اسكريبت اشكو لك الشوق الذي لاقيته والذنب ذنبي الفصل الثالث 3 والاخير بقلم أية السمحاوي

 اسكريبت اشكو لك الشوق الذي لاقيته والذنب ذنبي الفصل الثالث بقلم أية السمحاوي

" سـارة.. سـارة قـومي. "

صحيت بصيت على السـاعة لقيـتها تـلاته بليل.. و البنت نايـمة في سريرها. قعد جنبـي و رمـى نفـسه في حضني.. كتمت ضحكتـي بـصعوبة.. دا مكملـش لليـوم التـاني.. أحنـا درامـا كوين!! 

رفـع راسـه يبُصلـي، و باس عيـوني و رجع نام تاني:-

" حقـك عليـا.. كنـت بـنكُشك عشان ألفت انتبـاهك ليـا شـوية. 

من يوم ما آيسل جات و بقا اهتمامك كلـه بيـها.. بصـراحة كده كنت بغيـر منها.. اعتبريني غسـان.. 

حقيقي قـوة تحملـكم فظيـعة.. أنا مش هتجـوز ولا نيـلة..  

كنت عـايز ازهقـك شـويـة، عشان تاخـدي بالك منـي.. "

ضحكـت عليـه، أنا عارفه من الأول أن كريـم مش هيتجـوز.. 

لكن لو كنت انفعلـت و زعقت، و انت و انت و انت.. كان هيسُـوق فيها و يزيد.. 

ضميـته، أنا فعلاً انشغلت جداً، لكن دلوقتي هو قّـدر دوري و انفعالي و كل حاجه.. 

" طب مش هتكمل اليوم التـاني طيب.. تقمـص دورك طلع منعش جداً "

ضـحك عليا، و قال:-

" أنا كنت مستفز أوي بجد.. كنت مستغرب انك بتقولي عليا جّبلـة و مستفز.. طلع معاكِ حق.. انا كان نفسي أجيب رقبتك بين إيدي. "

" شوفت من كام سـاعة بس و عايز تقتلني؟ الواحده بقا بتستحمل الوضع دا سنيـن.. و بالك بقا لما يكون في نسـخه تانـيه.. كنت عايزه اولع فيك و في ابنك.. "

اتعـدل يبُصلـي، و غمض عيـونه نُص كده:-

" طب و بنتـك... دي مش بتبطل عياط بجد.. ولا وقت الطبيخ.. انتِ ازاي كل يوم بتعملي فطار و غدا و عشا و شغل البيت بـدراع واحد.. 

و البنت معاكِ؟ بتعملـوها ازاي!؟ "

" إيـه؟ احنـا لسـه درامـا كـوين!؟ "

هز راسـه بلأ، و رجع نـام تـاني و أتكلم بـنوم:-

" تـؤ.. أحنـا اللي جامديـن عليـكم.. لو كل واحـد يقـدر شغل التـاني، الدنيا هتمشـي.. "

ضحكت عليـه، و اللي عـايزه أعمـلوا وصل خلاص... 

دا نـام زي القتـيل.. 

النـهار طـلع، صحيت قبل كـريم.. و لسـه آيسل نـايمة سّهـرت كتير. 

لقيت البيت نضيف، و المطـبخ متـورق.. حضرت الفـطار.. 

و صحيـته هو و غسـان.. فطـرو.. 

البنت صحيـت، دخلت أجيبها.. و فضـلت جنبـها شوية. 

لقـيته دخـل مـعاه كوبايتـن نسكـافيـة، و شد إيدي طلعنا للبـكونه و قعدنـا، قال و هو بيضحكلـي:-

" حبيـت نقضـي اليوم النهارده سوا.. أجلت الشـغل.. و لميت السُفرة و غسلت الأطباق.. سكتي بقا البنت دي عشان نعرف نحـكي شوية.. مقعدناس كـده من زمـان.. "

ضحكـت جداً، دا شكـل آيسـل علمـته الأدب فعلاً.. 

دا أنا أشكـرها بقا.. كانت فين الفـكرة دي من بـدري. 

" ألا صحيح شوفت العـروسة!؟ "

" أنا مش شايف غيـرك يا سـارة.. انتِ بالأربـعة. "

تمت

لمتابعه روايات سكيرهوم زورو موقعنا علي التلجرام من هنا