رواية الفصلية الفصل الثاني بقلم زينب نور
...............
خلصت العطوة وراح ابوي هوة وشيوخ عشيرتنه لديوان الشيخ يوسف وضلو هناك شي تلث ساعات .
رجع ابوي والبيت كله عله اعصابه استلمته امي:ها يرجال بشر شصار بالديوان
لؤي:يمه بس خل نرتاح ونحجي
امي:يله يله ارتاحو روحي ميار جيبي المي لبوج واخيج يله يمه
ميار صار يوم
...
ميار :تفضلو المي
لؤي:تسلمين
ابوي:تسلمين بويه
امي:يله تحجه كول مو كلبي جمر مشتعل
ميس وميار:وحدة صافنه بوجه الخ
ابوي:اوووف رادو فصل فلوس بس بعدين شيخ عشيرتنه دخل وكال انو همه ماعندهم فطلبو انو نشيل من المنطقه وو
امي:وشني بعد طلبو
ابوي:....... لا رد
امي: تحجه كول
لؤي:يمه طلبو ف..فصلي..هه
امي:شنيي انته شتحجي لااا يمه بنياتي مانطيهن ابد
ابوي:احنه لو ننطي مرة فصليه لو يكتلونه كلنه ويصير دمنه ماله والي
ميار:بس سمعت هيج كلت كلشي وﻻ اهلي خل اروح اني كلشي خل يصير بيه عادي بس اهلي لا
ميار:ابوي اني اروح راضيه بس كلشي وﻻ يصير بيكم
ابوي:نزل راسه
لؤي :الدمعه بطرف عينه عافنه وطلع
امي:ضلت دك وتلطم ودكول بنيتي هتروح مني الله لا ينطيك يقصي شصار بينه من ورة عمايلك
وميس :بس تبجي عليهه وحاضنتني
ميار:بويه شوكت نروح ليهم
الاب:باجر الصبح نروح ليهم
ميار:صار بويه اروح احضر نفسي لباجر
ميار :جنت واكفه يمهم مابجي بس طبيت الغرفه انفجرت بس ابجي بس كلشي يهون لخاطر اهلي كلشي وﻻ يصير بيهم شي
صعدت ميس وحضنتني وتبجي وراها امي هم صعدت يمي وحضنتني وهم تبجي بعدين كلتلهم
ميار: هسه عله شني تبجون علقل انه عايشه وتدرون بيه احسن من ما نموت كلنه
امي:روحي يمه الله يسعد بختج وينور طريقج بس اشلون راح نفاركج وانتي ضحكه البيت
ميس :اي واني بعد ويه منو اتعارك
ميار:هههههه بس هذه همج ميس خانم وﻻ يهمج تخيليني يمج وتعاركي ويايه اما يا امي فعندج ميس هم شمعه البيت وضحكته
يله هسه خل نكوم نحضر العشه راح يئذن المغرب
امي وميس:يله
........
في بيت الشيخ يوسف
الشيخ يوسف:جنت كاعد بالديوان عندي زلم ودانتكلم بامور العشيرة وجان يدخل علينه زلمه وكال
الزلمه:الحك يشيخ الشيخ اخوك علي نكتل وكتاله نهزم
يوسف :انته شني داتحجي
الزلمه:مثل ماسمعت يالشيخ
يوسف:طلعت ركض للبستان وانه اغلي من الغضب وصلت لكيت اخوي ميت وسابح بدمه
يوسف (بعصبيه):منهو الي كتل اخوي تحجو
احد الفلاليح:يالشيخ الي كتل اخوك هوة قصي ابن ابو قصي الفلاح
يوسف:بعد ماعرفت منهو الي كتل اخوي وحزام ضهري طلبت الدم بالدم بس كالو عيب خل تخلص الفاتحه ونسوي فصل انطينه عطوة لاهل الكاتل اخوي وخلصت العطوة واجو انه طلبت الدم بالدم بس دخل شيخ من الفرايض وكال
الفريضه:شوف يالشيخ اذا اخذت الدم بالدم فراح تصير بحور دم وماراح تخلص الثارات انه اكول لو تطلب فلوس و يتركون المدينه وفصليه وتحل المشكله
شيخ عشيره ابو قصي:يالشيخ انته شني دكول بعدين همه ناس عله كد حالهم منين يدبرولكم فلوس
الفريضه: انته شدكول يالشيخ يوسف
شيخ يوسف:انه اريد الدم بالدم بس بما انك حجيت وكﻻمك فوك راسي فاريد مرة فصليه ويتركون المكان والا مايصير خير ابد
ابو قصي:تأمر يالشيخ(بانكسار ومنزل راسه)
..........
شيخ يوسف: انه جنت اريد الدم بالدم بس لان دخل شيخ وكال تصير بحور دم وافقت عل فصليه وانو همه يغادرون المدينه اخخخخخخخخ يا خويه ياحزام ضهري والله لراوي هل فصليه نجوم الضهر
.......
ميار:صار الفجر و كمت داحضر ملابسي واغراضي حته نروح ليهم كملت ونزلت ودعتهم وهمه يبجون واني ﻻزمه نفسي
لؤي:هاج هذي الفلوس ميار خاف تحتاجين
ميار:لا يخوي مايحتاج تسلم
لؤي:انه شكلت كلت اخذيهه يعني اخذيهه
ميار:صار يخوي تسلم وحضنته وانه ابجي وراها طلعنه لبيت الشيخ جان ويانه شكم زلمه من شيوخ عشيرتنه وطول الطريق وانه منزله راسي وابجي بسكته لحد موصلنه لبيت الشيخ جان اكو زلم هواي بالباب وحاجاهم شيخ عشيرتنه
الشيخ:.......
