رواية انتى نبض قلبي الفصل السادس والثلاثون
عدى اليوم وتم كتب الكتاب
فاوضه مليكه ومراد
مراد : هتنامى عالارض
مليكه : اى
مراد: اللى سمعتيه مكانك عالارض
مليكه اخدت مخدة وحطتها عالارض ودخلت الحمام وخرجت ونامت عالارض
مراد قاعد باصص عليها وقلبه واجعه عليها بس مش قادر يغفرلها ونعس وهو بيتفرج عليها
**********
صباح يوم جديد
مليكه قامت وظهرها واجعها جدا وتعبانه بصت على مراد ملقتوش قامت دخلت الحمام واتوضت وصلت ونزلت تحت ولقت الكل متجمع تحت
مليكه بتعب: صباح الخير
الكل: صباح النور
ملك : صباح الخير يا مامى تعالى جنبى
مليكه: صباح النور يا حبيبتى وراحت قعدت جنب ملك ومراد وبصت على مراد اللى متجاهلها خالص وحزنت
مراد : انا رايح المستشفى مليكه لسه هتقوم مراد قالها انتى مفيش مستشفى من هنا ورايح
مليكه : بتقول اى
مراد : اللى سمعتيه وسابها ومشى
اياد : معلش يا مليكه اديه فرصه وهيبقى كويس
رهف : زياد حبيبى خد ملك وولاد عمك والعبوا فالجنينه
زياد بفرحه : حاضر
سمر:هتعملى اى يا مليكه
مليكه : باى
خالد: ملك لازم تعرف ان مراد ابوها
مليكه بحزن : يا بابا مراد مش عاطينى فرصه اكلمه عشان نشوف هنعمل اى
سهير: اعذريه يا حبيبتى
سمر: لازم تتكلموا مع دكتور نفسى
مليكه : ربنا يسهل
#################$
عند مراد
جلال: هتعمل اى
مراد مش عارف
جلال: يعنى اى
مراد: يعنى مش عارف
جلال: انت بتعاقب نفسك قبل مليكه يا مراد وصدقنى هتندم
مراد ساكت ومش عايز يتكلم
جلال: مراد رد عليا متعملش كدا فى مليكه
مراد : انا عايز دكتورة اسراء
جلال : بتغير الموضوع ماشى عايزها لى
مراد : هسالها اتعامل ازاى مع ملك واعرفها ازاى انى انا باباها
جلال: تمام هطلبها وابعتهالك
*************”””””””””””
بعد مدة الباب خبط
مراد : اتفضل
اسراء بخجل: دكتور مراد حضرتك عايزنى
مراد ببسمه : اه اتفضلى
اسراء : اتفضل
مراد : انا محتاج استشارة نفسيه انا كنت متجوز وحصلت مشاكل بينى وبين مراتى واطلقنا وهى كانت حامل وسافرت ورجعت من فترة ومعاها بنتى بس
اسراء: بس اى
مراد : بنتى دلوقتى عندها ٤سنين وكمان مامتها كانت معرفاها ان ابوها شخص تانى وكانوا عايشين سوا
اسراء: تمام حضرتك ممكن اتكلم مع بنت حضرتك الاول لازم اعرف طباعها لانوا بناءا عليه هنتعامل معاه
مراد : تمام تعالى الفيلا بكرة اى رايك
اسراء ببسمه : تمام بس سؤال
مراد: اتفضلى
اسراء : مامتها فين
مراد: موجودة فالفيلا
اسراء: تمام لان هى كمان ليها دور
مراد : شكرا دكتورة هستنى حضرتك
اسراء: ان شاء الله عن اذنك
مراد : اتفضلى
##############$$#
عند مليكه
رهف: مالك يا مليكه
مليكه : مفيش تعبانه هطلع اريح شوى
رهف: تمام
مليكه : معلش خلى بالك من ملك
رهف: متخفيش
مليكه سابتهم وطلعت
سمر: تفتكرى مراد هيسامحها
رهف : مراد بيعشقها مسيره هيسامحها بس مسأله وقت
*********************
مليكه طلعت اوضتها وقعدت عالسرير ومسكت المخدة وبتشم ريحه مراد فيها وقلبها بيحن ليه
: معقول يا مراد توصل للدرجه دى متوقعتش رد فعلك ابدا قلبك قسى عليا قوى
وحضنت المخدة ونامت شوى وصحت على صوت ملك
ملك : قومى يا ماما
مليكه بتعب ونعس: حبيبتى انا تعبانه ينفع تسبينى اريح شوى
ملك : مالك يا ماما
مليكه : ظهرى واجعنى شوى
ملك : من اى
مليكه فسرها : من الارض يا حبيبتى اللى باباكى نيمنى عليها فاقت على صوت ملك : انا هجيب مرهم وادهنهالك
مليكه : ياريت يا حبيبتى وانا هجهزواستناكى
ملك طلعت تجرى ونزلت
ملك : طنط رهف ماما عايزة مرهم لظهرها
رهف : اتفضلى يا حبيبتى
ملك اخدته ومشت ووقفها مراد
مراد : بتجرى لى يا حبيبتى
ملك بزعل: ماما ظهرها واجعها ومحتاجه مرهم وهى مستنيانى
مراد ببسمه : طب هاتى وروحى العبى انتى مع زياد
ملك : ماشى
مراد اخد المرهم وطلع لمليكه وفتح الباب واتصدم من منظر مليكه كانت بهدومها الداخليه اللى فوق ولابسه بنطلون بارمودا
مليكه : جيتى يا حبيبتى تعالى بقى ادهنى ظهرى كويس
مراد قرب وبدا يدهن فظهرها ومش قادر وبيلع ريقه بالعافيه
مليكه : تسلم ايدك يا حبيبتى وقامت ولفت ولقت مراد فى وشها وقلبها وقع فى رجلها وكانوا قريبين من بعض
مليكه نفسها بيطلع وينزل من قرب مراد
مليكه بهمس: انا انا فكرت ملك
مراد وهو باصص على شفايفها قرب منها : عارف
الاتنين حنوا لبعض وكانوا مشتاقين لبعض لدرجه نسوا المشاكل اللى بينهم
بعد مدة مراد بعد بسرعه
مليكه : فى اى
مراد بغضب: متتبعيش الاسلوب دة معايا
مليكه بغضب لفت نفسها بالملايه : اسلوب اى يا مراد انت اللى قربت منى
مراد : وانتى ممنعتنيش لى ولا كنتى مفكرة انى هنسى لما ننام مع بعض
مليكه كلامه وجعها : انت بتقول دة انا فكرت يعنى ان انا وحشتك وو
مراد قاطعها: وانى واحشك وعشان كدا مقدرتيش تبعدى عالعموم انتى موحشتنيش انا ضعفت ضعفت اى راجل قدامه واحدة شبه عريانه
مليكه بصدمه : واحدة
مراد : اه غير كدا متحلميش انا بقالى ٥سنين مقربتش من ست واكيد لما اشوف واحدة قدامى خالعه هضعف
مليكه بصراخ : بس متكملش وسابته وطلعت تجرى عالحمام
مراد قعد وزعلان من نفسه ومش عارف ازاى قدر يعمل فيها كدا
اما مليكه دخلت الحمام وفضلت تبكى كتير
*********”””””””””””””””
الكل تحت متجمع عالعشا ومستنيين مراد ومليكه
مليكه: مساء الخير
الجميع : مساء النور
سهير: امال مراد فين
مليكه بتوتر: مرا.
مراد : انا اهو يا حبيبتى
ملك : واو انكل مراد انت جميل فالبس دة
كان لابس تيشرت ابيض وبنطلون جينز
مراد : مرسى يا روحى وراح باسها وقعد جنب مليكه
واتعشوا وانتهى العشا وقعدوا فالجنينه وجه عبدالله ومنى
عبدالله : عامل اى يا حبيبتى
مليكه وهى بتحضنه : بخير
وقعدوا سوا
عبدالله : هتعرفوا ملك ازاى
مراد : فى دكتورة نفسيه هتيجى بكرة تقعد مع ملك
وهتقلنا هنعمل اى
مليكه : هو انت مش شايف انى لازم كنت اعرف الموضوع دة
مراد : لا مش شايف
مليكه : مراد متختبرش صبرى ملك بنتى وانا المفروض اعرف كل حاجه عايز تعملها وتخص ملك
مراد ببرود : اديكى عرفتى
مليكه : بجد حضرتك انا مكنتش هعرف غير لما عبدالله فتح الموضوع
مراد بغضب: مليكه انا مش عايز وش
عمر: اهدوا يا جماعه مش كدا الولاد بدؤا يلاحظوا
مراد : انا سيبهالكوا ومشى وراح قعد مع ملك
عند ملك والولاد مراد قاعد بيلعب معاهم ومليكه الصغيرة ملاحظ انها بتلعب بعنف مع ملك ومش راضيه تكلمه
مراد : مليكه حبيبى تعالى فحضنى
مليكه راحت لحضنه
مراد: مالك يا حبيبتى
مليكه : مليش
مراد : طب لى بتلعبى مع ملك بعنف
مليكه : عشان من لما جت وانت حبيتها اكتر منى وبتلعب معاها اكتر منى وكلكوا مهتمين بيها
مراد فهم مليكه وغيرتها : لا يا حبيبتى انتى حبيبتنا كلنا احنا مهتمين بيها عشان هى صغيرة وجديدة فالعيله ولازم نلعب ونهتم بيها عشان تحبنا وتقدر تعيش معانا وانتى كبيرة وشاطرة وهتلعبى معاها وهتحبيها
مليكه : يعنى انت بتحبنى
مراد : طبعا بحبكوا انتو الاتنين زى بعض
مليكه بفرحه : وانا هلعب معاها ومش هزعلها
مراد: برافوا انتى كدا شطورة وكبيرة
**********************
فى غرفه اياد
رهف: بس اللى بيعمله مراد دة غلط
اياد : انا شايف ان رد طبيعى واحدة خبت انها حامل وسافرت ومرجعتش غير بعد ٥سنين ولولا الظروف كانت فضلت مخليه
رهف : بس مليكه كانت مجروحه منه لان هو خان ثقتها
اياد : وهو مجروح منها
رهف : بس هى مكسورة وحزينه قلبه مطاوعه ازاى وهو شايفها كدا دا مكنش بيستحمل الهوا عليها
اياد : الجفا بيجيب جفا
رهف: انا ممكن اهون عليك كدا يا اياد
اياد راح عندها وحضنها : انتى عمرى وحياتى وكل اللى ليا مستحملش اشوف دمعه فى عينك
رهف: ربنا يخليك ليا
******************
عند جلال
تقى: صعبانه عليا مليكه اوى
جلال : ربنا يستر انا مراد مش مطمنى
تقى: ربنا يستر
جلال: الولاد ناموا
تقى اه
جلال: طب اى
تقى : اى
جلال : متيجى
تقى : اجى فين
جلال: نجيب مليجى
تقى : نعم تانى لا يا حبيبى ولادك منشفين ريقى ومطلعين عينى عن اذنك نعسانه
جلال وهو بيضربها بالمخدة: نامى نامت عليكى حيطه
