رواية عشق الضابط الفصل الرابع بقلم زينب نور
بالبداية شكرا للبنوتات الحلوات الي ديقرن و
يتفاعلن سويلي واهس أكمل ف شكرا ورداتي!
سحب كرسي وكعد وهو دايخ ومتاذي اني صدك بالبداية ضحكت بس بعدين انقهرت علي !
كبل جبت جيس مال ثلج من الثلاجة وسحبت كرسي و كعدت كدامه بس ما جنت اكدر اوصل اله !
هو باعد بين رجليه وسحب الكرسي مالتي اله بحيث صرت كلش قريبة علي خليت الثلج ع راسه
: هنا ؟!
سئلت ع الالم هو كمش ايدي وحركها ع المكان الي يوجعه وبقه كامش ايدي ، طلع صوته هادى
: هنا .
بقه كامش ايدي وهو نسه الثلج واني هم نسيت السالفه بقينه واحد يباوع للثاني ، وهو نضراته وترتني!
تجرأ و حرك انامله ع رجليه ع كيف سبب رعشه بداخلي انفاسي ثكلت وبالكوه اسحب نفس !
صعدت أيده وكمش خصري و قبل لا يتجرأ زايد سئلني وصوته مليان رغبة
: اوگف ؟!
ما رديت لأن حرفيا جنت بغير عالم كمش وجهي وخله عيني بعينه
: اوگف ؟
سؤالها جان محرج بشكل مو طبيعي شنو ارد علي قابل ف من شكد ما خدرت جيس الثلج وكع من ايدي و ع صوت وكعته حسيت ع روحي !
سحبت روحي بسرعة واني بعدني عركانه وهو ما قصر كبل طلع من المطبخ ميريد يسوي الموقف أكثر احراج !
كملت غسل و سمعت صوت بابا يصيح وهوسه اني كبل ركضت ع صوت لكيت بابا كاعد يصيح وميس تبچي
: شكو يابه ؟ شديصير ؟!
ما رد عليه وبقى يصيح ع ميس
: لا والف لا كلت اني بناتي ما يتزوجن اله يكملن دراستهن ويتعينن يلا الله كريم وكتها!
طلع صوت ميس وهي تبچي
: بابا اني هاي السنة اتخرج أن شاء الله يعني شنو الفرق بين هسه اذ اجه خطبني لو بعد كم شهر !
؛ وشنو شعبالج اول ما تتخرجين تزوجين ؟ لا تتعينين و تعتمدين ع نفسچ يله !
: بابا اني احبه حرام عليك ولله !
: حرام عليه ؟ بنت الكلب اني اريد مستقبلچ واني تكولين حرام عليك !
ع صوت الصياح و الهوسه حتى محمد طلع من غرفته
: شكو استاذ اعصابك ، اهدأ شويه !
تقدم ياسر من عنده وهو لكه فرصة علمود يسمعه حجي
: رجاء موضوع عائلي لا تدخل !
انصدم عمو من كلام ابنه
: ياسر انجب واصعد ل غرفتك !
: بابا اني شكلت ؟!
عمي ما حجه بس خزره و ياسر صعد ل غرفته ضايج اني شفت ميس منهاره رحت اخذتها وصعدنا لغرفنه من جاي نصعد للدرج بابا صاح
: هذا الموضوع ما اريده ينفتح مره ثانيه ماشي !!
بقينه كاعدين يمها نحاول نهدي بيها وهي بس تبچي جان جنات كالت
: اكلج ميس شعجب ما كلتي شي النه ؟ خاصة سوالف الحب وهاي احنه محد تضم ع الثانية شي !
اني هم مستغربة من سالفه ميس تحب لأن جانت دائما تكول مستقبلي يجي اولا !
: ميس حبيبي تهتمين ب مستقبلج اكثر من اي شي شلون حبيتي ؟ ضامه شي علينه ؟
ميس بس تبچي و منهارة حرفيا بعد ما بقت ساكتة دقايق يله اعترفت
: الولد مهووس بيه ، واني رفضته أكثر من مرة لحد ما هكر الفون مالتي و هسه يهددني بصوري اذ مزوجته!
الكل انصدم و شويه وانفتح الباب دخل محمد
: شنو هذا الي سمعته ؟!
سئل محمد و ملامح الصدمة ع وجهه ميس شافته و كامت تبچي ب الزايد و تتوسل بي
: عليك الله لتكول ل بابا !
دخل محمد الغرفة و سد الباب وراه
: ميس اعتبريني من اخوچ و كليلي هذا السافل بشنو مهددج ؟!
حاولت ميس تشرح اله بس بقت بس تبجي و الكلام ما مفهوم قاطعها محمد
: اهدأي واخذي نفس و على كيفج سولفي !
: هو وياي ب الجامعة نفس قسمي و اعترفيلي ب المرحلة الرابعة اعترف إليه واني رفضته بكل ادب وكلت اله خلينه اصدقاء و زملاء احسن ! اني توقعت اني خلاص راح يبتعد بس بقه يلح و ينشر اشاعات أن احنه سوه ، هاي آخر سنة واني متحملته ب الكوه اكول ما بقه سي ونتخرج وبعد ما اشوفه صدمني أن مهكر الفون مالتي وماخذ كل صوري ، اني حالي حال البنات الي صور خاصة ب ملابس ألبسها بس الي اني اشوفها و يهددني اذ ما نتزوج ينشرهن!
: شكد ساقط ؟!
غلط محمد بصوت ناصي وكانو يحجي وي نفسه وشويه رفع راسه عليه
: باجر اني اوديج للجامعة واتفاهم وي هذا الساقط !
اني حجيت بسرعة و عصبيه
:اني هم اجي وياكم !
رفع حاجبه عليه وضحك
: اي مو رايحين سفره احنه موو ؟!!
: مالي شغل اروح يعني اروح!
طلع من الغرفة بدون ما يباوع عليه
: الله كريم !
كلنا طشينه وراح ل غرفته بليل د افتر ب الانستا اجتني رسالة اني حسابي عام ف الكل يكدر يدخلي خاص !
: حساب عام مو ؟
استغربت فتت ع الحساب شفت صورته ( محمد )
: منين جبت حسابي ؟
: غير ضابط وكلشي يصير ب البلد اعرفه !
:غير يستقر شويه !
: المهم حسابج ليش عام ؟
: انت شدخلك !
: الفاضج حبيبي !
: راح انام باي !
: باجر ما تجين ويانه !
: انت شلك علاقه بابا غير اختي لازم اوكف وياها !
: الفاضج خرب وين متربيه ب حاويه زباله !!.
: دشوف الفاضك ب البداية يلا تجي عليه , وباجر اجي وياكم !
: تمام تجين ويانه بس بشرط!
: الله يستر من شروطك!
: اي شي اطلبه منج اتسوي لمده يوم كامل ويبدي من باجر ها شنو رأيج ؟
بقيت افكر و ما أكتب شي
: سكتي مو ؟
: تمام ما دام الطلبات طبيعه وما بيها قلة ادب !.
: قلة ادب ؟ شوكت شفتي مني قلة ادب ؟ كل ما تدخلين ل مكان اني انزل عيني للكاع 😂 !
: لا حشاك وينك وين قلة الأدب انت من الله مؤدب !
: شعبالج لعد ، هسه شنو موافقة ؟
: اي تمام موافقة !
: تصبحين ع خير يا بعد روحي !
قريت رسالته واستحيت حسيت فراشات بمعدتي حاولت ما احس بيهن بس ماكو فايده!
شكرا لزيارتكم عالم روايات سكيرهوم
