رواية كبرياء شيخ الفصل الثالث والثلاثون بقلم زينب
لو كنت لحنا لعزفتك على جمهور اصم كي لا يسمعك احد غيري
::::::::::::::::::::::::::::::::::::::::::::::::::::::::::::::::::::::::::
احمد:شتحجي انت وشيسوي تلفون مرتي عندك
اسعد:نسته يمي بالغرفه
احمد:انه سمعته وانه احس الغضب صعد لرأسي سديت التلفون بوجها
وظليت اشيل روحي واركعها
منو الي يجيبلي كمره هسه ويحطها كدامي
ظلت افكار تاخذني وتجيبني
بس مستحيل اصدك كمره تسوي شي غلط
مستحيل تعاقبني بهل الطريقه
يجوز هو راد منها شي
اي ما كو غير هذا الشي
لا يا ربي راح اتخبل
ما اريد اسرع واظلمها
شيمشي الساعه وتجي وانه احس روحي تريد تطلع
كله صوجي انه شلون اخليها تداوم وحدها
لازم اكتل الوكت بس شسوي
راح اتخبل والله العضيم
كمره:رحت اركض لغرفة الدكتور اسعد وهبه وياي وصلت شفته يريد يقفل الغرفه وصلت يمه فحطانه
وكفت كدامه وانه كوه اطلع الحجايه
دكتور عفيه تلفوني نسيته يمك
اسعد: اي بس اهدي شوي على كيفج
هذا هو بإيدي
كمره: مشكور دكتور
اخذته منه جاي اروح كال
اسعد: اتصل الدكتور احمد واضطربت اشيله
كمره: هاااااااا
فهيت بوجها وبلعت ريك
وشكتله
اسعد: كتله نسته يمي
كمره: وشكال
اسعد: ما كال شي سده بوجهي
كمره: بكلبي تستاهل شكو تحشر روحك بشي ما يخصك حجيت
دكتور بس اصور ماكو داعي تشيل التلفون هذا الشي مايخصك
اسعد: زوجج ظل يلح بالاتصال وانه جان عندي شغل فشوشني فأضطريت اشيله
بعدين ما انكلبت الدنيا
كمره: عافني وراح وانه ظليت اكل بروحي باوعت لهبه مصدومه كتلها
هسه انه شسوي
نزلت دموعي هسه يفهم كلشي غلط
هبه:ليش تبجين وعلى شنو خايفه
ٲℓانــتيہ ما مسويه شي غلط
كمره: ٲℓانــتيہ ما تعرفين احمد
اذا تعصب يظل ما يشوف شي كدامه
ٲℓانــتيہ ما شفتي شسوى بسجاد وجان كلشي كدامه مو انوب هو ماكو
هبه:كافي لا تبجين اتصلي بي
وخليج طبيعيه وشوفي شيريد
كمره: اخاف
هبه: ولج اصحي تخافين من شنو شو باوعيلي
اتصلي واحجي بثقه بينيله انو ما صار شي
كمره: شلت التلفون ودكيت بس انه كلبي صاير طبل شويه وينفجر
احمد: كاعد وكاض راسي والتفكير خنكني سمعت التلفون دك شفته هي وبدون ما اسمع صوتها كتلها
شداد يتانيج بالكراج ترحيله فورا
هبه: شبيج صوفرتي ولج احجي راح تخبليني شكال
كمره: اذا اكلج صاير بركان وعاصفه واعصار ما تصدكيني
ولج حتى ما لحكت اكول الو
هبه: روحي هسه وفهمي كلشي لازم يسمع منج ما يصير يسرع
كمره: ودعتها ورحت للكراج شفت من بعيد شداد واكف ويتاني وصلت يمه
شداد: كمره شبيج ليش باجيه
كمره: ماكو شي
شداد:شلون ماكو شي شايفه وجهج شصاير
كمره: حتى لو انت شعليك
شداد: شلون شعلي اذا سألني احمد شكله وهو مأمني عليج
بس كليلي اكو احد تحرش بيج لو ضايقج
كمره: لا
احمد ما راح يسألك شي
درت وجهي جاي اصعد السياره وكال
شداد : اوكفي
طلعت بطل ماي وانطيتها الها
هاج غسلي وجهج عاد
كمره: اخذته منه غسلت وجهي بس ماكو فايده
لو احط وجهي بطن الفريز هم ما يبرد
صعدت بالسياره انتبهتله عينه مني بس كلها حيره معقوله شداد لسه بكلبه شي
لاما معقوله انه شجاي اخرف نفضت الأفكار السوده من راسي وغمضت عيني تمنيت بوكتها اغمض واصحى الكى كلشي منتهي
شداد: اباعلها وهي ما اعرف شنوبيها وعيونها ما بطلت بجي
انمرد كلبي عليها
شسوي يا ربي شلون اطلعها من كلبي
جاي احترك ومحد يحس بيه سمعت التلفون دك شفته احمد
احمد: الو شداد وين صرتوا
شداد: الو شيخ ما ظل شي شوي ونوصل
بس شبي صوتك صاير شي
احمد: ماكو شي بس استعجل شوي
شداد: ٲٳٲسـ๛ۖــۖـتغفـر اللهہ يا ربي شصاير اليوم
شنو هل الألغاز
كمره: وصلنا بس ما ودي انزل الطريق كله اندعي كون الكاه هادي
شسوي يا ربي ليش المصايب تدروني دواره دخلت للبيت امشي بطيئ
شفت كدامي هديه سألته
احمد وين
هديه: الشيخ طلع قبل شوي
كمره: جريت نفس راح يتأخر العقاب شوي سألتها وين راح
هديه: شفته راح للأسطبل لأن شفته ضايج
هو كلما يضوج يروح للعنود
كمره: ماشي
عفتها وصعدت وانه ادعي كون العنود اليوم ما تهده
دخلت للغرفه بديت انزع ملابسي نزعت القميص جنت لابسه جواه كيمونه بيضه
وما اشوف الا الباب انفتح بكل قوه اجى عليه وانه رجعت حصرني على الكنتور وكضني من زنودي بقوه احس اصابيعه نبتهن بيهن واشوف عيونه صايرات حمر والشرار يتطافر منهن صنعت ألقوه وحجيت
شبيك شيخ ليش هيج صاير شي
احمد: اباوعلها شلون تحجي برود وانه عقل ما ظل براسي
شسوين بغرفة الدكتور اسعد
كمره: ترى جاي تأذيني عوفني
احمد: بصياح
ولج احجي لا تخليني اشرب من دمج
كمره: اشرب هايه انه كدامك شمتاني
احمد:اسششش لا ترفعين صوتج لا اكسر راسج سألتج سؤال جاوبييييني
كمره: شتريد تعرف بالضبط شعبالك شراد مني هااا
احمد: كمرررررره ولج احجي ترى روحي طلعت
كمره: خفت من عصبيته حاولت ابعد ايدي مني لأن كلش اذاني ما كدرت
ظليت اشهك وابجي وحجيت
والله راح اكلك كلشي بس وخر ايدك عني اذيتني بعـٌـــِد ما اتحمل الوجع
احمد: باوعت على زنودها صايرات حمر دم من اصابيعي
استغفرت ربي وخرت عنها ظليت افرك بوجهي وبراسي
كلت خل اهدأ شوي اباعلها هي بس تبجي
خفت عليها لا تختنك كتلها
خلص خل نحجي بهدوء وانتي بطلي بجي
كمره:اريد اشرب ماي
احمد: ٲٳٲسـ๛ۖــۖـتغفـر اللهہ
ترى جاي تلعبين بأعصابي
كمره: ريكي نشف اريد احجي ما اكدر
احمد:خلص راح اصيح هديه تجيبلج ماي
صحتلها جابت الماي وشربته
كمره: زين خل اكمل تبديل
احمد:كمره وحق هو الأمير علي اذا ما جاوبتي هسه أحط طلقه براسج وبراسي واخلص
كمره: خلص لا تتعصب خليك هادي راح احجي
سولفتله كل شي
اباوعله وهو بس ينافخ
احمد: ترديني اصدك هذا الفلم الهندي كله
كمره: هذا الصار والله العضيم واذا ما مصدكني روح اسأله
احمد:وانتي ليش رحتي لغرفته
كمره:ما كدرت ارفض هو دكتوري وانه استحيت منه وطلب مني اروح لغرفته كدام الطلاب اذا رفضت اروح يفسروها غير تفسير
بعدين انت هم دكتور اذا طلبت من طالبه تروح الك للغرفه مو معناها تريد شي منها
احمد: لج لا تقارنيني بي
ولج اعرف كلش زين هو عينه منج وانه ملاحظ هل شي وكل الحجي يوصلي انه مو غبي من من كلي جنتي يمه تمنيت انه يمه جا طلعت بروحه
كمره: وانه شنو ذنبي ليش انت دائما تحاسبني على شي انه ما مسويته
مسحت دموعي وكتله
راح اسألك سؤال
احمد:شتردين بالله تسألين
كمره: هاي مره ثالثه انت تشك بيه بس كلي ليش
ترى انه ما عندي سوابق والسلف يشهد بهل شي
ترى انت عندك سوابق
احمد: لا تغيرين الموضوع
لا تدورين السالفه وتلفيها عليه
كمره:انه العندي كلته انت تريد تصدك ما تصدك هاي مشكلتك
احمد: هذا اخر إنذار الج يا كمره اذا سمعت منج محاجيه هذا الاسمه اسعد ولو حرف واحد احسبي روحج بره الكليه
كمره: كول والله
احمد: وجعه من الله
كمره: بكلبي (لتوجع كلبك)
يعني انت حلال تحاسبني على الطالعه والنازله وانه حرام احاسبك
احمد: انه مو غبي مثلج واعرف اتصرف
كمره: صح حجيك والله صح
انه غبيه وحماره وطايحة حظ ولو ما حظي فكر واسود ما جابني هنا يمك
احمد: كضي لسانج واحترمي نفسج
لا تخليني ارجع اربيج من جديد
كمره: يعني لو مسايرتك وراضيه بزواجك من حبيبة كلبك ومباركتلك
جا كتلي متربايه
يعني ادوس على كرامتي واطيح حظي بأيدي حتى حضرتك ترضى على تربيتي وأخلاقي
احمد: شو كمتي تخبطين خبط هسه شجاب زواجي بالنص
كمره: نفس الشي تعرف ليش انه اكلك
بيوم الي زوجت انه النار جانت مشتعله بيه وانت تزوجت كدام عيوني
واليوم بس سمعت داخله لغرفة الدكتور اسعد كلبت الدنيا عليه
احمد: انه أسمعته وانه فقدت كضيتها من ركبتها خنكتها وحجيت
ولج بت القندره لا تجيبين طاري اسمه او اسم اي منعول كدامي فاهمه
واذا سمعتج حتى لو بالشقه وحق هو العباس ابو فاضل اخنكج بأيدي
كمره: خنكني وانه اريد اجر النفس ماكو ظليت ارافس احس الهوا انكطع عني من حلات روحي ضربته على صدره بأدي اريده بس يصحى احسه فقد كلش صرخت علي ولك عوفني مووووتنننني
حس على روحه وعافني
سمعت امه صريخي اجت تركض فتحت الباب وشافتني وشهكت
صرخ بأمه
احمد: سدي الباب بسرعه ما تشوفينه بلا صخام
الشيخه:صخام الصخم وجهك كون شمسوي بالبنيه تريد تموتها
احمد: يمه رحمه لهلج لا تدخلين عوفيننا وطلعي
كمره: كوه احجي وأجر النفس
لا شيخه أبوس ايدج ابقي راح يموتني
الشيخه: عزا العزاك كون • ﺂنٰ شۨـِﺂءۙ ﺂللـِه۫ہ ٰ'امشي اطلع انت لا بارك الله بيك
هاي شمسوي بيها لا ظاله إيدين لا ركبه ولك انت مجرم
احمد: مرتي وبكيفي اسوي بيها الي يعجبني
ومنا ورايح احسبي احمد القديم الي يريد رضاج مات
هسه راح اراويج احمد الجديد الي راح يشوفج النجوم بعز الضهر
بسيطه سكتت عنج هواي وسايرتج وكلت خطيه كسرت كلبها وانه الغلطان بحقها بس طلعتي ما تستاهلين
شوفي اذا ما عالجت هند وطيبتها وجبتها هنا وخليتها مرتي وغصبن ما عليج تخدمينها ما يطلع اسمي احمد
عفتها وطلعت دكيت على دكتور سيف اخذت منه رقم اسعد
حفظت الرقم ودكيت علي وطلبت منه اشوفه
الشيخه: شسويتي وخليتي هيج يثور
كمره:ما مسويه شي
انه بعد ما اكدر أتحمله فدوه شيخه خلصوني منه
كمره:ما انزل ما اريد اكابله واكعد
الشيخه: هسه تلكينه طلع وهج من البيت ابني واعرفه كلش زين
كمره: دخلت للحمام غسلت واباوع على ركبتي وزنودي حالتهن حاله غير الوجع ما ينحمل بس ما يجي ذره من وجع كلبي خصوصا من يجيب طاريها كدامي شلون الواحد جاي يعذبونه بالكهرباء كلما اسمع اسمها احس نتله تسري بجسمي
لبست ملابسي ونزلت تغديت جان هو ماكو الشيخه كل ساع تسأل علي
تخاف يصيرلي شي كملت غدا وصعدت نمت ذبيت روحي شلون الميته
من التعب والبجي والوجع
احمد: وصلت للمكان الاتفقت التقي بي وياه شفته من بعيد كاعد رحتله لا سلام ولا كلام كتله
من الاخير مرتي تبتعد عنها نهائيا
ولا عبالك هاي كلاواتك تمشي علي لا دكتور انت غلطان
كلش زين انه وانت نعرف انت شتريد منها
مرتي خط احمر الي يمسها بشعره احركه وهو عدل
هل مره راح امشيها بالتفاهم ولو انه مو من النوع الما يتفاهم
اسلم على روحك اذا فعلا تريد روحك
اسعد: دكتور احمد انت جاي هنا تهددني
احمد: شتريد تعتبره اعتبره
اذا تهديد فهو تهديد
الي عندي كلته وانت بكيفك
ها وقبل لا اروح اي شي يخص الكليه والدراسه وأي سؤال تريد تسأل بي مرتي ممنوع تريد شي انه موجود اسألني وانه أجاوبك
عفته ومشيت سمعت التلفون دك شفتها امي
الوووو
الشيخه: الووو وين وليت
احمد: بجهنم الحمره شتردين مني
الشيخه: اريد اخذ روحك
ظال بالي يمك وروحي تلوب ﻋﻠﻴﻚ ومن اخابرك هذا ردك
ما تكلي شوكت تبطل عصبيتك هاي مو راح تدمرك
احمد: عندي شغله ورحت عليها وهسه جاي اكو شي بعد
الشيخه: لا ماكو شي تعال ارجع ويصير خير
احمد:رجعت للبيت شفته هدوء وسنطه الظاهر الكل نايم
رحت لغرفة هند اسأل عليها دكيت الباب سمعت صوت امها كالت تفضل
دخلت شفتها كالعاده شبه نايمه بس تدور بعيونها سألت امها عليها شلونها
ام هند: على حطتها مثل ما تشوفها بس احسها من تشوفك ترتاح
احمد: انه هم ملاحظ هل شي
ما ظل شي خاله كلها جم يوم ونسافر وان شاء ترجع مثل قبل وأحسن
ام هند: • ﺂنٰ شۨـِﺂءۙ ﺂللـِه۫ہ ٰ وليدي
الله يسعدك دنيا واخره
احمد: اي والله خاله محتاج هل دعوه
طلعت منه شفت امي كبالي واكفه ومجتفه
الشيخه: واخيرا شرفت حضرة الدكتور
كول وراي ام ظال بالها علي طلعت بصكة الضهر وما كلت شي
امشي وياي للصاله عندي وياك حجي
احمد:هاي انه رجعت صاغ سليم كلشي ما بيه
وهسه كولي شتردين
الشيخه: اي استهزء بعد شعليك انت
كاضيها علينا بص اعصاب وصياح
بالله من شوهت جسم البنيه شكالتلت روحك
ولو ميته بأيدك شنحجي وشنكول
احمد: يمه قابل انه متقصد ااذيها
اأذي روحي وما أأذيها
هي نرفزتني ولسانها صاير اطول منها فقدت اعصابي كلش ظليت ما اشوف كدامي
وهسه كليلي شلون صارت وينه هي
الشيخه: والك عين تسأل عليها
بعدين • تـٰ؏ال كلي شهل الحجي الكلته الها
احمد: يا حجي
الشيخه: لا تغشم روحك
الحجي الكلته الها عن هند
انت متقصد تحجي هيج لو صدك ناوي علي
احمد: لا يمه من كل عقلج ناوي عليها
بس اتقصدت احجي هيج بس حتى احرك كلبها
الشيخه: مو هي عايزه حركان كلب
ولك فوك ما تلين كلبها عليك اجيت انوب جملته
اذا جانت يمكن اكو ذرة امل ترجعلك
بعد ما اصدك من سمعت هذا الحجي وخصوصي بلسانك
احمد: مو هو بكيفها
الشيخه: ولك يمه حس بيها هي بشر من دم ولحم
السويته بيها مو قليل لو شما تحجي أتحملها
احمد: والله متحمل منها الويل بس شـٓسـٰﯛي للسانها محد عام عليها غيره
الشيخه: وهسه كلي شفتك دخلت غرفة هند شعجب مو من عوايدك تدخل هيج وكت شنو حن كلبك
احمد: بالله لا تحاجيني مثل نبرة جنتج
شفت البيت هدوء استغليتها فرصه ادخل اطمن عليها
حتى لا تشوفني البلوه الفوك وتتخبل عليه فوك خبالها
وهسه اذا خلصتي تحقيق خل اصعد اشوف المخبله الفوك روحي تلوب عليها
الشيخه:عوفها مرتاحه هسه ولا تراويها وجهك
منا لليل وأصعدلها بلكي شوي كلبها يبرد
بس من ناحيتك ما اصدك يبرد
احمد: وداعتج ابرده الها
انه حفضتها واعرف منين الين كلبها علي
الشيخه: وانه شريد منكم
اريد اشوفكم متصافين
احمد: الله كريم يمه بس اندعيلي كون الله يحنن كلبها علي
الشيخه: • ﺂنٰ شۨـِﺂءۙ ﺂللـِه۫ہ ٰ
احمد: حضنت امي وبستها من راسها وكتلها
اعذريني اليوم عليت صوتي عليج مرتين وكرصت خدودها
وهي خجلت
الشيخه: ولك استحي انه امك
احمد: رجعت بستها من خدودها
الشيخ: ايا سافل ولك شلون تسوي هيج بمرتي
مو عندك نسوان ثنين لحكتني انوب على امك
احمد: هههههه الشيخ لكفني
يا نسوان يا بويه شو هنه ثنينهن عاويات
الشيخه: عمي اسكتوا لا تسمعكم كمره وهل مره تنزل تخنك البت وهي مريضه مثل ما كتلت سلمى
احمد: والله تسويها وبدون ما يرفلها جفن
كمره:كعدت المغرب باوعت على الجربايه ماهو يـ؏ـنـي ما جاي
جسمي مكسر من نومة القنفه وركبتي وزنودي يحركني
الله لا ينطيك احمد على هل عمله
دخلت سبحت بماي دافي بلكي شوي يخف الوجع
وكلما ينزل الماي على جسمي روحي تشوغ من الوجع
كملت بطلاع الروح وطلعت لبست ملابسي ونزلت البيت هدوء ماكو احد
دخلت للمطبخ سألت هديه وينهم
هديه: الولد والشيخ بالمضيف والشيخه والحجيه راحن لبيت عمهم
اذا جوعانه كليلي حتى اسويلج عشا
كمره: ما اشتهي هسه بعد وكت
من اريد انه انزل اسويلي لفه واكل ٲℓانــتيہ اخذي راحتج
ولا تصيحيلي على العشا وياهم من يسألوج كليلهم تعشت وجاي تدرس
هديه:من وراج صايره هواي اجذب
كمره: جذبه بيضه
بعدين الصديقات المن يرادن غير لهيج وكت
اخذت تفاحه اكل بيها وصعدت فوك بديت ادرس المحاضرات
كملت دراسه صارت الساعه عشره حضرت ملابس الدوام وبدلت ملابسي
تمددت على القنفه واخذت تلفوني خابرت هبه
هبه: الووو وينج ولج ظل بالي يمج شصار
كمره: ما اكدر احجي هسه باجر بالكليه اسولفلج
هبه: ليش منو يمج
كمره: محد بس هو هسه على جيه ما اريده يكبسني
هبه: خوش بس كليلي ٲℓانــتيہ سليمه ما بيج عاهه
كمره: نص ونص
هبه: بس لا تجين بعكازه باجر
كمره: الغسل كون
مال اجيبه واكسرها على راسج
هبه: هههههههه
اي طلعي ضيمج بيه
كمره: اطلعه باجر بس خل اكضج
هبه: ههههه
محد كلج ازوجي هولاكو
كمره: هولاكو كون يهلكج
روحي ولي خمدي مو صوجج صوج الخابرتلج
سديت التلفون ظليت اكلب بي وتالي دخت حتى النوم طار من عيني كلما اذكر من كال اخليها تصير مرتي
احس جسمي يظل يرجف
سمعت خطوات صعدت الدرج ركضت طفيت الاضويه وسويت روحي نايمه
احمد:دخلت للغرفه مظلمتها بت الأوادم تريد ما تشوفني
فتحت الاضويه عناد بيها اريدها تكعد
سويت طكطه قويه بس ما فزت عرفتها ما نايمه تحلفت بيها انه الج بس خل اسبح
دخلت سبحت وطلعت شفتها نفس الشي فتحت المجر طلعت مرهم واجيت يمها وخرت اللحاف منها جانت لابسه دشداشه تعلاكه زنودها مبينه شمسوي بيها انه تقربت عليها
كمره ادري بيج كاعده اكعدي عدل خل اخليلج مرهم
كمره: اوووووف منك ما اريدك ولا اريد مرهمك
عوفني خامده
احمد: ادري بيج ما ترديني ولا تتأفأفين اخليلج المرهم ورجعي خمدي
كمره: كتلك ماااا ارييييد
احمد: صوتج ولج الدنيا ليل وصوت الليل مسموع
كمره: خل يسمعون
احمد: مو اسكتج بطريقتي
كمره:شتسوي بعد تكمل شغل الضهر
احمد: اي أكمله بس بغير طريقه
كمره: ما اسكت وشتريد تسوي سوي
احمد: والله ٲℓانــتيہ جنيتي على نفسج
كمره:عوووو.....
احمد : بعدها ما مكمله بحركه وحده كضيت ايديها واخذت شفايفها وانه أرجعها على القنفه وما عفتها لحد ما فصلت البوسه وكتلها اخذي نفس
كمره: انت شلون بيك انه مو كتلك لا تتقربلي
احمد: ومنو متقربلج انه سكتج بس
كمره: وخر عني خنكتني انت ناوي تموتني اليوم احم.....
احمد:ما تصيرلج جاره رجعت نفس الشي بستها بس هل مره اقوى وصرت اتفنن بيها وما عفتها لحد ما كطعتهن الها وكلت
وهسه تكدرين تصيحين بعد
كمره:كافي الله يخليك راح اسكت والله
احمد: من الاول واستسلمي لو جنتي مشتهيه البوسه
وهسه كعدي عدل
كمره: سلمت امري لله وكعدت عدل بدى يخليلي المرهم جان بارد كلما يخلي جسمي ينز ويظل يحركني توجعت وكتله
على كيفك لا تخلي بحقد ترى جاي يحركني
احمد:اي ثبتي لا تتحركين وهو ما يحركج
كمره:شلون اثبت مو انت حقك ما شايف الوجع
بس شكول ﻋﻠﻴﻚ كون تضوكة مثل ما ضكته
احمد: وتالي ويه لسانج شوكت تضبينه
كمره: ما الي نيه ابد
احمد: مو اكصه الج
كمره: تسويها ليش انه هامتك
احمد: اللهم طولج يا روح
رفعي راسج خل اسوي ركبتج بعد
كمره: انطيني المرهم انه اخلي
احمد: كتلج رفعي راسج ولا تعاندين
كمره: رفعت راسي وشوي بعدت كضني من خصري وقربني اله كلش
صارت انفاسه على ركبتي
انه ما اتحمل هيج قريب علي بسع أذوب
احمد:تعمدت اتقرب عليها كلش حتى اشم ريحتها شفتها ذبلت
حضنتها لااراديا وبستها من ركبتها ما كدرت اعوفها مثل المغناطيس تجذبك لو مدري شتسوي
كمره: شيخ عوفني شجاي تسوي
احمد: لا تكولين شيخ(بخدر)
كمره: ليش انت مو الشيخ
احمد: ادري بيج تردين تنرفزيني
لا تبعديني خليني شوي
كمره: ما اكدر عوفني
احمد: ٲٳٲسـ๛ۖــۖـتغفـر اللهہ عفتج يله خل اكملج المرهم حتى تنامين
كمره: رفعت راسي خله المرهم على ركبتي وظل يتلمس بيها بأصابيعه
احمد: هاي شمسوي بيج انه
كمره: شغل ايدك غير
احمد: عسى ايدي الكسر
كمره: اميييين
احمد: ههههههه
لهل الدرجه حاقده علي عبالي تكولين اسم الله حبيبي
كمره:منين اجيت حبيبي
احمد: حبيبج وغصبن عليج
ادري بيج تحبيني لا تكابرين
كمره: فرح روحك بهذا الحجي
احمد:متأكد مليون بالميه
كمره:خلصت خليني انام
احمد: كومي نامي على الجربايه
كمره: ما اريد الجربايه خليتها الك
احمد: ما اسويلج شي والله نومة القنفه تكسر
كمره:تشوه جسمي بالنهار وتريدني انام يمك بالليل
لو تموت ما انام يمك
احمد: تستاهلين ما دام حارمتني منه
تكومين برجليج لو اشيلج
كمره:كتلك ما اكوم لا تلح
احمد: والله اشيلج
كمره: خلص كايمه بس انت بصفحه وانه بصفحه
ولا تدنالي ولا تحضني
احمد: صار بس كومي
حجيت بكلبي ٲℓانــتيہ بس تغفين انه اعلمج شلونه الحضن يصير
خليتها راحت نامت وانه طلعتلي تراك لبست بس البجامه وتمددت يمها جانت دايره ضهرها عني ظليت اكلب بالنقال لحد ما شفتها غفت وخرت اللحاف وجريتها علي وخليتها على صدري وبستها من عيونها الاحبهن
وغفيت على ريحة شعرها
كمره: كعدت على صوت المنبه لكيت روحي مشربكه بأحمد
انه مو كتله لا تحضني أوف منه
وخرت روحي عنه وهو فز عفته وكمت بدلت وكملت وكفت اعدل شالي شفته اجالي وكض ايدي ودارني علي كتله
والله ما مخليه شي
احمد: اوكفي لا تحجين شي
اريد بس اكلج شغله وحده لا تعانديني
كمره خل يعدي علينا يوم واحد بدون مشاكل الله عليج وهسه ترحين ومثل ما فهمتج ماشي
كمره: ماشي
عفته ونزلت لكيت وسام جاي يتريك كتله صباح الخير
وسام: اليوم منين طالعه الشمس شو من وكت
كمره: تكول صباح النور بالاول
وسام: العفو ست كمره تعالي تريكي
كمره: ما اشتهي اكل بالكليه كوم يله تإخرنا
وسام: هاا تسويها وحده بوحده وياي شو الا اخرج اليوم
كمره:هههه لا الله عليك كوم ورانا طريق
وسام: عمي كايم طلعتي الريوك زقوم علي
اكلج ليش ما تكعدين بالقسم الداخلي وخل افتك منج
كمره:علواه تقنع اخوك انه اكيف
احمد: على شنو تكيفين
وسام: هههههه لكفج
كمره: كله منك الا اذبها برأسك
وسام: لا بداعتي عندج اسكتي
كمره: تخليني بوجه المدفع وتكلي اسكتي
احمد: مو جاي احجي شعدكم تخططون
وسام:ماكو شي كتلها اليوم خلي احمد يرجعج ما عنده شغل كالت علواه
احمد: والله تضمضمله حضرتك كفخته على راسه
كمره: والله جذاب
احمد: ادري بي جذاب مرتي واعرفج زين لو تموتين ما تكولين تعال علي
عبالك عدوج
وسام:عمي لا تتعاركون بسببي امشينا يله
شوف ايدين مرتك خاف نازعه الحلقه وترجعنا بنص الطريق
احمد: انت اليوم جلدك يحكك
كمره:هههههه
وصلني وسام لكليتي وبعدين هو راح لكليته
دخلت للمحاضرات عادي مر اليوم وبمحاضرة الدكتور اسعد ابد ما درتله بال اجاهلته تماما حتى من خلصنا كلتلي هبه
هبه:اليوم ابد ما رفع عينه وشافج
كمره:كتله يمكن جنا ظالمينه
هبه: مااصدك بس يمكن صاير شي ولا ليش حتى ماذكر اسمج بالحضور
كمره: الله اعلم بس خل يكفني شره كلشي ما اريد
رجعت للبيت سألت على احمد
هديه: ماهو طلع من الصبح حتى يكمل المعامله مالت السفر
كمره: طبعا لازم يكمل معاملة ست الحسن
صعدت فوك بدلت ملابسي وسمعت التلفون شفته صلاح اخوي ما شلته
رجع اتصل مره ثانيه نفس الشي هم ما شلته اخر شي غلقت التلفون ونزلت صار وكت الغدا وانه انزل سمعت صوت احمد جاي هو بالغرفه الجوه
انفتح الباب شويه شفته كاعد على الجربايه وهي نايمه صارت غصه بكلبي
دخلت للمطبخ ما حجيت شي لأن الحجي ما يفيد الشيخه صبت الغدا
والكل كعد على السفرا انه ما حجيت شي ولا باوعتله واكلت شي قليل وكمت
رحت للمطبخ اتاني الاماعين تجيبهن هديه حتى ابلش اغسلهن
هي كامت تنكلهن وانه اصفيهن واغسلهن تالي اجت هديه كالت الشيخ يريدج
كتلها خل اكمل
هديه: خيه روحي لا يتعصب عليج انه اكملهن ٲℓانــتيہ هم جايه تعبانه من الدوام
كمره: غسلت ايدي وصعدت لكيته كاعد على الجربايه وكاض تلفوني بأيده
كتله رايدني بس من ورى خشمي
احمد: ليش جهازج مغلق ولا تكولين ما بي شحن فتحته بي
كمره: انه تعمدت اغلقه
احمد: انه مو محذرج ما تغلقينه
كمره: باوعتله وانه اليوم كلش كارهته ما ردت ارد علي لأن مالي خلك مشاكل جزعت روحي
اهلي خابروا وما ردت اجاوبهم وغلقته
احمد:هو اخوج صلاح اتصل بيه وسأل عليج وكلي جهازه مغلق
كمره: وشيريد مني بعد السواه
احمد: كمره لو شما يسوي بيج يظل اخوج
لا تحقدين علي
خابرج حتى يكلج عرسه يوم الجمعه ويردوج ترحيلهم
كمره: الله يتمم على خير
وبعرسه ما اروح
احمد:صدك تحجين لو تشاقين
كمره: صدك احجي ما اروح وبكيفي
احمد:لا مو بكيفج انه اخذج يوم الخميس وارجعج الجمعه بالليل احتمال الاحد اسافر
كمره: سمعت راح يسافر كوه كضيت دموعي ما ردت ابجي يمه
ما اروح لا تعب روحك ولا تجبرني على الروحه
واذا على سفرك الله ومحمد وعلي وياك تروح وترجع بالسلامه
احمد: ٲℓانــتيہ شبيج اليوم مو على بعضج صاير شي
كمره: مثل شنو
احمد: انه سألتج مو ترجعيلي سؤال
كمره: ما صاير شي انت غلطان واذا كملت حجي خل انزل اكمل غسل الاماعين
احمد: لا تخليني انزل اكسر الاماعين كلها
كتلج الخميس ترحين وغصبن عليج وبطلي تعانديني
كمره: انه ما جاي اعاندك بس ما اريد اروح لأهلي ما طايقتهم بعد السووه وياي انت ليش دائما تجبرني
احمد:انه كلت ترحين يـ؏ـنـي ترحين وهذا اخر حجي عندي اذا تردين نزلي
كمره: صار دكتور ارروح
بس اذا رحت ما ارجع بعد
احمد: ٲℓانــتيہ لا ترحمين ولا تخلين رحمة الله تنزل
كمره: هذا العندي وانت اختار يا اما ما اروح او اروح ما ارجع بعد
احمد: روحي من كدامي رفعتيلي ضغطي
كمره: اذا صدك تحبني خليني اروح
احمد: كمره ٲℓانــتيہ ما تعبين
لأن انه والله تعبت
كمره: انه الي تعبت
ارحمني ما اكدر اشوفكم سوى اموت والله افهمني
احمد:شوكت شفتينا سوى
كمره: قبل شويه شفتكم سوى ولا تكول لا
اذا انت هل كد تحبها شكو مخليني اتعذب هنا
احمد: كمره طلعي من يمي لخاطر محمد لا تخليني اسببلج عاهه
كمره: طلعت من يمه خفت كلش منه كلشي أتوقع منه بعـٌـــٌِد عملة امس
بس كتلني الفضول اشوف هند من اجت لليوم ما يطاوعني كلبي اشوفها
بس بعد ما شفتهم اليوم قررت اشوفها
نزلت ورحت لغرفتها فتحتها على كيف جانت متمدده على الفراش شافتني وصفنت بس اتحرك عيونها لا تشيل ايد ولا رجل
بس جان شكلها كلش حلو بالرغم هي تقريبا بعمر احمد بس مبينه اصغر شكلها كلش ناعم وملامحها نازكه
شافتني امها وكالت
ام هند: خاله منو ٲℓانــتيہ وشسوين هنا
كمره: انه مرت احمد
البنيه من سمعت هيج تخربطت وظلت تون
ركضت عليها امها رادت بس تسكتها ماكو ظلت دموعها تصب وهي بس تباوعلي امها ما عرفت تسويلها شي ركضت صاحت للشيخه وهديه صعدت لأحمد كلتله
نزل احمد يركض دخل للغرفه ما شافني ركض الها شبكها وظل يسكت بيها
وانه اباوعلهم وعيوني بس تصب تالي سأل امها
احمد: خاله شبيها ليش هيج تخربطت
ام هند: ما اعرف خاله فجأة بس شافت هاي البنيه وهي هيج صارت حالتها
كمره: اشرت عليه انتبه علي احمد عافها واجالي كضني من ايدي وكال
احمد: شسويتيلها احجي
كمره: اباوعله متفاجئه وانه عيوني تصب وكلبي ينزف منه
نكتت ايدي منه ودرت ردت اطلع دارني علي وكال
احمد: مو جاي اكل نعل واحجي وياج كولي شصخمتيلها
كمره: ما سويتلها شي بس كتلها انه مرتك
هو سمع هيج وهو ضربني راجدي بس شنو من راجدي خلاني نطرشت
وعيوني ما اشوف بيهن احسهن غوشن تالي سمع صوتها تون عافني وراح الها يركض
انه طلعت بكرامتي صعدت الدرج بس احسه صار شطوله دخلت للغرفه بالكوه اجتني فكره دخلت للحمام قفلته وظليت اباوع على شفرة الحلاقه مالته
كضيتها.........
كبرياء شيخ
لا تحاول استفزازي فيستفزك تجاهلي
ولا تعاتبني فتقتللك برودة اعصابي
::::::::::::::::::::::::::::::::::::::::::::::::::::::::::::::::::::::::::::::
كمره: رفعت الشفره حاولت اطلعه بس ما كدرت
جرحت إصبعي جرح عميق تالي وعيت على حالي شجاي اسوي ليش اغضب ربي شنو استفاد انه
شمرت الشفره وطلعت حاولت الف إصبعي الدم اخذني
طلعت من الحمام نزلت ردت بس واحد يلف إصبعي حتى يوكف الدم ماكو
دخلت للمطبخ شفت بس هديه اجت تركض كتله جيبيلي بس كطن وشاش
ركضت جابت اليه وعقمت الجرح ولفته وانكطع الدم حسيت بدوخه ردت اوكع بس هديه سندتني شويه صرت احسن سألته شنو صار بعد ما تخربطت هند
هديه: أخذوها للمستشفى الشيخه وامها والشيخ وعمار
ٲℓانــتيہ شجاج ودخلتي لغرفتها
كمره: ليش هو ممنوع واحد يشوف ست الحسن
هديه: هو الشيخ مانعنا كلنا بس هو يدخل ومرات الشيخه
كمره:ما متندمه لأن دخلت
ولو يرجع بيه الوكت هم ارجع ادخل
هديه: شتستفادين بس تحركين بكلبج
كمره: لا تأكدت من حبه الها وشلون يخاف عليها حتى انه ما اهتملي
لا والازيد ضربني على مودها
هديه:لا تقارنين روحج بيها هي مريضه ومو حاسه بشي
كمره: شلون مو حاسه بشي وهي تخربطت من سمعت انه كلت مرت احمد
كلشي تعرف وتعرف احمد تزوجها وتعرف بأحمد يحبها اصلا من سمعت بذاك الوكت بزواجه وهي انتكست حالتها شلون مو حاسه بشي
تعرفين هديه الخسران الوحيد بهاي المعمعه هي انه
هديه :لا تسرعين وتحكمين لي جدام ترى الشيخ يحبج
كمره: لو يحبني صدك ما يأذيني
لو يحبني ما يحبسني ويحاسبني على ادنى غلطه
لو يحبني ما يضربني على مودها
شوفي انه تعبت وما اعرف لوين راح يشمرني زماني بس اريد الله ياخذلي حقي منهم
عفتها وصعدت اخذت الدوه لأن ادري بي ينومني
احمد: أخذنا هند للمستشفى بعد ما تخربطت دخلوها للطوارئ شويه وطلع الدكتور سألته شلونها حالتها
الدكتور: ما بيها شي تكدرون تطلعوها حاله عرضيه ممكن اي شخص بحالتها يتعرض الها وان شاء الله معافايه
كلش ارتاحيت من سمعت الحجي الكاله الدكتور
رجعنا للبيت دخلتها لغرفتها وشددت على امها وامي بعد محد يدخللها
صعدت فوك للغرفه شفتها نايمه ويجوز مو نايمه
كلش حقدت عليها بعـٌـــٌِد الي سوته
لأن تعرف كلش زين هي مريضه وممكن تتعرض لحالة انتكاسه يمكن حتى العمليه بعد ما تصير الها
كعدتها بنتر
كمره كعدي بسرعه
كمره: ............
احمد: كاعد اكلج كعدي لا تخليني اجرج من شعرج
ادري بيج كاعده
كمره: ..........
احمد:تكعدين لو شلون اليوم
وخرت الغطا عنها ورفعتها وهي مسبله ونايمه كضيتها من جتافاتها وهزيتها
فتحت عيونها بس بنعاس
واخيرا كعدتي
كمره:شربت الدوه ونمت لأن هذا الدوه كلش يدوخ
حسيت بواحد يكعدني بس انه سكرانه كلش تالي فتحت عيوني شفت الشيطان
احمد كدامي كتله بنعاس
شتريد مني بعد
احمد: لا تسوين روحج دايخه
شوفي هل مره راح اعديها الج بس مره ثانيه لو سمعت بيج داخله غرفتها
انوب اتصرف وياج بأسلوب ثاني فاهمه
وهسه كومي طلعيلي ملابس اريد اسبح
وما تنامين يمي على الجربايه ترجعين للقنفه الجنتي نايمه عليها فاهمه
ويا ريت بعد ما تراويني وجهج
وكليه باجر ماكو
كمره: هزيت راسي بأي
طلعتله ملابس وخليتهن على الجربايه واخذت مخده ولحاف وتمددت على القنفه ظليت اتكلب كسر نعاسي بعد ما اجالي نوم سمعته طلع من الحمام بدل ونزل جوه
ما بيدي شي بس الدموع الي ظلن يوكعن من بحدهن
شويه واجتلي هديه
هديه: هم بجيتي ما تكليلي عليمن
كمره: هديه اذا تعزيني لا تحجين شي
هديه: شحجي بعد كومي نزلي تعشي
كمره: ما اريد اي شي
هديه: شكللهم من انزل
كمره: كليلهم صعدت لكيتها نايمه
هديه: براحتج
يجي يوم والكف من ورى الجذب الاجذبه على مودج
كمره: نزلت هديه
طلعت محاضراتي وبديت ادرس صارت الساعه ب١١ رجعت تمددت
النوم طار من عيوني سمعته اجى فتح الباب غمضت عيوني ودرت على الجهه الثانيه تانيته لحد ما غفى كلش لبست شالي ونزلت البيت هدوء
يمكن الكل نام دخلت للمطبخ محد بي حتى هديه نامت رحت لغرفتها دكيت الباب كعدت خطيه مخروعه وكوشتها شكبرها وكوه تفتح عيونها
هديه: هااا خيه شجاج بيج شي
كمره: شبيج اخترعتي ماكو شي
اريد انام يمج
هديه: شنهي تخبلتي تردين الشيخ يعلكني فلقه
كمره: ٲℓانــتيہ شعليج
وبعدين ما يحس هو هسه نايم ما يفز منا لباجر ومن يكعد وما يلكاني عباله انه كاعده كبله
وبعدين هو كال ما اريد اشوف وجهج وانه ما راح اخلي يشوف وجهي
اريده يشبع من وجه حبيبة كلبه هنوده
هديه: والله يا كمره ٲℓانــتيہ تلعبين بالنار وجاي تجريني وياج
كمره: هسه انام يمج لو اروح انام بالمطبخ
هديه: وعلي ٲℓانــتيہ تسودنتي تعاي دخلي نامي
احمد: كعدت الصبح باوعت ماهي يمكن نازله دخلت للحمام غسلت ونزلت
لكيت الكل على الريوك بس هي ما هي جانت امي وهديه يسون بالسفره
كلت يمكن راحت للدوام بس انه كلتلها داوم ماكو اليوم شويه واجى وسام
شفته استغربت يـ؏ـنـي وسام موجود ما رايح للدوام سألته
ليش ما مداوم مو عندك دوام
وسام: اذا مرتك ما داومت شعندي انه مداوم خليني اشبع نوم
احمد: مرتي بالله بطلت من الكليه انت هم تبطل
وسام: صدك بطلت
احمد: انت صدك خبل كتلك اذا بطلت مو بطلت
وسام: والله فرحت عبالي صدك بطلت بلكي السره يلحكني
احمد: هذا الحجي يفيدك
كعد الكل على السفره اريد بس واحد يسأل عليها ليش ما اجت تتريك
وسام: اي صدك احمد مرتك اليوم ليش ما داومت وليش ما اجت تتريك ويانا
احمد: ما عدها شي اليوم
جانت هديه واكفه وكالت
هديه: هي كعدت من وكت اليوم جوعانه لأن امس ما تعشت وتريكنا انه وياها
ليلى: جا مو لزوم انت تسأل على مريتك ليش ما اجت تريكت
احمد: والله يا بيبي هي مو طفله حتى اكللها شوكت تتريك لو تتغدا لو تتعشى
الياكل بضرسه ينفع نفسه
ليلى : هو هذا الله كدرك علي
احمد: خل اكوم منكم احسن الي كعدتكم ما تنمل اروح اكمل المعامله حتى الاحد اسافر واخلص
كمره: جنت بالمطبخ وسمعت كل الحجي ما استغربت كلشي أتوقع منه
هديه : شبيج ضايجه سمعتي حجي الشيخ ها
كمره: سمعته كله وما ضايجه عادي اصلا لازم أتعود
الشيخه: كمره ليش ما اجيتي تتريكين ويانا وامس هم ما نزلتي على العشا
كمره: امس جنت نايمه واليوم تريكت من وكت
الشيخه: ترديني اصدك
علي هذا الحجي ادري بيج تتعمدين ما تجين بس كليلي الى متى
شوكت نخلص من المشاكل
كمره: كلشي بإيد الشيخ هو يكدر يخلصكم مني
الشيخه: ٲℓانــتيہ السبب كمره كله صوجج كتلج احتوي سايري لا تعاندي
جنت متإكده يجي يوم ويمل منج ومن تصرفاتج واجى هذا
