رواية كبرياء شيخ الفصل التاسع والأربعون بقلم زينب
كمره:انت الجبرتني اسوي هيج
احمد:حكمتي علي بالموت كمرايتي
كمره: لا تحجي هيج
احمد:ليش
كمره:ما اتحمل اسمعها
احمد:شفتي الحجي ما اتحملتي اتسمعي بس انه مجبور اتحمل خسارتج مو
احمد:شفتي الحجي ما اتحملتي اتسمعي بس انه مجبور اتحمل خسارتج مو
كمره:• تـعال اخذني
احمد:جاي
كمره: سديت التلفون وكمت حضرت روحي لبست الصايه والشال شويه واندك الباب راحت هديه فتحته طلع عادل
عادل: يله خويه اذا حاضره امشينا
كمره:احمد وين
عادل: بالسياره ما رضى ينزل
كمره:طلعنا من البيت وعادل قفل البيت وسلم على الحارس وصاه علي وتالي صعدنا للسياره ما عندي جرأه اباوع لأحمد صعدت بسرعه للسياره وصرت ورى عادل جان هو يسوق المسافه مو بعيده بسرعه وصلنا
احمد نزل اول شي بدون ما ينطق كلمه خفت من هدوءه
فتح عادل الباب الي وكضيت بأيد هديه ونزلت صايره ثكيله كلش حتى مشيتي بالكوه ودخلت للبيت شفت عمتي وكالت
الشيخه:ما راح احاسبج هسه على سوايتج بس صعدي لأحمد وتفاهمي وياه
ترى الي يحجي وياه هسه يكتله خلاص
كمره: هزيت براسي بأي وصعدت الدرج كوه وفحطانه بس فتحت الباب لكيته متمدد على الجربايه بس شافني دار وجه ذبيت الصايه والشال ورحت تمددت وراه طول بطول وشبكته بأيدي
حاول يوخر ايدي ما كدر شبكته بكل قوه عندي
احمد:كمره عوفيني
كمره:ما اعوفك
احمد:الي ردتي صار شتردين بعد مني عوفيني بضيمي
كمره:اريد اشبع منك
احمد:لا رد
كمره:احجي وياي لا تسكت
احمد:تركيني اريد انام
كمره:تضحك عليمن انت تغمض عيونك وتنام
احمد:لا رد
كمره:احمد فدوة جاوبني ودور علي
احمد:ما اكدر عوفيني كتلج ما اريد ااذيج
كمره:أذيني قابله
مستعده اتحمل اي عقاب منك تريد تضرب اضرب كسر اي شي سوي بس لا تبقى ساكت
احمد:اذا تبقين تلحين اعوفلج الغرفه واطلع
كمره:ليش محسسني انه رايحه للموت برجلي
احمد:والسويتي شنو معناه
كمره:حاول تفهمني هذا ابني ما اكدر أضره
احمد:فضلتي علي
كمره:شهل التفكير العندك هذا ابنك شبيك انت
احمد:اذا ابني يريد يحرمني منج ما اريده
كمره: بلا هل حجي احمد الله يخليك جاي توجع كلبي
احمد:الله لا يخليني يوم واحد اذا صارلج شي
كمره: فدوه كافي ما اريد اسمع هذا الحجي
دور علي فدوة خل اشوفك
احمد:درت عليه وكلت الها
ليش جبرتيني كمره ليش ضحيتي بيه شلون هنت عليج
كمره:يحجي وياي ويبجي
كضيت وجها بإيدي وبسته من شفته ودموعي تصب كلت
اسفه والله ما عندي حل غير هذا
لا تزيده علي الله يخليك
احمد:شبكتها وخليت راسها على صدري وكتلها
لا تبجين كافي ٲℓانــتيہ لا تزيديها علي
كمره:انت بطل بجي وانه اسكت
احمد:ما اكدر كلبي مورم
كمره:لخاطري ما اتحمل اشوفك هيج
احمد:احبج كمرايتي ودي افتح كلبي وادخلج بي وما اخليج تطلعين
شلون ترديني ما ابجي وانتي بعد يومين راح تصارعين الموت
بس فهميني شلون
كمره:ما يصيرالي شي عفيه لا تنهار اريدك قوي تظل حتى اسند روحي ﻋﻠﻴﻚ زدت بالبجي وظليت اناشغ وأجر النفس كوه
احمد:اششش كافي راح اسكت والله وانتي هم سكتي
كمره:سكتت على موده اريد يبطل بجي من دخلت للغرفه وهو دموعه تصب
حقه ما ألومه وخليته يسوي شي غصبن علي شفته سكت مسحت دموعه وبسته من خده
احمد:سندت راسي على راسها واخذت شفايفها بايسهن وخرت عنها واباوع على عيونه المليانه دموع بستها بيهن وكلت
معقوله ما اشوف بعد هاي العيون
رجعت بست خدودها ورجعت على شفايفها ما اشبع منهن
كمره بعد ما اتحمل لا تمنعيني فدوه اروحلج انه ولا تكليلي كافي
كمره:انه كلي الك ما امنعك من اي شي الي تريد تسوي سوي
احمد: ما كدرت الزم نفسي عنه جان كل ضني هاي اخر مره اكدر اتقرب بيها الها بلشت ابوس بيها بهدوء وجها وخدودها الكلها دموع مخلي بشكل مغري ما عرفت منين ابدي الوجه يشع والشفايف تنكرط والركبة تلج وصافيه وترفه جكد متقرب منها بس هل المره تختلف عبالك اول مره اشوف هذا الجمال حسيت روحي فقدت عليها كلش ما نطيتها مجال تتحرك
خبلتها بحركاتي وحضناتي واكلب بيها واتفحص بيها واريد احفط كلشي يخص هذا الجسم شفته منتهيه وغافيه بين ايدي سلمتني روحه وهاي المره الثانيه تسوي هيج وياي وتسلمني روحه بدون مقاومه
ما وخرت عنها لحد ما شبعت منها وما كترثت للطفل ما همني بوكتها ردتها بس الها وخرت عنها وكتلها
كمره
كمره:لا رد
احمد:كمرايتي احجي لا تخوفيني عليج ادري بروحي فقدت واذيتج ويمكن حتى الطفل أذيته بس مو بيدي
كمره: بلشت افتح عيوني كوه اول مره احمد يتقربلي بهل الجرئه
وجان جسمي بيها خدران ويون علي من الوجع حتى ما كدرت احرك ايدي
ما كدرت امنعه يمكن هاي اخر مره يصير هيج بينا ردت اخلي يشبع مني
بس بنفس الوكت جسمي اتأذى بس كله يهون وما اشوف دموع احمد دموعه تحركني فتحت عيوني اباوعله وهو يباوعلي بخوف وأيده تلزم وجهي رفعت راسي بسته بشفته وكتله
روحي فداك حبيبي ورجلي وابو ابني وكل عمري ودنيتي انت ولو تطلب مني مره ثانيه وثالثه ورابعه ما امنعك
احمد:شطلب ولج تريديني اموتج
كمره:سحب روحه ونام بصفي كلبت روحي علي ونمت على ايده وكتله
انزل تعشا ادري بيك ما كلت شي
احمد:وانتي اكلتي شي
كمره: اذا تاكل انت اكل وياك
احمد:شلون تنزلين هيج ادري بيج اتأذيتي وما تكدرين حتى تمشين بعد
كمره:لا تخاف علي شوي ويروح الوجع انت كوم اسبح وانه راح اخابر هديه تحضر العشا وتصعده فوك
احمد:ماشي
كمره:دخل للحمام وانه خابرت هديه تحضر العشا وتصعده ردت اشيل روحي ما كدرت تانيته على ما طلع كتله
احمد عفيه بس شيلني وصلني للحمام
شالني ودخلني للحمام سبحت وكملت احس روحي شوي احسن صح خف الوجع بس ما راح جنت ما مدخله ملابس الي لفيت روحي بالمنشفه وطلعت
طكني هوا السبلت بارد رجفت
احمد:شلون تطلعين هيج ٲℓانــتيہ عايزه مرض
كمره:بس طفي السبلت شوي
احمد:ليش ما كتيلي اجيبلج ملابس
وشعرج ليش مكشف وينكط ماي غبيه ٲℓانــتيہ غير تنشفي
كمره:ما كدرت اوكف هواي موجوعه ردت بس اطلع
شفته راح طلع منشفه واجى نشف شعري وجهي هذا كله وانه اباوع لوجها ما جاي اشبع منه هو انتبه علي
احمد:ما تكدرين تشبعين مني لو تباوعين منا لباجر
روحج بيه
كمره:حتى لو خليني اباوع ما راح اخسر شي
احمد:بسته من شفتها ورحت طلعت الها ملابس وانطيتهاالها وكتلها
راح انزل جوا على ما يكمل العشا
كمره:نزل جوا وانه بدلت ملابسي ومشطت شعري شويه وصعدت هديه جابت العشا وهو صعد وراها جنت ما اشتهي بس على موده هو اعرفه ما يأكل اذا ما اكلت
اكلت كوه وتالي خلصت رجع نزل هو بديت احضر بغراض الطفل وكل قطعه أطلعها اظل بس اشمها واكول معقوله ما اشوف ابني
معقوله ما اخلي بحضني معقوله راح يخسر حنان الام
شنو ذنبه اذا صدك صارلي شي ظليت ابجي على الساكت واندعي كون هذا المريت بي يطلع كابوس واصحى منه لو يعدي يوم العمليه على خير واطلع منها سلامات
وصار يوم ولادتي وعمليتي احمد بليلتها ما شفته ابد ادري بي ما نام للصبح وانه نفس الشي خايفه ومو خايفه
هو صح الإعمار بيد الله وكلشي قضاء وقدر ومكتوب من رب العالمين
بس جذب اكو احد ما يخاف من المجهول وشنو مصيره وهو يعرف كلش زين شنو ينتظره حضرت كل شي وصعدت عمتي اليه ساعدتني واجت امي وخالتي وياي امي ما تخلي عينها بعيني وانه ما كدرت اسألها شي بس اسألها تبجي نزلت خالتي الغراض ونزلنا انه وامي وراها شفت الكل ينتظرني والكل وجوهم تلطم بس ما حجوا اي شي اخواني كلهم موجودين وابوي هم وعمي الشيخ وحمويني وحتى شداد وأخته سمر الي تأجل عقدها على عادل بسببي كال عادل مستحيل تجيني فرحه واخوي حال الضيم حاله من اطلع سلامات عود يسون عقد ما صار ولا اصور والفرحه تصير فرحتين
ادور احمد ماكو سالت علي
وسام: راح هو وعمار يتفقون ويه دكتور القلبيه حتى يطلع يشرف على العمليه اخاف تصير مضاعفات اثناء العمليه
ابو صلاح:بويه شدي حيلج ولا تخافين رجعيلنا كلنا ننتظرج
كمره: باسني من راسي ما كدرت اسيطر على دموعي شهكت بحضنه وشبكته وظليت ابجي اجى صلاح جرني منه وكال
صلاح: مو هيج بعد اخوج كلنا وياج وما راح نتركج وراح تطلعين النا كلشي مابيج وابنج هذا بس يطلع الا أشبعه دك
كمره:مسح دموعي وباسني من راسي وكلهم يله خل نطلع احمد خابرلهم وكلهم جيبوها
وصلنا للمستشفى شفت احمد وعمار والدكتور والدكتوره ما اعرف شنو يحجي وياهم بس من وصلت يمهم سمعت الدكتور طمنه وكله كلشي مسيطرين علي بس خل تشيل الخوف والرهبة من عدها
دخلت للغرفه واجت الممرضات حتى تجهزني للعمليه بدللي ملابسي ولبسني ملابس العمليه بس الشعور بوكتها ما أوصفه الكم الله لا يخلي كل بنيه تمر بي موت بطيئ وعذاب وخوف من المجهول اجت الدكتوره وكالت اذا جاهزه يله اشرتلها براسي اي بس كتلها اريد احجي ويه احمد الي احسه يتهرب مني وما يريد يحاجيني بس لازم أودعه كلشي يصير اخاف ما اطلع منا واامن ابني عنده شويه واجى بس شفته ركضت علي وشبكته
احمد:كافي كمره خليج قويه
كمره:ليش ما تريد تشوفني
احمد:من اشوفج ما اسيطر على دموعي اريدج تظلين قويه وما تستسلمين
كمره:احبك
احمد:منتظرج كمره لا تعوفيني
كمره: باوعت لعيونه الصايرات حمر من البجي وكتله
ابني امانه عندك مو تأذي بسببي اذا صارلي شي
احمد:كمره كافي لا تحجين هيج راح تطلعين وتخلين ابنج بحضنج
ما راح يصيرالج شي
كمره:• ﺂنٰ شۨـِﺂءۙ ﺂللـِه۫ہ ٰ
بسته من خده وكتله احبك وأموت عليك
شبكني حيل وباسني من راسي وكال
احمد:لخاطري كمرايتي طلعي سالمه
كمره:اجت الممرضه وكالت يله صار الوكت اجت مشتني وايدي جان كاضها احمد سحبتها منه كوه عباله يكلي لا ترحين ابقي يمي
دخلتني لصالة العمليات تحت أنظارهم الي احسهم هما الي يطلكون
من دخلت للصاله شفت الدكتور الي أراجع عنده وكال
الدكتور:نظرا لصعوبة حالتج راح نخليلج نسبة مخدر قليله
• ﺂنٰ شۨـِﺂءۙ ﺂللـِه۫ہ ٰما تصير عندج مضاعفات حتى لا نضطر نزيد الجرعه اذا زادت الجرعه راح تتعرضين للأختناق نريدج تشيلين الخوف تماما حتى تطلعين لأهلج وأحبابج الي ينتظروج برا فكري بيهم ماشي
اذا تحسين روحج جاهزه حتى نبلش
كمره: ماشي دكتور انه جاهزه
سلمت امري لله هو كفيلي بعدها خلولي المخدر وما حسيت بشي
احمد:من أخذوها كدام عيني للعمليه عبالك سحبوا روحي مني طلعت الهم ابوها يبجي واخوانه نفس الشي حالتهم اسوؤ من حالتي وامها فاتحه القرأن وبس تقرا وتندعي واهلي نفس الشي
الدكتوره كبل لا تدخل كالت نص ساعه اذا ما صار شي وتطلع • ﺂنٰ شۨـِﺂءۙ ﺂللـِه۫ہ ٰاحس هاي النص ساعه صارت سنه علي شافتني امي واجتلي وكالت
الشيخه: شبيك يمه صرت ترجف على كيفك ويه روحك لا يصير بيك شي
احمد:الي جوا يمه مرتي وحبيبتي وروحي ما اعرف تطلع لا شلون ترديني ارتاح
الشيخه :ميخالف يمه • ﺂنٰ شۨـِﺂءۙ ﺂللـِه۫ہ ٰتطلع ما بيها شي بس انت قوي روحك
احمد:شقوي روحي يمه جاي اموت
ام صلاح:ربي بنيتي بأمانتك لا تفجعني بيها بس هل وحيده عندي طلبتها منك مره وما قصرت ورزقتني بيها بس هل مره اطلبها منك مره ثانيه
ربي دخيلك اريده منك تطلع سالمه هي ووليدها
الشيخه:ام صلاح على بختج • ﺂنٰ شۨـِﺂءۙ ﺂللـِه۫ہ ٰما بيها شي
هسه تطلع وشوفيها انه اهدي بأحمد اهدي بيج
احمد: فاتت نص ساعه وهما لا حس ولا خبر روحي وصلت لخشمي اريد بس واحد يطلع ويطمئي عليها ماكو
يا ربي دخيلك دنكت راسي وحسيت ايد على متني وشفته شداد
شداد:احمد كافي الي جاي تسوي ما يحل شي وجهك صار اصفر
اتفائل شوي لخاطرها
احمد:اول مره احس بالخوف من الخساره
شداد:احمد لا توكع علينا شجاك هاي انت السبع هيج صرت
احمد:مرتي بنص الموت وشلون تريدني اهدأ
شداد: اندعيلها وروح صلي ركعتين قضاء حاجه
احمد:ما اتحرك منا خطوه
شداد:كلنا هنا يمها وأحب اطمنك لو صاير شي مو زين لا سامح الله جان طلعوا من زمان وكالوا
احمد:لك فاتت تقريبا ساعه وهما كالوا نص ساعه
شداد:احمد مرتك مو حي الله عمليه وتخلص بسرعه
احمد:كلبي ما مرتاح يكلي صاير الها شي
شويه وطلعت الممرضه وكالت
الممرضه: منو ويه المريضه زينب
احمد:ركضنا كلنا الها
الممرضه:أنطوني ملابس الطفل
احمد:وهي شلونها
الممرضه:انه ما مخوله احجي شي انتضرو الدكتوره
احمد:لج احجي لا والله اكلب الدنيا عليج
الممرضه:اخي رجاءا اهدأ هنا مستشفى ولا تعلي صوتك
عادل:احمد فدوه بعد اخوك اهدأ شوي هي معليها هسه تطلع الدكتوره وتحجي شبيك انت
درت على الممرضه وكتلها خويه روحي
احمد:استغفرالله ربي منك الصبر
لحد يكلي اسكت ولحد يكلي شبيك ولحد يسألني شي
الشيخ:محد يسألك شي بس انت اسكت وهسه تطلع وتسمع خبر يفرحك وهسه تشوف
احمد :فاتت ساعه ونص تقريبا وانه على اعصابي حجيت
بعد ما اتحمل لازم اعرف شي اكيد صاير شي
جاي احجي وطلعت الممرضه وكالت
نحتاج دم فورا درت عليها وكتلها ليش
الممرضه:المريضه نزفت منو يكدر يتبرع بالدم الها
احمد:انه هنا بادن رجلي وكلت لا هاي هي هاي النهايه تركت كلشي وطلعت بره المستشفى احس الهوا انكطع عني واختنكت مااعرف منو تبرع الها وظليت برا كاعد ومخلي ايدي على راسي يا ساعه يجي واحد ويكلي هذا قضاء ربك
وسام:احمد
احمد:لا تكلي ماتت
وسام:كوم الدكتور يريد يحجي وياك
احمد:بس كلي عايشه
وسام:ما كلنا شي بس يريد يحجي وياك
احمد:دخلت للمستشفى ورحت للدكتور لكيته واكف هو والدكتوره وكتله بشر
الدكتور:راح احجي وما اريدك تقاطعني رجاءا
احمد:احجي
الدكتور: المريضه وكف كلبها اثناء العمليه واضطرينا نسويلها صدمات
واكثر من مره
احمد:انت مو كلت كلشي مسيطر علي
الدكتور:كتلك لا تقاطعني
احمد:كمل
الدكتور:رجعنا النبض لكلبها بصعوبه بس ضعيف
حاليا بالعنايه المشددة راح تبقى كم يوم لحد ما يتحسن وضعها كلش ويرجع كلشي طبيعي اذا ما تعرضت لأي انتكاسه
الي علينا سويناه والباقي على رب العالمين والحمدلله على سلامتها
احمد:شفهم من كلامك انه هسه
اريدك تكلي مرتك راح تعيش
الدكتور :اذا عدت يومين ماكو شي ورجع كلبها ينبض طبيعي عدت مرحلة الخطر منا ليومين هي بالعنايه المشددة وممنوع اي واحد منكم يشوفها
صلاح:خويه احمد سلم امرك لربك • ﺂنٰ شۨـِﺂءۙ ﺂللـِه۫ہ ٰتعدي وترجع النا
الدكتور ما بيده شي الي كدر يسوي سواه والباقي على رب العالمين
احمد:ماشي دكتور ما قصرت بس اريد اشوفها حتى لو بس دقيقه
الدكتور:خل تفوت كم ساعه وانه بنفسي ادخلك عليها واخليك تشوفها
الدكتوره:منو منكم يستلم الطفل
احمد:واحد منكم يروح يستلمه ما اريد اشوفه
الشيخه:شهل ااحجي هذا انت ابوه وغصبن ﻋﻠﻴﻚ تشوفه هو شنو ذنبه
احمد:يمه روحي أنتي استلمي تحرم علي شوفته كبل لا تصحى امه
الشيخ : بويه انت عاقل مخبل
احمد:مخبل
الشيخ:الله يهديك
روحي ٲℓانــتيہ يا مره واخذي خالتها وياج ويجيبوا الطفل بعد ظلته هنا ما الها معنى لحد ما تصحى امه ونجيبه الها
احمد:راحت امي استلمت الطفل وأخذته هي وخالتها ورجعت بي للبيت
الطفل صحته ممتازه هذا الي عرفته من حجيهم بس ما اعرف ليش ما اريد اشوفه يمكن حملته السبب بالي جاي يصير بأمه ادري بي هو طفل وماله ذنب بس لو ما هو هسه امه يمي وبحضني ونتناكر انه وياها
خليت الكل يروح شفتهم تعبوا وظلتهم ما منها فايده بقى يمي بس صلاح وأمها وأبوها كوه شلعناه من يمنا الرجال انتهى من البجي يا ساعه يطيح علينا فاتت ساعات وهي على وضعها كل تحسن بحالتها ماكو
اجى الدكتور يشوفها وكتله انت وعدتني تدخلني اشوفه
الدكتور:• تـٰ؏ـﺂﺂل وياي
احمد:اخذني ولبسني ملابس مالت المستشفى ودخلني وانطاني بس خمس دقايق اظل يمها
دخلت وشفت حبيبتي بين الحياة والموت
دنيت الها بست راسها وجهاز الاوكسجين بخشمها وجهاز القلب بصدرها
وجهاز بأيده
اخذت ايده وبستها وكتلها
ٲℓانــتيہ وعدتيني ترجعيلي كمرايتي ليش خلفتي بوعدج الي
لا تموتيني وانه عايش رجعليلي من فدوه اروح لهل النومه النايمتها
لا تخليني اكره ابنج وما اشوفه طول عمري
رجعي لخاطره مو لخاطر احد
ٲℓانــتيہ امه هو محتاجج اكثر وحده
رجعي خل اشوف ضحكتج الحلوه وجهج الحلو وعيونج الخبلني
اشتاقيت الج ولكلشي بيج
احبج يا بعد النفس والروح ٲℓانــتيہ
تالي اجت الممرضه وكالت
الممرضه:الوقت خلص لازم تطلع مو زين عليها
احمد:شبسرعه خلص ما حسيت بي خليني شوي بعد
احمد:شبسرعه خلص ما حسيت بي خليني شوي بعد
الممرضه:ما اكدر لازم تطلع هسه لا تعرضني لمشاكل اترجاك
احمد:خلص طالع
دنكت بستها من راسها وكتلها كون انه بمكانج نايم
هاي النومه الي مو الج
طلعت منها تلكوني امها وصلاح
صلاح:شلونها بشر
احمد:شبشر هي والميت سوا
ام صلاح:سوده علي عساها بيه ولابيح بعد روحي بنيتي
صلاح:يمه مو هيج لا تدعين على روحج
احمد:صلاح اخذ عمتي وروح تعبت كلش لا يصعد ضغطها انه هنا اذا صار شي أبلغكم
صلاح:ما اكدر شيخ ما ينطيني كلبي اعوفه واروح
وامي هسه اخابر واحد من الولد يجي ياخذها
ام صلاح:ياخذ من
صلاح:يمه لا تعاندين لازم ترتاحين
ام صلاح:وحك هو علي خطوه وحده ما اتحرك من مجاني
بنيتي جوا يا ساعه تروح مني وانه تريدني ارتاح
عساني لا ارتاحيت ولا شفت الراحه
احمد:عمه فدوه روحي بس ارتاحي ونامي ساعتين وبعدين رجعي
هسه ٲℓانــتيہ كاعده ومتكسره وراج دوا لازم تأخذي
تردين كمره تصحى وتلكاج طايحه وترد انوب اتطيح علينا
ام صلاح:ولكم ما اكدر كلبي مثل النار عليها هاي بنيتي رويحتي
شلون اعوفها وامشي
صلاح:يمه اترجاج لا تسوين هيج بروحج امشي انه اخذج نرتاح ونسبح ونجي ما نتأخر
احمد:يله عمه روحي فدوه لخاطر كمره مو لخاطر احد
اريدج كون من تصحى تلكاج على راسها واكفه
ام صلاح:أخذوني بس اجي ما اظل هناك وبتي هنا
صلاح:والله اجيبج بس كومي وياي
شيخ احنا رايحين ما مطول ساعه ساعتين ونجي
حلفتك بكمره اذا يصير شي تنطيني خبر
احمد:• ﺂنٰ شۨـِﺂءۙ ﺂللـِه۫ہ ٰ
راحوا هما ظليت وحدي مده تالي اجوا الولد عادل وعمار
عادل:احمد انت تعبت اليوم كلش روح ارتاح واحنا هنا بمكانك
احمد:ما اتحرك منا
عمار:احمد ادري مو وكته هذا الحجي بس انت تعبان وجهك اصفر وحالتك حاله ما تسر لا صديق ولا عدو روح بس اكل لكمه وأسبح وارتاح شوي وتالي ارجع احنا هنا يمها ما نفاركها لا تخاف
احمد:ما اكدر لا تحاولون
عادل:شوف خابرت على شداد راح يجي ياخذك هو الوحيد الي يكدر الك
احمد:كتلكم ما اتحرك ليش تلحون
عمار: احمد روح شوف ابنك والله بس تشوفه ترتاح
احمد:ما اريد اشوفه
عمار:نسخه من امه من تشوفه عبالك شايف امه
احمد:حرمت شوفته كبل لا تصحى امه
عادل:خويه هذا طفل ما اله ذنب بشي وهذا ابنك طالع من كلبك ما يصير تحجي هيج
احمد:سكتوا لا تحجون شي بعد
اجى شداد وراد ياخذني للبيت قنع وراد بس يشلعني من مكاني وانه ابد قفلت
تالي جروني كوه للكافتريا وكلوني على اعصابي
شلون يدخل الزاد وشلون اكل والي هي عمري ما تحرك لا ايد ولا رجل والنفس كوه تاخذه شمرت الاكل وتركتهم ورجعت وظليت مرابط يم غرفة العنايه
عدى اليوم الاول على خير وما صار شي الدكتور كال هاي بشاره بعد كون يعدي اليوم الثاني وما صار شي نحاول نشيل الأجهزة ونخليها تتنفس طبيعي
الولد ما تركوني ولا اخوانها جكد حاولوا يرجعوني وانه ولا تحركت اريد كون من تصحى اول واحد تشوفه انه
تالي اجى ابوي وكعد كبالي وكال
الشيخ:كوم امشي وياي
احمد:محد كدر يطلعني منا اخر شي ودوك انت
الشيخ:بس ارجعلك ساعتين ارتاح بيها واكل لكمه وأسبح وبدل ملابسك
صارلك يومين هنا عايش بس على الماي
احمد:ما اكدر يابه لا تحاول
الشيخ:حلفتك بعزيزة كلبك كمره ترجع وياي
احمد:يابه مو هيج ما اكدر اعوفها
الشيخ:وليدي راح ترجع هنا ما نطول كلها ساعتين
ولا تخاف عليها الولد وإخوانها كلهم هنا
احمد:اخاف اعوفها ويصير الها شي كلبي هيج يكلي
الشيخ:• ﺂنٰ شۨـِﺂءۙ ﺂللـِه۫ہ كلشي ما يصير يله وليدي كوم
احمد:استسلمت وطلعت من المستشفى كوه بس كلبي ظل يمها ورجعت للبيت
على السريع سبحت وبدلت ونزلت اريد اروح ولكيت امي واكفتلي بالباب
الشيخه:اكل لكمه واطلع
احمد:مستعجل اكل بالمستشفى
الشيخه:ما تتحرك كبل ما تاكل لكمه ياله تطلع
احمد:يمه وخري عن طريقي تأخرت
الشيخه:اعبرني وامشي اذا تكدر
احمد:استغفرالله امشي اكل امري لله
اكلت بسرعه وكعدت كدامي رادت بس تقنعني اشوف الطفل ما قبلت
كملت وطلعت لكيت وسام منتجي على السياره وبيده السويج
وسام:تفضل دكتور احمد انه أوصلك
احمد:وسام انطيني السويج وخر عن طريقي
وسام:حتى توصل للمستشفى جنازه
اخوي واعرفك زين تسوي بيتنا والمستشفى خطوتين
اصعد وانه أوصلك
احمد:اليوم الكل متفق علي
اصعد وصلني بس بسرعه بس اشوفك تمشي بطيئ ادفرك والله وانه اخذ السياقه عنك
وسام :صار
احمد:على ما وصلت للمستشفى روحي خلصانه اريد بس اوصل وارتاح رحت عنها ساعتين بس احسهن دهر كامل وانه بعيد عنها
بس دخلت للمستشفى وصلت يم غرفة العنايه لكيت الدنيا مكلوبه وهوسه ركضت بدون شعور بس اريد اعرف شنو صاير
شفت صلاح كاعد بالكاع وأيده على راسه سألته شصاير احجي
صلاح:شيخ كمره.......
احمد:شبيها
صلاح:لا رد بس يبجي
احمد:رفعته من ياخته وكتله بصياح
ولك احجي شصارلها لو اطلع بروحك هسه
صلاح:الدكتور شال الجهاز عنها وكلبها وكف
احمد:.....................
::::::
شكرا لزيارتكم عالم روايات سكيرهوم
