رواية حزينة الروح الفصل الثالث بقلم ليان احمد
....حزينة الروح....
سمعنا صوت الباب
وشوف عموري
يركض مدعبل سمين
ركضت علينو ودك
ابوس عمار ابن احمد
حنان فاتت سلمت
علينا حنان توها رجعت
من بيت اهلها كل
شهر شهر نص تروح
تضل اسبوع او خمس ايام
وترجع/ حنان ابنية
حبابة فقيرة هادئه
ما يعجبها القال والقيل
سكوتية احبها حيل
اذكر اول ما جبناها
جنت مكابلتها اكثر
من احمد ههههه
جنت ما اصدك عدنا
جنه بالبيت هي موليد
1993 مو اكبر مني
بجثير اعمارنا متقارب تقريبا
فدائما نكعد نسولف
اني وياها اذا عندي
دراسة ما تخليني اشتغل
تكول عندج دراسة
خلصي الله كريم
بس اني ما
يعجبي اله اساعدهم
حنان.. زين خاله انتي
هينا خابرت العصر
احمد واسمع صوت
اطفال كتله صوت
اطفال يمكم احمد
كلي بيت خاله منى عدنا
ع سريع حضرت نفسي
وماما مقبلت ارجع
مسويه دولمه اكلت
واجيت ع سريع
منى.. اني هم
مشتاقتلج والله من
سمعت من ام احمد
كالت رايحه حنان
على اهلها شكد
ضجت بس زين
جيتي شفتج
اسو...ضربت على كتف
حنان هيج لج
ممشتاقة الي خاينة لو
ما خاله يعنى ما
تيجين هسه 🙄
حنان....شعندي غير
اسو بس خاله ما
تيجي بين مده ومده
بس انتي مكابله
وجهي اربعه وعشرين
ساعه هههههه
اسو....😲😲😲ولج هيج
اصبري مني
حنان ...هههههه
اسو...تونسنا حيل وياه
خاله وثاني يوم
الصبح جده اجت
وخاله ندى وماما
وحنان وخالاتي هم
ساعدونا كلتنا وسوينا كبة
واحمد ومحمد يشون
تكه
بابا كاعد وياه ابو
مصطفى
زوج خالة ندى
احلى لمه بحياتي
اتمنه جان الزمان توقف
يم هاي لحظات اتمنه
لو ميته ولا اشوف الي
شفته
ماما عدها بس خوات
اثنين جثير تحبهم
وهمو كذلك
اقبال ..وينج اسو اسو
اسو..طلعت ها اقبال
اشونكي
اقبال ..زينه انتي
اشونك مبين نسيتي
صديقتج يابة
امن( لكه احبابة نسة
اصحابة )
اسو..لجه والله هوسة
اشلون تريديني
اعوفهم واجي عليج
اسو.. ضلينا نحجي اني
واقبال قريب نص
ساعه وفتت ع بيت لن
جوه برد صار على
مغربية اقبال صديقتي
صديقة الطفوله احبها
مثل هدير بس تضل
هدير معزه خاصة
وهدير هم كذلك
صديقه الطفولة / اقبال
مبطله همو ثلاثة
بنات اثنين مزوجات
واقبال ما مزوجه
اشرف اخوها مزوج
وعندو اطفال كثير
خوش ناس ونعم الجار
بعد مرور اسبوع رحنا
ع عمامي عندي اعمام
اثنين وعندي ثلاثه
عمات عمامي علاقتنا
عادي كل شهر همو
يجون علينا او احنا
نروحلهم عماتي مو
زينين ويانه قليل
جياتهم علينا اله بابا يعزهم
بعد مرور اشهر وسمعنا الفاجعه الكبرة . ......
