رواية كبرياء شيخ الفصل الثلاثون بقلم زينب
شوي العذاب اخف تدري انه هسه نار مشتعله بكلبي تدري لو لا
عمار: اعرف والله بس حاولي تفهميني من يجي وما يلكاج
تكبر السالفه ويعاند وياج ٲℓانــتيہ الي تتأذين مو احد غيرج
كمره:عادي من زوجته لحد هسه شابعه اذيه منه
اروح يـ؏ـنـي اروح لا تحاول تمنعني
عمار: ٲٳٲسـ๛ۖــۖـتغفـر اللهہ
راح تبقين هنا لحد ما يجي احمد
عفتها وطلعت وقفلت الباب شافتني امي
الشيخه: ليش قفلت الباب
عمار: يمه ما اكدر اخليها تروح
الشيخه: فتحه انه اوديها وانه اتحمل شراح يصير
عمار: ما اكدر يمه اعذريني
خابر احمد وكال اذا اجيت ولكيتها رايحه اكلب الدنيا
الشيخه: خل يكلبها علي افتح الباب انه اتحمل المسؤليه
عمار: راح اخابرله واحجي وياه
اخذت التلفون دكيت علي وشاله
احمد: الووو هااا عمار
الشيخه: انه امك يا نظر عيني يا شيخ يا دكتور
احمد: يمه مو وكتج هسه ترى منعول سلفا سلفاي
الشيخه: عساك ببو زايد حجايه وحده راح اكلك بيها
راح اخذ كمره لأهلها وحسك ما اسمعه
احمد: ما تطلع خطوه بره البيت والله العضيم اجي وما الكاها بالبيت
العب لعب
الشيخه: والك عين تحجي وتهدد بعد شتريد البت راح تموت وانت حضرتك جاي تهدد
احمد: يمه اصبريلي منا لباجر اجي وافهمج كلشي
بس لباجر واذا تأخرت عود وديها
الشيخه: بس باجر والله يا احمد اذا ما اجيت بيدي اكسر القفل واخذها
وشتريد تسوي سوي
سديته منه وانت هسه افتحلي الباب خل اشوفها لا يروح يصير بيها شي
عمار: ما توديها
الشيخه: لا
والله عمي خوش مخليكم حراس
دخلت الها سوده عليه صاير بيها مبنده من البجي ونايمه على الكاشي والجو بارد شفته وكلت
ادري تعاقبين روحج
كمره: اباعلها وابجي بعد ما بيه حيل حتى احجي صوتي راح من الصريخ
الشيخه: كومي عساها بحضه وبخته كلمن سوا بيج هيج
كومي بنيتي وانت عمار صيح هديه خل تعزل الغرفه صايره سكراب
كومي يمه كافي راح تموتين
كمره: كمت شلون ما جان كضتني دوخه اجى عمار سندني وخلاني على الجربايه كلتله امه اطلع
طلع نزعتني الصايه والشال وكعدت يم راسي وانه بس دموعي تجري
جابولي اكل ما اكلت جبرتني الشيخه كوه اكلت يمكن لكمتين حتى اشرب الدوه وبعدها ضربني عمار ابره ما اعرف شنو هي بعدها استسلمت للنوم
ما اعرف جكد ظليت نايمه كعدت اسمع أصوات عاليه بالبيت بس كمت دخت رجعت لمكاني تالي شلون ما جان كمت على حيلي اكض بالحايط لو بالكنتور لحد ما وصلت للباب ردت افتحه جان مقفول ظليت اضرب على الباب قوي اريد بس واحد يفتحه ماكو اخر شي تعبت وكعت ورى الباب
سمعت خطوات رجلين تمشي
احمد: بعد الصار بالمضيف فقدت كلشي طلع حلم وصحوني منه جنت عايش سنين بوهم وانه أتعذب وأعذب بروحي غصب وألوم بروحي لأن جنت سبب موتتها وتالي يطلع كلشي كابوس وهي جانت نفس الشي سنين متعذبه بروحها وبعيده عني بس الشي الحلو والفرحني طلعت عايشه هسه اكدر أتنفس واعيش مثل الوادم والناس بس سمعت هي بغداد حتى بدون تفكير عفت الناس كاعده واخذت السياره سقت بجنون حتى ما اعرف منو اجى وراي اريد بس اوصل واشوفها هي نفسها لو هم يطلع كلشي جذب سويت الطريق خمس ساعات وصلت لبغداد كبل رحت للمستشفى الي هي بيها
دخلت سألت عليها أنطوني رقم الغرفه ألبيها امشي خطوه خطوه لغرفتها احسهن شطولهن صارن عليه وصلت لغرفتها فتحت الباب بدون ما داكه شفتها واخيرا دموعي وحدهن صبن عليها حالتها حاله تبجي الما بكلبه رحمه
امها جانت يمها شافتني وعرفتني ظلت صافنه عليه وتبجي تقدمت عليها
كعدت هي وظلت صافنه بوجهي تالي ضحكت ومدتلي ايدها يمكن عرفتني
يمكن لا
نزلت منها دمعه مسحتها بأيدي بستها من كصتها وكتلها
كل هذا الي ٲℓانــتيہ بي انه السبب بس وعد مني راح اخليج ترجعين مثل الاول واحسن درت على امها وكتلها حضروا روحكم راح نرجع للبصره هسه ولا تخافين من شي ما راح ااذيكم ابوها وعمها وصوني عليها هسه تحضروا راح اطلع اتانيكم بره
ام هند: وليدي انت الوحيد الي اكدر أأمن هند عليها وحتى لو ابوها وعمها رفضوا نجي وياك انتظرنا ربع ساعه ونطلع
احمد: راح اشوف المستشفى واجراءات الخروج حتى نطلع
طلعت كملت كل شي أتفاجأت شفت الولد بره واكفين شداد وسام وعادل
كلتلهم شجابكم
شداد: أجينا ورى واحد مخبل ما رايد روحه
عادل: ما راح نحجي وياك هسه
بس كول شراح تسوي
احمد: راح ارجعهم وياي للبصره ومناك اسوي المعامله ونسافر
ولحد يسألني شي نرجع والله كريم
وسام: وصدك راح تعقد عليها
احمد: اي ماكو غير طريقه حتى نكدر نسافر سوه
وسام: ما فكرت بكمره شراح يصير بيهاً
احمد: ما راح يصير الها شي هي تبقى مرتي من ارجع انه افهمه كلشي
عادل: احمد لازم تعرف كمره عرفت كلشي
احمد: شلون عرفت ومنو كللها
عادل: ابوي حجالها كلشي وهي هسه منهاره
احمد: ٲٳٲسـ๛ۖــۖـتغفـر اللهہ ربي
انه اعرفها هاي مخبله هسه تفسر كلشي حسب تفكيرها اخذت التلفون خابرت على عمار
عمار: الووو
احمد: عمار كمره امانه عندك لحد ما اجي لا تخليها تطلع ابد
عمار: احمد البنيه منتهيه لا اكل ولا شرب وبس تبجي رادت تروح لأهلها وما كدرت اطلعها بحالتها تكسر باب الكلب
احمد: عمار بعد اخوك انتظري ساعات بس هسه رآآح نرجع أتحملها لخاطري ابد لا تخليها تطلع حتى لو تحبسها بالغرفه واسحب منها تلفونها
عمار: كاعد اكلك حالتها حاله وتبجي الصخر خليها تروح لأهلها لحد ما يتوضح كلشي وانوب رجعها
احمد: مستحيل انتظرني انه جاي
سديته منه طلعوا هند وامها تمشيها بعربانه شلتها وخليتها بالسياره
كلت للولد يلحكوني وطلعنا للبصره طول الطريق افكر بكمره اعرف هسه تأذي روحها وكفت نص الطريق تعبت خابرت على عادل يجي يسوق بمكاني اجى واخذ السياقه مني شوي ارتاحيت ونمت يمكن ساعتين وصلنا
قبل لا نوصل لبيتنا بشويه كلت لعادل
هند وامها تنزلهم وتخليهم بالغرفه الجوه ماشي
عادل: ماشي بس انت ....
احمد: قبل لا يكمل عادل فتحت الباب ركضت للبيت اريد بس اوصل واشوفها تلكتني امي وبيبي بصياح ما اهتميت ركضت للدرج وكبل للغرفه جانت مقفوله فتحت الباب جانت كاعده ورى الباب العيون مغوشه صفنت عليه دنكت رفعت راسها بأيدي وانه اشوف العيون الحلوه مورمه من البجي وحالتها حاله حتى العدو ما تسره كلتلها ليش هيج تسوين بحالج
كمره: عوفني
بس كلتها بتعب وصوت ما عندي مبحوح
نترت ايدي وكتله
شكو وشجابك خليك بعيد عني قربك يأذيني ويزيد الوجع بكلبي
احمد: جريتها من ايدها وانه حاضن وجها
اسكتي رحمه لهلج انه يمج ارتاح مخنوك حتى النفس بس يمج كدرت أتنفس
دفعتني وهي تباوعلي بحقد
كمره: لا تجيسني بعد فاهم ولا تسوي روحك خايف علي
البيني وبينك انتهى وانت نهيته بأيدك
احمد: تقربت منها وكلبي ينزف من كلامها
رجعت حاوطت وجها بأدي وكتلها خلي عيونج بعيوني
كمره: كلشي مااريد منك ولا اريداشوفك بعد ولا اريد اسمعك
احمد: ما استحملت كلامها رجعتها على الحايط وكتلها
اخذت راسها ودرتها علي وكتلها بس باعيلي وشوفي عيوني
بعناد غمضت عيونها وهنه بس الدمع يصبن منهن وكل دمعه تنزل نار بكلبي كتلها فتحي عيونج فتحتهن صايرات جمر من البجي كتلها
احبج وحق من قسم الحق احبج
مو جنتي تتمنين تسمعينه مني هاي كلتها الج
كمره: عبالك اصدكك
لو كايلها قبل يمكن اي يجوز اصدك بس هسه لا
احمد: راح تصدكيني وراح كل يوم تسمعيها مني
كمره: عوفني ما اريد اسمع شي منك عوفني
نترت ايدي مني وظليت اضرب على صدره بكل قوتي ما اعرف منين اجتني ألقوه وانه اكله بصياح
أكرهك والله اكرهك ما اريدك بعد عوفني
احمد: كرهيني جكد ما تردين ما اعوفج ولا راح اخليج تعوفيني
الموت بس هو يكدر يفركني عنج
ظلت تضرب على صدري وتبجي بحركه شفتها انهارت صحت بصوت عالي
عمااااااار ولك عماااااار
اجى يركض دخل كبل شافه منتهيه بين ايديه وصعدوا اهلي كلهم
ظليت واكف وشابكها وهي احسها ًحتٍٍٍـــى النفس كطعته
كتله اصرف بسرعه راح تموت
عمار: خويه صار عدها انهيار عصبي خل ناخذها للمستشفى
احمد: انطيها دواها بسرعه لا تظل واكف
عمار: انطيتها دواها وضربتها ابره
كتله خليها على الجربايه شالها وخلاها على الجربايه بس هي تكسر الكلب
جا جكد تحبه وهيج متعذبه علي الله يعينهه على ما بلاها
احمد عوفها هسه شويه وترتاح واذا ما تاخذها للمستشفى خل نشكللها مغذي هنا
الشيخه: احمد اطلع انت ارتاح مبين تعبان انه ابقى يمها
احمد: خليني يمها شويه
عمار سوي كلشي تشوفه زين الها
الشيخه: احمد ضيوفك جوه نسيتهم روح يمهم وانه ابقى يمه
احمد: يمه ٲℓانــتيہ نزلي يمهم انه هسه تعبان ارتاح شوي وانزل يمهم
الشيخه: على راحتك وليدي
احمد: نزلوا اهلي اخذت الي ملابس دخلت سبحت وطلعت بسرعه اخاف تكعد وترجع تتخبل عليه جنت تعبان نمت يمها شبكتها وهي ما تدري بعالم ثاني عبالها راح اعوفها وهي ما تدري صارت روحي من التعب نمت
كعدت على صوت الموبايل شفته وسام شلته
الو هاا وسام
ويام: الوو احمد تعال انزل العائله كلها مجتمعه
احمد: نازل
بدربك خل تصعد هديه يم كمره
ورى شويه نزلت للصاله لكيتهم كلهم مجمعين
الشيخ: الله يساعدك وليدي
احمد: ويساعدك يابه
اذا تردون تسألوني شي هسه اجلوها ترى تعبان وطالعه روحي من خشمي
ليلى : جا ليمته نسألك من نودي جماره للمكبره
احمد: بيبي بلا هل حجي
الشيخه:حجي بيبتك صح البنيه منهاره وكل ساعه واكعه ولا اكل ولا شرب
على الاقل خل تروح لأهلها جم يوم حتى ترتاح وتجر نفس
احمد: ما تروح لأي مكان هنا تعيش وهنا تموت
الشيخ: والحل بويه انطينياه خل نعرف راسنا من ساسنا وأهل البت هند خابروا يسألون شوكت تعقد عليها والولد خوانها شوكت يطلعون
احمد: باجر اعقد عليها وإخوانها ورى العقد اطلعهم
ليلى:دهر صابك كون شتعقد عليمن على هاي المسودنه
احمد: بيبي بلا هل حجي البنيه مريضه
ليلى: وانت ما صدكت تطلع عدله رحت كبل تريد تعقد عليها
الشيخه: يمه انت ما عاقد كمره انتهت من تعقد البنيه تموت
احمد: لحد يوصلها خبر انه احاجيها وافهمها
عادل: شوكت تسافر
احمد: بس تخلص المعامله وتجي الفيزا نسافر
وسام: ودوامك شلون بي
احمد: اخذ اجازه
وانت راح تبلش اداوم تاخذ كمره وتجيبه بأيدك
وشداد هم وياكم
وسام: اخذ كمره وارجعه على عيني وراسي بس اداوم لا
احمد: اداوم غصبن ﻋﻠﻴﻚ وحجايه زايده ما اريد
عادل: زين احمد خل نحجي بالمعقول
فرضا تعالجت البنيه ورجعت طبيعيه تبقى على ذمتك
احمد: هنا مربط الفرس
انتو مو عبالكم من اعقد عليها بعدني احبها واعشكها
لا غلطانين انه هسه الي بكلبي كمره وبس أما هند فهي هسه مسؤليتي
ترجع لوضعها الطبيعي كلشي ينتهي هذا اتفاقي ويه ابوها وعمها
الشيخه: بس بهايه سوايتك ترجع تكسر كلبها
احمد: لا يمه بالعكس راح يرجعلها امل راح تعيش مثل البشر
وانه هند اعرفها مو انانيه وراح افهمها كلشي
ليلى: عفيه زلمى مخطط لكلشي
احمد: بيبي ادري بيج تحبين جماره وما ترديها تتعذب بس ساعديني وفهميها
هي تسمع حجايتج
ليلى: شتسمع يا بيبي هاي راسها يابس من قبل وانوب زادت خبال
احمد: بيبي والله انه متعذب ازيد منها
ليلى: الله كريم بيبي الطالع بيدي اسوي ًحتٍٍٍـــى لو تشبعني رفس
وسام: بيبي جا هي حصان وتشبعج رفس
ليلى: لا بيبي مهره اصيله وأخوك ما عرف يروضها
هديه: صعدت يم كمره جانت نايمه
اباوعله الوجه ذبلان ومطعون احمر من البجي بجيت عليها هاي صويحبتي
احبنها ما اريد الها الاذيه هسه يمكن كرهتني جي ما نطيتها نقالي بس شسوي
مو بيدي الشيخ محلفني بأمي المرحومه شفتها تحركت وتون ما اعرف شبيها دنيت ايدي على كصتها لكيتها حاره توج بنار نزلت اركض للشيخ اكله
شيخ شيخ الحك
احمد: شبيج اوكفي شصار
هديه: شيخ كمره وجت نار وتون وتهذي
احمد: سمعت وصعدت الها اركض كضيت كصتها نار كبره صايره
جسمها نفس الشي وتون وما اعرف شسوي الها صعد وراي عمار قاس حرارتها لكاهها ٣٩
عمار: احمد ادخل سبحها بماي بارد على ما اجيب خافض حراره
لا تخاف تصير زينه اخذت برد ماكو شي
احمد: شلون ما اخاف
شلتها خليتها بالحمام نزعتها ملابسها وانه نزعت القمصله مال التراك
فتحت الدوش الماي بارد ثلج
شبكتها ودخلنا جوا الدوش ما همتني برودة الماي اهم شي هي تصير زينه
ظليت احجي وياها وهي فاقده ما اعرف شبيها
ولج رجعي كمرتي بين ليله ويوم شصار بيج لا تعوفيني تموتيني وانه عدل
بس اصحي ما اريد منج شي بعد بس خل اشوف عيونج الحلوه وترجع ضحكتج
سديت الماي لبستها البرنص ولفيت شعرها بالخاولي انوب ظلت ترجف بين ايديه لا اكدر اصيح عمار هي بلا ملابس ولا اكدر اسوي شي
طلعت خليتها على الجربايه لفيتها بالبطانية والخاولي على راسها
صحت لعمار اجى شافها ودخلت امي وياه
عمار: كضتها البارده بس تعال ارفعها خل انطيها الدوه وهسه تصير زينه
وانت ملابسك بدلهن لا تتمرض
احمد: خل تصير زينه وانه يطبني مرض
علكلها مغذي
الشيخه: يمه اخذها للمستشفى ليش تعاند
عمار: يمه الجاي نسوي هنا هو نفسه بالمستشفى
الشيخه: والله عرفتها امس كله نايمه على الكاشي والدنيا بارده
احمد:ظلت امي تسويلها كمادات وانه واكف على راسها علكلها عمار المغذي ظل ساعه وتالي خلص اجى شاله منها طلعت الها ملابس بديت البسها احسها شويه صارت زينه كملت الها ورجعت نيمتها وغطيتها بغطا خفيف اخاف ترجع تصخن كلت لأمي تسويلها شوربه وتوكلها لأن هسه اكيد ما تاكل العسل من ايدي ورى شويه بدت تفتح عيونها اول ما شافتني دارت وجها للجهه الثانيه كلت ما يهم شتريد تسوي سوي اجت هديه جابت الاكل
يله كمره كعدي اكلي
كمره: ما اريد سم
احمد: كمره لا تعاندين بداعة ابوج اذا تعزينه
كمره: اطلع من الغرفه ما اريد اشوفك
احمد: اذا تاكلين اطلع
كمره: حتى صوتك ما اريد اسمعه يخنكني
احمد: ماشي كلشي يجرالج راح اطلع واذا طلعت الصينه بعده الاكل بيها ارجع اوكلج كوه
كمره: طلع من الغرفه
كعدت عدل شويه شفت روحي مو بنفس الملابس سألت هديه منو بدلي
هديه: خيه صخنتي حيل والشيخ هو اخذج سبحاج وانوب اجى عمار خلالج الدوه والمغذي والشيخه سوتلج كمادات
كمره: هذا كله وانه نايمه
هديه: اي خيه على كيفج ويه روحج ترى محد يفيدج وهسه آكلي سندي روحج
كمره: ما اشتهي(بتعب وبصوت مبحوح)
هديه:جا شلون سمعتي الشيخ شكال اذا ما اكلتي هو يدخل يوكلج
كمره : لا ما اريده يجي جيبي اكل شلون ما جان
هديه اسألج سؤال
هديه: اسألي
كمره: بروح امج احجي الصدك
هديه: اذا اعرفه احجي ليش لا
كمره: شوكت يعقد عليها
هديه: وروح امي ما اعرف
خيه سألي الشيخ هو الوحيد الي يكلج الصح
كمره: روحي صيحي
هديه: اروح اصيحه بس اول شي آكلي
كمره: اكلت شلون ما جان وكوه ابلع كفيان شر خلصت راحت هديه صاحتله اجاني
احمد:اجت هديه كلتلي كمره تريدك خفت لا صاير بيها شي دخلت عليها لكيتها منتجيه على تاج الجربايه بتعب رحت كعدت يمها كتلها رايدتني
كمره: شوكت تعقد عليها
احمد: مو وكته هسه هذا الحجي صيري زينه وانه افهمج كلشي
كمره: ما اريد اسمع شي بس اريدك تجاوبني
احمد: ليش تردين تعرفين
كمره: اريد اتأكد بس
احمد: من شنو تتأكدين
كمره: راح اطلب منك طلب واعتبره اخر شي اطلبه
احمد: كولي اسمعج
كمره: ما دام بعدك ما عاقد عليها وانت اعترفت تحبني تريدني اصدكك
احمد: مو مهم تصدكيني المهم عندي ٲℓانــتيہ
كمره: خل اكمل كلامي
احمد: كملي
كمره: لو انه لو هي
احمد: كمره لا تعذبيني
كمره:محد تعذب بكدي
جاوبني
احمد: جاي تخليني بين نارين
كمره: اختار حتى اصدك اذا تحبني لو لا
احمد: ماشي اذا هذا الشي يريحج
كمره: غمضت عيوني ما ردت اشوفه وهو ينطق اسمها انه ادري بي راح يختارها
احمد: راح اختار..........
شكرا لزيارتكم عالم روايات سكيرهوم
