادث والافكار تاخذني وتجيبني وفجاة سمعت صوته اني جنت كاعدة امشط بشعري علمود انام وفجاة انفتح الباب شفته هو وضايج بس اطمئنيت انو هو بخير بس سويت روحي مامنتبهتله
هو ورة شوية وكف وراي اني كلبي كام يدك من الخوف كالي اتعشيتي ؟
مارديت
سيف: ها ماتردين بعدج زعلانه مني؟😯
ليان: 😔😔😔
سيف: اني اسف حبيبتي سامحيني بس انتي ضوجتيني بكلامج
ليان انصدمت من كال حبيبتي
ليان: حبيبتي؟ شنو حبيبتي من شوكت هاي قبل شوية جنت فصلية وخدامة ومدري شنو
سيف: اني اسف وانتي حبيبتي وحياتي وكولشي ارجوج سامحيني
ليان: مااكدر لان هاي مو اول مرة تعيرني وتكولي فصليه واني مو ذنبي انو اني اجيت فصليه
سيف حضنتها من ورة وكتلها ليان اني احبج
ليان انصدمت ودم مابقة بيه من الخوف
ليان: اتحبني؟ ياحب هذا وانت قبل شوية جنت ضايج على رغد وعاوزك شوية وتبجي عليها 😢😢
سيف: اني جنت متوهم وفكرت واكتشفت انو اني احبج انتي مو هية وهية مجرد صفحة وانطوت من حياتي
ليان: انت ماتعرف مشاعرك سيف لاتتوهم
وعفته ونمت
سيف انقهرت كولش من حجيها ونمت
ليان كعدت الصبح ورحت سويت ريوك للكل وكعد سيف والكل اجة وطبعا اجو بيت عم سيف وعدهم ولد وبنية البنية مزوجة اسمها سارة وعدها ولد عمره 3سنوات يخبل اسمه احمد واخو سارة يعني ابن عم سيف اسمه زيد وهو بعمر سيف وللصراحة عيونه ونظراته ماتعجبني
فكعدنا نتريك وهو هذا زيد كل ساع يشاقة وياي واني مادايرتله بال واباوع لسيف عاوزه شوية ويحطه ويدفنه
خلصنا الريوك رحت اغسل اماعين وخلصت كعدت بالحديقة خابرت ماما نسبت اكوللكم انو سيف انطاني فوني
فخابرت ماما وخلصت كعدت ابجي شوية لان مشتاقة لاهلي فجاة اجة زيد كعد يمي
زيد : ها ليان شبيج تبجين سيف مأذيج بشي احجيلي هسة اكسر خشمه بس كوليلي
ليان: لاشكرا خويه مااريد وسيف مامأذيني
زيد: ليان لاتكوليلي خويه اني مو اخوج وبس يطلكج سيف اريد اتقدملج واخطبج
ليان: انت شدتحجي ولي بابا منا شعبالك وبعدين اني اعتبر مرت ابن عمك واخوك لعد ليش هالكلام
زيد : ليان اعترفي انو هو يضوجج وبعدين اني مااعتبر سيف اخوي ومن زمان اكره واتمناله الموت لان يضوجني كولش
ليان: احترم نفسك انت دتحجي على زوجي كدامي واني مااسمحلك هيج تحجي عليه فاهم 😡😡😡
وفجاة اجة سيف وكال زييييد 😠😠😠
زيد: سيف انت غلطان الموضوع مو مثل ما فاهم فكرك غلط اني اكلك
سيف: لعد شنو الصح
ليان ضليت صافنة عليهم
زيد: ااا هية اجت كالت اريدك تساعدني حتى انفصل عن سيف لان ديعذني واني مااتحمله واريد اتزوجك انت
ليان: سيف لاتصدكه كذاب ديكذب لاتصدكه
زيد: سيف اني اخوك معقول تصدك بالفصليه واني اخوك ماتصدك بيه وهية اصلا ماتحبك
ليان: كذااااب سيف صدكني ديكذب واني احبك كولش وهو يريد يقشمر عليك لاتصدكه
سيف ظليت مصدوم من كلامهم بس انوب كالت انو هية تحبني اني متت من الفرح بس بنفس الوقت ضجت من كلام زيد فضربته بوكس خليت خشمه ينزف دم واجة هو ضربني
ليان سيف كام ضرب زيد وزيد كام ردله الضربه اني صرختتت سييييف الكل سمعو صياحي واجوو وهمة واحد يضرب الثاني بلكوة فكوهم وراحو واعتذرلي عم سيف
صعد سيف للغرفة اني رحت وراه وجبت علبة الاسعافات الاولية دكيت الباب وفتت لكيته كاعد وساكت اجيت اتدنيت يمه وكتله اني اسفة كله من وراي سامحني
سيف جنت كاعد واجت ليان اني ظليت ساكت
ليان طلعت القطن ودامسع دمه الي طالع من خشمه ومن حلكه
سيف: ليان
ليان: نعم
سيف: صحيح الي سمعته قبل شوي؟
ليان: عزززة بس لا قصده لان كلت احبه وافشلتاه (بداخلي)
ليان: ااا ياا ك كلام بتوتر
سيف: انو انتي تحبيني
ليان: 😶😶😶😶
كلت هيج حتى يسكت ويبطل كذب
سيف: يعني ماتحبيني ؟🙁
ليان: لا احبك ☺
سيف: ها؟
ليان: عزززة شداكول اني 😶😶
سيف: هههه فهمت فديت المستحي 😉
ليان :😶😶😶
وباسني براسي وكالي اريد نبدي صفحة جديدة
ليان: ورغد؟
سيف : اهووو رجعنا لرغد يابة مو كلت نستها 😑😑
ليان: متأكد؟ 🙂
سيف: استغفر الله
ليان: خلص خلص سكتت
ليان: سيف
سيف: عيونه
ليان:ممكن اطلب طلب
سيف: اكيد
ليان: ممكن تخليني باجر اروح اشوف امي مشتاقتلها مووت
سيف: من عيوني الف طلب مثل هالطلب
ليان: تسلم عيونك شكرا حياتي وشبكته
يتبع... ....
