رواية عشق الضابط الفصل الثالث بقلم زينب نور
أجيت اطلع لأن الوضع صار مو مريح بالنسبة إلي
قبل لا اطلع بابا كلي
:- اوكفي بابا روحي وي احمد !
احمد نزل وهو لا مبدل ولا شي وكال
: شرايدين من احمد من الصبح ؟!
عمو صاح علي
: احمد احجي ب ادب !
ضحك بابا عليهم وكال ل احمد
: احمد اخذ نرجس بطريقك !
احمد سحب كرسي وكعد
: عمو أليوم ما اداوم وبعدين اني عندي دراجة اخذها ب الدراجة قابل شيكول علي الناس !
: عادي بابا اروح بوحدي تره قريبة الجامعة علينه !
شويه بابا فكر وياسر قاطعه
:اخذها اني عمو ؟ هسه ثواني أبدل !
: لا حبيبي انت اليوم عطلتك اكعد ارتاح محمد ولو اتعبك بس اخذها وياك !
باوعلي محمد وابتسم وهز راسه
: لا استاذ شسالفه هي بطريقي ، نرجس هذا المفتاح روحي كدامي !
باوعت ل بابا
: بابا اكدر اروح بوحدي شسالفه ؟ اول مرة قابل !
بابا ما استمع الي وكال ل محمد
: راح نتعبك ويانه محمد !
ابتسم محمد اله و اني اخذت المفتاح ورحت كعدت ب السيارة و اني اسب واغلط !
: حقير ، ادبسز ، ما صدك !!! كبل وافق !
جانت الجامه مال سيارة مفتوحة وهو سمع كلامها ، ما كال شي الطريق كوله هو ساكت !
وصلنا للجامعة وهو اخيرا حجه
:- شوكت تخلصين ؟
باوعت علي مصدومة
: ارجع لوحدي لو اخابر ياسر يجي ياخذني !
اجيت اطلع كمش ايدي قوي و سحبني اله
: ما جاوبتي ع سؤالي !
تأفأفت بدون صبر
: اليوم أكمل ب ٣ العصر !
أجيت اطلع سحبني اقوى
: خير شكو ؟؟
مال عليه شويه و احس بانفاسه ع وجهي
: بالنسبة لل حقير و ادبسز اذ سمعتچ تكوليها مرة ثانية هذا السانچ اكصه !
صفنت بوجه خايفه و مصدومة هو تقدم اكثر بحيث توقعت راح يبوسني ولله ! بس ايده انمدت ع الباب مال السيارة وفتحه
: تفضلي !
فتح باب السيارة يكلي طلعي بره سيارتي!
ديلا شلون سيارة تروح فدوه للتاهو مال بابه !
هذا الي كلته بس كله بداخلي !
دخلت للجامعة واني احاول انسه كلشي ديصير بحياتي وبعيدا عن محمد وهوسته شنو وضع ياسر ؟!
المحاضرات كله عدت واني اغلب الوقت سرحانه بعدين طردت هاي الأفكار من بالي وكلت هو ياسر دائما هيج يتصرف وياي !
صارت الساعة تقريبا ب ٢ و ٥٠ دقيقة هيچ خابرت ياسر
: حبيبي الحلو ، شكو هاي المرة بيا مركز ؟!
ضحكت وكلت
: لا هلمرة ماكو مراكز ، تكدر تجي للجامعة اني كملت ومالي خلك ارجع ب وحدي !
طلع صوته عميق بشكل مو طبيعي
: انتي تدللين !
ابتسمت وسديت الخط طلعت من الجامعة لكيت محمد واكف يم سيارته انصدمت وشويه طبك ياسر !
خرب بحضي !
تقدم محمد مني
: يلا عيني كدامي تفضلي !
نزل ياسر من السيارة
: محمد تعبناك بس نرجس خابرتني اني وكالت تعال أخذني !
تقدم محمد منه بهدوء
: صدك ؟ نرجس هم كلت الها انو راح اجي اخذج و ما اعترضت!
باوعت علي بصدمة و نظرات ياسر وترتني
: چذاب ولله كلت الك اخابر ياسر يجي ياخذني!
جانت نظرات تحدي بيناتهم كمش ياسر ايدي وكال
: نرجس راح ترجع وياي!
محمد كمش ايدي الثانية
: لا راح ترجع وياي اني !
بقيت صافنه بنصهم وخرت ايدي منهم اثنينهم
: نرجس راح ترجع لوحدها !!
وخرت من يمهم و بقيت شويه امشي طبكت سيارة يمي عرفت سيارة ياسر
: اركبي بابا بطلي هاي السوالف !
ما سمعت و كملت مشي
نزل من السيارة بعصبية
: كلت الج ركبي !
بقيت امشي لحد ما اجه عليه و شالني اني بوكتها كمت اصرخ
: حيوان نزلني !
بقه شايلني وصافن نزلني وكلي بهدوء يخوف
: شكلتي ؟!
خفت من نبرة صوته
: ما كلت شي !
تقرب مني بخطواته واني رجعت لحد ما حسيت السيارة ضربت وراي ماكو مكان أشرد منه !
: للاسف عمو ما عرف يربيچ ، بس لتخافين حبيبي اني موجود ! ياسر للتربية و التعليم !
: انت الي ما متربي مو اني ! وين أكو واحد متريي هيج يتقرب من بنت عمه ؟! تعرف اني محرمة عليك لو لا ؟!
صرت عصبية وكمت اخرط و ما اعرف شجاي امضرط!
هو ابتعد مني
: للسياراة كدامي !
اني رحت صعدت ب الصدر يمه و الطريق كله ساكته ما اعرف شحجي !
وصلت للبيت و نزلت بسرعة لكيت محمد موجود وواصل قبلنه لكيته لابس تيشرت اسود طابك ع جسمه و بنطرون اسود همات !
: هذا الي ناقصني!
كلت بصوت ناصي واني اصعد ل غرفتي ركض حتى هو استغرب من تصرفي !
جنت بغرفتي أبدل ملابسي نزعت البجامة وبقيت ب الهودي وهو طويل بحيث غطه جسمي من جوه بس زروري كلها امبينه !
جنت أدور ب الكنتور ع ملابس البيت و فتح الباب
عبالي وحده من خواتي باوعت ع المرايه لكيت ياسر صافن عليه !
اني كبل درت وجهي بصدمة و اخذت بطانيتي و غطيت روحي !
: غير ادك الباب ؟! ميصير تدخل واني بنيه !
هو دنك و ملامحه مال واحد مستحي
: اعتذر مقصدي بس اريد الهودي مالتي !
: هسه خل أبدل وانطيك اياه تره ما راح ابوكه يعني !!
هو من المستحه بس هز راسه وكبل طلع
: تخبلت الوادم !
غيرت ملابسي و ما رحت ل غرفة ياسر نزلت وخليت الهودي ع القنفه هو نزل واني كلت اله
: هذا الهودي مالتك ياسر !
اخذه و حجه بدون ما يباوعلي
: ليش ما جبتي للغرفة ؟!
ابتسمت بأستهزاء
: مو اني متربيه واعرف الصح من الغلط كلت اخاف جاي يبدل شلون ادخل ل غرفته ف خل هو يجي يأخذه احسن !
سمعت عمو كلامي وكال باستغراب
: صاير شي عمو ؟ ياسر مضوجج بشي ؟!
ابتسمت اله
: لا عمو ياسر يضوجني ؟ حتى ب الحلم ما صايرة ياسر حباب !
ابتسم عمو إليه وكمل الغده والكل كعد ع ميز الطعام
كعد محمد بصفي و اني بين فترة وثانية اباوع علي ، هادئ و رزين حتى من يأكل !
: محمد تعبناك اليوم ، حبيبي مشكور !
التف إليه وابتسم وبعدين دار راسه ع بابا وكله
: لا استاذ صدك جذب ؟
سكت شويه و خله أيده ع رجلي جوه وعصر زري بحيث كلش تأذيت
: هي مثل اختي !
اني انصدمت من تصرفاته وكبل حاولت اوخر أيده وهو وخرها و الابتسامة ما مفاركه وجهه !
حس ياسر اكو شي من ملامح وجهي خلص الغده بسلام و شلت المواعين و فتحت اغنيه اركص عليها و اغسل المواعين !
دخل احمد المطبخ وهو سد الاغنيه
: احمد ليش ؟!
سئل سؤاله ومبين متوتر
: غدير وين ؟!
استغربت وجاوبت
: بغرفتها تدرس ، ليش ؟!
: لا ماكو شي
رد عليه وفتح الاغنيه وطلع من المطبخ شويه داغسل و احس ايدين ع خصري عبالي ميس و
سوالفها دائما تسويها وتكلي خل اعيشج اللحظة!
: ميس سوالفج بطليها !
حسيت انفاس حاره ع ركبتي وعرفت وكتها هاي مو ميس لأن من اكول الها بطلي سوالفج كبل تضحك !
جانت اكو طاوه بيدي افتربت قبل لا اشوف منو هو و ركعت الطاوه براسه!
شفته لكيت محمد كامش راسه بالم
: صدك جذب ؟ هي هيچ ؟
انصدمت واني اشوف الحمار الموجود ع كصته ضحكت شويه
: احسن علمود بعد ما تتقرب مني !
شكرا لزيارتكم عالم روايات سكيرهوم
