رواية دار الايتام الجزء الثالث (اللقاء المنتظر) الفصل الثالث والثلاثون
روايح رمضان.😍
إعتراف...💔🥺
...........
اتفق الجميع علي السحور اول يوم عند نوني واتفثت معاهم عشق ان اليوم ده هيعملوا فيه شنط لخزين رمضان تتوزع علي الناس في الشارع وصممت انهم يعملوها مع بعض عشان ياخدوا الثواب كامل و كالعاده الكل اقتنع و اتحمس للفكره وبدأوا يجيبوا الحاجه و يبعتوها علي الڤيلا عند بدر عشان تتجهز هناك.❣️
........
قبل الوقفه بيومين قررت روكا تنزل الشغل ولان مكانش لسه في شغاله تقعد مع ليان كانت في حيره هي من وقت ما ليان رجعت ومن بعد موت هاشم مرجعتش الشركه كانت بتتابع بالموبايل لكن قررت تنزل عشان يستلموا المرتب وكمان تديهم مكافأه لانهم تعبوا جدا وكانوا شايلين الشغل الفتره دي كويس اوي. فضلت تفكر تعمل ايه تعمل ايه واخيرا جات الفكره🙄 طلعت بسرعه بعد ما اتفقت مع ليان وجابت شنطه صغيره حضرتلها فيها حجات ممكن تحتاجها بچامه والصندل بتاعها والوان و عروستها المفضله والفرشاه بتاعتها والبرفيوم وكأنها بتتعامل مع نفسها 😂 حطتلها كل حاجه ولبستها وجريوا بسرعه وهي ليان بتضحك راحوا علي العربيه.
...........
في ڤيلا بدر..
خرج بدر بعد ما فطر راح علي شغله مكانش هيتأخر عشان يلحق يجيب باقي الحاجه بتاعت رمضان ومكانش في شغل او مأموريات يطلعها فكان الفتره دي بيروح كام ساعه ويرجع.
اما نوني وسيلا نوني كانت بتلف علي الزرع بتاعها تشربه وتراعيه
وسيلا واقفه ترص في الحاجه اللي الشباب بيجيبوها بقالهم يومين وبتحاول تحطهم مع بعض علي جمب عشان شكل الڤيلا ميبقاش زحمه.
بعد ما خلصوا.
سيلا....نوني هو احنا مش قولنا بقي هنعلق الزينه في الڤيلا انهارده😭
نوني....هنعلقها طبعا بس لما يرجع بدر هو اللي هيتدبس.
سيلا...كل يوم يقول بكره😫
نوني...ده بالعافيه انهارده هيعلقها وإلا هعلقه هو بدل الفانوس.
ضحكت سيلا علي نوني عارفه يا نوني انا اول مره من سنين كتير اجرب احساس الزينه ده
نوني...وانا كمان كنا زمان وانا لسه عيله صغيره الزينه والفانوس دول حاجه مهمه زيها زي اي طقس في رمضان وبصراحه لما قولتيلي نعلق زينه السنادي فرحت وافتكرت ايام زمان الجميله اللي لايمكن تتعوض ابدا.
سيلا....انا مش عارفه كانت تايهه عني الفكره دي ليه من اول ما اتجوزت انا وبدر بس لما شوفت صور الزينه والناس علي الفيس حولت بيوتهم كلها لزينه بصراحه فتحوا نفسي.
نوني...الشغل يا سيلا بيخلوا الواحد مبيفكرش في اي حاجه غير الشغل بتاعه وبس واوقات بيخليكي تنسي نفسك كمان يمكن لما قعدتي من الشغل وخدتي الاجازه دي بدأتي تحسي بحلاوه اليوم حواليكي وبقيتي تفكري ازاي تستغلي كل حاجه فيه
سيلا....في دي معاكي حق انا فعلا كنت ناسيه نفسي وحياتي و وقتي كله كان رايح للشغل وبس وكمان الحوادث والجرايم كل دول كانوا اوقات كتير بيأثروا عليا جدا
وبيخلوني مليش نفس لاي حاجه
بس عارفه يانوني كنت فاكره نفسي بعد اول كام يوم هزهق و يوحشني الشغل لان طول عمري بكتئب في يوم الاجازه وكان لازم اتقابل انا والبنات عشان اليوم يعدي لكن المرادي لما قعدت حاسه اني مش مضايقه بالعكس مبسوطه ونفسي اعمل حجات كتير اوي عندي طاقه مخلياني عايزه اجرب كل حاجه واحس باليوم اللي بيعدي عليا وبفكر ازاي اخليه يوم جديد مفيش فيه روتين.
نوني.....لازم كل فتره الواحد مننا ياخد اجازه من كل حاجه ويفضي دماغه حتي اللي مش بيشتغل يا سيلا يجرب يشتغل او يعمل حاجه جديده تخليه يكسر روتين اليوم.
سيلا....تعرفي يا نوني انا اوقات كتير بيصعب عليا الست اللي مش بتشتغل وعندها بيت وولاد بحس بردو انها مش مرتاحه زي ما ناس كتير بتقول دي قاعده في البيت ومش تعبانه بحس انها مضغوطه عالاقل احنا بنخرج وبنقابل ناس وبنتعامل والشغل بيضيع اليوم.
نوني...مين قال ان الست اللي قاعده في البيت مش مضغوطه بالعكس دي من وجهه نظري بتتعب اكتر وشايله مسؤوليه كبيره بتدور في ساقيه مش بتخلص تصحي تفطر وتلبس وتودي المدرسه ترجع بسرعه تعمل الاكل تنزل تجيب الولاد يادوب ترجع تأكلهم تنزل علي الدروس تخلص الدروس ترجع عالبيت تذاكر معاهم وتقوم تحضر العشا وبعدين تنيم وتبدأ تلف في بيتها تنضف وتغسل وتحضر لبس نضيف وتكوي وترجع تنام عشان يتعاد يومها من جديد ده روتين يقتل مش اي حد يتحمله.
سيلا....عندك حق بس هما مضطرين.
نوني....اكيد بس انا من وجهه نظري ان اي ست في الدنيا مهما كانت بتحاول تشوف كل طلبات اللي حواليها لازم لازم في يومها عالاقل يكون ليها ساعتين عالاقل ساعتين بتوعها هي وبس محدش يشاركها فيهم حتي جوزها تعمل فيهم اي حاجه بتحبها لو عندها هوايه تعملها لو حابه تهتم بنفسها وتدلع نفسها شويه تعمل كده حابه تقرا كتاب تتفرج علي فيلم تعمل اي حاجه حتي لو هتقعد قدام الشباك في صمت من غير ما حد يقتحم خصوصيتها الست يا سيلا هي اساس البيت عشان الاساس ده يقدر يمشي البيت صح لازم يريح شويه عشان يقدر يدي بعد كده ويكمل وإلا هيجي عليها وقت الروتين والجري ورا الايام
اللي شبهه بعدها هيخلوها تنهار
تخيلي يومك بيتعاد يوميا من غير اي جديد تحسي انك ماشيه في دايره مش بتخلص لازم نفصل يا سيلا لازم الست تتحول من دور الجود مام (good mum)
اللي هي عايشه فيه لباد مام
(Bad mum) مش عيب انها تتخلي عن الام المثاليه ساعتين في ال24 ساعه وتبقي ام عاديه
سيلا....عندك حق يا نوني فعلا الروتين ده حاجه صعبه.
في اللحظه دي لمحوا روكا بتركن عربيتها ونزلت خدت ليان وجريوا عليهم.
سيلا....في ايه😳
روكا....صباح الفل.
سيلا....ياشيخه خضتيني حرام عليكي.
نوني....كده بردو فكرت في حاجه.
روكا....بقولكم ايه انا راحه الشغل وجايه اسيبلكم ليان ولما اخلص هعدي اخدها معلش يا نوني معلش يا سيلا غصب عني لسه ملاقتش شغاله بالمواصفات اللي عيزاها😭
نوني...معلش ايه بس دي هتورني احنا نطول ليان هانم تيجي تقعد معانا.
سيلا....طب دي احلي حاجه عملتيها يلا بقي اتكلي علي الله عشان احنا مش فاضينلك عندنا تعليق زينه وفوانيس وحجات كتير.
روكا ...اللاه يا ولاد اللذينه هتعملوا زينه من غيري🙈🙈
نوني....اه يلا بقي اتكلي علي شغلك ولولي هتساعدنا صح يالولي.
ليان...بحماس ايوه 😍
وطت روكا علي ليان باستها بوسه قويه من خدها هتوحشيني قد الدنيا اسمعي كلام نوني وسيلا اتفقنا.
ليان...اوك يا روكا يلا بقي امشي عشان اشوف الفانوس.
روكا...بضحك بقي كده ماشي يا ست لولي اتفضلي امسكي شنطتك سيلا الشنطه فيها كل حاجتها وليها غيار كمان غيرلها عشان متضايقش من اللبس اوك
سيلا....امشي انتي وانا ولولي هنتعامل يلا بقي بلاش رغي😂
روكا....بحبكم ربنا يخليكم ليا😍
جريت روكا علي عربيتها ودورتها ومشيت.
نوني...يلا يا لولي تعالي غيري لبسك.
سيلا....يلا تعالي اطلعك وبعدين نتفرج علي الزينه اوك
ليان...بحماس اوك
مسكت سيلا ايدها وجريوا علي جوه مع بعض❣️
.............
عدت كام ساعه ليان كانت مندمجه مع سيلا ونوني اوي وبدأت سيلا تخرج كل الزينه والانوار اللي جابتها من شنط كتير
خرجوا علي الجنينه وبدأوا يفردوا فيها ويجهزوها كانت ليان مبسوطه اوي ومستغربه كل حاجه اول مره تعيش اللحظات دي مامتها وبباها حكولها وفرجوها صور لكن مجربتش الاحساس كان اخرها الفانوس.
وصل بدر الڤيلا قرر يرجع لما لقي ان مفيش اي شغل لمحهم واقفين في الڤيلا وكلهم نشاط ومعاهم ليان.
سيلا....بدر جه😍😍
بدر...اهلا اهلا اهلا بأحلي بنوته في الدنيا قرب من ليان شالها وباسها.
بدر...عامله ايه يا ليان.
ليان....الحمد لله.
نوني....جيت بدري ودي حاجه في مصلحتنا😂
بدر...اااااه ادام فيها مصلحتنا يبقي هو يوم باين من اوله
سيلا....ايه هتقول بكره تاني بقولك ايه هنعلق الزينه يعني هنعلقها وبعدين لولي اول مره تشوف الكلام ده وهي متحمسه جدا صح يا لولي.
ليان....ايوه صح
بدر...بس كده ده انا عشان خاطرك اعمل اي حاجه بس بقول ايه هتساعديني 🤨🤨
ليان...ايوه هساعدك😍
بدر....يبقي اتفقنا هطلع اغير بسرعه ونيجي بقي نقلب الجنينه دي لمهرجان من الزينه اوك
ليان...بسعاده اووووك😍
باسها بدر ونزلها..هي روكا مش هنا ولا ايه.
سيلا....لا راحت الشغل وجابتها وهتعدي تاخدها.
بدر...طيب هغير بسرعه قبل ما الرخمه دي تيجي وتاخدها.
سيلا....طيب يلا بسرعه 😍
بدر....بحب هواا😉
دقايق بسيطه ونزل بدر راحت نوني تحضر الغداء وهما التلاته وقفوا في الجنينه وبدأ بدر يعلق الزينه والنور في الڤيلا وفضل طالع نازل يعلق في النور ويربط الزينه ويتعلق علي سلم خشب يربط النور في الشجر لحد ما بدأ النهار يمشي.
سيلا....الله الزينه شكلها حلو اوي😍
بدر....لسه كمان لما نجرب النور ومعلق الفانوس.
سيلا....هنحطه الفانوس فين صحيح .
بدر....المكان هنا حلو في الوسط ايه رأيك.
سيلا....ماشي حلو هنا
بدر....ربنا يستر بقي واعرف اعلقه لانه تقيل
ليان....احنا هنساعدك
بدر...متأكده يعني هتقدري🤨
ليان...امممم يعني هحاول
ضحك بدر وسيلا علي ليان وبدأ بدر يعلق في الفانوس كان بيعلقه بصعوبه لانه تقريبا شايل لوحده والفانوس تقيل لكن اخيرا علقه وثبته كويس نزل من علي السلم وهو مش قادر تقريبا بقاله حوالي اربع ساعات بيعلق في الزينه
سيلا كانت من اول ما بدأوا يعلقوا وهي مشغله سماعات كبيره في الجنينه عليها اغاني رمضان اللي ضافت بهجه وروح للمكان اكتر
وكانت واقفه ترقص هي وليان اكتر ما بيساعدوا بدر
بدر...اااه اقول عليكي ايه يا سيلا انتي السبب.🙈
سيلا....بفرحه طيب بزمتك مش شكلها حلو😍
بدر...استني اروح اشغل كده النور
سيلا....ماشي😍
وقفت سيلا وليان متحمسين للنور اللي هيشتغل وينور الجنينه مع الزينه.❣️
واول ما بدر وصل الفيش المكان كله نور والشجر والاسوار وبين الزرع خلوا المكان ساحر😍وقفت ليان وسيلا يتنططوا وليان تصقف وتتنطط بفرحه 😍😍
راح عليها بدر شالها فوق كتفه ومسك ايد سيلا وفضلوا يرقصوا ويتنططوا مع بعض ويغنوا.
مرحب بقدومك يا رمضان .😍 ونعيش ونصومك يا رمضان😍
بعد انتظارنا و شوقنا إليك ..😍 جيت يارمضان😍
خرجت نوني شاركتهم اللحظه الحلوه الكل كان مبسوط وبدر رغم تعبه إلا انه اتبسط هو كمان من التغيير واتبسط اوي لفرحه سيلا اللي كانت عامله زي الاطفال واتبسط اكتر لفرحه ليان اللي اول مره تمر بالتجربة دي😍
...................
عدي اليوم وجات روكا خدت ليان واتبسطت اوي من شكل الڤيلا وكانت فرحانه لفرحه ليان وبعد ما قعدت معاهم شويه روحوا 😍
................
في صباح يوم جديد كان قبل الوقفه بيوم وكان المفروض ان ليل والشباب هيروحوا الشركه عشان يدوهم مرتباتهم ويدوهم الزياده بتاعت رمضان والشنط اللي متعودين يوزعوها علي كل موظفين الشركه في الوقت نفسه كانت عشق والبنات في الدار في اليوم ده بيفرحوا بنات الدار بالفوانيس والزينه😍
خلص جاسر شغله في الشركه ومشي قبلهم بشويه بحجه انه رايح يشوف اللي ناقص ويبعته علي بيت بدر قبل ما يتقابلوا بكره.
........
في إحدي المراكز التجاريه في فندق شهير وصلت امينه وفضلت تتمشي وتتفرج علي محلات اللبس والنضارات كانت بتتنقل بين كل محل والتاني وهي مبتسمه وسعيده دي اول مره تخرج فيها من وقت ما نزلت القاهره اول اسبوع فضلت في البيت والاسبوع التاني بدأت تنزل شغلها ودي يعتبر اول خروجه ليها في القاهره وسط بهجه اجواء رمضان والزينه اللي كانت مغرقه المحلات.
رن موبايلها.
امينه....بضحكه شقيه علي فكره بقي انا ممكن امشي و اسيبك مش اسلوب ده.😂🙈
جاسر....بضحك ياستي براحه كنت بركن في البارك بتاع الفندق طالعلك اهو 🤨
امينه....طب خلاص يا سيدي عموما انا مش بقالي كتير يعني كل الحكايه بقالي ساعه واديني بتفرج وبتمشي 🙈
جاسر....طيب انتي واقفه فين بالظبط
امينه....انا الوقت قدام المكان اللي فيه الكافيهات والمطاعم.
جاسر....طيب يا ستي شايفه كافيه كوستا.
امينه...بضحك انت شايفني ولا ايه ده قدامي.
جاسر....بضحك والله ما شايفك انا لسه رايح عالاسانسير ادخلي يلا اقعدي في الكتفيه لحد ما اجيلك.
امينه....اوك متتأخرش
جاسر....ثواني واكون قدامك يلا باي بلاش رغي🤨
امينه... بضحك باي😂
شالت امينه الموبايل في الشنطه و دخلت الكافيه وهي مرسوم علي وشها أبتسامه وسعاده خدت كام خطوه وهي شعرها بيطير وراها ومكمله أبتسامه دخلت جوه الكافيه وهي عينها علي تربيزه معينه فاضيه كان في كام شخص واقفين في وسط الكافيه مدينها ضهرهم وبيتكلموا وقبل ما تستأذنهم يعدوها عشان توصل للتربيزه فجأه لفت ضهرها بسرعه وهي عينها علي الباب اللي دخلت منه وقفت تتنفس بسرعه دقات قلبها عاليه بطريقه فظيعه جسمها تلج واقفه جمبهم مبيفصلهاش عنهم غير المسافه اللي بين كتفها وكتفه.. بصت امينه بطرف عينها للصوت اللي سمعته وهي كل جسمها بيتنفض.
يحي الجزار🔥.. انت عارفني قدام الشغل مبرحمش حد واللي بس بيفكر يعاديني بفعصه😡
حس يحي بحد واقف جمبه ومركز معاه لف عينه عشان يبصلها.
لفت وشها بسرعه و برقت امينه عينها اللي اتحولت لدموع متحجره و محستش بنفسها غير وهي بتاخد خطوات سريعه بره الكافيه وبمجرد ما خرجت كأن رجلها فيها ماتور جريت بأقصي سرعتها وبمجرد ما خرجت كان بيدخل جاسر من الاتجاه التاني وهو مبتسم وبيدور بعينه عليها.
فضلت امينه تجري وتخبط في الناس كأنها مغيبه كل اللي همها تجري بسرعه وتمشي من المكان
ونسيت تماما جاسر ونسيت كل حاجه تقريبا خوفها سيطر عليها لدرجه كبيره وحست ان شريط حياتها الاسود بيعدي قدام عينها
وقف يحي شويه باصص علي طيفها مش قادر يصدق ان ممكن تكون هي ثواني ركز فيهم وهو سرحان وبعد كده أستأذن منهم لحظه وهو خارج خبط في كتف جاسر.
يحي....اسف جدا
جاسر...بابتسامه ولا يهمك مفيش حاجه.
خرج يحي بص بعينه شمال ويمين مش شايفها وتخيل انه بيتهيأله دخل تاني وهو داخل خبط مره تانيه في جاسر اللي كان خارج بعد ملقي امينه مش موجوده
جاسر...بأبتسامه اسف انا المرادي.
يحي....بأبتسامه حقك رجعلك
جاسر...بتشبيه انا اعرفك يحي الجزار.
يحي....بابتسامه ايوه بس اسف مين حضرتك.
جاسر...بابتسامه مد ايده جاسر السيوفي.
يحي....اوووووه جاسر باشا عامل ايه دي فرصه سعيده
جاسر....انا اسعد والله ايه فينك مختفي بقالك فتره ليه.
يحي...ابدا شغل وسفر بس خلاص رجعت.
جاسر....نورت الدنيا والله انا مبسوط اني شوفتك
يحي....انا اكتر سلامي لليل باشا
جاسر...يوصل ان شاء الله بعد اذنك
يحي...اتفضل.
خرج جاسر من المكان وهو مش عارف فين امينه بص حواليه شويه وطلع موبايله يكلمها مكنتش بترد حس انه قلق جرب كذا مره مفيش رد بدأ يتوتر
في الوقت ده وصلت امينه للبارك بعد عناء وتخبيط في الناس وقفت في وسطه زي التايهه حاسه انها مش فاكره عربيتها ولا عارفه هي سابتها فين وطت مسكت ركبها وهي دموعها نازله ورجعت وقفت تاني وكملت جري تدور بعينها علي العربيه لحد ما اخيرا لقتها دورت العربيه وطلعت من ركنتها زي المجنونه وخرجت من الفندق كانت سايقه بسرعه جنونيه كل همها تبعد من المكان وهي منهاره وبتعيط بصوت عالي.
فضل جاسر يدور في كل مكان دخل كل الكافيهات اللي حواليه يمكن تكون غيرت المكان ملهاش اي اثر نزل جري علي البارك يبص عليها او علي العربيه بتاعتها مفيش اثر وقف جنب عربيته فضل يرن كتير اوي لحد ما اخيرا جاله صوتها اللي خلاه اتصدم 😳
جاسر....امينه في ايه مال صوتك انتي فين😳
امينه كانت بتتكلم بانهيار ودموع مكانش فاهمها لكن كل اللي عرفه انها راحه عالشقه
جاسر...طيب اقفلي و اهدي يا امينه انا جاي وراكي حالا
عدي حوالي نص ساعه وصلت امينه قدام البيت نزلت من العربيه وفضلت تبص وراها بخوف و جريت بسرعه علي الاسانسير. ومن الاسانسير علي الشقه قفلت وراها وهي بتنهج من الجري والخوف والتوتر وفضلت تعبط كتير فات حوالي ربع ساعه سمعت الباب بيخبط كانت عارفه انه اكيد جاسر بس كانت خايفه تفتح.🥺🥺
جاسر.....أمينه افتحي انا جاسر
جريت امينه فتحت وهي وشها باين عليه الخوف والرعب وعينها حمرا من العياط.
واول ما فتحت بدون مقدمات حضنت جاسر وهي منهاره.
امينه....قولتلك مجيش با جاسر قولتلك خليني بعيد قولتلك بلاش ارجع😭😭😭
جاسر...طيب اهدي شويه ممكن انا مش فاهم اب حاجه انتي سيبتي اعصابي حرام عليكي
دخل جاسر وقفل الباب ومسك ايدها
جاسر...ممكن بهدوء كده تفهميني حصل ايه ومشيتي ليه
امينه....شوفته يا جاسر كان واقف جمبي كتفي في كتفه سمعت صوته اللي شل حركتي وكنت حاسه اني بموت اتحركت من جمبه بصعوبه واول ما خرجت جريت كان جمبي يا جاسر😭
هو صوته شكله حس بيا والله حس بيا واول ما بص عليا لاقيت نفسي بخرج و بجري بكل قوتي قبل ما يمسكني.
جاسر...هو مين يا امينه انا مش فاهم حاجه اوعي تكوني تقصدي اللي كنتي متجوزاه.
امينه...بانهيار هو يا جاسر هو بعد اربع سنين كنت فاكره اني خلصت من الكابوس كنت فاكره اني بقيت في امان لما عرفت انه خرج من سنتين من السجن كنت واثقه انه عمل كل حاجه عشان يخرج وينتقم مني وقتها سبت القاهره وجيت علي اسكندريه كنت مرتاحه كنت بخاف اروح اي مكان عام لما كنت احس اني مخنوقه وعايزه اخرج شويه كنت بروح مكان مفيهوش حد مكان ابقي فيه لوحدي مكان يكون فيه ناس بسيطه ابقي واثقه انا مش هيروح فيها قولتلك يا جاسر بلاش اجي هنا هيلاقيني صدقني هيلاقيني ومش هيرحمني انا عمري ما كان يجي في بالي اشوفه في مكان زي ده ليه من كل الاماكن الموجوده يجي في المكان اللي انا فيه😭😭
جاسر... طيب اهدي عشان خاطري انا اول مره اشوفك في الحاله دي يا امينه مش عايزك تبقي قلقانه كده دي مجرد صدفه واكيد يعني مش مقصوده ومستحيل تتكرر تاني .
امينه.....مفيش حاجه اسمها مستحيل يا جاسر محدش فينا عارف ممكن يشوف ايه او يقابل مين انا عارفه انه حس بيا ومش بعيد يكون مشي ورايا انا لازم ارجع اسكندريه لازم اسافر الوقت
جاسر...مسكها من ايدها استني هنا انتي لا هترجعي ولا هتروحي في مكان قولتلك انتي هنا غي حمايتي انا حمايه جاسر السيوفي ايه مش واثقه فيا ولا ايه
امينه.....واثقه فيك يا جاسر بس صدقني انت مش قده 😭انت متعرفش حاجه والله العظيم اللي حكيتهولك كان اختصار 10 سنين عشتهم معاه لكن التفاصيل كانت مرعبه اكتر بكتير انا كنت في عذاب كنت منفيه عن العالم ومحدش يعرف عني اي حاجه مستحيل ارجع تاني يا جاسر مستحيل والمرادي لو وصلي هموت نفسي اهون عندي من اني اعيش يوم واحد تاني مع يحي الجزار 😭💔
جاسر...بصدمه😳😳يحي الجزار انتي كنت متجوزه يحي الجزار يا امينه.
امينه...🥺🥺انت تعرفه.
جاسر.....اه اعرفه بس اللي اعرفه عنه انه رجل اعمال ناجح ومحترم اختفي فجأه بس قاللي انه كان مسافر.
امينه...قالك؟؟ هو انت بتكلمه🥺🥺
جاسر...انا قابلته من شويه يا امينه وانا داخل اشوفك في الكافيه وسلمت عليه بس اخر حاجه كنت اتخيلها انك كنتي متجوزاه واخر حاجه كنت اعرفها انه يطلع بالوساخه دي.
امينه...وبعد ما عرفت هتعمل ايه انت طلعت تعرفه يا جاسر يعني انا مستحيل افضل هنا لحظه واحده.
جاسر...ايه يا امينه فكراني ممكن اعرفه مكانك قد كده خوفك منه خلاكي فقدتي الثقه في كل اللي حواليكي
امينه...بانهيار هما مين اللي حوليا😭😭😭😭 انا في الدنيا دي لوحدي وبطولي سبق وابويا واخويا باعوني ليه سبق واتعزلت عن العالم ومحدش دور عليا خرجت من التجربه دي لوحدي كملت لوحدي خفت واترعبت اربع سنين بعده لوحدي اي صوت كنت اسمعه في الشقه كان كفيل يخليني منامش باليومين ولا اعتب الشارع انا عشت اسوأ ايام حياتي انا كنت مريضه نفسيه بسببه اثق في مين وليه وانا مبقتش اثق في نفسي وبقيت ديما مهزوزه وخايفه يحي الجزار عمل فيا كل حاجه تتخيلها يا جاسر كان بيتبسط وهو بيعذبني عشر سنين شوفت فيهم اللي بيشوفوه مساجين المعتقل تعذيب وضرب وكهربا واغتصاب عشان هو بيني ادم سادي سعادته مكانتش بتكمل غير في تعذيبي عايزني بعد كل ده اطمن ده انا لما شوفتك حسيت اني روحي رجعتلي حسيت اني لسه في امل مبقاش لوحدي في الدنيا اطمنت اني لو مت وانا لوحدي هلاقي حد يسأل عني ويدفني علي الاقل في اسكندريه كنت طول الوقت بقضيه مع عم حسين اللي انت شوفته كنت بخاف اروح وابقي لوحدي كنت بروح لهاشم النجار وعم امين مكانش عندي غيرهم هما التلاته مكانش في حد بيسأل عليا غيرهم لما شوفتك اطمنت بعد موت هاشم النجار روحي اللي اتسرقت مني رجعتلي حياتي اللي ادمرت واتحرمت منها رجعتلي حب حياتي يا جاسر رجعلي بعد ما الدنيا خدتني منه وودتني طريق مليش ذنب فيه برائتي وكل حاجه حلوه فيا يحي الجزار قضي عليها..
جاسر...بصدمه حب حياتك؟ تقصدي؟
امينه...بانهيار ايوه يا جاسر حب حياتي اقصدك انت💔 انت كنت الحاجه الحلوه النضيفه اللي جوايا الحب اللي كنت بتمناه من الدنيا وفجأه مبقاش موجود انت كنت انضف واطهر حاجه في حياتي يا جاسر لما كنت بشوفك كنت بنسي معامله بابي واخويا الجافه
كنت بحس ان في حد تاني اقدر اتكلم معاه كنت بحس ان حبي ليك مخليني قادره انسي اي معامله مش حلوه حتي لو مكنتش تعرف اني بحبك وقتها بس كان كفايه حبي انا ليك😭
لما شوفتك يا جاسر حسيت ان الدنيا بتمدلي ايدها وكملت بأنهيار بعد اعترافها بالسر الاول وسط صدمه جاسر.
لما شوفتك ياجاسر بعد موت هاشم النجار اطمنت وحسيت ان ربنا بعتك ليا عشان ماموتش لوحدي وحسيت ان اللي فاضل من عمري ايا كان هو قد ايه يوم اتنين شهر سنه اكتر هعيشه مبسوطه شويه معاك وقررت اني اخد في نفس اليوم اللي شوفتك فيه علاجي من تاني بعد ما كنت مبطلاه اخر مره روحت فيها عند الدكتور لما قالي ان الورم في دماغي كبر وكان صريح معايا قاللي المسأله مسأله وقت العلاج بيأخر شويه وقتها حسيت اني مش قادره اخد حاجه وتعبت من اني اكون لوحدي امسك في الدنيا ليه شوفت منها ايه حلو عشان امسك فيه انا اتعذبت كتير كان لازم ارتاح بس كل حاجه حلوه رجعت جوايا لما شوفتك بس خلاص مبقاش ينفع يا جاسر يحي الجزار رجع هو كمان وانا لازم امشي وارجع اكمل اللي فاضلي لوحدي😭💔
بصلها جاسر بوجع وبدون اي مقدمات سحبها من ايدها لحضنه 🥺 فضلت امينه تعيط كتير والصمت كان سايد في المكان مفيش غير صوت عياطها مكانش عارف عدي وقت قد ايه لكن بمجرد ما حس ان صوت عياطها هدي شويه اتكلم جاسر..
جاسر...بوجع وهي امينه في حضنه فرحتك برجوعي مكانتش تفرق عن فرحتي برجوعك
من 14 سنه يا امينه فضلت شهرين زي المجنون ادور عليكي في كل مكان مكنتش قادر استوعب فكره انك مش موجوده او مش هتبقي موجوده كنت حاسس ان كل بوم بيمر بتخنق وقلبي بيوجعني كان عندي اكتئاب ومكنتش طايق اي حد استخدمت كل الوسايل اللي توصلني بيكي بس معرفتش اوصل لاي حاجه حاولت اشوف اي حد معرفه من المطارات وأسأل عليكي مكنتش عارف لاني مكنتش اعرف اسمك كله فضلنا مع بعض سنيتن ومسألتش في مره عن اسمك ثلاثي لكن كنت بدور في الكشوفات عن اي واحده اسمها امينه خرجت بره اختفيتي ومبقاش ليكي اي اثر لدرجه اني كنت بسأل نفسي هي كانت موجوده فعلا ولا دي كانت شبح خدت وقت طويل لحد ما حسيت اني فقدت الامل بس بعد ما غيبتي يا امينه حسيت قد ايه انا كمان كنت بحبك رفعت امينه وشها ليه بصدمه.
ابتسم جاسر بوجه وهو راسه ايوه يا امينه انتي كنتي اول حب في حياتي ومن اول ما شوفتك كان عندي فضول رهيب اعرف روحتي فين وحصل معاكي ايه وليه اختفيتي بالشكل ده حتي بياناتك في الجامعه اتمحت
كنت حاسس اني متلغبط مش عارف افرح ولا ازعل وبا اقتلك علي الوجع اللي شوفته في بعدك بس لقيتني باخدك في حضني وبسلم عليكي وباخد رقمك.
بعد ما اختفيتي يا امينه بدأت هايدي تقرب مني وفي الحقيقه انا كنت حابب انس اخرج من الجو ده وبعد وقت طويل حسيت اني حبيتها اوي بس بعد كذا سنه اكتشفت انها اقذر حد قابلته في الدنيا لحد ما شوفت تمارا مراتي وهي كمان حبيتها ومكدبش عليكي حبيتها فوق ما تتخيلي ومش هقولك اني نسيت اللي هايدي عملته ونسيت حبي ليها ولا هقولك اني نسيتك يا امينه بس حقيقي حبي ليها خلاني اتعامل ومفكرش في اي حاجه خصوصا اني حاولت الاقيكي ومعرفتش لحد ما شوفتك يا امينه وحسيت كأن كان في وجع في قلبي انا متجاهله وبدأ الوجع يخف لما شوفتك.
وحسيت يا امينه ان لسه قلبي شايلك نفس الحب اللي كان شايلهولك.
نزلت دموع امينه بوجع وخبت وشها.
امينه....ليه حصل كل ده يا جاسر ليه كل حاجه في حياتي بتيجي متأخر طيب ليه رجعت ليه شوفتك ليه بتوجع تاني بعد ما كنت اتمني اسمع منك كل ده الوقت بتمني اني مكنتش اشوفك او اسمع الكلام ده منك متأخر اوي يا جاسر والله متأخر😭
جاسر...بوجع مفيش حاجه اتأخرت يا امينه دي رحله لازم نعديها كل حاجه ليها وقت يا امينه.
امينه....بعد ايه بعد ما خلاص عمري بيروح مني انا مستنيه اموت في اي لحظه ليه السعاده جايه الوقت تخبط علي قلبي بعد ما كل حاجه بتروح.
جاسر....لو سعادتك في الدنيا لسه باقي عليها يوم واحد امسكي فيها يا امينه واوعي تسيبيها خلي عندك امل انا مش هسيبك هعرضك علي احسن دكاتره في العالم كله هترجعي احسن من الاول وهعمل عشانك اي حاجه عشان تنسي كل الوجه.
مسحت امينه دموعها مبقاش ينفع يا جاسر هاشم النجار كان عارف وساعدني كتير ووقف معايا وعرض الاشعه بتاعتي علي دكاتره كتير جوه وبره مصر وكلهم اكدوا علي كلام الدكتور.
جاسر....هنحاول هنشوف تاني مش هسيبك يا امينه تضيعي مني ولو اللي فاضلك سنه زي ما بتقولي او حتي يوم هعمل فيه كل حاجه تخليكي مبسوطه
امينه...بابتسامه بسيطه كفايه انك معايا في الدنيا انا هفضل هنا مش همشي بس كمان مش هقدر انزل الشغل بس ارجوك ابقي اطمن عليا ديما يا جاسر مش عايزه اموت لوحدي🥺😭💔
جاسر....بصلها بحزن و خانته دموعه نزلت تجري علي وشه بوجع تتجوزيني يا امينه🥺💔
امينه....بصدمه🥺🥺💔
..............
في صباح يوم جديد يوم وقفه رمضان واللي المفروض ان كلهم هيتقابلوا بليل عند نوني وبدر وسيلا.
دخلت روكا وليان بهدوء علي طراطيف رجلهم عشان يصحوا عامر.
وفجأه نطوا غلي السرير وهما بيصوتوا وبيزغزغوا في عامر.
عامر...بضحك بس بس خلاص
روكا...ابدا مش هنسيبك غير لو قومت
عامر...خلاص والله صحيت اسكتوا بقي.
روكا....صحيناك كذا مره تستاهل
ليان بضحك روكا اللي قالتلي
انا مش ليا دعوه😂😂😂😂🙈
عامر...بقي كده بتسمعي كلامها طب تعالي انتي وهي سحب روكا نيمها وطلع فوقيها ومسك بايدن التانين ليان يزغزغها وهي بتصرخ من الضحك.
روكا...بضحك بس خلاص قلبها وجعها😂😂😂
عامر...هتحرموا ولا لا🤨
روكا...هنحرم خلاص
ليان...ااااه اخر مره😂😂
ضحك جاسر وبعد ليان ونزل نام في وسطهم وخدهم في حضنه.
عامر...تعبتوني عالصبح اقول عليكم ايه تصدقوا خساره فيكم الهديه اللي جايبهالكم
قامت روكا بسرعه جايبلنا ايه
عامر...خلاص بقي قطعتوا برزقكم
ليان....خلاص سوري يا عامر🙏🏻
عامر....بضحك مش بقولك بقيتي روكا الصغيره بتضحكي عليا🤨
روكا...بضحك تربيتي😂😂😂
عامر...طب يلا قومي افتحي الدولاب هتلاقي شنطتين كل واحده ليها شنطه
جريت روكا هي وليان فتحوا الدولاب قام عامر يتفرج عليهم
فرحت ليان اول ما شافت فانوس
ليان...ده عشاني 😍 وبصت بصدمه😳ده عليه اسمي
عامر...احلي فانوس لاحلي بنوتين في الدنيا❣️
جريت عليه ليان حضنته بفرحه
وراحت روكا باسته من خده❣️
عامر...يلا امشوا بقي سيبوني انام شويه تاني ابه رأيكم🙄
ليان...لا مفيش نوم😡
روكا....ولا نص دقيقه😡
عامر...الفوانيس مأثرتش فيكم يعني
روكا..ليان...لااااا🙄
عامر....امري لله 🙈
قام عامر غسل وشه وشال لبان علي كتفه وحضن روكا ونزلوا حضروا مع بعض الفطار.
................
لمار....ها كده كله تمام ولا في حد ناقص.
دياب...بيتهيألي كده كله تمام اربعه عند ليل و ابن يوسف وابن مهاب وليان كمان ولينا بنت كارمن منسنهاش
لمار....نسيت ابنك يا سي دياب😡
دياب...بضحك وربنا اه🙈🙈 الباشا الصغير احلي فانوس فيهم.
لمار...بضحك طب وانا😔
دياب...بحب لو روحتي بره علي العربيه هتفتحي الشنطه هتلاقي احلي عروسه 😍
سابت لمار الفوانيس وخرجت جري علي بره فتحت شنطه العربيه طلعت منها عروسه مش صغيره اوي خدتها في حضنها ودخلت تجري تاني علي جوه ونطت حضنت دياب
دياب...اااااه يا مجنونه رقبتي🙈
لمار....حلوه اوي😍
دياب...كل سنه وانتي طيبه يا احلي لمار في الدنيا كلها
لمار...وانت طيب يا حبيبي❣️
دياب...يلا رجعي بقي الفوانيس في الشنط شيلي بتاع زين وحطي الباقي في شنطه العربيه عشان مننساش حاجه.
لمار....تمام يا حبيبي ❣️
................
في مساء اليوم اتجمع الكل عند نوني حتي سهام ومني.
كل الشباب كانوا جايبين فوانيس للاطفال .ولاول مره كانوا يتجمعوا مع بعض بولادهم ديما مش كل الاطفال موجوده
نوع ويوسف كانوا متوليين امر الاطفال الصغيره بيلعبوهم ويرقصوهم علي الاغاني
الحو العام كان يجنن الڤيلا كلها نور وزينه الاغاني بتاعت رمضان حتي القاعده اللي في الجنينه اتحولت لخيمه رمضانيه وطبعا كانت افكار سيلا ونوني.
بعد السلام وتوزيع الفوانيس قعدوا كلهم عشان يبدأوا
احلي يوم واحلي طقس لاول يوم رمضان.
اشوفكم بكره مع اول يوم سحور ❣️
