رواية نصابة في جوازة رسمية الفصل الثالث بقلم محمود النجار
بعد ما سرقت موده الشنطه وضحكت على علوان ورضا وحس علوان بتأنيب الضمير لانه إلى ساعد موده في سرقه شنطه وفلوس رضا وقرر أنه يعوضه ويدفعلوا حساب الفندق وايضا لما سمع بظروفه قرر يعطيله خمسه الاف جنيه وقدر رضا يحطله مخدر فى الشاى ويسرق كل فلوس الحاج
علوان والفندق يتصل بالبوليس ويححق معاه رئيس المباحث ويكتشف علوان أن موده ورضا عملوا عليه اللعبه دى وأنه خامس واحد يتنصب عليه بنفس الطريقة وان الداخلية والخارجية عندهم مهمه
رسميه وخطيرة وعايزين البنت مودة النصابه في تلك المهمه لأنها اصلح واحده تنفذها بامتلاكها على قدرات خاصه مش موجوده عند أي من ظابطات الداخليه وبدأ راشد يبحث عنها للقبض عليها
وتسليمها للقيادة علشان تنفذ المهمه وأثناء تواجدها داخل بيتها وجدت شخص بيخبط على الباب فقامت تشوف مين بيخبط فإذا كانت المفاجاءة وهي
أن الرجل الذي كان أمام الباب وفتحتله مودة هو رضا
موده ... انت جيت يارضا
رضا .... هههههههههههه لا لسه هناك ما أنا واقف أمامك اهوه
موده ... حاسبت للراجل يارضا ولا سبته يتنبه
رضا .... مش غايظني فيك الا حنيه قلبك دى يا موده احنا نصابين وحراميه يعني شغلتنا مفهاش حنيه قلب
موده .... يا اخي احنا غلابه والجوع قرصنا وهو إلى خلاني اوففك انصب على الناس علشان علاج امی واصرف على اخواتي ولو مكنتش اتنيلت حبيتك مكنتش نصبت معاك و عرضت نفسي للخطر
رضا .... يعنى بتنصبي معايا علشان بتحبيني ولا علشان تصرفي على أهلك
موده ... الاول علشان اهلي وبعدين حبيتك ووقعتني في حبك وبقيت انصب معاك واساعدك خاصه انك بتختار الناس الاغنيه يعنى إلى ببتواجدوا في اماكن مينفعش يدخلها غير الاغنيه
رضا .... طبعا امال هننصب على فقراء ومساكين زينا طب هناخد منهم ايه هم اصلا محلتهمش حاجه
موده .... طب فين نصيبي من فلوس الراجل عايزة اروح واجيب لامي الدواء واجيب لاخواتي لقمه حلوة يتعشوا بيها
رضا .... ايه ده انتى مش هتباتي معايا
موده .... ابات فين ياروح امك انت عايز يحصلك زي إلى حصلك العمليه الى فاتت لما الشطان وزك وقلت استفرد بيها فى الشقه لوحدها
رضا ... متفكرنيش انتى قلبك اسود بحبك وكنت عايز اخد بوسه ايه الى حصل يعنى الدنيا هتنهد تقومى ضرباني بالشلوت في مقتل وتقيديني على الكرسي طول الليل نايم متقيد لحد ما روحتى وجبتي فكتيني الصبح
موده .... قلتلك مش هتلمس منى شعرة الا لما نتجوز رسمى يارضا ولو انكررت تاني هفتح بطنك بالمطوة دي
رضا ... يالهوى انت ماشيه بمطوة في شنطتك يا مودة مقصود يسموك حمه وسوده مش يسموك موده ده كله علشان بوسه امال لو كان خیالی شطح وقررت المس او أمسك حاجه
مودة ..... طب جرب كده يارضا وانت هنشوف
رضا .... غصب عنى لانى بحبك والشطان شاطر بيضحك على وبيوزني عليكي
موده .... لانت ولا شياطين جهنم كلهم يقدروا ياخدوا حاجه منى غصب عني ولما يجي يوزك قله ده مجنونه وشايله ماطوه في شنطتها وممكن تموتنا
روح اتشطر عليها انت وابعتهولى شطانك ده وانا اربيه واخليه يتوب ويى ياخدك معاه علشان يصلى الفجر معاك جمعة
رضا هههههههههههه مش بيعجبني فيك الا شخصيتك القويه دى وإجراءتك هتوبي الشيطان مرة وحده
موده .... ايوه هتوبه واتوبك يلا اخلص وهات نصيبي في العمليه عايزة اروح
وطلع من جيبه عشرة آلاف جنيه واعطها خمسه منهم
موده خمسه بس يارضا انتى بتسرقني وانا عارفه بس لو عقشتك متلبس هجز رقبتك
رضا .... هسرقك ليه يا حببتى الفلوس اللي لقيتهم مع علوان عشره الاف جنيه بس ليد خمسه معاك وخمسه معايا مش متفقين بالنص
مودة .... يا حرامي خش فى عبيّ خش فاكر موضوع العمده لما قلتلي ملقتش معاه غير عشرين الف وانا صدقتك وتانى يوم اسمع في الجرائد انك سارق خمسين ألف يعنى ادتنه عشره وضربت في جيبك أربعين ألف يانصاب لو مكنتش بحبك كنت بلغت عنك
رضا .... واهون عليكى تحبسي حبيبك وتبلغى عنى وبعدين حد يصدق الجرائد برضوا بيكبروا المواضيع علشان الناس تتشوق وتابع الموضوع إنما لو واحد انسرق منه الف ولا عشره محدش هيتابع الموضوع من اساسه لتفاهه المبلغ
مودة .... نصاب وللاسف مطرة اصدقك لاني بحبك
رضا .... ولو بنصب عليكى ما هو كله ليكي علشان نتجوز واجهزلك شقه وعفش وجهاز وعربيه
مودة أنا مش عايزة لا جهاز ولا عربيات أنا عايزة نتجوز بالحلال جواز رسمى وانا اعيش معاك على الحلوة والمرة ونتوب وتشفلك شغلانه تاكلنا بالحلال
رضا .... خلاص بكرى هجيب المازون ونتجوز
موده .... بتكلم جد
رضا .... ايوه هتجى بكرة هتلاقى الماذون جاهز وكله تمام
وبالفعل روحت مودة لبيت العائلة وهو بيت متواضع جدا وبتعيش فيه مع امها المريضه وثلاث اخوات اصغر منها
امها ... اتاخرتي ليه يابنتي
مودة .... معلشي يا امي كنت في المستشفى والدكتور إلى شغاله معاه اتاخر شويه واطريت استناه لانه كان عنده عمليات كتير واول ما قبضني روحت
الصيدلي جبتلك اهم حاجه الدواء وعديت على الحاتي وجبت كيلو كباب مشكل علشان نتعشوا سوا
امها .... ربنا يسترك يابنتي ويعطيك على قد نيتك طب صحى اخواتك واكليهم
وبالفعل صحت اخواتها واكلتهم وتعشت معاهم هي وامها وناموا في سعاده
وبعدين دخل راشد على العميد ناصر
راشد السلام عليكم يا فندم
ناصر .... عملت ايه يا راشد
راشد .... لفيت على البنت ومش لاقى ليها إثر خالص شكلها من محافظه بعيده وبتيجى فنادق القاهرة وبعدين بتنصب فيها على ضحاياها وترجع على بلدها هي والى بيعونوها وخاصه أن الفندق إلى تنصب فيه مرة مترجعلوش تانى ابدا
ناصر ..... يعنى ابلغ الوزير يصرف نظر ولا ايه يا رجاله الداخليه ووحوشها
راشد .... طب هنعمل ايه يا فاندم هنسحر ولا هنضرب الودع حتى صورتها إلى رسمها رسام الداخليه من وصف ضحاياها محدش عارف يتعرف عليها
ناصر ..... بقولك نزل صورتها في الجرونال وقول اي حد يعرف معلومه عن صاحبة تلك الصورة ليه مكافأة مائة ألف جنيه
راشد لدرجه دى ياه مائة ألف جنيه معقول هي مهمه
ناصر .... مهمه اوى والأمر
الموضوع في غاية الخطورة
راشد .... هي ايه المهمه بالظبط يمكن أنا أقدر اقوم بيها
ناصر ..... لا يمكن
راشد ... لا يمكن ليه بس
ناصر .... علشان المهمه عايزة ست زكيه
راشد .... واشمعنا ست یعنی
ناصر .... علشان هتجوز جوازة رسمية من شخصيه معروفه عالميا
راشد ..... ازای مش فاهم هو ايه طبيعيه المهمه دی
ناصر .... قلتلك عايزين ست زكيه تجوز جوازة رسمية من شخصيه عالميه
راشد .... طب ليه الدوله عايزه موده بالذات تجوز الشخصيه دى وايش عرفكم أن الشخصية العالميه دى هتوافق اصلا على الجواز من موده
ناصر ..... لا اول ما يشفوها هو هيوافق
راشد .... طب هتجوزه ليه ايه الحكمة من الجوازه دی
ناصر ... اسالتك كتير ولما تقبض عليها هقولك على تفاصيل المهمه
راشد .... افهم بس هتجوزه ليه ليه الدوله ووزارة الداخلية والخارجية عايزنها تجوزه ليه
ناصر .... علشان تجبلنا منه حاجه ضروريه ومهمه للبلد
راشد والحاجة متجيش الا بالجواز ناصر .. ايوه يغلباوي
راشد .... حاجه ايه
ناصر ... حاجه مهمه تخص البلد
راشد ... ما نبعت بتوع المخابرات يسرقوها سهله مدام دى حاجه تتسرق
راشد ... ومين قالك أننا مبعتناش المخابرات وكمان ظابطات كتير تقوم بالمهمة ولاكن كل المحاولات فشلت وأصبح الشخصيه المشهورة دى على علم اننا بنخطط لسرقه الحاجه دي فعمل احتيطاته وامن نفسه واى محاوله أخرى بتنكشف
راشد ... طب ما يمكن موضع النصابه ده يتقفش وتفشل المهمه برضوا مدام الشخصيه دى عاملها احتياطها
ناصر .... دى نصابه وطريقه تفكيرها في النصب مبتكر شفت موضوع نصب الشنطه إلى اخترعته قدرت بذكائها تجبر الضحيه هو إلى يخش وهو إلى يطلب يساعد وهو كمان إلى بيكشف عن الفلوس إلى معاه
طريقه محترفه ولما الخارجه عرفت بموضوع طريقه نصبها دى فكرت تستعين بيها وطلبت وزير الداخلية يبحث عنها وكلفونى وانا كلفتك بس انت مش عارف تجبها
راشد .... طب ايه الحاجه المطلوبه دى
ناصر .... هاتها وانا هقولك واكتب أيضا تحت الصورة في الإعلان أن جميع القضايا بتاعتك یا مودة الداخليه هتجبلك عفو بس تسلمى نفسك للوزير فى أمر خاص وهام جدا ومتخافيش
راشد ..... حاضر ياه الموضوع مهم وكبير لدرجاتي ايه الدوله انسرق منها ابو الهول ولا الاهرامات وحنا مش عارفين طب اخر سؤال وهمشي انفذ المطلوب منى
ناصر .... اسال وخلصني
راشد .... هو مين الشخصيه العالميه إلى عايزين موده النصابه تجوزه
ناصر .... الشخصيه دى تبقي
شكرا لزيارتكم عالم روايات سكيرهوم
