رواية دار الايتام الجزء الثالث (اللقاء المنتظر) الفصل الخامس والثلاثون والاخير
رحله البدايه❣️🥰
..........
سيلا.....صباح الفل يا نوني
نوني...صباح السكر علي القمر
سيلا....هو بدر نزل ولا ايه
نوني....اه خرج من شويه وشكله كان مستعجل عالشغل.
سيلا...بخوف مستعجل في حاجه ولا ايه.
نوني....لا طمني بس قال اجتماع ضروري.
سيلا...ربنا يستر طيب انا هكلمه اطمن عليه.
نوني....ماشي يا حبيبتي كلميه لحد ما اجهز الفطار.
سيلا....تمام انا جايه وراكي علي طول.
اتصلت سيلا علي بدر.
بدر...صباح الفل
سيلا...انت فين يا بدر
بدر...طب ردي الصباح🤨
سيلا....ما تخلص يابدر انت فين
بدر....في ايه بس يا مجنونه انا في الطريق رايح الشغل متأخر علي اجتماع مهم.
سيلا...طب احلف كده🥺
بدر....و غلاوه سيلا ممكن اعرف في ايه بقي🤨
سيلا...صحيت نش لقيتك ونوني قالت خرجت بسرعه فكرت في بلاغ ولا في انفجار قلقت عليك🥺
بدر...لا يا حبيبي والله ده أجتماع مهم وانا اتأخرت فا خرجت علي طول.
سيلا....ماشي يا حبيبي فطرت طيب.
بدر...بزمتك نوني هتسيبني اخرج
من غير فطار فطرت طبعا وخرجت علي طول انتي فطرتي ولا لسه.
سيلا....لا لسه هفطر
بدر...متنسيش العلاج.
سيلا....لا متقلقش في ايدي اهو بقولك ايه
بدر...قولي يا حبيبي
سيلا....انا شويه كده وهروح لروكا انا والبنات نقعد معاها شويه
بدر.....ماشي يا حبيبي روحي وخلي بالك من نفسك
سيلا....حاضر هكلمك وانا راحه
بدر....تمام يا قلبي لو مردتش عليكي اعرفي اني في الاجتماع
سيلا....حاضر يا حبيبي يلا روح بقي وخلي بالك من الطريق.
بدر....حاضر باي ياقلبي.
سيلا....باي😘
قفلت سيلا مع بدر وراحت علي نوني.
نوني...ها اطمنتي عليه يا ستي
سيلا....اه الحمد لله في الطريق
تعالي يلا اقعدي هنا وانا هعمل القهوه.
نوني....تعالي كملي ياستي وحشتني قهوتك.
سيلا....والله مافي غيرك في الدنيا انتي وبدر اللي ديما رافعين من معنوياتي😂😂 مش زي العيال الرخمين اللي بيتريقوا عليا
نوني...خليكي واثقه في نفسك وبعدين ده انتي بتتعلمي من نوني
سيلا....يعني تفتكري انا باخد بكلامهم ولا يقدروا يهزوا ثقتي في نفسي 😎 اعيش واوجع بطنهم كده علي طول😂😂
نوني....بتعترفي يعني انك واجعه بطنهم😂😂
سيلا...طبعاً😂😂 بقولك ايه يا نوني
نوني...قولي.
سيلا...انا شويه كده وراحه عند روكا والبنات هيجوا هناك ماتيجي معايا بدل ما تقعدي لوحدك
نوني....والله كنت عايزه اجي اطمن عليها هي ولولي وحشتني اوي بس مش قادره رجلي تعباني اوي
سيلا....من ايه بس يا حبيبتي.
نوني...والله ما عارفه بس صاحيه مش قادره احطها علي الارض
يظهر كده املاح.
سيلا....انتي يا نوني بتاكلي حجات حادقه كتير
نوني...فعلا.
سيلا....طيب ايه رأيك نروح انهارده بليل للدكتور
نوني...ملوش لزوم انا عندي علاج الاملاح هاخده وهبقي كويسه.
سيلا...وبتتريقي علي بدر وبتقولي عليه مهمل في نفسه🤨 بقولك ايه انا هروح للبنات واخر النهار هرجعلك ونروح سوا.
نوني...طيب اسمعي خليها بكره احسن وهاجي معاكي والله.
سيلا....لا يا نوني هنروح انهارده ومن فضلك أسمعي الكلام
نوني...خلاص اللي تشوفيه يا حبيبتي.
سيلا...ايوه كده🤨 يلا اشريي قهوتك قعدت سيلا جمبها فطرت وشربوا قهوتهم سوا.
وبعد حوالي ساعتين خرجت سيلا
راحت لروكا وقابلت هناك ريم وسما ولمار.
روكا....وحشتوني يا بنات اوي
ريم...انتي اكتر يا روكتي🥺
سما...عامله ايه يا روكا في الحمل.
روكا....متبهدله والله يا سما الترجيع مش راضي يقف خالص
سيلا....ان شاء الله شويه كده وهتبقي كويسه المهم خدي العلاج
روكا....باخده والله يا سيلا
لمار....بصي انا في حمل زين كنت زيك كده اول كام شهر وبعدين بقي الترجيع يخف تدريجياً
روكا....الدكتور قالي كده واديني مستنيه اهو المهم طمنوني عليكم وفين باقي البنات مجوش معاكم ليه.
ريم....في الشركه وبيسلموا عليكي كتير كلمت تمارا وقالت مش هيعرفوا يجوا
روكا...ربنا معاهم يارب المهم انتوا واحشني اوي يا جزم🙈
سما....وانتي كمان يا قلبي والله امال فين لولي.
روكا... لولي كانت في اوضتها متعرفش انكم جيتوا.
نزلت ليان في الوقت ده.
سيلا...اهلا اهلا بأحلي لولي
جريت ليان علي سيلا حضنتها وسلمت عليهم كلهم.
ريم....ده ايه القمر ده الليدي روكا الصغيره😂😂😂🙈🙈
لمار...ايوه والله😂😂😂
سما....بت يا روكا عملتي ايه فيها حساها قلبت عليكي.
حضنتها روكا وهي بتبوسها بحب يالهوي ياناس انا قمر كده
ليان...حضرتك احلي طبعا.
روكا...طب اكلها ولا اعمل فيها ايه دي بقي😘😘😘😘
بقولك ايه ما تاخدي الاستاذ زين والاستاذ تيم وتروحوا تلعبوا بالالعاب.
ليان...اوك
سما...استني تعالي اخرجكم بره في الجنينه
روكا...لا بلاش الجنينه عشان البيسين خليهم في اوضتها
سما...ايوه صح طيب انا هطلعهم معاها عشان ميقعوش علي السلم.
روكا....ماشي
ريم....عامله ايه يا روقييييه😂😂
روكا...روقيه في عينك يا كلبه بت ابعدي عني بدل ما اطلع تعبي عليكي.
سيلا....بضحك بتعصبيها ليه بس😂😂
روكا....وحشها لساني😒
لمار....من ناحيه لسانك فاهو واحشنا كلنا😂😂 احنا بقالنا كتير متقبلناش يا بنات بقينا نشوف بعض اللي فاضي بس لكن مش كلنا.
سيلا....ايوه كنت هطق والله🥺
روكا....مش ناويه ترجعي شغلك با حيلتها بقي ولا خدتي علي الراحه في حضن النحنوح😒
ريم....اكيد خدت علي الراحه في حضن النحنوح 😂😂
سيلا....والله انتوا قللات الادب.
روكا...يابت احنا نطقنا والله انتي اللي دماغك راحه في قلت الادب
سيلا....بضحك لا وللله مش كده الشغل وحشني فعلا بس حاسه اني لسه مش قادره ارجع لسه مش عندي الحماس الكافي اني ارجع.
لمار...عشان بعيده لسه يا سيلا.
روكا...صح لو رجعتي هتلاقي نفسك اندمجتي ورجعتي والحماس رجع.
جات سما من وراهم قولتلها كده والله يا روكا طول ما هي بعيد هتحس انها لسه مش عارفه ترجع.
روكا....أرجعي يا سيلا وشوفي شغلك انتي ناجحه يا عبيطه بلاش تضيعي حلمك وبصراحه بقي مراد ده طلع جدع عشان صابر عليكي كل ده.
سيلا....بصراحه اه سايبني براحتي ومش حابب يضايقني خالص
روكا....بصوت واطي لكن مسموع طبعا مش حبيب قديم😉
ضحكت ريم وكتمت ضحكتها
سيلا...بتقولي ايه🤨
روكا....ولا اتكلمت🙄
فضلت ريم وسما يضحكوا
حدفتهم سيلا بالمخده 😡
لمار...بضحك في ايه.
رسم....بضحك اصلك مش فاهمه مراد ده رئيس التحرير بتاع الجريده اللي سيلا شغاله فيها وكان واقع لشوشته مع ست الحسن والجمال.
روكا....بضحك والسنيوره حبت بدر و اتجوزته وهو يا حبيبي عايش علي ذكراها😂😂😂
سيلا....والله انتوا الاتنين متربتوش😡
سما...بضحك حقك عليا يا سيلا دول رخمين.
سيلا....بالمخده التانيه علي اساس انتي مبتضحكيش😡
سما...اااااه😂😂 يابت مالك بقيتي عنيفه كده ليه.
لمار....بقولك ايه سيبك منهم وفكري يا سيلا وارجعي شغلك
سيلا....هفكر والله ربنا يسهل ادعولي.
قعدوا مع بعض كانت القاعده بسيطه لكن كانت جميله
بعد مده مشيت سيلا قبلهم راحت خدت نوني وراحوا علي الدكتور كشفت علي رجلها كانت الاملاح عاليه خدت العلاج ورجعوا تاني مع بعض.
................
مرت ايام كتير.
سهام ومني كانوا بيجهزوا نفسهم للسفر كالعاده زي ما اتعود ليل يسفرهم كل فتره يطمنوا علي نفسهم ويطمن جاسر علي والدته عشان مترجعش تتعب تاني
بدر...حاول يقنع نوني تسافر معاهم و تطمن علي نفسها لكن مرضيتش ابدا تسافر و تسيبهم.
قبل السفر بكام يوم.
جاسر كان مشغول جدا مع امينه باين عليه الحزن حالتها بتسوء جدا مبقتش قادره تقوم من السرير علي طول تعبانه وزنها نزل كتير وكأنها أتبدلت.
وصل جاسر عندها
ابتسمت امينه بتعب وشها كان شاحب جدا
جاسر....ايه يا حبيبي عامله ايه.
امينه....الحمد لله يا حبيبي.
جاسر...بص للمرضه طمنيني عليها.
الممرضه....زي الفل هي قويه واحنا متفقين انها هتجمد كده صح ولا ايه.
ابتسمت امينه بتعب وهزت راسها.
الممرضه...هسيبكم لوحدكم انا بره لو أحتاجتوني.
جاسر....تمام اتفضلي.
خرجت الممرضه وفضل جاسر معاها.
مسك ايدها باسها وفضل باصصلها اجمدي يا امينه انا عارف انك قد اي تعب هتقومي وهتبقي كويسه وترجعي احسن من الاول
امينه...بتعب مش باين يا جاسر شكلها كده خلاص.
جاسر...بحزن بلاش الاستسلام ده متقوليش كده عشان خاطري شيلي اي كلام الدكاتره قالوه من دماغك فكري ان ربنا قادر يغير القدر اي وقت بس هيغيره ازاي وانتي مستسلمه كده
امينه....عايزه ارتاح يا جاسر كل جزء فيا تعبان كفايه اوي عليا كده.
جاسر...مش كفايه يا امينه لسه في حجات كتير اوي تخلينا نتمسك بالدنيا لسه مشبعناش من بعض لسه مقدرتش اوفي بوعدي معاكي واسعدك واعوضك.
أمينه...بدموع مين قالك كده السنه اللي قضتها معاك يا جاسر بعمري كله كفايه اني لاول مره احس ان في حاجه بتحصل في حياتي حلوه كفايه اني قدرت احقق أمنيتي فيك 🥺 يمكن يا جاسر سنين عمري كلها مش محسوب منها غير 3 سنين
السنتين اللي قضتهم معاك في الجامعه والسنه اللي عشتها معاك بعد ما لقيتك.
جاسر....مش كفايه 3 سنين يا امينه
امينه.....صدقني يا جاسر بعد كل حاجه مريت بيها ال3 سنين دول عندي عمر بحاله انا لو في حاجه زعلانه عشانها يا جاسر زعلانه اني مش هشوفك تاني🥺💔
جاسر....بحزن هتبقي كويسه صدقيني هتكملي معايا وال3 سنين هيبقوا سنين كتير ونفتكر اللحظه اللي احنا فيها دي.
امينه...بدموع يارب يا جاسر بس انا ليا طلب عندك.
جاسر....طبعا يا حبيبي اطلبي.
امينه....ابقي اعملي عمره يا جاسر ابقي ادعيلي كتير عشان مفيش حد هيدعيلي بعد ما اموت لاني مليش غيرك💔🥺 ابقي زورني كل ما تكون فاضي متسبنيش لوحدي زي ما فضلت طول عمري لوحدي.
نزلت دموع جاسر بوجع حط راسه علي كفها وغمض عينه وباسها.
جاسر....مش هسيبك يا امينه اوعدك🥺
ابتسمت امينه و غمضت عينها وهي ماسكه ايد جاسر. حس جاسر انها نامت مسح دموعها وفضل قاعد معاها شويه فضلت تصحي وتنام تقلق وترجع تغمض تاني بعد كام ساعه ودعها جاسر وسابها وخرج.
جاسر....خلي بالك عليها رقمي معاكي اي وقت يحصل اي حاجه كلميني هكون عندك فورا وسايبلك رقم صاحبي كمان عشان لاسوء الظروف انا مردتش هو هيرد
الممرضه...اطمن متقلقش هي في عيني والله واكيد هكلمك.
جاسر....شكرا ليكي ولتعبك معاها
امينه....تعب ايه بس ده شغلي
جاسر...بحزن هي بتنام كده كتير.
الممرضه....ادعيلها هي محتاجه الدعاء اوي.
هز جاسر راسه بحزن واستأذن من الممرضه ومشي.
...................
عند روكا كانت كل يوم تتعب عن اللي قبله وخست كتير مش قادره تاكل من كتر الترجيع
دخلت جري علي الحمام وفضلت ترجع ليان كانت واقفه خايفه
خلصت روكا خرجت بهدوء مسكتها ليان من ايدها وبكل براءه حطت ايد روكا علي كتفها ومشيت بيها.
نيمتها علي السرير وغطتها
ووقفت جمبها تحسس علي شعرها
ابتسمت روكا بحب علي حنيه ليان.
ليان....متخافيش انا معاكي ياروكا
روكا....حبيبتي يا لولي انا مش خايفه عشان انا معايا اقوي بنوته في الدنيا.
ليان....هو ليه بترجعي كتير كده
روكا...عشان البيبي تاعبني شويه
ليان....طيب هو هيجي امته
روكا....لسه شويه قوليلي بقي هتحبيه يا لولي.
ليان...اوووي انا نفسي يجي بسرعه.
روكا....هتخلي بالك منه وتهتمي بيه.
ليان....انا هكون المامي بتاعته كمان 😍
روكا....بحب ياروحي احلي مامي في الدنيا
دخل عامر في الوقت ده.
عامر....قلقتوني عليكم بتعملوا ايه هنا.
ليان....روكا كانت تعبانه وبترجع كتير
عامر...ايه يا حبيبي فيكي ايه بس.
روكا....متقلقش يا روحي الترجيع بس مسيب جسمي خالص بس متقلقش لولي مش سيباني خالص وسندتني و جابتني السرير
حطت روكا ايدها علي شعر ليان ربنا يخليها ليا وميحرمنيش من الحنيه الحلوه دي ابدا❣️
عامر....بحب طبعا لولي دي جميله هي عارفه اني طول ما انا مش هنا هي بتخلي بالها منك انتي والبيبي صح يا لولي.
ليان....صح😍 صحيح هو هيكون بنت ولا ولد.
روكا....اممم لسه مش عارفين المره الجايه ممكن نعرف بس قوليلي. انتي عايزه ايه.
ليان....انا عايزه بنت❣️
عامر....وانا كمان عشان يبقي عندي أجمل 3 بنات في الدنيا
روكا....بحب طيب لو بنت تحبي اسمها يكون ايه.
ليان...اممم ممكن لانا عشان يبقي اسمها شبه اسمي.
عامر...لانا وليان❣️❣️😍 ايه الاسم الحلو ده
روكا.....لو عامر موافق انا كمان موافقه الاسم حلو اوي😍
عامر....موافق طبعا لولي خلاص اختارت🧐
ضحكت ليان بسعاده وفرحه😍❣️
بعد وقت بسيط خد عامر شاور ونزل هو وروكا وليان عشان يتعشوا في جو أسري جميل ❣️❣️
................
مر اليومين بسرعه سافرت سهام ومني كانوا هيقعدوا 3 اسابيع ويرجعوا.
...............
في اوضه عشق وليل
عشق...هما كده هيوصلوا الصبح
ليل....اه ان شاء الله الصبح نطمن عليهم.
عشق....ان شاء الله يوصلوا بالسلامه
ليل...يارب يا حبيبي.
عشق....مالك يا حبيبي حساك مش مبسوط.
ليل....قلقان علي جاسر حاسس انه مش مظبوط اليومين دول
عشق....انا كمان حسيت كده في تمارا. ممكن يكونوا شادين مع بعض
ليل...مسألتيهاش.
عشق....بصراحه لا تمارا في العادي بتحكيلي من نفسها وبيتهيألي ادام مش حكت تبقي مش عيزاني اعرف وانا مش حابه اضايقها.
ليل....انا سألت جاسر قاللي مفيش هو بيضحك وبيهرج مع نوح وادم في الشركه بس انا حافظ جاسر وبفهمهم كلهم من عينهم
عشق...ان شاء الله خير يا حبيبي ويمكن يكون مفيش زعل ولا حاجه يمكن مضايق عشان طنط مني سافرت.
ليل....الله اعلم يمكن..ربنا يريح بالهم ..
عشق....يارب يا حبيبي❣️
...............
عند نور ونوح
دخلت نور براحه الاوضه لمحت نوح واقف في البلكونه بيشرب سيجاره.
نور....بتعمل اييييييه😂
نوح....يخربييييييت عقلك والله ارميلك نفسي من هنا واوديكي في داهيه.
نور...بضحك بعد الشر 😂ياقلبي بتعمل ايه بقي قولي
نوح...😒😒😒 امشي يابت اطلعي بره بدل ما احدفك من هنا.
نور.....ميبقاش قلبك اسود بقي يعني دي اول مره وبعدين انت هاريني مقالب 😂😂
نوح....طب استلمي بقي يانور والله ما هسيبك
نور....طب ابقي تعالي جمبي 🤔
نوح....متجوز بلطجي🙄🙄
نور....بقي كده طب مخصماك😒
مسكها نوح وهو بيضحكها ولف دراعه علي كتفها خدها في حضنه
وقفوا يتكلموا ويضحكوا في البلكونه في الجو الجميل❣️
..............
عند ادم وزهره
زهره....اه مش قادره خلاص مش عارفه اخد نفسي.
ادم....بضحك من الاكل يا قلبي😂😂
زهره...انت بتتريق عليا😒
ادم...بضحك انا اقدر بردو طب ده انا مبسوط انك بتاكلي عشان متتعبيش في الولاده زي تولين
زهره....انا حاسه ان المرادي الحمل مختلف عدي علي خير الحمد لله تولين اللي تعبتني اوي
ادم....الحمد لله يا حبيبي وبعدين هما البنات كده متعبين لكن الولاد غلابه.
زهره....الله الله من اولها هتاخد صف الباشا اللي هيشرف ده وتنسي تولين🤨
ادم....دي روح قلبي انا اقدر بردوا
زهره...ايوه كده وبعدين انتوا مش غلابه ولا حاجه انتوا مفجوعين مش عارفه ابطل اكل من ابنك
ادم....احسن خليه يطلع جامد زي ابوه🤨
زهره.....نفسي الايام الجايه دي تعدي علي خير و اولد بقي خلاص تعبت
ادم....خلاص يا حبيبي هانت هتولدي و ترتاحي و تقومي بالسلامه انتي وهو.❣️😍
زهره...يارب يا ادم❣️
................
في صباح يوم جديد في شركه ليل كان جاسر بيحاول يبان طبيعي جدا وطول الوقت كان بيضحك مع نوح وبيرخموا علي ليل ..وسأله ليل وهو جاسر معاه في المكتب لوحدهم ماله قاله مفيش كان حاسس بزهق وكان شادد مع تمارا وقلقان والدته يكون التعب رجعلها تاني
حاول ليل يخفف عنه وحاول يقتنع بكلام جاسر..
اتغدوا مع بعض في الشركه وطبعا زهره مكانتش معاهم عشان حملها.
بعد الغدا رجعوا من تاني علي مكاتبهم.
تمارا....جاسر تشرب قهوه انا هطلب نسكافيه.
جاسر...يااااريت يا حبيبي بعد الاكل ده.
تمارا....اوك يا حبيبي
جاسر...انا داخل اشوف الشغل لحد ما القهوه تيجي بقي وصحيح ابقي هاتي جدول المواعيد تاني ابص عليه كده باصه.
تمارا...استني امسك اهي الورقه
جاسر....جاهزه علي طول😘
تمارا...وحش الحته مبتضيعش وقت🤨
جاسر...بأبتسامه حب بموت فيكي وانتي واثقه😉😘
تمارا...😘😘😘😘
.............
دخل جاسر المكتب وفضل يشتغل شويه علي اللاب توب.
وفجأه موبايله رن بص عليه واول ما شاف رقم الممرضه حس بالخوف..
رد جاسر بترقب
جاسر...الوووو.
الممرضه...الحقني يا جاسر باشا مدام امينه تعبانه اوي و عايزه حضرتك ضروري.
جاسر....ايه فيها ايه.
الممرضه...تعبانه اوي
جاسر...طب اتصلي بالدكتور فورا انا جاي حالا
الممرضه...انا كلمته وهو جاي في الطريق متتأخرش بالله عليك.
جاسر....جاي حالا سلام.
قفل جاسر معاها وخرج بسرعه وهو باين عليه القلق.
تمارا....ايه ياحبيبي رايح فين
جاسر...احممم تمارا انا عندي مشوار مهم لازم اروحه الوقت حالا عامر كلمني وعايزني وشكله في حاجه في شغله
تمارا....خير ان شاء الله ماشي يا حبيبي روح بس خلي بالك من نفسك.
جاسر...حاضر يا تمارا لو اتأخرت معلش روحي مع اي حد من الشباب.
تمارا...بابتسامه هاديه متحملش همي يا حبيبي.
باس جاسر راسها وراح ناحيه الباب.
تمارا...جاسر.
بصلها جاسر بتوتر ايوه يا حبيبي.
تمارا....سوق براحه ماشي.
هز جاسر راسه و ابتسملها ومشي بسرعه..
فضلت تمارا باصه علي الباب بوجع💔
..........
جاسر كان سايق بأقصي سرعه كان بيحاول يعدي من بين العربيات الطريق والمرور زحمه جدا ما بيصدق يخرج من إشاره ويجري بسرعه كان قلبه حاسس ان النهايه بتقرب 💔
وصل جاسر بعد عذاب للبيت اللي فيه أمينه نزل من عربيته بسرعه ركب الاسانسير وجري علي فوق
طلع المفتاح عشان يفتح مكانش عارف يركز فضل يخبط علي الباب بقوه
ثواني وفتحتله الممرضه وهي دموعها نازله.
وقف جاسر باصصلها ثواني 🥺
دخل جري علي الاوضه كان الدكتور بيلم الحاجه بتاعته في شنطته..وقف جاسر مره واحده عالباب وهو شايف الدكتور بيسحب الغطاء علي وشها🥺🥺
الدكتور....بحزن البقاء لله شد حيلك
جاسر....أمينه🥺 امينه انا جيت قومي يا امينه انا هنا.
الممرضه بدموع...سألت عليك كتير كانت عيزاك تكون جمبها ولما حست ان خلاص طلبت مني اصورها فديو عشان تودعك فيه
قربت منه الفديو.
مسكه جاسر بايده وهي دموعه نازله.
امينه....بتعب واضح في الكلام جدا كان نفسي تكون اخر حاجه اقفل عيني عليها يا حبيبي هتوحشني اوي ادعيلي كتير ومتسبنيش غير لما توصلني بايدك
لاول مره احس اني مش خايفه اموت لوحدي عشان عارفه حتي لو انت مش موجود مش هتتخلي عني انا مديونالك بعمري كله عمري ما هنسي اي لحظه حلوه عشتها معاك انت فرحت قلبي في عز ما كل الدنيا كانت عليا بحبك يا جاسر وهفضل احبك أشوفك علي خير يا انضف حد شوفته في حياتي..
جريت دموع جاسر علي وشه💔🥺
الممرضه....ربنا يصبرك ويرحمها كانت جميله بجد 💔
الدكتور....انا هسيب معاك الممرضه يا استاذ جاسر وهخلصلك التصاريح وكل حاجه بس قولي محتاج حد يجهزها ولا عندك.
جاسر....بتوهان اعمل كل اللازم انا لوحدي🥺💔
الدكتور...بتفهم طبطب علي كتفه شد حيلك هبعتلك المغسله فورا وهخلص التصريح وهجيبهولك بنفسي
جاسر....شكرا.💔 بص للممرضه ممكن تسيبيني معاها لوحدي.
الممرضه....انا بره لو احتجتني نادي عليا.
خرجت وقفلت وراها.
.....
قرب منها جاسر سحب الغطاء من علي وشها وقرب راسه من كتفها وفضل يعيط كتير
جاسر.....أستعجلتي يا امينه ولا انا اللي اتأخرت عليكي انا اسف يا حبيبتي حقك عليا🥺
هتوحشيني يا امينه اتمني اكون قدرت اسعدك بجد اتمني اكون قدرت اعوضك كان نفسي اعمل حجات كتير اوي عشانك بس مكانش في اي حاجه في ايدي
ارتاحي يا امينه ارتاحي يا حبيبتي أشوفك علي خير 🥺💔
فضل جاسر دموعه نازله و فضل جمبها يقرأ قرآن جات المغسله وفضلت معاها الممرضه
خرج جاسر بره وهو ناسي المدفن خالص مش عارف يعمل ايه لقي نفسه بيتصل بعامر.
عامر....ايه يا صاحبي واحشني.
جاسر....بصوت واضح عليه الدموع محتاجلك يا عامر.💔
عامر...😳😳في ايه ياجاسر حصل حاجه بينك وبين تمارا.
جاسر....امينه ماتت يا عامر💔
عامر...لا اله الا الله انت عندها ولا في المستشفي ولا فين.
جاسر...انا في الشقه هي بتتغسل جوه في الاوضه عامر انا مش عارف افكر مش عارف اعمل اي حاجه لوحدي محتاجك معايا محتاج ادفن امينه يا عامر.
عامر....بحزن خليك جمبها انا هنكون عندك علي طول ومتشلش هم اي حاجه.
قفل معاه عامر وخد معاه اتنين من الموظفين اللي شغالين معاه وخرج بسرعه من الشركه واتصل علي الحارس بتاع المدافن الخاصه بيه هو و عيلته وطلب منه يفتحها ويجهزها.
وراح بسرعه علي شقه جاسر اللي فيها امينه
اول ما شافه جاسر بيدخل من الباب.
جاسر...امينه ماتت يا عامر💔
قرب منه عامر حضنه وفضل يطبطب علي ضهره من غير ولا اي كلمه عيط جاسر في حضنه
عامر....شششش اهدي يا جاسر اهدي يا صاحبي لازم تمسك نفسك اللي جاي صعب عليك يا صاحبي لازم تكون اقوي من كده
خرج جاسر من حضن عامر مسح دموعه وهز راسه لعامر.
عامر...لسه جوه.
جاسر...ايوه.
عامر...طيب فين العربيه اللي هتنقلها.
جاسر....الدكتور بعت عربيه من المستشفي توصلها اكيد تحت
عامر...علي خير ولنا كلمت الحارس بتاع المدافن بتاعتي زمانه جهزها كل حاجه هتخلص بسرعه متقلقش.
جاسر...بوجع مش عارف اقولك ايه يا عامر .
عامر...ولا اي حاجه مش وقت اي كلام يا صاحبي المهم اني معاك.
طبطب جاسر علي كتف جاسر وفضلوا مستنين.
وقت بسيط وخلصوا كل حاجه والدكتور بعت التصريح نقلوا امينه للتابوت ونزلوا بيها جاسر وعامر والموظفين اصحاب عامر في الشركه.
وصلوا لاقرب مسجد صلوا عليها العشاء ورجعوها تاني العربيه بتاعت المستشفي وفضلوا وراها عامر كان سايب العربيه لاصحابه وسايق هو عربيه جاسر
وجاسر قاعد جمبه ساكت تماما.
بعد وقت مش طويل اوي وصلوا المدافن كل حاجه كانت بتخلص بسرعه كبيره جدا اتدفنت أمينه وخلصت حكايتها في الدنيا بسرعه.
ناس كتير بتيجي الدنيا طول ما هي عايشه بتتظلم حتي لو هما مش وحشين لكن الدنيا بتطحن فيهم من غير اي رحمه بيعيشوا لوحدهم وحتي لما بيموتوا بيكونوا لوحدهم شعور مخيف ومقبض انك تحس انك لوحدك في الدنيا بتفضل طول الوقت حامل هم مين هيوصلك لاخرتك💔🥺
فضل جاسر هو وعامر واصحابه قاعدين شويه عامر مكانش قادر يسيبه ولا عارف يعمل اي حاجه لاول مره يحس ان مفيش كلام يعبر عن الموقف اللي هو فيه.
عامر...يلا يا جاسر قوم عشان متتأخرش وعشان محدش يقلق
جاسر...بحزن حاضر ياعامر شكر صحاب عامر علي وقفتهم معاه
وهرجوا من المدافن في الطريق.
جاسر....عامر معلش يا صاحبي انا عايز الف شويه روح انت يلا عربيتك وسبنس شويه.
عامر....طيب يا جاسر بس ارجوك متتأخرش
جاسر...انا محتاج افوق شويه عشان اعرف ارجع البيت من غير ما تمارا تحس.
عامر....عارف ان مش وقت الكلام ده بس فوق يا صاحبي لبيتك ومراتك وبنتك اللي حصل ده كله من البدايه كان غلط
انا مكنتش اقدر اغلطك او اقف قدامك ياريت كنت عرفت قبل ما تتجوزها اكيد كنت همنعك بس اللي حصل حصل والحمد لله
عدت علي خير وتمارا معرفتش اي حاجه عشان متتجرحش بس كمان فوق لنفسك وانسي يا صاحبي تمارا ملهاش ذنب في اي حاجه اعتبر كل حاجه ماتت مع موت امينه .
جاسر...بوجع حاضر يا عامر.
حضنه عامر ونزل ركب مع صحابه ومشي وجاسر مشي.
..................
فضل جاسر يلف كتير كان غريب بالنسباله ان مفيش حد كلمه ولا حتي تمارا لكن كان مرتاح.
حاول يهدي كتير لكن كان جواه وجع كبير اوي وجع علي امينه اللي اتظلمت في حياتها ووجع علي تمارا اللي متأكد انه ظلمها.
وصل قدام الڤيلا ركن ودخل بخطوات مُهمله الڤيلا كان الجو هادي خصوصا ان والدته مسافره طلع فوق فتح باب الاوضه كان شكله مبهدل وشعره مش متظبط وملامحه حزينه تمارا كانت قاعده علي حرف السرير وساكته.
اول ما شافته ابتسمت.
تمارا....حمد الله على السلامه يا حبيبي اتأخرت ليه.❣️
دخل جاسر من غير اي كلمه قعد جمبها وحط راسه علي كتفها
مدت تمارا ايدها حطتها علي خده وحست بدموعه غمضت عينها بوجع💔🥺🥺 وفضلت ساكته.
مستنياه يقول اي حاجه💔
جاسر.... بحبك يا تمارا وعمري ما تخيلت اني احبك اوي كده عمري ما تخيلت حياتي من غيرك عمري ما تخيلت اني ممكن اتغير علي ايدك من يوم ما اتجوزنا وعمري ما خبيت عليكي اي حاجه ولاعمري كدبت مكانش في حاجه تخليني اكدب عليكي.
بس انا كدبت عليكي يا تمارا
رفع جاسر راسه وقام قعد علي ركبته قدام رجلها ومسك ايدها
كانت بصاله بهدوء وابتسامه رغم تجمع الدموع في عينها.
جاسر...وصدقيني مش جاي اقولك اني كدبت بعد ما كل حاجه خلصت عشان تسامحيني🥺
انا المفروض مكنتش هقولك اصلا بس مش قادر يا تمارا جوايا وجع كبير اوي وجع ذنب وغلطه وكدبه بس والله يا تمارا مقصدتش.. امينه يا تمارا اللي حكيتلك عنها مكانتش بالنسبالي مجرد صديقه زي ما حكيتلك امينه كانت اول حب ليا بس والله كان حب جوايا معترفتلهاش بيه لانها اختفت..لما شوفتها فرحت بس والله ما كان في جوايا حاجه
لحد ما عرفت حكايتها.
فضل جاسر يحكي يحكي يحكي وامينه بتسمعه بثبات وقوه وهي ايدها في ايده لكن رغم أبتسامتها دموعها كانت بتجري علي خدها من اعترافه ليها انه كان بيحبها وانه ساعدها بدافع الحب كانت بتسمع اللي حاصل لامينه وهي موجوعه عليها لكن كانت موجوعه اكتر من اللي حاصل.
جاسر.....امينه ماتت يا تمارا انهارده مكانش معاها حد عاشت لوحدها وماتت بردو لوحدها صدقيني يا تمارا حبي ليها ملهوش علاقه بحبي ليها حبي ليها كان شعور قديم حب صداقه حب اشتياق ولهفه اني اعرف كان فيها ايه حب انساني لحالاتها المرضيه واحده عارفه انها هلاص بتموت حب شفقه عن العذاب اللي شافته لكن مش حب زي حبي ليكي .
صدقيني يا تمارا يمكن اللي بقوله ده كله مش مبررات مقنعه.
بصلها شويه بوجع ونزلت منه دمعه سريعه.
جاسر....من يوم ما اتجوزتها ملمستهاش🥺 لاني مقدرتش
عمري ما قربت منها زي اي زوج وزوجه كان جوايا شعور غريب تاني مش عارف افسره بس كان جوايا رفض من علافتي بيها كا زوجه كان عندي شعور تجاهها بيميل اكتر للابوه للصديق للاخر اللي ميتفعش يسيب اخته كنت بحسها بنتي وملهاش غير كنت حاسس بالمسؤوليه تجاها مش اكتر مكانش ينفع اروح واجي عليها من غير جواز مكانش ينفع اعرف ان هي كمان كانت بتحبني ومحاولش اسعدها بأي طريقه في اخر ايامها لكن كمان والله ما قدرت المسها.. عشان مقدرش المس غيرك يا تمارا..
انا قلبي واجعني عشانها لانها مكانتش تستاهل كده قلبي واجعني عشانك لاني عارف اني غلطت بس خوفت اشاركك في اللي في دماغي ترفضي وهي مكانش ليها حد قلبي واجعني لان الموقف اللي اتحطيت فيه كان موقف صعب...سامحيني لو تقدري ياتمارا انا مقدرتش اخليها سر في حياتي واندفن مع موتها لما شوفتك حسيت اني محتاج اقولك علي سر كاتم علي قلبي بس انا قلبي تعبان اوي🥺💔
نزلت دموع تمارا بوجع ومحستش بنفسها غير وهي بتضم راسه لصدرها بوجع💔🥺
فضل جاسر يعيط ويحضنها اوي ويطلب انها تسامحه كانت اول مره تشوفه بالحاله دي رفعت وشه بايدها ومسحت دموعه وقامت مسكت ايده وخدته علي السرير كان ماشي معاها وهو مسلم امره ليها نيمته علي السرير وقلعته الجزمه وغطته وفضلت تمشي أيدها علي شعره لحد ما غمض عينه بتعب وراح في النوم.
........
فضلت تمارا جمبه وهي دموعها نازله و شارده سمعت الموبايل بتاعه بيرن مسكته بسرعه عشان ميصحاش لقته عامر.
ردت وكان باين علي صوتها انها مش تمام
عامر....ايوه جاسر روحت طمني عليكي يا حبيبي.
تمارا....انا تمارا يا عامر.
سكت عامر شويه مش عارف يقول ايه بس حس انه اتصدم.
عامر....ازيك يا تمارا اصل انا يعني كنت بكلم جاسر عادي فا
تمارا... اطمن يا عامر هو نايم
عامر...نايم الوقت.
تمارا....تعبان شويه.
عامر....تعبان ازاي طيب اجيله اجيبله دكتور طيب محتجاني في حاجه
سكتت تمارا وهي مخنوقه بالعياط مش عارفه تتكلم
عامر....تمارا ردي انتي فين.
تمارا....بدموع معاك يا عامر .
حس بالصدمه اول ما سمع دموعها وعرف ان في مصيبه
عامر....طيب تمارا انا هجيله ينفع.
تمارا....اكيد يا عامر اتفضل طبعا.
عامر...مش هتأخر سلام.
تمارا...سلام.
كل ده عامر مكانش روح رجع الشركه تاني وعرف روكا انه هيتأخر كان قلقان علي جاسر وحاسس ان اليوم ده مش هيعدي علي خير خصوصا منظر جاسر كان واضح جدا.
وصل عامر عند جاسر تمارا أستقبلته ودخل قعد كان شكلها باين اوي ان في حاجه.
عامر...ايه جاسر ماله خير كان كويس لما كلمته الصبح.
ابتسمت تمارا بوجع جاسر حكالي كل حاجه يا عامر يعني تقدر تتكلم براحتك من غير ما تداري عليا.
بصلها عامر باحراج وسكت.
تمارا...اوعي تفكر اني زعلانه منك خالص والله اصل انت كنت في موقف لا تحسد عليه.
عامر....صدقيني لو كان قاللي قبل اي خطوه مكنتش هخليه يعمل كده. بس لازم تعرفي يا تمارا ان جاسر معملش كده بدافع رغبه جواه.
تمارا....متقلقش يا عامر هو شرحلي كل حاجه وانا صدقته
عامر.....طيب سامحتيه ؟ ولا ناويه علي ايه تمارا جاسر بيحبك وانتي عارفه كويس.
ابتسمت تمارا ومسحت دموعها وبصت لعامر. في الوقت اللي كان خرج جاسر من اوضته يدور عليها.
تمارا....جاسر أستأمنك علي سره يا عامر ...وانا حابه اعمل زي ما هو عمل وأستأمنك علي سر.
بصلها عامر بأستفهام .
تمارا....انا بتسألني ناويه علي ايه🥺 ونفس السؤال ده انا بسأله لنفسي منه سنه فاتت💔 ولحد الوقت مش لاقيه رد.
عامر...😳 انتي كنتي عارفه؟
تمارا....عرفت في اخر رمضان يعني بعد جوازه بحوالي اسبوعين
جاسر بيبان عليه الحزن اوي ومهما يضحك او يحسسك انه كويس جدا مش بيعرف ووقتها كنت بحس انه تايهه مش تايهه مني لكن ديما سرحان و دماغه مشغوله وقتها مشكتش فيه لان لو هو مبسوط مع حد غير مكانش هيبان عليه الحزن ده فا محستش ان الموضوع فيه ست..لحد ما شوفت ورق في شنطته كنت برتبها عادي اتفاجئت بفايل كبير لما فتحته لقيت في قسيمه جواز بتاعته هو وامينه 🥺 والورق الباقي كان ورق مفهمتهوش كله تحاليل و اشعات علي الدماغ والاسم يخص امينه قررت اخد صور من التحاليل والاشعات دي وأحاول أسأل اي دكتور
وبعدها عرفت ان امينه عندها كانسؤ في المخ في مرحله اخيره وقتها سألت نفسي هو اتجوزها ليه عشان كانت غايبه ورجعت وكان في بينهم حاجه ولا اتجوزها عشان هي محتاجه حد يرعاها💔
صدقني ياعامر انا وقتها دماغي وقفت عن التفكير كل تصرفات جاسر معايا طول الفتره اللي فاتت تخليك تقول انه زوج مفيش زيه مكانش بيسبنا خروج وسهر وكلام ضحك كان بيعوضني بكل الطرق عمره ما بات بره مكانش بيسبنا كتير ويقول انه هيخرج لوحده عشان اشك اكتر كنت حاسه ان في حاجه غريبه بس مكنتش قادره أسأله كنت حابه الكدبه اصل الكدبه لو اتعرفت وقتها بيبقي واقفه وانا وقتها وقفتي كانت هتبقي صعبه مكنتش هكمل وصدقني كنت هقدر اكمل لوحدي يمكن لو ده حصل اول ما عرفت جاسر كنت اتكسرت لاني كان عندي قله ثقه في نفسي من كل حاجه مريت بيها كنت ببان قويه بس من جوايا انضعف من الورقه بس لما عرفت اللي حصل الموضوع بالنسبالي مهزش ثقتي في نفسي لان جاسر عمره ما حسسني غير بأني ملكه
لحد من فتره مش كبيره اوي كان كل فتره الاقي في شنطته ورق جديد وتحاليل جديده ولنا اخد نسخه اعرف ان حالتها بتدهور وبدأ جاسر يختفي يقول رايح مشوار كنت ببقي عارفه انها تعبانه
لدرجه ان في اوقات كنت بقوله قوم اخرج اتمشي شويه و اطلب منه يجيب حجات محتجاها عشان يكون في سبب يخرج عشانه ويروحلها.💔🥺🥺
دموعها نزلت بقوه.
صدقني انا لا مثاليه ولا انا ملاك ولا حتي عارفه انا عملت كده ازاي مش هقولك اني مكنتش بغير بالعكس انا كنت بموت لكن هتصدقني لو قولتلك انها كانت وجعاني اوي كنت حاسه انها فيها مننا خصوصا ان بعد فتره لما جاسر شافها حكالي عنها ورجع قالي في مره انه كلمها يطمن عليها وانها حكيتله جزء من حكايتها واللي حصلها كنت عارفه انها لوحدها كانت بتصعب عليا وارجع اقول لنفسي دي واحده مريضه محتاجه مساعده هغير منها ازاي دي واحده فاضلها ايام تتعد لما جاسر خرج انهارده الايفون اللي معاه متوصل بالساعه بتاعته هو كان قالعها وقت البريك ونسيها فضلت اضحك عليه انا ونور ولبستها من غير ما يحس عشان يدور عليها لدرجه اني نسيتها بس لما رن موبايلها بالممرضه لمحت الاسم وبعدها خرج بسرعه وقالي انه رايحلك بس ملامحه كانت كلها خوف طمنته وقولتله تمام لدرجه اني داريت عليه كمان لما ليل سأل عليه واحنا ماشيين قولت انه لسه ماشي هيسبقني يجيب حجات انا محتجاها وروحت استنيته كنت عارفه انه هيرجع مش مظبوط وكنت عارفه انه مش هيقولي
وعرفت من ملامحه انها فعلا ماتت بس اتفاجئت انه حكالي كل حاجه كان مخي واقف مش عارفه ارد...ولا لحد الوقت عارفه ارد علي سؤالك ناويه علي ايه.
لاني بأختصار معنديش بديل انا ممكن امشي واسيبه وهقدر اعيش لوحدي انا وبنتي وهقدر اشتغل ومعايا فلوس وبقيت حد تاني غير تمارا البنت اللي اتربت في ملجأ وبقي عندي شخصيه قويه لدرجه اني بقيت اقف قدام العالم كله وافتخر واقول ايوه انا خارجه من دار ايتام ايوه انا معنديش اهل واهلي رموني...مبقتش اتهز لكن اللي مش هقدر عليه بجد يا عامر اني اسيب جاسر مقدرش اضيع حبي وحياتي و حيات بنتي عشان غلطه مقدرش انسي كل الحلو اللي عشته معاه و شوفته علي ايده عشان غلطه انا مش هسيب جاسر يا عامر واللي حصل هيفضل سر بينا احنا التلاته وهعتبره محصلش.
ابتسم عامر بفرحه ووجع لتمارا
ونزلت دموع جاسر بقهر ووجع وكأنه عيل صغير لا قادر ينزل يواجهه ولا قادر يبصلها حتي لكن اللي كان واثق منه هو حبه لتمارا واعترافه بقوتها كاست قدرت تتحمل كدبه جوزها سنه كامله.
عامر...بأبتسامه انا معنديش اي كلمه ليكي غير انك ست قويه وبجد يابخت جاسر بيكي و من وجهه نظري يا تمارا لو في حد فيكم عوض للتاني فا اكيد انتي اللي عوض لجاسر مش جاسر اللب عوض ليكي اللي حصل هيفضل سر بينا ليوم الدين ومن اول ما اخرج من الباب ده اعتبريني نسيت والموضوع بقي بينك انتي وجاسر واتمني ان الموضوع يموت و ميبقاش بينكم انتوا كمان قام عامر وقف سلم عليها وسابها ومشي.
مسحت تمارا دموعها وبصت لفوق ودعت لربنا حاولت تبتسم وتهدي وطلعت تطمن عليه🥺💔
.......................
الحياه بتتغير من حال لحال بين كل ثانيه و التانيه محدش فينا حياته ثابته العلاقات ديما
تتبعها عاصفه بينتج عنها انهيار او بينتج عنها تخبط بسيط و بترجع مع الوقت تثبت لكن في كل الاحوال حتي عاصفه العلاقات تهدأ مع الوقت.
ولكن البقاء دائماً للمتمسكين🤝
.............
بعد مرور سنه كامله
روكا وعامر ربنا رزقهم بأجمل بنوته وسموها لانا زي ما ليان أختارت❣️
زهره وادم كمان ربنا رزقهم بأخ لتولين❣️
واخيرا بعد أشتياق ودرس مهم لحكمه ربنا حملت سيلا اخيرا
وفي انتظار طفلهم الاول.
اخبار سعيده وتغييرات كتير في حياتهم للأجمل و قرار مهم من الجميع بأجازه طويله ورحله سفر ❣️❣️❣️🥰
ققروا الشباب انهم يطلعوا رحله يفصلوا فيها عن كل حاجه
قبل السفر بيوم خرج عامر وجاسر وبدر وليل ودياب مع بعض عشان يشتروا ادوات تنفعهم للتخييم في السفر
وعما ماشين ورا بعض واحد خبط عربيه جاسر من ورا خبطه جامده نزل جاسر اتخانق وبهدل الدنيا وهما يحوشوا فيه وهو ابدا مشوا الراجل وهدوا جاسر وكانوا فاصلين من الضحك عليه.
عامر....مبتعرفش تسوق بتسوق ليه😒😒
جاسر...انا ولا الحمار اللي خبطني😡😡 بقولك ايه غور من وشي يا عامر عشان مزعلكش😡
عامر...والله ولا تعرف تعمل اي حاجه انت بوء😎
جاسر....يا جدعان مشوه من قدامي. انا مش طايق نفسي مش كفايه العربيه اللي باظت قبل السفر هسافر بيها ازاي دي😡
عامر....خلاص يا عم اهدي انا هرجعهالك عروسه
جاسر...عروسه ايه ده الجنب عايز يترد في التوكيل وفيها اسبوع
عامر...توكيل ايه وهباب ايه واسبوع ايه بقولك ايه هي ساعه زمن وهترجع عروسه
جاسر...ايه هتشتغل ساحر😒
بدر...بضحك هو شحات وبيتأمر ما تمشي وراه وخلاص
عامر...قوله والنبي والله اسيبك كده
ليل....بضحك 😂😂😂والله احنا نسافر من غيره
دياب...ياجدع انت وهو اتهدوا بقي خلونا نخلص البنات في البيت مستنين وبيجهزوا الدنيا عشان السفر خلينا نلحق نصلحله المرحومه دي😂😂
جاسر....حتي انت يا باشا الحكومه بتتريق عليا يا مصصصصر.
بدر...بضحك الواد اتجنن😂
عامر...يلا اركبوا تعالوا ورايا
ركبوا كلهم ومشيوا ورا عامر وطول الطريق ميتين من الضحك علي جاسر اللي مش طايق نفسه وعلي شكل عربيته
لحد ما وصل عامر ونزل.
جاسر...انت جايبني فين 😡
ليل....منك لله ياجاسر عالزحمه اللي احنا فيها دي.
بدر...انت بتيجي الاماكن دي ازاي من ورايا😂😂
عامر...تعالوا بس ورايا مشي عامر خطوه وووقف وهو مبتسم
عامر..مساء الفل علي اشطر مهندس ميكانيكا فيكي يا سيده زينب. اعرفكم زين الرجال ابن حاره السعاده.
زين...بضحك حبيبي عامر باشا سلم عليه عامر بحب .
عامر....دول اصحابي يا زين وجايبلك واحد فيهم مخصوص عشان عنده سفريه الصبح وخد خبطه كبيره اوي
زين....مسافه ما تشربوا قهوتكم كل حاجه هتبقي تمام
عامر...ده زين اجدع واحد اتعرفت عليه في الشغلانه دي اعرفه من 3 سنين وكانت صدفه بس مشوفتش في جدعنته
زين....حبيبي ياباشا
دياب....بالله عليك وحيات جدعنتك اعمل للراجل ده حاجه قلبه هيقف
ليل....بضحك او متعملهاش عادي مش لازم يسافر
جاسر...😒😒😒😒بقولك ايه انا واقع في عرضك التحفيل هيبقي للصبح
زين....عيب انت جيت عند زين الرجال زي ما عامر باشا قالك مش هتخرج من حاره السعاده غير وهي عروسه😉
ونادي بعلو صوته صااااااالح يا لااااحه قهوه هنا للبشوات.
صالح....عنيا لضيوف حاره السعاده🥰
.........
بعد وقت بسيط سلموا علي زين وخرج جاسر وهو مش مصدق انه قدر يرجعها زي ما كانت بالسرعه دي وعدي الوقت بسرعه جدااااااا
وصلوا اخيرا لمنطقه هاديه كلها شاليهات جمب بعض خاصه بليل
حطوا شنطهم وخرجوا من تاني كلهم وقفوا علي البحر وهما بيضحكوا وبيجروا ورا بعض
واخيرا وقفوا يشوفوا منظر البحر وقت الغروب ايدهم في ايد بعض
مكملين و ماسكين في بعض بكل طاقتهم❣️
دائما ما يميز العاصفه التي تضرب العلاقات هو الرابط القوي الذي يتبعها❣️
ودائماً أجمل لقاء هو اللقاء المنتظر❣️
تمت بحمد الله
