رواية كبرياء شيخ الفصل الخامس والثلاثون بقلم زينب
احمد:ما ردت اسمعها شتكول اعرف شيدور بعقلها قبل لا تجاوب خليت ايدي على حلكها وكتلها
اششششش لا تحجين شي
كمره:لازم تسمعني انت الي سألت
كمره:لازم تسمعني انت الي سألت
احمد: اعتبريني ما سألت شي
كمره: بس انت شيخ اذا كلت كلمه لازم ما ترجع بيها
عيبه بحقك
احمد: انه كدامج لا شيخ ولا دكتور احمد وبس
وهسه يله امشينا ومن نرجع نتفاهم على موضوع اهلج
كمره: طلعنا من الغرفه ونزلنا لاكتنا امه والحجيه وكالت الشيخه
الشيخه: هااا يمه طالعين
احمد: اي يمه رايحين للمضمد كمره انجرح اصبعها ويرادله خياط
الشيخه: عزااا كون تأذيني
كمره: لا شيخه جرح بسيط بس الشيخ كبرها
كتله ما يحتاج بس شسويله
احمد: شلون ما يحتاج والنزف النزفتي هذا مال جرح بسيط
الحجيه: بيبي شولاج يوميه الج طيحه حتى دمج راح يصفى
الشيخه: هاي من شوكت وبيمن انجرحتي
كمره: هااااا
قبل يومين انكسر كلاص وجاي المه وما حسيت الا انجرحت
الحجيه: يله بيبي اخذها وروح بس اخاف تفرفح روحها من الوجع
احمد: بيبي لا تحجين كدامها هيج انه كوه قنعتها
كمره: طلعنا من البيت رحنا للسياره اجى هو قبلي فتح الي باب السياره فتحت عيوني مستغربه
احمد:مو عبالج فتحته لسواد عيونج بس لأن ايدج ما تكدرين تفتحي
وهاي عيونج لا توسعيهن مو عايزات هنه
كمره:حجيت بهمس خبيث
احمد: سمعتج ترى بس محضوره وراج ضيم
كمره: ذانات لو رادار عندك
احمد:هههههه
سكتي لا تخليني اكل للمضمد يخيط لسانج بدال اصبعج
كمره: تسويها كلبك اسود
احمد: اشششش بابا سكتي ٲℓانــتيہ مبرمجه
كمره: سكتت
وصلنا للمضمد نزلت بس انه صارت عندي خوفه ظليت واكفه اجى احمد كضني من ايدي ومشاني وكلي
احمد: لا تخافين انه يمج
كمره: وصلنا للباب دكه احمد طلع الرجال يمه شكله يخوف اسمر طوخ ومدندح كصير ابد وجه مو رحماني حاجاه احمد كال تفضلوا دخلنا للمكان مثل الغرفه الصغيره تشبه العياده شفته راح لبس جفوف كضيت ايد احمد وكتله
شكلتلك روحك من جبتني هنا هسه هذا • واللّــُهةِ ما مبين علي مضمد
احمد: سكتي لا يسمعج الرجال بعدين هذا الما عاجبج عنده خبره سنين
كمره: انت لو دكتور مخرف تاخذني اله لو هذا المضمد الي يخوف
هذا بدال ما يخيط إصبعي اخاف يكصه
احمد: ٲٳٲسـ๛ۖــۖـتغفـر اللهہ
بس سكتي شويه ولا تتوترين هسه يخليلج مخدر ما تحسين بشي
كمره: اووووف منك شلون طاوعتك واجيت
المضمد: يله بنيتي لا تخافين كله ساعه ويخلص كلشي
وانت ابني تعال ساعدني وكضه مبينه عليها خايفه احتمال هواي تتحرك
وتتإذى
احمد: انه الما اكضه الك هسه اشبكه الك تشبك اخليها ما تعرف تتنفس
درت عليها يله تعاي راح اخليج بحضني وجهج خلي بصدري بس انطيني ايدج ومعليج بالباقي
كعدت على السديه وخليتها بحضني من الخوف استسلمت كضيت ايدها للمضمد وهي بسرعه دارت وجها خلته بصدري
بدى المضمد يفتح الشاش ويوخر الكطن منها
المضمد: ابني هذا ملتهب داخله ماي
كمره: سمعته كال ملتهب بجيت رفعت راسي وكتله
احمد حباب خل نرجع وشتريد اسوي الك والله بعد ما اعاندك بس خل نرجع
احمد: ولج شنرجع جاي يكلج ملتهب لوظالين بعد جان كصوه
بالله ٲℓانــتيہ هم عندج عقل غصبن عليج تتحملين اذا تردين اصبعج يظل
درت علي وكتله اشتغل انت
كمره: زدت بالبجي ودفنت راسي بصدره وهو ابد ما خلاني اتحرك بدى المضمد يشتغل بأصبعي ما اعرف شيسوي بي بس الوجع موت احمر هاي عود خلى مخدر ظليت ارافس بحضن احمد من الوجع توسلت بي شويه يوكف حتى اخذ نفس احس الهوا انكطع عني
وهو ابد جان الحايط يسمع هو سمع ظليت على هذا الوضع نص ساعه اخر شي بعد ما كدرت اسيطر على روحي حسيت الدنيا دارت بيه وغوشن عيوني وصارت ظلام
احمد: هو يشتغل بيها وانه عبالك يحفر بكلبي شفتها شـلون الطيره المذبوحه صارت بين ايديه ما اهتميت لبجيها ولا لتوسلاتها اهم شي هي ما يصيرلها شي اخر شي كمل المضمد اباعلها سنحت وداخت وانه هنا تخبلت ظليت اضرب على خدودها اريدها تكعد
كمره كمره احجي فتحي عيونج جاوبيني
درت علي وكتله شسويتلها بصياح
المضمد: اهدأ ابني ما بيها شي صار عدها هبوط ما تحملت الوجع
احمد: والله لو صاير الها شي اهجم الدنيا على راسك
درت عليها وكتله يــله حبيبي فتحي عيونج
اباعلها وجها صار اصفر وشفايفها انكلبن بيض
كله مني انه شسويت ادري بيها مو مال تتحمل هيج وضع
درت علي وكتله جيبنا ماي صخام اركض بسرعه
شويه واجى جاب ماي اخذته منه وغسلت وجه وحاولت اشربها شوي
حسيت بيها بدت تفتح عيونها انه هنا شويه ردت الروح بجسمي
حضنتها حيل مثل الما مصدك عبالي راحت مني
سمعته كالت بتعب
كمره: احمد
احمد: روحه لأحمد
كمره: إصبعي
احمد: شبي
كمره: بعده موجود
احمد: ههههه
اي موجود لا تخافين
ظلينا شويه كاعدين شفتها صارت احسن حاسبت المضمد وانطاني الها كبسول لازم تشربه ًحتٍٍٍـــى الالتهاب يروح ويبس الجرح كتلها يله نرجع
تكدرين تمشين لو اشيلج
كمره:لا امشي
جاي اكوم رجعت دخت هو كضني وشالني كال
احمد: ٲℓانــتيہ مو مال واحد يسألج
شلتها وصلنا للسياره نزلتها وفتحت الباب وصعدتها رجعت الكرسي حتى ترتاح وصلنا للبيت مارضت اشيلها تستحي من اخواني
اباعلها تمشي كوه اخ منها عنيده حتى وهي مريضه كضيتها من خصرها ومشيتها رادت تدفع ايدي خزرتها وصلنا للصاله الكل جان ينتظرنا
الشيخ: هااا بويه شصاير لمرتك
احمد: غير يابه هاي دكاتها الناقصه
ليلى:يااا سوده عليه بيبي هاي شصاير بحالها
الشيخه: يمه ليش هيج حالتها
راحت وياك مثل الورده جرالها هناك
احمد: لكى اصبعها ملتهب الله ستر لو واصل الالتهاب للعظم جان انكص
الشيخه: دخيلك ربي
ليلى: عين الما صلت على النبي
الشيخ: بويه هسه مو وكت هذا الحجي وديها لغرفتها خلها ترتاح
بعد الصار صار
الشيخه: صعدها يمه وانه هسه اخلي هديه تسويلها عصير تشربه وتسند روحها
احمد: عمار وين
الشيخه: بغرفته
شتريد منه
احمد:اريده يقيس ضغطها
كل هذا الوكت كاعدين بالصاله وهي نايمه على صدري
كومتها مشيتها وصلنا للدرج شلتها وصعدت دخلت للغرفه نيمتها على الجربايه رحت صحت لعمار يقيس ضغطها
عمار: جبت جهاز الضغط قسته الها لكيت عدها هبوط
لا تخاف عليها من الخوف صار عدها هيج
ههههههه
احمد: شو ضحكت
عمار: مرتك رجيجه بسرعه تعطل عبالك جهاز صيني
احمد: مو وكتك عمار هــ͒ــسه انه روحي طالعه
عمار: ادري من خياط اصبع ماعت
جا بالولادة شسوي
احمد: الله كريم كلشي بوكته
طلع عمار نزعتها الشال والصايه وعدلت نومتها شويه واجت هديه جابت الها عصير برتقال كتلها خلي على الميز كعدتها
كمره كمرايتي كعدي شوي
كمره: ما اريد عوفني نايمه
احمد: كعدي شربي العصير ورجعي نامي
يله حبيبي لا تعاندين
كمره: كعدت بعدني دايخه شفته كدامي رإسا خليت راسي على صدره
ورجعت غمضت عيوني وحضنته من خصره
احمد: كمره وتالي وياج انه ما طاير يمج بس شربي العصير
كمره: رفعت راسي لركبته اخذت منها نفس قوي وكتله ما اريده انت شربه
احمد: مو انه الهبوط عندي
بعدين ما ادري بيج صاير عندج جفاف هيج اذا ما تشربين العصير هسه اعوفج واكوم
كمره: اوففففف منك جيبه
اخذت العصير شربته كله ما خليت شي وانطيته الكلاص وكتله
اكو شي بعد
احمد: اي اكو بس مو هسه
راح اخليهم يشولج معلاك وتاكلي فهمتي
كمره: عووووع ما احبه تلعب روحي منه
احمد: اكلج ٲℓانــتيہ متأكده بت ريف وعرب
كمره: ليش عندك شك
احمد: اي والله عندي شك
اولا فاهيه ومايعه وبارده ولسان وعنوديه وراسج يابس
كمره: بعد شخليت كول ثوله وعوبه وكل نفع ودفع ما بيها
احمد: ههههههه
اشاقه وياج لا تزعلين مني بس صدك على كولة عمار ٲℓانــتيہ رجيجه
كمره:اذا هيج انه شورطك وياي
احمد: وداعتج احلى ورطه
وهسه يله ارتاحي مواشتغل لسانج
بستها من خدودها وطلعت
كمره: نمت شويه وكعدت على وجع خفيف بإصبعي
ردت ابدل ملابسي دخلت للحمام غسلت وجهي بإيدي الثانيه بس كوه
الله يساعد الماعنده ايد طلعت وطلعتلي دشداشه شويه مريحه حتى اكدر اكضها وألبسها نزعت ملابسي بس بصعوبه وما شفت الا الباب انفتح باوعتله وشهكت شفته احمد
احمد: لج ٲℓانــتيہ مخبلــهه شلون تبدلين والباب مفتوح فرضا احد دخل فجإة
وبعدين ايدج مو كلت ما تحركيها الا تعمين عليها
كمره: ترى اكلتني بكشوري
هو منو يدخل علي جفي غيرك وانوب شلون حظ عنده كلما انزع الكاه فوك راسي
احمد: عوزي بعد ادك الباب وادخل لغرفتي وبعدين يا حظ هذا هو انه شمحصل شو بطلاع الروح عبالك مجدي
شو انطيني انه البسج
كمره: عوفني انه البس انت ما تكعد راحه
احمد: والله هاي مشكلتج محد كلج صيري حلوه
اخذت الدشداشه منها وانه اباوع لتفاصيل جسمها
شلون جسم يخردل الما يتخردل لا والنوب صافي ظليت امشي بإصبعي على ظهرها وهي نزت
كمره: احمد عفيه لبسني كافي ترى بردت
احمد: خليني عاد بس اشوف
حارمتني من هذا الكيمر شكول عليج شأدعي عساج بتوم بنات
كمره: محد كلك روح اتزوج علي انت حرمت روحك
وبعدين ليش بنات وانتوا الشيوخ تحبون الولد ازيد
احمد: تقربت عليها اخذت نفس من ركبتها وكلت
بنات ويطلعن مثلج شريد من الله
كمره: هسه شلون لبسني عاد
لو تنطيني انه البس
احمد: شلبسج ⊱# تـُـٰـُــَدرين انه فقدت من كل عقلج اعوفج هسه
هجمت عليها كبل لا تحجي شي
نيمتها وصرت فوكاها وشبعتها بوس وعض
خوب الشفايف موتتهن احتار المن أبوس طيرت عقلي من راسي
نزلت على صدرها جاي انزعها الحماله وكضت ايدي
كمره: احمد الله يخليك كافي ما اكدر اسبح
عوفني فدوه
احمد: ماشي راح اعوفج حضنتها حيل وكعدتها بحضني وكلت
عاد خليها بس حضن أطفي بيها نار كلبي مو اشتعلت شعل
كمره: حضنته حيل ونمت على صدره هو ظل يلعب بخصلات شعري
سمعنا الباب اندك جاي اكوم منه قوى حضنته اليه وصاح منو
هديه: انه شيخ جبت الاكل
كمره: كام وعافني وجاب جرجف وغطاني بي وفتح الباب اخذ الصينيه واجى شافني ادور
احمد: عليمن دورين
كمره: دشداشتي وين وديتها اريد البسها
احمد: اكلي وبعدين لبسي
كمره: احمد والله بردت شبيك انت
راح جابها ولبسنياها وخلى صينية الاكل كدامي بس شفته معلاك لعبت روحي منه ما احبه
احمد: ليش كشت روحج منه اخاف ولج حامل
كمره: لا مو حامل بس ما احبه شلون راح اكله هذا
احمد: جبري روحج اعتبري دوه
سدي خشمج وغمضي عيونج وآكلي
كمره: هذا كله اكله انوب جكد مسويه عاد اكل وياي
احمد: كمره لا تماطلين
كمت اسويلها لفات واوكلها كوة بالشافعات
خلصت وكتلها راح انزل الصينيه شربي الكبسول مو تنسينه
كمره: نزل وعاف تلفونه يمي عجبني افتشه فتحته لأن هو ما يخلي بي رمز
ظليت اكلب بي دخلت على البرامج كلشي ما عنده انوب دخلت على الاستوديو استغربت شفت صور كومه الي عنده هاي شوكت ما خذهن الي
حتى وانه نايمه وصوره وانه كاعده بالقاعه بالكليه وصوره وانه بدلة العرس وصوره الي بمهر اخوي انوب شفت فديو الي دخلت علي انه كاعده بالقاعه ومدنكه اكتب اذكرت هذا اليوم جنت بداية دوامي من جنا منفصلين
معقوله يحبني لهل الدرجه
طلعت من الاستوديو بعد ما انصدمت رحت للواتس اب كلبت بالمحادثات اغلبهن ويه اخوانه لو الدكاتره لو شداد وانه اكلب بيهن اجتله رساله من ساره
ساره: الووو احمد شعجب متصل وينك شخبارك اشتاقينا
الكليه ما حلوه بلياك
رد علي حباب لا تشلع كلبي
كمره: شعوطتني الله ياخذها والله لو اكدر ارد عليها امرعدها تمرعد
رجال متزوج شعندج وياه
انه احجي وحدي ويه التلفون ودخل احمد شاف تلفونه بأيدي عقج حواجبه مستغرب وكال
شجاي تسوين
كمره: باوعتله وخليت التلفون على الميز ودرت وجهي عنه
اجى اخذه وفتحه وشاف الرساله وقراها وكال
احمد: المفروض منو يضوج انه لو ٲℓانــتيہ بعدين منو سمحلج تفتشين تلفوني
كمره: هيج بس فضول
احمد: شكلج غرتي مو
ما يحقلج تغارين ٲℓانــتيہ مو تكولين مااحبك واكرهك
وتردين تخلصين مني اليوم كبل باجر
كمره:اي ما احبك واكرهك وما اطيقك وما اريد اشوفك
كمت بسرعه رحت شبكته حيل وكلت بس انت شي خاص الي ما اريد وحده تاخذك مني لا ساره ولا هند ولا غيرها احجي وياه وابجي
احمد: اي مبين هواي تكرهيني
كافي لا تبجين وتنزلين دموعج على مودها محد تاخذني منج
ٲℓانــتيہ تسوين عندي عشره مثل ساره
كمره: بس هند راح تاخذك مني وتسافر
احمد: هاي قبل لا اسافر هيج سويتي من اسافر شلون
ولج والله مجبور وحمل على اجتافي بس اريده ينزاح واخلص
وهسه عوفينه منهن وخلينا بموضوع اهلج شكلتي علي
كمره: مسحت دموعي وباوعت اله وكتله ماشي اروح بس بشرط
احمد: لا تكليلي اروح ما ارجع
كمره: لا مو هيج
احمد: كولي
كمره: تحضر رقم ساره من تلفونك
احمد: بس هيج غاليه والطلب رخيص
وهاي كدامج راح احضره بس ٲℓانــتيہ لا تضوجين
اخذت التلفون وحضرت الرقم كدامها كتلها يله نامي باجر وراج دوام
دخلت للحمام سبحت وطلعت شفتها متمدده وتباوع على اصبعها ضحكت عليها وكلت والله خبله لبست بس برموده وتمددت على الجربايه جريتها وخليتها على صدري وكتله نامي يله ادري بيج اتانيني
كمره: ليش ما لبست فانيله الغرفه بارده وانت سابح ما تخاف تتمرض
احمد: تخافين علي
كمره: مثل ما تخاف علي انت
احمد: كمره
كمره: هاااا
احمد: احبج
كمره:لا رد
احمد: شو سكتي
كمره: شتريدني اكول
احمد: شوكت تكوليها
كمره: رفعت راسي شفته يباوعلي وعيونه كلها حب وحنيه
رجعت راسي وحضنته حيل وحجيت بكلبي وانه مو بس احبك اعشكك للموت بس ما اكدر اكولها ما دام هند على ذمته
كتله
ما اكدر اكولها كلبي مورم منك
انت جرحتني هواي وأكبر جرح الي زواجك كدام عيوني هذا الشي ما اكدر أسامحك علي ابد
على الاقل لو مخليني ړآيـحه فتره لأهلي وما شايفه كلشي بعيوني
يجوز جان كدرت أسامحك بس انت خليتني كدام الأمر الواقع
راح اخليك تسمعها بس بحاله وحده
احمد: تحجي بحركة كلب وانه صافن عليها حسيت بيها مجروحه مني وجرحها جبير بستها من كصتها وكتله كولي
كمره: من تصير الي وحدي
يـ؏ـنـي بس انه على ذمتك
احمد: مستعد اتانيج عمر مو يوم ولا اسبوع ولا اشهر
وراح اثبتلج محد متربع بكلبي بس انتي وانه بأيدي راح أطيب جروحج
وهسه نامي باجر وراج دوام
كمره: كعدت الصبح على صوت المنبه طفيته • بـٰٚـِْسـ᷈͟ــرعه بس يحس احمد هو يكعد يبدلي وأتحرك على كيف حتى لا يحس ادري بي نومه خفيف
بدلت وكملت رحت على كييف شفته نايم بسته بخده وجاي اكوم وما اشوف الا انجريت من ايدي وصرت فوكه
شجاي تسوي عوفني لا اتأخر
احمد: ما اتقشمر بهاي البوسه اريد غيرها
كمره: لا تصير طماع
احمد: ٲℓانــتيہ البديتي وتحارشتي رجال نايم وكافي خيري شري
هسه لو تبوسيني لو ما تتحركين
كمره: امري لله وين تريد ابوسك
احمد: هنااا ( يأشر على شفته)
كمره: بس مو تدلل
بسته بشفته بوسه قويه شفته رخى ايدي بسرعه فلتت روحي منه وكمت وانه اضحك علي
احمد: أضمها الج وين ترحين
ترجعين لو لا
كمره: طلعت ورحت لغرفة وسام دكيت الباب ماكو
هذا بس لا بعده نايم رجعت لأحمد
احمد: شو رجعتي
كمره: يمكن وسام نايم دكيت الباب ماكو كوم انت وصلني
احمد: اوكفي خل اشوفه شعجب نايم مو وراه دوام
فتحت الباب الغرفه هندس خرب يومك ونايم على بطنه وبسابع نومه
كعدته وهو شلون الميت اذا الليل كله يدك فج ويه الحبايب شلون يكعد بعد
ولك اكعد شوكت تولي لكليتك
وسام: هاي شبيك شعندك كاعد على راسي من الصبح
احمد: شلون راح ادوس بطنك
الك خمس دقايق تبدل وتجي وراي واذا تأخرت اصعدلك سطل ماي واغركك بي
وسام: شنو خمس داقايق بس شعري يرادله ربع ساعه
احمد: مشكلتك انه نازل
وسام: اوووف منكم واحد ما يعرف ينطمر بهذا البيت محد موجود بس وسام صخام
كمره: طلع احمد يدردم علي سألته كتله هااا
احمد: خامد شيكعده هذا وانه لحد ما ابدل تتأخرين راح اشوفلج شداد هيج وكت يطلع يشوف البساتين يـ؏ـنـي قريب علينا
كمره: خابر على شداد كله خمس دقايق واجي
اجى شداد وخابر على احمد طلعت وطلع وياي احمد نزل شداد سلم على احمد
احمد: أمانتي يمك اعتمد ﻋﻠﻴﻚ وانت ترجعها هم
شداد : بعيوني شيخ تدلل
كمره: صعدت وكتله صباح الخير
شداد : صـُ̲ـٰبـٲحَ الــُ̲ـٰنـَوٓر
كمره: قبل لا نوصل للكليه كال
شداد: كمره بالرجعه يمكن ادك عليج اخاف الرقم غريب ما تشيلينه
كمره: ماشي
وصلنا للكليه شفت هبه صارت كبال السياره نزلت وكفت يمها
هبه: تأخرتي وين صرتي صارلي ساعه اتانيج
كمره: وشدعوه هل عصبيه جان رحتي كبلي تعرفين طريقنا طويل
نسينا نفسنا فزرنا صوت الهورن صايرين كبال السياره هي شافته وانكسرت ركبتها علي عاد انه جريتها من كبال السياره وكلت
ولج اثكلي عيب هسه شيكول عليج خفيفه
هبه: شيكول خل يكول جكد مغرور شايف نفسه هذا
كمره: مو وكته هسه امشينا ندخل للمحاضره وبعدين نسولف
دخلنا للمحاضره وخلصت وطلعنا ورحنا للكافتريا بس هي ضايجه سألته
انت شبيج اليوم ليش ضايجه
هبه: ما بيه شي
كمره: لا بيج شي وين هبه المرحه ام لسان ما يظل دكتور ما تصنف علي ولا يظل طالب ما تكصه وهل ايام ما تدورين حلوين
هبه: حبيته والله من كل كلبي ساعديني كمره فدوه
كمره: شساعدج ماًاكدر والله لو احمد يدري بيه محاجيته يذبحني بنص الكليه
وبدون رحمه
هبه: انطيني رقمه وانه اتصرف
كمره: حتى رقمه مو عندي
هبه: وتالي شلون لا تظلمينها علي
كمره: اسمعيني هبه لا تتسرعين
وانطي لروحج فرصه تأكدي من كلبج زين وبعدين تصرفي
هبه: ما اكدر حاولت جكد بس وكعت بواحد ما يرحم
زين حاولي حتى لو مره وحده لخاطري
كمره: مااوعدج بس اذا صارتلي فرصه اجر لسانه
شو هاي كامت شبكتني وبأست خدي
هبه: اي هاي زنوبه الحلوه انه كلت ما راح تتركني بمحنتي
كمره: آثاري صدك ٲℓانــتيہ خبله شو وخري عني
هبه: ترى ازاعلج
كمره: ما تكدرين مصلحتج يمي
هبه: هم صدك
كمره: خلصنا محاضرات وظليت اتاني شداد شوكت يجي كعدنا شويه وتالي دك التلفون شفته رقم غريب كلت هذا اكيد شداد
رفعته وكلت الو
شداد: الووو كمره انه شداد خلصتي انه جاي بالطريق
كمره: اي خلصت
سديته وظليت انتظره شويه واجى جانت يمي هبه اخذت منه نظره وراحت
صعدت للسياره ومشه بينا وانه خايفه ومتردده اسأله شكول عليج هبه الله يهلكج بس شلون افتح وياه الموضوع
شداد: اباعلها تريد تحجي شي بس متردده لو خايفه بس شنو هو اخاف صاير وياها شي خفت اسألها بس بعدين اتجرأت وكلت
كمره اكو شي
كمره: هاااا شلون عرفت
شداد: بكلبي حافظج حفظ اخ بس شكلج
مبين من وجهج فاضحج
كمره: راح اسألك سؤال بس لا تفهمني غلط
شداد: سألي كلشي يهون الج
كمره:بالله هذا شيحجي اخ منج هبه خليتيني احجي وياه
والله لو يدري احمد ينومني بصف هند
شداد: ًوٌَين صفنتي احجي
كمره: اكو بنيه معجبه بيك
شفته ابتسم ابتسامه خفيفه
شداد: صديقتج مو
كمره:عزااا شلون عرفتها
شداد: من نظراتها وتصرفاتها
كمره: اي وشكلت هسه
شداد: سدي الموضوع ولا تحجين بي ابد
كمره: ليش انطيها فرصه افتح كلبك
شداد: كلش زين انه وانتي نعرف منو بكلبي فلا تدخلين ٲℓانــتيہ بالذات
كمره:شتحجي انت ....
شداد: كمره لا تكملين من تحجين هيج تحركين بكلبي
وبعدين لا يروح فكرج لبعيد انه ما متأمل منج شي ٲℓانــتيہ صرتي مرت الغالي ومستحيل افكر بأي شي يضره ولا يضرج وما اريد أورط اي بنيه وياي قبل ما اطلعج من كلبي
والي جاي احسه ترى مو بيدي وخارج إرادتي وياما دست على كلبي بس شسويله كلب ابن كلب يرجع دوم يحن لخناكه
كمره: خلص براحتك ما راح ادخل ابد واعتبرني ما حجيت شي بس ما اريد احمد يعرف شي نهائيا
شداد: ولا يهمج ما راح يعرف شي كتلج لا تتوقعين يجي يوم واضرج
كمره: وانه احجي ويه شداد احس روحي مسويه شي غلط
ردت بس يوصلني حتى اخلص وخصوصا من نظراته كلها عتب
شكول ﻋﻠﻴﻚ وسام همزين باجر جمعه ماكو دوام
وصلت للبيت صعدت للغرفه ما لكيت احمد تلكاه هسه بالمضيف
هل مره قفلت الباب وتأكدت منه بدلت ملابسي ونزلت لأن وكت غدا دخلت للمطبخ لكيت الشيخه سلمت عليها وسألتني شلون صار إصبعي كتلها زين
كالت الولد راح يتغدون بالمضيف اليوم أجوهم ناس عدهم فصل والبيت صاير هوسه تغدينا على السريع كالتلي ٲℓانــتيہ صعدي ما تكدرين تكضين شي ولا تكدرين تساعدينه لا ينلجم ونبتلش ويه رجلج شيفكنا منه
صعدت لفيت ايدي بنايلون ودخلت اسبحت وطلعت بدلت ملابسي ما نمت ظليت اتاني احمد اليوم يوديني لأهلي شويه ودخل اجى علي وشبكني حيل وكال
احمد: اشتاقيتلج موت
حضنتها وانه اشم بريحتها
أفيش شهل الريحه دوختني
كمره: احمد يله مو تريد توديني لأهلي
احمد: هسه اوديج خل اسبح اول مره
قبل لا اوخر عنها بستها من شفتها وعيونها وخشمها وخدودها وركبتها واخذت منها اخر شمه وتالي دخلت للحمام سبحت وطلعت لبست دشداشه
نيليه وشماغ وعكال وخليت حزام مال السلاح ولبست ساعه وتعطرت وانه باعلها تراقبني
شبيج صفنتي علي
كمره: المن هاي الكشخه وشدعوه هيج
احمد: اليوم عدنا فصل رايحين للعالم خو ما ترديني اروح مبهذل
فشله مهما يكون انه شيخ
كمره: كلت فصل
احمد: اي فصل اول مره يصير شنو
كمره:شوف احمد انه ما مرتاحه لهذا فصلكم
والله لو سمعت بيك منطيك هديه لو فصليه اخنكم ثنينكم
احمد: ههههههههه صدك تحجين ٲℓانــتيہ
كمره: والله احجي جد
احمد: والله اذا نطوني ليش لا نعمة الله قابل اكو واحد يرفس النعمه بإيده
كمره: احمد لا تشعوطني
انه لهسه ما طالعه من صدمت هند مو انوب مصيبه جديده
احمد: هههههه
ومن اكول خبله تضوجين
لا يابه متوازي حتى لو صدك كبل انطيها لوسام
كمره: ههههه شمعنه وسام خوب عادل
احمد: عادل قافل ما يريد يزوج وسام يحب النسوان اذا صدك صارت يظل يركص بجفيه
وهسه تحضري اوديج وارجع للعالم
كمره: ابات مو
احمد: اي باجر اجي اخذج بس سمعيني عندي حجي وياج
اولا طلعه من بيت اهلج ماكو ولو سمعت طالعه يا ويلج
ثانيا لبس مشلح ما اريد
ثالثا مكياج طوخ ما اريد
رابعا بالزفه تلبسين بوشيه
خامسا صور ماكو حتى بنقالج
سادسا ركص ممنوع نهائيا
مفهوم
كمره: على ويش رايحه اظل يمك احسن
احمد: كمره سمعي الحجي
واخذي دواج مال الخنكه ومال اصبعج ومو تنسين تشربي
وباجر بس يخلص العرس اجي اخذج
كمره:صار دكتور أوامر ثانيه
احمد: تعاي انطيني بوسه اصبر بيها روحي منا لباجر
كمره:شلك بيها وراك عالم تنتظرك .....
قبل لا اكمل هجم علي وباسني من شفايفي وظل يتفنن بيها وما هدني لحد ما شبع وكال
احمد:والله احلى من العسل
لبسي شالج خل ننزل
كمره: خلاني دايخه ومسطوره من ورى البوسه ونزل لبست شالي ونزلت وراه لكيته بالصاله اشرلي نطلع للكراج لأن بره عالم وناس تارسه المضيف
صعدني بالسياره وكال نزلي راسج مشينا شويه بيت اهلي مو بعيد بسرعه وصلنا قبل لا انزل كتله
انزل وياي
احمد: مستعجل والله جا نزلت وياج بس العالم تنتظرني
بعد ما اوصيج لا تعاندين وتخالفين كلامي ماشي حبيبي
كمره: ماشي بسته من خده ونزلت اشرلي ادخل شافني دخلت يله راح
امي شافتني واجتني تركض فتحتلي ايديها وانه ما صدكت شمرت روحي
بحضنها وظليت ابجي وياها
ام كمره: ليش يمه كطعتي بينا شلون انطاج كلبج ليلي ما انامه على مودج
بعد روحي لا تبجين لا يصير بيج شي
كمره: ما يصيرلي شي لا تخافين بستها من راسها وكتلها سامحيني يمه
انتم اهلي وعزوتي وسندي عبالي عفتوني وشمرتوني وحدي
ام كمره: اكو واحد يعوف روحه ولج ما ردنا نخرب عليج
حتى لا بعد يومين نصير بالملامه
كمره: ابوي واخواني وين
ام كمره: ابوج وصلاح بالديوان
والباقين طالعين تعرفيهم ما يحبون الهوسه والنسوان
كمره: ههـٰٖۧـٰٰٰٖٖٖۧـههٰٰٰٖٖۧهههههـ๋๋͜͜͡ـۂۦ ادري بيهم منو يمهم بالديوان
ام كمره: جانت يمهم عالم وراحت يمكن وحدهم تعاي دخلي سلمي على خالاتج وعماتج جوه
كمره: اول مره اخذيني للديوان مشتاقه لأبوي اريد اشوفه
ام كمره: صار تعاي خل ادخل كبلج اشوف خاف اكو احد
كمره: رحنا للديوان دخلت كبلي كالت تعاي ماكو احد بس واحد من عمامي يمهم دخلت تفاجأوا من شافوني رحت لأبوي حضنته حيل شافني ودمعت عينه وكال
ابو كمره: هلا بهل الطول الحلو هلا بيج بويه بعد طوايفي توه نور بيتي
بعدج زعلانه علي بويه
كمره: لا يابه شلون ازعل عليك بسته من راسه ورحت سلمت على عمي وتالي باوعت لصلاح لكيته واكف عباله ما اريد احجي وياه ركضت بوسته من خدوده وكتله ما مشتاقلي
صلاح : شلون ما مشتاقلج وانه يوميه ادعي على ايدي بالكسر لأن ضربتج
سامحيني خيتي وبنيتي ٲℓانــتيہ
ايست منج كلت بعد ما تجي لعرسي
كمره: شلون ما اجي وهذا عرس الغالي شفته يبجي كتله
افا صلاح باجر عرسك فال مو ‹ حلـِۈۋۏ ترى ارجع والله
صلاح: اكسر رجلج بس تتحركين خطوه
كمر:ههههه
تالي رحت سلمت على عماتي وخالاتي وبناتهم وشفت خالتي اشتاقيت الها كلش شبكتها وبوستها سوو جماعة صلاح واخواني حنه بسيطة اله وشفته شلون فرحان من كلبه اكيد لأن اخذ حبيبة كلبه تونست ويه البنات وتالي خلصت الحنه والناس الراح راح رالي ظل ظل وانه تعپت كلش من الصبح كاعده حتى اليوم ما نمت رحت لغرفتي اشتاقيت الها دخلت الها وانه أفتش بيها امي ما مسويه بيها شي كلشي على حطته صحت لبنات خالاتي يجن ينامن يمي اللمه حلوه ضحك وسوالف وما حسينا تالي نمنا شي فوك شي
احمد: رجعت من الفصل المغرب صعدت للغرفه بدلت ملابسي وصليت
اباعلها مكانها ماكو من هسه اشتاقيت الها شيجيب باجر واروح اجيبها
جاي اكوم انزل دخلت علي امي وهديه بس وجوهن ما يتفسرن كلت شكو خير يا ستار
الشيخه: يمه انه سمعت شي وما ردت اضم ﻋﻠﻴﻚ السالفه تخوف
احمد: خير يمه خوفتيني شصاير
الشيخه: شوف وليدي كمره ما انجرحت من انكسر الكلاص خل هديه تسولفلك انه من كلتلي اليوم كمره بيوم الاخذت هند من تخربطت نزلت من فوك وهي مجروحه انه كلبي كرصني صحت لهديه وبديت اقرره لحد ما حجت كلشي
وهسه هديه تحجيلك
هديه: شيخ بيوم الاخذتو هند للمستشفى نزلت كمره من فوك وأيدها مجروحه وخايفه لأن النزيف قوي عقمته الها ولفيته بس ما سألته شي ظلت شويه وصعدت واخذت دوه ونامت لأن دواها ينوم صعدت وراها ظل بالي عدها
دخلت للغرفه وهي ما حست بيه شفت باب الحمام مفتوح ردت اسده وشفت المغسله كلها دم وانتبهت على سلة الزبل لكيت شفرة الحلاقه مالتك كلها دم
انه هنا خفت حيل عليها منك غسلت كلشي واخذت السله فرغتها ورجعتها لمكانها
هذا كله وهي نايمه وما منتبه
احمد: هي تحجي وانه صعد الدم لراسي معقوله الي براسي صح
لهل درجه وصلت عدها تموت روحها حتى تخلص مني
وانتي ليش توج حجيتي ليش ضميتي عليه احجي لا تظلين ساكته
هديه: شيخ والله خفت احجي يجوز انه متوهمه وهذا الحجي مو صحيح
الشيخه: يمه هدي شوي واسمعني يجوز حجي هديه صح ليش نسرع ونحكم عليها انت اسألها واحجي وياها بهدوء وبدون صياح ولا تخوفها يجوز سوت هيج من شافتك شلون تهتم بهند كالت انه بعد ما الي مكان بحياته
وتالي حست على روحها ورجعت لصوابها ترى مرتك طايشه وتحبك ولو ما تحبك ما تسوي هيج يجوز خافت تخسرك
احمد: شلون اروح هسه واسألها وشينومني الليله
الشيخه: اجلها على باجر من يخلص العرس
احمد: لا يمه هسه اخابرها وافتهم منها كلشي
وما اريد احد يدري ما تحجن شي
الشيخه: بعد انت بكيفك
يله هديه خل ننزل
احمد: اخذت التلفون واخاف ادك عليها اخاف يطلع حجي هديه صح شلون اتصرف وياها
دكيت ماكو ما تشيله وديت رساله الها وكلت
من تشوفين الرساله ضروري تخابريني
ظليت مده ماكو والرسالة ما شايفتها
رجعت دكيت مره وثنين تالي خالتها شالته كالت نامت
كتلها هسه تكعديها وتخابرني
فهيمه : كمره كمره كعدي خايبه رجلج خابر وصوته يرعد شمسويه يا معزايه
كمره: كعدت مخروعه
شيريد خاله كلشي ما مسويه
فهيمه: هاج اخذي التلفون وخابري يكول هسه ضروري
كمره: اخذت التلفون دكيت عليها بسرعه شاله
احمد:اسألج سؤال واحد وتجاوبيني بصراحه كمره وبدون جذب
ٲℓانــتيہ شلون انجرحتي
كمره: ................
امضي لمن تحب سترى في عينيه الكثير
اجيتك مستحي من الله
ونمت يم دكت متونك
آثاري العشك شبكات
ما ينحل بالشلونك
::::::::::::::::::::::::::::::::::::::::::::::::::::::::::::::::::::::::::
كمره: لا رد
احمد: شو سكتي
معناها الحجي الي سمعته صح
احمد: شو سكتي
معناها الحجي الي سمعته صح
كمره: شسمعت
احمد: تلبسين شالج وصايتج وتانيني باب بيتكم
عشر دقايق وانه يمج واذا ما لكيتج ادخل بنص بيتكم واكلب الدنيا عليج
كمره: اح.......
حتى ما كملت سده بوجهي
فهيمه: شبي خاله شراد منج
كمره: خاله تكدرين تغطين علي لحد ما اجي
فهيمه: وين رايحه بهل ليل واذا دروا اهلج شكللهم
كمره: راح يجي احمد علي لازم اروح واهلي يدرون بيه نمت
عفيه خاله شو انه كلبي كارصني ماادري ليش
اشوفه شيريد واكيد يرجعني
واذا ما رجعت كليلهم راحت ويه رجلها
فهيمه: صار خاله لبسي صايتج وخل اشوفلج الدرب اخاف واحد من الولد يلجحج
كمره: لبست وطلعت من باب المطبخ
لأن باب الديوان هوسه وكلها شباب جماعة اخواني ولبست الشال وتنكبت بي حتى لحد يشوفني طلعت خالتي كبلي شافته اجى وصاحت علي
طلعت بسرعه وركبت السياره شخطها بسرعه عبالك يركضون ورانه عصابه بس هو شنو عيونه يتطافر منها الشرار اخاف حتى اسأله وعليمن اسأله لاحكه على رزقي
اليوم اكلها بخاشوكه بس شلون درى انه نجرحت هيج
هذا شيخ احمد وهل يخفى القمر
احجي بكلبي وصافنه على الطريق أخذنا على طريق البستان
وكف السياره وعاط بيه انزلي بسرعه
نزلنا بمزرعه قديمه خفت منها اليوم يذبحني هنا شنو
لا الله لا يكولها قابل انه ناهبه
فتح الباب واشرلي ادخل دخلت وهو دخل وراي فتح الاضويه وكف كبالي وكال غردي
شغرد انت جايبني هنا بنص الليل شتريد مني
احمد:اشتاقيتلج وجاي اشوفج
احجي عدل ولج مو انه صاحبج وجايج بنص الليل
سألتج سؤال جاوبي
كمره: ما يفيد الف وادور مبين هذا يعرف كلشي خل احجي وشيصير خل يصير كتله
انجرحت بشفرة الحلاقه مالتك
احمد: وتحجيها برود
وشجابج عليها وشوصلها الج
كمره: سألتني بيمن انجرحتي وجاوبتك ادري هو تحقيق لو ما تحقيق
احمد: بصياح
جاوبي بت الكلب
كمره: اسمعني لا تغلط على ابوي وتجيب طاريه على لسانك فهمت
تريد تغلط اغلط علي انه اهلي ما الهم دخل
احمد: هسه حنيتي على اهلج منو الجانت اتوسل بيها بس حتى ترد على تلفوناتهم
كمره: اخذت منهم موقف مو معناها كرهتهم وهذا ما يبررلك حتى تغلط عليهم وانت كلتها بلسانك اهلج لو شما يسون بيج يبقون اهلج
احمد: شو باعيلي
كضيت وجها بأيدي اثنينهن وكتلها
خلي عينج بعيني وجاوبي ليش هيج سويتي ليش جرحتي روحج
ولج ليش حاولتي ......
غمضت عيوني ما كدرت انطقها
احجي كمره ليش هيج سويتي
كمره: ما كدرت احجي شي بس دموعي يصبن
احمد:ولج احجي لا تسكتين لهل الدرجه كارهتني وردتي تموتين روحج حتى تخلصين مني
كمره: انت اخر واحد بالدنيا يمكن اكدر اكرهك
احجي وابجي
هاي مشكلتي ما كدرت اكرهك
جبرتني عليك وما كدرت اكرهك وكسرتني وتزوجت علي وما كدرت اكرهك جكد ضربتني وما كدرت اكرهك جكد اذيتني وما كدرت اكرهك
احمد: اذا هيج ليش حاولتي ......
ولج والله ما اكدر اكولها
كمره: اي حاولت انتحر
بلحظة ضعف حاولت
الشيطان وزني وكلي روحي انتحري حتى تخلصين من العذاب
انت لو جنت تحس بيه بوكتها جان لحكتني ومنعتني
بس وين حضرتك نسيت بوكتها حتى تشوفني
عبرت من يمي ولا كأني موجوده
كل همك حبيبتك ما تتأذى لو يصير بيها شي
هسه كلي شلون ما افكر انتحر
بس تعرف انه وحده جبانه ما كدرت اكمل الي بديته
ما تجرأت اسويها خفت بس شفت الدم
هذا كل الصار ذاك اليوم
هذا الي ردت تعرفه وعرفته وهسه رجعني منين ما جبتني
احمد: وسهله عندج هاي سوايتج
لهل درجه رخصتي روحج وعليمن على اوهام ٲℓانــتيہ مركبتها براسج
كمره: ههههه والله ضحكتني اوهام
يا اوهام هاي (بجي وصياح)
ركضتك الها لو حضنتك الها لو بوسك الها
لو كلمة حبيبتي من تكللها اهدي حبيبتي
شعبالك انه نسيت الصار بذاك اليوم
لهسه المنظر مطبوع براسي
وتحتار شتسوي الها
ابسط شي ضربتني كدامها وكدام امها الي سألتني ٲℓانــتيہ منو
حتى امها ما تعرف انه منو
بعد يا اوهام الي تحجي عليها
وانت عبالك انه تقصدت اكلها انه مرتك
لو جايني وكايلي كمره ٲℓانــتيہ كدام هند مو مرتي
لا تحجين هاي الكلمه اخاف على مشاعرها
جان عذرتك وكلت يا. سته مع الستين هي بقت على هاي
احمد انت جرحتني واذيتني وكسرتني
ما الك حق حتى تحاسبني هاي حياتي انه فاهم لو لا
احمد: شلون ولج ما الي حق
ٲℓانــتيہ كلج الي ٲℓانــتيہ ملكي
ملك الشيخ احمد ما اسمحلج حتى تموتين فهمتي
ٲℓانــتيہ لو ميته عبالج انه اكدر اعيش
حتى النفس التاخذينه الي
ولج طلعي هند من راسج والله ما احبها
وكل السويته ذاك اليوم من خوفي عليها ترجع تنتكس حالتها وبعد حتى العمليه ما تصير الها
يـ؏ـنـي يظل ضميري يعذبني لحد اخر يوم بعمري
طلبت منج تساعديني وتوكفين وياي مو ضدي
كمره ٲℓانــتيہ بهاي سوايتج ما تكتلين روح وحده بس
لا تكتلين روحين
لج هو فراكج هين
ولج ٲℓانــتيہ يومين ما راويتيني وجهج تسودنت عقل ما ظل براسي
مو انوب تموتين
ولج عشكتج وصرت مخبل بعشكج
انه الدكتور احمد مرت علي بنات ونسوان ما يتراون من الحسن ما رف كلبي ولا تحرك لوحده منهن
ولج ٲℓانــتيہ بس شفتج اول يوم اجيت بي هنا ورفعتي راسج مدري شصاربيه
كمره بس شوفة وجهج ترد الروح بيه
بس شمة ركبتج تسوى عندي الدنيا وما بيها
وعيونج الي دوخني وكعني من اول يوم اذا ما اشوفهن وأروي عيوني بيهن
احس روحي عطشان
كمره:اذا هيج تحس شلون بعـٌـــٌِد يومين راح تعوفني وتسافر وياها
ما فكرت شيصير بيه ما كلت منو الها ما فكرت على ايد منو تنام بالليل
احمد: على عمى عيوني رايح والله مجبور اريد بس اخلص وازيح الحمل من على جتافي بس ترجع عافيتها أرجعها لأهلها
انه ما اكدر أتقبلها بعد ما تصيرلي مره
كمره: فرضا انه ما موجوده بحياتك
ولا طلعت كدامك ولا شفتني
وهي رجعت بعد هاي السنين كلها ورجعتلك صاحيه وبرجليها
هم ترجع تحن الها
هم يرجع كلبك يدك الها
احمد:اذا كتلج اي تستغربين تعرفين ليش
لأن ٲℓانــتيہ ما موجوده
ٲℓانــتيہ الوحيده الكدرتي تخلصيني من هذا المرض
انه هسه تأكدت ما جنت احب هند حتى قبل تعرفين ليش
لأن جنت مراهق وما اعرف اي شي
فتحت عيوني لكيت هند كبالي
حتى كلمة احبك هي اول من كالها
حتى اول بوسه هي بادرت بالاول
هند هي الحبتني مو انه الاحبها
ما انكر تعلقت بيها بس مثل الطفل اليتعلق بأمه
من خسرتها عبالك خسرت امي مو حبيبتي
بس وياج كلشي مختلف
كمره وغلاتج عندي ما احبها
شسوي حتى تصدكيني بس كليلي ٲℓانــتيہ انطيني الحل
كمره:مع الاسف ماكو اي حل لأن ما اكدر اصدكك
ولا عندي ثقة بيك
بس كل الاكدر اكوله الك عوفني فترة سفرك بيت اهلي
لأن ما اكدر ابقى بيت اهلك
وانت اخذ حبيبتك وعالجها على راحتك
احمد: بعد كل هذا الحجيته وانتي ما مصدكه
تعرفين جكد رخصت روحي الج حتى كرامه ما ظلت عندي
بحياتي ما توسلت لأحد حتى بفترة علاجي
ولج صارلي ساعه اتوسل بيج
بس لهنا وكافي
جكد كسرتج انه بس مو مثل كسرتج اليه هسه
ٲℓانــتيہ فعلا ما عندج ثقه بيه لو عندج جان انطيتيني على الاقل فرصه
لحد ما ارجع وتشوفين بعينج شراح اسوي
حكمتي علي لي كدام
بس بعـٌـــٌِد ما اكدر اتحمل
ٲℓانــتيہ وحده انانيه
وما تهمج بس نفسج وبس
راح اعوفج مو فتره لا
بس ارجع من السفر ابدي بمعاملة الطلاك
ما اريد اجبرج علي اكثر
أفضل ادوس على كلبي ولا ارجع اسمع سمج
هذا هو كمره الي تردي يجرالج
بس وحق الأمير علي يا كمره من اطلكج ما اخليج تصيرين لغيري
تبقين ملكي حتى وانتي مطلكه
كادر اخليج معلكه بس ما راح اسويها تعرفين ليش
حتى ما تدنى نفسي عليج
واذا سمعت بيج صرتي لغيري أحط طلقتين وحده براسج وحده براسه
وهسه امشي ارجعج بسرعه اتحركي
كمره: شصخمت انه ما عبالي توصل هيج ظليت بس اسمعه وابجي
شسوي يا ربي انه بيدي ضيعت كلشي
طلعت كدامه وهو قفل الباب واجى وراي جسمي ظل كله يرجف وكوه امشي من سمعت طلاك وصلت لباب السياره ما كدرت افتحه ايدي ترجف
انه بس سمعت كلمة طلاك جسمي رجف من اطلك صدك شلون
يمكن اموت صدك هل مره شافني تأخرت نزل هو وفتح الباب من كد عصبيته راد يخلعه صعدت كوه ودموعي ما بطلن
هو صعد وساق السياره ظلت عيني علي الطريق كله اريد اشبع من شوفته
انكسرت ركبتي وانه اباوعله وهو ابد حتى ما التفت وشافني
بس حقه انه دمرت كلشي بأنانيتي
انه استاهل كلشي يجرالي
شويه وصلني وكال انزلي ترددت انزل
جاي اكله انه جذابه والله احبك بس خفت ما يصدكني
جنت صافنه وفززني
شكرا لزيارتكم عالم روايات سكيرهوم
